( محمد حسين - منوع ) ( من 3 ديسمبر 2015 - 10 ديسمبر 2015 )

Mohamed Hussein

10 ديسمبر 2015·

(( و خلّي بالك يا سيسي أنا ممكن أقلب عليك في أي لحظه , أنا جامد , أنا ولعه , أنا ماعنديش حاجه اسمها خط أحمر و ماعرفشي يامّه ارحميني )) .

...............................................................................................................................

Mohamed Hussein

10 ديسمبر 2015·

رضوى جلال في ( الطريقه المثلى ل ركوب البغال )

.

1- رضوى جلال مرات احمد جبلي عريس السماء , اللي اتزحلق في الحمام و اعتبرناه شهيد ( الله يرحمه ) .

.

2- ادخل صفحة رضوى جلال هتلاقي 200 ألف فولور و هتشوف ( المُحن ) بحق ربنا , حاجه يعني زي ما الكتاب بييقول .

.

3- رضوى في صفحتها بتكتب باعتبارها خبيرة في كل حاجه من أول ( قُرص الجله ) لحد المركبات الفضائيه , هتلاقيها بتكلمك في الدين و التنميه البشريه و الشياكه و الجمال و الحب و البولوبيف , و ازاي تبقى مدير ناجح و ازاي تبقي سيدة أعمال ناجحه .

.

4- لما جوزها مات عملت احلى شوية شغل و محن بعد موته , جمعت كام مليون حلوين على حس الإستثمار و البير بتاع أوغندا ( رحمه و نور) على روح المرحوم .

.

5- رضوى اختفت فجأه و هربت بال ملايين المتلتله .

.

6- رضوى رجعت من كام ساعه تاني على صفحتها و قالت التالي , لا سحر ولا شعوذه يعني , انا صفحتي اتسرقت ( شوفتو الصدفه ؟ ) و صفحة ملكتي كمان اتسرقت ( صدفه برضه ) , وانا أه هربت , أصلي ماقدرتش اكون سيدة اعمال ناجحه ( أومال الدروس اللي فوق دي ايه ؟ ) , و اتنصب عليا يا كماعه ( يا ضنايا ياختي ) , و انا قلت لو قعدت في مصر هتسجن ( لا مالهاش حق الداخليه , تسجنك ليه ؟ دانتي مجرد نصابه ) , فقلت أهرب و افكر بره بهدوء و اشوف هعمل ايه ( ليه ماعندكيش بلكونه و كوباية شاي في شقتك هنا عشان تعرفي تفكري ؟ طب شريط لفيروز طيب ؟ ) .

.

7- هههههههههههههه كل اللي فوق ده مش مهم , تعالى أقولك المهم و الخلاصه , بص يا سيدي , و عهد الله رضوى جلال دي لو جت بكره و قالت انا اتنصب عليا بسبب الحكومه و السيسي هو السبب !! نفس أم البهاليل بتوع المحن بتاعها هيصدقو و هيعتبروها بطله قوميه , و يطالبو بإن صورتها تنزل عالجنيه .

.

‫#‏الحريه_لرضوى_جلال .

‫#‏اختفاء_قسري .

...........................................................................................................................

Mohamed Hussein

9 ديسمبر 2015·

شاب لقى الفانوس السحري و دعكه , طلع له العفريت , شبيك لبيك عبدك بين إيديك , تطلب ايه ؟

.

الشاب ( من غير تفكير ) : انا عندي صفحه عالفيس بوك ,عايز بوستاتي تاخد لايكات كتيييييييير أوي , مش هما اللايكين تلاته بتوع كل مره .

.

العفريت : طيب ربنا يسهل , انا وانت على الله , بس هسألك كام سؤال الأول و بعدين احدد .

.

الشاب : اتفضل اسأل

.

العفريت : باباك حد معروف زي حمدين صباحي مثلا أو حمدي الفخراني أو حتى خيرت الشاطر ؟

.

الشاب : لأ , بس انا بكتب كويس و عندي موهبه و اسلوب حلو

.

العفريت : مامتك مشهوره زي تهاني الجبالي او حتى عزه الجرف ؟ .

.

الشاب : لأ , بس انا بكتب كويس و عندي موهبه و اسلوب حلو .

.

العفريت : بتعرف تشتغل في المُحن الإسلامي و تكتب عن ورقة توت لقوها في البرازيل مكتوب عليها ( الله .. محمد ) .

.

الشاب : لأ , بس انا بكتب كويس و عندي موهبه و اسلوب حلو .

.

العفريت : تعرف تكتب قصص وهميه عن سواق تاكسي ركبت معاه بالصدفه و كان مثقف اوي و قالك البلد ايحه على خراب ؟ .

.

الشاب : لأ , بس انا بكتب كويس و عندي موهبه و اسلوب حلو .

.

العفريت : طب انت أصلا بنت و اتصورت صوره ببودي و نزلتها عالفيس و عندك حته كده من صدرك باينه ؟ وقلت هاي يا حبايبي انا بحبكو اوي كلكو .

.

الشاب : لأ , بس انا بكتب كويس و عندي موهبه و اسلوب حلو .

.

العفريت : طب قعدت اسبوعين تلاته من غير ماتستحمى و لا تسرح شعرك و نزت صورتك و كتبت بوست عن الثوره و الميدان و المستكه و الحبهان ؟! .

.

الشاب : لأ , بس انا بكتب كويس و عندي موهبه و اسلوب حلو .

.

العفريت : طب نزّلت صورة أي بنت مزه تكون مش مشهوره أوي و قلت ان دي صورتك و كتبت في الحاله الإجتماعيه ( الوضع معقد ) ؟! .

.

الشاب : لأ , بس انا بكتب كويس و عندي موهبه و اسلوب حلو .

........................................

........................................

العفريت : مممممممممم تصدق بالله يابني , و ماليك عليا يمين , انا قلت اجرب البتاع ده اللي اسمه الفيس و عملك أكاونت عندنا في عالم الجن , و بقيت احكي عن مغامراتي و معجزاتي و شألباظاتي اللي بعملها للبشر و البوست مايجبشي 5 لايك من العفاريت صحابي , بالك انت ؟ البت بنت اخو ملك الجن عملت اكاونت و حاطه صوره باين فيها ( سمّانة رجليها ) مع ان دي ( سمّانة ) نانسي عجرم بتاعتكو بس هما البهايم هنا مش عارفين , و دخلت البنت امبارح عطست على صفحتها في بوست , قالت ( هاااااتسي ) قام 100 ألف عفريت أعلنو اسلامهم في اللحظه دي و قالولها في نفس واحد , يرحمكم الله , بعد الشر عليكي يا قمر , سلامتك يا روح قلبي .

.

الشاب : تعالى يا عم الحاج بالحضن , خش في لحم أخوك يا جدع .

...............................................................................................................................

Mohamed Hussein

9 ديسمبر 2015·

........... اجتماع للمعارضه السوريه ( السلميه الكيوت ) في الرياض تحت رعاية الحكومه السعوديه .

بالورقه و القلم :

.

1- مفيش عيل صغير برياله على كوكب الأرض حاليا لسه مصدق ان فيه فصيل في المعارضه السوريه بينطبق عليه الكلمه دي ( سلمي ) .

.

2- السعوديه لسه مصره على دعم الإرهاب في سوريا , بالمال و السلاح , ده موقف رسمي معلن .

.

3- سوريا دوله كبيره جدا حضاريا و تاريخيا و ثقافيا و حتى عسكريا ( مش كتكوته بنت امبارح ) , و الخراب اللي فيها من سنين مش هيكسرها بنسبة اكتر من 50 % مثلا , و مش هتنسى تارها .

.

4- السعوديه بتعتمد ( وراكنة ضهرها ) على غطاء عسكري امريكي يحمي أراضيها الشاسعه في وقت الجد ( لا قدر الله ) .

.

وقت الجد بقى

.

1- داعش اللي بتدعمها السعوديه بتفويض ضمن الحلف ( الأمريكي البريطاني التركي ) , داعش دي هيجيلها يوم من الأيام و ( سرحتها ) تخلص و يبقو عاطلين عن العمل و بالتالي الدواعش هيرجعو ل ( ولي النعم السعودي ) على طريقة ( البايره لبيت أبوها ) .

.

2- الداعشي الكيوت ده مايعرفش يعيش من غير ما يقتل , ريحة الدم هي الخبز اليومي بتاعه .

.

3- أمريكا هترفع إيديها عن السعوديه فجأه , و سوريا هتدوّر على تارها

.

4- و هوباااااااااااااا , تلاقي الملك سلمان في ساعة عصاري كده نال لقب ( أخر ملوك أل سعود ) !! .

.

مجرد توقّع لا أتمناه .......................اللهم قد بلغت .

........................................................................................................................

Mohamed Hussein

9 ديسمبر 2015·

بطاطين في الكونغو و بير مايه في أوغندا

.

سنة 1960 :

مشهد من فيلم ( إشاعة حب )

عبد المنعم ابراهيم بيقلد صوت يوسف وهبي و بيكلم ( بهيجه ) في التليفون , عارف هي هتطلب ايه و بيخترع اي اختراع عشان يخلع منها : (( أيوه يا عبد المهيمن , بتقول عايزين نودي بطاطين للكونغو ؟ يعملو بيها ايه ؟ الكونغو حر , أيوه يا بهيجه , مانتي سامعه بودنك أهو , هيودو بطاطين للكونغو , لو ماكنتش أعمل كل حاجه بإيدي مفيش فايده !! )) .

.

سنة 2015

مشهد من فيلم ( الشهيد اللي اتزحلق في الحمام و مات )

صاحبة رضوى جلال , (( أيوه يا جماعه , رضوى عايزه تعمل بير ماية في أوغندا رحمة و نور على روح المرحوم الشهيد ( اللي وقع في الحمام و مات ) , البير هيتكلف كذا ألف دولار , اللي حابب يتبرع و يساعد )) .

.

هههههههههههه طب ايه رأيكو بقى أنا قلقان إن رضوى جلال اللي هربت ب 15 مليون على حس ( بير المايه ) تتوه و بدل ما تروح تحفر بير في أوغندا تلاقي نفسها بتوزع بطاطين في الكونغو!! , أيوه بتحصل عادي , و هنروح بعيد ليه ؟ أنا مره كنت رايح أكل بليله من عند الفخراني في أجا لقيتني واقف باكل أيس كريم عند عزة في اسكندريه .

...................................................................................................................................

Mohamed Hussein

8 ديسمبر 2015·

رئيس وزراء اليونان للسيسي : حضوركم مثل حضور الشمس الدافئة في الشتاء البارد !!.

.

بص بقى يا عم تسيبراس عشان مانختلفش من أولها , النجف و الستاير و التنجيد و طقم الكاسات عليكو .

.............................................................................................................................

Mohamed Hussein

8 ديسمبر 2015·

عزيزي الكولجي .................. تعاطفك لوحده كفايه .

.

شوفت صورة الكتاتني و هو خلصان كده و هفتان و حاله يصعب عالكافر صح ؟ صعب عليك مش كده ؟ دموعك نزلت ؟ قلبك رهيب ؟ ...طيب ماسألتش نفسه الأسئله دي ؟

.

1- هو الكتاتني ممنوع من الاكل في السجن ؟

.

2- هو الكتاتني ممنوع من انه يستحمى و يحلق دقنه , مامعهوش جنيه و نص يشتري ماكنة حلاقة ؟

.

3- طب ليه أصر انه يتصور بالشكل البشع ده ؟!

.

انا هقولك الإجابه :

.

1- الكتاتني مش ممنوع من الاكل , و اغلب اللي بيدخلو السجون عندنا بيتحولو لأجسام البغال .

.

2- الكتاتني مش ممنوع انه يستحمى أو يحلق دقنه .

.

3- السبب في الصوره بالشكل ده هو كسب تعاطف حضرتك انت و الخرفان , تعاطفك لوحده كفايه .

.

مش انت اتركبت من الإخوان 400 مره قبل كده ؟ طب خلاص خليهم 401 , هتشوف صور كتير بالشكل ده الفتره الجايه ( قبل 25 يناير ) مع شوية قصص من اللي بتنتزع أهات الكولجيه على شوية اخبار وافتكاسات , مع ان يا مؤمن حكاية كربلائيات الإخوان دي ماحيلتهمش غيرها من 80 سنه بس لسه بتخيل عليك , دور الضعيف المسكين المستضعف الغلبان ( شغل بنغاليين يعني ) , فيلم اتهرس ألف مره وانت لسه بتقطع تذكره و تروح عشان تشوفه و دموعك تنزل تغرّق السيراميك بتاع السينما ( ما ذنب السيراميك ؟! ) .

.

لا ماتقلقش يا جدع انت كويس اوي , احساسك مرهف و ضميرك صاحي و قلبك أخضر و جواك انسان , وانا قلبي ميت 7000 مره قبل كده و جوايا طائر البطريق , يالله , اديني برضي غرورك أهو .

.............................................................................................................................

Mohamed Hussein

8 ديسمبر 2015·

قصة حياة الأفيون

.

بعد 3 سنين من انكشاف زيف الإخوان و الدقن البلاستيك التايواني بتاعتهم , و بعد سنين من انكشاف الوجه القبيح لكتير من الثورجيه , لسه فينا ناس بتصدق المُحْن , المحن الإسلامجي و المحن الثورنجي , قصص هلاميه و افتكاسات , شعارات و أمشاط و فلايات , مُحن رضوى جلال و محن اللي اختفى اختفاء قسري و هوبا لقوه هربان مع داعش في سوريا , هاشتاج و تعاطف , فلوس و شهره , شوية نجوميه و أضواء , و في النهايه ضحايا بالألاف , الضحايا نفسهم بيرجعو ينخدعو بنفس دايرة المحن اللي دخلو فيها , حمار بقى و( مطيه ) , عاشق و غاوي , و اركب يا معلم .

.

في مصر تحديدا , أحلى و أجمل سبوبتين يجيبو فلوس و شهره و انت قاعد كده في مكانك ( يعني لا بتزرع و لا بتقلع ) ....... هما الدين و الثوره ( أفيون الشعوب و أفيون الشباب ) ....و النتيجه بتكون دايما كلمه واحده اسمها ( الخراب ) .

...................................................................................................................................

Mohamed Hussein

8 ديسمبر 2015·

مش صعبان عليا حد في مؤسسة الرئاسه أكتر من العقيد شعراوي ( الحارس الشخصي للرئيس ) , اللي بيبقى ماشي وراه على طول , شعراوي قوم يا شعراوي , الريس رايح موسكو , أيوه حاضر جاي اهو , شعراوي البس بسرعه الريس رايح اثيوبيا , بلبس أهو و الله , شعراوي اصحى اصحى , الريس طالع يفتتح طريق اسكندريه الصحراوي , هي الساعه كام دلوأتي ؟ الساعه 5 الصبح يا شعراوي , يوووووه 5 الصبح و هنفتتح طريق ؟ بتقول حاجه يا شعراوي ؟ لا و الله بقول قايم أهو , دقيقتين و اكون جاهز , عينك وسط راسك يا شعراوي , حاضر حاضر , شعراوي سيب الأكل اللي في ايدك مش مهم تفطر , الرئيس طالع اكاديمية الشرطه , طب اشرب شوية شاي طيب ؟ لا مفيش وقت , يووووووووووه حتى كوباية الشاي مش عارفين نشربها ؟ بتقول حاجه يا شعراوي ؟ لا بقول انا جاهز أهو , اللهم دمها نعمه و احفظها من الزوال , ابقى اشرب الشاي لما نرجع و هو يعني الشاي هيطير , شعراوي تقّل على نفسك أوي الريس طالع أثينا , حاضر , عينك وسط راسك يا شعراوي , حاضر حاضر , شعراوي البس خفيف الريس طالع السودان , شعراوي تقّل على نفسك تاني بقى الريس رايح يشوف حكاية السيول اللي في اسكندريه , شعراوي استنى الريس طالع طريق المطار بالعجله بتاعته , بتعرف تركب عجل يا شعراوي و تستخدم السلاح وانت سايق ؟ عينك وسط راسك يا شعراوي , شعراوي الريس عامل اجتماع حالا للوزرا , اجهز بسرعه , حاضر اهو , طب أدخل الحمام طيب , حمام ايه يا شعراوي ؟ يوووووه يعني حتى الحمام مش عارف أدخله ؟, بتقول حاجه يا شعراوي ؟ لا و الله بقول جاهز أهو و عيني وسط راسي .

.

.

.

مرات شعراوي بتتصل بيه : ألو , ألو , شعراوي كنت بتكانسل عليا ليه ؟ شعراوي رد عليا , شعراوي , شعراوي ؟

.

شعراوي : الله يخرب بيت شعراوي على سنين شعراوي عاليوم اللي اتولد فيه شعراوي .

.

مرات شعراوي : بتقول حاجه يا شعراوي ؟ .

.

شعراوي : لا و الله , بقول جاهز اهو و عيني وسط راسي .

.

مرات شعراوي : إيه ؟؟!! .

.

شعراوي : يوووه , أسف , بقول وحشتيني يا حبيبتي .

................................................................................................................................

Mohamed Hussein

7 ديسمبر 2015·

توفيق عكاشه : لو واحد من النواب المتعينين بقى رئيس البرلمان هنتفضح بره مصر في أوروبا و أمريكا .

.

صح يا تيفا , متفق معاك و الله فعلا , لو رئيس البرلمان كان عضو متعين هنتفضح بره , انما لو انت بقيت رئيس البرلمان هنتفضح بره و جوه يا معلم !! .

.............................................................................................................................

Mohamed Hussein

7 ديسمبر 2015·

البنت : يا ماما أنا قلت لك مش بفكر في الجواز , مش عايزه اتجوز , انا كده سلطانة زماني و حرة نفسي , بلا جواز بلا خنقه .

.

الأم : طب ثواني هرد عالموبايل و نكمل كلامنا .

.

البنت : أوكيه يا ماما .

.

الأم ( بتتكلم في الموبايل ) : أيوه يا حبيبتي بكلمها أهو , لسه بفاتحها في الموضوع , ايوه فاكره مش ناسيه , مهندس ديكور عنده شركه بتاعته و شقه في الرحاب دور أرضي لها جنينه , و شبه أحمد عز الخالق الناطق , فاكره و الله , أه و فاكره شرطه إنها تكون زملكاويه متعصبه مع انها مالهاش في الكوره ولا تعرف الفاول من الأوفسايد بس ربنا يسهل , حاضر هكلمها و اكلمك .

.

البنت ( بتقاطع مامتها ) : ماما ماما , انا خارجه رايحه مشوار , هاتي 500 جنيه سلف , ساعتين و مش هتأخر و كملي مكالمتك براحتك .

.

الأم : الفلوس جوه , خدي اللي انتي عايزاه و مش تتأخري , مشوار ايه ده اللي جه فجأه ؟! .

.

البنت : مشوار كده يا ماما كنت ناسياه .

.

.

بعد مرور ساعتين :

.

البنت راجعه لابسه تي شيرت الزمالك و جايبه علم كبير للزمالك و علقته في البلكونه و ماسكه كتيب صغير في اديها فاتحاه من النص كأنها بتذاكر .

.

الأم : ايه اللي انتي عملتيه ده ؟! .

.

البنت ( فتحت الكتاب و بصت فيه بصه سريعه و قفلته ) : ثواني يا ماما مش تلخبطيني , حلمي زامورا , محمد لطيف , حسن شحاته , فاروق جعفر , حماده امام , حازم امام , جمال عبد الحميد , شيكابالا و يحتسب الأوفسايد عندما يكون المهاجم متأخرا عن خط دفاع الفريق المنافس ناحية مرمى المنافس أثناء لحظة لعب الكوره .

.................................................................................................................................

Mohamed Hussein

7 ديسمبر 2015·

مانت اللي بتستفزني يا تيفا , انت اللي بتستفزني يا جدع

.

- توفيق عكاشه يدعو النواب لاجتماع طارئ !! , ..........طب اقولك ايه و النبي ؟ اجتماع طارئ لنواب لسه ماحلفوش يمين ولا حلفو شمال ؟! اجتماع طارئ لبرلمان لسه مانعقدش بصفه رسميه أساسا ؟ طب هتعمل الإجتماع فين ؟ حداكو في البلد ؟!! , مش بقولك الدوله بتصرف 2 مليار على انتخابات البرلمان وانت ناوي تحوله لقاعدة مصطبه .

.

- توفيق عكاشه يتوعد بمليونيه لمواجهة تغول السلطه التنفذيه ( مليونية التغول والشريعه ) !! , طب انت راجل حمار و بقيت عضو برلمان و عايز الناس تنزل الميدان , أفهم من كده إن الشرعيه للبرلمان ولا الشرعيه للميدان ؟! و لّا كده الشرعيه بتحسّن دخلها و تشتغل في البرلمان الصبح و تطلع تدور على شفت مسائي في الميدان أخر النهار ؟! أه طبعا ماهي العيشه صعبه .

.

- توفيق عكاشه : أسعى لرئاسة البرلمان مثلما سعى سيدنا يوسف الى تولّي خزائن مصر !! ممممممممممم سيدنا يوسف مكانش بيتكلم عن الغده النشويه يا تيفا ولا قال ان سيدنا محمد صعد في رحلة المعراج لما الصخره اتحولت لسوسته , سيدنا يوسف مكانش أهبل ولا برياله , ههههههههههههههههه المصيبه بقى بعد البؤين دول نلاقي حياة الدرديري فاكره نفسها امرأة العزيز !! .

.

و الله انتو هتجيبولي مناخوليا .

...................................................................................................................

Mohamed Hussein

6 ديسمبر 2015·

المصري معروف بقوته و جبروته

.

بقينا 90 مليون يا عالم , 90 مليون بني أدم يا بشر , لا كريمه مختار نفعت و لا 17 نوع أقراص منع حمل عندي في الصيدليه , دول اتقسمت و دول خربت و دول اختفت من عالخريطه و لا الهوا , الزمالك خد دوري و كاس مع بعض و الجو فيه تلوث و الدنيا زحمه و خنيقه و ستريس مطرح ما تروح و إيه يعني ؟ , طب الإرهاب و داعش عاملين زي عفريت العلبه و بقينا نسمع عن حوادث قتل و حرق أكتر ما بنستحمى و شكلنا داخلين على حرب عالميه تالته برجلنا اليمين بس على مين ؟! ..احنا يابيه بساندوتشين فول و طعميه بعون الله بعون الله هنسلّمك أحلى شوية شغل .

..............................................................................................................................

Mohamed Hussein

6 ديسمبر 2015·

حدوتة قبل النوم

.

و بس يا سيدي , جابو اللوا عمر سليمان ( ربنا يرحمه و يدي له الصحه ) و حقنوه بحقنه كده بتوقّّف الغده النشويه , و اللي مايعرفش ايه هي الغده النشويه هقوله معذور مانت جاهل , الغده النشويه دي بتبقى محصوره كده مابين الشريان العويسي و الشريان المنجاوي , بص يا سيدي , فين الطحال ؟ وانت طالع من عند الطحال خلّي البنكرياس على ايدك اليمين واسأل أي كشك سجاير فين الغده النشويه ؟ هيقولك أهي و يشاور لك عليها .

.

الغده النشويه دي مسئوله عن تحويل المواد النشويه لسكريات , يعني الرز تحوله لسكر الرز و القمح يبقى سكر القمح و البرسيم بتحوله لسكر البرسيم , و لو شربت كوبايتين لبن قبل ماتنام هتلاقي الغده النشويه دي بتعمل شغلها بالعكس ( بالشألوب ) , يعني ممكن تحوّل السكر لقمح و رز و برسيم وشوكلاته جلاكسي فلوتس .

.

المهم لما حقنو اللوا عمر سليمان بالحقنه دي كان قدامه بتاع 15 يوم و بعدها الغده النشويه كانت توقفت تماما , و بقى القمح و الرز مش بيتهضمو ولا يتحولو لسكر , بينزلو زي ماهما كده , و طبعا جسم الإنسان مفهوش صوامع لتخزين القمح و الرز تقوم الحاجات دي تكتر في جسم الواحد و ترطرط كده و تكبس على نفس الشريان العويسي و الشريان المنجاوي و الواحد بعدها على طول يموت في حادثة موتوسيكل .

.

عموما المعلومات اللي فوق دي مايعرفهاش حد غيري , وانا نويت أترشح لرئاسة البرلمان المصري , و لو الريس السيسي حصل له حاجه لا قدر الله انا هبقى رئيس مصر بموجب الدستور و طبعا هطلع سفريات بره أكلم رؤساء العالم و رئيس مجلس محلي كوكب الأرض عن الغده النشويه و الماسونيه العالميه , يقومو يموتو كلهم من الضحك و مايبقاش حد عايش في كوكب الأرض غيرنا و نغزو العالم كله بقى , و كل مصري يبقى من حقه مدينه بحالها و نص بحر أو ربع محيط ( و تُمن لانشون ), و نسجلهاله في الشهر العقاري كمان .

.

انتخبوني رئيسا للبرلمان .

................................................................................................................................

Mohamed Hussein

6 ديسمبر 2015·

التمويل المضاعف

.

- من يومين كتبت بوست عن البرادعي , قام واحد من الأصدقاء قال إني ( أمنجي ) و شتم بكلمه مش حلوه , المهم ركزت في كلمة أمنجي لقيتها معناها اني باخد فلوس من جهه أمنيه , يعني امين شرطه بيجي كل يوم الصبح يديني لوكشة فلوس كده و يقولي ( الباشا ) بيصبح عليك .

.

- و امبارح كتبت عن توفيق عكاشه , لقيت واحد تاني من الأصدقاء بيقول إني باخد تمويل , طب معنى كده إني بتموّل من جهتين مختلفيتين , ربنا يزيد و يبارك , الفلوس بقت كتير أوي يا جدعان , اللي عايز فلوس يقول مايتكسفش , بس المشكله ان خلطت الفلوس بتاعة امين الشرطه مع الفلوس بتاعة أعداء توفيق عكاشه و مش عارف الإختلاط بينهم يجوز ولا لا ( الحكايه دي محتاجه فتوى من ياسر برهامي المتخصص في شئون الإختلاط بين أي حاجه و اي حاجه ).

.

- السيد الرئيس المحترم عبد الفتاح السيسي , تحيه طيبه و بعد , حاجتين مهمين ياريس مطلوبين من معاليك على وجة السرعه , أولا : برنامج تدريبي مكثف للساده أعضاء البرلمان الجدد لمدة اسبوع قبل انعقاد أول جلسه , يتدربو عالنظام و الهدوء و الإتيكيت , يعرفو إنهم هيكونو واجهة مصر قدام العالم , يفهمو ان فيه فرق بين البرلمان و شغل المصاطب , مع منع توفيق عكاشه و مرتضى منصور من الظهور الإعلامي ( تعملها ازاي دي ؟ ماعرفش ) , و كمان التنبيه على الساده الأعضاء اللي مابيعرفوش يتكلمو انجليزي كويس مايطلعوش أي سفريه لدولة أوروبيه , مفيش وقت نعلمهم هي و شي و إيت , و أي كان سي إن زا سكاي .

.

- الطلب التاني ياريس , تصدر فرمان واجب النفاذ بمنعى و منع أمثالي من السخريه من حكاية الإختفاء القسري بتاعة البرادعي دي عشان الراجل زعلان و واخد على خاطره أوي و حالف ما يادوق طعم الزاد , و اهو ياريس تبقى رضيت شوية الكولجيه بتوع البرادعي و اكرمتهم في ربهم الأعلى اللي مش بيقبلو عليه كلمه ( و بيقولو علينا عبيد !! ) .

......................................................................................................................................

Mohamed Hussein

5 ديسمبر 2015·

حاول تركز ............... طريقة تحضير ( عمر البشير ) في 5 خطوات

.

1- المحكمه الجنائيه الدوليه تصدر قرار باعتقال عمر البشير و يبقى اعتقاله وارد جدا في اي دوله يروحها .

.

2- عمر البشير يروح يحضر مؤتمر في جنوب أفريقيا و هناك قاضي يصدر قرار باعتقاله و عدم مغادرته للبلاد بموجب قرار المحكمه الجنائيه .

.

3- السفير الأمريكي في جنوب أفريقيا يروح في الوقت ده و يقابل البشير , و يقوله كلمتين اتنين , هتبقى معانا و ( كلبنا لوقت عوزه ) يعني تنفذ تعليماتنا و نخليك ترجع بلدك معزز مكرم ؟ و لا نسيبهم هنا يعتقلوك ( و ياخدو العصايا منك ) ؟! .

.

4- البشير طبعا مافكرش كتير و خد قراره و رجع بلدهم ( تلاقيه كان خايف عالعصايا ) .

.

5- البشير يطلع يتكلم و يهلفط عن حلايب و شلاتين ( مع انه فرط في نص السودان و هيفرط في نص النص اللي باقي عادي ) , انتو متفاجئين ليه ؟ , واحد بيقوم بمهام عمله الموكله إليه .

.

.

يا جدعان حاولو تصدقو بقى , مفيش حاجه بتحصل صدفه , محكمة الجنايات هي عروسه من عرايس المخرج الأمريكي مش أكتر , و عمر البشير اتربط من رقبته بسلسله , و هي دي كل الحكايه .

..............................................................................................................................

Mohamed Hussein

5 ديسمبر 2015·

توفيق عكاشه يمهل الحكومه 24 ساعه لتجميد قرار استقالة خالد الصدر !! .

.

. (( أكد النائب توفيق عكاشة، رفض النواب قبول استقالة اللواء خالد الصدر من منصبه كأمين عام لمجلس النواب، مشددا على رفضه توغل السلطة التنفيذية فى صميم اختصاصات البرلمان )) .

.

(( وطالب بتجميد القرار، قائلا: "المهلة حتى صباح الاثنين إن لم تنفذ قرارات النواب فسنصعد الأمر إلى الرئيس السيسى، حيث إننا فوضنا النائب مصطفى بكرى بتحديد لقاء مع الأمين العام للرئاسة لتقديم المذكرة")) .

.

يعني النواب بيمهلو الحكومه يا عم توفيق ؟ النواب اللي لسه ماجتمعوش أصلا ولا اجتماع ؟ هو معاليك ناوي تجيب ( شغل المصاطب ده ) لحد قبة البرلمان و تتحول الحكايه لقاعده و مجال ؟ تعاشرب شاي ياعرب , اتفضل و الله ده الشاي عالنار .

... و لما تختارو حد منكو تفوضوه ماتلاقوش غير مصطفى بكري ؟ يعني توفيق عكاشه بيفوض مصطفى بكري ؟!! ..مممممممممم طب أقول للناس اللي بيتابعوني عالفيس بوك ايه و النبي ؟! رقبتي بقت أد السمسمه منكو , ربنا يخرب بيوتكو بحق جاه النبي , اللهم إني لا اسألك رد القضاء و لكني أسألك اللطف فيه , استغفر الله العظيم من كل ذنب عظيم .

.

يا عم امشي بقى من قدام وشي الساعادي , روح ربنا يسهلك , أه روح , إمهل براحتك و فوض براحتك , خلاص عرفت , عرفت والله إن الديموقراطيه أحيانا بتجيب نواب و أحيانا بتجيب جاز , و مصر دي طول عمرها ولّاده بس ساعات كده بتبيض .

...................................................................................................................................

Mohamed Hussein

5 ديسمبر 2015·

خبرين دول ولا عنيك ؟!

.

خبر أول : تركيا تنشر المئات من جنودها في شمال العراق , لمساعدة داعش في السيطره على مدن الشمال ( و طبعا البترول ييجي بالشاليمو لحد أنقره ) , و الحكومه العراقيه تشجب و تستنكر ( و تقريبا على أخر النهار كده هتبدي قلقها ) .

.

خبر تاني : فضيحه , النت اللي شغاله بيه داعش في سوريا مصدره محافظه في جنوب تركيا .

.

يعني يا داعش في سوريا و العراق عايزين سلاح خدو , عايزين شبكة انترنت و مالو , بس هاتولنا البترول و خدو فلوس و لو عايزين جنود كمان نبعت لكو , المهم تخربو سوريا و العراق و تحرقوهم , بس احنا طبعا ك تركيا يعني مالناش علاقه بالإرهاب أهو , و اضح جدا , و واضح ان فيه إجماع على كده .

.

بالمناسبه , صدق أو لا تصدق , كلب تركيا ماكنش يجرؤ يهوب ناحية سوريا قبل اللي مايتسمى الربيع العربي , و كلب تركيا مكانش يقدر يبعت حمامه طايره ناحية العراق أيام صدام حسين .

.

يا ترى لسه فيه حد له قرنين أو حد حاشر مناخيره في كيس كوله و متعاطف مع أردوغان السفاح الحرامي ؟!! .

.........................................................................................................................................

Mohamed Hussein

5 ديسمبر 2015·

أعظم نص كوميدي في القرن العشرين

.

جلس الشيخ أمام تلامذته و مريديه و قال لهم : دلوأتي يا إخوان انتهى الدرس بتاع النهارده بفضل الله , أي حد عنده أسئله يتفضل يسأل بدون إحراج .

.

طالب علم رقم 1 : يا شيخنا بالله عليك , أخبرني ماهي أفضل الأعمال و أكثرها تقربا إلى الله ؟

مولانا : أفضل الأعمال يا بني هو الجهاد في سبيل الله

طالب العلم : بمعنى ؟

مولانا : نذهب إلى بلاد الغرب الكافر و نجاهد و نقتلهم و نستحل اموالهم ونأخذ نساؤهم سبايا لنا

طالب العلم : فتح الله عليك يا مولانا .

.

طالب علم رقم 2 : و كيف تتقدم الشعوب و الأمم يا مولانا بارك الله فيك ؟

مولانا : انما تتقدم الشعوب و الأمم بطاعة الله و رسوله , و عليكم بالسنن و النوافل .

طالب العلم : و ماذا عن التعليم و البحث العلمي , والصناعه وما إلى ذلك ؟

مولانا : الإسلام أمرنا أن نقرأ , أينعم , لكن يبقى الهدف و الغايه من خلق الإنسان هي أن نعبد الله ( و ما خلقت الجن و الإنس إلا ليعبدون

طالب العلم : صدق الله العظيم , فتح الله عليك يا مولانا .

.

طالب علم رقم 3 : و لكن يا مولانا , نحن الأن نعيش ( عاله ) على هذا الغرب الكافر , هم يفكرون و يبحثون و يصنعون و نحن مجرد مستهلكين ليس إلا .

مولانا : هذه الأشياء من سنن الحياه و نواميسها و من الغيبيات التي لا يجب الخوض فيها .

طالب العلم : و ما حكم الدين في ذهابنا للتعليم و العلاج في دول الغرب الكافر .

مولانا : لا بأس من باب الضرورات تبيح المحظورات .

طالب العلم : و هل علينا أن نجاهد في هذه الحاله و نقتلهم

مولانا : أجل اذا تطلب الأمر .

.

.

خبر عاجل : انفجار في مطعم بباريس و عشرات القتلى , و التعرف على هوية المنفذين و هم من العالم الإسلامي .

مولانا : سمعتم الخبر يا إخوان ؟ طبعا نحن ندين هذا الإرهاب , لأن ديننا الإسلامي هو دين التسامح و السماح و المحبه و التعايش جنبا إلى جنب مع غير المسلمين .

طلاب العلم : أجل أجل , فتح الله عليك يا مولانا .

.........................................................................................................................

Mohamed Hussein

4 ديسمبر 2015·

يا برادعي

.

شعورك ايه يا مولانا البوب بعد ما عرفت ان بتوع الإختفاء القسري طلع واحده منهم سارقه فلوس و هربت بره مصر , و واحد هرب و راح انضم لداعش و واحده قالت أسفه يا جماعه انا ماختفتش و لا حاجه ( سوري يا كماعه ) , و إن اللي بيتقبض عليهم بيتحقق معاهم عادي زي أي حد , و يطلعو براءه ولا يتسجنو مش مشكلتنا , إنما مصطلح الإختقاء القسري الوهمي الهلامي ده مالهوش وجود .

.

شعورك ايه و انت في السن ده و نتيجة حالة معينه من الإفلاس عندك بقيت تدخل عالفيس و تويتر و تشوف الخرفان ناشرين ايه و تسمع منهم و تتحمق و تكتب تويته , يقوم الكولجيه يمشو وراك و الأخر تطلع الحكايه فستك ؟! .

.

شعورك ايه و انت راجل كبير كده و بتتركب من الخرفان زيك زي أصغر كولجي ؟ مش ندمان طيب ؟ مش مكسوف يعني ؟

.

طب هقولك نصيحه من واحد كان بيحبك و يحترمك في يوم من الأيام , نصيحه لوجه الله و الله , انت يا مولانا اللي باقي من عمرك مش كتير , نصيحه تلبس جلابيه بيضا و تجيب سبحه و مصحف و سجاده ( أو حصيره ) و تعتكف الكام يوم اللي باقيين لك , أهو عالأقل تكفر عن ذنوبك في تجريف عقول جيل من الشباب و نقعهم في برميل شعارات ومصطلحات وهميه .

.

نصيحتي يا برادعي تعملك ماتش اعتزال ( لحفظ ماء الوجه ) , ماتبقاش عامل شبه عصام الحضري كده .

................................................................................................................................

Mohamed Hussein

4 ديسمبر 2015·

و تلاقي العيل من دول شبه ( مشبك الغسيل ) و ممكن تفسخه بايدك نصين كداهو , مسمّي نفسه جيفارا و حاطط صورته على صفحته من غير فالنه و عضم صدره باين , يعني تعرف تعدّ ضلوع القفص الصدري كلها ضلع ضلع و لو ركزت شويه هتشوف الطحال .

.

و يقوم داخل كاتب بوست ( معادنا في يناير , بركان الغضب قادم ) !! , يا حبيبي بركان ايه و غضب ايه بس ؟ .... انت لو نزلت في يناير و خدت ( لفحة برد ) و عطست عطستين هتروح مننا و السر الإلهي يطلع و يحسبوك علينا شهيد .

.

بص يا جيفارا يابني , انت تروح تظبّط امورك في التأمين الصحي الأول , و تاخد حقن لحمه و بيض كل يوم , و تجيب عصاية غليه و تحط فيها كوزين أسمنت و تعمل تمارين , و تفضل عالحكايه دي بتاع 9 سنين كده , و بعدها يا عم لو لقيت الرئيس مش عاجبك و الحكومه , أهو التحرير موجود .

........................................................................................................................................

Mohamed Hussein

4 ديسمبر 2015·

في ساعة الجد ................ خلّي الدماغ صاحي

.

1- الإرهابيين دول في الأغلب الأعم بيبقو شوية عواطليه تعليمهم محدود , ممكن صبي حلاق أو صبي ميكانيكي , أي حد تعرف تسيطر بسهوله على دماغه و تقوله خد حتة السلاح دي و اقتل الناس دي و حور العين لابسالك لانجري إيطالي فوق الركبه و مستنياك في الجنه على نار .

.

2- مش عارف ازاي عقلك مستوعب ان شوية العواطليه دول قدرو يسيطرو على مدن و بلاد و يواجهو جيوش نظاميه و ينظمّو نفسهم و يبقى عندهم سلاح كتير جدا و حتى صواريخ ( و جايز طيارات ) , ده كله من محل العطاره بتاع المرحوم ؟ و لا بمساعدة حور العين أم لانجري إيطالي ؟! .

.

3- طب هبسطهالك , امريكا نزلت بتقلها في العراق و الناتو بقاله سنين بيضرب في إرهاب ليبيا , يا ترى الإرهاب هناك مات ولا زاد و ربرب ؟ مش جايز يا جدع دخول الجيوش دي بتبقى هي ( قبلة الحياه للإرهابين ) و انت اللي فاهم انهم بيحاربو بعض و كده .

.

4- كنت فاهم غلط و متخيل ان حكومات أمريكا و اوروبا مهتمه بتوصيل صوره جميله و كيوت للمواطن في بلدها , أتاري الحكومات هناك لا يعنيها المواطن الغربي يفهم ايه ؟ عشان المواطن نفسه مش في دماغه ولا يعرف حاجه عن الشرق الأوسط , و ملهي ليل و نهار في الشغل و الضرايب و كيس الكاتشب و نلتقي أخر الرواق ( ترجمة معامل انيس عبيد ) .

.

5- يبقى الموضوع يهمنا احنا , دي بلادنا احنا ( مش لاقينها قدام جامع ) , عقولنا لازم تنضف , نضافتها بقت فرض عين مش فرض كفايه , و حريتنا الشخصيه أن الأوان نفهم بقى إنها بتعني حريتك في اختيار الأكله اللي بتحبها و الهدمه اللي تلبسها و تشجع اهلي ولا زمالك و تتجوز نيفين ولا أمل , و تركب ميكروباص ولا تاكسي , و تختار مين في الإنتخابات , لكن تبقى حمار حصاوي و خساره فيك صباع الطباشير اللي اتعلمت بيه لو فهمت ( و ضحكو عليك ) و قالولك إن حرق بلادك و خرابها ده حرية شخصيه .

.

6- و نوصل في النهايه لقمة الإسفاف و الإبتذال و نلاقي نفسنا في يوم بنتسأل سؤال , هو باختصار و من الأخر يعني سؤال في منتهى ال ( أحا ) اللي في الدنيا ........... انت مع جيش بلدك ولا ضده ؟!! .

.

7- صاحبك الكولجي المثقف الفحت ( بتاع عبث و مندوحه ) لسه لحد النهارده مصمم إننا لازم نهد البيت عشان ندخّل فيه كهربا و غاز !! , أو ممكن نبيع البيت كله و نشتري بتمنه ( تنده ) أمريكاني شكلها شيك أوي اسمها الديموقراطيه , طب هتعلّق التنده دي فين يا حمار ؟!! .

.........................................................................................................................