Mohamed
Hussein
20
أبريل 2017·
هنغسل ذنوبنا فين
طيب ؟ ........... كلام في الممنوع
.
من كام يوم و فيه
أزمة في مطار القاهره , ازمة مستمره , الأزمه سببها ان مئات المعتمرين فارشين عالارض
و قاعدين باليومين و التلاته , طبعا هما مش طلعو من بيوتهم عشان يقعدو و ينامو عالارض
في المطار , الحكايه و ما فيها تخص الخطوط السعوديه , كل دول حاجزين تبع الخطوط السعوديه
, و الخطوط السعوديه مش موفّره عدد طائرات كافي لنقلهم و لّا موفره موظفين كاونترات
كافيين لتخليص الاجراءات !! , المسئولين في المطار اجتمعو مع مسئولين في شركة الطيران
السعودي و كل يوم يقولو هنعمل كذا و مايعملوش , مفيش التزام , و فيه مشهد مهين جدا
للمعتمرين المصريين في مطار القاهره .
.
طيب و من غير نظرية
مؤامره ولا حاجه , انما وارد جدا تكون الحركه دي مقصوده و تبقى حركة قارعه زي بقية
مسلسل الحركات القارعه بتاعة طال عمره , زي حركة اياد مدني و حركة بترول ارامكو و حركة
عسيري , ماشي ناس مش عايزه تكبر ولا تعقل , بس فيه حاجه اهم , ايه هي بقى ؟ .
.
الحاجه الأهم يا
سيدي ان الحدوته دي تحديدا حلها و علاجها عندنا احنا في الأساس , هنا هنبدأ الكلام
في الممنوع , اللي بيخاف من السلعوه اللي بتطلع بالليل و تاكل ودن العيال اللي مابيشربوش
اللبن لو سمحت ماتكملشي قراية البوست .
.
الحكايه و ما فيها
, إن ثقافتنا لازم تتغير , فكرنا لازم يتغير , حجيت مره و أديت الفريضه ؟ طب شكرا و
الله و كتر ألف خيرك , عملت عمره مره و دخلت الروضه و صليت جنب الكعبه ؟ ربنا يبارك
فيك , ماتعملهاش تاني بقى , أيه ده ؟ بس انت جدّت عليك شوية ذنوب و عايز تكفّر عنها
( و تغسلها ) ؟ اغسلها في بلدك يا مولانا .
.
يعني ايه تغسلها
في بلدك ؟ هو احنا عندنا كعبه في مصر و روضه شريفه ؟ لا طبعا معندناش , بس عندنا أسره
فقيره و بنت يتيمه محتاجه اللي يستّرها , أقل عمره دلوأتي بتتكلف 20 ألف ( ممكن تشتري
بيهم أجهزة كهربائيه لبنت يتيمه عشان تتجوز ) , و أقل حجه بتتكلف 80 الف , تخيل لو
حطيتهم في البنك باسم اسره فقيره مالهاش عائل و بقت الأسره دي لها دخل شهري ثابت مدى
الحياه قيمته 1500 جنيه , يكفو متطلباتها الأساسيه , بقولك مدى الحياه , حجم الأجر
أد ايه ؟ أقل من انك تعمل حجه تانيه ( غير حجة الفريضه ) ؟ , حجم أجر البنت اليتيمه
اللي جهّزتها للجواز أد ايه ؟ أقل من انك تعمل عمره للمره السابعه مثلا ؟ .
.
هو ربنا قالك يا
حماده ان ذنوبك دي مش هنكفرها و نتوب عليك إلا لما تدفع 15 الف لشركة الطيران و 15
الف مكسب لشركة السياحه و 20 ألف للفندق ؟ عشان في النهايه تشوف الكعبه اللي شوفتها
قبل كده و صليت قدامها ؟ .
.
هو ربنا قالك يا
حماده سيب جارتك الفقيره جدا و عيالها و سيب جارك العجوز اللي مش لاقي تمن الدوا و
روح مكه و المدينه عشان أصلا أصلا ذنوبك مابتتغسلش إلا هناك ؟! .
.........................................................................................................................
Mohamed
Hussein
20أبريل
2017·
تنميه بشريه
.
عايز تقنع مراتك
بحاجات و مش عارف ؟ حاولت و جربت كتير و ناهدت و مفيش فايده ؟ عايز تقنعها مثلا ان
الحب و الكلام الرومانسي الهادي ده حد جميل ؟, أو ان سماع اغنيه لنجاة قبل النوم مش
هيأثر على مستقبل العيال التعليمي ولا هيؤدي لانهيار البورصه ولا هيوسع ثقب الأوزون
؟ عايز تقنعها ان الفسحه في الجناين المفتوحه شئ رائع حتى مع احتمالية وجود ناموسه
و دبانه ؟ عايز تقنعها ان عمايل المحشي كل اسبوعين بدل حكاية كل 6 شهور دي هي شئ في
متناول الإيد , و بتفشل برضه ؟ .
.
طب بص يا مولانا
, هقولك الحل الشامل الكامل المتكامل و الطريقه المبسطه اللي هتخليك تقنع مراتك بكل
حاجه , انت أول ما تتجوز تعمل جريدة الكترونيه و تخلي اللغه فيها انجليزي , هتكلفك
15 دولار , اعتبرها من ضمن مصاريف الجواز ( تمن خلاط صيني مستعمل ) , مش مهم حد يشوفها
او يقرا اللي فيها غيرك , و بعدين ايه بقى ؟ و بعدين كل حاجه نفسك فيها و مراتك مش
مقتنعه بيها تقوم كاتبها في صورة مقال ( بالانجليزي ) و بصيغة علميه فخيمه ( ممكن تستعين
بجوجل في الترجمه و متخافش , محدش هيكشفك , ماهو انت بالتأكيد مش متجوز توني بلير يعني
) , و توقّع تحت المقال بأي اسم اجنبي , أي سبعتاشر حرف جنب بعض , و بعدين تاخد المقال
( اللي انت كاتبه بايديك ) من الجريدة الالكترونيه و تعمله كوبي لينك لوكيشن , و تبعته
لمراتك .
.
كده المشكله اتحلت
, مقال بالانجليزي يقول ان الكلام الرومانسي الناعم بين الزوجين بينمّي الذكاء عند
الأطفال و بيحسن أداء الغده الدرقيه بتاعتهم , توقيع marco valentino , مقال بيقول ان فريق بحث علمي ألماني توصل لاكتشاف
ان الفسحه في الجناين و حديقة الأزهر بتقوّي عضلة السمانه و عضلة القلب و ان الناموسه
و الدبانه بيحسّنو أداء البنكرياس و بيعالجو حب الشباب عند العيال اللي بيلعبو في الجناين
, توقيع nagorno karabakh , مقال بالانجليزي بيقول ان سماع الزوج و زوجته
اغنيه رومانسيه قبل النوم هيخلّي العيال يجيبو درجات حلوه في الماث في الامتحان بتاع
بكره , توقيع janette
ciprofloxacin
, و أخيرا مقال لباحث روسي بيقول ان تناول المحشي مرتين في الشهر هيخلي الواد يوسف
ابنك بنيانه قوي و يتقبل في الكليه الجويه و يتجوز البت ندى اللي بيحبها , توقيع gorbatshof klashinkof .
.
عايز اقول لمعاليك
باختصار , المرأه المصريه في الغالب الأعم بتقتنع بكلام اتنين بس , كلام مامتها , و
كلام جوجل .
..........................................................................................................................
Mohamed
Hussein
20
أبريل 2017·
مين هو حليف قطر
في الوطن العربي ؟!
.
الإجابه : بسم
الله الرحمن الرحيم .
.
قطر ملهاش حليف
, أومال لها ايه ؟ لها زبون , الكلام ده قولته من سنين , قطر ملهاش حليف , ده دورها
الصهيوني المرسوم بدقه تامه , و الجزيره هي مجرد لسان الشيطان مش اكتر .
.
طب ازاي قطر ملهاش
حليف بقى و عرفت منين ؟
.
بص يا مولانا
, صلي عالنبي عليه الصلاة و السلام
- من أد 10 سنين
كانت علاقة قطر كويسه جدا ببشار الأسد , وقتها كانت الجزيره ( لسان الشيطان ) بتقول
قصايد شعر في بشار , الفارس المغوار حامي الحمى عدو الصهاينه , و هوووب لما تيجي لحظة
بشار أو لحظة خراب سوريا تلاقي قطر ( و لسانها ) اتقلبو 180 درجة و بقى بشّار الفاشي
الديكتاتور الشيعي العلوي , هنا بالمناسبه ماقدرشي أسقط عن بشار تهمة الغباوه و إنه
ازاي يفرح بصداقة الشيطان !! .
.
- و في السودان
قطر دعمت بكل فلوسها تقسيم السودان لشمال و جنوب و المحبه اللي ضارباها مع البشير حاليا
عشان فيه تقسيم جديد جاي و عشان كمان يفضل العمق المصري على صفيح ساخن , يعني مش محبه
في عمر البشير ولا في الشعب السوداني ( الطيب ) .
.
- في فلسطين قطر
دعمت حركة حماس في حكم قطاع غزه , يعني في تقسيم فلسطين و بتدفع لهم مرتباتهم , و في
ليبيا بتعمل نفس الشئ , هي كده راشقه في الخراب .
.
- طب هبسطهالك
و خد التقيله بقى , قطر مش حليف الإخوان ولا حاجه ولا حليف الثورجيه و الكولجيه بتوع
مصر , شايف حضرتك المئات من قيادات الجماعه الارهابيه اللي عايشين عندها و بتأكلهم
و تعلفهم ؟ شايف لسانها اللي بيسبح بحمد الجماعه الإرهابيه حاليا ؟ اهو ده كله فستك
, يعني بلح , هي مش حليف الإخوان و الكولجيه , هي بتستخدمهم , ده السلاح لخراب مصر
.
.
يعني ايه الكلام
ده ؟ طب هقولهالك بشكل تاني , لو كانو الإخوان استقرو في حكم مصر , كانت قطر و لسانها
هيدعمو أي فصيل يعارض حكم الاخوان بشكل عنيف , و يصرفو عليه مليارات , الغرض دايما
هو الوصول لمرحلة الصدام , لمرحلة الخراب , ده التارجيت المرسوم لقطر من الصهاينه و
البريطانيين و الأمريكان , قطر باختصار هي حليف الحرق و الخراب و التقسيم .
.
بالمثل لازم نبقى
عارفين ان قطر مش حليف السعوديه , انما سلمان وقع في الفخ القطري , الفخ اللي وقع فيه
بشار الأسد و معمر القذافي و عمر البشير و القيادات الفلسطينيه , قطر دورها انها تاخد
الحاكم العربي ( الزبون ) و هو مغمّي عنيه ( باعتبارها فرد من البيت العربي ) تاخده
كده و تطبطب عليه و تقوله كلام حلو ( في قناة الجزيره ) لحد ما توصّله لحفره معينه
, تزقه فيها و ترجع تشوف الزبون التاني اللي عليه الدور .
.
اعتقد عبد الفتاح
السيسي لسانه اتدلدل مع القيادات السعوديه , ماتنتظروش نتايج مختلفه لمعطيات متشابهه
, يا بني أركب معنا , و في الوقت اللي مصر قالت للسعوديه فيه يابني اركب معنا حست قطر
انها مش هتقدر ( عالزبون ) لوحدها فاتصلت و جابت تيريزا ماي , كانت محتاجه نفحه من
العقل المدبر والمعلمه الكبيره .
.
اللهم قد بلغنا
, اللهم فاشهد .
.......................................................................................................................
Mohamed
Hussein
19
أبريل 2017·
ريا و سكينة ضاربين
خناقه لرب السما و مقطعين هدوم بعض على تويتر , و نسيو إنهم في الأصل خوات , ريا تقول
لسكينه يا ارهابيه يا سفاحه يا مجرمه ياللي بتدعمي الارهاب و سكينة تقول لريا انا اللي
بدعم الارهاب برضه ؟ دانتي ابو الإرهاب و أمه اللي خلّفته من بطنها .
.
اتوقّع زياره عاجله
من الكونتيسه تيريزا ماي , هي الوحيده اللي هتقدر تقنعهم يهدو و تقول لهم صلو عالنبي
يا جدعان , دانتو قاتلين حارقين خاربين سوا , ربنا يهدّي سركو يا حبايبي .
.....................................................................................................................
Mohamed
Hussein
19
أبريل 2017·
صديق سوداني غالبا
من انصار عمر البشير زعلان مني اوي عشان بنفخ عمر البشير كل شويه هو و نظامه اللي ضيعو
السودان و خربوها و خلّوها زي سلسلة مفاتيح يلعب بيها عيل صايع بيحكم كشك عالخليج
, صديقي السوداني بعت رسايل يشتمني , المهم بعد ما شتمني شويه حلوين ملقاش حاجه تانيه
يقولها غير دي : يا عم روح شوف الزمالك بتاعك بيعمل ايه !! .
.
السودانيين طيبين
جدا و دمهم خفيف حتى و هما بيشتمو , منك لله يا مرتضى جبت لنا الجورسه و الفضيحه جوه
و بره , عموما فيه صديقه تانيه بتبعت رسايل من كام يوم , ألمانيه تقريبا او روسيه مش
عارف , هو الشاسيه ينفع الاتنين , هحاول اشوف اللغه بتاعتها عشان اعرف هي عايزه ايه
بالظبط , يارب بس ماتكونشي هتتريأ هي كمان و تجيب سيرة الماتش اللي روحنا نلعبه لوحدنا
امبارح .
..........................................................................................................................
Mohamed
Hussein
19
ابريل 2017·
الغواصه الألمانيه
تايب 1400/209 , أحدث قطعه بتنضم للبحريه المصريه , بعد مانضم لها حاملتي المروحيات
ميسترال , البحريه المصريه ترتيبها السادس بين القوات البحريه في العالم و الأول في
الشرق الأوسط و أفريقيا بدون منافس , ماهو لما تكون حدودك البحريه ألفين كيلو و في
منطقه زي منطقة الشرق الأوسط دي , و كلاب السكك حواليك من كل ناحيه يبقى لازم يكون
عندك جيش على مستوى الحدث و مستوى التحدي , التحديث اللي حصل في تسليح الجيش المصري
أخر 3 سنين ماحصلشي زيه في 30 سنه , خصوصا في القوات البحريه و الجويه .
.
بالمناسبه الدول
اللي وقعت حواليك و اتخربت و اتحرقت ماوقعتش عشان نسبة التعليم فيها مش اد كده ( التعليم
في سوريا و العراق كان جيد ) ولا عشان مستوى المعيشه ( مستوى المعيشه في سوريا كان
جيد و في العراق و ليبيا كان ممتاز ) ولا عشان حقوق الانسان و الديكتاتوريه ( الديكتاتوريه
بحق ربنا في الأنظمه الملكيه لما راجل و عياله يحكموك و يملكوك و ينهبوك انت و بلدك
و تبقى ممنوع حتى من انك تصرخ أو يطلع لك صوت , و لا فيها حياة حزبيه ولا تداول سلطه
ولا يحزنون ) .
.
كل الأسباب اللي
فاتت هي مجرد هجص تم الترويج له مش اكتر , الدول بتسقط في وقت الحروب و المؤامرت لما
يكون فيها شعب ضعيف سهل التأثير فيه بالسلب و جيش ضعيف يفتقد الوطنيه و يفتقد التسليح
الجيد المناسب , ده باختصار شديد .
.
بنشتري سلاح ليه
بقى ؟ عشان حضرتك تعرف تفتح التابلت بتاعك و الراوتر بتاعك و تدخل عالفيس بوك و تقول
عسكر و تعمل هاشتاجات و تتعاطف مع أي عيل صايع و تصنع أبطال من شواشي الدره و انت مشغّل
التكييف و قاعد على سريرك باللباس , مخيمات اللاجئين لا فيها تابلت و لا راوتر ولا
فيس بوك و لا هاشتاج و لا تكييف و لا سرير ولا فيها حتى اللباس .
.....................................................................................................................
Mohamed
Hussein
19
أبريل 2017·
و كذلك يفعلون
.
حقاً لن يستطيع
أحد أن يركب ظهرك إلا إذا كنت كولجي أد الدنيا , يعني حمار , و ساعتها هتتركب بالعربي
و الانجليزي و الفرنساوي كمان .
.
في المحكمه شاب
كيوت خطب شيماء , هييييح , يا دبلة الخطوبه عقبالنا كلنا , الحب الحب , فيروز , فنجان
قهوه , ورد , استنى يا مولانا الجحش , استنى يا أغبى مخلوقات الله , اللي في القفص
ده قاتل , إرهابي قاتل , قتل شخصية عامه مسئوله في الدوله , قتل نائب الشعب , اللي
في القفص مش عبد الحليم حافظ ولا رشدي أباظه , و اللي بره القفص دي شيماء , مين شيماء
؟ شيماء نعجة إخوانجيه , يعني إرهابيه تحت الطلب , شيماء اللي بكره الصبح ممكن تكون
( طنط ساميه شنن ) جديده , اللي شرّبت الظابط ماية نار , أو تكون زي الإرهابيه البدويه
اللي كانت بتزرع قنابل .
.
اللي حصل في المحكمه
مش شئ جديد , دي الصعبانيات بتاعة الجماعه الإرهابيه , اللي هي السطر الأول في الصفحه
الأولي في كتاب حسن البنا , الصعبانيات إنك تجيب صوره للمرشد و هو مش شايف يا عين امه
و جنبه اتنين خرفان ماسكين له اللقمه و بيحاولو يأكّلوه ( قلبي الصغير لا يحتمل )
, الصعبانيات انك تقول ساميه شنن ست طيبه اوي و انا عاملتها في السجن اسمها طنط ساميه
, الصعبانيات انك تمسك عكاز زي اسراء الطويل أو تقول انك جت لك امراض الدنيا كلها في
السجن زي محمد سلطان اللي سجد أول ماوصل أمريكا , و بنفس الطريقه صعبانية الخطوبه
, الخطوبه يعني الحب و الرغبه في الحياه , صعبو عليك مش كده ؟ تعاطفت ؟ تم استدراجك
كالعاده و استدراج انتباهك لنسيان الحقيقه , الحقيقه اللي بتقول ان اللي جوه القفص
قاتل و اللي بره ارهابيه تحت الطلب , و ان المشهد كله عباره عن خروف ارهابي خطب نعجة
ارهابيه , لعن الله الخاطب و المخطوب .
.
امتى بقى الإخوان
يتخلّو عن صعبانيتهم دي ؟ الإجابه ببساطة شديده , لما مايلاقوش زبون يشتريها و يبلعها
و ياكلها زي كل مره , ماهي الصعبانيات دي سلعه لها بايع ولها مشتري اللي هو الزبون
, يعني هيتخلو عن صعبانيتهم لما يكون عدد الكولجيه في مصر يساوي صفر , مانت لو قدامك
حمار ضهره عريض و البردعه مربوطه و زي الفل و الحمار معندوش مانع ابدا انك تركبه مش
هتركبه ليه ؟ ده حتى يبقى عيب و حرام و تفريط في النعمه !!
................................................................................................................
Mohamed
Hussein
18
أبريل 2017·
طياره مروحيه سعوديه
وقعت في مدينة مأرب اليمنيه , مات 12 ظابط و جندي سعودي , و من يومين طياره سعوديه
قتلت ماعرفشي كام جندي سوداني تابعين للتحالف بتاعهم بالخطأ .
.
ماهو لو اللوا
عسيري يبطّل يطلع في الفضائيات و يبطل يجيب سيرة مصر و يركز في شغله مكانتشي الطيارات
وقعت ولا الطيارات التانيه ضربت في عساكرها , و النبي ركّز في شغلك يا حماده , إلهي
ربنا ينتعكو من اليمن بالسلامه .
........................................................................................................................
Mohamed
Hussein
18
أبريل 2017·
اللواء عسيري الإمتداد
الطبيعي لإياد مدني , الطعم الأصلي للحاجه الساقعه !! .
.
أصدقائي الغاليين
:
.
- الفيديو بتاع
عسيري موجود و واضح تماما , قال بالنص ان مصر عرضت ارسال 40 ألف جندي للدخول البري
في اليمن و اننا قولنا لا عشان خطتنا في اليمن بتعتمد على قوات يمنيه عالأرض مش قوات
من خارج اليمن , دي تصريحات المتني الجديد , مفهاش تأويل ولا جاب سيرة القوه العربيه
المشتركه في اللحظه دي .
.
طب ايه بقى ؟ عشان
نلم الدور ده , و باختصار شديد
.
- مصر ممكن تعرض
مشاركة ب 40 الف جندي في قوه عربيه مشتركه مش في تحالف عاملاه السعوديه للهجوم على
اليمن , فكرة القوه العربيه المشتركه اقترحها السيسي لما كان سلمان هنا و الفكره ماتت
و اتقتلت من جانب السعوديه ( بعد زيارات امريكيه و بريطانيه عاجله للمملكه ) , يعني
الفكره بح و خلصت .
.
- فكرة القوه العربيه
المشتركه ملهاش أي تلاتين علاقه باللي بتعمله السعوديه (و التحالف ) بتاعها في اليمن
, دي حاجه كانت هتبقى اشبه بحلف الناتو , مش هتكون مهمتها الهجوم عالدول العربيه تحت
زعم محاربة المد الشيعي والمد المنفلوطي و محاربة السلعوه , بالعكس , كان هيبقى دورها
حماية الدول العربيه من بلطجة أعدائها و جيرانها ( و يمكن عشان كده اترفضت ) .
.
- التحالف اللي
عاملاه السعوديه فيه قوات بريه غير يمنيه عالأرض , و خصوصا من دولة السودان الشقيقه
, و كل يومين تلاته نسمع عن قتلى من الجنود السودانيين ( احيانا بيتم قتلهم بالطائرات
السعوديه نفسها بطريق الخطأ .... نيران صديقه أوي يا مولانا ) , يعني عسيري مجرد كداب
و هجّاص و مدّعي مش اكتر , لو مصر عرضت ألف جندي بس للحرب في اليمن كانو مسكو فيهم
بإيديهم و سنانهم , و كنا خدنا شيك على بياض , الرقم اللي نطلبه .
.
- لما عسيري يطلع
ينفي الكلام ده , اللي هو قاله بنفسه صوت صوره , يبقى ده اكبر دليل ان الحكايه مقصوده
بنفس الترتيب , نضرب عيار يدوش و نعمل بلبله , و بعدين نقول سوري , اتفهمنا غلط .
.
- بالمناسبه ,
مفيش اي مسئول في السعوديه من خارج الأسره الحاكمه يقدر يطلع عالهوا و يعطس عطسه مايعرفشي
بيها الملك , أو عطسه خارج تعليمات و خريطة العطس الوارده من الديوان الملكي , عشان
بس حبايبنا اللي بيحاولو يوجدو مبررات عبيطه يلتزمو الصمت رفقا بالمراره و الطحال
.
.
- اما حكاية :
بلاش نبقى معول هدم و بلاش نشق الصف العربي و بلاش تبوسني في عنيا , فعايز أقولك صديقي
العزيز الكيوت فشر عمرو حمزاوي , مبقاش فيه حاجه في الوطن العربي ماتهدمتش , و مبقاش
فيه حاجه اسمها الصف العربي , سمّي الأشياء بمسمياتها عشان خاطر ربنا , فيه حاجه اسمها
شقيق عربي قاتل و شقيق عربي مقتول , شقيق عربي خاين و شقيق عربي لأ , شقيق عربي مُتأمِّر
و شقيق عربي مُتَأمر عليه , و نقطه يعني فلستوب .
......................................................................................................................
Mohamed
Hussein
18
أبريل 2017·
استوردنا رنجه
ب 100 مليون دولار , يعني تقريبا 2 مليار جنيه , و كلناهم في يوم , أكلنا 2 مليار جنيه
في يوم , عموما بالهنا و الشفا على قلبنا و مطرح مايسري يمري , داحنا فقرا أوي يا سيد
و بنكح تراب !!.
.............................................................................................................................
Mohamed
Hussein
17
أبريل 2017·
حوار افتراضي
.
سكرتير الرئيس
: يا ريس احنا مش هنرد على تصريحات عسيري اللي بيقول فيها مصر عرضت ارسال 40 الف جندي
لهجوم بري في اليمن ؟
السيسي : لا يا
محمود .
.
محمود : ليه يا
ريس؟
السيسي : هو احنا
ردّينا على اياد مدني ؟ .
.
محمود : لا يا
ريس .
السيسي : ردينا
على تصريحات أرامكو ؟ .
.
محمود : لا يا
ريس .
السيسي : يبقى
مش هنرد في دي يا محمود .
.
محمود : بس ده
تطاول على شخصك ياريس و إدعاء عليك و انت بتمثل مصر مش بتمثل نفسك .
السيسي : ماهو
عشان انا بمثل مصر يبقى مش هصغّر نفسي , مصر الكبيره أوي مابتصغرش نفسها ولا بتنزل
للمستوى ده .
.
محمود : طب و اخرتها
ياريس ؟
السيسي : عارف
الأوتوستراد يا محمود ؟
.
محمود : عارفه
يا ريس
السيسي : عارف
أوله فين و أخره فين ؟
.
محمود : طبعا يا
ريس .
السيسي : أهو الأوتوستراد
ده يبقى حبل الصبر بتاعنا اللي بنمدّه مع ( أشقائنا ) العرب .
محمود : ولما الأوتوستراد
يقفل ياريس ؟
السيسي : يبقى
قفل يا محمود .
..........................................................................................................................
Mohamed
Hussein
17
أبريل 2017·
شم النسيم هو
.
تقفل صيدليتك و
تروح البيت , تلاقي الغدا جاهز , تضرب لك بتاع 6 كيلو رنجه و فسيخ و حزمة بصل أخضر
وراور بورقها و راسها و كله ( يعني من أقصى إلى أقصى ) , و نص حلة محشي ( طب محشي ليه
والنبي ؟ تقريبا معمول عشان يبقى حاجه خفيفه جنب الأكل ) .
.
و ترجع بقى من
البيت , تقعد زي مانا قاعد كده , في حالة سلام نفسي و هدوء تام , متصالح مع نفسك و
فاصل من كوكب الأرض , بطنك سابقاك بمترين قول تلاته , و ريحة بؤك هي خليط رائع من الرنجه
و الفسيخ و البصل الأخضر , و النبي و مين نبّى النبي نبي لو اتمضمضت بحمض كبريتيك مركز
ماهيجيب نتيجه .
.
تحاول تفتح الفيس
بوك تاني تلاقي صعوبه بالغه في كتابه الباسورد , يااااه لسه هكتب الباسورد ده كله ؟
ماهو أصل الباسورد في العزوبيه بيبقى حماده و بعد الجواز بيبقى ( حماده السيد ابراهيم
صمويل مربع شباك تسعتين حماده خمسه نجمه شرطه مايله مينا محمود تلت سبعات حماده )
.
.
و بعد ماتبذل مجهود
مضني في دخول الفيس تقعد بقى و تستربع و تستقر تماما , أه زيي كده , لو أسد فات من
جنبك هتبص له و تبتسم , أه هو أسد , مفيش ريأكشن , مفيش ريسبونس , مفيش رد فعل , سلام
تام , حالة تناحه و تلحمه بديعه , في الوقت ده تحديدا يقدر أي جيش في العالم يحتل مصر
, حتى الجيش البنغالي , انت عايز ايه يابني ؟ عايز تحتل مصر؟ طب اتفضل , بس عايز تحتلها
ليه ؟ ولّا اقولك من غير ليه , انا اصلا مش فيا حيل للمناهده , احتلها بهدوء و ماتعملش
صوت , بس و النبي ناولني ازازة مايه كبيره من التلاجه عشان مش قادر أقوم الله لا يسيئك
.
....................................................................................................................
Mohamed
Hussein
16
أبريل 2017·
مزرعة الموت في
البحيره , 30 فدان , تصنيع قنابل و متفجرات و أحزمه ناسفه , أجهزه و ماكينات و معدات
تصنيع .
.
ألاف الإرهابيين
المرتزقه دخلو مصر بعد 2011 , مستودعات و أوكار لتخزين السلاح , جماعه ارهابيه عايشه
وسطينا و معانا و في بيوتنا و شوارعنا , اقتصاد ضعيف و احتياطي نقدي ضعيف جدا , شبكة
أنفاق في سينا عامله مدينة تحت الأرض , عشرات المليارات اتصرفت عالإرهابيين و السلاح
, ترسانة الأسلحه الليبيه اتنهبت بعد سقوط القذافي و جزء كبير منها دخل للإرهابيين
في مصر ( ترسانة جيش دوله كان له تصنيف عالمي ) , حدود بريه 1200 كيلو بنأمّنها من
جهه واحده , دول و اجهزة مخابرات و قنوات و جرايد عالميه شاركو في المؤامره علينا
, السيسي لما قال ألف طن متفجرات مكانشي بيهزر .
.
طب حاول تصدق
, زمان , مش زمان أوي , من عشرين تلاتين سنه بس , كان فيه دوله اسمها الإتحاد السوفيتي
, سوبر باور , دولة عظمى كلمتها بتهز الكون , الدوله دي سقطت و اتقسمت و اتفكّكت بأقل
من اللي اتعرضت له مصر في السنين اللي فاتت .
.
هي دي مصر بقى
اللي ملهاش كتالوج , مصر اللي لا تخضع لكتاب الحساب و لا لكتاب المنطق , و أكبر خطأ
وقع فيه حلف الشيطان بكل عملاؤه بره و جوه إنهم وصّلو للشعب المصري شعور الخوف على
بلدهم , اعتمدو على قطيع من الخرفان و لعبوها غلط , أكبر خطأ ممكن تقع فيه انك توصّلي
شعور الخوف ده , كنا ملايين بنعك و نهبل بعد 2011 , و فرحانين بثوره و ربيع و هباب
و زفت , و في لحظة الخوف خلصت , شكرا , نقطه و من أول البلد , دي مصر يا مولانا مش
دور كوتشينه بنلعبه عالقهوه , لف و ارجع تاني بقى , و بقينا احنا الملايين خط الدفاع
الأول عن أعظم بلد في الكون , عالفيس بوك بندافع و في الشارع بندافع , نربط الحزام
, ناكل قش , نكمّل عشانا مايه , والله ما بتفرق معانا .
.
تعظيم سلام لرجالة
الجيش المصري و الشرطه المصريه , للظابط و العسكري , انتو و الله على راسنا من فوق
.
...................................................................................................................
Mohamed
Hussein
16
أبريل 2017·
يا عمو يا عمو
- نعم يا حبيبي
.
.
أنا عاجباني أوي
الديموقراطيه بتاعة تركيا .
- طبعا طبعا يا
حبيبي , و اردوغان يحكم 26 سنه ؟
.
أه يا عمو .
- و الإخوان يتوغلو
في كل مفاصل الدوله التركيه ؟ .
.
أه يا عمو .
- و تركيا تبقى
زي السودان كده ؟ .
.
أه يا عمو .
- و تقوم فيها
حرب أهليه و تتقسيم ؟.
.
أه يا عمو .
- حاضر يا حبيبي
.
.
بس ايه هيحصل بعد
كده يا عمو ؟ بعد ما الإخوان يتوغلو و تركيا تتقسم ؟ .
- مممممممم مفيش
يا حبيبي , أردوغان هيتفرّغ بقى و يمسك عكاز شكله حلو و يلبس جلابيه و يطلع كل يوم
تلات يقول هلايب و شلاتين تركيه , و التوراه نزلت في اسطنبول
.......................................................................................................................
Mohamed
Hussein
16
أبريل 2017·
خليفه المثليين
عامل تعديلات دستوريه في تركيا , بموجبها هيبقى حكم تركيا فعليا لمدة 26 سنه !! يعني
تداول سلطه على كيف كيفك , طبعا الخرفان بتوعنا هيشوفو ان الحكم بتاع ربع قرن ده حاجه
ديموقراطيه اخر فيصل , و لو البرلمان في مصر اقترح بموجب الدستور تعديل فترة الرئاسه
و زيادتها لمدة اسبوعين بس ( يعني تبقى أخرها 8 سنين و اسبوعين ) نفس الخرفان هيقولو
السلطه المطلقه و الفاشيه تطل برأسها و بتاكل العيال الصغيره .
.
ماهو اللي قبلنا
قالو في الأمثال إن ( البتاع الغريب حلو ) , و الخرفان و الكولجيه بقالهم 6 سنين (
ماسكين ) في البتاع الغريب قصدي ماسكين في المثل ده و و متبتين جامد و مابيزهقوش أبدا
, هيزهقو ليه طالما شايفينه حلو ؟ تقوله يا جدع سيب المثل في حاله عشان عيب و شكلك
بقى وحش أوي , يقولك أبدا عمري ما هسيبه , ده حبيبي و يقعد يبوس فيه ( في المثل يعني
) .
.....................................................................................................................
Mohamed
Hussein
16
أبريل 2017·
و على فكره بقى
, البيض الملون حرام , لأن البيض حرام و الألوان حرام , و الفسيخ حرام و بالتالي تبقى
الرنجه حرام ( بالقياس ) , و الجناين المفتوحه حرام ( عشان مفتوحه و العياذ بالله
) , و زمان في البلد كنا بنلوّن الغنم و الوز بألوان في شم النسيم , يبقى الغنم حرام
و الوز حرام ( بالقياس بالغنم برضه ) و زمان حرام و البلد حرام , و كنا بنعمل طوق أخضر
كده من فروع شجر الصفصاف و نعلقه على مدخل البيت , يبقى الطوق الأخضر حرام و شجر الصفصاف
حرام و مدخل البيت حرام و طبعا ( نعلّقه ) دي أكبر حرام بقى .
.
داحنا منقوعين
في الحرام لشوشتنا يا جدعان , مش عارف الواحد يكفر عن الذنوب دي ازاي بأثر رجعي ؟ دي
ذنوب عمرها 10 ألاف سنه , يعني مسافات , انا بقول مفيش حل غير اننا نشرب حشيش و بانجو
عشان ننسى , و نستغفر ربنا كتير و نلف التراك بتاع ستاد القاهره 7 مرات , و الشيخ ياسر
برهامي هو اللي يمسك الصفاره و يحسب لنا عدد اللفات , بعد اذنك يا شيخ ياسر انا مش
هلف معاكو التراك , لا صحتي ولا لياقتي يساعدوني , انا هقعد على جنب اشرب حشيش و بانجو
و اندم على ذنوبي و ذنوب مصر من أيام الفراعنه , و اكتب بوستات .
.........................................................................................................
Mohamed
Hussein
16
أبريل 2017·
الفرق ببساطه
.
البابا تواضروس
: المسيح بعد اضطهاده لم يجد ملاذ أمن إلا في مصر , مصر أغلى الأوطان و بلد الناس الطيبين
.
.
قيادات الإرهابيه
: الوطن حفنه من تراب عفن , و الوطنيه تحت جزمتي .
.
المفروض أنا بقى
كبني أدم مصري عاقل أحب مين و احترمه ؟ الوطني ولّا الخاين ؟ المقتول الصابر المحتسب
و لّا الإرهابي القاتل ؟ اللي بيخاف عالبلد دي و ترابها و وحدة أراضيها رغم المصاب
و الألم و لّا اللي بيبيعها و يحرقها في كل يوم و كل ساعه و حلم حياته انه يشوفها خرابه
؟ .
.
البابا تواضروس
مايفرقشي حاجه عن البابا شنوده , الإتنين ولاد الشجره الطيبه اللي عمرها ألفين سنه
, هذا الشبل المصري من ذاك الأسد المصري , و مرشد الإرهابيه الحالي مايفرقشي حاجه عن
مرشدها الأول , هذا الخروف الصهيوني من ذاك الخروف الصهيوني .
...............................................................................................................
Mohamed
Hussein
15
أبريل 2017·
الوطن حفنه من
تراب عفن , و الوطنيه عالجزمه !! .
.
أومال حضرتك مستني
ايه من جماعه صهيونيه إرهابيه دوليه أنشأتها المخابرات البريطانيه ؟ عايز ايه من خروف
اتربى على الارهاب و الكدب و القتل و الحرق و التزييف و التأليف و الفبركه و الخيانه
والتجاره بالدين و المرقعه في بلاط البريطانيين و الأمريكان ؟ عايزه يطلع ايه في النهايه
؟ عبد الحليم حافظ ؟! عبد الرحمن الأبنودي ؟ جلال عامر ؟ فاروق جويده ؟ أحمد فؤاد نجم
؟ رأفت الهجان ؟.
عايزه يقول ايه
طيب ؟ قصائد شعر في حب مصر ؟ يكتب مجلدات في وصف الوطنيه ؟ يعلمنا يعني ايه كلمة وطن
؟ يقول على مصر دي بهيه و بلدنا عالترعه بتغسل شعرها ؟
.............................................................................................................
Mohamed
Hussein
14
أبريل 2017·
الخواجه : عملتو
ايه يا خبيبي ؟ قولي أخبار تفرحني .
.
البهلول أبو دقن
: والله يا مولانا الخواجه , عملنا اللي قولت عليه فضيلتك بالظبط , اتدربنا و سافرنا
و روحنا و جينا , و جبنا عيل من الشباب بتوعنا و اديناله فلوس و حبوب هلوسه و قولناله
حور العين في انتظارك , و روح فجّر نفسك , و بالفعل فجرنا كنيستين من كام يوم , و الجزيره
في نفس الوقت أنتجت و فبركت فيلم عن قنص الجنود على إيد الإرهابيين , قصدي المجاهدين
.
.
الخواجه : تمام
تمام يا خبيبي , دي أخبار حلوه , أخبار هايله , و أكيد طبعا المصريين خافو و كشو و
اترعبو و مبقوش ينزلو من بيوتهم ؟ ..
.
البهلول أبو دقن
: والله يا مولانا الخواجه , الدنيا زحمه جدا و المصريين واقفين طوابير .
.
الخواجه : أيوه
كده فرح قلبي , الدنيا زحمه في المطارات و كله خاف و عايز يهاجر و يهرب من البلد بسرعه
, و الطوابير دي قدام السفارات , مش كده ؟ .
.
البهلول أبو دقن
: للأسف يا مولانا الخواجه , الزحمه دي في قلب الكنايس نفسها و الناس بتحتفل و تعيّد
برضه , و زحمه كمان في كارفور و المولات و الجناين , و زحمه عالمصايف عشان يقضّو أجازة
شم النسيم , أما الطوابير بقى ف دي فضيلتك طوابير ملهاش أول من أخر قدام محلات الرنجه
و الفسيخ .
.
الخواجه : انا
بشد في شعري من الشعب ده , مش عارف نعمل ايه تاني ؟ لو ضربناهم بالنووي برضه مش هيتحركو
من مكانهم و أرضهم ولا هتتهز لهم شعره , و يمكن صحتهم تتحسّن عالنووي و يخلفو عيال
اكتر , كل البلاد حواليها وقعت و خربت إلا هي , بلد غريبه , كمية الفلوس و السلاح و
المجاهدين اللي دخّلناها في 6 سنين كانو كافيين لاسقاط الإتحاد الأوربي كله , بس هي
ما بتقعش ليه ؟ .
.
البهلول أبو دقن
: والله يا مولانا الخواجه احنا من ايدك دي لإيدك دي , و طبعا بنعمل كل ده عشان ننصر
الإسلام زي ما فضيلتك عارف .
.
الخواجه : أه يا
خبيبي بنعمل كل ده عشان to
fuck your mother
.
.
البهلول أبو دقن
: يعني ايه الكلمه اللي بالإنجليزي دي يا مولانا الخواجه ؟ .
.
الخواجه : يعني
عشان ننصر الإسلام يا خبيبي .
.......................................................................................................................
Mohamed
Hussein
14
أبريل 2017·
عمر البشير بالنسبالي
بقى عباره عن ضحكة يوم الجمعه , أه و الله , ضحكه كده نضحكها كل اسبوع في نفس المعاد
, كأنه لعبه بزمبلك , تميم ابن موزه يبعت له فلوسه يقومو يقولو ان مثلثات الجبنه النستو
اللي عندهم أقدم من أهرامات الجيزه , تميم ابن موزه يبعت فلوس تاني يقولو التوراه نزلت
في السودان مش مصر , مع الحواله الجايه اللي يبعتها ابن موزه هيطلع البشير و يقول اسم
مصر اللي ورد في القرأن 5 مرات كان مقصود بيها السودان .
.
الحقيقه مش هبطل
اصرخ في أشقائنا السودانيين , جايز حد فيهم يفوق من الغيبوبه أو يصحى من نومه و يشوف
الدنيا حواليه , السودان اتقسمت يا زول شمال و جنوب بفلوس قطر بنت الوسخه و بخطة الصهاينه
و بعميلهم الضاني اللي بيحكمكو , عمر البشير لما بقى مطلوب القبض عليه من محكمه دوليه
بقى كده مربوط ب ( مختمه ) زي البهميه و أي عيل صغير ممكن يسحبه , لما راح جنوب أفريقيا
و قاضي أصدر امر باعتقاله بموجب حكم المحكمه الدوليه يوميها قعد مع السفير الأمريكي
في جنوب أفريقيا و عرف يرجع بلده , أظن كده الرساله واضحه ولا البعيد غبي ؟! .
.
السودان يا زول
هتتقسم تاني و الشمال هيبقى شمالين , و قطر بنت الوسخه هما صهاينه العرب , بينفذو المخطط
بفلوسهم , و بلدكو بقت عباره عن سلسلة مفاتيح في ايد عيل صايع بيلعب بيها و يلفها حوالين
صوابعه , السودان بجلالة قدرها بقت سلسلة مفاتيح , أو بمعنى أصح بقت زي الطور الهايج
لما صاحبه اللي بيأكّله يبعت له فلوس مستعد يضرب دماغه و قرونه في جبل فولاذ اسمه مصر
, مصر مابتتهزش و العيل الصايع بيضحك و الطور قرونه بتتكسر و بينزف دم !! .
.
أصدقائي السودانيين
, انتو أطيب و أغلب شعوب الله , بس اهي نصيحه , فلوس قطر خربت ليبيا و خربت سوريا و
خربت فلسطين و بتخرب في بلدكو , اصحو من النوم دلوأتي و دوسو على رقبة الخروف اللي
بيحكمكو و بلاش تسيبو بلدكو تتحول لمسخره و قرد بيتنطط يعمل نوم العازب و عجين الفلاحه
, اصحو من النوم دلوأتي أو نامو للأبد .
....................................................................................................................
ليست هناك تعليقات:
إرسال تعليق