Mohamed
Hussein
10
مارس 2016·
و مصر باقيةٌ و
الشمسُ و القمرُ
.
في السنتين اللي
فاتو قدرت مصر تنتصر في الجزء الأول من خطة الشيطان الأعظم , اللي هو محاربة الإرهاب
, أه يا جحش انتصرت و انتصار ساحق كمان ( اللي باقي دي جيوب و فرفرة الديك المدبوح
) , لو عايز تعرف الدول لما بتهزم قدام الإرهاب المدعوم من قوى عظمى بيحصل لها ايه
بالظبط ؟ هات خريطه العالم و غطّي مصر بورقه كبيره و بص حوالين الورقه من ال 4 جهات
و انت تعرف .
.
باقي لمصر الانتصار
في الجزء التاني من الخطه , اللي هو محاولة التركيع الإقتصادي , اللي بدأت من أيام
ضرب محولات الكهربا ( اوعى تكون فاهم ان بهاليل الإرهابيين كانو بيفجرو محولات الكهربا
عشان مرسي يرجع !! ) , و بعدها ضرب السياحه عن طريق الطياره الروسيه و الشاب الايطالي
و محاولة تصوير مصر بانها دوله غير مستقره أمنيا ولا سياسيا ( يعني دعوه لهروب المستثمرين
) , و مفيش مانع من شوية لوي دراع من الأشقاء العرب و مساومات على مواقف مصر الخارجيه
.
.
مصر هتنتصر في
الجزء التاني زي مانتصرت في الجزء الاول , دي قناعتي التامه و ده وعد ربنا لينا , و
ساعتها بس هاتو ولاد الشيطان الأعظم اللي بره مصر و اللي جواها و أقيمو عليهم مأتماً
و عويلا .
.............................................................................................................................
Mohamed
Hussein
10
مارس 2016·
العبيط السوداني
قاعد على حِجْر قطر اللي هي قاعده على حجر أمريكا , و كله بالشريعه الإسلاميه , السودان
في عهده اتقسمت نصين و هتبقى اربعه و اتقزّمت و اتحجمت و بقت أد المنديل و تميم ابن
موزه حطها في سيالة الجلابيه و بقى يمسح مناخيره في المنديل ده , و البدو اللي بيحكمو
كشك عالخليج عايزين حد يقنعهم بريادة مصر للجامعه العربيه , مصر اللي هي اكبر دوله
عربيه و اعظم دوله في تاريخ البشريه جه عليها اليوم و بقت مستنيه ( خواجات ) الكشك
عشان يوافقو , ملعون ابو اللي وصّلنا لليوم ده , ملعو أبو البترول عالغاز عالثورات
عالكولجيه على الإرهابيين على مبارك على جامعة الدول العربيه .
.
مصر هي الدوله
الوحيده في الكون اللي تعرف تعيش لوحدها , لا ناقصها تاريخ ولا ثقافه ولا حضاره ولا
موارد و لا موقع جغرافي و لا جيش ولا كتله بشريه مخيفه , ياريت نفضها سيره بقى و نبطّل
نشتغل ( قرداتي ) للعرب , الحكايه مسّخت أوي و اسم مصر بقى بيتهان على لسان كلاب أمريكا
اللي بيتكلمو عربي .
........................................................................................................................
Mohamed
Hussein
10
مارس 2016·
اجلدو الحرامي
.... ماتهدّوش حيطان البيت
.
- تخيل حضرتك ان
فيه حرامي غسيل داير تخريب في الحاره و بعد شويه قرر الحرامي ده انه يروح يستخبى في
بيت كبير مليان ناس كويسيبن على كل شكل ولون ؟ هيبقى مطلوب مننا ايه ؟ نجيب الحرامي
و نجلده و لّا نهد البيت على دماغ اللي فيه كلهم و نجلد صاحب البيت ؟!
.
- من 1400 سنه
دخل الإسلام مصر , و من 1000 سنه نشأ الأزهر الشريف , طب امتى بقى ظهرت حكاية الإرهاب
و التكفير و الفتاوى الشاذه و الهبل و البلاله دي ؟ الحكايه دي ظهرت على ايد اتنين
من حرامية الغسيل , واحد فيهم ظهر من 88 سنه و التاني ظهر من 60 سنه تقريبا , حرامي
الغسيل الاخوانجي الصهيوني و حرامي الغسيل الوهابي , الاتنين كانو مدعومين بمليارات
عشان كده عرفو يدخلو البيت الكبير ( الازهر ) و يستخبو جواه , و يدخلو بيوتنا حتى
, طب مطلوب مننا نجيبهم و نجيب أفكارهم المتخلفه و نجلدها ولّا مطلوب مننا نهد حيطان
البيت الكبير ده ؟ البيت اللي قام بدور عظيم جدا قبل ظهور حرامية الغسيل في المنطقه
؟!.
.
- مفيش حد عاقل
مصدق ان مناهج الأزهر هي حاجه كده فله و شمعه منوره , و صالحة لكل زمان و مكان , لا
محتاج تنقيح و تطوير , ولا فيه حد عاقل بيقول ان صحيح البخاري نزل من السما و كتاب
مقدس , هو كمان محتاج تنقيح و على الأقل ممكن نستبعد الحاجات اللي بتصطدم بالعقل البشري
, دي قناعتي التامه , تنضيف الأزهر و مناهجه من الخرافات و من حرامية الغسيل .
.
- اللي يقوم بكده
لجنه من علماء الأزهر و معاهم مثقفين و مفكرين حقيقيين من خارج الأزهر الشريف , لجنه
تجتمع لمدة سنه في اوضه مقفوله بعيد عن الإعلام و في نهاية السنه توصل لشكل منتج معين
, product صالح للاستهلاك الأدمي , بعيد
عن الشو و البروباجاندا و هري الهرايين و فتي الجهله أمثالي .
.
- بالمناسبه و
اسف يعني اني هجرح شعوركو , اسلام البحيري مجرد باحث في نقاط الخلاف مش اكتر , لا هو
فقيه و لا عالم ولا مجدد , عشان كده صوته كان عالي و لما اتزنق بدأ يكدب و يزور و يزيف
( ابقو شوفو الفيديو و هو عامل نفسه بيقرا من كتاب تراث و بيشيل ادوات النفي عشان يقلب
معنى اللي مكتوب ) , ده كده يبقى نصاب و ضعيف الحجه , و اسلام البحيري ماتسجنش عشان
غلط في البخاري , ابقو كلّفو نفسكو و اعرفو حيثيات الحكم , بلاش نصنع أبطال من شواشي
الدره .
.
- و بالمناسبه
كمان , مش بالضروره لما تهاجم الأزهر و كتب التراث ( اللي محتاجه تنقيح تام ) , مش
بالضروره تكون مفكر و فيلسوف و جامد تنين , لا ممكن اشوف فكرتك و اسمع رأيك و أقرا
كلامك والاقيك في النهايه مجرد مختل عقليا مش اكتر , زي سيد القمني كده , قصدي سيد
بيه القمني لايكون قريب حد فيكو .
..............................................................................................................................
Mohamed
Hussein
9
مارس 2016·
عايز فلوس يا ريس
؟ طب فكّر بره الصندوق , و خد لك كام مليار أهم ( سنويا ) .
.
- في العاصمه الإدارية
الجديده , الأرض فيها صحرا ملك الدوله , يعني ببلاش , هتخصص حضرتك كام قطعة ارض ( قول
10 ) , مساحة القطعه 1000 م2 , كده يبقو العشر قطع مساحتهم 10 الاف م2 يعني فدانين
أرض وشويه , ولا حاجه اهو .
.
- هتعرض سيادتك
10 وحدات من وحدات الشهر العقاري في القاهره للبيع كأرض , الوحدات دي في أماكن سعر
المتر فيها غالي جدا وهي مباني قديمه متهالكه مبنيه من ييجي نص قرن و تقريبا اللي صممها
كان عامل حسابه ان عدد سكان القاهره 2750 نسمه .
.
- تمن الأرض بتاع
كل وحده قديمه هو كافي جدا لبناء وحده جديده نموذجيه في العاصمه الإداريه , بمساحه
اكبر بكتير و باركينج واسع و من جوه صالة كبيره للعملاء و 30 شباك عليهم شباب لسه متخرج
خد دوره كمبيوتر على برنامج كمبيوتر جديد للشهر العقاري و العميل اللي هو المواطن يقعد
على كرسي و ييجي دوره بسرعه و يخلص ورقه على نفس الشباك في دقيقتين , اه بالظبط يعني
هنخلص من حكاية روح سعّر عند الأستاذ فتحي و بعدين ارجع سجل في الدفتر عند مدام عطيات
و بعد كده تروح المايكروفيلم عند ابله انشراح و الختم مع المدير و المدير طلع عمره
و استني مش لاقي فرخ الكربون , الهبل ده اتلغى من كوكب الأرض من قبل ماتتولد أبله انشراح
.
.
- موظفين الشهر
العقاري الحاليين مشكورين كده يقعدو في بيوتهم بنفس مرتباتهم اللي بياخدوها , ده هيبقى
سيستم جديد و عايز شباب يفهم في الكمبيوتر , لحد دلوأتي ماتكلفناش حاجه , بس ماجيبناش
فلوس , اصبر عليا بس ياريس .
.
- حضرتك هتصدر
قرار بتخفيض رسوم التسجيل على عمليات البيع في مصر , يعني الشقه و العربيه و المحل
و الفيلا و الشركه و قطعة الأرض يبقى تسجيلها في الشهر العقاري بمبلغ يشجع المشتري
انه يروح يسجل و بنسبه ماتزيدش عن 0.5 % من قيمة الحاجه اللي اشتراها , يعني لو شاري
شقه ب 200 الف يبقى تسجيلها في الشهر العقاري ب ألف جنيه بس .
.
- في مصر ملايين
من عمليات البيع بتتم سنويا و محدش بيروح الشهر العقاري و لو راح هيعمل توكيل ب 30
جنيه , ليه مش بيروحو ؟ عشان الخنقه , و عشان رسوم التسجيل مش منطقيه , طب بيروحو فين
؟ بيروحو يعملو صحة توقيع عند القاضي !! .
.
مصر هتستفيد ايه
بقى من البوست ده ؟ هتستفيد 3 حاجات مهمين أوي , أولا مليارات من تسجيل عمليات البيع
للناس بشكل ادمي محترم , ثانيا تطوير لقطاع مهم جدا من الهيكل الإداري للدوله يعني
تقدر تقول شلّوت نضربه للبيروقراطيه اللي قربت تجيب أجلنا , و بعده ممكن شلاليت تانيه
بنفس الطريقه , و ثالثا القضاه هيترحمو من الهبل اللي اسمه صحة التوقيع على عقد بيع
و يركزو في الأهم , ده مش شغل قضاه ولا شغل محاكم .
.
لو عجبتك الفكره
ياريس حلال عليك , هات 20 جنيه بقى .
........................................................................................................................
Mohamed
Hussein
9
مارس 2016·
النفسيه محتاجه
أولّة مايه و فاس و مقطفين و ( غبيط ) و حمار يكون ابن حلال و cute , و كوم سباخ على راس الأرض , و حتة شراقي بتاع
6 قراريط يكونو عايزين يتسبّخو , و طلعه الساعه 5 الفجر , هحتاج عيل صغير معايا يمسك
الغبيط قصادي , لا لوجي بنتي مش هتنفع , هتبقى لابسه جوانتي و ماسك على وشها عشان ريحة
السباخ , و في جيبها علبة مناديل ديتول و كل شويه تطلع منديل و تمسح ايديها و تقولي
ياي و هاي و جاي , لا مش هتنفعني البت دي , أجيب الواد احمد ابن اخويا , و نشتغل ,
نقله و اتنين و عشره , أعبي المقطف بالفاس و ارمي في الغبيط و لما الغبيط يتملي يروح
الواد احمد بالحمار و يقلبه في الأرض .
.
عالضهر كده نبقى
جوعنا أوي و عرقنا , حد يجيب لنا الغدا عالصينيه بقى في الأرض و احنا شغالين , مراتي
؟ مممممممم لا مش هتنفع , و لا هتعرف تحط ( الحوايه ) على راسها , أصلا ممكن اقعد ساعتين
أفهّمها في التليفون يعني ايه حوايه , خلاص اشوف حد من خواتي البنات , برضه مش هينفعو
, هما يسمعو عن الحوايه بس عمرهم ما حطوها , يعني سمع خير مش اكتر , مفيش غيرها مرات
اخويا تنقذنا و إلا هنموت من الجوع , و النبي يام احمد الله يكرمك , رغيفين تلاته عيش
طري , و حتة جبنه قديمه و معاها قشرة برتقان و كام بيضه مسلوقه و شوية عسل , و انا
هبقى أقلع بصله خضره ولا اتنين من اللي زارعهم جارنا عم شحته على ريشة أرضه ( هبقى
اقوله بالليل ) و اغسلهم مع الاكل .
.
و لما ناكل و نكون
خلصنا شغل و سبّخنا الأرض , اتوضى من المايه اللي في القنايه و اصلي على ريشة الأرض
و افرد جسمي شويه عالنجيله , في ساعة العصاري , و اعمل شبشبي مخده .
.
النفسيه مش محتاجه
نت و نتيته ولا فيس بوك ولا هري وهاشتاجات و لا صناعة أبطال من شواشي الدره , و أي
عيل هايف ابن كلب ممكن نعمله بطل عادي , لحد ما بقينا متخصصين في صناعة الألهه الشواذ
و الهايفين و اللي التلاته منهم ببلاش , و بقى عندنا أصنام بنعبدها أكتر من كُفار قريش
, احدٌ أحد يا عم الحاج .
.........................................................................................................................
Mohamed
Hussein
9
مارس 2016·
ضحكة الصباح
.
فيديو لتنظيم داعش
بتهدد فيه أمريكا : سنقتل و نذبح و نحرق شعوبكم !! .
ههههههههههههههههههه
امنعو الضحك بقى .
.
مشهد من أحد السجون
المصريه ( ليل داخلي ) .
.
محمد بديع : شوفت
يا خيرت الفيديو بتاع داعش اللي بتهدد فيه أمريكا ؟
خيرت الشاطر (
مبتسم ) : شوفته يا مولانا .
.
محمد بديع : العيال
بتوع داعش دول عاجبني , ماشيين زي مالكتاب بيقول .
خيرت : اه و دلوأتي
أوباما يطلع في تصريح يرد على تهديدات داعش و يعمل نفسه زعلان و متعصب ( و يبرّق بعنيه
) , هو كمان عاجبني و بيمشي زي مالكتاب بيقول .
.
بديع ( بنظرة مكاره
) : و تفتكر يا خيرت الولاد بتوع داعش هينفذو تهديداتهم امتى ؟
خيرت ( بنظره مكاره
برضه ) : مش قبل 88 سنه يا مولانا .
.
بديع ( بنظرة اعجاب
) : و ليه 88 سنه يا خيرت , اشمعنى الرقم ده يعني ؟
خيرت : ماهما ولادنا
يا كبير و بيكررو اللي قولناه من 88 سنه اننا هنحرق امريكا و اسرائيل .
.
بديع : صح معاك
حق , لما نخلص الأول من الحكام العرب و المعارضين لنا في الدول العربيه و العلمانيين
و الناصريين و الراقصات و السافرات و نحرق الدول العربيه و نهدّها و نبنيها على ذوقنا
نبقى نفكر في امريكا و اسرائيل
خيرت : طولة العمر
لك يا مولانا .
.
بديع : بس تفتكر
شباب و مؤيدين الإخوان لسه بيصدقونا و بيصدقو داعش و بيصدقو عداوتنا لأمريكا ؟
خيرت : لسّه بحطّة
إيدك يا مولانا , أنصارنا زي الصندوق المقفول مابينقصوش نفر , و دي عبقرية مبدأ ( السمع
و الطاعه ) , حتى لو قولنالهم الشمس بتطلع من الغرب و السيسي بوذي و بيعبد رجل الكوميدينو
هيصدقو .
.
بديع : لله الفضل
و المنّه , لله الفضل و المنّه .
خيرت ( مداعبا
) : عارف يا مولانا , كلها كام يوم و يطلع زعيم داعش يقول ( نحن جامعي حسنات )
.
بديع : ههههههههههههههههههه
انت مفيش فايده فيك .
خيرت : انا تلميذك
يا مولانا , بارك الله فيك
بديع : بارك الله
فيك يا خيرت .
.
محمد مرسي ( بعد
ما سمع الحوار ) : انتو بتقولو ايه ؟ أنا مش فاهم حاجه .
خيرت ( بيوجه كلامه
لمرسي و منفعل ) : اخرس يا حيوان , و انت من امتى بتفهم , روح اقعد هناك و ماسمعش صوتك
.............................................................................................................................
. Mohamed
Hussein
9
مارس 2016·
مذيعه مصريه في
تلفزيون مصر الرسمي الحكومي و بتهاجم رئيس مصر بمنتهى الغشم و العبط و الجهل , و الشعب
كله شغال بس الرئيس لأ !! , و السيسي معملشي اي حاجه من اللي قال عليها , يعني القضاء
على مشكلة الكهربا و طوابير الغاز و البنزين و رغيف العيش و المشاريع و الطرق و الكباري
في دوله هي أصلا في حالة حرب متواصله مع الإرهاب بس كده مايبقاش السيسي عمل حاجه ,
الحقيقه ان دي مش اعلاميه ب ( تمارس ) حقها في التعبير و النقد , دي اعلاميه بتدوّر
على عقد عمل في الجزيره !! , المرتبات هناك احلى و الاعلاميين ب(يمارسو ) حقهم بالدولار
.
.
بكره هفكّركو
, لما تستقيل أو تُقال , ( هتتشقط ) من الجزيره و قنوات الخرفان , و الكولجيه هيعتبروها
بطل قومي و هينزّلو صورتها على علبة الكوله .
..............................................................................................................................
Mohamed
Hussein
8
مارس 2016·
في اليوم العالمي
للمرأه
.
المرأه المصريه
تحديدا بيجيلها هدايا في 8 مناسبات كل سنه , في اليوم العالمي للمرأه , و عيد الحب
المصري ( العيد الصغير ) و عيد الحب العالمي ( العيد الكبير ) و في تاريخ ميلادها و
تاريخ خطوبتها و تاريخ جوازها و في عيد الأم و في ذكرى أول مره تعمل محشي في حياتها
.
.
و الراجل المصري
لو كسب صُفّاره بلاستيك في كيس كاراتيه بيفضل فرحان بيها طول السنه .
.
كل سنه و انتو
طيبين يا عظيمات مصر .
.................................................................................................................................
Mohamed
Hussein
8
مارس 2016·
هو وائل غنيم عايز
ايه ؟
.
- استاذ وائل صباح
الخير , و انت عامل ايه كده ؟ و اخبار جوجل ايه , سلامنا للست الحاجه الغاليه ماما
أمريكا .
.
- بقى العيال اعترفو
تحت تهديد صح ؟ يعني وزير الداخليه يطلع بنفسه ( مش نائب مأمور مركز السنبلاوين )
, وزير الداخليه اللي هو اعلى مسئول في السلطه الأمنيه , و يطلع يتكلم عن تورط حركة
حماس و دي اول مره تتقال علنا على لسان مسئول رفيع مصري ( رغم كل البلاوي اللي شايفينها
من حماس أخر 5 سنين ) , بس المعنى ان حتى الوزير ماطلعش من نفسه كده , و البيان ده
بالتأكيد بموافقه و مباركة رئيس الدوله , عشان اتهامك لحركة حماس يتطلب موافقه كامله
من الجيش و المخابرات و وزارة الخارجيه , تفتكر الداخليه و الجيش و وزارة الخارجيه
و رئاسة الجمهوريه جابو العيال دي و رزعوهم قلمين و حطو السيخ المحمي في صرصور ودنهم
عشان يطلعو يعترفو ؟! يعني هو ده مستواك العقلي و الفكري و الثقافي ؟! .
.
- طب موضوع اغتيال
النائب العام كان اتنسى اصلا , يعني الداخليه لو مجابتشي سيرة اللي قتله ولا التحقيقات
وصلت لفين مكانشي حد هيسأل و لا هيفتكر , مش بقولك دماغك دي ألماظات .
.
- العيال بقى اللي
عملو كده , هتفرق معاهم ايه يطلعو يعترفو او مايعترفوش يا جحش ؟ هما متهمين بسرقة حبل
غسيل ؟ ده تخطيط و تنفيذ لقتل مسئول مصري رفيع , يعني إعدام يا مولانا , عندهم ايه
يبكو عليه ؟ الحكايه و ما فيها ان اعترافهم ممكن ينضاف للملف بتاعهم و يخفف عنهم العقوبه
لمؤبد ( احتمال ) , هما في كل الأحوال ضايعين ضايعين , بس مؤبد أفضل من اعدام , و في
المقابل الدوله تستفيد من اعترافهم عالهوا انها توضّح للمغيبين و اللي لسه بيتعاطفو
و للرأي العام أبعاد القضيه أو أبعاد الوضع الأمني ككل , يعني الدوله مش هتستفيد اوي
من إعدام العيال أد ما هتستفيد من ان الصوره تكون واضحه قدام الجميع .
.
- عارف يا وائل
, انا غالبا عارف انت عايز ايه , كنت هقولك عاللي انت عايزه بتشبيه معين , بس مارضيتش
عشان التشبيه هيبقى قاسي شويه , و انت شاب كيوت و حماده خالص و دمعتك قريبه .
...................................................................................................................................
Mohamed
Hussein
7
مارس 2016·
حكاية البتاعه
.
البتاعه دي لها
حكايه عجب , و الله حكايه عجب , حكاية ولا في الحواديت , بتاعه كده عامله زي صندوق
كبير , و قرّب يا جدع , شوف الحلاوه , شوف الجمال , شوف المعجزات , البتاعه تدوس على
زرار فيها تطلّع اغاني جميله و زرار يطلّع لك روايح روعه و جو رومانسي , وزرار للاكل
و للشرب , البتاعه هتحل كل مشاكلك , لو جعان هتشبعك , لو عريان هتكسيك , البتاعه مش
عشانك انت بس , دي كمان عشان ولادك و احفادك , البتاعه هترصف لك الطريق و تبني لك المدرسه
و المستشفى و هتبعت لك الخضار متقشر و متنضّف لحد باب البيت , البتاعه مش بتجيلك غير
كل فين و فين , اوعى يابني تضيع فرصتك لما تجيلك البتاعه , قرّبو يا عيال شوفو الجمال
, قرّبو كمان , قرّبو أوي , دوسو عالزراير متخافوش , و كل واحد يحلم و يتمنى , خلاص
احلامكو كلها اوامر , و وعد من صاحب البتاعه انكو مش هتجوعو و لا تتعبو في حياتكو تاني
, و الراجل الشرير اللي كان بيخوّفكو و ياكل اكلكو هيمشي و يغور , من النهارده متخافوش
, انتو في حمى البتاعه , افردو جناحاتكو و انتو قدام البتاعه , و غمضو عنيكو , و اتخيلو
, نفسك في ايه يا حبيبي ؟ قول ماتخافش , و انت كمان يابو تي شيرت ازرق نفسك في ايه
؟, حاضر من عنيا , قصدي من عين البتاعه .
.
و فجأه بووووووم
, تنفجر البتاعه في وش العيال و أهاليهم و تكسّر الشبابيك و تهد البيوت و الحواري
, أتاري البتاعه كانت مُفخّخه و العيال كانو فرحانين و عشمانين , و هي دي باختصار حكاية
البتاعه اللي بعتهالنا الخواجه , البتاعه اللي اسمها الثوره .
................................................................................................................................
Mohamed
Hussein
7
مارس 2016·
اكتر من 50 قتيل
في هجوم للإرهابيين على مدينة بن قردان التونسيه , الرئيس التونسي بيقول إن الإرهابيين
كان غرضهم السيطره على مدينة بن قردان و جعلها ولايه جديده تابعه ليهم .
.
تونس اتصالحت مع
الجماعه الإرهابيه ( زي مالبرادعي عايز عندنا ) , و عملو حوار وطني ( زي ما جميله اسماعيل
عايزه ) و خدو جايزة نوبل للسلام وسط تصفيق و اشاده من المجتمع الدولي و المجتمع الأوروبي
و المجتمع المحلي و المجتمع المنفلوطي , عشان كده تونس بقت فُلّه و شمعه منوره , زي
ما حضراتكو شايفين كده .
.............................................................................................................................
Mohamed
Hussein
7
مارس 2016·
لو مكانشي العيال
اللي اغتالو النائب العام ظهرو في فيديو و هما بيعترفو , و لو مكانشي وزير الداخليه
نفسه طلع عالهوا و قال كل تفاصيل عملية الاغتيال كان هيبقى حالنا ازاي دلوأتي ؟ أبدا
, خبر في جريده بيقول القبض على مجموعه من طلبة الأزهر متورطين في اغتيال النائب العام
و بعد 3 ثواني بوستات على صفحة رصد و صفحة 6 ابريل بتقول : قضيه ملفقه , الشباب في
سجون السيسي , قبضو على طلبة المدارس , المخابرات هي اللي قتلت النائب العام , دولة
بتحارب شبابها , مع شوية صور قديمه للشباب دول و هما بيصلو أو ماسكين مصاحف , و حملة
تعاطف و هاشتاجات و الداخليه بلطجيه .
.
الخلاصه في الحكايه
بتاعة امبارح , إننا المفروض نكبر شويه بقى , ماننخدعش بكلمة شباب و لا بأشكال الناس
, مش مهم الشاب بيصلي و ماسك مصحف و لّا بيعبد رجل الكوميدينو و ماسك ازازة بيره ,
البنت لو شكلها كيوت اوي فده مش مبرر لارتكابها الجريمه , الطبيب ممكن يكون قاتل عادي
خالص مش معناها ان دوله بتحارب اطبائها , الراجل العجوز و رجل الأعمال بيتحاكم على
جرايمه يعني مش قصتنا انه عجوز , العيال الصغيرين الأحداث لو ولّعو في عربيه بيتحاكمو
بقوانين الأحداث , القانون مالوش أي علاقه بافتكاساتنا دي , الحكايه مش كيميا و عقولنا
لازم تكبر و تنضف , و التعاطف اللا إرادي ده ممكن يخرب دول و أوطان , عارف يعني ايه
كان ممكن بسهوله جدا تتعاطف مع ناس خطّطت و اتدربت و قتلت النائب العام المصري لمجرد
انهم شباب كيوت و فيهم دكتور ؟! .
................................................................................................................................
Mohamed
Hussein
7
مارس 2016·
اه بالمناسبه
, لو حصل في يوم من الأيام و جيش مصر وصل لحدود القدس عشان يحرّرها هيبقى في الوقت
ده جيشنا بيحارب عدو صهيوني في وشه , و فيه حد بيطعننا من الضهر , من غير ما تتلفّت
ولا تفكر ولا تسأل ولا تشوف , لازم تتأكد ان دول أشاوس حماس , يارب تصدقو .
.
حكاية القضيه الفلسطينيه
دي بقت ماسخه أوي و عامله زي حلة الطبيخ البايت , الأجداد في فلسطين باعو أرضهم من
زمان للصهاينه و الأحفاد قسّمو اللي باقي منها ( بمباركة الصهاينه ) , و الأحفاد نقلو
عداوتهم للإيد اللي اتمدت لهم و لأجدادهم ( واللي خلّفوهم ) , يبقى طز طزين تلاته في
ام القضيه الفلسطينيه .
.
قضيتي هي بلدي
و حدودها و ترابها و أهلها وتاريخها و حاضرها و مستقبلها .
.....................................................................................................................................
Mohamed
Hussein
6
مارس 2016·
أخر كلام في اغتيال
النائب العام
.
1- تصريحات وزير
الداخليه المصري بتقول ان اللي نفذ التفجيرات طلاب من جامعة الأزهر تم تدريبهم على
ايد صهاينة العرب اللي اسمهم حماس .
.
2- الداخليه توصلت
لجميع المتورطين و عددهم 48 , جهود تحسب لوزارة الداخليه , صح كنا نتمنى منع عملية
الاغتيال نفسها , لكن الواقع بيقول ان عملية اغتيال نجحت و قصادها بالتأكيد 100 عملية
اغتيال لشخصيات عامه تم منعها و إحباطها .
.
3- حركة حماس هتطلّع
دلوأتي ببيان و تنفي , وبكره الصبح هيطلعو في استعراض عسكري بال 7 عربيات ربع نقل بتوعهم
و العيال اللي عليها لابسين شرابات على وشهم عشان نخاف يعني , و مصر لازم ترد و رد
يوجع , حاولو تجمدو شويه الفتره الجايه ياولاد ابن هنيه .
.
4- مفيش حاجه اسمها
الأشقاء العرب ( في المطلق كده ) , ده مش شيك على بياض لكل واحد بينطق عربي اننا نعمله
حساب أو نطبطب عليه , عدوك هو اللي بيحاول يئذيك او يعتدي عليك و على سيادة دولتك
, يطلع بقى صهيوني , يطلع عربي , يطلع ياباني يطلع عويسي , يطلع منجاوي , مش مهم ,
في النهايه يبقى اسمه عدوك .
.
5- العيال اللي
عملو كده مش مشكلتهم ابدا انهم كانو طلبه في الأزهر ( مناهج الأزهر محتاجه تطوير شامل
بس مش هي السبب ) , كانو هيعملو كده حتى لو كانو طلبه في السوربون , الأصل في الحكايه
دي اسمه البيت , العيال دي اتربت في بيوت خرفان الجماعه , يعني بترضع زباله من يوم
ما تتولد .
.
6- المصالحه مع
الجماعات الارهابيه معناها انك تحط رقبتك تحت سكينة الارهاب مدى الحياه و تبوس ايد
الإرهابي و تسلّمه مراتك عشان تتقى شره , احذرو من دعوات كلب أمريكا الأعظم في مصر
سعد الدين ابراهيم .
.
7- اللي اغتال
النائب العام المصري شباب يا برادعي , اعمارهم 20 سنه , ايه رأيك بقى ؟ نحتويهم و نحضنهم
و نتعاطف و ننزل بالهاشتاجات ؟!.
....................................................................................................................................
Mohamed
Hussein
6
مارس 2016·
حمدين صباحي قرّر
إنه يجيب رجالته و يلمّ ال 3% بتوعه اللي منطورين في السوق و ينزل الملعب بقى .
اهي الحركه دي
بتفكرني بمشهد من فيلم ( الحرب العالميه التالته ) لما خميس قال لعلاء الدين : احنا
مش هنبقى لوحدنا , احنا ننزل السبتيه و نجيب سيد كونته و عربي كيتو عشان نحارب جيوش
هتلر و هولاكو و دراكولا و ريتشارد قلب الأسد .
.
أجمل حاجه في حمدين
صباحي هي العزيمه و الإصرار , و اعتقاده باستمرار ان عنده أمل , مع إن أمل نفسها زهقت
من الشعارات و رجعت بيتها و رمت الكوتشي بتاع الإعتصامات و علّقت صورة السيسي في الأنتريه
.
...................................................................................................................
Mohamed
Hussein
6
مارس 2016·
إعلانات اللبان
( الدكر ) و الأندروير
.
- اللي عمله وائل
الإبراشي في مداخلته مع هشام عبد الحميد هو حلقة جديده من حلقات العك و العجن الإبراشيه
و دي ماركة مسجله على فكره , يعني عك و اعجن و احرق و مش مهم عكك هيوصل لفين , المهم
فرقعه و نسبة مشاهده اعلى و فلوس عشان تاخد الكام مليون بتوعك .
.
- اللي بيتفرجو
في مصر على قناة الشرق بتاعة ايمن نور اللي بتبث من تركيا هما قطيع الخرفان المصري
مش اكتر , و مش كلهم كمان , لكن مداخلة الإبراشي عملت أحلى ترويج للقناه , مش مهم
, المهم العك الإبراشي يفضل في كامل لياقته البدنيه .
.
- انا واثق تماما
إن هشام عبد الحميد مش اخوانجي ولا له اي علاقه بالإخوان ولا بالسياسه اساسا , اومال
الحكايه ايه ؟ عشان الناس اللي بتتفاجئ بس و بتقعد تضرب أخماس في أسداس و كأنهم قدام
التركيب الكيميائي لدوا معين فيه حته هيتيروسايكليك و حته أليسايكليك و حته اورجانيك
و حته مش اورجانيك و حته جبنة نستو , الحكايه باختصار و ببساطه خالص
.
1- الإخوان أدركو
إن مشهد الحشد المباشر و الكف بتاع رابعه و مرسي راجع و الكام عيل اللي كانو بيصوروهم
على شط الترعه و يقولو سلسله بشريه مؤيده لمرسي , الحكايه دي بقت فكسانه و معدشي لها
زبون , يبقى نغيّر شكل الخطاب شويه و شكل الصوره و نجيب ناس تقول انا مؤيده ل 30 يونيو
بس مرسي كان لازم يمشي بانتخابات !! شوفت اللعبه فين بقى ؟ شوفت الحلاوه طيب ؟ اه احنا
عملنا ثوره بس اللي عملنا ثورة عليه كان لازم نمشيه بانتخابات , حليب قلبي من جوه
.
.
2- هشام عبد الحميد
شأنه شأن اي ممثل درجة تانيه , يبقى وجه معروف للناس لكنه اتنسى و اتحرق عند المنتجين
, محدش بيطلبه في السينما ولا التلفزيون , القرشين اللي عملهم قبل كده اتصرفو ( تقدر
تقولي اخر مشهد ظهر فيه هشام عبد الحميد كان سنة كام ؟ ) , طب يعمل ايه بقى و يجيب
مصاريف البيت و مدارس العيال منين ؟ بالعقل هيدور على اي شغلانه يروج فيها اسمه و انه
لسه شكله معروف للناس , اي حاجه تجيب فلوس , اعلان عن اللبان الدكر أو حتى الأندروير
, مفيش حد طلبه لاعلانات , طب يطلع في اي برنامج توك شو اجتماعي مع اسعاد يونس ولا
نجوى ابراهيم و يخبط له 10 الاف , لا محدش منهم اتصل بيه , طب يعيش منين بقى هشام عبد
الحميد ؟! .
.
3- ألو , الفنان
الكبير هشام عبد الحميد ؟ ألو , أيوه يافندم مع حضرتك , مين حضرتك ؟ انا ايمن نور بكلمك
من تركيا و في الحقيقه احنا عارفين انك موهوب جدا كممثل و كمان كاعلامي و سياسي بارع
و محلل استراتيجي و اديب ساخر و عالم ذرّه , يافندم متشكر جدا ده من ذوق حضرتك , بص
يا هشام هنديك 100 الف جنيه في الشهر و تيجي تشتغل معانا بدل مانت قاعد عواطلي كده
, موافق ولا موافق جدا ؟ موافق جدا طبعا يافندم .
.
4- شوفتو الحكايه
سهله ازاي ؟ و ملهاش علاقه بانتماء سياسي و لا نيله , هبسطهالكو , عارفين اي بت بتتمسك
في شقة دعاره , لو سألتها انتي مشيتي في السكه دي ليه ؟ هتقولك عشان الفلوس و اعرف
اصرف على نفسي و بيتي , و هتبقى صادقه على فكره , يعني هي مش انتمائها ( سكساوي ) ولا
حاجه , أهو هشام عبد الحميد بالظبط زي البنات اللي اشتغلو في الدعاره , و ممكن تبلع
ريقك بقى و اقولك ان البنت اللي بتشتغل في الدعاره اشرف منه الف مره , اللي يسافر بلد
معاديه لبلده و يشتغل في قناه كل همها حرق بلده و جيشها يبقى تدعي له دعوه حلوه كده
في ساعة فجريه و تقول ربنا يتوب عليه و يشتغل في اي شغلانه تانيه , ياكشي يشتغل في
الدعاره .
.
5- البوست طلع
طويل جدا , واضح إني لوكلوك لوكلوك و مفيش فايده فيا , تقريبا كان حلم حياتي وانا صغير
أطلع باشكاتب و مجموعي مجابشي .
......................................................................................................................
Mohamed
Hussein
5
مارس 2016·
في السعوديه ندوه
بعنوان ( هل المرأه انسان ؟ ) , بيحاضر فيها واحد كده , و انت مغمض هتقول ده بتاع تنميه
بشريه و ادارة اعمال ( مهنة مَنْ لا مهنة له ) , و أكيد السيد المحاضر اللي واخد 7
شهادات دكتوراه في التنميه البشريه ( أو 37 شهاده ) هيبدأ المحاضره بأدلة و قرائن و
براهين , و هيعصر نفسه و يقدح زناد فكره على رأي زينات صدقي و يجيب حاجات من الشرق
و حاجات من الغرب و ياخد غطس جامد في عمق البُعْد الباعد و النظريات الأقحوانيه , و
في النهايه يتوصل لحقيقه غريبه جدا ماتخطرشي حتى على بال غراب دكر يتيم , حقيقه بتقول
, إن المرأه انسان !! , ألف مبروك يا بنات , ألف ألف مبروك , هيّصو بقى و أقيمو الأفراح
, انتو طلعتو بني أدمين زينا , ولاد حوا و أدم , و انا اللي كنت فاكركو نوع من أنواع
بلتكانات الستاير من انتاج مصانع غزل المحله .
........................................................................................................................
Mohamed
Hussein
5
مارس 2016·
طريقك إلى الشهره
و النجوميه
.
عشان تشتغل في
قناة الجزيره , مراسل أو مذيع و تقبض بالدولار و تلاقي الفلوس زكايب زكايب , هما 3
حاجات لازم تسيبهم في بيتك قبل ما تسافر و تشتغل , سيبهم انت بس و ملكش دعوه بالباقي
, أول حاجه لازم تسيب عقلك ( يعني تبقى زكي قدره ) , تاني حاجه لازم تسيب احترامك لنفسك
و لبلدك و لأدميتك و رجولتك ( يعني تبقى قرني ) , تالت حاجه بقى لازم تسيبها هي البنطلون
, يا سيدي سيبه , يعني هي جت عالبنطلون .
.
بعد كده هتلاقي
نفسك زي الفل , و هتبقى عامل زي فانوس رمضان بتاع الصين , أي اغنيه هيحطوها جواك (
يعني فيك ) هتغنيها على طول , وحوي يا وحوي , جيش مصر اسمه جيش السيسي او ميليشيات
الإنقلاب و جيش الصهاينه اسمه الجيش الاسرائيلي , و داعش مش تنظيم إرهابي , و اللي
يتقتل من جيش مصر يبقى قتيل و اللي يتقتل من داعش يبقى شهيد , و تشوف أردوغان لابس
قميص نوم و قاعد على حِجْر أمريكا و الناتو بيتهشتك تقول ده خليفة المسلمين و الخليفه
من حقه يتهشتك و يتدلّع .
.
و لو رئيس القناه
قالك عايز مراتك تبات معايا الليلادي ممممممممم و الله تبقى جحش لو ماوصلتهاش لحد باب
الفيلا بتاعته بنفسك و قلت لها انا عايزك ترفعي راسي قدّام المدير , يا حمار دي فيها
قرشين حلوين و ممكن تترقّى .
...................................................................................................................................
Mohamed
Hussein
4
مارس 2016·
أنا و البيه الظابط
.
- عاده زي الهباب
فيا , اني بحب السواقه عالطرق الطويله السريعه , بلاقي نفسي فيها و بسرح , ال 500 كيلو
بالنسبالي بتبقى فاركة كعب , تقولي روح اسكندريه روح الغردقه روح مطروح , روح اسوان
هفرح اوي و اقولك هروح بالعربيه , لا بطياره ولا باتوبيس , دي فرصتي بقى و جت لي لحد
عندي , و حيث اني من المنصوره و عايش في القاهره و رجلي واخده على اسكندريه و خط البحر
الأحمر , و سوقت بتاع نص مليون كيلو , يعني عدّيت رايح جاي على بتاع 10 محافظات , و
شوفت كماين الدنيا و الاخره , و مريت عالكماين دي مئات قول ألاف المرات .
.
- طب ايه حكايتي
بقى مع البيه الظابط ( اللي هي عنوان البوست ) ؟ممممممم في الواقع مفيش حكايه , اه
و عهد الله مفيش اي حكايه , انا اسف يعني اني مليش حكايه في الكماين , ظباط و أمناء
شرطه يوقفوني , رخصتك , اتفضل , شكرا , سلامو عليكم , طب خد مخالفه عشان كذا , حاضر
, شكرا , سلامو عليكو , أه و عهد الله ده اللي حصل على مدار 10 سنين , حتى حكاية رشوة
امناء الشرطه كانت بتبقى من عند جنابي , يعني بمبادرة شخصيه من صاحب السمو و المعالي
اللي هو انا , عشان مخالف بشكل ما , يعني المفروض تجلدوني قبل ما تجلدو أمين الشرطه
( ده لو عايزين الحق ) .
.
- و انا و البيه
الظابط مالناش ذكريات خالص مع بعض , كل الحكايه اني لما بدخل على كمين في طريق زراعي
او صحراوي , ليل أو نهار , بحترم جدا إن الناس دي واقفه على رجلها في عز الحر او عز
البرد عشان تشوف شغلها و تأمّن البلد يعني تأمنني انا و بناتي , وحشه الحكايه دي يابراهيم
؟ فكل اللي بعمله اني بحترم شغلهم و مش بستظرف ولا بستخف دم أهلي , مع ان دم أهلي خفيف
جدا ( بس بخبّي عليهم في الكماين ) .
.
- ده حق الشرطه
و الناس اللي بتشتغل علينا , كلمة حق نقولهالهم , مش عيب و لا هتقل مننا , إنما يا
حضرة الظابط , زميلك في الكمين شاف واحده سكرانه , السكرانه دي قلت ادبها عليها , قام
مشلفطها , طب لو انت مكانه يا محمد ( اللي هو انا ) هتعمل ايه ؟ و الله بص يا باشا
, انا ماكنتش هشلفطها , انا كنت هربطها في موتوسيكل من شعرها و اجرها عالأسفلت لحد
ماتوصل بيتهم بألف سلامه !! , طب مانت كده يا محمد تبقى عاذر الظابط اللي عمل كده
, لا يا مولانا استنى , انا غيرك , لا معايا كلابشات و لا عندي بوكس راكنه قدام الصيدليه
, انما انت راجل القانون , اللي عندك كل الصلاحيات انك تاخد منها حقك و فورا و بالقانون
, كلابوش يا معلمي و بوكس و نيابه و تشرف مع سنيه موس و ريري سيلان , كده يبقى حقك
رجع , غير كده مرفوض طبعا و تصرفك هيبقى مشين لك و لكل زمايلك .
.................................................................................................................................
Mohamed
Hussein
4
مارس 2016·
عايزين حال البلد
ينصلح أوي و مشاكلنا كلها تتحل بسرعة جدا ؟ لا سيبك من الحكومه و من السيسي و من البيروقراطيه
و رؤساء الأحياء و الرشاوي و الفساد و المعارضه و المؤامره و المغول و المماليك و الفرنساويين
, سيبك من كل ده
انت بس تلمّ ال
300 ألف زومبي مصري اللي بيعملو لايك و شير على صورة عباية الرسول و حذاء الرسول و
تجيب فرن كبير زي بتاع هتلر , و تحرقهم بسرعه قبل غضب ربنا ماينزل علينا كلنيا , أصل
عبابة سيدنا النبي و حذاؤه لو كانو ستانلستيل من انتاج شركة كاتربيلر كان زمانهم دابو
من ألف سنه .
.
إسلامنا و كل الأديان
بريئة من الهبل و الهطل ده , ماهو مفيش دين من أديان ربنا أو كتاب سماوي من ضمن حيثياته
إن الإنسان يكون حمار و أهبل و برياله , كده مايبقاش كتاب سماوي , يبقى دفتر بفره
.
..........................................................................................................................
ليست هناك تعليقات:
إرسال تعليق