Mohamed
Hussein
30
مارس 2017
من سنتين تلاته
و السيسي بيقول مفيش مستقبل للإرهابيين في الحياه السياسيه في سوريا و إن مصير بشار
الأسد يحدده الشعب السوري ( مش يحدده جمعيه فيها مرتزقه من كل دول العالم ) , في الوقت
اللي كان فيه حلف الشيطان و صبيانه و أبواقهم و زماميرهم في الطالعه و النازله يقولو
بشار لازم يرحل و بشار انتهى .
.
النهارده أمريكا
بتقول مصير بشار يحدده الشعب السوري , و النهارده السعوديه توقفت عن نغمة بشار لازم
يرحل , و النهارده اختفت افتكاسه ( حلب تحترق ) و النهارده الإرهابيين اللي في سوريا
بيلمو أوراقهم و أسلحتهم و دقونهم و جوازات سفرهم المضروبه عشان خلاص دورهم انتهى
.
مصر رغم أزمتها
الاقتصاديه و رغم الحصار المتعمد و رغم حربها ضد الإرهاب في أكتر من جبهه , لا تفقد
أبدا أوراق القوه ولا تفرط في أمنها القومي , مصر هي مصر , ولا عزاء للخرفان .
.
اللي أقنعك في
يوم من الأيام ان جيوش الدول اسمها ميليشيات فلان أو علان و إن الإرهابيين المرتزقه
اللي بييجو ( من 70 دوله ) اسمهم المعارضه المسلحه , واللي أقنعك بإن الحرب في سوريا
و اليمن اسمها حرب مذهبيه ( سنه و شيعه ) , و اللي أقنعك ان خراب و حرق الأوطان اسمه
ربيع و ثورات تحرر , اللي اقنعك بكده اسمه الشيطان , والشيطان ده له لسان في وطنا العربي
اسمه قناة الخنزيره و له زمامير صغيره هتلاقيها حواليك في كل مكان ( حتى الفيس بوك
)
.
, لو لحد دلوأتي
مش مصدق و مش فاهم و مش مستوعب يبقى تخلّي أبوك و أمك يحفرو حفره جنب البيت و يدفنوك
فيها بالحيا , و لو عندك شهاده جامعيه يحرقوها الأول , عشان انت عار عليهم و عار على
أي بلد و عار عالبشريه كلها .
.........................................................................................................................
Mohamed
Hussein
30
مارس 2017·
ميزه عبد الفتاح
السيسي ( و عيبه في نفس الوقت ) إنه بيختار دايما الحلول الجذريه مهما كانت الظروف
, ملوش في سياسة ( اطفاء الحرايق ) .
.
عايز أحل مشكلة
الكهربا من جذورها , يا عم تحل ايه بس ؟ خليها ماشيه كده و اعمل صيانه للي موجود و
الكهربا تيجي شويه و تقطع شويه و اهي الناس بتعرف تتصرف , بمولدّ ولا كشاف ولا حتى
لمبة جاز , لأ هحلها بشكل نهائي , يا مولانا مفيش فلوس , هنتصرف , طيب .
.
عايز أعمل شبكة
طرق و كباري , هتعملها ازاي ؟ هنعملها في خطه شامله عشان ماينفعش نتكلم على صناعه و
تجاره و استثمار واحنا عندنا شبكه متهالكه كده , يا عم الحاج مفيش فلوس و السياحه انضربت
و حبايبك اياهم بيساوموك على موقفك السياسي , مش عايزين منهم فلوس و هنعمل شبكة الطرق
, يا سيدي طب مستعجل ليه ؟ هي الدنيا طارت , ماتعيش عيشة اللي قبلك , لما طريق يتفحت
خالص و يبقى جاب جاز نعيد رصفه , ليه التكلفه دي ؟, لا مليش دعوه , هنعملها .
.
عايز أعمل عاصمه
ادارية جديده و افك الزحام عن القاهره , حاجه كده تستوعب لها خمسه سته مليون بني ادم
تتعمل بشكل محترم و تبقى واجهه لمصر تليق بيها , يا مولانا مفيش فلوس , نو موني , فلوس
مفيش , و المستثمرين رجل بره و رجل جوه , وانت تقولي واجهه ؟ برضه هنعملها , يا سيدي
هي كانت القاهره القديمه اشتكت لك ؟ ماهي عايشه و زي الفل و العربيات بتركن فوق بعضها
و الجيران بيسلمو على بعض من البلكونات , أصلنا شعب عشري و يحب اللمه , لا مليش دعوه
هعملها و في سقف زمني محدد .
.
عايز أحل مشكلة
العشوائيات الخطره و اعمل للناس مساكن أدميه , عشوائيات ايه يا ريس بس الله يرضى عليك
, هي العشوائيات دي ظهرت في مصر أول امبارح بالليل ؟ دي من تلاتين أربعين سنه , بقت
عالم موازي و حاجه فولكلوريه جميله , عايشين بيها و عايشه بينا و متسنجفين مع بعض
, خليها موجوده , ده حتى الأستاذ خالد يوسف بيحبها , لا برضه مليش دعوه , هنعمل للناس
مساكن أدميه و نزيل العشوائيات , ياريس المنطقه في حالة حرب و انت جيشك بيحارب في كذا
جبهه , اصبر شويه , لا مش هصبر .
.
اه على سيرة الجيش
لازم نعيد تسليحه من جديد بأحدث الأسلحه , ده أولويه أولى , ياريس تسليح ايه بس و طيارات
ايه ؟ ماترضى بالحتتين سلاح اللي بترميهم لنا أمريكا كل سنه , لا مش هرضى و هنّنوع
مصادر تسليحنا , حتى لو هناكل قش .
.
هي دي حكاية السيسي
باختصار , و ميزته و عيبه , ميزته إن أحلامه للبلد دي مابتنتهيش و عايز حلول جذريه
مهما كانت الظروف , و عيبه انه عنيد و بيجري ويسابق الزمن كأن فيه حد بيجري وراه .
.
السيسي باختصار
عايز يعمل الحاجه الصح و بيراهن على إن نفسنا طويل و هنستحمل معاه , المشكله اننا ماتربّيناش
على فكرة الصح و النفس الطويل , كلنا اتربينا و اتعلمنا و اتخرّجنا من كلية ( اطفاء
الحرايق ) قسم ( إحييني النهارده و موتني بكره ) .
.......................................................................................................................
Mohamed
Hussein
29
مارس 2017·
الحقيقه مغادرة
الرئيس عبد الفتاح السيسي للقاعه وقت كلمة تميم ابن موزه مجرد موقف سياسي و رساله رمزيه
بسيطه , مش قفا ولا حاجه .
.
مصر لو عايزه تدّي
لتميم و امه على قفاهم هيبقى موقفنا غير كده خالص , هتلاقي القفا بيطرقع و بيسمّع في
البرازيل و اليابان و شمال روسيا , طب ايه مصبّرنا عالقفا اللي بجد أو الخابور الحقيقي
لدويله صهيونيه ملهاش أي شغلانه في الدنيا غير محاولة تشويه مصر و السعي لخرابها ؟
اللي مصبرنا يا مولانا باختصار هما كلمتين :
.
قطر مجرد كشك عالخليج
يعني حشره مالهاش أي تلاتين لازمه و معاها شوية مليارات بتصرفهم على خراب مصر و الدول
المحيطه بيها , إنما الحشره دي بتلاقي دعم و غطاء سياسي كامل من دولتين مهمين جدا بالنسبالنا
, أمريكا و السعوديه , سيبك من السعوديه عشان أمرها سهل , تبقى المشكله في الغطاء السياسي
الأمريكي للفأر القذر اللي اسمه قطر , يوم ما أمريكا ترفع ايديها عن الكشك ده هتسمع
صوت طرقعه القفا و الكف المصري لما بيرشق .
.
طب امتى أمريكا
ترفع ايديها ؟ في العاده أمريكا مش بترفع ايديها إلا في حالتين , إما انك تقدم لهم
اغراءات بشكل معين في صورة مشاريع كبيره و استثمارات ضخمه و خلافه ( و ده صعب , صعب
جدا انك تعلى على ملياراتهم اللي بتطلع من تحت الأرض و اللي بيروحو يرموها تحت رجلين
أي رئيس أمريكي ) أو ان أمريكا تحس أن الفار بتاعها بقى كارت محروق و غير مؤثر و دوره
انتهى , وقتها هترفع ايديها و تدور لها على فار جديد بفكره جديده , و تسلّم لنا الفار
القديم تسليم أهالي .
.......................................................................................................................
Mohamed
Hussein
29
مارس 2017·
القمه العربيه
في الأردن ( بحضور رعاة الإرهاب و عملاء حلف الشيطان و بدون سوريا !! ) .
.
القمه بدأت بتلاوة
قرأنيه ( و اعتصمو بحبل الله جميعا ) مع إنهم والله كانو المفروض يبدأوها بالأيه الكريمه
( تبّت يدا أبي لهبٍ و تب ) !! , تخيل يا مؤمن المشهد كده , نهار داخلي من داخل قاعة
المؤتمر , و شيخ مقرئ يكون واد دكر , يقوم قايل , أعوذ بالله من الشيطان الرجيم , بسم
الله الرحمن الرحيم , و بعدين يقوم باصص في ناحية معينه بتركيز ويقول ( تبت يدا أبي
لهب و تب ) .
.
ممممممممم بس أكيد
أبو لهب كان هيزعل و مش بعيد ينسحب من القمه هو و صبيانه , و ممكن يزعل أوي و يروح
يدفع فلوس لأمريكا تاني أو ينفعل جدا و يجيب تيريزا ماي تعمل عنده 17 قاعده عسكريه
جديده , اه ده زعله وحش على فكره
...........................................................................................................................
Mohamed Hussein
29
مارس 2017·
يعني ايه الموضوعيه
............. يعني مصر أولا و أخيرا , يعني أسفين يا ريس مبارك بس مش أسفين أوي
!! .
.
مش هبطل أقول و
أكرر , يحسب للرئيس السابق حسني مبارك انه اختار اختيار صعب في 25 يناير , تنازل عن
حكم مصر طواعية للمجلس العسكري , مع ان له قاعده انصار كبيره جدا و كان يقدر يحولها
حرب أهليه , و يحسب له انه ماهربشي زي غيره و ارتضى انه يتحاكم 6 سنين و يروح و ييجي
على نقاله و حاجه في منتهى قلة القيمه لواحد حكم مصر 30 سنه يعني كان ملك مكانشي رئيس
, و يحسب لمبارك أنه واحد من أبطال حرب اكتوبر المجيده وانه عمل حاجات معقوله في البلد
خصوصا أول 10 سنين .
.
تعالو الناحيه
التانيه و بنفس الهدوء عايز أقول لحضراتكو
.
- صناعة ألبان
الأطفال صناعه معقده و بتحتاج تكنولوجيا عاليه , لما سافرت السعوديه من 15 سنه , سمعت
عن شركة مصريه بتنتج لبن أطفال , انبهرت جدا بالفكره , و المنتج بتاعهم كنت بشوفه في
السعوديه , فكرة امتلاك مصنع لإنتاج لبن الاطفال دي مش فكره هينه لأن السلعه نفسها
ممكن ببساطه تحطها تحت بند ( أمن قومي ) يعني من السلع الخطيره , المهم سنه و اتنين
و مابقيتش اسمع عن المصنع في مصر ولا أشوف منتجاته , ايه اللي حصل ؟ قولا واحد و بحكم
ان ده مجال شغلي هقول لحضراتكو وانا مغمض عنيا , الشركه دي اتحاربت لحد ماتوقف حالها
في السوق المصري و خرّجوها من خريطة الإنتاج المحلي , ليه ؟ لصالح مافيا المستوردين
طبعا , اتحاربت ازاي ؟ بنفس طريقه امبراطورية الفساد السابقه ( مش هيغلبو انهم يعقدوك
في عيشتك و يطلعو في منتجك القطط الفطسانه ) , مين المسئول عن كده ؟ أكيد مش امي الله
يرحمها .
.
من حقنا كمان نسأل
سؤال تاني , عن اكتشافات البترول و الغاز اللي حصلت في السنتين اللي فاتو , بس ركزو
الله يكرمكو , عبد الفتاح السيسي مش معاه عصايه سحريه ضرب بيها أرض مصر قام طلع فيها
غاز و بترول , الغاز اللي تم اكتشافه هيوصّلنا لمرحلة التصدير في 2018 و البترول في
2020 , يعني يبقى عندنا اكتفاء ذاتي من الطاقه و فائض للتصدير بدل ما كنا بنستورد بمليارات
الدولارات سنويا , السؤال بقى , الغاز و البترول معروف انهم موجودين في باطن الأرض
من عشرات و مئات السنين , و احنا عندنا شركات بتنقب في مصر من سنين طويله جدا (و فيه
أقمار صناعيه و ليله ), و أكيد الشركات دي كانت عارفه بوجود كميات ضخمه من الغاز و
البترول ( أو متوقعه أو فيه اشارات مبدئيه ) , طب ليه مكانشي فيه عمل جادي لاستخراجها
و البدء في انتاجها ؟ هل يا ترى عشان ؟ ولّا عشان ؟ ولّا عشان ؟ كل ( العشانات ) ألعن
من بعض ( ده فيهم عشان ممكن تخلّي شعر راسنا يقف ) , و أكيد برضه مش أمي الله يرحمها
هي السبب .
.
أصدقائي الأفاضل
المحترمين , حبو مبارك زي مانتو عايزين , و علقو صوره في كل مكان , و قولو له احنا
أسفين , بس رجاء عشان خاطر ربنا و خاطر سيدنا النبي , حبو بلدكو أكتر و احترمو عقولكو
أكتر ..
..........................................................................................................................
Mohamed
Hussein
28
مارس 2017·
بنت جمال عبد الناصر
عملت فرح لابنها و رقصت في الفرح , ماهي اكيد هترقص أومال يعني هتقعد تقول تواشيح ؟
و لا تجيب المعازيم و تقيس لهم ضغط و سكر بالمناسبه السعيده دي ؟ هترقص زي أي أم مصريه
مابترقص في فرح ابنها , زي أمي الله يرحمها مارقصت في فرحي , هي صحيح بنت جمال عبد
الناصر بس مش حديد مسلح والله , بني ادمه عاديه زي أي بني أدمه , و بالمناسبه مفيش
سفير اسرائيلي حضر الفرح , الفرح ماحضرهوش السفير الإسرائيلي , ماحضرهوش الفرح السفير
الإسرائيلي .
.
, يخرب بيت أم
كده بجد , ده جمال عبد الناصر ده لا طلع رئيس ولا زعيم , ده طلع ملكوت لوحده أو كوكب
من كواكب الأرض أو سر غامض من أسرار الله في الكون , عامل للأنطاع هسهس في دماغهم حتى
بعد ما مات بنص قرن .
.........................................................................................................................
Mohamed
Hussein
28
مارس 2017·
ألعن خلق الله
في نظري تلاته , هما تلاته
.
1 - واحد كان عايز
يوصل لحكم مصر و لما الشعب شاطه في الشارع طلّع الإرهابي اللي جواه , و بقى يحرق و
يقتل ويخون و يشوه كل حاجه بما فيها اسم بلده و تاريخها و مؤسساتها و جيشها , و بقى
مستعد تماما يشتغل عالحكايه دي في أي مكان حتى تل أبيب و يتحالف مع الشيطان ذات نفسه
.
.
2 - واحد كان متخيل
ان الثوره دي بتبقى كيان أهم من البلد فلما ينزل الشارع و ينام يومين تلاته في الميدان
يبقى البلد نفسها مدينه له بجميل العمر و المفروض نكتب له محافظة دمياط بيع و شرا
, مش ان الثوره عمل تطوعي لإصلاح حال البلد اللي هو مواطن فيها , لا الثوره عمل همجي
غير محسوب و غير مدروس و بعد شويه يقولك انا عايز حقي بقى , دانا نمت في الميدان ,
و إلا فالمقابل ( في حالة الرفض ) انه يفضل مركوب من رقم 1 أيام و شهور و سنين و مدى
الحياه .
.
3 - واحد شاف بلده
في حالة خطر , الناس بيقولو كده , لقى ملايين متلتله خايفه على بلدها فعمل انه خايف
معاهم عالبلد , و قال لنفسه دي موجه حلوه نطلع عليها يمكن نوصل لحاجه أو مصلحه أو سبوبه
, ولما ماجتش المصلحه و السبوبه اتركب من رقم 1 و رقم 2 .
.
المجد للثابتين
المرابطين اللي ممكن يكونو بيكحو تراب أكتر من غيرهم , بس مش بيتلوّنو ولا يخونو بلدهم
ولا اعتقدو في يوم من الأيام ان مصر مدينه ليهم بجميل , و لا عاشو في لحظة من اللحظات
بطريقه ( لو وقعت دار أبوك , خد لك منها قالب ) .
..................................................................................................................
Mohamed
Hussein
27
مارس 2017·
الأخت الفاضله
سما المصري ناويه تقدم برنامج ديني في رمضان , اقترح يكون اسم البرنامج ( أجل يا سيدي
) , و بتقول إنها هتجيب ناس و ضيوف عشان يشرحو لنا صحيح الدين , أه صحيح , و صحيح الدين
يا خوانا عشان تبقو عارفين , يعني صحيح ديني و صحيح دين أمي و صحيح دين أمنا كلنا
.
.
كده مش باقي غير
إن فاروق جويده ينضم لتنظيم داعش الإرهابي و انا اشتغل رقاصه و جايزة أحسن باك شمال
في تاريخ البشريه تكون من نصيب المرحوم عبد الفتاح القصري , و بعدها على طول نوصل لليفل
اللي هنقابل فيه السحليه العملاقه و السحليه العملاقه تاكلنا و ماتسيبشي فينا ولا حتة
قرقوشه , و بعدين لما تاكلنا يجيلها تسمم ( ماهو لازم يجيلها تسمم ) , و تموت و احنا
نبقى في بطنها قاعدين و مستخبيين ( ورا الطحال على طول ) , نقوم ندور على حد فينا معاه
مطوه قرن غزال أو حتى قصافه , مانلاقيش , بس نلاقي واحده معاها مبرد ضوافر في شنطة
إيديها نقوم ناخده و نفتح بطن السحليه العملاقه و نطلع منها و كل واحد يروح بيتهم و
ياخد دش و بعد ما ناخد دش كلنا نكتشف إننا ممممممممممم مارجعناش مبرد الضوافر لصاحبته
.
.
نقوم نتصل ببرنامج
( أجل يا سيدي ) و نسأل الأخت الفاضله سما المصري عن رأي الدين في موضوع مبرد الضوافر
اللي فتحنا بيه بطن السحليه العملاقه و هل صاحبة المبرد ممكن تسامحنا ولا لازم نكفّر
عن ذنبنا و نلف التراك بتاع ستاد القاهره 17 مره , أو نكفّر عن ذنبنا و نتحبس في أوضه
ضلمه لمدة 40 يوم بلياليهم مع أيمن يونس و البلتاجي و ريهام سعيد.
....................................................................................................................
Mohamed
Hussein
27
مارس 2017·
طب هحكي لكو حدوته
.
كان فيه راجل فقير
معدم مش لاقي ياكل , و في يوم من الأيام الراجل ده بينبش في تراب بيته لقى كنز دهب
تحت البيت , كنز كبير أوي , الراجل الفقير المعدم حاله اتشألب 180 درجه و بقى غني أوي
, ماهو أصله باع شوية دهب من الكنز و لسه عنده شويه كمان .
.
المهم الراجل الفقير
المعدم ده قصدي الغني أوي كان له جارين , واحد على يمينه اسمه ( الملّا ) قريبه بس
من بعيد , أفكاره مختلفه و لغته مختلفه و بيصلي بشكل مختلف عنه شويه , و واحد على شماله
, ابن عمه بس من عيله كبيره أوي , ابن عمه بيتكلم نفس لغته و بيصلي نفس صلاته , ابن
عمه صحيح مش غني و مقتدر ولا عنده كنز دهب تحت بيته بس عامل فيها بقى كبير الحي بحكم
انه ابن العيله الكبيره أوي .
.
الراجل الفقير
المعدم قصدي الغني أوي من يوم ماظهر الدهب تحت بيته لقى ناس بتخبط عالبيت , فتح الباب
لقاهم شوية خواجات ببرانيط , قالو له مساء الخير يا خبيبي , قال لهم عليكم السلام و
رحمة الله و بركاته ( أصله متدين و مش بيقول مساء النور ) , قالو له الكنز الدهب اللي
تحت بيتك احنا هنشتري معظمه عشان بنحتاج الدهب , و هنخلي ولادك يعيشو أحسن عيشه , عربيات
و موبايلات , قال لهم على خيرة الله , قالو له بس انت محتاج حمايه , قال لهم ليه حمايه
؟ قالو له هي دي محتاجه ليه خبيبي ؟ انت على يمينك عيلة ( الملا ) و دول بيفكرو صبح
و ليل انهم يقتلوك و ينهبو بيتك , و على شمالك اسمه ايه ده اللي عامل فيها كبير الحي
, و على ايه يعني يبقى كبير ؟ ماتبقى انت الكبير ؟ دانت هيبقى عندك فلوس مالهاش أول
من اخر , و احنا هنساعدك تبقى الكبير .
.
قال لهم يعني ايه
المطلوب , قالو له مفيش , هنبعت لك ( جاك ) و معاه سلاح , عشان يحميك طبعا من اللي
على يمينك واللي على شمالك , قال لهم و ماله , يا مرحب يا مرحب , حللت أهلا و نزلت
سهلا يا سيد جاك , و بعدين يا خبيبي تصرف شوية فلوس من فلوسك في خراب البيوت اللي حوالين
بيت ابن عمك الكبير عشان لما تخرب البيوت اللي حواليه هيقوم بيته هو يتهز و يتلهي بقى
في بيته و انت تبقى كبير الحي , قال لهم و ماله من عنينا , شيك على بياض أهو , اعملو
اللي انتو شايفينه صح, و الخيرة فيما اختاره الله .
.
بعد شويه خبط عليه
نفس الخواجات و قالو له مساء الخير يا خبيبي , قال لهم و عليكم السلام و رحمة الله
و بركاته , قالو له ده فرانكلين ولد متدرب و معاه سلاح زي الفل و ده فرانسو زيه و ده
أوغلو هو كمان معاه سلاح , هيقعدو عندك في البيت عشان جاك لوحده مش كفايه , انت عارف
الدهب بتاعك محتاج حمايه كبيره و احنا خايفين عليك من جارك اللي عاليمين و في نفس الوقت
عايزينك تبقى كبير الحي بدل ابن عمك اللي عالشمال , بس امضي لنا عالشيك ده , قال لهم
يا مرحب يا مرحب , بيتهم و مطرحهم , وأدي توقيعي أهو
.
و مرت سنين و وراها
سنين و الراجل الفقير المعدم قصدي الغني أوي بقى بيته مترشّق خواجات بالسلاح في كل
حته و بيمضي شيكات على بياض في الطالعه و النازله , ولا جاره اللي عاليمين رمى عليه
طوبه أصلا , ولا ابن عمه اللي عالشمال بقى صغيّر العيله .
.
و توتة توته فرغت
الحدوته , حلوه ولا ملتوته ؟
......................................................................................................................
Mohamed
Hussein
26
مارس 2017·
رئيس مصر أيا ما
يكون اسمه لما يسافر بره مصر يفترض بأي مواطن مصري مغترب إنه يرحب بيه , مش عشان هو
عبد الفتاح السيسي أو حسني مبارك أو حتى البهلول محمد مرسي , عشان ده اسمه رئيس جمهورية
مصر العربيه , رئيس بلدك .
.
عزيزي المواطن
المصري اللي عايش في أمريكا و بيفكر يقابل السيسي بلافتات استهجان و شتيمه , ماعندكش
مشكله خالص , يعني عادي , بس عايز ألفت انتباه معاليك لكام حاجه كده عشان مش تنساهم
.
1- لما تنزل من
بيتك يوميها ماتنساش تشتم بلدك , اشتمها أوي و حاول تشوهها على أد ما تقدر قدام وسائل
الإعلام .و حاول تتكلم عن الزباله و الناس في مصر اللي كلهم بيموتو من الجوع و ال
700 مليون معتقل اللي في السجون , و الأقباط اللي بناكل دراعهم لما بنقابلهم في الشارع
.
.
2- لازم تبان طبعا
انك عايش في أمريكا لأنك منفي من مصر ( على اعتبار انك سعد زغلول و كده ) و انك يا
ولداه لما كنت في مصر كنت بتاكل تراب و تشرب جاز , و لما جيت لأمريكا قابلوك بالأحضان
و شغلوك في السلك الدبلوماسي على طول .
.
3- اوعى تسيب أي
قناه أمريكيه أو بريطانيه أو صهيونيه أو تركيه أو قطريه من غير ما تطلع فيها و تشتم
بلدك ( لا انا عارف ان شتيمة السيسي لوحدها مش هترضي غرورك ) .
.
.
4- ممكن تتألق
طبعا و تطلب من إدارة ترامب انها تقطع علاقة أمريكا بمصر , و حبذا لو تتألق أكتر و
تطالب الإداره الامريكيه إنها تشن هجوم عسكري على مصر عشان تحمي الحريات و الديموقراطيه
و الأقباط و الجمعيات و الثورات و الحركات و الحبشتكانات من هجمات السيسي الوحشيه
, و يرجّعونا بقى لزمن الإحتلال الجميل .
.
5- هتلاقي خرفان
واقفين جنبك أو بمعنى أصح واقفين وراك ( بيشجعوك يعني ) و رافعين شعار رابعه و صورة
البهلول , طبعا دول رفقاء الميدان و الفصيل الوطني السلمي الكيوت اللي مش ارهابي ولا
حاجه .
.
6- وانت راجع بعد
ما تعمل العمل البطولي ده أوعى تنسى ال 150 دولار , و لو كنت نازل متطوع كده من غير
فلوس ( متبرع بالليله دي ) تبقى انت حد جميل أخر حماده .
.
7 - لما ترجع بيتك
ماتقلقش لو مالقيتش مراتك في البيت , هي كمان هتلاقيها ب( ترفع ) لافتات و بتعلي (
صوتها ) في وقفه احتجاجيه تانيه و فيه حد واقف وراها ( عشان يشجعها برضه ) , و ممكن
تكون بتاخد فلوس ( أو ببلاش ) , ولّا هو النشاط ( السياسي ) حلال ليك و حرام عليها
؟!
......................................................................................................................
Mohamed
Hussein
26
مارس 2017·
الندّاهه
.
النداهه هي الدايره
المقفوله اللي بيلف فيها كتير من أصدقائي بقالهم سنين , دايره مقفوله محكمة الغلق
, مفهاش منفذ خروج , ولا شباك و لا طاقه نور , دايره مقفوله لدرجة انها تتحول لثوابت
و أسس و أعمده و أبجديات و كأنها أيات من كتاب مقدس , مع انها في الحقيقه تماثيل معموله
من العجوه .
.
النداهه هي دايرة
الهري , هي اننا نفضل نقطع هدوم بعض و لما نتزنق و نحاول نوصل ولو بشكل ظاهري لنقطة
اتفاق تتقال فيها الجمله الشهيره الأكثر سذاجه ( بس احنا ساعة الجد و ساعة الخطر هنبقى
ايد واحده و نبقى جنود في جيش مصر ) , على فكره يا مولانا إحنا و عهد الله , و الله
العظيم , عليا الطلاق بالتلاته , احنا في ساعة الخطر بقالنا سنين , في ساعة الجد و
الخطر مش ساعة الحظ ولا ساعة الفرفشه ولا ساعة تقطيع هدوم بعض ولا ساعة الحائط ولا
ساعة بيج بن .
.
النداهه انه تتخيل
ان دورك في الحياه بيبدأ و ينتهي عند تشويه عبد الناصر أو السادات أو حتى مبارك , تشويه
الازهر و الكنيسه و الجيش و الداخليه و الكل كليله , عايزها علمانيه لا مدنيه , لا
بقى عايزها اسلاميه , احنا نعمل جوامع كتير و بلاش كنايس , لا بقى عايزين كنايس كتير
و مش مهم جوامع , النقاب و الحجاب يا اختاه , لا هنكشف شعرنا و ننزل الميدان , مالها
بس العبايات الخليجي , و ماله الجينز و النبي ياخويا , انا بدافع عن مدنية الدوله ولازم
نعدم السلفيين و انا يا اخي بدافع عن هويتي الإسلاميه ولازم نعدم نجيب ساويرس , رجال
الأعمال حراميه , لا بقى رجال الأعمال خط أحمر , الصحافه إلا الصحافه , الصحفيين دول
كلهم ولاد تيت .
.
و تبدأ الحكايه
دي من سنين و تستمر فيها سنين , تلف في نفس الدايره المقفوله , الدنيا تتشال و تتهبد
حواليك و الصوره تبقى واضحه للأعمى و الجيش بيحارب في 3 جبهات , وانت لسه بتلف في نفس
الدايره , مفيش شباك تهرب منه ولا طاقه نور ولا نقطة نظام ولا لحظة صمت .
.
النداهه انك تعتقد
و احنا في التوقيت ده , توقيت خراب المنطقه بأموال المنطقه و بناس من أهل المنطقه
, تعتقد ان ده توقيت مناسب جدا انك تطلب أي طلب يخطر على بالك و إلا تبقى الحكومه فاشله
و الرئيس فاشل , هو ده مفهومك عن الفشل , مالكش جوز عيون بتشوف بيهم الحال و الحاله
, بالظبط كأنك عايش في بيت و معاك 10 من خواتك , بره البيت ديابه و تعالب ( و لا مؤاخذه
فلوس بترول ) , و جوه البيت 2 من خواتك خونه ولاد كلب , بياكلو معاك في نفس الطبق و
ينامو معاك على نفس السرير , وانت تصحى من النوم كل تفكيرك و فكرتك في الحياه إن أبوك
لو مجابلكشي كوتشي أديداس و طلب لك أوردر ديلفري من تشيليز يبقى أب فاشل لأن في أوروبا
و الدول المتقدمه المواطن من حقه يلبس كوتشي أديداس و يطلب أوردرات من تشيليز و الأب
بيدفع .
.
أصدقائي الأفاضل
, أكبر و أعظم خدمه ممكن نقدمها لمصر في الوقت الحالي هي كسر الدايره المقفوله في عقول
كل واحد مننا , مفيش ثوابت ولا قواعد إلا إسم مصر و تاريخها و جيشها و أمنها القومي
, غير كده كله بلح , كله قابل للكسر , كله قابل للصمت و التجاهل ( و لو مؤقتا ) .
.
صديقي العزيز
, كسّر أصنامك بإيدك , و اتخلى عن 90 % منها لأن 90 % من أفكارك هي مجرد هري و إضاعه
لوقتك و مجهودك و إرهاق للبلد في حالة من الفرهده الفكريه الصفريه ( يعني اللي محصلتها
صفر ) , و اقف انتباه من حديد , عشان مصر في ساعة الحرب , في ساعة الخطر مش في ساعة
الحظ ولا في ساعة الهري .
....................................................................................................................
Mohamed
Hussein
26
مارس 2017·
الحكايه في كلمتين
.
قلت له يا جندي
يا مصري , أنا قاعد على كرسي جلد بيلف و قدامي مكتب عليه لابتوب , و في إيدي مج نسكافيه
و جنب مني التكييف و الدفايه , و بدخل عالفيس بوك أكتب وأشرح على أد مابقدر و على أد
ما بفهم , أدافع عن بلدنا بالحروف , بس إيدي وجعتني من الكتابه .
.
قالي وانا قاعد
على شوية رمل و بنام عليهم أحيانا , و أقف خدمه 12 ساعه عيني وسط راسي في درجة حراره
بتوصل 50 في الصيف و بتوصل صفر في الشتا , و أدافع عن بلدنا بالدم والروح , و عمر إيدي
ما وجعتني من شيل السلاح .
...................................................................................................................................
Mohamed
Hussein
25
مارس 2017·
الأغنام لا يدخلون
الجنه
.
الحكايه مش كيميا
.......... هي سلسلة من 3 أرقام أو 3 حلقات , 1 و 2 و 3
.
رقم 3 ده الإرهابي
اللي تحت الطلب , المواصفات : , أي عنصر ينفع يتجند على إيدين رقم 2 , يُفضّل طبعا
يكون في سن معين عشان حماس الشباب و دماغه تكون أبيض يا ورد حتى لو خريج جامعه ( بيبانو
من أول مقابله ) , و يا سلام لو كان بيعاني من مشاكل نفسيه أو رواسب معينه سلبيه في
طفولته يبقى لُقطه , و بعدين يتحشى دماغه بأفكار جهاديه و حور عين , مره في اتنين في
عشره بيبقى العنصر ده جاهز و مستوى و تم تجنيده بشكل كامل , في انتظار المهمه ( ممكن
يستعينو بشوية مخدرات على ما قسم في تجهيز العنصر الإرهابي أو شوية نسوان أو كلاهما
معا ) .
.
رقم 2 ده الوسيط
, الشيخ أو اللي عامل نفسه شيخ و بيقوم بتجنيد العناصر من النوع رقم 3 , الشيخ هنا
ممكن يكون مؤسسه أو شركه او مسجد أو جمعيه خيريه , يعني ممكن يكون كيان , المهم في
العنصر رقم 2 انه يكون بيعرف يختار الفريسه بتاعته ( اللي هو رقم 3 ) و يعرف يشكّلها
بهدوء و بشكل تدريجي , و يعرف يوصلها لمرحلة انه بقى عنصر ارهابي مستوي و جاهز و تحت
الطلب , رقم 2 في الغالب يلزمه فلوس و مصاريف و شوية كتب و أدوات تأثير .
.
رقم 1 هو اللي
بيحرك رقم 2 و بيعمله غطاء سياسي ( و مادي ) و بيتابعه طبعا و يتابع خطواته , رقم
1 بيكون جهاز مخابرات دوله , مهمته تجميع شوية عناصر حلوين من رقم 3 عن طريق المؤسسه
أو الشيخ رقم 2 , و طبعا رقم 1 بيراقب الكل ( رقم 2 و رقم 3 ) , و بالتأكيد رقم 2 بيبقى
ضامن ان رقم 3 اللي هو العنصر الجاهز مش هيتحرك ولا يمارس أي عمل ارهابي إلا بفتوى
من فضيلته شخصيا و ضد أشخاص معينين و في توقيت معين , اللي بيحدد الهدف و التوقيت هو
رقم 1 .
.
رقم 3 بيعيش أد
ما يعيش و يقتل أد ما يقتل و يفجّر و يموت أو يتقتل و يفضل طول الوقت ده مايعرفش انه
شغال لحساب رقم 1 .
.
ده اللي بتعمله
المخابرات الأمريكيه و البريطانيه في بلادنا و حتى في بلادهم لو تطلب الأمر ( في بلادهم
بتبقى عمليات محدوده تكون خسايرها بسيطه بس لغرض ما هما شايفينه أكبر و أهم و يستاهل
) , ده مش معناه ان بلادهم بعيده عن خطر الإرهاب الحقيقي اللي مش مفتعل , بس لما يحصل
عندهم هنعرف و هيبان ( وقتها الدنيا هتبقى معجنه )
.
رقم 1 ممكن كمان
يدخّل عناصر في النص و تبقى القصه من 4 حلقات أو خمسه مش تلاته عشان تكون السلسله دي
اكثر تعقيدا .
.
رقم 1 و رقم 2
بيبقو عارفين ان مصير رقم 3 هو القتل , إما على إيدين الدوله اللي بيشتغلو ضدها أو
على إيديهم هما , يعني هو بالنسبالهم مجرد خروف مش أكتر .
.
و في النهايه رقم
1 و رقم 2 يطرقعو الكاسات مع بعض و يقولو في صحتك , و رقم 3 اللي هو الخروف يتقتل و
يدخل النار و مايلاقيش حوار عين , و يبقى عاش خروف و مات خروف .
............................................................................................................................
Mohamed
Hussein
25
مارس 2017·
و أكلم مين عالفيس
بوك لما أحب أخاطب الشعب المصري ؟
- مممممم بص يا
مولانا , شكلك غريب مش من هنا , بس أنا هساعدك , هحاول يعني على أد ماقدر
.
.....دلوأتي انت
تسيبك من الخرفان و الكولجيه عشان دول أساسا مش تبعنا , تبع ألهتهم العوالي في تركيا
و النمسا و بريطانيا و قطر بنت الوسخه , و مش هتعرفهم من بعض , يعني اللي بتلاقيه خروف
الصبح بتلاقيه كولجي أخر النهار و العكس صحيح , تقدر تقول بيتبادلو الأدوار بقالهم
6 سنين ( دفعاً للرتابه و الملل ) .
.
المصريين الحقيقيين
بقى هتلاقيهم كالتالي :
- شويه بيحبو عبد
الناصر و يحبو السيسي و يشتمو مبارك و السادات .
- شويه بيحبو عبد
الناصر و يشتمو السيسي و مبارك و السادات
- شويه بيحبو السيسي
و يشتمو عبد الناصر و مبارك و السادات
- شويه بيحبو مبارك
و يشتمو الباقي .
- شويه بيحبو أبو
تريكه ويشتمو محمد صلاح
- شويه بيحبو محمد
صلاح و يشتمو أبو تريكه
- شويه بيحبو محمد
صلاح و أبو تريكه و يشتمو حماده طلبه .
- شويه مشغولين
في صفحات مدام سونيا التعبانه و البيضه اللي لقيو عليها لفظ الجلاله .
- شويه بيعتقدو
اننا لازم نعرف كل لحظه بتمر في حياتهم و لازم يوثقوها فتلاقيهم كل 5 دقايق ينزلو بوست
( و يعملولك مينشن فيه ) , يشرب نسكافيه في كوستا كوفي , يشرب حلبة حصى في قهوة المعلم
مشمش , يقرأ لمحمود درويش , يقرأ لأم نحمدة بتاعة الكرشه , يدخل الحمام و يشعر بحالة
جيده .
.
أيوه يعني مافهمتش
برضه , أكلم مين بقى عالفيس بوك لما أحب أخاطب الشعب المصري ؟
- مممممممم بص
يا مولانا , هو من الأخر كده , ممكن تكلمني أنا .
.
ليه ؟ هو انت بتمثل
الشعب المصري عالفيس بوك ؟
- لا و الله خالص
, بس بقول يعني طالما انت جيت لحد هنا و تعبت نفسك أهو نقعد نتكلم سوا و ندردش مع بعض
و نتسولف ( بلغة أهلنا في الخليج ) و نتابع في صمت ال ( شويات) اللي فوق دول و نحجّز
بينهم , ماتقعد تحجّز معانا ؟ اتفضل و الله .
.
أحجّز مين يابني
, أنا جاي أحتل البلد دي .
- ايه ؟ جاي تحتل
مصر ؟ طب قرب ودنك كده , هقولك كلمتين في سرك عشان محدش يسمعنا , انت تاخد الحصان بتاعك
ده و ديلك في سنانك و تقول يا فكيك , و اوعى تلتفت وراك .
.
و ليه أمشي و اجري
من هنا و انا شايفكو مقسومين و متفتتين ألف شكل و لون ؟, ده أحسن وقت ينفع أحتل فيه
بلدكو
- ممممممممم طب
قرب ودنك تاني , البتاع ده اسمه الفيس بوك , اللي هو حماده , انما في الواقع هتلاقي
حماده تاني خالص اسمه جيش مصر , على جوابات بقى , و النبي لما توصل بالسلامه ابقى طمنني
و ابعت لي صورتك عالواتس أب , انت و الحاجه أم راشيل .
.............................................................................................................................
Mohamed
Hussein
25
مارس 2017·
الإرهابي اللي
نفذ هجوم لندن من كام يوم اتولد و عاش و اتربي في بريطانيا , كان مستريح ماديا , مكانشي
فقير معدم , ولا عنده كلاكيع من زولم و كمع و فاشيه ولا يعرف حاجه عن الأزهر الشريف
و لا الكرازه المرقسيه , و أكيد ماتعرضش للتعذيب في يوم من الأيام على إيد أمين شرطه
بريطاني اسمه ( هاتم ) ولا كان متأثر بغياب ابن عمه اللي مرمي في سجون الإنقلاب البريطاني
(و هو يا ولداه ماعملشي حاجه غير انه حرق محول كهربا ) , و من المؤكد و الاكيد و بالتأكيد
ان مجانية التعليم بتاعة عبد الناصر مش هي السبب في تشكيل عقل و وعي مولانا الإرهابي
الكيوت , عايز أقول لحضراتكو يعني : اللي عنده ( شمّاعات ) جاهزه لتبرير الإرهاب و
تشويه مؤسسات الدوله يربطها , و السلام عليكم و رحمة الله و بركاته .
.....................................................................................................................
Mohamed
Hussein
24
مارس 2017·
ماقدروش على بلدنا
بجبهة غربيه طولها أكتر من ألف كيلو كلها صحرا و بنأمّنها من جهه واحده ( عشان الطرف
التاني مش موجود ) , حاولو فيها , و لقيو جيش مصر واقف لهم .
.
ماقدروش على بلدنا
بجبهة شماليه شرقيه و بخريطة أنفاق ماتعملتش في أي مكان في العالم و بطرف تاني صهيوني
مايختلفش عن صهاينه اسرائيل في حاجه , برضه لقيو جيش مصر واقف لهم .
.
قامو قررو يفتحو
جبهه تالته في الجنوب و لهم خروف هناك برضه , بعد زيارة شر*وطة قطر و بعد ما نقطّت
الغازيه بشوية دولارات , و أكيد مش هيقدرو علينا , إنما واضح ان مصر واجعاهم أوي ,
و اجعاهم لدرجة تحس كده إن صباعنا دخل فيهم من مكان معين و طلع من نفوخهم .
.
الليله اللي بتحصل
حوالين مصر دي بتحصل كلها على بعض كده بخطة حلف الشيطان و بفلوس قطر بنت الوسخه ( مطلوب
انك تفضل دايما تحت ستريس ) , قطر بنت الوسخه تحديدا هي مش دوله ولا دويله , ولا ليها
أي تلاتين لازمه , إنما معاها شوية فلوس بترميهم لكلاب السكك اللي جنبنا من كل ناحيه
.
.
عشان كده قناعتي
التامه إن دول الخليج و على رأسها الإمارات يفترض إنهم يكونو قدام قرار تاريخي و مصيري
, إما إنهم يغسلو إيديهم من وساخة و قذارة قطر و يطردوها من مجلس التعاون و يقطعو علاقتهم
بيها أو يصمتو إلى الأبد , ماعتقدش حبال الصبر اللي بتمدّها مصر هتستحمل كتير .
.
أه بالمناسبه
, لو حضرتك في يوم من الأيام قابلت واحد عجوز بيلبس نضاره و قالك مفيش مؤامره ولا حاجه
, فانا مش عارف أقولك تعمل فيه ايه بالظبط , اعمل اللي يريحك , أي حاجه تيجي في بالك
اعملها , كل الخيارات متاحه .
....................................................................................................................
Mohamed
Hussein
24
مارس 2017·
الصوره الكامله
............... و نقطه يعني فلستوب
التقارير بتقول
إن تكلفة إعادة إعمار سوريا تساوي 900 مليار دولار , يعني 17 ألف مليار جنيه أو 17
مليون مليون جنيه , اقرا الرقم تاني , 17000000000000 , لا الكيبورد ماعلقتش عند رقم
صفر ولا حاجه , ده هو الرقم كده , 17 و وراها 12 صفر .
.
كلمة إعادة الإعمار
هنا بتعني إنك توصّل سوريا للنقطه اللي كانت عليها في 2010 , يعني عشان ترجّعها 7 سنين
لورا هتحتاج 17 ألف مليار جنيه .
.
أكتر من نص الشعب
السوري مابين قتيل و جريح و مشرد و لاجئ , يعني أكتر من 50 % .
.
الجيش السوري
( أو ما تبقى منه ) هيتراجع ترتيبه العالمي أكتر من 60 مركز ( زي مالجيش العراقي اللي
كان من أقوى 20 جيش في العالم تراجع و بقى ترتيبه بعد ال 80 , و بعد جيش قطر بنت الوسخه
مع ان قطر بنت الوسخه معندهاش جيش ) .
.
الدول اللي تم
استهدافها في مخطط الخراب العربي هي الدول صاحبة الحضارات , الحكايه مش صدفه , مصر
و العراق و سوريا و اليمن ( ليبيا و تونس تم استهدافهم لأنهم العمق الاستراتيجي لمصر
, و السودان و فلسطين تم تقسيمهم لنفس السبب بمباركة الخروف السوداني و خونة حماس
) .
.
الغرض من خطة الخراب
لحلف الشيطان و صبيانه هو التالي ,
- بالنسبه لاسرائيل
تدمير الدول العربيه الكبيره المحيطه بيها و تدمير جيوشها واقتصادياتها و بنيتها التحتيه
.
.
- بالنسبه لأمريكا
و بريطانيا و الناتو و تركيا و روسيا , القصه لها علاقه بالطاقه و الفلوس و خطوط الغاز
و نهب الثروات و بسط النفوذ و تجارة السلاح .
.
- بالنسبه لقطر
بنت الوسخه , القصه عقدة نقص و نفس الفكره الصهيونيه ( انا مش عارف أكبر يبقى أخلي
غيري يضعف و يصغر و يتفتت ) , ده دورها المرسوم من المخابرات الامريكيه و البريطانيه
و اللي صرفت عليه مئات المليارات , و حبذا لو كان التركيز على الدول صاحبة الحضارات
.
.
- بالنسبه للسعوديه
....................... لا تعليق ( احتراما بس لأصدقائي اللي هما ملكيين أكتر من الملك
) .
.
- عملية الخراب
اللي حصلت و قتل و تشريد ملايين العرب تم الإنفاق عليها بالكامل من أموال البترول الخليجي
, يعني البترودولار , و من الإحتياطي النقدي لبعض دول الخليج ( الأمريكان و البريطانيين
مابيدفعوش فلوس , بيخططو بس و يبيعو سلاح و يوفرو غطاء سياسي و عسكري و طبعا بيقبضو
التمن ) , و عملية إعادة إعمار الدول دي هتتم بنفس الطريقه بأموال الخليج برضه بس بطريقه
التنقيط , الحكايه هنا مش دعم و لا مساعده ولا منحه من طويل العمر الفلاني أو العلاني
, الحكايه بتبقى مساومه و لوي دراع و بسط نفوذ و استغلال لحاجة الدول دي لإعادة الإعمار
, يعني سيطره سياسيه .
.
هي دي الصوره الكامله
من غير تجميل , و نقطه يعني فلستوب .
....................................................................................................................
Mohamed
Hussein
24
مارس 2017·
يا أستاذ يا أستاذ
- أيوه نعم
.
هو حضرتك رأيك
ايه في زيادة سعر تذكرة المترو من جنيه ل 2 جنيه ؟
- مش موافق طبعا
, دي كارثه و مهزله , دي اهانه , إنه الهوان .
.
هو حضرتك بتركب
مترو ؟
- لا طبعا انا
عندي العربيه بتاعتي .
.
و أخر مره ركبت
مترو امتى ؟
- مش فاكر , من
ييجي 12 سنه .
.
كانت التذكره بكام
وقتها ؟
- كانت بجنيه
.
.
يعني حضرتك عايز
التذكره تبقى بجنيه و بعد 12 سنه بجنيه برضه ؟
- أه و تفضل بجنيه
كده لمدة خمسميت سنه جايين .
.
طب و المترو اللي
بيخسر و مش عارف يسدد ديونه ولا حتى يسدد فواتير الكهربا و بقى عبء على ميزانية الدوله
؟
- مليش دعوه ,
اهم حاجه الناس تتبسط ( تنبصت ) , و المواطن البسيط يلف القاهره من شرقها لغربها بجنيه
, و بعدين ينزل من المترو يركب توكتوك لأخر الشارع ب 5 جنيه .
.
يا أستاذ يا أستاذ
, حضرتك بجد مقتنع بالكلام ده ؟
- لا طبعا , مش
مقتنع ولا حاجه , دانا بهبّل .
.
و بتهبل ليه بس
؟
- و هي دي محتاجه
سؤال ؟ مانا لازم أهبل , عشان أبقى عميق و ثورجي و مثققف و يساري و يميني و جنوبي و
شمالي و حاسس بالغلابه و بتشحتف عليهم , والناس يقولو عاش المناضل نصير البسطاء , و
أخد لايكات كتير على بوستاتي و ابقى مشهور بقى أكتر من البناطيل الستريتش .
.......................................................................................................................
ليست هناك تعليقات:
إرسال تعليق