Mohamed
Hussein
7
أبريل 2016·
ماذا لو حكمت الدماغ
الفيسبوكيه مصر ؟ يعني لو واحد مننا كده بدماغه بتاعة الفيس حكم مصر و قرر انه يطبق
افكاره و مبادئه و بوستاته في صورة قرارات و سياسات عامه و توجه دوله : و ليكن أنا
مثلا
.
1- موقف السعوديه
من سوريا مش عاجبني ولا طايق سلمان من يوميها , بس بقى , يبقى انا هرفض زيارة سلمان
لمصر و نقطع العلاقات و نسحب السفير و العماله و نبعت جيش يحاربها .
.
2- قطر طبعا دي
بنت تيت رسمي فهمي نظمي , انا ايه اللي يصبرني عليها يا عم ؟ نقطع العلاقات و نسحب
السفير و العماله و نبعت جيش يحاربها , لا جيش ايه , نبعت لها سريه و جوز عساكر استطلاع
.
.
3- تركيا طبعا
مش محتاجه كلام , دي لامه قيادات الجماعه الارهابيه برابطة المعلم برابطة المعلم ,
نقطع العلاقات و نسحب السفير و نبعت جيش يحاربها .
.
4- أمريكا و بريطانيا
و اسرائيل دول راس الأفعى , واللي عملوه و بيعملوه مش شويه , نقطع العلاقات و نسحب
السفير و نبعت جيش يحاربهم .
.
5- التصريحات الإيطاليه
في حكاية الواد بتاعهم مش عاجباني , فورا بقى و دي عايزه كلام , نقطع العلاقات و نسحب
السفير و نبعت جيش يحاربهم .
.
6- و البشير كل
شويه يطلع يقول حلايب و يهلفط بالكلام , دانا هنفخه , و هبعت كتيبه تحاربه و نحتل الخرطوم
و طبعا هنقطع العلاقات و نسحب السفير .
.
7- و أثيوبيا يا
عم بقى , و روسيا كبرت الموضوع بتاع طيارتها , طبعا انتو عارفين هنعمل معاهم ايه بناء
على سياساتي و توجيهاتي الحكيمه .
.
و بس يا سيدي
, شوفتو قراراتي ؟ قطعتا علاقتنا بتلتين الكره الأرضيه , و بعتنا الجيش يحارب في
75 دوله , و لا يهمني طبعا , ربنا مايحرم مصر من نباهتي و عظمتي و ألمعيتي .
.
عايز أقول لكل
اصدقائي باختصار و محدش يزعل , الفيس بوك ده هو التطور الطبيع ل ( المصطبه ) بتاعة
زمان , و أوله و أخره هو شوية لايكات و شير و كومنت و تعاشرب شاي , انما سياسة الدول
و حكم الأوطان الكبيره اللي زي مصر مش بالسهوله اللي حضرتك فاكرها , مش بالحب و الكره
, و ملهاش أي تلاتين علاقه بمصطبه الفيس بوك , عشان بس لو زادت عندك اللايكات شويه
ما تاخدكشي الجلاله و تتخيل انك المنقذ السياسي لمصر .
.
في السياسه هتقابل
وفد الكونجرس و انت عارف انهم ولاد صرمه و سبب خراب المنطقه , و هتقابل الملك سلمان
مقابله من نوع خاص مهما كان موقفك مختلف من سوريا , انت في وضع اقتصادي زي الزفت (
ماتبقاش أقرع و نزهي ) , و هتمد حبال الصبر عالأخر لأثيوبيا , و لما البشير يطلع يهلفط
بالكلام حضرتك هتطلع تشيد بالعلاقات التاريخيه بين مصر و السودان .
.
السياسه غير الفيس
بوك يا حماده .
...............................................................................................................
Mohamed
Hussein
7
أبريل 2016·
بالصدفه البحته
.
بالصدفه البحته
في أخر سنتين علاقتنا بقت كويسه جدا بدولتين اتنين بس خارج نطاق الشرق الأوسط و أفريقيا
, دولتين كبار , هما باختصار روسيا و ايطاليا و بالصدفه البحته كان تفجير الطياره
( الروسيه ) و قتل الشاب ( الإيطالي ) !! .
.
بوتين و الحكومه
الإيطاليه في النهايه مضطرين لتفاعل قوي عشان شعوبهم و برلماناتهم و الرأي العام ,
يعني لما تكون المنطقه في مرحلة اعادة تشكيل و خريطه بتترسم من جديد و تحالفات بتتغير
و لعبة كراسي موسيقيه و فيه قوه عظمى واحده في العالم يبقى لازم تصدق إن السياسه أوسخ
بكتير مما تتخيل , و عملية لوي الدراع بتوصل لدول و قوى كبيره زي روسيا و ايطاليا
, و ممكن كمان تبقى تسأل نفسك : هي روسيا ليه ماردتش على تركيا رد مباشر يليق بالدب
الروسي في موضوع اسقاط طائرتها في شمال سوريا و ليه مأجلة الرد لحد دلوأتي ؟ مالمصيبه
لا تكون فاهم ان روسيا تعجز انها تجيب اردوغان و تعلقه من رجليه على أوسخ عمود كهربا
في موسكو .
.
مصر مكانتشي متورطه
في اسقاط الطائره الروسيه ولا متورطه في قتل الشاب الإيطالي و ممكن تكون اللعبه اكبر
بكتير من حجم معلوماتنا , و أه فيه تقصير أمني و أه الشرطه محتاجه شغل و تطوير كتير
, بس لازم كمان نعترف ان حجم التحدي الأمني اللي بتواجهه الشرطه في أخر سنتين تحديدا
هو 10 أضعاف التحدي الأمني المعتاد , ابلع ريقك بس و هفهمك بس يارب تفهم , الشرطه دي
هي هي نفس الشرطه اللي كانت موجوده ايام مبارك و أيام مرسي البهلول , بحلوها و مرها
, بحطة ايدك يعني , طب ليه مكانشي فيه تفجير طيارات ولا خطف طيارات ولا قتل اجانب ؟
مكانتشي الشرطه وقتها جهاز محترف و جبار و بيمشي عالحيط , لا هي هي , التحدي الأمني
هو اللي اختلف .
.
و عن اللبانه بتاعة
( أصل الموضوع مبدأ , و انا اصلي مرهف الحس و حساس و مليان مشاعر و أحاسيس و قلبي قلب
خسايه .... و الشغل بتاع غاده السمّان ده) فعايز أقول لحضرتك إنك كده ماتفرقشي عن خرفان
الجماعه الإرهابيه , هما احتكرو الدين و بقو يوزعو صكوك التقوى و معاليك احتكرت الإنسانيه
و المشاعر و كأن قلوبنا حديد خرسانه مسلح , يابني انت لما جيت لمنطقة ( مرهف الحس
) دي كنا احنا خلاص زهقنا منها و ماشيين , يعني تبقى حمار لما تبيع المايه في حارة
السقايين .
.........................................................................................................................
Mohamed
Hussein
6
أبريل 2016·
أيمن نور راح عاش
و استقر في تركيا و فتح قناة بفلوس ابن موزه مخصوص عشان يشوه مصر , البلد و الجيش و
التاريخ , مش بس يشوه نظام حكم ولا رئيس ولا حكومه , و أخيرا تقارير عن علاقته المشبوهه
بالمخابرات الأمريكيه .
.
من كام سنه , لما
ايمن نور نزل الانتخابات قصاد مبارك كنت انا واحد من ضمن الحمير الكتير اوي اللي كانو
فاهمين انه كده معارض شريف و زعيم سياسي وقامة وطنيه , قبل مانعرف انه مجرد كلب من
كلاب أمريكا مش اكتر .
.
الأيام والسنين
علمتنا حاجات كتير أوي , و كتر خير البلد دي انها استحملت غبائنا و حموريتنا .
.......................................................................................................................
Mohamed
Hussein
6
ابريل 2016·
الشاهد في الأحداث
اللي حصلت في منطقتنا أخر 5 سنين , إنها كانت مستحيل تتم إلا بوجود خونة و عملاء في
كل دوله عربيه , خونه في صورة أفراد و جماعات و منظمات و جمعيات , تم إعداد الخونه
بشكل رائع ( لميقات يومٍ معلوم ) , و جذب مزيد من الخونه كان بيتم و يبقى سهل جدا على
خلفية وجود أنظمة حكم و حكومات فاسده , يعني الحجه و المبرر موجودين بالفعل .
.
حتى فساد الأنظمة
و الحكومات كان بيتم برعاية أمريكيه , الحكايه أصلها لعبة سهله , هدعم أنظمة فاسده
عشان تتمادى في فسادها و في نفس الوقت هجهز رجالتي , و لما يوصل فساد الأنظمه لنقطه
حرجة critical point نبدأ نلعب بقى واحنا قاعدين
في التكييف , يعني إيدينا نضيفه و زي الفل , و عندنا تقارير و جرايد و مواقع و قنوات
و منظمات و كارتر و مصطلحات براقه من اللي بتنتزع اهات الجماهير و الشعوب ( الحريه
, الديموقراطيه , الفساد , الفاشيه , المجتمع المدني , تنمية الإنسان , الثورات , الربيع
) , و عندنا كمان مرايتين واحده مقعره و واحده محدبه , و احده تكبر لك الحدث و تفخمه
و التانيه تهمش لك الحدث و تخليه مايتشافشي بالعين المجرده .
.
يعني باختصار
, 3 أدوات رئيسيه لعب بيهم الشيطان الأعظم لحد ما نمنا و صحينا من النوم لقينا دول
اختفت بالكامل من عالخريطه , أنظمة حكم فاسده , عملاء و خونه , وسائل اعلام و مواقع
تواصل اجتماعي , أه و حاجه اخيره صغيره اوي , عود كبريت ( شرارة البدء ) !! .
..........................................................................................................................
Mohamed
Hussein
5
أبريل 2016·
طب حاول تصدق
, ريجيني مجرد سبب زي أي سبب , أداه تم استخدامها إما مبكراً او لاحقا ( يعني قبل موته
او بعده ) , ريجيني هو التطور الطبيعي لحادث الطياره الروسيه و طريقة الترويج لها بصورة
فجّه , و قبل منهم كانت كربلائيات رابعه و ال 720 مليون اللي اتقتلو في اعتصام سلمي
كيوت .
.
و حاول تصدق ان
القصه مش قصه هو اتقتل ازاي و مين قتله , و بالمناسبه الدوله لو متورطه في قتل ريجيني
فأخرها اعتذار , لا تكون فاهم اننا هنكتب نص مصر باسم ايطاليا بيع و شرا , و نوثقها
في الشهر العقاري عشان ترضى و تسامح .
.
و حاول تصدق إن
الداخليه أو اي جهاز أمني لو كان متورط كان يقدر يتاويه في أي داهيه , اخره متر في
متر في الصحرا , جوز امناء شرطه يعملو الحكايه دي , و اختفاء مواطن من دوله داخل دوله
تانيه ماهوش حدث يستحق حتى قطع العلاقات بين الدولتين .
.
و حاول تصدق ,
إنك مش مرهف الحس و قلبك قلب خسايه ولا حاجه , و إن المسألة عندك لا مسألة مبدأ ولا
يحزنون , و تلاقيك طبعا لسه بتعتبر أمريكا هي رمز للفريدوم في العالم , أمريكا اللي
قتلت أكتر من مليون بني ادم في أخر عشرين سنه بس , إما بإديها و بطريقة مباشره أو بسلاحها
و بإيد عملائها الخونه , و الغرض كان سرقة بترول أو تفتيت دول و تقسيمها , أمريكا اللي
عذبت ألاف المعتلقلين في سجونها هي رمز الفريدوم و كده , و مصر دي المفروض نقفلها بقى
و نروح كلنا نشيل كفننا على ايدينا و نتمشى في البحر المتوسط لحد إيطاليا , عشان خاطر
ريجيني و أم ريجيني , يابو قلب خسايه .
.
و أخيرا , حاول
تصدق , البوست ده لا تبرير لحكومه ولا نظام و لا فيه بني أدم عاقل في الدنيا يرضى بالظلم
و القتل و التعذيب , ولا يعنيني السيسي ولا رئيس الوزرا اللي مش عارف اسمه , و المجرم
لازم يتحاسب ياكشي يتحرق بجاز , البوست ده خوف على بلد , بلدنا , اللي عايزينها باستمرار
تبقى على خط النار .
.......................................................................................................................
Mohamed
Hussein
5
أبريل 2016·
ماتحاولشي تشغل
بالك بحال المخلوقات اللي في الناحيه التانيه , ماتفكرشي هما بيقولو ايه و بيعملو ايه
؟ , مفيش جديد , يارب تصدق , نفس الصوره و نفس المشهد الأزلي من 5 سنين و بيتكرر بشكل
ممل , خروف راكب على ضهر حمار , او حمار مركوب من الخروف , مش هتفرق كتير , نفس المعنى
.
.
من شهر تقريبا
لما كان وفد حماس هنا في القاهره , و كان الواضح جدا و الكلام المنطقي انها رسالة تحذير
اخيره من مصر , عشان نبقى على شعرة معاويه مش اكتر , قام الخروف جت له التعليمات انه
يحلل الزياره دي على ان السيسي جاب بتوع حماس عندنا عشان يتفاوض على ال 4 جنود الصهاينه
اللي مخطوفين !! , و طبعا الحمار ردد كلام الخروف .
.
و امبارح مع التشغيل
التجريبي لسحارة سرابيوم , والواضح جدا لأي عاقل انه مشروع وطني عشان ننقل ماية النيل
لري مساحات شاسعه من أراضي سينا كجزء من خطة التعمير , بس طبعا الخروف جت له نفس التعليمات
بالظبط , حط كلمة اسرائيل مع السيسي في أي جمله , أه بس يبقى احنا عملنا السحاره دي
عشان ننقل المايه للصهاينه , و برضه الحمار ردد نفس الكلام .
.
و لو دقّينا سيخ
حديد في سينا هيقولو سيخ الحديد ده هيتعمل عليه كوبري يوصل القاهره بتل أبيب .
.
الحكايه و ما فيها
إن قيادات الخرفان اللي عايشين في أمريكا و بريطانيا ( الدولة المؤسسه و الدولة الراعي
الرسمي للكيان الصهيوني ) بيعملو عملية اسقاط لصهيونيتهم و قذارتهم على الغير , و الحمار
في كل الأحوال بيتركب , هي جيناته كده , مايعرفشي يعمل غير كده , أي محاولة للخروج
عن فكرة انه يتركب هتبقى ضد الطبيعه و ضد الفطره ( عشان ماتوجعوش دماغكو ولا تناهدو
) .
.
بالمناسبه , حكاية
خطف 4 جنود صهاينه دي فيلم اتهرس 50 مره قبل كده بنفس الفكره و نفس السيناريو بالظبط
, بعد شوية حماس هتضرب صاروخين ماركة ( بمب العيد ) عالكيان الصهيوني ( يقعو في الصحرا
طبعا ) , يقوم الصهاينه يبعتو طياراتهم لضرب اهالينا الغلابه في قطاع غزه و يقومو قادة
حماس طالعين عالجزيره يعيطو و يتشحتفو و إعادة الإعمار بقى , و يلمو كام مليار حلوين
من قادة الخليج , و هو المطلوب اثباته , عشان الفرخه اللي كانت بتبيض لهم كل يوم بيضه
دهب في الأنفاق اتقفلت عليهم إلى حد كبير جدا .
................................................................................................................................
Mohamed
Hussein
4
أبريل 2016·
سيبك انت من فكرة
سحّاره تحت قناة السويس بطول 400 متر عشان تنقل مليون متر مكعب مايه لري 100 ألف فدان
في سينا , و سيبك من إنها خطوه مهمه في خطة إعمار سينا و تنمية محور قناة السويس ,
و سيبك من إننا بنعملها في الوقت اللي بنحارب فيه الإرهاب في سينا ( يعني بنحارب و
نحفر و نزرع و نبني في نفس المكان ) , إنما المشهد الأروع على الإطلاق هو مشهد العمال
في التشغيل التجريبي لسحارة سرابيوم , فرحتهم و هتافهم ( تحيا مصر ) , فرحة العامل
اللي بقاله شهور بيشتغل و يعرق و مستني لحظة الحصاد .
.
الكولجيه أكيد
مشغولين النهارده في التعاطف مع الشاب الإيطالي اللي مات من شهور , أو مع الملك فاروق
اللي مات من 50 سنه , ومش بعيد يكونو عملو صفحه جديده بيطالبو فيها بإعادة محاكمة اللي
قتلو الملك رمسيس التالت ( اللي هما العسكر طبعا ) .
.................................................................................................................................
Mohamed
Hussein
4
أبريل 2016·
حجم الفساد في
كوكب الأرض لا يمكن حصره أو وصفه , بس ده مايمنعش ان اللي بيسرب الوثائق دي هو الفاسد
الأعظم , و إن وثائق بنما هي النسخه المودرن من وثائق ويكليكس , و إن الإتنين بيخضعو
للاحكام الشرعيه الأمريكه , الأحكام اللي بتقول , جرامين حقيقه و قنطارين كدب و تزييف
, الوثائق وثائقنا و الدفاتر دفاترنا و الختم في الدرج , و كل شويه يا ولاد نبقى نسرّب
لكو شوية وثائق في توقيت معين احنا اللي بنختاره ( الحرب المعنويه ) .
..........................................................................................................................
Mohamed
Hussein
4
أبريل 2016·
ملخص وثائق بنما
المسربه
.
هذا العالم أوسخ
بكثير مما تتخيل , نهب ثروات الشعوب الفقيره يتم على يد حكام فاسدين يدعمهم في الخارج
حكومات و شركات عملاقه أكثر فسادا , يعني القذاره طالت العرب ( و العجم ) , و المدينة
الفاضله موجوده بس في أحلام حضرتك و قصائد فاروق جويده , و ربما كانت الأمم المتحده
هي الراعي الرسمي للفساد في كوكب الأرض , او بمعنى أصح الأمم المتحده هي اللمبي اللي
بعته عم بخ عشان ينظّم المرور , و عم بخ ده على فكره هو اللي حرق له بتاع خمس ست دول
عربيه , بس قبل ما يحرقهم بكام سنه جه عندنا في جامعة القاهره و قال ( السلام عليكم
) , يوميها فرحنا أوي و رقصنا في الشوارع و كنا خلاص هنعمل ( مقام ) لعم بخ و نطوف
حواليه , الغريبه يا جدع اننا مابندّيش نفسنا دقيقتين نفكر قبل ما نرقص .
............................................................................................................................
Mohamed
Hussein.
3
أبريل 2016·
أيامنا الحلوه
.
لا فاتورة كهربا
بقى ولا مُحصّل النور يجيلك 7 مرات في الشهر , و لا أجهزه و وش في البيت باستمرار و
لا موجات كهرومغناطسيه و صداع مزمن .
.
التوأمين دول
, لمبة الجاز و الكلوب أبو رتينه , عشت معاهم أحلى سنين , تذاكر و تعمل الواجب على
لمبة الجاز , تاكل عالحصيره و اللمبه جنب منك , حتى لو بتاكل سمك , تلضم الفتله في
الإبره , تخيط شنطتك القماش المقطوعه و بعدين تعلّق اللمبه على مسمار عالحيطه و انت
بتلعب عشان ماتوقعهاش , و الكلوب اللي بيشتغل بالسبرتو ده للطوارئ , مناسبه او فرح
او عزومه و ممكن في يوم مانكون سهرانين في موسم جمع القطن عشان نعبيه في أكياس و نكبسه
, اللمبه بعد شوية إزازها بيسمر و يغبّش , و تنضيف الإزازه دي بيكون بورقة جرنان ,
و بحرفنه عشان الإزاز نفسه ضعيف و ممكن يتكسر , بتتعمل بصباعين بس , كنت حريف في الحكايه
دي .
.
الكهربا دخلت بلدنا
و انا عمري 7 سنين تقريبا , بس دخلت و مادخلتش , كانت بتيجي ساعتين في الإسبوع , أي
شوية هوا الكهربا تقطع , شوية مطر الكهربا تقطع , و لو واحد صحته حلوه و فات جنب محول
الكهربا و عطس عطستين برضه هتقطع , يبقى نعمل ايه و نروح فين ؟ هما مفيش غيرهم , رفقاء
الدرب , التوأمين الحلوين , اللمبه و الكلوب .
.............................................................................................................................
Mohamed
Hussein
3
أبريل 2016·
إنت الرئيس
.
ابسط يا عم , فرصه
و جت لك لحد عندك , عايزك كده تورينا ابداعاتك و أفكارك اللوذعيه و إرهاصاتك الفكريه
و افتكاساتك اليوميه في صورة قرارات و مشارع و حلول جذريه .
.
بس خلي بالك يا
مولانا , قصدي يا ريس , عندك ارهاب من كل ناحيه لازم تواجهه عشان تحافظ على بلدك قصدي
بلدنا , و مش هينفع و انت في حالة الحرب دي تحوّل اقتصاد مصر لاقتصاد حرب عشان الكولجيه
, قصدي معاليك يعني و امثالك , هياكلو وشنا , و هيصدعو دماغ ابونا و يقولو لنا حرب
ايه ؟ انا مش شايف أيتها حرب ؟ .
.
و خلي بالك يا
مولانا , قصدي يا ريس , ليبيا كان بيشتغل فيها ييجي مليون مصري , مدخراتهم مابتقلش
بأي حال من الأحوال عن 5 مليار دولار سنويا يعني اكتر من 40 مليار جنيه , الفلوس دي
طبعا بح , أصلك مش واخد بالك , الثوره نجحت في ليبيا و جابت مجموع كبير و هتقابل العراق
في النهائي .
.
يوووه ياريس فكرتني
بالعراق , أصل في العراق برضه الثورة نجحت ( بس من بدري ) و اطاحو بصدام الفاسد , و
العراق بقى ترتيبها في جيوش العالم ال 84 بعد ما كانت ال 15 مثلا , وكان فيها برضه
ييجي مليون مصري و عملنا احلى فلوس فيها , لها حق العراق تقابل ليبيا في النهائي .
.
و خلي بالك يا
مولانا , قصدي يا ريس , الإخوان ( حبايبكو ) كانو بيلمو و يشترو الدولارات من المصريين
بره فعلا , أصل دول ناس دينهم و عقيدتهم و انتمائهم اسمه الخيانه و الوساخه , يوووه
قصدي دول ناس بتوع ربنا , ماهو مايصحش نغلط في شركاء الميدان ولا مؤاخذه .
.
و خلي بالك يا
مولانا , قصدي يا ريس , التركه حضرتك هتستلمها و كان عليها تريليون جنيه ديون و هتدفع
تقريبا ييجي 100 مليار في السنه فوائد ديون بس .
.
و خلي بالك يا
مولانا قصدي ياريس , انك مضطر تشتري سلاح و قطع حربية حديثه عشان تطور من جيشك في التوقيت
ده بالذات , و إلا هياكلوك الديابه , قصدي ياكلو معاليك ( قادر يا كريم ) .
.
و خلي بالك مولانا
قصدي ياريس إن أوروبا اللي فيها 300 مليون شاب و بيسافر منهم ييجي مليون كل سنه و بيموت
منها و يتقتل تلتميت ربعميت واحد في السنه بره الإتحاد الأوروبي , اوروبا دي ملهاش
سيره دلوأتي غير ابنها المفدى ريجيني , اللي مات من شهور , و البرلمان الأوروبي بيجتمع
عشان خاطر ريجيني , و قاعدين يعيطو و يتشحتفو , أه يا حبيبي يا ريجيني يابني ياللي
قطعت فينا كلنا ( بالإنجليزي طبعا ) .
.
و خلي بالك يا
مولانا , قصدي ياريس , الحاجه البركه ام خالد سعيد ( اللي مات من 6 سنين ) الله يرحمه
, لسه دموعها مانشفتش على ابنها معرفشي ازاي , و بتتعاطف مع الشهيد ريجيني ابن ام ريجيني
برضه معرفشي ازاي , ولازم ام خالد سعيد تطلع في التلفزيون كل كام يوم ( مع ان فيه امهات
لألاف الجنود ماتو و مالهمشي ذنب برضه بس مانسمعش عنهم ) ولازم ياريس نسأل الحاجه ام
خالد كل شويه عن رأيها في الأحداث و هتنتخب مين و تقييمها للمرحله ايه ؟ و رأيها في
تشكيلة منتخب مصر .
.
و خلي بالك يا
مولانا قصدي ياريس , إن وسائل الإعلام الأوروبيه و الأمريكيه لو سألت أتخن واحد فيهم
اسم رئيس وزراء مصر ايه هيقولك ماعرفش , أي دونت نو , جو نو سي با , بس هما دلوأتي
عارفين هشام جنينه و حافظين تاريخه النضالي و انه كان بيحارب الفساد و ماسك السيف لحد
إيده ماوجعته يا ولداه , وشوية كده و هتلاقيهم شالو تمثال الحريه و حطو مكانه تمثال
لهشام جنينه , بس مفيش مؤامره ولا حاجه .
.
هه بقى ؟ مبسوط
يا مولانا قصدي ياريس ؟ اتفضل مد إيدك ماتتكسفش , أدي مفتاح قصر الرئاسه و ورينا إبداعاتك
, بس ملحوظه اخيره , في مدخل قصر الرئاسة المصري هتلاقي لوحه مكتوب عليها ( ممنوع اصطحاب
علبة الكولة ) .
..................................................................................................................
Mohamed
Hussein
2
أبريل 2016·
يعني ايه تشوف
الدنيا من خرم إبره ؟
.
يعني يضحكو عليك
و ( يركبوك ) و يقولو لك ان أيام الملك كان الجارسون طلياني و الخدامه المانيه و بتاعة
البليله من السويد و اللي واقف على عربية الكبده في رمسيس كان رئيس وزاء اليابان
!! , و كانت القاهره اجمل عواصم العالم و الموضه بتنزل في السنبلاوين قبل ماتنزل في
باريس , هييييييح .
.
تقوم انت طبعا
تقول وااااو , فانتاستيك , ياريت ايام الملك ترجع تاني ( اللي هي ايام الاحتلال )
, و تسب و تلعن في ثورة يوليو و في جمال عبد الناصر طبعا , ماهو خرم الإبره اللي سيادتك
اتحشرت فيه خلاك تشوف المشهد في صورة القصر و ميدان التحرير و العشرين تلاتين باشا
اللي كانو مسيطرين على كل حاجه في مصر بما فيها الأراضي الزراعيه , و خرم الإبره مخلكشي
تشوف 95 % من المصريين مايسمعوش عن خط الفقر أساسا .
.
كنت سعيد الحظ
جدا و اشتغلت يوم في الوسيه , مع اني ماحضرتش الملك ولا عبد الناصر ولا حتى السادات
, كان عمري 11 سنه تقريبا ( يعني اواخر التمانينات ) , و في الوسيه هتشوف نموذج مصغر
من ايام الملك , تجمع بصل و لمون و تنقي العجير و الدنيبه من ارض الرز و ترش الطماطم
و تشتغل من 6 الصبح للمغرب , و تاكل عيش و طعميه و بصلة ناشفه جنب اسطبل الخيل بتاع
الباشا اللي لابس بدلة بيضا و برنيطه خواجاتي و بيلف بحصانه , و اليوم ب 3 جنيه , و
لما حكيت لخولي في الوسيه عن قرص الكيتو ابو بريزه اللي هيموت الناموس عشان يعرفو ينامو
بالليل فتح بؤه و حسسني اني بتكلم فرنساوي و انبهر جدا بالاختراع العجيب ده ( قرص الكيتو
اللي بيتعلق في ابره و بيتحط على لمبة جاز ) , حلوه ايام الملك مش كده ؟ .
.
عزيزي المحشور
في خرم الإبره , المركوب من الخرفان بالطريقه الحُمّيري , عبد الناصر خلّى جدك وابوك
يبقى عندهم حيازه زراعيه عشان مايشتغلوش كلّافين عند الباشا , و خلّاك تتعلم و تدخل
جامعه ببلاش و يبقى عندك موبايل ولابتوب و تابليت و حساب عالفيس بوك و بقيت تتكلم عن
تنمية الانسان , جد جدك مكانشي يعرف يعني ايه كلمة انسان .
.
الصوره لعرض أزياء
و موضه أغلب الشعب المصري ايام الملك .
...................................................................................................................................
Mohamed
Hussein
2
أبريل 2016·
لما بتكون الدنيا
هاديه و رايقه بتلاقي الأغلبيه الساحقه من شعب مصر الفيس بوكي ( اللي هما مؤيدين للسيسي
) نزلو بقى بصور ورد و أغاني و بحر و شجر و حُب الرومانسيه ( على رأي لمار بنتي )
, و إيشي أيه قرأنيه على حاجه من ذكريات الماضي الجميل على دعوة حلوه , على موقف كوميدي
حصل على صورة صينية البشاميل اللي عملتها صديقتنا فلانه على سرد لمحتويات البرطمان
المصري الشهير في كل بيت ( بكرة خيط و زراير و كام ابره و قصقوصه قماش و حتة أستيك
صغيره و مشط كبريت فاضي و مفتاح بتاع شقة اتباعت من 30 سنه , و بريزه ورق و ساعة يد
واقفه طبعا على كام بنسه من بتوع الطرحه و صورة قديمه أوي ليوسف و هو في ابتدائي
).
.
المشهد ده و الحاله
العامه دي بتنرفز جدا الخرفان و الكولجيه و تخرجهم عن شعورهم , يعني ايه ورد و ضحك
و بحر و بشاميل و نيل و مشط كبريت و زراير و حب الرومانسيه ؟ مفيش مصيبه هتحصل النهارده
عشان نقول البؤين بتوعنا اللي بنكررهم من سنتين , اللي هما ( جيش المكرونه ) و ( بكره
هتشوفو ماااااسر ) , هاهاهاها ؟ طب هنعيش ازاي النهارده و نقتات على ايه ؟! .
.
ماهو العرب زمان
قالو مثل رائع , نَعمَ كلبٌ في بؤسِ أهله ِ !! .
...............................................................................................................................
Mohamed
Hussein
2
أبريل 2016·
ما بين القوي و
البلطجي
.
- ابراهيم الموس
بيمشي في الحاره فاتح صدره , في جيبه هتلاقي المطوه قرن غزال باستمرار و مفيش مانع
تلاقي موس تحت لسانه , مستبيع بقى و مخلّص و مقطّع بطاقته و ماشي بكارت ميناتيل , و
طول ماهو ماشي بيتخانق و يرازي في مخاليق ربنا .
.
- و محمود شاب
قوي بس مسالم , بيحافظ على بيته و اسرته و بيحترم جيرانه و اهل الحاره و مابيرضاش بالظلم
, و لو حس في لحظه بالظلم بتبان قوة محمود الحقيقيه اللي ماتشوفهاش ابدا في الوضع العادي
.
.
- في الحقيقه ابراهيم
الموس مش قوي ده بلطجي مش اكتر و ماينفعشي ابدا يكون محل اعجاب أو تقدير عند اي حد
عاقل , القوي اسمه محمود .
.
- و اللي بيحصل
على مستوى الأفراد هو اللي بيحصل على مستوى الحكومات و الدول , لو دولتك بتهرب أسلحه
للإرهابيين و بتدعمهم و بتعتدي على جيرانها و بتسرق بترول و بتقتل ناس تبقى اسمها دوله
بلطجيه , الدوله البلطجيه زي ابراهيم البلطجي برضه ماتنفعشي تكون محل اعجاب ولا تقدير
.
.
- اما لو دولتك
مسالمه و بتحترم الجميع و بتحافظ على حدودها و بيتها و عيالها , و مابتطلعش بره ارضها
عشان تسرق و تقتل و تدعم ارهاب و تمارس البلطجه علنا , و وقت الجد تبان قوتها الحقيقيه
و شراستها في الحق ( لو حد حاول يعتدي عليها أو على ثوابتها ) , دي تبقى اسمها دولة
قويه .
.
النموذج الاول
ده زي تركيا و النموذج التاني زي مصر , و بالمناسبه أسهل حاجه ان البني أدم أو الدوله
يشتغلو بلطجيه , الحكايه دي مش بدعه ولا عبقريه ولا شطاره , و اللي يبدي اي نوع من
الإعجاب بابراهيم الموس أو بوساخة الحكومه التركيه يبقى مجرد جحش لابس قميص و بنطلون
.
.
فخور جدا ببلدي
و بجنسيتها و تاريخها و جيشها و بلقمة العيش اللي بناكلها حاف بس بشرف .
...........................................................................................................................
Mohamed
Hussein
1
أبريل 2016·
تعظيم سلام
.
النهارده الجيش
المصري بيقتل 65 ارهابي في رفح و الشيخ زويد ( عملية حق الشهيد ) و ضرب عدد من التجمعات
و الملاجئ و مخازن الأسلحه .
و النهارده برضه
الجيش المصري بيواصل طلعاته الجويه على حدونا الغربيه , مطارده لارهابيين و تجار سلاح
و حماية و تأمين للجبهه الغربيه .
.
من فتره صغيره
توقعت ان النشاط الإرهابي هيزيد الفتره الجايه خصوصا من ناحية ليبيا بعد ما الأحداث
في سوريا بدأت تنتهي و الإرهابيين بيهربو من هناك قدام الجيش العربي السوري , توقعي
مش عشان انا خبير سياسي و استراتيجي ولا يحزنون , انما بني ادم عنده شوية عقل , الإرهاب
ده على بعضه بيديرة الراعي الرسمي للإرهاب في العالم و صبيانه معاه , ( السؤال بتاع
هو مين الراعي الرسمي و مين صبيانه ؟ بقى سؤال ساذج و وقح ولا يستحق الرد ) , و الإرهابيين
مش بيقعدو عاطلين عن العمل , يعني تطلّعهم من جبهه يبقى لازم تستخدمهم في جبهه تانيه
, زي اللي مربي كلب مفترس و سارح بيه في الشوارع و الحواري , بس جيشنا العظيم دايما
جاهز و مستعد لكلاب السكك .
.
مش عارف الناس
هتفهم امتى ؟ هنقول تاني , دول أوروبا اللي حضرتك بتريل عليها دي و تمدح في أمنها و
جيوشها و اللي الإرهاب فيها وصل لقلب العاصمه , مفيش دولة اوروبيه حدودها 4 ألاف كيلو
اغلبهم صحرا , مفيش دوله حدودها بتتأمن بشكل أحادي الجانب , يعني دولة الجوار بتاعتك
مش موجوده اساسا , و ده اللي حاصل مع مصر , بتأمن حدود في الشمال الشرقي مع حركة حماس
( عصابه مش حكومه ) و بتأمن حدود في الغرب مع ليبيا ( ألف كيلو و الحكومه الليبيه مش
مسيطره على حدودها الشرقيه اطلاقا ) .
.
الحرب اللي بيخوضها
و خاضها جيش مصر العظيم في ال 5 سنين اللي فاتو كانت تكسر أتخن دولة اوروبيه , بجيشها
و كاميراتها و أقمارها الصناعيه و أجهزتها الحديثه , الدول المحميه ببعضها كأنها جوه
علبه قطيفه , الدول اللي مبتأمنشي حدود بطريقة أحاديه و لا جنبها دوله سقطت و ترسانة
اسلحتها بقت مشاع .
.
و العيل اللي لسه
بيقول جيش المكرونه و جيش الكفته ده باختصار عيل بيشتغل لامؤاخذه و أمه عارفه و مبسوطه
.
......................................................................................................................
ليست هناك تعليقات:
إرسال تعليق