Mohamed
Hussein
3
مارس 2016·
عبده الهريجي
.
- عبده الهريجي
شاب من النوع اللي بيتصور و هو حاطط ايده على خده ( على أساس انه بيفكر و يتأمل و كده
) .
.
- عبده الهريجي
فتح حساب مجاني عالفيس بوك و بقى يحلل كل حاجه و أي حاجه فشر معامل مؤمنة كامل .
.
- عبده الهريجي
من كام يوم كان نتيجة تحليله للقاء عكاشه و سفير الصهاينه ان ده شغل مخابرات و المخابرات
عايزه كده و هي اللي باعتاه .
.
- عبده الهريجي
من كام شهر كان بيقول ان المخابرات هي اللي عملت البرلمان ده .
.
- عبده الهريجي
فجأه لقى نفسه في موقف لا يحسد عليه , لقى ان البرلمان ( اللي عملته المخابرات ) أسقط
عضوية عكاشه ( اللي بعتته المخابرات ) !! , يا مثبّت العقل والدين يارب .
.
- عبده الهريجي
سكت شويه لكن لقى حل , انه ينسى التحاليل اللي عملها بايده قبل كده ( باعتبار ان محدش
فاكر حاجه ) و يخرج بهري جديد لانج وهو ان اسقاط عضوية توفيق عكاشه يعتبر عمل عدائي
ضد اسرائيل و ضد كامب ديفيد و ضد أمريكا وضد السلام و ضد الحشره و ضد الفار .
.
- عبده الهريجي
حاسس انه مهم اوي , و ان البشريه و كوكب الأرض مايقدروش يعيشو من غير الإفتكاسات و
التحاليل اللوزعيه بتاعته .
.
- عبده الهريجي
الكوله لحست دماغه .
.
- ماتبقاش زي عبده
الهريجي
...........................................................................................................................
Mohamed
Hussein
3
مارس 2016·
في أمريكا , بلد
الحريات و الديموقراطيه العتيقه و سفراء النويا الحسنه و مراكز حقوق الإنسان و حقوق
العصافير الكناريا , أوامر بترحيل طالب مصري , عشان ايه ؟ عشان كتب تعليق , مجرد تعليق
على صفحة المرشح الرئاسي ( ترامب ) و قال انا لو قابلت الراجل ده هقتله !! , و عليها
انقلبت ال FBI و الشرطه السريه و قبضو على
الطالب و اتحبس و هيترحل !! .
.
في مصر , وانت
ماشي عالفيس بوك ساعة العصاري هتلاقي عدد المحرضين عالقتل و الخراب , اللي بيحرضو بشكل
رسمي و منهجي ( مش مجرد جعجعه لحظية زي الطالب صاحبنا ده ) هتلاقيهم بعشرات الألاف
, تحريض ضد رئيس الدوله بشكل شخصي , تحريض ضد الجيش , اللي هو جيش البلد , تحريض ضد
شخصيات عامه , مره شوفت في صفحة واحد اخوانجي صورة لطيار عسكري مصري و تحتها عنوانه
و مكتوب ( ابن الكلب ده مطلوب حيا او ميتا !! ) دي مش جعجعه زي بتاعة الطالب , ده تحريض
بالقتل مع سبق الإصرار و الترصد , الدوله اللي المخابيل شايفينها فاشيه انا شايفهه
دولة عبيطه , و الحكومه ايدها طريه زي ايد هياتم , و الكولجيه هيعيشو و يموتو كولجيه
, الحريه عندهم بتبدأ من حريتي اني اشوف القناه اللي بحبها و البس الهدمه اللي على
مزاجي , لحد حريتي في اني احرق بيت جاري لو مش عاجبني , أو عالأقل اتعاطف مع اللي بيحرق
بيت جاره .
.
و لو دخلت صفحة
البنت الكيوت الرقيقه زي الفراشه اللي اسمها اسراء الطويل و شوفت كمية التحريض الممنهج
على القتل و الحرق و الخراب , أهي البنت دي لو كانت عايشه في امريكا كانت واجهت عقوبة
السجن 5 الاف سنه , حتى لو ظهرت في ال سي ان ان و هي سانده على عكاز او كرسي متحرك
او حتى نايمه على نقاله , محدش كان هيعلّق ولا ينطق و لا يتعاطف عشان أمريكا مفهاش
كولجيه .
.....................................................................................................................
Mohamed
Hussein
2
مارس 2016·
اسقاط عضوية توفيق
عكاشه بعد تصويت اكتر من تلتين الأعضاء ضده , تلتين الأعضاء ؟ يعني اكتر من 400 عضو
؟ دانت محبوب أوي يا عوكش , و زعيم زعيم مش اي كلام اهو , و انت اللي فجرت ثورة 30
يونيو و ثورة عرابي .
.
كده ممكن بسهوله
تاخد بكرة البلاستر و حتة الورقه الكرتون اللي كانت معاك في البرلمان و تاخد حياة الدرديري
و ترجعو البلد بقى , تزغط البط براحتك و تقعدو على شط الترعه , هي تقولك انت عظيم اوي
يا دكتور و انت تبص لها و تقولها , يا حياة انتي سيده سوف يقف التاريخ امامها طويلا
, و بعدين تقومو تقفو و تمسكو ايد بعض و تنطو في الترعه سوا , و يبقى مشهد ختامي رائع
لفيلم ( اللي عايز الدح ) .
.............................................................................................................................
Mohamed
Hussein
2
مارس 2016·
ارفعو ايديكو عن
الحكومه
.
صحفيه راحت تغطي
حفلة الأوسكار و ارتبكت و اتلبخت و شكلنا بقى هباب , نقابة الصحفيين راحت تتعاطف مع
احمد ناجي , عيل صحي من النوم و ريحىة بؤه تقرف الكلب و قال يكتب المقاله بتاعته بقى
في الجريده المشهوره فكتب اننا عايزين نعرف ميزانية وزارة الدفاع وخطة محاربة الإرهاب
, مزه دخلت لرئيس التحرير لابسه بنطلون ستريتش و قالت له انا نورهان و بعرف اقول (
في الواقع ) قال لها خلاص تبقى رئيسة القسم , انتي موهوبه اوي يا نورهان , عيل لابس
بنطلون جينز و كوتشي و عامل شعره ضفيره ولابس حلق في ودانه و بيعرف يقول ( يسقط أي
حاجه في أي حته ) ده يبقى ثورجي جدا , هاتوه الشاب ده , تشتغل معانا يا استاذ ؟ , مراسل
لقناه فضائيه جاب واقي ذكري و نفخه و راح يتريأ بيه عالغلابه , الواد ده بطل .
.
معايير الإختيار
في الصحافه و الإعلام , في القطاع العام و الخاص , هي بالظبط زي معايير اختيار واحد
فاتح سوبرماركت جديد , عايز بت تكون مزه و جسمها حلو عشان تجيب رجل الزبون ( و طبعا
رِجْل صاحب المحل ) , او عيل يكون حلنجي و حِرك كده و يعرف يدوس في أي هبل و يتألق
بعد مايشرب 17 سيجارة حشيش عالريق , أو شاب يكون من طرف فلان بيه أو فلانه هانم , هي
دي القماشه اللي موجوده و هما دول اللي بيتصدرو المشهد الثقافي , في الصحافه , في الإعلام
, في الأدب ( و الأدب فضلوه عن اللحمه ) .
.
لا رئيس الوزرا
بعت الصحفيه دي تغطي حفلة الاوسكار و لا السيسي كلم احمد ناجي و قاله و النبي توصف
لنا كده انت عملت ايه مع الوليه في شقة الزمالك , ولا حتى قال لنقابة الصحفيين روحي
اتعاطفي مع الريس برايز و قولي عليه الاديب و الروائي , القماشه دي من اختيارنا , من
عندنا , هو ده حبل الغسيل بتاعنا اللي بننشره قدام الجيران .
...........................................................................................................................
Mohamed
Hussein
1 مارس 2016·
الحقيقه .....
بين الفروسيه و ركوب الحمير
.
- مفيش شك ان توفيق
عكاشه يستاهل الضرب 100 جزمه على دماغه و دماغ اللي خلفوه , بس الحقيقه برضه ان ضرب
توفيق عكاشه بالجزمه مش فروسيه ولا بطوله ولا حاجه خالص , مش لاقي فيها فروسيه , و
عهد الله مالاقي .
.
- مفيش شك ان مرتضى
منصور هو أزبل شخص في مصر بلا منافس , بس مش فروسيه يا عم ميدو انه يجيبك مدير فني
و انت لسه عيل و لما تمشي من النادي تطلع عالهوا و تعمل نفسك 7 رجاله في بعض , دي مش
فروسيه , و عهد الله مافيها فروسيه .
.
أصدقائي الاعزاء
, و النبي بطلّو بقى تصنعو بطولات وهميه و فرسان من ورق , لما تشوف واحد راكب حمار
و عاملّه لجام و بيهز جسمه زي الفرسان ف ده مش معناها انه فارس , معناها باختصار انه
بيعرف يركب الحمير , فرق شاسع بين الفروسيه و ركوب الحمير .
.
لو ميدو و كمال
أحمد فرسان , يبقى أصحابنا التانيين معاهم حق إنهم يقعدو بالشهر و الاتنين يستنو تويته
من راجل عجوز عايش في أخر بلاد الله , و بيعتبرو ان التويته دي فروسيه و صاحبها هو
بطل الابطال و فارس الفرسان , هو بالنسبالهم ويليام والاس اللي هيستخدم تويتاته لتحرير
اسكتلندا من الاحتلال الإنجليزي .
.........................................................................................................................
Mohamed
Hussein
1
مارس 2016·
أسئلة للأذكياء
و المثقفين فقط
.
جاوب على الأسئلة
التاليه و هتكسب جايزه كبيره اوي ماكنتش تحلم بيها :
.
السؤال الأول
: من هو قائد ثورة عرابي ؟ اختار من بين الأقواس ( 1- أحمد عرابي ...2- سعد زغلول
... 3- مصطفى كامل ...4- مصطفى عبده ) ؟ .
.
السؤال التاني
: من هو قائد ثورة عرابي برضه ؟ هل هو ( 1- أحمد عرابي ...2- أسامه عرابي ...3- أيات
عرابي ) ؟ .
.
السؤال التالت
: مين اللي جاب الجون بتاع مجدي عبد الغني في كاس العالم اللي خنقنا بيه ؟ هل هو (
1- مجدي عبد الغني ...2- أحمد شوبير ....3- مدحت شلبي...4- ريهام سعيد ) ؟
.
السؤال الرابع
: أيُّهم أطول ( 1- طريق صلاح سالم ..2- لسان مرتضى منصور ...3- كرافتة محمود بدر
...4- سوالف عمرو حمزاوي ) ؟
.
السؤال الخامس
: في أي المجالات كانت شهادة الدكتوراه بتاعة توفيق عكاشه ؟ هل هي في ( 1- إدارة الاعمال
...2- البيزنيس أدمنيستريشن ....3- إدارة الأعمال اللي هي البيزنيس ادمنيستريشن ) ؟!.
.
.
.
في حال انك جاوبت
على الأسئلة كلها صح ( بس حاول تركز و النبي الله لا يسيئك ) هتفوز معانا بشهادة دكتوراه
زي بتاعة توفيق عكاشه بالظبط , كل ما عليك هو انك تبعت لنا الإجابات الصحيحه و 10 ألاف
دولار هتجيلك شهادة الدكتوراه مختومه و متوثقه , و لو معاك 5 الاف دولار بس ممكن نجيب
لك شهادة ماجستير من رومانيا , خليك في الرسيبشن زي مانت , يومين بالكتير و هتكون الشهاده
عندك سُخنه و طازه , خدمة التوصيل مجانا .
................................................................................................................................
Mohamed
Hussein
29
فبراير 2016·
المُحْن الإسلامي
.
تحليل و مقطع عرضي
( يعني t.cut ) لشريحة معينه من المصريين :
.
1- اختكو ياسمين
جمال نشرت صورتها عالفيس مع شوية مُحن و قالت مين هيصلي على سيدنا النبي ؟! .
.
2- الصوره مع الصلاه
على سيدنا النبي جابو 103 الف لايك , أه الرقم زي ماحضرتك قريته كده , 103 ألف .
.
3- بطلتنا بتاعة
النهارده اللي هي ياسمين جمال كل صفحتها بالشكل ده , يعني ممكن نقول انها استاذ و رئيس
قسم ( المُحْن ) في منظمة المؤتمر الإسلامي .
.
4- كان فيه واحد
جحش من كام يوم كتب ان باسم يوسف بيجيب 70 الف لايك على بوستاته و بالتالي فهو بيهز
عرش السيسي , ياريت حد يقول للجحش إن بطريقته دي تبقى ياسمين جمال بتهز عرش ميخائيل
جورباتشوف شخصيا , الله يرحمه و يديله الصحه .
.
5- طبعا اغلب الصلاه
و السلام على سيدنا النبي هيروحو للأخت ياسمين في الشات , انتي حلوه اوي اللهم صلي
عالنبي , عيونك يجننو اللهم صلي علىك يا محمد , انا معجب بيكي أوي عليه الصلاة و السلام.
.
6- اعرف واحد صاحبنا
بقاله 5 سنين بينحت في الكتابه و التحليل , و نادر ندر لله إنه لو وصل في يوم ل 5 الاف
لايك مايروحشي بيتهم الا لما تتفرش له سجاده حمره و يروح في موكب زي بتاع السيسي بال
12 موتوسيكل و البت بنته تقف في البلكونه و تضرب له 21 طلقه في الهوا .
.
7- أغلب المتفاعلين
على صفحة بطلتنا هتلاقيهم من نوعين اتنين مفيش غيرهم , إما انهم من بتوع المُحن الإسلامي
( أبناء عمرو خالد ) أو من بتوع المُحن الثوري ( أبناء محمد عطيه ) , و الحقيقه الاتنين
( خرطو ) على بعض و مابقيتشي شايف بينهم اي فرق .
.
8- تسألني في قلبك
و ضميرك يا كلاوي , هو الهبل اللي بيحصل ده بيحصل ليه ؟ أقولك و عهد الله ماعرف , انا
لو اعرف اقول على طول , انما اللي فهمته من صفحتها ان دينا الإسلامي ده جميل أوي و
كيوت و عنده غمازات , و لّا شفايفه ؟ اه من شفايفه .
.
9 - ياسمين تبقى
بت عبيطه و غبيه لو ماستغلّتش ان فيه قطيع من ألاف الشباب بيريّل وراها على أي حاجه
, و أغلب ظني انها هتكمل مسيرة الأخت رضوى جلال اللي هي مرات شهيد الصابونه , يعني
ممكن تشتغل في ازياء المحجبات و بعدين تقول جوزي مات و هو بيشرب معسّل ( شهيد المعسل
) و تلم تبرعات عشان تحفر له بير مايه في تنزانيا , بلاش أوغنده المرّادي .
.
10- البوست ده
ممكن حضرتك تعتبره محاولة بائسه لتحليل عقول شريحه معينه من الشعب , أو ممكن تعتبره
واحد أمبليه .
................................................................................................................................
Mohamed
Hussein
29
فبراير 2016·
بين الغث و السمين
!! .
.
- في زيارة السيسي
لليابان و كازاخستان , اتفاقيات و مشاريع عملاقه , معلنه و غير معلنه , و الراجل ماشي
بنفس دماغه , هنجيب كل حاجه من مصدرها الأصلي , السلاح من روسيا وفرنسا (من عند بتوع
السلاح ), و التعليم و الأفكار المبتكره لحل المشاكل المتراكمه من اليابان ( من عند
بتوع الأفكار المبتكره ), و سلملي على ماما أمريكا ( اصل السيسي عميل للأمريكان !!
) , و في نفس الوقت ده هتلاقينا احنا مشغولين بايه ؟ قولي كده مشغولين بايه ؟ ياترى
عرفنا السيسي بيعمل ايه في اليابان ؟ طب شكل المشاريع و الاتفاقيات ايه ؟ و الله ابدا
, احنا مشغولين بجزمة كمال احمد اللي ضربها في توفيق عكاشه , اعمل هاشتاج بسرعه , عايزين
الجزمه دي تنزل في مزاد , لا لا انا مش هبيعها انا هسيبها لأحفادي , طيب هبيعها عشان
خاطر مصر و القضيه الفلسطينيه , متضامن مع جزمة كمال احمد , لا لا متضامن مع راس توفيق
عكاشه , هنجمع توقيعات من النواب عشان نحط الجزمه في متحف البرلمان , هي الجزمه مقاسها
كام ؟ بيقولو ب 325 جنيه !! .
.
و هو ده حالنا
باختصار , المعنى الحرفي لكلمة ( شألوب ) , الغث ظاهر اوي و طافح علينا و السمين مانعرفوش
, الإرهاب اللي مدعوم من دول عظمي و حرق دولنا العربيه لما حاربناه و حمينا أرضنا ماعتبرناش
دي بطوله ولا حاجه ( سمينه ) بالعكس , داحنا تمادينا في النطاعه و التريأه على أبطال
مصر الحقيقيين , و بقينا مبهورين بصناعة ابطال من ورق و بطولات من ورق , نفخ الواقي
الذكري بطوله و اللي عمل كده بطل , كتابة روايه جنسيه بطوله و اللي عمل كده بطل , معرفشي
مين قال ايه تبقى بطوله واللي قال كده بطل , ضرب واحد بالجزمه بطوله و اللي عمل كده
بطل , كتابة تويته بطوله و اللي عمل كده بطل , كله سمين , و الغث بتاعنا هو اللي شايل
طين البلد دي و اللي بيموت عشان ترابها , الغث بتاعنا هو البطل و المحارب و الفارس
و الشهيد .
.
تصدقو بالله ؟
حريتنا في التعبير و عقولنا المشوهه و أفكارنا العبيطه و ثوريتنا الهايفه هما اللي
محتاجين ينضربو بالجزمه .
..........................................................................................................................
Mohamed
Hussein
28
فبراير 2016·
توفيق عكاشه (
قبل ماينضرب بالجزمه ) : انا عارف مكان هيكل سليمان , انا مَنْ سيغير قواعد اللعبه
, انا مستعد للذهاب للكنيست , انا اللي هيحل مشكلة سد النهضه , انا شخصيه عالميه راسخه
في وجدان العالم , أنا الملك مخروق , انا الروح الكامنه في البيضه المقدسه .
.......................................................................................................................
Mohamed
Hussein
27
فبراير 2016·
فقط في مصر
.
الأزهر مش خط أحمر
, و الكنيسه مش خط أحمر , و الجيش مش خط أحمر , و تاريخ مصر مش خط احمر , و حدودها
مش خط احمر , و ترابها مش خط أحمر , و علمها و نشيدها مش خط احمر , و رئيس الجمهوريه
مش خط احمر , و عبد الناصر مش خط أحمر , انما أبو تريكه خط احمر !! .
.
ليه يا سيدي ؟
أصلهم استدعوه عشان يحققو معاه , معقوله ؟ استدعو ابو تريكه شخصيا عشان يحققو معاه
؟ ابو تريكه ابو تريكه ؟ ابو الوفا ابو الوفا ؟ مايحققو معاه يا جحش , ايه المشكله
يعني ؟ فين المشكله , بتحب ابو تريكه اوي ؟ طب و الله العظيم انا كمان بعشق ابو تريكه
, لاعب حريف و كان بيمتنعني مع اني زملكاوي , ايه ؟ و بيصلي كمان و كان امام ؟ طب و
ماله ربنا يهديه و يهدينا , برضه ماقولتليش فين المشكله ؟ واحد هيتحقق معاه في اتهام
معين في حضور المحامي بتاعه , و الله طلع الراجل نضيف هيرجع بيتهم , طلع ملطوط بقى
يبقى ياخد جزاؤه , المحامي بتاعه نفسه قال مستعدين للتحقيق و موقفنا قانوني , صعبه
على فهمك دي ؟ .
.
هو احنا امتى هنكبر
بقى و نعقل كده و نبطل حكاية ان كل مجموعه يعملو لنفسهم ( عِجْل ) و يعبدوه ؟ قبضتو
عالشاب الفلاني ليه ( الشباب خط أحمر ) , قبضتو على الرسّام ليه ؟ ( الفن خط أحمر
) , قبضتو عالصحفي ليه ( الصحافه خط احمر ) , قبضتو على رجل الاعمال ليه ( رجال الأعمال
خط احمر ) , قبضتو عالمتدين القديس ليه ( القديسين خط أحمر ) , قبضتو عالواد الصايع
بتاع الروايه السكس ليه ( السكساويه خط أحمر ) , يا جدع ماتستقلّش بنفسك كده و تقعد
تتعاطف مع ناس و تقول خط احمر , دانت احمر منهم كلهم .
.......................................................................................................................
Mohamed
Hussein
27
فبراير 2016·
لمّو الكراريس
و الكهارب ........... مفيش مؤامره فيه رز بلبن .
.
خلاص موضوع سوريا
بيخلص أهو , الحمد لله الحمد لله بيخلص اهو , لمو الكراريس و الكهارب بقى , بس يعني
أأأأأأ , إنما يعني أأأأأأ , اللي حصل هو ان سوريا موضوعها هيخلص بتقسيمها زي علبة
الجبنه النستو ( بالصدفه البحته ) , اه ورحمة جدو الشابوكشي باشا الموضوع ده حصل بالصدفه
البحته , زي مالعراق اتقسمت بالصدفه البحته و السودان اتقسمت بالصدفه البحته و فلسطين
اتقسمت بالصدفه البحته و ليبيا اتقسمت بالصدفه البحته , و اليمن اتقسمت بالصدفه البحته
, الله يلعنها الصدفه البحته دي , هي سبب الخراب , أقيمو الحد على الصدفه البحته ,
جيّشو الجيوش لمحاربة الصدفه البحته , و اوعى حد منكو يتخيل او يتوهم او عقله المريض
يصورله ان دي الخطه الامريكيه للشرق الأوسط اللي هي معلنه اساسا !!.
.
أمريكا ؟!! اخرس
يا حيوان , قطع لسان اللي يجيب سيرة أمريكا بنص كلمه , امريكا دي هي راعي الحريات و
حقوق الانسان , امريكا دي هي الملاك اللي بيضلل علينا بجناحاته , امريكا دي هي مهبط
الانبياء و القديسين و سفراء النوايا الحسنه و بتوع جايزة نوبل , أمريكا اللي ورد ذكرها
في الكتب المقدسه و قالو لنا : ادخلو امريكا ان شاء الله امنين , أمريكا اللي فيها
خير اجناد الأرض وفيها احسن ناس بتعمل ساندوتشات هامبورجر .
.
مفيش حاجه اسمها
مؤامره ولا حاجه , دي أوهام يابني بيروج لها النظام و أجهزة المخابرات , طب أقولك عالتقيله
بقى , الدول اللي فوق دي ماتقسّمتش ولا حاجه , ده فوتو شوب و لعبه من الاعيب الأنظمه
الفاشيه القمعيه , و الحقيقه عكس كده خالص , الحقيقه انهم اتوحدو و كوّنو دولة الوطن
العربي العظمى من أقصى إلى أقصى , بس انت اللي مش واخد بالك , حتى اسألو باسم يوسف
و عصام حجي , اسمعو كلام الناس دي , عقولهم ألماظات و سابقينا بمليون سنه , و لما يقولو
لكو ان الداخليه قتلت الشاب الايطالي و القضاء اعدم الطفل ابو 4 سنين و مصر بتبني أكبر
سجون في كوكب الأرض و المجموعه الشمسيه ابقو صدقوهم , مفيش مؤامره , فيه رز بلبن .
.........................................................................................................................
Mohamed
Hussein
26
فبراير 2016·
توفيق عكاشه في
القناه الفضائيه , توفيق عكاشه في البرلمان , توفيق عكاشه في الكنيست , توفيق عكاشه
عايز الصهاينه يطلعو جثة السادات و يضربوها بالنار , توفيق عكاشه مش عاجبه عبد الناصر
, و قريبا جد توفيق عكاشه يفوز بجائزة نوبل للسلام !! .
.
أهي اللي فوق دي
اخبار و تنفع عناوين للمرحله , مرحلة البظرميت اللي عايشينها من 5 سنين , الهجاصين
بقو ثوريين , و الإرهابيين بقو أئمة و علماء أمه , و المهابيل و المهاطيل بقو قيادات
سياسيه ونجوم مجتمع , و الخيانه بقت وجهة نظر , و كله تحت مسمى الحريه و الديموقراطيه
, و تحت اسم الحريه بقى الواد بتاع الواقي الذكري بطل , و بقى زاب ثروت يتقال عليه
مفكر و احمد ناجي يتقال عليه اديب و يتقارن بنجيب محفوظ , و توفيق عكاشه بقى اشهر من
النحّاس باشا , داحنا حلوين أوي , و في وقت فراغنا بنشوّه في التاريخ و الحاضر و المستقبل
لحد ما بقى المشوه هو القاعده و الكويس ده استثناء .
.
واضح ان مبارك
عجرها في ال 30 سنه اللي حكمهم , حالة التردي الثقافي و الفكري و العقلي دي بتقول ان
تأثير فترة حكمه علينا كان أقوى بكتير من تأثير القنبله الذريه على هيروشيما , و الحمد
لله على نعمة جيش مصر , ليه بحمد ربنا دلوأتي على نعمة جيش مصر ؟ مممممممم لما تكبر
هبقى أقولك .
...................................................................................................................
Mohamed
Hussein
26
فبراير 2016·
فستك
.
موافقة لجنة من
الكونجرس الأمريكي على اعتبار جماعة الإخوان تنظيم ارهابي هو بالظبط زي القرارات اللي
قالت عليها الحكومه البريطانيه من فتره و إننا ( يعني بريطانيا ) بصدد تشديد الإجراءات
على الجماعه و دراسة ماعرفشي ايه , كله فستك , يعني مناورات سياسيه عبيطه , زي تصريحات
السفير البريطاني في القاهره و دايما بيبقى مقصود بيها العكس , بعد شويه عادي هتلاقي
تصريحات امريكيه بتقول ان تقارير استخباراتيه ( حلوه استخباراتيه دي يا حاج محمد ؟
) , تقارير استخباراتيه أكدت لنا ان الاخوان ناس بتوع ربنا و بيبيعو سبح و سجاجيد قدام
البيت الأبيض , والنبي ابقو صحوني لما أمريكا تقول : تقارير استخباراتيه , اصلي بحب
الحته دي أوي .
.
في عز أزمة مصر
كانت الدول اللي استقبلت اعضاء الجماعه الارهابيه و علفتهم و فتحت لهم قنواتها و خزاينها
و برلمانتها هي بريطانيا و تركيا و أمريكا و عزبة قطر , يابني الحكايه مش كيميا , دي
أسهل من شهادة الدكتوراه اللي خدها توفيق عكاشه , اللي غالبا كانت دكتوراه في تزغيط
البط , أدي الجماعه الإرهابيه و أدي اللي استقبلها و علفها و صرف عليها , صعبه دي يا
مولانا ؟ .
.
السيسي بقى مش
بتاع بليله , وعارف أكيد اللي انا بقوله ده , يعني لا هيتحزم و يرقص بعد قرار الكونجرس
ولا هيغنّي ( جانا الهوى ) بعد تصريحات بريطانيا , عشان باختصار شديد مفيش أم في الدنيا
بتتخلى عن ابنها ضناها .
..................................................................................................................................
.
ليست هناك تعليقات:
إرسال تعليق