Mohamed Hussein
13 أبريل 2017·
البرادعي قاعد مع الممثل العالمي مورجان
فريمان في لندن بيتناقشو في الأمن العالمي و القنابل النوويه , أه و عهد الله زي ما
بقول لكو كده .
..................................................
البرادعي : وات دو يو ثينك مستر مورجان
أباوت جلوبال سيكيورتي ؟ يعني رأيك ايه في الحدوته دي ؟ .
مورجان : أي ثينك إت إز جود , يعني حدوته
كويسه بالإنجليزي .
.
البرادعي : أوك , جريت , أند وات دو يو
ثينك أباوت نيوكليار ويبونز ؟ دونت ساي إت إز جود , بيكوز أيام سينستيف يعني حساس بالإنجليزي
وشاي ( يعني خجول , مش شاي بلبن ) و قلبي رهيف زي الخسايه ( أنا مش يعرف يعني ايه خسايه
بالإنجليزي ) .
.
مورجان : نو نو , نيوكليار ويبونز نوت جود
, مش كويس يا خبيبي , أبسوليوتلي مش كويس , إحنا نحب بيس ولازم بيس و بتوع بيس و بنبيع
بيس .
.
البرادعي : جريت , وندرفول , هات بقى عشره
جنيه سلف .
.............................................................................................................
Mohamed Hussein
13 أبريل 2017·
مندوب روسيا في مجلس الأمن بيتهم بريطانيا
علناً بحرق الكنائس في مصر !! .
.
ايه اللي جاب بريطانيا اللي في أوروبا لارهابي
بهلول فجر نفسه بحزام ناسف في كنيسه في اسكندريه او نفذ عمليه ارهابيه في طنطا ؟!
ماهو يوم ما تفهم علاقة ( بريطانيا و أمريكا
) ب( تركيا و قطر ) ب( حماس و الجماعه الإرهابيه ) ب( البلهلول اللي بيعمل عمل ارهابي
) , يعني يوم ما تفهم سلسلة الإرهاب دي أولها فين و أخرها فين هيبقى ربنا كرمك أخر
كرم و يبقى حلال عليك صباع الطباشير اللي اتعلمت بيه , غير كده تبقى أغبى مخلوقات الله
, و يبقى خساره فيك صباع الطباشير ولقمة العيش و شوية الهوا اللي بتتنفسهم , حتى لو
معاك دكتوراه .
........................................................................................................................
Mohamed Hussein
13 أبريل 2017·
فكروني بالمناسبه , يعني ايه المسئوليه
؟
.
- يعني الاعلام مثلا يستضيف حرامي الشوكلاته
و يديله فرصه انه يكدب و يلمّعه ؟ و بالمثل يستضيف مرات الإرهابي و يديلها فرصه تكدب
و تكسب شويه تعاطف و كأن الشهدا اللي ماتو كانو كام جوز فراخ ؟.
.
- يعني يبقى جيشك بيحارب في جبهات مفتوحه
, حرب عصابات , ضد إرهاب ممول و مرتزقه من بره و جوه و سيادتك منهمك تماما في تشويه
تاريخ بلدك , زي مالخرفان بيقولو بتقول وراهم , و كأن التاريخ ده عملناه اول امبارح
بالليل , أو من يومين بس اكتشفنا اننا انتصرنا في 73 و إننا بنينا الأهرامات فبقت كل
حاجه مفتوحه للنقاش و الهري و النفي و التشويه .
.
- يعني الأمريكان و البريطانيين يسلّطو
عليك كشك عالخليج و قناه يكون شغلها الشاغل تشويه مصر لدرجة انها تعمل أفلام عن التجنيد
الإجباري ( في مصر بس ) و تفبرك أفلام دعم للإرهابيين ( اللي في مصر ) وانت برضه مشغول
و شايف ان عبد الناصر اللي خربها و شجرة الدر قعدت على تلها و كليوباترا جابت درفها
من بدري .
.
- يعني يبقى مخطط خراب و بلاد حواليك تتحرق
و جيوش تقع و بلاد تانيه تساومك عاللقمه و تستغل ان اقتصادك زفت و بلاد تضرب لك السياحه
وانت تعمل نفسك خبير اقتصادي و تحلل الأسعار كأننا في توقيت ( الأنيخ ) , توقيت عادي
جدا خالص , لا سياحه انضربت و لا فيه ارهاب بنحاربه و بيكلفنا أد كده ولا فيه مؤامره
و حصار اقتصادي , لا انت ضارب سيجارتين حشيش و فاصل دماغك عن كوكب الأرض و بتحلل الأسعار
كما لو كنا في سنة 2005 مثلا .
.
- يعني القنوات و الجرايد العالميه تفضل
تقول لحد النهارده انقلاب عسكري و تشوه 30 يونيو و ناقص يبقى اللوجو بتاعها شعار رابعه
, يعني تركيا تفتح قنوات و تصرف عليها مليارات و تلم فيها كلاب السكك الهربانين من
مصر , وانت اعمى البصر و البصيره و كل يومك يبدأ و ينتهي بتشويه الجيش و الازهر و الكنيسه
, الجيش ده اسمه عسكر ولازم يرجع ثكناته , والأزهر ده مفرخة الارهاب ولازم نهده , و
البابا ده راكع و خانع و خاضع , ماتعرفشي حاجه اسمها مؤسسات دوله و أعمدتها , ماتعرفش
ان المؤسسه اللي عدوك يكون حريص جدا على اسقاطها تبقى حاجه تستحق انك تحافظ عليها من
السقوط .
.
- 6 سنين و كتير من الأصدقاء في حالة الغيبوبه
, محدش عنده استعداد يراجع نفسه و يقول لها توقفي , ستوب , الوطن يعني كذا و التاريخ
يعني كذا و مؤسسات الدوله يعني كذا و احنا في حالة حرب وصفها كذا , واعدائنا بره كذا
و جوه كذا ولازم نركز في كذا , دي مسئوليه المواطن و مسئوليه الزفت الإعلامي و الزفتين
الصحفي , ماينفعش يبقو جنودنا عالجبهه بيموتو عشان أرضنا و ترابنا , وبلدنا بتحارب
في خمسين جبهه و احنا نفضل عايشين في الغيبوبه .
.
- الحاجه الوحيده اللي بتخليني مابطلش كتابه
عالفيس رغم زهقي احيانا و خنقتي احيانا هي دي , الكتابه بأي شكل بتكون صرخه , كرباج
يفوّق كل واحد عايش في غيبوبه , احنا ضهر الجيش و سنده , و ضهر البلد و عكازها , معندناش
رفاهية الاختيار بين اننا نفوق او نفضل في غيبوبه , هنفوق يعني هنفوق , بالذوق والأدب
أو بالصرخه و الكرباج .
.......................................................................................................................
Mohamed
Hussein
12 أبريل 2017·
في سنين المؤامره و مخططات الخراب و مئات
المليارات من الدولارات اللي اتصرفت و مخابرات و جيوش ست سبع دول بتلعب في الشرق الأوسط
و بلاد اتحرقت و جيوش و قعت و دول اتقسمت و ضاعت , مش عارف و الله احنا في مصر كنا
هنعمل ايه و نعدّي ازاي من الطوفان ده من غير منظمات المجتمع المدني و قهاوي وسط البلد
و تويتات البرادعي و سلم نقابة الصحفيين و تمارين الصباح بتاعة خالد علي .
.
لا جيش مصر ايه بس اللي أنقدنا ؟ , الدول
في التوقيتات دي أصلا مش بتبقى محتاجه جيوش قويه تنقذها و تحميها , بتبقى محتاجه تويته
و سلم فاضي و قهوه على ناصيه و مقطوعه موسيقيه هاديه و مُكنه و 3 أزايز بيره و اتنين
كيلو كباب ..
.......................................................................................................................
Mohamed Hussein
12 أبريل 2017 ·
الدبلوماسيه المصريه موقفها ثابت مابيتغيّرش
, قدام الأمم المتحده , قدام الاتحاد الأوروبي , في أي زياره لأي زعيم لمصر , قدام
الجن الأزرق نفسه , لما بيتفتح موضوع سوريا , مصر بتقول كلمتين اتنين , إرهاب و حرب
بالوكاله , ح ر ب ب ا ل و ك ا ل ه , لا قولنا ثوره ولا ربيع عربي ولا فاشيه ولا ثوار
كيوت ولا هنردد الهجص ده , مش هنشوّه التاريخ ولا نلوي الحقايق ولا نغمّي عنينا عشان
نرضي زيد أو عبيد , مصر مش دوله صغيره بتعمل بيبي تحت شجره في الشارع , و في أسوأ ظروف
اقتصاديه ممكن تمر بيها لازم لما تتكلم تتكلم صح , اسمها حرب بالوكاله على أرض سوريا
الشقيقه , كلاب السكك ملمومين عليها .
.
مصر رفضت تشارك في المهزله ( و ده أضعف
الإيمان ) , الرفض كلفنا كتير جدا , مليارات الدولارات كانت ممكن تجيلنا بسهوله بمجرد
مانبقى سفّاحين و تجار دم , مصر مش بتبيع جنودها ولا ثوابتها ولا أشقائها ( ولا بتبيع
جزر و لا بتبيع ذره من ترابها ) حتى لو هناكل قش , و لولا الظروف اللي احنا فيها و
لولا الطوفان و المؤامره ( اللي مشارك فيها الغريب و القريب ) ولولا الخزينه الخاويه
و الاقتصاد الضعيف كان هيبقالنا موقف مختلف تماما .
.
مدينين للشعب السوري باعتذار اننا اكتفينا
بعدم المشاركه في قتله و تشريده و بنحاول نساعده سياسيا على استحياء أو على أد مابنقدر
, مدينين للشعب السوري باعتذار اننا ماقدرناش ننقذه من الأول من وكلاء الحرب و الدم
و الخراب , فصبرٌ جميل .
............................................................................................................
Mohamed Hussein
12 أبريل 2017·
أحد العائدين من ليبيا : داعش يمنح الشاب
المنضم لها مبلغ 100 ألف دولار شهريا , تدريبات عسكريه في ليبيا و حبوب هلوسه و أناشيد
حماسيه و شيخ يلقي خطب و سفر لتركيا و بعدها لسوريا !! .
.
الحقيقه :
- البهاليل اللي بدقون بتوع حور العين مايحتلوش
دول ولا يهزمو جيوش نظاميه لها ترتيب عالمي زي ماحصل في سوريا و ليبيا ولا يحكمو مدن
ولا يسقطو طائرات ولا يعرفو حاجه في منظومات الصواريخ و الرادارات .
.
- طب ايه هو الإرهاب اللي انتشر في المنطقه
من كام سنه و اللي خربها مداين ؟ ده برضه السؤال الأكتر نطاعه اللي مبقاش ينفع يسأله
عيل في ساته ابتدائي .
.
- مفيش حاجه اسمها تنظيم داعش الارهابي
, ده اسم وهمي للعمليه كلها , مجرد اسم ممكن يألّفه ظابط مخابرات بريطاني قاعد في مكتبه
في لندن , مجرد رايه او عبايه نلم تحتها الكتاكيت كلهم .
.
- الإرهاب اللي حاصل في كلمتين , خطة متكامله
من حلف الشيطان ( أمريكا و يريطانيا واسرائيل ) بيشارك فيها شوية صبيان لهم مصلحه
( تركيا ) و بيصرف عليها عربان الخليج ( قطر و السعوديه ) , و الغرض منها تدمير و تقسيم
و تفتيت دول الشرق الأوسط خصوصا اللي لها جيوش كبيره و قويه , الدول اللي بتخطط و تشارك
زي بريطانيا و أمريكا و تركيا لها مصالح اقتصاديه ( غاز و بترول و بيع سلاح ) و اسرائيل
لها مصلحه أمنيه ( تبقى الدول حواليها دويلات ) , و عربان الخليج لهم مصلحه ضخمه و
جباره و خطيره ( اسمها الدونيه و عقدة النقص و المرقعه في بلاط الأمريكان و البريطانيين
) .
.
- الشباب بييجي من أي دوله , مصر ليبيا
السودان تشاد النيجر موريتانيا اليمن , ياكشي من كوستاريكا , المرتب حلو أوي , سنه
شغل أحلى من 20 سنه غربه لاستشاري أمراض نسا في دوله نفطيه .
.
- حبوب الهلوسه و خطب الشيخ ( الوسيط )
هي مجرد عامل مساعد , عشان تحس باستمرار انك الشيخ حماده الجامد الصح أوي لأنه في احتمال
تموت , و تبقى خدت في الدنيا 100 الف دولار شهريا و في الأخره حور عين لابسين لانجيريهات
ايطالي و مستنيين على نار , يعني عقلك ده تسيبه عندنا في الأمانات
.
- اللي حاصل باختصار , و الخطط المخابراتيه
و مئات المليارات من الدولارات اللي اتصرفت , و كمية الشباب اللي تم جلبهم من كل انحاء
العالم , الحكايه دي كانت تكفي لاسقاط الإتحاد الأوروبي كاملا , عشان بس ترحم نفسك
من فكره انظمه فاشيه و تعليم و حوار مجتمعي و تنميه انسان و كل افتكاساتك البلهاء
.
.
- عزيزي الكولجي , هات ايدك كده , و شبكة
العشره دول , انت عنصر من عناصر الإرهاب , يعني جزء من الخطه من غير ما تحس , مجرد
انك تتعاطف مع الارهابيين أو تنشر افكارهم أو تخلق لهم عذر و مبرر أو تدافع عنهم أو
تقول عنف متبادل أو تقول مفيش مؤامره أو تشوه تاريخ بلدك و جيشها أو تنشر الإحباط و
اليأس , تبقى عنصر من عناصر اللعبه , زيك زي الشاب الارهابي و زي الشيخ اللي بيخطب
و زي حبوب الهلوسه و زي فلوس العربان و زي تقارير حقوق الانسان و زي صحفيين الجرائد
و القنوات العالميه , كلها عناصر و أدوات و عرايس بيحركها مخرج العرايس الأمريكي البريطاني
.
.
- عزيزي الكولجي , ابقى سلم لي على أمك
, و قولها يا ماما يا حبيبتي , فيه زيك ملايين الأمهات تم اغتصابهم و تشريدهم , أو
رميهم في مخيمات , يعني مشكلتهم كانت أكبر من إن النت بتاع تي إي داتا بيفصل أحيانا
, و ابقى قول لها يا ماما يا حبيبتي أنا ك حماده ابنك مشارك في القصه دي بهاشتاجاتي
و أفكاري و افتكاساتي , بس انا حد جميل يا ماما .
.....................................................................................................................
Mohamed Hussein
11 أبريل 2017·
انفجار اتوبيس فريق بروسيا دورتموند الألماني
داخل الفندق !!
فندق ؟ و اتوبيس ؟ و كاميرات مراقبه ؟ و
انفجار ؟ ماهي ألمانيا دي لو كان فيها شوية عداله اجتماعيه و اهتمت بالتعليم و تنمية
الإنسان مكانشي حصل اللي حصل .
..........................................................................................................................
Mohamed Hussein
11 أبريل 2017·
بفكر أعمل صفحه عالفيس و أسمّيها أندر جراوند
( تحت الأرض ) و اجيب صوره غريبه احطها عالصفحه ( من الصور المخيفه اللي بيقولو عااااااوووووو
و عضمتين و جمجمه ) , يا مامي , و اكتب بوستات بقى من نوعية (( السبعه في تسعه بتلاته
و ستين , اظن الرساله وصلت للي فوق الأرض )) , و الناس تقعد تحلّل ( اقصد الناس اللي
فوق الأرض ) , سبعه دي عدد أيام الاسبوع و التسعه دي حاصل ضرب تلاته في تلاته , يبقى
تلاته هيضربو تلاته بالنار ( أو بالشبشب ) و ال 63 يعني سته قدامها تلاته ( مش قدامها
اوي يا مولانا ) , بس معناها ان التلاته اللي هيضربو التلاته هيكون فيه تلاته تانيين
مستنينهم ( في توكتوك ) أو مستهدفين , بس كده فهمت , تلاته هيخططو لاغتيال تلاته و
الكلام ده خلال اسبوع , و الشوكه اللي في الصوره المرفقه مع البوست لها 5 أسنان , يبقى
الحادثه هتحصل الساعه 5 , و الارهابيين اتدرّبو في عيادة أسنان .
.
.
خافو منّي بقى و اعملو لايكات كتير و إلا
الخادم سبعتاشر هيطلع لكو بالليل و انتو نايمين و ياكل الحته اللي بتبقى في الودن من
تحت دي , أه القرقوشه , انتو أصلكو مش عارفين الخادم سبعتاشر , ده خطير جدا و شرّاني
فشر الأستاذ محمود المليجي , اوعو تكونو فاكرينه طيب كده و كيوت زي الأستاذ كمال أبو
ريه و الأستاذه نيرمين الفقي ؟! .
................................................................................................................
Mohamed Hussein
11 أبريل 2017·
بهدوء و أدب شديد
.
ماحصلشي في يوم من الأيام ان سوريا مثلا
كانت بتمثل تهديد أو خطر على الأمن القومي للخليج .
.
ماحصلشي إن ليبيا صرفت مليارات الدولارات
و جابت ألاف الإرهابيين و نشرتهم في الخليج و جابت معاهم قوات دوليه و قوات ناتو باعتبارها
فرد من البيت اللامؤاخذه العربي .
.
ماحصلشي في يوم من الأيام إن اليمن اشترت
قنوات و صحف عالميه و صحفيين نص لبه عشان يهاجمو و يشوهو دول الخليج .
.
ماحصلشي ولا هيحصل إن مصرتفكر في إيذاء
حد من أشقائها في الخليج بأي شكل من الأشكال , حتى لو بقى عندنا مال قارون .
.
الحقيقه و باختصار , إن مفيش مبرر للخراب
و الدمار و القتل اللي شارك فيه بالدعم و الصرف بعض من امراء الخليج , ولا فيه مبرر
لإنفاق مليارات الدولارات في أثيوبيا و دول المنبع بتاعة نهر النيل بمنتهى النطاعه
, مفيش مبرر خالص ولا فيه سبب ولا فيه داعي .
.
الحقيقه انا كمواطن مصري , كافر تماما بافتكاسة
الوحده العربيه و الحلم العربي و الفيلم العربي , و بلاد الهرمين بالنسبالي أهم مليون
دشيليون تريليون مره من بلاد الحرمين , و عشان نبقى بنشوف من الغربال و عشان نبقى بنفهم
و نحس , لو عايزين وحده عربيه , يبقى و انت مغمض عينيك كده اكتب اسماء الدول العربيه
- ناقص ( يعني ماينص ) دول الخليج , و ماتهريش كتير و توجع دماغك و دماغي .
.
حدوتة الخليج خلصانه من بدري , والسيسي
و سامح شكري بيشتغلو بطريقة ( ما لا يُدرك كله لا يُترك كله ) , يعني بيحاولو يحافظو
على شعره مع طرف هو مش حريص عالشعره دي .
.
و من ضمن محاولات السيسي كانت مشروعه المتكامل
اللي قاله ايام زيارة سلمان لمصر , قوه عربيه مشتركه و جسر بري و ترسيم حدود , المشروع
كله توقف مع بعض , كان محاولة ( تحيّيد ) من السيسي أو نداء أخير , يا بُنيّ أركب معنا
, قال سأوي إلى أمريكا و تيريزا ماي , و عليها يا مولانا زودو القواعد العسكريه لكل
الدول الإستعماريه على أراضيهم , أمريكا و بريطانيا و فرنسا و تركيا , يعني جابو عربجية
التاريخ كلهم جنب مننا !! .
.
عايز أقول لحضراتكو باختصار , لكل شعوب
العالم كل الاحترام بما فيها الشعوب الخليجيه , أما الساده أصحاب السمو و المعالي الأمراء
اللي شاركو في القتل و الإيذاء و الخراب عايز أقولهم , عارفين أحمد مطر ؟ أه هو ده
اللي اقصده , تحت نعالي .
..........................................................................................................................
Mohamed Hussein
10 أبريل 2017·
بموجب قانون الطوارئ , من حقك عالفيس بوك
تكتب و تعارض الرئيس و الحكومه و المسئولين و تنتقدهم و تقول غلط و الصح كذا , أو تأيدهم
انت حر , إنما مش من حقك مثلا تمارس الارهاب لا بالفتوى ولا بالرأي و لا بالدعم و التشجيع
و التبرير ولا تقول عنف متبادل .
.
يعني باختصار , بموجب قانون الطوارئ من
حقك عالفيس بوك تبقى بني أدم , انما مش من حقك تبقى ارهابي ولا عيل لامؤاخذه , فلو
معاليك يعني جنابك مرعوب من القانون ده تبقى حتما و بالتأكيد حاجه من الاتنين , إما
إرهابي أو لامؤاخذه و أمك عارفه .
............................................................................................................
Mohamed Hussein
10 أبريل 2017·
خبر بيختصر الحدوته كلها
.
الجارديان بتقولك ان مساعد لترامب رسم خطة
تقسيم ليبيا ل 3 دويلات على منديل ورق !! .
.
معقوله وصل بينا الحال للدرجادي ؟ تتقسم
دولنا على منديل ورق ؟
- أه حضرتك معقوله .
.
يعني مفيش ثوره ولا ربيع ؟
- لا ربيع ده يبقى ربيع الكهربائي اللي
راكبك من 6 سنين .
.
طب هي ليبيا وقعت ليه , اكيد عشان الفقر
- لا يا جحش دخل المواطن الليبي كان عالي
جدا , ليبيا وقعت عشان مفهاش جيش نظامي قوي .
.
طب احنا بنشتري سلاح ليه ؟ مش كنا نصرف
الفلوس دي عالتعليم ؟
- أه قلت لي بقى , طب الافتكاسه دي تبرمها
كده و تروح بيها لعصام حجي و انت عارف الباقي .
.
طب يعني ايه اللي حصل حوالين مصر ؟
- ولا حاجه معاليك , جنبك 3 دول حدوديه
, اتنين منهم اتقسمو , و التالته عايزين يقسموها ( على منديل ورق ) , يعني مطلوب يبقى
جنبك خرابه من كل ناحيه , السودان بقت شمال و جنوب بمباركة خروف ضاني و فلسطين بقت
نصين بمباركة خروف ضاني تاني , خطة الصهاينه و فلوس قطر بنت الوسخه ( باختصار شديد
)
.
يعني تقصد مصر مستهدفه ؟
- ممممممممممم لا يا حماده , كوستاريكا
هي اللي مستهدفه .
.
بس البرادعي بيقول مفيش مؤامره
- اه البرادعي , فاكر الاسم ده , أستاذ
و رئيس قسم الدعاره الدوليه , بيشتغل بره بعقد عمل و بيقبض بالدولار , تلاقيه بيخيّط
بماكنته , او بيخيط بجايزة نوبل للسلام .
.
طب يعني مصر هتسيب ليبيا تتقسم كده ؟ على
منديل ورق ؟
- لا مستحيل , عشان مش باقي غيرها .
.
طب و الضغوط اللي حوالينا من كل ناحيه بره
و جوه .
- يا روح ما بعدك روح , لو وقعت ليبيا و
اتقسمت هتبقى انت عامل زي عماره كبيره ضخمه محفور حواليا حفره عميقه من 3 جهات !!
.
.
طب و الحل ؟
- الحل عند عبد الفتاح السيسي و صدقي صبحي
و سامح شكري .
.
طب و انت مش عندك حل ؟
- لا انا مواطن مصري بيثق في القياده السياسيه
.
يعني مش مطلوب مننا حاجه كمواطنين ؟
- مطلوب طبعا , مطلوب 3 حاجات , اولا نفهم
الدنيا حوالينا ماشيه ازاي , ثانيا نهري في اللي نعرفه و بس , ثالثا نبقى زي أي مواطن
طبيعي في العالم بيقف في ضهر بلده و جيشها .
.
يعني مش هنقول عسكر و ثكناته و عنف متبادل
؟
- ممممممم لا الحاجات دي تقولها و انت داخل
برجلك اليمين في مدرسة البرادعي بتاعة الدعاره , بعد ما تقلع البنطلون على طول , يعني
تدخل من الباب تقلع البنطلون و تقول عسكر و ثكناته و عنف متبادل , و تستنى البرادعي
يشوف لك خروف يكون حلو كده و يدلعك أخر دلع .
.
انما ماقولتليش انت مين ؟
- أنا ؟ أنا شجرة مزروعه في البلد دي ,
يركن عليها راجل عجوز , تلعب جنبها بنت صغيره , يقعد تحتها اتنين حبّيبه , يستريح في
ضلها مقاتل مصري .
.......................................................................................................................
Mohamed Hussein
9 أبريل 2017·
تمام كده أوي , قوات خاصه من الجيش لدعم
قوات الشرطه في تأمين المنشأت الحيويه , تشكيل المجلس الأعلى لمكافحة الإرهاب و التطرف
, و اعلان حالة الطوارئ 3 شهور .
.
في الصوره و المشهد , الرئيس عبد الفتاح
السيسي و رئيس الوزراء و وزراء الدفاع و الخارجيه , الحكايه مكانتش كنيستين ولا شخصية
البابا تواضروس , الحكايه فيها كمان جايز زيارة سامح شكري اللي لغاها امبارح للسودان
, و ما خفي كان أعظم .
.
اتوقع تحت مظلة قانون الطوارئ و بعد اجتماع
مجلس الدفاع الوطني , مصر هتعمل كل اللي بنفكر فيه واللي ما بنفكرش فيه , حتى لو خارج
الحدود , مرحلة الطبطبه و الدبلوماسيه خلصت النهارده .
.
و مصرُ باقيةٌ و الشمسُ و القمرُ .
.....................................................................................................................
Mohamed Hussein
9 أبريل 2017·
..+18
.
هي ليه القنوات و الجرايد العالميه لما
بيحصل عمل ارهابي في فرنسا او ألمانيا أو روسيا أو حتى تركيا بتركز أوي على كلمة (
الإرهاب ) مع حملة تعاطف و دعم رائعه .
و لما بتحصل حادثه مماثله عندنا بتركز أوي
على كلمة ( الأمن و الداخليه و التقصير الأمني ) مع حملة تشوية قذره ؟ .
.
الإجابه , بسم الله الرحمن الرحيم , عشان
هما ولاد كلب شراميط و أمهم ( اللي مشغّلاهم ) عارفه .
............................................................................................................
Mohamed Hussein
9 أبريل 2017·
من غير هري و كلام كتير
.
عزيزي جرجس , انت مش الأخر , أبوس ايد اهلك
, انت مش الأخر .
عزيزي مصطفى : مفيش حاجه اسمها نعزي المسيحيين
( الأخر ) , فقعتو مرارة اهلي .
.
عزيزتي مؤسسات الدوله المصريه : مفيش حاجه
اسمها اتصال بالبابا تواضرس و تعزيته , مين البابا تواضرس و ايه علاقته بتفجير كنيسه
استشهد فيها 25 مصري ؟ البابا تواضرس ماله و مال القصه دي ؟ البابا تواضرس مؤسسه من
مؤسسات الدوله و الشهداء شهداء الدوله , شهداء الوطن , المصريين , جرجس زي مصطفى ,
مات في كنيسه ولا مات في جامع ولا مات في كمين , أصل الغباوه دي بنت دين كلب و ماينفعش
مؤسسات الدوله تمارس الغباوه .
.
عزيزي الرئيس عبد الفتاح السيسي , فيه تقصير
أمني رغم ان التحدي الأمني كبير و شايلين كتير , بس تأمين كام الف كنيسه في مناسبه
و عيد مش حاجه صعبه , الشرطه مش قادره على كده و مشتته في اكتر من جهه ؟ مفيش مشكله
, خلّي الجيش يأمن الكنايس , و بالنسبه للأنطاع الأوساخ بتوع ( ثكناته ) عندي جزمه
وسخه شايلهالهم باستمرار , سيبهم لي دول .
.
عزيزي الرئيس عبد الفتاح السيسي , الليله
كلها بتشيلها في الأخر , أظن جه الوقت لعمل مجزره حقيقيه , لا يهمك غرب ولا شرق , مجزره
تبدأ من أول ياسر برهامي و شيوخ الضلاله , لحد أمين الشرطه المرتشي و القاضي المتقاعس
و القوانين اللي عايزه الحرق و الجمعيات اللي بتمول , جه الوقت إن المشتبه فيه ينضرب
بالنار هو و عيلته لمجرد الاشتباه مش يقعد يحاكم سنين و في الأخر يطلع براءه عشان خطأ
في اجراءات القبض عليه , أظن جه وقتها يا ريس .
.
عزيزتي الدوله المصريه العريقه , ماقدروش
عليكي بإرهاب في سينا و حدود ليبيا , ماقدروش على مواجهه عسكريه مع جيش مصر , فقررو
يشتغلو على الخطه B
, الفتنه الطائفيه , الأوساخ و كلاب السكك مش سايبينك في حالك , وانتي لا موتتي قبل
كده ولا انكسرتي ولا هتموتي و تنكسري .
.
رحم الله شهداء الوطن و البقيه في حياتنا
و حياتك يا بلد .
.......................................................................................................................
Mohamed Hussein
9 أبريل 2017·
أغبى مخلوقات الله و أكثرهم نطاعه و قذاره
هو الكائن الحي اللي عنده اعتقاد ولو واحد في المليون إن بني أدم مسلم ييجي من ( تشاد
) مثلا أو ( السودان ) أو ( كازاخستان ) و ياخد سلاح ( من بريطانيا ) و غطاء جوي (
من أمريكا ) و دعم لوجستي ( من فرنسا ) و خطة ( من اسرائيل ) و فلوس ( من قطر ) و فتوى
( من السعوديه ) و يقتل مواطن( في سوريا ) و يحرق بلد ( في سوريا ) عشان يبقى كده بيحارب
المد الشيعي ( اللي في ايران ) !!.
.
و الأغبى من كده و الأكثر قذاره , هو اللي
يعتقد ان القصه والدايره الوقحه المنحطه االلي فوق دي بترضي و تمتع سيدنا محمد صلى
الله عليه وسلم , يعني يتخيل إن سيد الأنام ( مزقطط ) في قبره بسبب الدايره الأكتر
إنحطاطا في تاريخ البشريه .
..................................................................................................................
Mohamed Hussein
8 أبريل 2017·
إنهم حقاً يحلبون البقره
.
كان يا ماكان يا ساده يا كرام , مش أيام
زمان , كان فيه بقره و معزه و عندهم لبن كتير اوي , ربنا بعت لهم لبن كتير ملوش أول
من اخر , صدرهم مش بيبطل سرسبة لبن .
.
و كان فيه بعيد عنهم كده ديب و أسد , الديب
قابل الأسد و قاله عرفت يا صاحبي بحكاية البقره و المعزه و لبنهم اللي بيسرسب ؟ قاله
اه طبعا عرفت , ماتيجي يا ديب ناكلهم , الديب قال للأسد لا ماتبقاش غشيم , ناكلهم ايه
, احنا ناخد لبنهم الأول , ده كنز و حاجه ببلاش كده , و لما لبنهم يخلص نبقى ناكلهم
و نقسمهم على بعض , الأسد قال للديب فكره هايله فكره عظيمه , سيب لي انت الحكايه دي
بقى يا ديب و عمولتك محفوظه طبعا .
.
الأسد ماكدبش خبر و راح للبقره قال لها
مساء الخير , قالت له و عليكم السلام ( أصلها متدينه و مش بتقول مساء النور ) , قال
لها على فكره انا جايلك في كلمتين مهمين , اللبن اللي عندك ده كنز كبير و انتي هتبقى
مطمع للي حواليكي , انت طبعا عارفه ان القرد أبو بتاعه حمره اللي على يمينك مش بيبطل
تنطيط و ده خطر عليكي و ممكن ياكلك في أي لحظه أو يسرق لبنك و كمان فيه فيل على شمالك
عامل فيها كبير المنطقه مع انك اكبر منه و عندك لبن أكتر , البقره قالت له معاك حق
يا أسد , انت ربنا بعتك ليا نجده من السما , طب قولي اعمل ايه و اسوي ايه , قال لها
انتي ماتعمليش حاجه , انتي تقعدي و تستريحي و تشغلي تكييفك و تشدي حجرك واحنا هنعمل
كل حاجه , هبعت لك أسدين صغيرين من عندي يعيشو في بيتك و يحموكي , و الديب صاحبي هو
كمان هيبعت لك عيل من عياله يحميكي , قالت له انت مالي ايدك من الديب ده يا أسد ؟ قال
لها عيب يا بقره , دانا اضمنه برقبتي .
.
البقره قالت له يبقى على خيرة الله , و
اللبن اللي انتو عايزينه خدوه , المهم تحموني من القرد ابو بتاعه حمره , ده قرد شرس
و ممكن ياكلني , و تخلوني أبقى كبيرة المنطقه بدل الفيل اللي مش لاقي ياكل ده , قال
لها بس كده , داحنا مالناش بركه الا انتي .
.
و اتوطدت العلاقه بين الأسد و الديب من
ناحيه , و البقره و المعزه من ناحيه , و بقى الأسد يروح ياخد من البقره أي لبن هو عايزه
و يقسم مع الديب , لحد ما في يوم كده , الأسد اتأخر عن البقره بتاع اسبوعين و البقره
قلقت و اتوغوشت و راحت له , قالت له مالك يا أسد , انت مخاصمنا ولا ايه , مش عايز لبن
؟ قال لها عايز , قالت له عايز أد ايه ؟ قال لها عايز 200 مليار لتر لبن , أصلي محتاجهم
ضروري , قالت له من عنيا و من صدري و من كل حته فيا , و قامت المعزه اللي كانت رايحه
مع البقره اتكلمت و نطقت و قالت للأسد , و منّي انا كمان 60 مليار لتر لبن , دانتو
أسيادنا , بس و النبي تحمونا من القرد أبو بتاعه حمره و تخلونا كبارات المنطقه بدل
الفيل أبو زلومه .
........................................................................................................................
Mohamed Hussein
8 أبريل 2017·
مقال رائع نشره صديقي العزيز علاء حموده
, عن تقارير و تصريحات واضحه و صريحه لخطة الشرق الأوسط الجديد معموله من 11 سنه
!! , بالورقه و القلم والخريطه و اللينك , مفيش حاجه مستخبيه , يعني على عينك يا تاجر
.
.
الحقيقه كان من المفترض ان تقارير زي كده
تبقى مش مهمه حاليا , باعتبار ان اللي فيها اتحقق و بيتحقق و شايفينه بعنينا في كل
مكان , يعني بقى شئ ملموس و واقع مش مجرد خطه و أرقام و خرايط , إنما نقول ايه و لسه
فيه ناس لا بتشوف و لا بتحس , يمكن مقال في مقال و تكرار في تكرار يكونو صرخه يسمعها
مولانا الحمار .
.
طب مطلوب مننا احنا ايه ؟ هو احنا مين الأول
؟ احنا الدوله ؟ لا طبعا , الدوله لها مؤسسات عارفه هي بتعمل ايه كويس , لها جيش و
خارجيه و مخابرات و أمن قومي و داخليه و حكومه و برلمان , و فكرة اننا نقوم بدور مؤسسات
الدوله اعتقد أثبتت انها مجرد هري و جعجعه و شألباظات و جمع لايكات مش أكتر .
.
ايوه يعني احنا مين بقى ؟ احنا الشعب يا
سيدي , المواطن المصري , و مين هو بقى المواطن المصري ده ؟ المواطن المصري هو كل واحد
بيحمل الجنسيه المصريه باستثناء الأعضاء الفعليين للجماعه الارهابيه , دول مش تبعنا
ولا احنا تبعهم , المواطن المصري اللي هو انا و حضرتك و حضرتها و حضرتهم و حضرتهن
, الدولجيه و الكولجيه و مؤيدي السادات و عشاق عبد الناصر و محبي مبارك , اليساريين
و اللي مش يساريين , كلنا على بعض كده اسمنا الشعب المصري , و علينا دور لا يقل أهميه
عن دور مؤسسات الدوله في مواجهة خطة الشرق الأوسط الجديد , ايوه ايه هو دورنا بقى ؟
.
دورنا باختصار هو التالي
1- نفهم إن لقب مواطن ده لقب حلو و الله
و جميل مش لقب أبيح ولا كلمه عيب .
2- نفهم ان مفيش مواطن في الهند شاغل باله
بتصريحات وزير الخارجيه بتاعهم و قاعد يحلل و يفلّي .
3- نفهم ان مفيش مواطن في بوركينافاسو اتضايق
من رئيسه قام رفع علم بوركينا فاسو أيام الاحتلال !! .
4- نفهم ان مفيش مواطن برازيلي قاعد يشوه
تاريخ بلده و حضارتها عشان يجمع لايكات و يتقال عليه واد ثورجي وفاتح زراير القميص
.
5- نفهم ان مفيش مواطن في كندا بيشتم جيش
بلده و يقول عسكر و جينرالات بيزنس .
6- نفهم ان مفيش مواطن في كازخستان متخيل
ان حكومات بلده المتعاقبه و مؤسساتها قاعده تلعب عليه لعبه و تعمل حاجه عشان تداري
على حاجه تانيه فقاعد هو بقى ليل و نهار يقول ( بص العصفوره ) ؟ .
.
ايوه مافهمناش برضه يبقى دور المواطن ايه
؟ يا عم هي كلمة مواطن اخترعوها أول امبارح بالليل مثلا ؟ دورك يا سيدي و دوري باختصار
كالتالي :
- عبر عن رأيك عالفيس بوك و أيد الرئيس
و الحكومه او انتقدهم , انتقد سياسات و تصرفات و قول الصح كان كذا و المفروض نعمل كذا
عشان كذا , بس على خلفية احترامك لبلدك و اسمها و تاريخها و جيشها .
- مهتم أوي بالسياسه انزل الشارع و شارك
في حزب أو اعمل حزب جديد , و اوصل للمحليات و البرلمان ياكشي تاخد أغلبيه بكره الصبح
.
- الحاجه اللي مش فاهمها و مش مستوعبها
مفيش داعي تهري فيها , ثق في مؤسسات الدوله و بس , و صدقني لو فات عليك يوم من غير
هري مش هيحصلك حاجه بالليل وانت نايم ولا كوكب الأرض هيتحرك من مكانه ولا حاجه , هتصحى
تلاقيه زي ماهو , أه و الله .
........................................................................................................................
Mohamed Hussein
7 أبريل 2017·
و شر البليه لا يضحك أحيانا
.
وزير الخزانه الأمريكي بيقول إن بلاده بتعد
عقوبات اقتصاديه على سوريا !! .
.
عقوبات اقتصاديه ؟ على سوريا ؟ أه صح معاكو
حق , فيه كام سيخ حديد هتلاقوهم مرميين من أثار البيوت المهدوده , و كان فارغ بتاع
طلقه رصاص , و ممكن تلاقو كام حلة ألومنيا تحت الأنقاض و شجرتين زيتون لسه عايشين
, خدوهم يا أمريكان , عشان الحاجات دي ماينفعش تتساب في إيد السوريين , و إلا أخلاقهم
ممكن تبوظ .
و امنعو عن سوريا بؤ المايه و لفّة الشاش
و رغيف العيش و قرص الأسبرين , عشان الثوره السوريه تنجح بقى و تجيب مجموع كبير و تدخل
طب و صيدله , و عشان السنه ينتصرو في حربهم ضد الشيعه ,
.
ماهو العيب مش عليكو , العيب عالخونه و
ولاد الكلب و ولاد الحرام و ولاد الزواني اللي عايشين وسطنا , و اللي دفعو لكو فلوس
و مليارات و باسو الإيد و الرجل عشان تيجو لحد بلادنا و أرضنا .
...........................................................................................................
Mohamed Hussein
7 أبريل 2017·
أشكو إليك يارب , عشان المراره مابقتش مستحمله
.
- اللي بيكرهو عبد الناصر و يشتموه صبح
و ليل بيقولو بيان الخارجيه ضعيف , و فين أيامك يا عبد الناصر !! , اه و المصحف زي
مابقول لكو كده .
.
- الكولجيه اللي مركوبين من الخرفان و بقالهم
سنين بيقولو الثوره السوريه و بشار سفاح و أمريكا حد جميل و حلب تحترق , معترضين على
بيان الخارجيه و تقريبا كان المفروض نعلن الحرب على أمريكا , مع ان (أمريكا حد جميل
) و بالتالي نقف جنب الجيش العربي السوري مع انه كان اسمه ميليشيات بشار !! .
.
- نجيب ساويرس سعيد بالضربه الأمريكيه لسوريا
, هو ساويرس سني ولا شيعي صحيح ؟ و احنا من امتى بينا الكلام ده يا كلاوي .
.
- أم نحمدة بتاعة الكرشه كانت بتغسل المواعين
و فجأه ضرب في دماغها فكره , و قبل ماتنشف ايديها دخلت عالفيس بوك و قالت بيان الخارجيه
زفت , مع ان بيانات الخارجيه في مواقف زي دي و توقيتات زي كده بتبقى متراجعه بالكلمه
ألف مره و من أكتر من جهه سياديه و بتكون بيانات موزونه بالحرف الواحد , بس للأسف مش
بياخدو رأي ام نحمده ولا بيوزنو عندها .
.
- نفس البيان لو كان اتكتب بصيغه تصادميه
كان الخرفان و الكولجيه و اللي بيكرهو عبد الناصر ( بس بيحبوه دلوأتي ) وام نحمده هيقولو
في نفس واحد , الله يخرب بيتك يا خارجيه انتي بتلبسينا في الحيطه , أه و الله .
...................................................................................................................
Mohamed Hussein
7 أبريل 2017·
في الفجر
.
في الفجر و احنا في بيوتنا , اللي نايم
بيشخر , و اللي قاعد مع مراته و اللي بيلاعب عياله و اللي بيتفرج على تلفزيون , و اللي
قاعد عالفيس واللي بيلعب كاندي كراش عشان يوصل لليفل معين قبل ماينام , في الفجر ده
بقى كانت صواريخ أمريكا بتضرب سوريا , الحكايه بدأت بافتكاسة الكيماوي و كملت بصواريخ
أمريكا , الحدوته دي عندي فيها قناعات تامه , مش هتتغير
.
1- أعظم نعمه أنعم بيها ربنا سبحانه و تعالى
على مصر اسمها الجيش المصري , جيش مصر و كفى بها نعمه , جيش مصر مش المجتمع المدني
ولا منظمات حقوق الانسان ولا شباب معرفشي ايه ولا كل الهري ده , جيش مصر اللي محاولات
كسره و تشويهه ماتوقفتش من 6 سنين لحد النهارده , و كله بيبقى بلح , كل المحاولات بتبقى
زي حزمة حطب عبيطه و هشه بيكسرها راجل فلاح على .ركبته .
.
2- السيسي في زيارته لأمريكا عمل مقابلات
كتير و صفقات و خلافه , بس قولنا ان أمريكا مش بتبيع سبح , وان السيسي رايح بملفات
, يقدر يقول أه في كذا ولا في كذا و أسفين مش هنقدر في كذا , يعني بنتعامل مع أمريكا
, القوى العظمى الأوحد في العالم , اللي بتدير كوكب الأرض , بنتعامل معاها من منطلق
مصالح مشتركه , و تفضل فيه نقاط خلاف , هما عندهم أبجديات معينه مش بيلعبو فيها و احنا
كمان عندنا , يعني مستحيل تكون كل الملفات اللي اتفتحت في زيارة السيسي لأمريكا تم
التوافق عليها من الجانبين , ماعتقدش مثلا أمريكا هتحظر جماعة الإخوان الإرهابيه و
أكيد ده طلب مصري , و ماعتقدش ان مصر هتتخلى عن دورها في ليبيا و ده غالبا كان مطلب
أمريكي .
.
3- رغم نجاح الزياره و رغم المقابله و الحفاوه
, إلا أني كمواطن مصري بعتقد إن وزير الخارجيه سامح شكري مطلوب منه يطلع النهارده عالهوا
و يحدد موقف مصر من الضربه الأمريكيه لسوريا , الموقف اللي انا عارفه كويس , واللي
مش معناه قطيعه جديده مع أمريكا , انما من حقنا نرفض بكل الأشكال و بأي شكل .
.
4- امبارح قريت تصريح سخيف , تصريح في منتهى
السخافه و النطاعه , على لسان وزير الخارجيه الإماراتي بيقول فيه , ( عجزنا عن احتواء
الأزمه في سوريا , و سوريا مقبله على صراعات دوليه !! ) , الحقيقه يا معالى الوزير
, انتو ك ( حكام الخليج ) مافشلتوش ولا عجزتو ولا حاجه , انتو نجحتو و بامتياز :
- نجحتو في خلق أزمه في سوريا
- نجحتو في انفاق مئات المليارات على شوية
ارهابيين مرتزقه لتخريب سوريا
- نجحتو في تدمير الجزء الأكبر من الجيش
العربي السوري
- و الأهم من ده , انكو نجحتو في جلب القوات
الأمريكيه و البريطانيه و الروسيه و التركيه و غيرها لسوريا و ليبيا , القوات اللي
مستحيل كانت هتقدر تحط رجلها في المنطقه من غير موافقه و مباركه و ( مرقعه ) عربيه
, تحديدا من عربان الخليج ,
- دانتو كمان نجحتو في توفير قواعد عسكريه
لأمريكا و بريطانيا و فرنسا و حتى تركيا في قلب بيتكو , يعني جبتو كل بلطجية التاريخ
و القوى الإستعماريه لحد عندنا , ماتقولوش عجزتو و فشلتو تاني , انتو حد جميل , حد
عظيم اوي , انتو حد هايل .
................................................................................................................
ليست هناك تعليقات:
إرسال تعليق