Mohamed
Hussein
5
أبريل 2016·
- أستاذ ابراهيم
- نعم
.
- ممكن اسأل حضرتك
- أه , اتفضل طبعا
.
- هو حضرتك ليه
مابتاخدشي الكاميرا وتنزل تصور أي مشروع بيتم على أرض مصر و تقول عنه ولو كلمتين حلوين
( كنوع من التشجيع حتى ) ؟
- يعني ايه ؟
.
.
- يعني الإعلام
المفروض بيكون مراية للي بيحصل في الدوله , ينقل الحلو و يتكلم عليه و ينقل المشكله
و يتكلم فيها و يحاول يفكر في حل .
- لا , الإعلام
لازم يكون زي حلة الطبيخ الغامق , يعني يتكلم عن المشاكل و يقول الحكومه دي فاشله و
اللي فاتت كانت فاشله و اللي جايه برضه فاشله و كله فاشل و احنا داخلين على ايام سوده
.
.
- أومال مين هيتكلم
عن الأمل و الخير و الزرعه و نور ربنا , و الطريق اللي بيتعمل و المصنع اللي بيتبني
؟
- معرفش , مش انا
طبعا .
.
- و ليه مش انت
؟
- عشان أبقى دايما
كده , مثقف و عميق و جوّاني و مايتقالشي عليا طبال .
.
- طب سؤال أخير
, عارف العربيه الكارو و الحمار ؟
- أه
.
- و عارف الإعلام
و ومواقع التواصل الإجتماعي ؟
- أه طبعا
.
- طب عارف ان الإعلام
و مواقع التواصل عاملين زي العربيه الكارو و الحمار ؟
- أه عارف
.
- طب برأي حضرتك
, الإعلام و مواقع التواصل , مين فيهم العربيه الكارو و مين الحمار ؟
- أنا مش حمار
بكل تأكيد .
.
- صح , برافو عليك
, فعلا انت العربيه الكارو مش الحمار , بس عارف ده معناه ايه ؟
- لا , معناه ايه
؟
.
- معناه إنك مابتتحركش
من مكانك إلا لما الحمار يسحبك , وأي طريق بتمشي فيه بيبقى برغبة و فكرة ( و عبقرية
) الحمار .
.........................................................................................................................
Mohamed
Hussein
6 أبريل 2016•
فيه راجل بياع
عرق سوس من مركز ولاد صقر ولّع في نفسه عشان بيمر بظروف نفسيه و صحيه صعبه .
.
اخوانا بتوع (
لا مندوحه ) احضرو فورا , عندكو شغل كتير النهارده , هاتو العدّه و الهاشتاجات و تعالو
, بصو بقى , انتو هتقسمو نفسكو فريقين
.
فريق يقول ان حكاية
بياع العرقسوس دي شغل مخابرات عشان يغطو بيه على حكاية الشاب الايطالي وعلى خسارة الزمالك
من الإسماعيلي , و ماتنسوش تقولو الجمله الشهيره اللي بتقولوها دايما و انتو راجعين
بضهركو عالكرسي و باصين لفوق و بتاخدو نفس عميق من السيجاره ( دليل على العمق في التفكير
و كده ) , اللي هي : بص العصفوره .
.
و فريق يعتبر بياع
العرقسوس ده أيقونه ثورية جديده , خصوصا اننا بقالنا 3 سنين ماعملناش ثورات و كده أوباما
هياكل وشنا و مش هيلاقي درس جديد يدرّسه للطلبه في أمريكا , و طبعا مفيش مانع من شوية
تحابيش لذيذه , يعني بياع العرقسوس ده اتعرض للتعذيب عند جهاز امني تالت بيقوده اللوا
عتمان و اللوا مرجان احمد مرجان و اللوا عباس و قفلو عليه بالترباس و حطو السيخ المحمي
في صرصور ودنه يا ناس .
.
و ممكن كمان تتألقو
شويه و تقولو ان الموضوع ده مش هيعدي على خير بعد ما ثبت ان الدوله متورطه في قتل بياع
العرقسوس و إن مركز ولاد صقر هيقطع العلاقات مع مصر و مش بعيد يفرض علينا عقوبات اقتصاديه
.
.......................................................................................................................
ليست هناك تعليقات:
إرسال تعليق