Mohamed
Hussein
17
مارس 2016·
الممثله غاده ابراهيم
بعد صدور حكم بالبراءه في قضية ادارتها لشقة دعاره بتقول انها كانت قرصة ودن و مش هبطل
اتكلم في السياسه ( و رافعه علامة النصر ) !! .
.
ههههههههههه انا
عايز اقول كلمه ابيحه اوي , يا حاجه الله اعلم بحالك , بس القضيه دي اصغر محامي يطلعك
منها زي الشعره من العجين , يعني ب 5 الاف جنيه يشيلها بواب او سمسار عادي , و لها
الف مخرج , انا مش بشكك في حكم البراءه و ربنا اعلم بحالنا جميعا , موضوعك لا يعنيني
, تكوني مشغلاها دعاره او فاتحاها قاعة تحفيظ قرأن , ده مش شغلي .
.
انما اللي يهمني
بجد , هو ايه حكاية مش هبطل اتكلم في السياسه دي ؟ هو كل واحد ابن ستين كلب يتوجه له
تهمه يقوم يعمل نفسه بطل و زعيم سياسي ؟ سياسة ايه يا حاجه اللي بتتكلمي فيها و مين
اللي قرص ودنك ؟ هو قرصها منين بالظبط ؟ انا ماعرفكيش كممثله و بالتالي عمري ما سمعت
عنك كواحده بتتكلم في السياسه , انتي أخرك كومبارس صامت في تمثيلية بتيجي في الراديو
, لا تكوني مفكره نفسك أبو العز الحريري ؟! .
.................................................................................................................................
Mohamed
Hussein
17
مارس 2016·
أصدقائي الكولجيه
المثقفين أوي و معاهم دكتوراه من بلاد بره بيتألقو دايما و يعصرو ذهنهم و يقدحو زناد
فكرهم و يجيبو التايهه , يعني في الأزمه الاقتصاديه شافو ان من أهم اسبابها و حيثياتها
ان الدوله اشترت أسلحه و طيارات و قطع بحريه بعشرات المليارات , و ليه نشتري أسلحه
لما احنا حالتنا كرب كده ؟ ( و كأن السيسي هياخد الحاجات دي ويحطها في الجنينه بتاعة
فيلته و يعلق الصواريخ في النجفه عشان تعمل منظر ) .
.
بصراحه مش عارف
اتخيل وجهة نظر صديقي الكولجي , يعني ارهاب في سينا و على حدودنا مع ليبيا ( ألف كيلو
) و دول بتتحرق و تتقسم و سد النهضه و مؤامره و تهديد , المفروض نعمل ايه جنابك ؟ نشتري
ايه ؟ دواوين فاروق جويده ؟ و نحارب ازاي و نحمي ترابنا و أمننا القومي ؟ بشعاراتك
و مصطلحاتك المجوفه ؟ يعني مثلا ارهاب سينا نحاربه بدبابات ماركة ( تنمية الإنسان
) ؟ , و نطلع بطيارات من نوع ( لا مندوحه 16 ) و ندخل العمق الليبي و نضربهم بصورايخ
( الحوار المجتمعي ) ؟ و نحتفظ بقى بتويتات البرادعي كسلاح ردع اخير في حالة اتأثرت
حصة مصر من المايه بسبب سد النهضه ؟!! .
.
صديقي الكولجي
, ارحم نفسك شويه , و حاول تتعالج من البلهاريسيا اللي في دماغك دي , انت مش مضطر تتعايش
مع مخزون البلهاريسيا طول الوقت , يا حماده في ليبيا و سوريا , يعني على بُعد خطوتين
من ( اللامؤاخذه بتاعتك ) كانت جيوش الناتو بأحدث أسلحتها وترساناتها البحريه , بتحرق
و تقسم التورته , و انت و عهد الله شعاراتك العبيطه دي ما هتحميك من سحليه يتيمه ماشيه
على سقف بيتك .
....................................................................................................................
Mohamed
Hussein
17
مارس 2016·
حجم التركه
.
لو سمحت , هو حضرتك
عايز تحارب الفساد ؟ متأكد يعني ؟ طب حاضر من عنيا , ثواني بس اندهلك الفساد عشان تتعرف
عليه الأول قبل ما تحاربه :
.
1- في قطاع الكهربا
ميزانية ضخمه و فواتير بتجيلنا بالشئ الفلاني , و مع ذلك القطاع ده بيخسر و الدوله
بتضطر تدعمه بمليارات كل سنه , ولما نحب نعمل اي محطات كهربا كبيره بنروح نجيب قروض
خارجيه , طب القطاع بيخسر وبيخرب بيوتنا و بيت الميزانيه و مع ذلك موظفين الكهربا بياخدو
مرتبات اعلى بكتير من زمايلهم في المصالح التانيه , مرتبات و حوافز و بدلات و سفريات
و حاجه كده زي أرباح سنويه !! عارف فيه كام ألف موظف و بيت مستفيدين من الميغه دي ؟
ممكن حضرتك تكون واحد منهم او حد من قرايبك , لسه مستعد نحارب الفساد ؟! .
.
2- في التعليم
مليون مدرس , أغلبهم بيدو دروس خصوصيه , التعليم عندنا بقى عامل زي الساقيه اللي بتلف
عالفاضي , أو مسرحيه هزليه طويله جدا طولها 9 شهور , المستفيد الوحيد منها هو المدرس
, الطالب بيتفحت و أهله بيتفحتو معاه , المدرس اللي اتعود يدي دروس خصوصيه و بيجيله
دخل 15 الف جنيه في الشهر مثلا , هل هيوافق على تجريم الدروس الخصوصيه و انه ياخد مرتب
محترم ( نقول 5 الاف ) ؟ مفيش حد من قرايب حضرتك مدرس و مستفيد من الميغه دي ؟ لسه
مستعد اننا نحارب الفساد ؟! .
.
3- في الحكومه
اكتر من 4 مليون موظف , اغلبهم مرتشي , يعني ملايين من البيوت مفتوحه بشكل أو بأخر
بفلوس الرشوه , و المرتشي لازم له راشي , اللي هو المواطن الكيوت المتدين , و الرشوه
من اول عشره جنيه و علبة سجاير كليوباترا لحد رشوه بالملايين , محدش في قرايبك موظف
حكومه و بنى بيت 4 ادوار مع ان مرتبه الفين جنيه ؟ لسه مستعد نحارب الفساد ؟! .
.
4- طيب انا مستعد
و لو فيه فساد في مهنتي مستعد احاربه , و لو انا فاسد مستعد اتسجن , انت كمان لازم
تكون كده , حاجتين تلاته مهمين اوي لازم تفهمهم قبل ماترفع شعارات محاربة الفساد عشان
ماتبقاش مجرد شعارات .
.
أولا : محاربة
الفساد بتعني محاربة اكتر من نصف الشعب المصري , عشان الفساد بقى قاعده و يكفي اني
اقولك اني قعدت كتير جدا عشان افتكر عكس كلمة الفساد يطلع ايه ؟ اه افتكرت الصلاح
( أو الإستقامه ) , كلمة غريبه اوي دي , الصلاح ؟ يعني ايه الصلاح ؟ كلمه مش متداوله
ولا موجوده في قاموسنا .
.
ثانيا : الفساد
مش بس في القضاء و الداخليه , اقرى اللي فوق تاني ( و دول مجرد نماذج مش اكتر), الفساد
طايل بيوتنا , و لو فضلت تردد عبارات عن فساد الشرطه و القضاء هتبقى مجرد شمّام كوله
مش صاحب مبادئ ولا حاجه.
.
ثالثا : التركه
الجميله اللي حضرتك شايفها دي تبقى تركة مولانا مبارك , اللي في عهده اتحول الفساد
لكيانات كامله يدعم بعضها بعض , اللي في عهده بقى الفساد هو القاعده و الصالح ده استثناء
, و السيسي عايز يحارب الفساد زي أي رئيس وطني محترم , بس هو عارف حجم المشكله وانه
مش هينفع يحاربها بطريقة الصدام المباشر , لازم تفكيك مؤسسات الفساد بشكل تدريجي ,
مش هينفع ديناميت و زرار ندوس عليه و بوم يقع بيت الفساد كله .
.
تخيل بس انك مثلا
قلت لطيارين شركة مصر للطيران ان مرتب الواحد فيكو اد مرتب 10 اساتذة جامعه و ده ماينفعش
, هننزل مرتباتكو للربع او حتى النص , متخيل المشهد ؟ قابل بقى يا معلم .
.....................................................................................................................
Mohamed
Hussein
16
مارس 2016·
وزير الخارجيه
الروسي : موقف مصر و روسيا متطابق تجاه الوضع في سوريا !!.
.
ده من الأخر يعني
, يارب الناس تفهم بقى , و حكاية ان السعوديه تكتب اسم مصر ضمن التحالف الإسلامي (
الأمريكي الداعشي ) ده كان مجرد حبر على ورق , اكتب اسم مصر يا طويل العمر , اكتبه
مرتين لو تحب , خليهم تلاته , بس مصر هي مصر , لا في يوم في تاريخها كانت بتدعم الإرهاب
ولا في يوم ساندت الإعتداء على دولة عربيه , و لا هنروح ناخد التعليمات من القاعده
الأمريكيه في قطر أو نتحرك من القاعده الأمريكيه في تركيا عشان جيش مصر التاني يضرب
جيش مصر الأول , عندنا تاريخ و جينات و هويه بيمنعونا من كده طال عمرك , مش مهم يكون
عندنا بترودولارز , أو يحصل لنا أزمة دولار , بنعرف ناكل قش و نعيش , المهم اننا مانتحوّلش
لمجرد مسخ أو ( يويو ) في إيد الأمريكان .
.
أحترم جدا قرارات
الإداره المصريه و موقفها في السنتين اللي فاتو , في مرحلة ( المشي عالحبل ) , أحترم
و فخور بأداء وزارتي الخارجيه و الدفاع و المخابرات المصريه , اما الأزمه الإقتصاديه
( اللي جزء كبير منها هو لوي دراع من الشرق و الغرب ) فانا واثق تماما اننا هنعدّيها
, يا جبل ما يهزك ريح .
......................................................................................................................
Mohamed
Hussein
15
مارس 2016·
من كام ساعه و
انا مكتئب و مهموم , مش عارف سبب محدد , لحد لحظه كده و بالصدفه البحته شوفت اعلان
عن ألبوم عمرو دياب الجديد و فيه صورة عمرو دياب , بصّيت للصوره بتركيز و افتكرت انه
أكبر مني ب 15 سنه , الحمد لله بقيت مكتئب اكتر .
.
الواد ده الزمن
فات عليه و عمل له هاي من بعيد بطراطيف صوابعه , و احنا الزمن جه عندنا و عمل معانا
الجلاشه .
الزمن بالنسبه
لعمرو دياب هو بنت سويديه رقيقه زي البسكوته , و الزمن بتاعنا احنا هو المعلمه حمدية
الجزّاره بتاعة دار السلام .
............................................................................................................................
Mohamed
Hussein
15
مارس 2016·
حكاية : اسمها
الفرحه و الأمل و الحذر و النصر بإذن الله .
.
1- روسيا دخلت
بقواتها في شمال سوريا عشان تعمل توازن في القوى على أرض الواقع , الكفه كانت مالت
لصالح داعش الأمريكيه التركيه الخليجيه ( ده الوصف الصحيح ولازم تتكتب كده ) .
.
2 - بعد أيام قليله
جدا من وجود روسيا و من نشرها لقواعد الصواريخ و الأقمار الصناعيه قدرت تفضح الدعم
المباشر الأمريكي التركي للعيال الإرهابيين الأرزقجيه بتوع داعش , و تفضح سرقة تركيا
لبترول سوريا و العراق .
.
3 - روسيا قدرت
كمان تمنع امداد داعش بالسلاح الأمريكي التركي يعني قفلت المحبس من فوق , وبعدها بدأت
قوات الجيش العربي السوري في استعادة مدن كانت تحت الإحتلال الداعشي , في الوقت ده
ظهر التحالف الاسلامي بتاع السعوديه كحل بديل لنقل السلاح لداعش بصوره تبدو شرعيه
, بس على مين ؟! .
.
4 - كده الكفه
على أرض الواقع مالت لصالح بشار و الجيش العربي السوري و الحكايه دي حصلت في فتره وجيزه
جدا , نتفاوض بقى .
.
5 - ليه نتفاوض
؟, عشان حلف أمريكا لازم يتجنب أي صدام مباشر مع روسيا وحلفائها , و روسيا نفس الشئ
هتكون حذره من صدام مباشر .
.
6 - و بدأ وقف
اطلاق النار من اسبوعين تلاته و مفاوضات مباشره بين روسيا و أمريكا انتهت لسحب روسيا
الجزء الأكبر من قواتها .
.
7 - مين انتصر
في الحرب دي , حلف روسيا ولا حلف امريكا ؟ الإجابه هتبان في الكام يوم الجايين , و
كلمة السر فيها اسمها بشار الأسد , لو بشار فضل في الحكم و غيّر الحكومه و الدستور
و عمل انتخابات برلمانيه جديده تبقى روسيا انتصرت , لو تم التفاوض على تقسيم سوريا
بأي شكل من الأشكال , تبقى حالة تعادل بين روسيا و أمريكا ( و كارثه على سوريا ) ,
لو رحل بشار الأسد و الدواعش حكمو سوريا تبقى امريكا انتصرت و نقرا الفاتحه و اذكرو
محاسن دمشق .
.
8 - أمريكا في
كل الأحوال مش هتطلع خسرانه , و مخططها الصهيوني نجح الى حد كبير في سوريا , الخراب
اللي حصل في سوريا امنيا و اقتصاديا و اجتماعيا و عسكريا محتاج 50 سنه عشان سوريا ترجع
لنقطة الصفر ( اللي كانت قبل اللي ماتتسمى الثوره ) , و بالتالي امريكا هتقول كفايه
على سوريا أوي لحد كده , و الضرب في الميت حرام , هنرفع ايدنا عنها .
.
9 - دي الأخبار
المفرحه , ان اخيرا سوريا هتتنفس الصعداء و تبدأ تجمع أشلائها , و أهلنا في سوريا هيترحمو
عالأقل من ريحة الدم اللي ماليه الشوارع .
.
10 - الخبر المرعب
شويه و اللي محتاج حذر هو مجرد توقع بيقول ان دواعش سوريا اللي هينسحبو بأمر أمريكا
مش هيقعدو عاطلين عن العمل , هيتنقلو لمكان تاني و جبهه تانيه , اخشى انها جبهة شرق
ليبيا , اللي هي حدود مصر الغربيه , مصر لسه بخيرها , العضمه اللي وقفت في زور المخطط
الأمريكي , و أمريكا مش بتسلّم بسهوله , بس احنا بالتأكيد جاهزين .
.................................................................................................................................
Mohamed
Hussein
15
مارس 2016·
مشهد غريب جه في
بالي , الساده القضاه اللي كتير منهم انفعل و هاج و ماج و اعترض بشكل أو بأخر بعد إقالة
أحمد الزند مع علمهم التام ان ده مش شغلهم خالص ولا قصتهم ولا من حقهم مجرد الإمتعاض
.
.
اتخيلت بقى أن
السيسي جه في يوم من الأيام ( أتمناه يكون قريب جدا ) و أصدر قرار إن من حق أي مواطن
مصري الإلتحاق بسلك النيابه و القضاء حتى لو كان ابوه عامل نضافه أو جنايني أو قهوجي
, يا ترى الساده القضاه هيكون شعورهم و رد فعلهم ايه ؟ معالي القاضي الشامخ الباشا
الكبير أوي , اللي كل عيلته قضاه و مستشارين و وزرا و كبارات البلد لما يعرف انه قريب
جدا هيبقى قاعد عالمنصه و جنب منه المستشار فلان ابن المعلم صامولة الميكانيكي ؟!
...............................................................................................................................
Mohamed Hussein
14
مارس 2016·
عن زلّات اللسان
و الأداء الجبار !! .
.
- تخيل مثلا سواق
ميكروباص كسر على سواق ربع نقل في الشارع و رخّم عليه , اول كلمة حضرتك هتسمعها ايه
؟ أه بالظبط هي دي , **مك , يابن المت*** , دي أول حاجه بنقولها في لغتنا اليوميه لما
بننفعل في أي موقف , و هي طبعا زلة لسان , يعني في وقت الهدوء مستحيل ننطقها , طب تخيل
بقى ان وزير طلع عالهوا و انفعل على صحفي او انفعل من موقف ما او اتسأل عن شخص مستفز
فقال , **مه ده واد ابن مت**** ؟! رأي حضرتك ايه في الحاله دي ؟ طبعا اقالة معالي الوزير
, مع انها زلة لسان في لحظة انفعال , يبقى الشاهد ان الوزير و المسئول بيبقى غير المواطن
وبيتحاسب على كل لفظ و كل حركه بيعملها قدام الناس و الكاميرا .
.
- حضرتك احنا لما
بنبقى قاعدين كده ممكن لو حسينا برغبه في الهرش في اي حته في جسمنا هنهرش حتى لو كان
الهرش في اللامؤاخذه أو اللامؤاخذه التانيه , حركة لا اراديه ( زلة إيد ) , طب تخيل
وزير في مؤتمر على الهوا و بيهرش في اللامؤاخذه ؟ رأيك ايه ؟ .
.
- و لو جمعت زلات
اللسان بتاعة احمد الزند تحديدا , من قبل الوزاره و لحد امبارح , و كنت واد جدع كده
و مش بتحب تغمي عنيك , هتلاقي بسهوله ان كلها بتصب في خانه واحده اسمها المرض النفسي
, الغرور و التعالي و بارانويا العظمه , و ال ( أنا ) أو ال ( نحن ) , لغة الأسياد
و الناس اللي على راس ابوهم ريشه , ده ببساطه شديده , يعني تقدر تقول ان احمد الزند
هو النسخه الشيك من مرتضى منصور , و بالصدفه الإتنين مستشارين , و كلمة هسجنه حتى لو
كان النبي !! الجمله دي عمر لسانك ما هيزل و يوصل ليها إلا لو كنت وصلت لمرحلة متأخرة
و متردّيه تماما من مرضك النفسي ده .
.
- أما عن أداء
احمد الزند , فبالتأكيد و شهادة حق يعني إن الراجل في ظرف سنه عمل أعمال عظيمه أوي
و حاجات جباره جدا و لكن لا يراها إلا المؤمنون ( و بعض من الساده القضاه ) .
- و أخيراً, مفيش
حاجه اسمها ان الزند محبوب من القضاه , الجمله دي ترجمتها صفر ( تساوي صفر ) , المفروض
يكون محبوب مننا , من الشعب , لما نشوف شغله , مش تجننو أمي , ده وزير في الدوله مش
رئيس نادي القضاه ولا نقيب الساده القضاه ..
.................................................................................................................................
Mohamed
Hussein
14
مارس 2016·
وجدتها وجدتها
.
- من امبارح و
انا مش لاقي سبب او تفسير مقنع لهجوم عدد كبير من السيساويه ( في الشارع و الفيس بوك
و الإعلام ) على قرار الرئيس بإعفاء أحمد الزند من منصبه , جبتها يمين جبتها شمال مالقيتش
لا تفسير ولا توصيف للحاله , بس النهارده وجدتها .
.
- الحكايه و ما
فيها ( عدوى ) , أه و الله عدوى , عدوى ثوريه .
.
- الحكايه اننا
عملنا ثورتين في ظرف سنتين , كل ثوره عملنالها تمثال كبير , صنم يعني و بقينا نعبده
, و كل ثوره ظهر فيها مجموعه من الأشخاص اعتبرو نفسهم قيادات او رموز للثوره ( أه هما
اعتبرو نفسهم كده و وراهم ناس وافقت و ختمت بالختم ) يعني تقدر تقول ( حُرّاس المعبد
) , و الحكايه بدأت بيناير , بعد يناير لقينا غاية المراد من ثوارها إن فلان يمسك منصب
( عشان كان نايم في التحرير وضد نظام مبارك ) و إزاي تشيلو فلان ( ده كان نايم في ميدان
التحرير ) , طب خلاص هاتو فلان ( من شباب الميدان ) , لا مش معقول مش ممكن , و كمان
بتسجنو الشاب الفلاني ؟ انتو نسيتو انه كان من ثوار الميدان اللي وقفو ضد مبارك ؟ دانتو
هتشوفو أيام سوده , هتروحو من إله ثورة يناير فين ؟ .
.
- و هوبا اتنقلت
العدوى من يناير ليونيو , و بقى توفيق عكاشه واحد من قياداتها و بالتالي المفروض يجعجع
و يعك براحته ( من ثوار يونيو يا جدع ) , و الزند كان واقف ضد الإخوان يعني تبع يونيو
, إزاي تشيلو الزند و هو تبع يونيو ؟ انتو بتضطهدو ثوار يونيو كمان ؟ بتشيلو اللي وقفو
في وش الإخوان ؟ هتروحو من إله ثورة يونيو فين ؟
.
- ازعم اني كنت
واحد من المؤيدين للثورتين , و إني رفضت فكرة ( الإله ) و التمن , ماهي أوسخ حاجه في
الدنيا دي إنك تعمل ثوره على نظام فاسد عشان خاطر بلدك و بعدين يكون غاية المراد بالنسبالك
هي صنم تعمله بإيدك و تعبده أو تمن تقبضه بشكل شخصي أو بشكل امتيازات لواحد من الكهنه
و حُرّاس المعبد .
.................................................................................................................................
Mohamed
Hussein
14
مارس 2016·
بشوية عقل صغيرين
.
- أحمد الزند رفض
انه يقدم استقالته و الحكومه أقالته .
.
- إقالة الزند
مش عشان زلة اللسان الأخيره , السيسي عمره ما أخد قرار انفعالي , الحكايه ان الزند
مستفز في كل تصريحاته و شغله مش وااااو , يبقى باختصار عبء على أي نظام , ده ببساطه
شديده , و اليومين اللي فاتو كان توقيت مناسب جدا لإقالته .
.
- دور مواقع التواصل
هو مجرد عامل مساعد لكن مش احنا اللي بنحرك الأحداث فبلاىش نفرد عضلاتنا اوي .
.
- صديقي العلماني
المتوغّل في أسس و مبادئ العلمانيه , الرحمه و النبي أبوس ايديك , الحكايه لا دولة
دينيه ولا إرضاء للأزهر ولا ثيوقراطيه ولا ثيوفيلين , .
.
- الساده القضاه
قبل اقالة الزند و بعدها كتير من تصريحاتكو مكانشي لها أي داعي , لو سمحتو , فيه إدارة
سياسيه في البلد هي اللي تقول و تقرر , انتو مش دوله فوق الدوله .
.
- الباللو و شغل
هبلوله الشغاله اللي عامله خالد صلاح و احمد موسى بيقول باختصار انهم مجرد ( أرزقجيه
) يعني ناس بتاكل عيش , و دورهم جاي .
.
- صاحبي اللي فرطت
منه عالأخر و شاف ان اقالة الزند سببها انه ضد الإخوان و ربط الحكايه باقالة محلب
( اللي كان ضد الإخوان ) , وبالتالي السيسي رايح في سكة التصالح مع الإخوان !! مممممممممم
هو انا عملت لك بلوك , سوري , بس تقدر تقول إني بوستك و حطيتك جنب الحيطه , و الله
يخرب بيت اللي يزعلك يا شيخ .
...............................................................................................................................
Mohamed
Hussein
13
مارس 2016·
نادي القضاه يعلن
تمسكه بأحمد الزند وزيرا للعدل و يرفض اقالته !! , و 250 مستشار يوقعون على بيان استقاله
جماعيه اعتراضا على إقالة الزند !! .
.
أنا رأيي ان عبد
الفتاح السيسي ينزل دلوأتي من بيته و معاه شمسيه ( عشان المطر ) , و يطب على نادي القضاه
فجأه , بس و هو في الطريق يفوت على أي حد بتاع مفاتيح يكون فاتح , و يطلّع نسخه من
مفتاح قصر الرئاسه , و لما يوصل لنادي القضاه يقول لهم سلامو عليكو , اتفضلو , أدي
نسخه من مفاتيح قصر الرئاسه أهي , و لو سمحتو يعني , انا أحكم مصر سبت و اتنين و اربع
و انتو تحكموها حد و تلات و خميس , و الجمعه يبقى يوم free
للشعب , من غير حاكم , فكره برضه .
.
أو , البديل بقى
, إن السيسي مكسل ينزل في الجو ده ( و معندوش شمسيه ) , و عارف ان بتوع المفاتيح كلهم
قفلو دلوأتي , يقوم مخلي المتحدث بإسم رئاسة الجمهوريه يطلع في بيان عالهوا , يعلن
فيه قبول استقالة ال 250 مستشار ( حتى لو كانت شفهيه ) , و اعتبارها استقاله نهائيه
لا رجعه فيها , باعتبار يعني عدم الللامؤاخذه إن الحكومات المحترمه القويه ماينفعشي
حد يلوي دراعها .
.
أنا عن نفسي بميل
للحل التاني , مش عشان حاجه , بس أبويا الله يرحمه قالي زمان , اوعى يابني تركب مركب
لها ريّسين !! .
.......................................................................................................................
Mohamed
Hussein
13
مارس 2016·
أخيرا , أحمد الزند
في ذمة الجلابيه البيضا و الطاقيه الشبيكه , لقد هرمنا و عهد الله , فرصه يابوحميد
و جت لك لحد عندك , سجادة صلاه و صومعه صغيره و إبريق مايه يا حاج , و تعتكف الكام
يوم اللي باقيين لك و تستغفر ربنا كتير أوي , مش بس على زلة اللسان في حق سيدنا النبي
, انما على فقع مرارة المصريين , المؤيدين قبل المعارضين .
...........................................................................................................................
Mohamed
Hussein
13
مارس 2016·
من اسبوع : الدولار
وصل في السوق السوده لعشره جنيه يا عبيد السيسي يا طبالين , و بكره تشوفو مصر ( ماسر
) , وارتفاع الدولار ده أكبر دليل على انهيار اقتصادي تام و هيؤدي الى ارتفاع رهيب
في سعر المواد الغذائيه الأساسيه و بالتالي إلى هروب المستثمرين و هروب العقول المصريه
النابغه و من ثم إلى ثورة جياع يعقبها اقتتال طائفي و تقسيم مصر إلى كانتونات , و لسه
السواد جاي .
.
النهارده : الدولار
بقى في السوق السوده ب 8.90 , وايه يعني ؟ هو الدولار ايه علاقته بالاقتصاد اصلا ؟,
و ايه علاقته بأسعار المواد الغذائيه و المستثمرين و الثورات و العقول النابغه و الكانتونات
؟ , دولار ايه و زفت ايه ؟ أهم حاجه تنمية الإنسان و فتح حوار مجتمعي وا وا وا وا
, أه افتكرت , و ال 15 مليون شاب اللي في السجون .
.
من يوميات عبده
الكولجي
(( مبيض محاره
سابقا , و خبير سياسي و اقتصادي و شمام كوله حاليا )).
.................................................................................................................................
Mohamed
Hussein
13
مارس 2016·
عزيزي المواطن
المصري
.
- حوادث الطيارات
في العالم بتحصل كتير , و بعضها بيكون نتيجة عمل إرهابي , الدنيا مش بتتشال و تتهبد
لما بيحصل حادثة طياره , ولا الدول بتطلع تجري بسرعه و توقف رحلاتها و تحذر سياحها
و رعاياها , الحكايه دي ماحصلتش قبل كده , انما حصلت بس مع مصر لما انفجرت الطياره
الروسيه في سينا .....حاول تحط علامة استفهام هنا .
.
- أوروبا فيها
مئات الملايين من الشباب , منهم ملايين بيسافرو كل سنه في 200 دوله في العالم ( سياحه
او شغل ) , و حكاية إن شاب تبع الاتحاد الأوربي يتقتل في دولة خارج الإتحاد دي بالتأكيد
بتحصل كتير , بالمناسبه مفيش أي عقل أو منطق بيقول ان الأجهزه المصريه الرسميه تقتل
الشاب الايطالي و تعذبه و بعدين ترميه جنب الطريق الصحراوي و تعرف بعد كده تجيب جثته
و تبدأ تحقيقات , يتهيألي أي جوز امناء شرطه كانو يقدرو يتخلصو من الجثه , انما الإتحاد
الأوروبي استبق حتى التحقيقات و اعتمد على تقارير الجزيره و رصد و بوستات الكولجيه
و عصام حجي !! , يعني قرر الاتحاد الأوربي انه مايتعاملشي مع الجهات الرسميه
.......... ممكن برضه تحط علامة استفهام هنا .
.
- الحقيقه ان الاتحاد
الأوروبي بزعامة بريطانيا و ألمانيا هما مجرد ( زكي قدره ) اللي شغالين عند المعلمه
الكبيره , و في ال 5 سنين اللي فاتو , شارك الاتحاد الأوروبي ( بكل فخر ) في حرق ليبيا
و سوريا و أكيد كان له دور في ( ازدهار ) اليمن حاليا و من قبلهم العراق , و الحقيقه
بتقول ان اللي فلت من تحت جناحات ملاك الرحمه الأمريكي و الصبي بتاعها ( الاتحاد الأوروبي
) هما مصر و تونس , تونس مع احترامي الكامل ليها و لشعبها لكنها مش بأهميه مصر بالنسبه
للمخطط الصهيوني الأمريكي , تونس مش دوله حدوديه مع الكيان الصهيوني ولا عندها جيش
قوي زي جيوش مصر و العراق و سوريا ( الله يرحم العراق و سوريا ) , يبقى التركيز باختصار
على حضرتك , على جنابك , و لما تنجح في حربك ضد الإرهاب يبقى المعلمه و الصبي بتاعها
هيحاولو في السكه التانيه ( التركيع الإقتصادي ) , ضرب السياحه , و بالتالي ضرب العمله
, و حتى فرض عقوبات اقتصاديه لو أمكن .
.
عزيزي المواطن
المصري , ممكن حضرتك تشوف واحد لابس بدله و كرافته و شكله كيوت و عليه حلاوة صوت (
تمس القلوب ) و له تاريخ طويل في التعاطف مع العصافير الكناريا , بس ماتصدقوش و لا
ياكل دماغك , ماهو انت لازم تفهم بقى إن السياسه أوسخ بكتير أوي مما تتخيل .
........................................................................................................................
Mohamed
Hussein
12
مارس 2016·
فيه مسئولين في
الحكومه مطلوب انهم يتشالو ( أدائهم ضعيف ) , و مسئولين مطلوب يتحط على بؤهم بلاستر
من نوع فاخر عشان ماينطقوش ( بيشتغلو كويس بس لما بيتكلمو بيعجنو ) , و مسئول واحد
بس مطلوب انه يتشال و بعد مايتشال يتلف على بؤه بكرة بلاستر كامله , اسمه أحمد الزند
, حاله فريده و متفرده من نوعها , مش عارف هو بيشتغل ايه بالظبط ؟ ده لو متعمد يلبّسنا
في الحيطه مش هيعمل أكتر من اللي بيعمله , منظومة التقاضي بنفس ترهّلها , و لما بيتكلم
كلمتين بيرتكب فيهم 7 كوارث لفظيه , اللهم صلي عالنبي , يعني لا إيد عارفه تبني ولا
لسان عارف ينطق , ياريس عبد الفتاح صوتي اتنبح , في النهايه انت اللي بتشيل الشيله
كلها , شوف لنا حل في أحمد الزند أو عالأقل شوف لنا بكرة بلاستر .
.........................................................................................................................
Mohamed
Hussein
12
مارس 2016·
بحسبه بسيطه
.
نجيب ساويرس لو
قرر انه يبطّل مشاريع نهائي ( نوهائي ) و يسحب كل ارصدته اللي في السوق و يبيع أصولة
الثابته بربع تمنها , و يقعد في القصر بتاعه هو و عياله و عيال عياله يصرفو فلوس و
بس , و قررو انهم يملو البانيو بماية مقطره ( بتاعة الحقن ) و يتمضمضو بأغلى نوع كونياك
في العالم , و اشترى توكتوك صغير مصنوع من الدهب الخالص عشان يوصله من أوضة النوم للحمام
و قرر انه يشيل البورسلين بتاع البيت و يبلّط القصر و الجنينه و الشارع اللي هما فيه
بأجهزة جالاكسي نوت 5 جنب بعضها بشكل جمالي معين , و العيال احفاده قررو انهم يتسلو
بطريقه غريبه و جابو 17 طن لب عباد شمس ( يعني كوم كبير اوي ) في الجنينه , وقررو انهم
يعبّو الكوم ده في قراطيس صغيره خالص , كل قرطاس عباره عن ورقه ب 100 دولار و بعدين
يولّعو في القراطيس عشان يفرحو , في الحاله دي تحديدا و بالمعدّل ده ثروة نجيب ساويرس
هتكفيه 1976 سنه بس ( ده تاريخ ميلادي على فكره ) .
.
لما نجيب ساويرس
يقول انا لو قعدت في مصر هفلّس ( ده لو كان قال يعني ) , فكلمة هفلّس بالنسباله معناها
ان ثروته هتقل جدا و تتقزم و تبقى 40 مليار جنيه مثلا , هبسطهالك , مش انت لو جيت في
يوم كده و مالقيتش في جيبك ولا بيتك غير 40 جنيه بتقول انا كده فلّست ؟ أهو نجيب ساويرس
نفس الحكايه , انتو الاتنين هتبقو فلّستو عند رقم 40 , بس الفرق بينك و بينه هو باختصار
9 أصفار .
.........................................................................................................................
Mohamed
Hussein
12
مارس 2016·
وائل غنيم : لم
أحصل على الجنسيه الأمريكيه لربط مصيري بمصر !!.
.
استاذ وائل , مصر
بتسلّم عليك و بتقولك روح يابني شوف مصلحتك و أكل عيشك , ماتربطشي مصيرك بيا , عيش
في أمريكا و خد الجنسيه الأمريكاني و خد الباب وراك !! .
.
و إزاي يعني تربط
مصيرك ببلد بيطلع وزير داخليتها عالهوا و يجيب شوية عيال كيوت أوي و يضربهم بالكرباج
و يحط السيخ المحمي في صرصور ودنهم و يقول لهم اعترفو عالهوا انكو انتو اللي دبّرتو
لاغتيال النائب العام ؟!! مش ده كلامك برضه ؟ مش خايف مثلا وزير الداخليه يعتقلك و
يلسعك بلغتين على دماغ أهلك و يقولك اطلع اعترف انك انت اللي قتلت شجرة الدر ؟ ماهو
مش معقوله تكون مش خايف تعيش في الدوله الفاشيه اللي بتاكل دراع عيالها دي , فنصيحه
لك خليك في أمريكا و خد الجنسيه الأمريكاني و لو طلع وزير الداخليه الأمريكي و جاب
متهمين يعترفو عالهوا ابقى اتشملل بقى بصفتك مواطن أمريكي american citizen و اكتب على صفحتك ان العيال الأمريكيين الكيوت اعترفو
تحت التهديد under
threat
, و وعد منّي هبقى اجيلك جوانتانامو و اجيب لك عيش و حلاوه , قبل مالشرطه الأمريكيه
تبعتك ( من غير محاكمة ) عشان تلعب الماتش النهائي مع أبو لهب في الجحيم in the hell , أمريكا حلوه يا وائل و محتاجه جدا in bad need لوائل غنيم , أه يا مولانا , محتاجين نصك التحتاني
.
...............................................................................................................................
Mohamed
Hussein
11
مارس 2016·
انا و لمار
.
لمار بنتي اتصلت
الاتصال بتاع كل يوم , بتوطي صوتها عشان مامتها ماتسمعش , و تطلب مني حاجات و تحلفني
ماقولشي , طب هي عايزه كوتشينه عشان الكوتشينه بتاعتها نقصت 3 ورقات ( ضاعو ) و شوكلاته
كندرجوي بناتي كالعاده ( اللي لونها روز ) , و كالعاده انا كمان هكدب كدبة كل يوم
, الكوتشينه ب 5 و الكيندر جوي ب 8 مممممممممم يبقى نمشيها كوتشينه و اقولها مالقيتش
كندر جوي او لقيت كندر جوي ولادي ( لونها لبني ) و انتي مش بتحبي الولادي .
.
ماهي لمار دي لو
بس تفهم ان باباها مايقربشي لطاهر القويري ولا نجيب ساويرس ولا بيشتغل ناشط سياسي كانت
هترتاح و تريحني .
.
بصي يا لمار ,
تعالي احكي لك عن أول ألشه في حياتي , و مره من المرات القلائل اللي شوفت فيها جدك
احمد الله يرحمه و هو بيضحك , كنت في تانيه اعدادي تقريبا , و بيتنا اللي كان فيه اب
و ام و 6 خوات بيتعلمو كان بيعيش ب 100 جنيه في الشهر, اه ون هاندريد بس , ليه بقى
؟ عشان كل حاجه كانت في البيت و الأرض , اكلنا كله تقريبا ببلاش , الرز بنزرعه و القمح
بنزرعه و نخبزه عيش , وشط باميه يكفينا طول السنه ناكل مرتين في الاسبوع باميه و الملوخيه
بنجمعها من ارض القطن او ارض الدره و ناكل مرتين ملوخيه , و الكباب كنا بناكله كتير
( بس من غير لحمه !! ), و اللبن في البيت و الجبنه , و الجرجير في الأرض و السريس و
البصل , حتى الجلاوين كنا بناكله و الفول بنزرعه و ناكله بكذا طريقه و الطبيخ كله في
الفرن و الكانون يعني بقش و حطب , لا فيه مصاريف غاز ولا كهربا , حتى السمك كنا بناكله
كل يومين تلاته و ببقى انا صايده من الترعه .
.
المهم في يوم صليت
المغرب و رجعت البيت , كان النور قاطع ( كالعاده ) و لقيت امي حاطه العشا , و ابويا
قاعد و خواتي , انا مش شايف حاجه , باكل رز ابيض و لمون مخلل , يامّه هو اللي انا باكله
ده يطلع ايه ؟ ده رز كشري يا محمد ( يامحمّه ) , و الكشري عندنا في الريف بيبقى رز
و عدس بس , و عشان العدس بنشتريه و الكيلو ب 3 جنيه كان بيحصل ايه ؟ امي تروح تشتري
1/8 كيلو عدس و تحطهم على حلة رز كبيره اوي ( ماهو الرز ببلاش و مرطرط ) , انا ماحسيتش
ان الرز ده فيه ريحة العدس و لما أمي قالت لي ان ده رز كشري , قلت لها : يامّه طب ابقى
اكتبي ورقه بإسم الأكله و علّقيها عاللحوقي عشان نعرف , و ضحك ابويا الله يرحمه .
.
هه يا لمّوره بقى
, صعبت عليكي صح ؟ , نمشيها كوتشينه ب 5 ؟.
....................................................................................................................................
Mohamed
Hussein
11
مارس 2016·
حاجه غريبه اوي
حصلت النهارده , الرئيس المصري عبد الفتاح السيسي مع انه مسيحي بس راح يصلي الجمعه
في مسجد المشير طنطاوي و كان بيصلي زي المسلمين بالظبط , أكيد دي حركة تمويه عشان يكسب
بيها ود الأغلبيه المسلمه في مصر .
.
و والدته الله
يرحمها معروف طبعا انها كانت يهوديه , و اسمها سعاد ابراهيم محمد , يعني يهوديه أباً
عن جد أهو , و والده سعيد حسين خليل , واضح من الإسم و خصوصا حسين انه قريبي , يعني
هندوسي , مانا رابط البقره قدام الصيدليه , هبسّطهالك , الحاج سعيد الهندوسي اتجوز
الحاجه سعاد اليهوديه و خلّفو لنا الحاج عبد الفتاح المسيحي , سهله خالص اهي .
.
و بالبحث و التحري
وصلت للحقيقه المفجعه أكتر و هي ان السيسي عنده خوات بنات ( رضا و فريده و أسماء و
زينب !! ) , كده وضحت الرؤيه و الإنكار مش هيفيد , اسم زينب ده بوذي و مشهور جدا عند
البوذيين .
.
البوست ممكن الناس
تشوفه هزار و تريأه , بس هحكي لكو حدوته صغيره , من كام يوم لقيت عندي خروف متنكر في
الأصدقاء , و قبل ماعمله البلوك دخلت صفحته , لقيت اخر بوست مشيّره هو معلومات عن عيلة
السيسي و امه اليهوديه و خاله اللي كان عضو في الكنيست الاسرائيلي , تقريبا اسم خاله
كان شمعون عبد الحميد نتنياهو البنهاوي !! .
.
هتصدقني لو قلت
لك ان الخروف ده استاذ جامعه و عايش في أمريكا ؟! , اه يا سيدي الخروف الإخوانجي مش
بيفرق معاه تعليم و لا مكان اقامه , لو درس في الأزهر هيبقى خروف و في السوربون هيبقى
خروف برضه , لو خد دبلوم هيبقى خروف و لو دكتوراه خروف , لو عاش في الصومال خروف و
في سويسرا خروف , دي جينات يا مولانا و عيال بترضع زباله من يوم ما تتولد .
...........................................................................................................................
ليست هناك تعليقات:
إرسال تعليق