Mohamed Hussein
21 أبريل
2017·
المهم بقى و ياريت
يعني , ان حضرتك يعني جنابك يعني معاليك تطلع من حدوتة أيه حجازي دي و انت فاهم اي
حاجه في دنيتك , تلم دماغك المتبعتره , ماتسيبشي ضهرك مطيه للي رايح واللي جاي .
.
شوفت البنت شكلها
كيوت ازاي؟ كيوت اوي , شوفتها و هي بتتبني اطفال الشوارع ؟ قلبي الصغير لا يحتمل ,
شوفتها بقى في نهايه الفيلم و الرئيس الأمريكي بنفسه بيستقبلها ؟.
يابني صوتي اتنبح
, و عهد الله صوتي اتنبح , هقولك تاني قصدي عاشر من أول زرع و حصد :
.
1- أمريكا القوى
العظمى في العالم يعني السوبرباور يعني المعلمه الكبيره .
.
2- المعلمه الكبيره
دي بقى مش بتبيع سبح , و مفيش حدايه في الدنيا بترمي كتاكيت , و حقوقك كإنسان و معاناتك
و افتكاساتك و حبشتكاناتك لا تعني أي الادراه الأمريكيه في شئ , ماهو كارثه لما تكون
لسه متخيل ان الأمريكان و البريطانيين و بقية القوى الإستعماريه بتفكر فيك زي ضناها
و تنام تتشحتف طول الليل , يا مولانا الناس دي اتسببت في قتل ملايين العرب و ملايين
البني ادمين في العالم التالت و ممكن يقتلو قدهم مرتين تلاته عشان شوية غاز ولا شوية
بترول .
.
3- البلطجي الأعظم
ده عشان يفضل هو البلطجي الوحيد اللي بيحكم و يتحكم في كوكب الأرض لازم له أدوات و
أسلحه , هي ايه بقى ؟ .
.
4- جيش قوى جدا
و قنابل نوويه و أسلحة دمار شامل , تمام زي الفل , بس كده ؟ لا طبعا , ده مش مهم أصلا
, الأسلحه الي فاتت دي تبقى مجرد ( شوية خرده ) في الحروب الحديثه و في مفهوم السيطره
على كوكب الأرض من خالتك المعلمه الكبيره .
.
5- أومال لو دي
خرده فين بقى الأسلحه اللي بتمكن المعلمه من السيطره ؟ هي دي الأسلحه يا حبيبي , الجمعيات
الأهليه , مراكز حقوق الأنسان , مواقع التواصل الاجتماعي , الجرايد والقنوات العالميه
, و الذخيره عباره عن تقارير تتستف و أخبار تنضرب و فوتو شوب و تهييج و تفخيم هنا و
تقزيم هنا , هي دي الزخيره .
.
6- يعني الأستاذ
أبو شعر مسبسب و الأبله الكيوت اللي بيشتغلو في جمعيات حقوقيه و بيقبضو من بره مصر
أو بيجيلهم تمويل من بره كلهم بلا استثناء خونة ولاد كلب , إما خونه بجهل او خونه بعلم
.
.
7- طب ليه مصر
مابتقفلش الجمعيات دي ؟ ماتقدرش , و إلا تبقى أعلنت الصدام مع المعلمه الكبيره , بتقفل
الجمعيات ليه ؟ و مراكز حقوق الانسان كمان ؟ شكلك كده بتاكل دراع المساجين , سلّطو
عليه السي ان ان و البي بي سي , النظام الفاشي القمعي , طلّعو لنا تقرير حلو من مركز
كارتر , ايه بتقول ايه ؟ 190 مليون معتقل في مصر بيتعرضو لأبشع أنواع التعذيب ؟ لا
كده كتير , و مصر عندها أسلحة دمار شامل كمان ؟ لا كده كتير اوي , ترررن تررن , ألو
معالي أمين عام الامم المتحده , قريت التقرير بتاعنا قصدي بتاع كارتر عن اللي بيحصل
في مصر ؟ طب شوفت التقرير التاني اللي بيقول ان عندهم نووي و كيماوي ؟ احنا محتاجين
موافقه للتدخل بقى عشان ننقذ الشعب المصري الكيوت اللي بنموت فيه من خطر النظام الفاشي
اللي بيحكمه , ايه ؟ بتقول ايه ؟ موافقين ؟ مانا عارف انكو موافقين بس نعمل اجتماع
برضه و نقول كلمتين .
.
8 - فهمت ولا لسه يا مولانا ؟, طب دورنا احنا ايه بقى
ك بني أدمين في كوكب الأرض و في منطقة الشرق الأوسط تحديدا ؟ دورنا اننا نفهم , اننا
نفضح الامريكان و البريطانيين و خططهم و ادواتهم وأسلحتهم , نخلّي سلعتهم بايره , نقولهم
انتو مكشوفين , نسخر من تقاريرهم و قنواتهم و جمعياتهم , عالمستوى الشعبي نقدر نعمل
كده , عالمستوى الرسمي لأ
ليست هناك تعليقات:
إرسال تعليق