Mohamed
Hussein
20
أغسطس 2017·
عارضة الأزياء
الشهيره كورتني كارداشيان صورت فيديو لها و هي بتصيف في الجونه و نزلته على إنستجرام
, الفيديو حقق نص مليون مشاهده في أول ساعه بس , الفضول دفعني أشوف الفيديو عشان اتطمن
على وضع السياحه في بلدنا و الأماكن السياحيه و كده , مممممم لا جميله أوي الجونه دي
, أه و الله , و جسمها متناسق كمان .
..........................................................................................................
Mohamed
Hussein
20 أغسطس
2017•
الشيله
.
ماعنديش مشكله
خالص في تفهم جدلية إن مصر مابتخلاش أبدا من الكفاءات و الناس اللي يقدرو يحكموها
, بالتأكيد مصر مابتخلاش , إنما عندي حالة من الحذر و الترقب للرئيس اللي هييجي بعد
السيسي , سواء كان هييجي بعد 5 سنين أو بعد 10 , سواء كان عسكري أو مدني أو عفريت أزرق
, الحذر و القلق ده له سبب , و السبب ببساطه شديده إن مفيش رئيس هييجي الفتره الجايه
و هيقدر يشيل الشيله بتاعة السيسي , لأنه باختصار مستحيل هيكون عنده نفس الشعبيه و
نفس الجرأه , طب الشيله و الشعبيه و الجرأه دول ممكن يعملو ايه بقى ؟ هقولك أهو
.
- الشعبيه الأقل
في فتره يكون لسه فيها الطوفان شغال في المنطقه هتعني عدم استقرار سياسي ( المقارنه
مع دول زي فرنسا و سويسرا و البرازيل و أمريكا اللي ممكن يفوز فيها الرئيس ب 51 % و
تبقى الدنيا بيس و جميله أخر حماده هي مقارنه في منتهى الوقاحه و الغباوه ) .
.
- الرئيس اللي
شعبيته يادوب , هيعمل ايه في برنامج الاصلاح الاقتصادي لو كان لسه باقي فيه خطوات ؟
هيقدر عليها و يكملها ولا هيقول شعبيتي و الناس مش هتستحمل و نلاقي نفسنا رجعنا تاني
لسكة ( دلّع الزبون ) و ادعم الوقود و السلع و الدولار و خلي سعر الخدمات الحكوميه
ثابت لمدة عشرين سنه ؟ .
.
- الرئيس اللي
شعبيته يادوب هيتعامل ازاي مع ضغوط من الحلف الأمريكي من ناحيه و الروسي من ناحيه ؟
هيعرف يتعامل بطريقة ( المشي عالحبل ) و علاقات متوازنه ولا هيكوّع في ركن من الإتنين
؟ .
.
- الرئيس اللي
شعبيته يادوب هيعمل مشاريع عملاقه و يكمل المشاريع الموجوده و يحل مشاكل من جذورها
زي ما بيحصل حاليا ؟ ولا هيخاف و يكش و نرجع تاني لسياسة إطفاء الحرايق ؟ .
.
- و اهم حاجه بالنسبالي
, هو الرئيس اللي شعبيته يادوب هيعرف يقاوم طوفان الجماعه الإرهابيه اللي عايشين بره
بملياراتهم و قنواتهم و جرايدهم و لجانهم و
خرفانهم ؟ ولا هيتصالح معاهم و يرجعو للحياه
السياسيه تاني و نلاقي كل الإرهابيين و الأشكال الضاله اللي هربانه في تركيا و بريطانيا
و أمريكا و قطر رجعو مصر و بيطلعو في التلفزيون عندنا و بيشاركو في تشكيل الحكومه و
بيحددو مصير البلد ؟ و نبقى لبسنا في الحيطه
رسمي .
ليست هناك تعليقات:
إرسال تعليق