Mohamed
Hussein
10 ديسمبر 2015
دورة حياة الكائن
الكولجي الممحون ..... قصيدة ( ثم )
.
أنْ تُولد , ثم
تكبر , ثم تلتحق بالمدرسه , ثم تتخرج من المدرسه , ثم تلتحق بالجامعه ثم تتخرج من الجامعه
ثم تسافر خارج مصر ثم تحتك بثقافات متنوعه
, ثم تعود , ثم يصبح لديك حسابات مختلفه على
مواقع التواصل الإجتماعي , ثم تتّسع مداركك , ثم تتعملق و تتجعلص و تفتي في القنوات
البحريه و الطائرات العسكريه و السفن الغواصات
و في السياسه و الإقتصاد و الفضاء , ثم تسخر من جيش بلدك , ثم تحلم بكرسي الحكم و تحلم بأستاذية العالم , ثم ييجي عيل خروف ب (
لّيه ) يركبك للمره ال 17 أو تيجي بنت برياله تسرق فلوسك بشوية مُحن و سهوكه و تهرب .
.............................................................................................................................
Mohamed
Hussein
9 ديسمبر 2015
افتكاسات أبوزيد
الهلالي اللي اسمه احمد الزند
.
في حدوتة زواج
المصريات من أجنبي , و حكاية ال 50 ألف جنيه اللي قال عليها أحمد بيه الزند و فرق ال
25 سنه , هو الراجل شكله كده يعني بيحاول يكتّف
الزوج ( اللي غالبا عربي و عجوز ) شويه , و
اهو البنت تبقى ضمنت جزء من حقها قبل الثري العربي ما ياخد مزاجه و يخلع كالعاده .
.
إنما لأ , انا
شايف الحكايه غير كده خالص , الحكايه و مافيها ان البنت المصريه الفقيره القاصر كانت
بتتباع للثري العربي العجوز بمباركة أبوها
تحت داعي ( الفقر ) و بعد كده هتتباع لنفس الثري بسعر أغلى شوية بمباركة الحكومه
تحت داعي ( الغباوه ) !!.
.
و بدل ما نحارب
الظاهره دي و نعتبرها جريمه ( مش جوازه ) و نسجن أي أب و أم يوافقو عليها بقينا بنقننها
, الكهل العربي اللي عمره 70 سنه يروح يرمي 50 ألف في البنك و يطلع يجيب وزير العدل
من ايديه و يقوله تعالى اشهد على عقد البنت اللي عمرها 18 سنه , بفلوسي هتجوزها يا
كلاب , بفلوسي و بمباركة الحكومه بتاعتكو .
.
ياريس شيل أحمد
الزفت ده مانا قلت لك من الاول , و عهد الله المشرحه ماهي ناقصه قُتله .
.........................................................................................................................
Mohamed
Hussein
8 ديسمبر 2015
من شوية حصل قدامي
مشهد زي العسل , لا مش كنت راكب تاكسي ولا السواق طلع مثقف و قال و عاد و لا حاجه , اللي حصل فعلا اني كنت واقف قدام الصيدليه و لمحت
4 بنات جايين في الطريق الناحيه التانيه ( الوقت متأخر و الدنيا ليل ) , صوتهم عالي و عمّالين يغنو و يسأّفو , أه بالليل
و في البرد بيغنو و هما ماشيين , بيضحكو و يفرحو , البنات اعمارهم بالكتير 17 سنه
, المهم فاتت عربيه فيها واحد من اياهم و تقريبا حاول يعاكسهم , و لف من ال يوتيرن
عشان يعاكس تاني , البنات في اللحظه دي كانو جابو حجاره و زلط و رموها على عربيته و
هو ماشي , هو طلع جري طبعا عشان مايعرفش يقف في الشارع ده و لو وقف الناس هتتلم عليه
و تنفخه .... الاجمل في المشهد بقى ان ال 4 بنات بعد ما كسرو ازاز العربيه و هي ماشيه
كمّلو طريقهم و اغنيتهم و رجعو يسأفو تاني و يضحكو .
.
أهو المشهد ده
على بساطته انا شوفته مشهد عبقري , يمكن مش هكون بكدب لو قلت اني بتخيله باستمرار في
( حدوته اسمها مصر ) , مانا هعترف لكو اعتراف
, أصلي بعيد عن السامعين كنت كولجي زمان و ثورجي من بتوع عبث و كنت بشوف ( ربنا
في السما و البرادعي في الأرض ), و فجأه حسيت ان بلدي في خطر فعلا , بطلّت شم كوله
و ربنا تاب عليا .
.
ال 4 بنات اللي شوفتهم من شويه انا شوفت فيهم مصر
اللي واقفه على رجليها و ليها مزاج تغنّي
, مصر اللي سنين من الهري و الحرق و الخراب و الفرهده ماقدروش يكسروها و لا
يمنعوها من الفرحه .
.
يا كولجيه مصر
ماتزايدوش عليا , لا في ثوره ولا في احساس بالغير ولا في عداله و دولة قانون و لا في شعارات و كلام عالمستقبل , كل الحكايه بس اني بقيت
( أشوف من الغربال ) , مش هخربها تحت أي سبب او مبرر , أجّلت أحلامي شويه عشان البنات
دول يعرفو يغنّو و مايخافوش من ليل و لا من
طريق .
...........................................................................................................................
Mohamed
Hussein
5 ديسمبر 2015
البرادعي زعلان
عشان الناس بتألش على حكاية الإختفاء القسري دي ههههههههههههه مش بقول لكو الراجل ده
أفلس تماما , أهو بيدخل عالفيس و تويتر ويشوف الناس بتهري في ايه و يهري معاهم .
من كام يوم دخل
لقى الخرفان بتهري في حاجه اسمها اختفاء قسري
قام رازع تويته عن الإختفاء القسري , و لما
دخل عالفيس بعدها لقى الناس بتتريأ عليه قام رازع تويته و قال انا زعلان , أنا زعلان
, انتو بتتريأو عليا ليه ؟ هه ؟ بتتريأو عليا ليه ؟
.............................................................................................................................
ليست هناك تعليقات:
إرسال تعليق