Mohamed
Hussein
4
فبراير 2017·
بواب شغال في عماره
قريبه مني , عنده 5 بنات أكبرهم 7 سنين و أصغرهم سنتين ( متسألنيش ازاي ) , و عنده
عين مش بيشوف بيها خالص و التانيه يادوب 50 % , و عنده موتوسيكل حاطط عليه سماعات ستيريو
و أغاني شعبيه و حاجات على كيف كيفك .
.
البواب كل يوم
لما يكون رايح مشوار ياخد بناته الخمسه وراه عالموتوسيكل , أهو يفسحهم , و يقوم مشغل
الأغاني الشعبي بصوت عالي و يمسك الموبايل يتكلم فيه طول ماهو سايق , و بعد شويه يرجعهم
البيت و يروح يكمل مشواره , و كل 3 ايام بالظبط يرجع و هو عامل حادثه بالموتوسيكل و
متخرشم و متكسر و متفشفش , مانا بقولك هو بيشوف بنص عين , و كل مايعمل حادثه يبقى مستغرب
أوي من حظة السئ و يقول إيه النحس اللي انا فيه ده يا ربي .
.
أنا خايف أصارحه
بحقيقة إنه عنده غباء مزمن و إن غباؤه ده السبب في كل الحوادث , يقوم يفهمني غلط و
يروح يغيّر الموتوسيكل !! .
.............................................................................................................
ليست هناك تعليقات:
إرسال تعليق