Mohamed
Hussein
20 مارس 2016
·
لا ترى الشرقَ
يرفعُ الرأس بعدي
.
من كام يوم شوفت
فيديو على قناة عالميه لمواطن ليبي لابس بدله و كرافته و منشكح و عايش في انجلترا
, المواطن الليبي طلع في البرنامج يكلم مقدم البرنامج ( الإنجليزي ) و بيقوله : نشكر
الحكومه البريطانيه و حزب المعرفشي ايه و الناتو انهم خلصونا من القذافي الديكتاتور
و أعادو لنا ليبيا محرره .
.
المذيع البريطاني
فقد شعوره بعد ما مرارته انفقعت و نفخ صاحبنا الليبي أبو بدله و كرافته , و قاله بالبلدي
كده فيما معناه : بتشكر مين يا جحش يا خاين لبلدك ؟ بسبب الحكومه البريطانيه و الناتو
( اللي انت بتشكرهم ) معدش فيه حاجه اسمها ليبيا !! .
.
افتكرت المشهد
ده لما لقيت بينا ناس مصريين ببدله و كرافته برضه عندهم نفس أم جينات الخيانه و العبط
بتاعة صاحبنا الليبي , ناس يكادو يكونو مستنيين حلف الناتو و الحكومه البريطانيه يبعتو
جيوشهم عندنا عشان يشكروهم بعد كده .
.
الفرق الوحيد بين
الخاين الليبي اياه و الخونه المصريين بتوعنا , ان المصريين مش بالضروره يكونو عايشين
بره ( و بيصرفو من تمويل الحكومه البريطانيه ) , لا , ده منهم ناس عايشين معانا و وسطنا
و بيصرفو من قوت الشعب المصري !! .
.
عزيزي الخاين ابن
الخاين , سواء كنت خاين بقصد أو خاين بحسن نيه ( يعني بحموريه ) , ممكن أهديك كام نسخه
من مجلدات تاريخ مصر , حاول تقرا نسخه منهم و تبعت الباقي لحبايبك في بريطانيا و أمريكا
, جايز لما تقرا تخاف على حبايبك و تبعت لهم رساله بنفسك تقول فيها ( back down ) , و بعدها تحاول تستخبى في أي حته ( ده لو
عرفت يعني ) , معلش , أسف اني جرحت شعورك , مشهد الخاين الليبي مش هتقدر تكرره , مش
عندنا يا حماده .
......................................................................................................................
20 مارس 2016
•
صديق عندي من سنين
, هو واحد من كبار شمّامي الكوله , و انا كل يوم أعدّي على بوستاته و أشم ريحة الكوله فايحه في صفحته و أقول ياد مش
مشكله , عشان العيش و الملح الفيس بوكي .
.
النهارده لقيته
كالعاده بيتألق بعد خبر استشهاد 18 جندي مصري في سينا , و تعليقه فوق الخبر ان ده
( نظام غبي ) , المشكله مش هنا خالص , المشكله في تعليقات اصدقائه , اللي اكتشفت انهم
أصدقاء عندي برضه , و احد شاف ان ده نظام عميل , و التاني شاف ان الحكايه دي لعبه الجيش
بيعملها عشان يخوّف بيها الشعب !! , أه و عهد الله كده .
.
برضه مش هنا المشكله
, المشكله ان التلاته عاملين لايك لبعض , يعني متقوقعين في علبة كولة واحده و موقف
سياسي واحد , لك أن تتخيل , بالراحه أهو و بهدوء , 3 أراء عكس بعض بس نفس الأشخاص مقتنعين بالأراء التلاته مجتمعه
!! , انا كنت فاكر إن الموهبه دي موجوده عند قطيع الخرفان بس .
.
.1. النظام ده
غبي ( و معناها انه ممكن يكون نظام وطني و مخلص بس غبي و مابيعرفشي يتصرف ) .
.
2- النظام ده عميل
( و معناها انه نظام خاين بس غالبا ذكي ) .
.
3- النظام ده بيقتل عساكره عشان احنا نخاف ( و معناها انه غالبا
لا غبي ولا عميل بس نظام فاشي و مجنون ) .
.
وعشان اتناقش بقى لقيت الحكايه أصعب بكتير من إن الواحد يجري من القاهره لاسكندريه في نفس واحد على إزاز
مكسور, فقررت إني اعمل بلوك ثلاثي ( يعني بلوك بالتلاته ) .
.
كتّر ألف خير السيسي
إنه بيحكم شعب فيه ناس بالشكل ده , خليط رائع
من التخلف و العته و الإفلاس والرغبه في الهري
ليست هناك تعليقات:
إرسال تعليق