Mohamed
Hussein
14 أبريل
2016•
عندك عقل ؟ و لا
جمجمتك دي فيها من جوه مشابك غسيل ؟
.
- من أول الحدوته
بتاعة الشاب الايطالي و انا قلت لك , مصر مش متورطه في قتل الواد ده , الموضوع بالنسبالي
كان منتهي , ليه بقى ؟ عشان انا شارلوك هولمز و مركّب كاميرات مراقبه لحسابي في حي
المعادي ؟ لا خالص , عشان العقل والمنطق بيرفضو , أبجديات العقل البشري بترفض تصدق
ان جهاز امني مصري جاب شاب أوروبي و عذّبه و قتله و ماعرفشي يخفيه ؟ ليه يا مولانا
؟ مصر مفهاش حتة صحرا مترين في مترين ؟ الأجهزه الأمنيه مش عندها كوريك عشان تحفر حفره
؟!, و عشان كمان اختيار ايطاليا تحديدا كان مقصود ( زي اختيار روسيا ) .
.
خد يا سيدي بقى
, فيه بت لامؤاخذه كده عايشه بره اسمها مها عزام , عامله بتاع لامؤاخذه زيها اسمه
( المجلس الثوري المصري ) , كنت بشوف لها اعلان دايما عالفيس ( و دايما ممول !! )
, ابقى دور عليها و اعرف علاقتها ايه بريجيني , واصبر شويه عشان مش كل حاجه لازم تكون
فاهمها , و بلاش حد يركبك و يدلدل رجليه و تقعد تعصر ذهنك و تعمل شير من عند اي كلب
عشان تثبت ان مصر متورطه في قتل ريجيني , الموضوع اكبر من خيال جنابك و جنابي .
.............................................................................................................................
Mohamed
Hussein
14 أبريل
2016•
اللي عمله سامح
شكري النهارده عيب و مايصحش برتوكوليا ولا منفلوطيا , يعني ايه يروح و مايجيبشي سيرة
تركيا ولا يسلم على كلبها و يقوم واخد بعضه و راجع ؟ قصده يعني انه مش عايز يوسّخ ايديه
ولا لسانه ؟ لا لا , عيب , مايصحش كده .
.
و بعدين ماهو كلب
تركيا مش هيسكت و اكيد هيفكر في رد فعل بعد ال ( قفا ) اللي خده على أرضه ( و وسط جماهيره
) , و ممكن يفكر في الإنتقام , يعمل ايه يعمل ايه يعمل ايه , اه وجدتها , هو زي ماعمل
برلمان للخرفان عنده ممكن كمان يعمل وزارة خارجيه مصريه صغيره و محندقه ( عنده برضه
) و يجيب خروف من الخرفان اللي بيعلفهم و يقوله انت هتلعب دور وزير خارجية مصر , و
يقوم عايد القمه الاسلاميه كلها من أول و جديد , و يجيب الخروف اياه عشان يسلّمه رئاسة
القمه و يسلم عليه , و ينبّه عالخروف انه في الكلمه الافتتاحيه يقول كلمة تركيا 7 مرات
في الدقيقه .
...........................................................................................................................
Mohamed
Hussein
14 أبريل
2016•
سميره بهيج , سنيه
جاكلين , ريري سيلان , الرفيقه الداده عطيات , المناضل عاصم عبد الماجد , محمد عطيه
, كل دول بيهددو بالنزول بكره , و معاهم 3 انفار كويسين ( يا سيدي ماتزعلش انت من التلاته
الكويسين , انت من الأحرار يا زداحمد ) .
.
شوية من أنصار
مبارك مابيناموش بقالهم 3 ايام من كتر الزعل و الشحتفه ( مع ان الوثيقه الأهم كانت
سنة 90 و الشهاده الأهم كانت لمفيد شهاب !! ) , و شوية من أنصار الزعيم جمال عبد الناصر
( مع انهم كانو بيعتبرو السيسي ده الابن البار لجمال عبد الناصر ) , و الخرفان طبعا
هينزلو بعد كام ساعه ومعاهم البردعه ( بتوع الوطن حفنه من تراب ) , و شوية من الكولجيه
, و طبعا 6 ابريل راشقه في أي مصلحه , ملحمه وطنيه رائعه , و قد يجمع الله الشتيتين
بعدما , يظنان كل الظن ألا تلاقيا .
.
محدش هينزل , و
هري للاستهلاك اليومي انا عارف , بس اتمنى ينزلو , و بالعقل و المنطق كده لو نجحو انهم
يشيلو السيسي ( و يشيلو كمان عبد الفتاح ) يبقى لازم كل واحد يحقق قناعاته , يعني انصار
مبارك يرجعو مبارك , و الناصريين يرجعو عبد الناصر , و الخرفان يرجعو خيرت الشاطر و
الكولجيه يرجعو علبة الكوله الفاضيه للمحل عشان عليها رهن.
.
ايها الساده ,
عايز أقولكو حاجه مهمه أوي , هي هتوجعكو شويه بس لازم نقولها , ركزو بقى و النبي ,
انتو اتلعب عليكو بكل الموبقات الوطنيه اللي كانت كفيله انها تشيل أتخن نظام بسلطاته
و ترميه في أقرب صفحية زباله , اتقال لكو ان السيسي ده واحد من النظام الفاسد بتاع
مبارك ( يوووه قصدي النظام الوطني العظيم بتاع مبارك ) و استقرت الحكايه دي في وجدانكو
( حلوه وجدانكو دي ؟ ) , و اتقال لكو ان السيسي عميل للصهاينه و الأمريكان وأمه يهوديه
بتبيع طعميه و استقرت برضه في وجدانكو , و أخيرا استقر في وجدانكو ( و وجدان ابراهيم
عيسى ) ان السيسي خاين و بيبيع أرضه !! .
.
عارفين الكلام
ده معناه ايه ؟ معناه ان السيسي ( في وجدانكو ) فاسد و صهيوني و خاين للأرض و لدم الشهدا
( و بتاع نسوان ...بالمرّه بقى ) , يعني كل الموبقات والكبائر الوطنيه , ومع ذلك ماقدرتوش
تزحزحو عرشة سم واحد , و ده معناه باختصار ان نظام حكم السيسي مش هيتشال ولا بقنبله
ذريه .
.
اهدو بقى و اقعدو
على جنب في أخر الشط و احضنو بعض حضن مطارات , عشان فيه مركب كبيره أوي بيقودها انسان
مصري وطني محترم عايزه تعدّي , و بصراحه و من الأخر يعني مش عايزين نطرطش عليكو .
..................................................................................................................
Mohamed
Hussein
13 أبريل
2016•
من سنتين تلاته
كنت بعتبر باسم يوسف فنان ساخر موهوب , و عشان انا بحب الفن ده و بفهم في تقييمه شويه
كنت بحترم باسم و دماغه , بعد كده بدأ مولانا باسم يسلم دماغه تسليم أهالي للأشكال
اللي زي وائل عباس و أم نحمده بتاعة الكرشه , و من يوميها و هو في النازل , في الحضيض
, لحد ماوصل للقاع ( القاع وصل له بالظبط يوم ما تعاطف مع الواد بتاع الواقي الذكري
) .
.
دلوأتي مابقيتش
محتاج اعرف رأي باسم يوسف في موضوع أو قضيه أو حدث , يكفي جدا اني أوصل لحد كوبري الملك
الصالح و امسك عيل من اللي بيشمو كوله تحت الكوبري و اسأله , رأيك ايه في الموضوع الفلاني
يا حبيبي ؟ لو قالي مثلا ( كُله في الكليتش ) هعرف ان ده بالظبط رأي باسم يوسف .
..........................................................................................................................
Mohamed
Hussein
13
أبريل 2016•
انت مش ذكي يا
ريس
.
اه مش ذكي , اسمع
كلامي بس , تعمل المشروع العملاق من هنا و يطلع الكولجيه و الهرايين يطلّعو فيه القطط
الفطسانه , يعني يادوب وقفت مع سلمان و قلت جسر بري مفيش 3 ثواني كانو الشمامين كاتبين
ان الجسر ده هيدمر قناة السويس لصالح قناة بنما و قناة سبيس تون , و هيأثر على الحياه
البحريه و مخزون مصر من الطحالب و البلهاريسيا و الإنتاميبا هيستوليتيكا .
.
و كل مشروع عملاق
تم او بيتم بيكون رد فعلهم كده , بالك انت لو ذكي بقى , تلعبها صح , يعني مثلا تيجي
واقف انت و سلمان عالمنصه و سلمان يقول ( احنا مش هنعمل جسر بري مع مصر ) تقوم انت
ترد عليه و تقوله ( اسمح لي يا فخامة الملك ان الجسر اللي مش هنعمله ده مانسميهوش جسر
الملك سلمان ) , و بس يا مولانا , الكولجيه و الهراييين هيبدأو حرب شنعاء من اجل اقامة
الجسر البري لما له من فوائد عظيمه جدا اقتصاديا و تجاريا , الجسر الاستراتيجي اللي
هيعمل نقله كامله في الحياه المصريه , تقوم انت بقى سايبهم يومين يسخنو كده و بعدها
تطلع تقول ( خلاص خلاص , نزولا على رغبه الهريجيه و شمامين الكوله هنعمل الجسر البري
) , شوفت سهله ازاي ؟ .
.
اما بالنسبه لحبيبنا
ابراهيم عيسي , فلو عايز تقنعه بفكرة ترسيم الحدود البحريه و الجزيرتين , قوله اننا
هنعمل ترسيم الحدود البحريه مع ايران و هما لهم جزيرتين عندنا ياخدوهم بقى , قوله ايران
بس و ماتقلقش ( مع اننا مالناش حدود معاها ) , هتلاقيه طالع عالهوا بيقولك ( لقد استقر
في وجداني و في بطين قلبي الأيمن و أمعائي الغليظه أن الجزيرتين ايرانيتين واسمهم التاريخي
الأزلي جزيرتي شهبار و شنهور , ثم أننا لسنا بحاجه الى وثائق في رد الحق إلى أهله و
نثق ثقة عمياء في مؤسساتنا المصريه العريقه ) .
تقوم انت ياريس
بعدها عامل مداخله مع ابراهيم عيسى تشكره فيها على ثقته في مؤسسات الدوله و تقوله حصل
خطأ مطبعي بس في القرار اللي جالك , و ان ترسيم الحدود هيكون مع السعوديه مش ايران
, و تسيبه يطلع دخانه من ودانه عالهوا ( زي عربية البطاطا المشويه ) .
.........................................................................................................................
Mohamed
Hussein
13 أبريل 2016•
خطاب الرئيس
.
1 - لم نعط ذره
رمل للسعوديه ( صح ) .
.
2 - من حق البرلمان
يقبل أو يرفض اتفاقية ترسيم الحدود ( يارب يرفض عشان وجع الدماغ ) .
.
3 - لم نتداول
الموضوع لعدم ايذاء الرأي العام ( غلط يا ريس , كان لازم تمهيد , و يلزمك اتنين تلاته
مستشارين شباب مهمتهم التواصل مع الرأي العام و مواقع التواصل الإجتماعي , و جس النبض
قبل القرارات المهمه ) .
.
4 - وفد رفيع برئاسة
الرئيس الفرنسي و معاه رجال الأعمال , و وفد تاني من 120 رجل أعمال ألماني جايين للاستثمار
في مصر , الإستثمار الأجنبي لازم له حاجتين , الأمن و الاستقرار ثم البنيه التحتيه
, يعني الطرق و الكباري و المرافق تتحسن و ده اللي حصل ( صح يا ريس , بس خف ايدك شويه
في موضوع الطرق و الكباري , اللي تم في سنتين ماحصلش في 20 سنه , طريقي من القاهره
للمنصوره اتعمل فيه 4 كباري عملاقه في ظرف سنتين , خف ايدك عشان الموضوع ده هيسحب سيوله
ماليه كبيره من السوق , و نبقى نكمّل بعدين ) .
.
5 - لو فقدتو الثقه
في مؤسسات الدوله هيبقى باقي ايه ؟ ( ههههههههههههه الكلام ده لابراهيم عيسى و الابراشي
, هتتنفخ يا هيما ) .
.
6 - التعامل الشعبي
مع ملف سد النهضه اثر بالسلب ( صح , بس واقع مرير لابد منه , لازم تفهم ان واحده من
اهم التحديات اللي بتواجها يا ريس هي قدرة جزء كبير من الشعب على الهري و العجن في
أي ملف مهما كانت اهميته و خطورته , يعني لازم تتعامل مع الموضوع على انه أمر واقع
, تغييره في الوقت القريب مستحيل , اتصرف بقى , يعني حاول تلهينا في أي حاجه , أقولك
؟ هات منتخب ناميبيا نلاعبه في القاهره بحضور الجماهير و نغلبه 8 /0 , كنا بنعمل كده
زمان و كانت بتنفع الحكايه دي ) .
.
7 - في خلال شهور
هنكون عملنا 10 مصانع رخام في سينا و مجتمعات عمرانيه هناك تناسب الطابع البدوي يعني
بيوت و مرافق و ارض للزراعه ( تلاقيك بتعمل الحاجات دي عشان تديها لاسرائيل زي المايه
بتاعة سحارة سرابيوم ..... من يوميات عبده الكولجي ) .
.
8 - علاقتنا الخارجيه
تسير بشكل جيد ( صح , بس مش معنى كده اننا نتصالح مع تركيا و قطر , فاهم ياريس ؟ لا
بوساطه سعوديه ولا بوساطة الجن الأزرق ) .
.
9 - نحن في أصعب
ظروف تواجه الوطن في التاريخ المعاصر ( و احنا جنبك و سندك ماتقلقش , مشكلتك الوحيده
حاليا و اللي لازم تحلها فورا هي وجود فجوه في التواصل بين الحكومه و الشعب , لازم
تقفل الفجوه دي , محتاج مستشارين زي ما قلت لك , انت بالظبط عامل زي اللي بينتج سلعه
كويسه جدا بس مابيعرفش يقفّلها ولا يسوّقها ) .
.
10 - أنا مأذنتش
لحد انه يتكلم ( مممممممممم انا صفحتي اتسرقت ياريس و مش عارف مين اللي كتب البوست
ده , أصدقائي هيشهدو معايا انا متأكد ) .
.....................................................................................................................
Mohamed
Hussein
12 أبريل 2016•
ابراهيم عيسى
.
استاذي العزيز
ابراهيم عيسى , 50 دقيقه و عهد الله و انا بسمع للفيديو بتاعك , دمك خفيف مانكرشي
, أنا أصلي بحب الألشه و القفشه و روح الدعابه , ولا أشكك في وطنيتك إطلاقا بس لو سمحت
يعني , امي بتسلم عليك و بتقولك ماتبعلناش صكوك وطنيه , عشان معندناش اكتر منها .
.
في ال 50 دقيقه
يا مولانا كل اللي حضرتك بتحاول تعمله هو انك تشكك في وثائق الخارجيه و مركز معلومات
مجلس الوزرا , و تستخف بكل شئ , و بمخاطابات الوزراء مع بعض ( على اساس انهم بيبعتو
لبعض جوابات غراميه متبرفنه و ورد و دباديب ) , انما اكتر حاجه ضحكتني حضرتك هي محاولة
اثباتك عكس الكلام ده بدليل قاطع و هو ان محرم فؤاد غنّى لجزيره تيران !! .
.
الجزيرتين مصريتين
بالتاريخ و الجغرافيا و السياسه و الوجدان , حلو البؤ ده أوي و مقبول من جنباك , حاجات
من اللي بتنتزع أهات الجماهير , و البلد دي مفهاش سياسه ولا سياسيين , برضه بؤ حلو
, و الحمد لله ان المفاوضين دول مكانوش موجودين أيام طابا , هع هع هع , ماضحكتش هنا
للأسف .
.
كل الكلام اللي
فوق ده حلو و جميل و تعالى نحرق الوثائق و نغني لتيران زي ما تحب , مصريه يا جدع ,
مصريه و اسمها نحمده , عادي و الله , انما كمان تعالى أقولك الأحات الأربعه , يعني
ال 4 أحا , يا بتاع السياسه يا ضليع , بالمناسبه أول مره في حياتي أكتب أحا على صفحتي
أو أنطقها .
.
1- أحا , عشان
الاستفتاء بيتعمل على ارضك مش أرض الغير , و الاستفتاء عالأرض أيا ماتكون نتيجته محسومه
, لو عملت استفتاء على ضم فنزويلا لمصر هنصوت و نقول نعم فنزويلا مصريه بنسبة تصويت
120% .
.
2- أحا , عشان
ملخص ال 50 دقيقه باختصار شديد هو اتهام من جنابك لكل مؤسسات الدوله بالخيانه العظمى
, ماهي لو الأرض ارضنا و احنا بعناها او تنازلنا عنها تبقى خيانه عظمي ملهاش تفسير
تاني , و الخيانه العظمي يلزمها الدم يعني الإعدام , تراب الوطن مش لعبه , لابد و فورا
من اعدام الرئيس و وزير الخارجيه و وزير الدفاع و قيادات الجيش , و هنا تحديدا ممكن
تقولي انك طبال يا محمد و معرص ( يجملة الألفاظ الأبيحه بقى ) , بس هقولك لأ , انا
معنديش رفاهية الاختيار ولا هرقص عالسلم , إما اني واثق في وطنية المؤسسات المصريه
و إما اني انزل اعمل ثورة و اقتلهم جميعا , ولما اقتلهم جميعا نجيب رئيس جديد و نجيب
جيش جديد و وزارة خارجيه جديده لانج , عشان الموجودين دلوأتي خونه , مش عارف انت فاهم
اللي بقوله ولا ايه , بس عموما انا اخترت .
.
3- أحا عشان حتى
فكرة عرض الموضوع عالبرلمان ماعجبتشي سيادتك باعتباره برلمان بتاع الطبالين و قصائد
المدح , مع ان البرلمان هو ممثل الشعب و لا ايه يا عم ابراهيم ؟ يعني دلوأتي حضرتك
بتتهم كل مؤسسات الدولة بالخيانه و بتتهم البرلمان بالعبط و السذاجه , هيبقى قدامك
اختيار من اتنين , اختيارين مليش دعوه بيهم , إما انك تنزل تعمل ثوره عشان تراب البلد
دي أو تروح تحتكم لتويتات وائل عباس .
.
4- أحا عشان وصلت
بيك الوساخه انك تقود قطيع وراك و توصل الموضوع لدم الشهيد , الجزيره سقط عليها شهداء
, السيسي بيبيع دم الشهيد , مانت حاربت في فلسطين و مات لنا شهداء و في اليمن و مات
شهداء , و الجزيرتين خدتهم بموافقة السعوديه عشان تستخدمهم في حربك ضد الصهاينه و طبيعي
انه يسقط عليها شهداء , لبّست دم الشهيد في رقبة السيسي يا أستاذ يا عظيم ؟ يعني خيانه
تربيع , خلاص كده ملهاش حل , عاصم عبد الماجد يناديك , معادكو يوم الجمعه , ربنا يوفقك
يا هيما .
.
أه على فكره ,
كده ماينفعشي تطلع عالهوا تاني و تنظّر على دين امنا , انت قولت كلام فيه اتهام صريح
بالخيانه و بما انك مواطن مصري غيور يبقى لازم تنزل تعمل ثورة و تجيب الخونه من قفاهم
, يعني اشوفك و انت 24 ساعه نايم في الميدان مش قاعد عالهوا , و الا تبقى هجاص و ابن
تيت مش اكتر .
.
اتمنى يكون ده
اخر بوست اكتبه في موضوع الجزيرتين , ربنا يحمي مصر من شر الجميع و من شري قبل أي حد
.
...................................................................................................................................
Mohamed
Hussein
11 أبريل 2016•
الخارجيه المصريه
أفرجت عن الوثائق الكامله اللي بتثبت ملكية السعوديه للجزيرتين ( الرابط في أول تعليق
) مع بيان توضيحي يشمل مرحلة المفاوضات المصريه السعوديه في عملية ترسيم الحدود البحريه
.
.
بصو , من الأخر
عشان نقفل الموضوع , زي أي بني أدم غيور على بلده مش هيفرط في شبر من ترابها و لا هيفرح
بكده , بس ده لما يكون ترابها ( واخد بال حضرتك ؟ ) , طالما المفاوضات و الوثائق و
كل الجهات اكدت اننا اخدنا الجزيرتين سنة 50 بعلم و موافقة السعوديه و لأسباب معينه
و الوثائق و المكاتبات بعد كده اكدت الكلام ده يبقى من حقها تسترجع الجزيرتين في اي
وقت , النهارده او بعد 100 سنه مش هتفرق , السعوديه هتعمل ايه في الجزيرتين ؟ هتستخدمهم
بشكل عامل ازاي ؟ و مصر هتستفيد من الوضع الجديد ولا لا ؟ أعتقد الموضوع ده أكبر من
استيعابنا.
.
إنما فيه حاجه
مهمه جدا , شديدة الأهميه و الخطوره , اسمها الفخ , الفخ اللي ممكن يقع فيه الناس
, الفخ بيقول ان ترسيم الحدود البريه و البحريه بيتم بعلم و مباركة رئيس الدوله و مؤسسة
الرئاسة و وزارة الدفاع و الخارجيه و المخابرات و الأمن الوطني , و مطلوب من حضرتك
انك تكفر بالمؤسسات دي مجتمعه و تشكك في وطنيتها و تعتقد انها ممكن تتأمر على بلدك
أو تبيع جزء من ترابها بالفلوس .
.
لو سمحت , حاول
ماتقعشي في الفخ .
#السيسي_صاين_أرضه
.
...................................................................................................................................
Mohamed
Hussein
11 أبريل 2016•
لمار بنتي ( 6
سنين ) بتحب اختها الكبيره جدا و متعلقه بيها بشكل غبي , و لوجي ( 9 سنين ) الموضوع
جاب معاها نتيجة عكسيه , و بقت لوجي يوماتي ليلاتي تدّي لمار على دماغها و تلطش لها
في الرايحه و الجايه ( و في وقت الفراغ ) .
.
الحكاية اتكررت
اكتر من مره و لمار كانت بتشتكي لي يوميا في التليفون , لمار أصلا لما بتعيط ( وتتشحتف
) لازم تخلي اللي قدامها يعيط حتى لو عمره 70 سنه , يعني لا تقولي أمينة رزق ولا عبله
كامل و لا الشله دي .
.
امبارح ربنا رزقني
بساعه لقيت فيها البنتين صاحيين ( و ده حدث نادر جدا ) فقلت بس , الزغلول الكبير هياخد
فرصته بقى , ساعه كامله من الشرح للوجي و يعني ايه الأخت الكبيره و الحب و الإحتواء
, وازاي تعاملي اختك الصغيره , و ضرب أمثله من الشرق و الغرب , ساعه مكثفه من خبرة
السنين و شويه اسلامي على شوية تنميه بشريه على كام مثل من بتوع امي و كام حكاية و
حدوته , لوجي بدأت تقتنع بكلامي تدريجيا مع انها مابتحبش حد ينتقدها , انما فضلت وراها
لحد ماقتنعت , دي بالنسبالي بقى كانت لحظة النصر و قمة السعاده .
.
ممممممممم دخلت
الحمام بعدها و انا حاسس بالفخر و الفخار و ماكملتش دقيقتين , طلعت بسرعة على صوت ضرب
و رزع و عاركه لرب السما بين لوجي و لمار ( مشهد احمد زكي و هو بيجري في الشارع بالبشكير
) !! .
.
ياخي الواحد عنده
قدرة غريبه و عجيبه على الإقناع , المفروض الحكومه تستغل موهبتي دي و ابقى المتحدث
الرسمي و الإعلامي بتاعها.
.............................................................................................................................
Mohamed
Hussein
10 ابريل 2016•
إنما اجمل حاجه
النهارده اني بفضل الله اتشتمت من كل الجهات و الألوان و المقاسات و الاطوال , الخروف
و الكولجي و الدولجي و الناصري و المباركي وأستاذ الجامعه و عامل البوفيه , في ملحمه
وطنيه نادرة الحدوث , لدرجة ان فيه اصدقاء مؤدبين مكانوش قادرين يشتممو فعملو منشن
عالبوستات لأصدقائهم اللي بيعرفو يشتمو هههههههههههههههه اه و الله ( يعني اتأجّرو
اصدقاء عشان يشتموني ) , كده يبقى باقي لي اتشتم من المماليك و المنفلوطيين و مندوب
من شارع نوال و ابقى خدت الدرجه الكامله .
.
و الحكايه بقت
بزرميط عالأخر , صكوك الوطنيه بقت تترمي في الهوا كده , و انا محتاج لي حقنتين وطنيه
مكثفين عشان الحق الحاله بتاعتي دي ( احتمال يعني ) , ايشي خيال يا ناس , الخروف اللي
مايعرفشي يعني ايه وطن ولا حدود بقى غيور على تراب مصر , و الكولجي اللي عايزها تتحرق
بجاز بقى مابينمشي الليل عشان الجزيرتين , و اللي بيستشهد بفيديو عبد الناصر ( ولا
عارف عبد الناصر كان بيوجه كلامه لمين ) هو نفسه اللي كان بيقول عبد الناصر باع السودان
, و اللي بيستشهد بفيديو مبارك مايعرفشي ان الوثيقه الأهم في الموضوع ده اتعملت سنة
90 يعني في عهد مبارك حامي الحمى .
.
من شوية وزير خارجية
مصر طلع عالهوا و قال , وزير خارجية مصر ده أعلى راس في السلك الدبلوماسي , و اتفاقية
ترسيم الحدود مستحيل تتعمل بدون موافقه و علم الجيش و المخابرات , هو حضرتك متخيل ان
السيسي جاب قيادات الجيش و قيادات الخارجيه و قيادات الأمن القومي و هددهم لو نطقو
بكلمه هيحط السيخ المخمي في صرصور ودنهم ؟ مصدق ان مؤسسات مصر العريقه دي متواطئه في
بيع ارض مصر عشان يرضو السيسي ؟
.
كان مطلوب ايه
طيب ؟ كان مطلوب مسئول مصري رفيع يطلع يشرح و يوضح للناس ؟, طب اهو طلع و شرح و وضح
و عالهوا , حد تاني لسه عايز يشتم أو معاه صكوك وطنيه بزياده و محتار يوديها فين ؟
.
....................................................................................................................................
Mohamed
Hussein
10 أبريل 2016•
طب شوية صمت صغيرين
بقى , مش عايز اخسر مزيد من الأصدقاء ولا عايز أنفعل , تعاشربو شاي .
............................................................................................................................
Mohamed
Hussein
10 أبريل 2016•
فستك
.
كل الهري اللي
عالفيس بوك في موضوع الجزيرتين و الجسر المصري السعودي و ترسيم الحدود كله هري فستك
, اسمع بس الكلام , اللي بيعمل ترسيم الحدود البحريه مش موظف من هيئة المساحه ( معاة
ابتدائيه قديمه ) بياخد مازوره كده و فالوكه و يمشي في البحر و يقيس و يكتب المقاسات
على ضهر علبة سجاير كليوباترا فاضيه , و اللي بيحدد الملكية لجزيره او خلافه مش عمدة
كفر عزام و معاه اتنين رجاله طيبين , و المشاريع العملاقه اللي بتتكلف مليارات الدولارات
بيبقى فيها عشرات الشركات العالميه و المحليه العملاقه و مئات المهندسين و الاستشاريين
اللي كل واحد فيهم دماغه توزن 50 ألف صفحه من صفحات الفيس بوك ( خمسين ألف مما تعدّون
) , البلد دي فيها مؤسسات بتحكمها , مؤسسات عريقه , و الحاجه اللي حضرتك بتقول رأيك
فيها بعد دقيقتين تعمل فيهم سيرش على موقع جوجل هما بيقولو رأيهم فيها بعد مباحثات
مستمره لمدة سنين !! .
.
سلمان ماجاش وقال
للسيسي احنا هنعمل لكو مشاريع و دعم بمليارات الدولارات و هنعمل سد عملاق بس في المقابل
بقى لازم تكرمنا بحاجه عشان اتفشخر بيها قدام اهلي في السعوديه لما ارجع , قام السيسي
قاله خلاص خد جزيرتين تيران و صنافور , و تبقى مرضي يا طويل العمر , الكلام ده بيحصل
في قريتنا بس , لما أمي تجهز ( سَبَت الموسم ) لحد من خواتي البنات , السبت ميرجعش
فاضي , سلو بلدنا كده , السبت بيرجع فيه صابونه سمره او حبايتين بطاطس او كيس مكرونه
, بس السياسه الدوليه و التحالفات و المستقبل مالهمشي أي تلاتين علاقه ب ( سَبَت الموسم
) .
.
عبد الفتاح السيسي
اللي ارتضى بأقصى درجه من لوي الدراع و خسرنا مليارات في الحرب على الارهاب في سينا
, عشان بس الإرهابيين مايرفعوش علمهم على مترين من أرضنا , الراجل ده مايبعشي حباية
من تراب مصر بأي تمن , بثق تماما في في وطنية السيسي و عقيدة الجيش المصري و ان الدوله
دي لها مؤسسات بتحكمها مش عمده و معاه راجلين طبيبن .
.
من الأخر , ماعتقدشي
ان فيه حد بيحب البلد دي اكتر مني , عارف العشق بغباوه ؟ عارف لما بلدك تتحول لحبيبه
و ام و بنت وقت اللزوم , من زمان اوي و انا كده ( بالغباوه دي ) , و السيسي اعرفه و
سمعت عنه من 3 سنين بس , تفتكرو مين يكسب ؟ يعني لو عندي شك واحد في المليون ان السيسي
بيخون البلد دي أو بيفكر يخونها هبقى مع مين ؟!! .
.......................................................................................................................
Mohamed
Hussein
10 أبريل 2016•
صنافير و تيران
و السجاده الحمره
.
- جزيرتي صنافير
و تيران هما جزر سعوديه , مصر اتأجرتهم من 60 سنه لأغراض حربيه مش اكتر ( يعني إدارة
) , الجزر احتلتها اسرائيل في 67 و بعد معاهدة السلام بقو تحت سيطرة القوات الدوليه
.
.
في اتفاقية ترسيم
الحدود البحريه بيطلعو الجزيرتين تبع المياه الاقليميه السعوديه , فين مشكلة سيادتك
بقى ؟ .
.
- الجزيرتين مافهمشي
بترول لا منجنيز ولا ساندوتشات حلاوة بالقشطه , و السعوديه لا يلزمها جزيره ولا يلزمها
بترول , و مصر مابتبعشي شبر من ترابها لأي حد , لا صنافير بتاعتنا ولا تيران , يارب
يفهمو التيران .
.
اهمية الجزيرتين
ممكن تكون بس استراتيجيه او حربيه , مصر و السعوديه مش في حالة عداء ( حتى لو كان فيه
اختلاف في بعض الملفات ) انما مفيش ملك سعودي يجرؤ على معاداة مصر ولا رئيس مصري يجرؤ
على معاداة السعوديه , مركبنا واحده , و عدونا دايما بيكون واحد .
.
يعني لو مصر احتاجت
الجزيرتين دول مستقبلا لأي غرض حربي هتبقى الحكايه مكالمة تليفون و تلاقي السعوديين
عالجزيره رفعو علم مصر , و هتبقى ادارة برضه لفتره مؤقته .
.
الخرفان و الكولجيه
اللي بقو اساتذه في تزييف الحقايق و العبط و الهري كان ضروري جدا يسيبو مشروع عملاق
بحجم الجسر المصري السعودي و يتكلمو عن الجزر السعوديه اللي خدتها السعوديه !! , الحكايه
بالنسبالهم بالظبط بالظبط زي السجاده الحمره .
..........................................................................................................................
Mohamed
Hussein
8 أبريل 2016•
الخريطه و الخطه
.
.
الخريطه هي خريطة
الشرق الأوسط الجديد , هي حلم الصهاينه ( من النيل للفرات ) , الخريطه تم تنفيذ أغلبها
بحسب الدراسه و الوقت اللي حددهم الشيطان الأعظم , التنفيد تم و بدقه شديده , و اللي
باقي من الخريطه اسمه باختصار مصر .
.
بعد 30 يونيو دخلنا
في مرحلة لوي دراع لأقصى درجه تتعرض لها مصر في تاريخها , و لوي الدراع كان من نصيب
بطل اسمه عبد الفتاح السيسي , ده قدره بقى و ربنا يعينه و احنا وراه .
.
مصر لقت نفسها
قدام طريق من تلاته , تموت أو تركع أو تكبر , للأسف حتى اننا نبقى زي ماحنا مكانشي
اختيار , لازم تختار , تموت زي ( X , Y , Z
) و لا تركع و لحد مالموجه تعدي و تشارك في تنفيذ خطة الشيطان زي ( فلان و علان و ترتان
) , مصر اختارت الاختيار التالت , ده اختيار رائع بالنسبالنا بس مش رائع طبعا بالنسبه
للشيطان الأعظم .
.
بدأنا في مرحلة
تكسير العظام , انت عايز تخرج من عباية امريكا و عايز تكبر و رفضت الإختيارين اللي
غيرك اختارهم , طب قابل يا معلم , طياره روسيه تقع و ترويج فج لها كما لو كانت اول
عمل ارهابي لطياره في التاريخ , شاب اتقتل و تجتمع عشانه الحكومه و البرلمان الايطالي
و الإتحاد الأوروبي ( بأمارة ايه ؟ ) , و سحب سفير و رد فعل بيقول باختصار ان ده مش
موقف الحكومه الايطاليه و لا حتى الاتحاد الأوروبي , دي ضغوط الشيطان الأعظم .
.
احراج مصر سياسيا
و اعلان سحب السفير اثناء مالوفد موجود عندهم هو نفس موقف الحكومه البريطانيه و وساختها
السياسيه لما كان السيسي بيزورها , الاتحاد الأوروبي بجلالة قدره هو مجموعه من جواري
الشيطان .
.
جزء كمان مهم اوي
من الخطه هو وجود ارهابيين و خونه وسطينا , حتى الكولجيه واللي بيشمتو في بلدهم هما
جزء من السلاح الأمريكاني اللي بيحاربونا بيه , يعني شئ رائع ان يكون عندك كولجيه
, شئ مشجع جدا للشيطان الأعظم .
.
.
- مصر ماقتلتش
الشاب الإيطالي , دي قناعتي التامه .
- مصر بتخوض أشرس
حرب في تاريخها , دي قناعتي التامه .
- أنا مصري لأخر
نفس في حياتي , ده اختياري الوحيد .
................................................................................................................
Mohamed
Hussein
8 أبريل 2016•
جسر بري بين مصر
و السعوديه ...... اه لو لعبت يا زهر .
.
1- فكرة الجسر
قديمه من سنين طويله , المعجزه و العبقريه هتبقى في التنفيذ .
.
2- الجسر ده لما
يتم مش هيبقى بيربط دولتين ببعض , هيربط قارتين ببعض .
.
3- الجسر مش بس
هينقل ملايين المسافرين بين الشرق و الغرب , ده هينقل تجاره عالميه كامله بين افريقيا
و اسيا و هياخد جزء كبير من حركه التجاره من و إلى أوروبا ( العائدات و الرسوم ممكن
توصل لترليون جنيه سنويا ) .
.
4- الجسر هيختصر
المده الزمنيه بين أفريقيا و اسيا ل 10 دقايق ( من سينا لشمال غرب السعوديه ) و المده
الزمنيه الإجماليه ممكن ماتزيدش عن ساعه شامله التفتيش في الجانبين .
( المده دي كانت
لا تقل عن 9 ساعات بما فيها شحن و تفريغ العبّارات و حركة العباره في المايه ) .
.
5- المشروع ده
مش اجتماعي ولا اقتصادي ولا تجاري وبس , المشروع ده من المشاريع اللي ينطبق عليها بالنص
وصف كلمة : استراتيجي .
.
6- أهمية ( و خطورة
) المشروع بتقول إنك وانت بتفكر في الشركات الهندسيه العالميه اللي هتنفذ لازم كمان
تفكر إزاي هتحميه , يعني قبل ماتجيب حديد و كراكات هتجيب صواريخ و رادارات .
.
7- المشروع ده
لا يقل أهميه على الإطلاق عن السد العالي ولا قناة السويس , و لو عرفنا نتعامل معاه
صح هتتحول سينا لمركز عالمي في التصنيع و الصيانه و اعادة التعبئه , يعني مصانع و شركات
و ليله تانيه , و ممكن يتكامل مع مشروع تنمية محور قناة السويس .
.
8- المشروع طبعا
زي ماهو واضح أكبر دليل على ان العلاقات المصريه السعوديه زي الهباب !! .
.
9- الخرفان و الكولجيه
هينشغلو اليومين دول ويمشو كالعاده ورا احمد مصور و تقاير مجلة ( علمني العوم و النبي
ياحمد ) البنغاليه اللي بتقول ان الشركات هربت من تنفيذ المشروع , المشروع مستحيل يتنفذ
, طبيعة التربه هناك رمليه موزمبيقيه غير صالحه للبطاطس المقليه .
.
10 - و أخيرا
, الخرفان ممكن يلاقو افتكاسه جميله بتقول مثلا إن المشروع ده هو خدمه بيقدمها السيسي
( و سلمان ) للكيان الصهيوني ( زي المايه بتاعة سحارة سرابيوم كده ) !! .
........................................................................................................................
Mohamed
Hussein
8 أبريل 2016•
المعارضه في مصر
.
- لو استبعدنا
الإخوان من المعادله , باعتبار ان الإخوان مش تيار معارض ولا حاجه , ده تيار خاين بكل
معنى الكلمه , هنلاقي ان بقية المعارضه من 5 سنين و لحد النهارده و هما بيدورو في دايره
مقفوله , ساقيه و بتلف عالفاضي , ماكنه و عمرها ما طلّعت قماش , لا عملو حزب ولا كيان
و لا تكتل عليه القيمه و لا عملو أغنية ولا حتى طقطوقه , و لما اتنين منهم بيقعدو مع
بعض بيطلعو من القاعده دي ب 3 أحزاب و 7 ائتلافات و 71 متحدث رسمي , مع ان القاعده
كان فيها جوز بني أدمين مش اكتر .
.
الوضع البائس اللي
وصلو له , و إنهم كل يوم يصحو يدورو على أي مصيبه يشمتو أو يهرو فيها و يومهم و أفكارهم
بقت تتلخص في جملتين ( تحيا ماااااااااااااسر و جيش الكفته ) , و اهو على دا الحال
لما بقو مملين أكتر من أيمن يونس و ماسخين أكتر من تامر هجرس , طب مين السبب في تحولهم
لمجرد مسخ مشوه و كيان بائس مزوي في ركن زي المجاذيب كده ؟ السبب هو قيادات المعارضه
و رموزها , أصحاب الكرافتات الشيك , اللي كان اسهل حاجه عليهم انهم ينطو من المركب
و يسيبو ( العيال ) يواجهو المصير البائس بتاعهم .
.
أنا كواحد مؤيد
للنظام الحالي المفروض أفرح بالحاله دي , و أقول احسن , خليهم كده لحد ما ( الكوله
) تجيب أجلهم و ينقرضو , بس و الله لا , كنت أتمنى يكون عندنا تيار معارض حقيقي و قوي
, تيار بيرتكز على قواعد من الوطنيه و ادراك لحال البلد و المنطقه , تيار عارف يعني
ايه حدود و أمن قومي , تيار عنده خطوط حمره بيحطها هو بنفسه , يعني تيار معارض وطني
, مش شوية مجاذيب خونه , إما خاين بعلم و بأُجره , او خاين بجهل و ببلاش .
.
مين ياض اللي ضحك
عليك و فهّمك إن اسم مصر و تاريخها و علمها و مؤسساتها و جيشها و حدودها و أمنها القومي
بقو كلمات للتندر و السخريه تحت اسم الحريه و المعارضه ؟ .
.
مين ياض اللي ضحك
عليك وفهّمك ان الشماته في بلدك و استعداء الغير عليها هو نوع من أنواع الحريه و المعارضه
؟ .
.
مين ياض اللي ضحك
عليك و فهّمك انك بكده تبقى حد جميل و كيوت مش خاين و ابن كلب ؟
ليست هناك تعليقات:
إرسال تعليق