Mohamed
Hussein
20
فبراير 2017·
مين السبب في الحب
؟ .
.
زمان أيام الحضارات
القديمه وبعدها أيام العرب في عصورهم , الجاهلي و الأموي و العباسي , كان فيه تركيز
على ( الكبد ) و اعتباره العضو المسئول عن العواطف و المشاعر اجمالا في جسم الإنسان
, و أحيانا كانو بيشركوه مع القلب ( الفؤاد
) في نفس المهمه و يتبادلو الأدوار , شعراء عرب كتير وصفو مشاعرهم و ربطوها بالكبد ,
زي ما قال عنتره مثلا ( وَلَم يَبقَ لي يا عَبلَ شَخصٌ مُعَرَّفٌ سِوى كَبِدٍ حَرّى
تَذوبُ فَأَسقَم ) .
.
المهم ان القلب
و الكبد خدو نصيبهم سنين طويله من الاعتقاد السائد انهم المصدر المتحكم في المشاعر
بكل أشكالها , الحكايه دي سابت أثر حتى في أمثالنا و مصطلحاتنا السريعه اللي بنستخدمها
حاليا , يعني لو أم مثلا عرفت ان ابنها تعب و دخل
المستشفى هتقول ( يا قلبي يابني , أو كبدي عليك يا حبيبي ) .
.
حكاية اسقاط المشاعر
( اللي ماتقدرشي تلمسها بإيديك ) على عضو معين في الجسم ( عضو ملموس ) هي حكاية نسبيه
, بتخضع للعرف , يعني كل مجموعه من البشر في زمن ما من الأزمنه ممكن يختارو عضو معين
و العضو ده يكون رمز بالنسبالهم للمشاعر , ياكشي حتى يختارو البنكرياس .
.
بس اعتقادي إن
المشاعر اجمالا , الحب و الكراهيه و الخوف و الحزن و الغيره و الخجل و الهرمونات , صوابع ايد بتترعش
, أرق مستمر , أو نوم لفتره طويله , دموع بتنزل لوحدها , ابتسامه لمجرد ذكر اسم فلان
, طاقه ( ايجابيه أو سلبيه ) , الحكايه دي على بعضها زي ماتكون صندوق و الحركه جواه
مش بتبطّل , شبه البورصه , صندوق طالع نازل , و بيتحكم فيه الروح , مش القلب ولا الكبد
ولا البنكرياس , هي الروح , اللي في الانسان و الحيوان و حتى النبات , طب امتى البورصه دي بتقفل أبوابها و الصندوق
يبطل حركه من جواه ؟ مش بيحصل أبدا , لحد أخر لحظه في العمر بتفضل البورصه شغاله , البورصه دي بتقفل أبوابها بس لما الروح بتروح
.
ليست هناك تعليقات:
إرسال تعليق