Mohamed
Hussein
17
ديسمبر 2015
·
وعلى فكره بقى
( كابّوهات ) شباب الألتراس ( أهلاوي و زملكاوي ) ده شباب نقي وجميل , و مالهوش علاقه
بالإخوان ولا بخيرت الشاطر ولا بيجرو رجل الشرطه لكارثه جديده , و لا عايزين يخربو
البلد بتعليمات من الجماعه الإرهابيه .
.
من يوميات شمّامي
الكوله .
...................................................................................................................
Mohamed
Hussein
17
ديسمبر 2015·
حاول تصدق
.
- حاول تصدق ,
بريطانيا اللي هي الراعي الرسمي للكيان الصهيوني و لجماعة الإخوان الإرهابيه على مر
التاريخ بقت زعلانه اوي من الإخوان و بتقول اكتشفنا فجأه ان لهم علاقه بالعنف و هنحط
السيخ المحمي في صرصور ودنهم , هي مش علاقه وثيقه أوي , انما يعني احتمال و بيرهابس
و ماي بي .
.
- حاول تصدق ,
قطر اتخطف منها 27 واحد كانو في رحلة صيد و بالصدفه البحته الحكايه دي حصلت بعد اعلان
التحالف الإسلامي ب 6 ساعات , و طبعا المؤشرات و التوقعات تشير الى تنظيم داعش الإرهابي
( أموت انا و اعيد السنه ) .
.
- حاول تصدق ,
قتلى و جرحى في هجوم لصواريخ داعش على قواعد عسكريه تركيه ( 5 مووووووووواه ) .
.
- حاول تصدق ,
أمريكا تعلن عن تهديدات من داعش ل 7 ولايات أمريكيه ( يا جدع بحبح ايدك شويه و خليهم
17 , هو انت دافع حاجه من جيب أهلك ؟ ) .
.
- حاول تصدق ,
سفير بريطانيا في القاهره مبسوط من مصر أوي و من الإقتصاد و السياحه و من شرم الشيخ
و بيحبنا و بيموت في دباديب اهلنا ( أه صح و حاطط صورة عبد الناصر في الصالون بتاع
شقته و مش بيعرف ينام غير على صوت و ابتهالات النقشبندي , مولاي اني ببابك قد بسطت
يدي ) .
.
- و أخيرا , حاول
تصدق , أنا كنت شبه احمد عز الخالق الناطق وانا صغير , الفرق بس اني شعري كان اصفر
و عنيا زرقا و عندي غمازات .
..................................................................................................................................
Mohamed
Hussein
17
ديسمبر 2015·
يا حكومه
.
اعملي تمثال للشهيد
محمد أيمن في ميدان التحرير و سمّية ( مصر ) , و نزّلي قصته و صورته و صورة الأم اللي
ربت و البطن اللي شالت في كتاب التربيه الوطنيه في أول صفحة قبل أحمد عرابي و سعد زغلول
.
..........................................................................................................................
Mohamed
Hussein
16
ديسمبر 2015·
-
إنك تبقى مصري و لما الإرهاب يضرب في بلدك تعمل نفسك عبيط و لما تحصل حادثه أد كده
في فرنسا تطلع جري تحط علمها على صفحتك !! .
.
- انك تشوف صورة
شهيد زي شهيد النهارده و تسمع حكايته و ماتيجبشي سيرته بكلمتنن لكن تجري تتعاطف مع
شهيد الصابونه جوز النصابه رضوى جلال و تكتب فيهم قصايد شعر أو تتغزل في تويته من
5 كلمات هايفين لواحد عايش في غيبوبه و تقعد تفلّي في جمال التويته و جمال أمها !!
.
.
- انك تشوف المصريين
عاملين حمله لدعم السياحه و بينشرو صور جميله عن مصر تقوم تجري بسرعه كأنك صهيوني و
تحط صور زباله و تقول هي دي مصر !! .
.
- انك في أي صراع
تدخل فيه بلدك مع تركيا ولا اثيوبيا تلاقي نفسك لا اراديا كده واقف في الناحيه التانيه
بتدعم الطرف التاني و تنفخ فيه و تشيد بقوته و حكمته و عظمته و جمال خطوته !! .
.
- انك كل ما تشوف
بلدك تمشي خطوه لقدام ( و الدنيا بتخرب حواليها ) تقوم انت عامل نفسك زي حتة حديده
كده و ترمي جتتك في قلب الترس اللي بيلف ده !! .
.
مممممممممم بص
يابني انت مش عيان ولا حاجه , انت كويس خالص , و كل الحكايه و باختصار و من غير لف
ولا دوران انك بس كولجي , اه و الله كولجي , ألف مبروك عليك اللقب .
و بما انك كولجي
و بتجتمع فيك الصفات اللي فوق دي تبقى بالتأكيد و من المؤكد أخر شخص ممكن اتناقش معاه
في مستقبل مصر .
.
أه عندي تحفظات
كتير على حاجات بتحصل و فيه اشخاص مش عاجبني و نفسي أغمض عيني و افتحها الاقي مصر بقت
سويسرا , و مش بطيق احمد موسى ولا عكاشه ولا بكري و لا مرتضى منصور .
.
أه عندي فكره او
تصور , حلم جميل , بحلم ببحث علمي حقيقي و تعليم نضيف و عداله و دوله مفهاش رشوه ولا
محسوبيه و عارف ان دول هما طوق النجاه بتوعنا , بس انا كمان عارف كويس أوي وابصم بالعشره
انكو معشر الكولجيه مش هتكونو في يوم من الأيام قائد لمركب ممكن يوصلنا لأي شط , انتو
أخركو زي أولكو , و أخركو و أولكو اسمه : الهري !! .
.....................................................................................................................................
Mohamed
Hussein
16
ديسمبر 2015·
صُنع في مصر
.
.
جندي مصري شهيد
خد الإرهابي اللي لابس حزام ناسف بالحضن عشان يحمي زمايله !! .
.
أربعين سنه من
بعد حرب اكتوبر و أمريكا و الصهيونيه العالميه بيحاولو يكسرو فينا الحته دي ( الشجاعه
و التضحيه ) , حاولو يعلمونا بكل الطرق اننا نحب اسرائيل , حاولو يعلمونا اننا نبقى
شوية عيال سيس و ملاديع , عملو أفلام و مراكز سلام و حقوق انسان , جابولنا هامبورجر
و كاتشب , زيّفو حقايق و تورايخ , حاولو يكرهونا في عبد الناصر , خلقو لنا اعداء تانيين
عشان ننشغل عن عداوتنا للكيان الصهيوني , حاولو يطمسو هويتنا و جيناتنا المصريه مره
بسلفيه وهابيه و مره بفكر إخوانجي وثني , حاولو بشتى الطرق اننا نكره جيشنا و مانحبش
تراب أرضنا , شجّعو فينا شوية كولجيه و خرفان يشتمو مصر و جيشها , و قالو هانت , باقي
عالحلو تكّه .
.
و بعد 40 سنه حصل
موقفين , الموقف الأول لما الدواعش جابو مراسل الجزيره في ايديهم و حاول يحتلو حتة
أرض ( مترين في مترين ) في سينا و يرفعو العلم بتاعهم عليها و لو لساعة زمن بس , وقتها
كانت الجزيره جاهزه بالعناوين و التقارير و الفيديوهات , و الجيش المصري فرمهم تحت
رجليه .
.
و مشهد الجندي
المصري اللي بيضحى بحياته عشان يحمي زمايله .
.
المشهدين ترجمتهم
عند امريكا و الكيان الصهيوني إنكو فشلتو يا معلمين , مصر كده , هي كده , ربنا خلقها
كده , نجيب طيارات و نصنع صواريخ , نشتري دبابات و رادارت , نعمل تدريبات و مشاريع
حرب و شألباظات , لكن هيفضل سلاحنا الأقوى و الأزلي هو التضحيه و الشجاعه و إننا نحب
ترابها بغباوه , دي ماركة مسجله اسمها صنع في مصر made in egypt .
..................................................................................................................
Mohamed
Hussein
16
ديسمبر 2015·
أسلحة فاروق
.
من يوم ما شوفت
سحنته و انا رأيي فيه كده , احمد موسى ماينفعشي يشتغل صرماتي ولا حتى بتاع طرشي , أصحابي
زعلو مني لما قولت رأيي أكتر من مره في واحد هجّاص و هايف اسمه احمد موسى .
.
و لما ظهرت الصور
بتاعة عضو حزب النور قلت ده عيب و وقاحه , احنا مش هننتخب السلفيين عشان بهايل و بتوع
رز بلبن و متخلفين عقليا مش عشان لهم علاقات جنسيه , برضه أصحابي زعلو .
.
مفيش في السياسه
ولا العمل العام حاجه اسمها انك تقتحم بيوت الناس و خصوصياتهم و تدور في أدراجهم و
موبايلاتهم , ده شغل مصاطب .
.
مابكرهشي في حياتي
أد الإخوان حاليا , و بقرف جدا من الكولجيه و عقولهم اللي بقت مسخ و حتى شعاراتهم و
الكوميكس بتاعتهم اللي بقت ممله و سخيفه و شبه حلة الطبيخ البايت , إنما حلم مهم جدا
من أحلامي اني أصحى في يوم مالقاش توفيق عكاشه ولا احمد موسى و لا مرتضى منصور , يموتو
بقى و لا يتنفو لجزيرة مالطه و لا يتكتفو من ايديهم و يتحط على بؤهم بلاستر عشان يخرسو
و يرحمونا من سحنة امهم الزباله , أي حاجه يعني .
.
ياريس عبد الفتاح
, انت الفارس المنقذ و هقولك للمره الأخيره جايز , ماينفعشي رئيس مصر البطل اللي اسمه
عبد الفتاح السيسي يطلع معاه في سفرياته اعلامي هفأ اسمه احمد موسى , و البرلمان فيه
اكتر من 500 عضو عشان كده ماينفعش وزير التعليم يستقبل توفيق عكاشه !! , ماينفعش الناس
تصحى من النوم تلاقي ( أقراص الجلّه ) دي في وشها , دول ياريس عاملين زي أسلحة فاروق
كده و هيتحسبو عليك , اتصرف بقى انت مش هتغلب
.
اللهم قد بلّغت
.
......................................................................................................................
Mohamed
Hussein
15
ديسمبر 2015·
عاجل : الملك سلمان
يوجه بزيادة الإستثمار السعودي في مصر إلى 30 مليار ريال !! .
.
ممممممممممم أنا
بقول ندّي للتحالف الإسلامي ده فرصه و لو مانفعش أهو الميدان موجود .
..........................................................................................................................
Mohamed
Hussein
15
ديسمبر 2015·
هحكي لكو حدوتة
.
أنا روحت أشتكي
للخواجه من إني مش بحب جاري ده و مش طايقه , مع ان جاري أصلا يبقى ابن عمي , الخواجه
قالي بص يا محمد أفندي , انت مش هتقدر تطرد جارك من شقته طبعا و ساعتها شكلك هيبقى
وحش أوي قدام بقية ولاد عمك , قلت له طب أعمل ايه يا خواجه ؟ قالي كل اللي عليك تعمله
انك تجيب فار كبير و ترميه في شقة ابن عمك الي انت مش طايقه ده , اهو يقرفهم في عيشتهم
و يقعد يقرقض في الخشب , جايز يخافو و يعزّلو من الشقه .
.
و بعد شويه , لقيت
الخواجه بيتصل بيا , قالي أخبار الفار ايه يا محمد أفندي ؟ , قلت له زي ماهو يا خواجه
, و كل شويه أرمي له أكل من المنور عشان يعرف يعيش و يشوف شغله كويس بس شكله مش هيخلّص
في الحكايه دي , أعمل ايه يا خواجه شور عليا و النبي الله لا يسيئك ؟!.
.
الخواجه فكر شويه
كده وقالي , بص يا محمد أفندي , كده مفيش قدامك حل غير إنك تلم جيرانك كلهم و تعملو
تحالف تقدرو تدخلو بيه شقة ابن عمك اللي انت مش طايقه و تكسروها و تخربوها بجد بقى
.
.
قلت له يا خواجه
فكره حلوه فكره هايله , بس هقنع الجيران ازاي و اقول لهم ايه ؟ الخواجه قالي : قول
لهم هنروح نحارب الفار اللي في شقة ابن عمي و نجيبه من ديله .
............................................................................................................................
Mohamed
Hussein
15
ديسمبر 2015·
المشهد
.
أعرابي رقم 1
( راكب حصان ) : عمتَ صباحاً يا أخ العرب .
أعرابي 2 ( قاعد
تحت شجره ) : عمت صباحا سيدي .
.
أعرابي 1 : أنا
عابر سبيل ضللت الطريق , هل سمعت عن التحالف العسكري الذي نشأ في أرض الحجاز ؟
أعرابي 2 : أجل
يا سيدي .
.
أعرابي 1 : إذا
هو تحالف إسلامي ولا مندوحه انهم سيحاربون الصهاينه الذين اغتصبو أرضنا و هتكو عرضنا
.
أعرابي 2 : لا
سيدي , بل سيحاربون بشار الأسد من أجل القضاء على ما تبقى من جيش سوريا المسلمه .
.
أعرابي 1 : مرحى
مرحى , أخبرني إذا , لو أردت التحدث مع كبيرهم ف من يكون يا ترى ؟ .
أعرابي 2 : عليك
بسمو الأمير باراك بن أوباما , قائد جيوش المسلمين .
.
أعرابي 1 : قشطه
عليك
أعرابي 2 : تعاشرب
شاي .
............................................................................................................................
Mohamed
Hussein
15
ديسمبر 2015·
ضحكة الصباح
.
الأمير محمد بن
سلمان وزير الدفاع السعودي : هنعمل تحالف اسلامي لمحاربة الإرهاب ( الإسلامي ) في العالم
الإسلامي ( امنعو الضحك ) , التحالف مقره الرياض , هنحارب كل الارهابيين في أي حته
و أي مكان في الحاره المزنوقه , الوضع بالنسبه لداعش في سوريا مختلف شويه و لازم تدخل
قوى دوليه و التنسيق مع الشرعيه ( ممممممم الشرعيه ؟ الكلمه دي مش غريبه عليا ) , و
الإرهاب موجود في كل مكان , سوريا و ليبيا و اليمن و سينا ( ماتجبش سيرة سينا سمو الأمير
, ماتشغلش بالك بيها ) , التحالف الإسلامي هتشارك فيه كل دوله على اد طاقتها , يعني
اللي يجيب صاروخين ماشي , جوزين عساكر مايضرش , سجاده قديمة أو بوتاجاز قديم , أو طشت
بلاستيك أي حاجه هتنفع .
.
الترجمه بقى
.
1- احنا مالناش
علاقه بالإرهاب , لا بنصرف عليه ولا بندي له سلاح , و لا نعرف يعني ايه فكر وهابي
, و ماعندناش حد في السعوديه اصلا كان اسمه محمد بن عبد الوهاب .
.
2- احنا هنحارب
الإرهاب في سوريا , المتمثل في الجيش العربي السوري لحد ما نمكن داعش من حكم سوريا
و بكده نبقى قضينا عالإرهاب !! .
.
3- في التحالف
ده حطينا اسم مصر , جنب تركيا بالظبط !! ( يارب ما تكونو نسيتو أثيوبيا ) , و اهي الناس
بتاخد الحاجه كوبي بيست و لا حد بيفكر , و طالما قولنا اسلامي يبقى ماحدش يقدر يعترض
, و إلا يبقى كفر بما أنزل على محمد بن عبد الوهاب ( و الشيكات في الدرج جاهزه عالتوقيع
) .
.
اسئلة للأذكياء
فقط :
.
س 1 : من هو قائد
تنظيم داعش الإرهابي ؟ هل هو بشار الأسد أو جمال عبد الناصر أو فاتن حمامه ؟! .
.
س 2 : ماهي الدول
التى ترعى الإرهاب و تموله ؟ هل هي بوركينا فاسو أو بنجلاديش أو قبائل ال ( كوتو موتو
) ؟! .
.
س3 : لماذا يصر
الحمار دائما على أنه أذكى مخلوقات الله لحد مايخربها على دماغه ؟ هل عشان هو ذكي فعلا
و عبقرينو و لا عشان متورط و رجله جت في وحله مش عارف يخرج منها , ولا عشان كاره بشار
الأسد و حاسس انه جوز امه ؟! .
.
.
توضيح هام : البوست
ده رأيي الشخصي كمواطن حر ( بس إيده في المايه ) , و من حق الدوله المصريه بقيادتها
اللي بثق فيها جدا إنها تختار الطريق اللي شايفاه صح ( و التوقيت طبعا بيفرق كتير
) , فيه تحالفات و ضغوط و حسابات معقده جدا , لو طلبت ان رأيي الشخصي يكون هو رأي مصر
أو طلبت تصريح من الخارجيه مثلا برفض التحالف العبيط ده هبقى قاعد عالشط و عامل نفسي
رانيا علواني .
...................................................................................................................................
Mohamed
Hussein
14
ديسمبر 2015·
اعتراف
.
من 4 سنين كده
كنت كولجي اد الدنيا , اه و الله ( محدش يضرب بقى ) , كنت بشوف ربنا في السما و البرادعي
في الأرض ( استغفر الله العظيم , ماقولنا محدش يضرب ) , و كنت استنى أي لقاء تلفزيوني
للبرادعي و اقول الواحد قبل مايتفرج عليه لازم ياخد دش و ينضف دماغه و يقعد و يستربع
, الراجل سابقنا بسنين , والنبي ماحد يضرب يا جدعان , تأتأة البرادعي بالنسبالي كانت
فشر موسيقى السنباطي , بتمزج منها اوي , واقول التأتأه و النضاره و القرعه دي وراها
دماغ ماحصلتش .
.
مش فاكر ايه اللي
كان عاجبني في خالد على بس اللي فاكره انه كان عاجبني , محدش يضرب , و دموعي نزلت لما
وائل غنيم عيط مع منى الشاذلي , أصلي كنت حسّاس أوي , و كنت طبعا بشغّل الجزيره 24
ساعه , و مستعد تماما لتقبل فكرة ان فيه أخطاء في صحيح البخاري , لكن أخطاء و نصب في
تقارير الجزيره لأ والف لأ , اللي يقول كده أشق بطنه بالسكينه و اقوله يا كافر !!
.
.
طب ايه اللي حصل
و ليه ؟ كل الحكايه انه كانت على عنينا غشاوه , فرحانين بعبط و هبل زي الأطفال , أوباما
يطلع يقول ( هندرس الثوره المصريه لطلبة المدارس ) و احنا نحس بالفخر و الفخار و جسمنا
يترعش كده من كتر الفخار ده , مافكرناش في لحظه ان الحدايه مش بترمي كتاكيت , كنت عبيط
اوي يا خال .
.
المهم عشان مش
أطول عليكو , و بصفتي كولجي قديم هقولكو مشكلة الكولجيه ايه تحديدا ( زمايل قروانه
سابقا ) , مشكلتهم باختصار انهم بيشوفو ان السياسي ممكن نديه صك غفران مسبق و شيك على
بياض , طالما شوفناه حلو ( في النظره الاولى ) يبقى اكيد هيفضل حلو حتى لو كان بيخونا
مع طوب الأرض , هنغمّي عنينا كداهو أو نقول العيب في النضاره بتاعتنا و محتاجه تتغير
.
.
مشكلة الكولجيه
إن الفكر ( الحُمّيري ) بيعتبروه ثبات على المبدأ , و زي ما شباب الإخوان بيتحولو تدريجيا
لمجرد قطيع أو عبيد لتنظيم وثني صهيوني هتلاقي شباب الكولجيه بيتحولو تدريجيا عبيد
لشوية شعارات مجوفه و شخص عايش في غيبوبه أو شخص ميت حتى إشعار أخر .
.
سؤال غريب جه على
بالي , هو الحمار ممكن ييجي عليه لحظه و يفهم انه حمار و غبي ولّا هو طول العمر بيعيش
و يموت و هو فاهم انه أذكى مخلوقات الله وسابق بقية المخلوقات بمليون سنه ضوئيه ؟!.
.................................................................................................................................
Mohamed
Hussein
14
ديسمبر 2015·
الطريق إلى إيلات
............. يووووه قصدي الطريق إلى دماغ المزه
.
لو بنت بعتت لي
طلب صداقه و بفرض يعني ان الاكاونت مش لسه معمول من ساعتين او شكله مجهول اوي و يقلق
, بيبقى قدامي كام خطوه لازم اعملهم سريعا قبل ماقبل الطلب .
.
1- لو البنت بيني
و بينها أصدقاء مشتركين كتير اوي , يعني 400 مثلا , بيبقى خلاص الحكايه دي ريّحتني
و بقبل على طول من غير تفكير .
.
2- لو مفيش اصدقاء
مشتركين خالص او فيه عدد قليل بس , بضطر هنا أدخل صفحتها عشان أشوف دماغها , محتاج
بوست او اتنين اعرف منهم دماغها رايحه فين , مش محتاج خرفان ولا كولجيه , المشرحه أصلا
مش ناقصه قُتله .
.
3- لو البنت كانت
حلوه شويه و بتنزل صورها يبقى همشي سكه طويله عشان أوصل لبوست يقولي دماغها شكله ايه
, و طول مانا ماشي هتكعبل طبعا في تعليقات من عينة , الله عالحلاوه , ايه الجمال ده
, فيري نايس , متألقه دايما , وحشتينا أوي يا أستاذه .... الخ , بس ممكن في النهايه
أوصل .
.
4- عارفين النحس
بقى فين ؟ النحس لو كانت المزه حلوه فعلا و بالصدفه عيد ميلادها كان من يومين ( او
حتى من شهرين يا جدع ) , في الحاله دي لو انا اصريت على حكاية ( الدماغ ) هحس اني في
مهمه انتحاريه زي الطريق إلى إيلات , و انا بقى شبه عزت العلايلي و لازم اتعود عالغطس
لأعماق كبيره , و العب دور وحوش البحريه .
.
5- طيب أنبوبة
اكسجينك في ضهرك و الماسك على مناخيرك , توكلنا على الله , طول مانت ماشي هات الورد
و القلوب على جنب , أيوه كده , و ركز في التورتات , حاسس بإيه ؟ بذمتك مش حاسس انك
دخلت محل العبد اللي في وسط البلد يوم المولد النبوي ؟!! طب خلاص بلاش تيأس , طريق
الألف ميل بيبدأ بتورتايه , أقولك حاجه ؟ سلّي نفسك و انت ماشي , يعني تقمّص دور فيروز
في فيلم أنور وجدي , و كل ماتفوت على تورتايه خد منها حتة , لحد ما توصل , هه ؟ تعبت
من الأكل و حاسس انك عايز تنام من كتر المواد السكريه و لسه ماوصلتش صح ؟ طب لسه عايز
تشوف دماغ المزه ؟! .
.
أنا : لا و الله
حرّمت , انا بس عايز لتر بيبسي عشان أهضم , إلا قولي يا كابتن , هو انا كنت جاي منين
ورايح فين ؟ اه افتكرت , كنت جاي من صفحتي و رايح في مهمه انتحاريه , طب قولي أرجع
ازاي بقى ؟ّ! .
......................................................................................................................................
Mohamed
Hussein
14
ديسمبر 2015·
شعار الكولجيه
حاليا
.
لو مصر دخلت حرب
( ضد أثيوبيا مثلا ) , هنستنى تويتة البرادعي اللي في النمسا و مقالات وائل قنديل اللي
في لندن و توصيات محمد سلطان اللي في أمريكا و نحط على صفحتنا علم فرنسا و نغنّي لكندا
عشان استقبلت 17 لاجئ سوري , و نتكلم عن الامكانيات الجباره للجيش التركي و الأدء الراقي
لوزارة الخارجيه بتاعة بنجلاديش .
.
و لما الحرب تخلص
هنتجمّع بتاع 200 واحد كده و نعمل حوار مجتمعي في ميدان التحرير و نطالب بحقنا في حكم
مصر , و لازم واحده ست تمسك وزارة الدفاع زي أسبانيا , و لتكن جميله اسماعيل أو محمد
عطيه .
....................................................................................................................................
Mohamed
Hussein
14
ديسمبر 2015·
الفيس بوك
....... , فرض عين ولّا فرض كفايه ؟!
.
- لو كتبت بوست
مثلا و اتعمله 70 شير و جربت انا افتح ال ( شير ) ده عشان اشوف تعليقات اصدقاء الأصدقاء
عالبوست بتاعي , بكتشف حاجات مهمه , أغلب الشير بيكون مُزّين بكلمات المدح والأعجاب
( أشكركم جدا ) , بس احيانا بتفاجئ لما بفتح الشير ان عدد الأصدقاء اللي شايفهم أقل
من الرقم المكتوب عندي في الشير , مافهمتش الحكايه دي في الأول و بعدين بدأت اتخيل
, ناس بتعمل شير لبوستاتي من باب السخريه مثلا أو التدليل على رأي عبيد السيسي ( اللي
هو احنا ) , و الناس دي بتعمل أوبشن ان صاحب البوست مايشوفهوش , وماله , مش مهم , بعضهم
بينسى الأوبشن ده و بيسيب البوست و عليه تعليقه من نوعية ( لجان السيسي الالكترونيه
بدأت تشتغل ) , اللي هو انا برضه , الممولين عبيد البياده ( أنا يعني ) , الأمنجيه
, و خلافه , مش مهم خالص .
.
- كل ما بدخل على
الياهو بلاقي ايملين تلاته بيقولو , حاول أحدهم الوصول لحسابك عالفيس بوك , حاول أحدهم
طلب كلمة سر جديده لحساب الفيس بوك , بس ماتقلقش خالص , لو ماكنتش انت اللي طلببت كلمة
السر دي قول لنا و احنا هنتصرف ؟ أه مش انا و عهد الله , طب يا سيدي ماتقلقش , اعتبر
ان مفيش حاجه حصلت و اللي اتكسر هيتصلح , متشكرين يا ادارة ياهو , تعالو اشربو شاي
بقى .
.
مممممممممممم يعني
أنا ممول و أمنجي و لجنه الكترونيه , بس عايزين تخترقو الاكاونت بتاعي ؟! طيب عليا
بايه وجع القلب ده ؟ مابلاها سياسه و حال البلد اللي في خطر و المؤمره وكلاب السكك
, و نتكلم عن نفخ الشفايف او ننزل بوستات أذكار و أدعية من بتاعة مصطفى حسني أو أنزل
صور كيم كارديشان , في الحاله دي لا هلاقي شتيمه ولا بلوكات و لا حد هيفكر يعمل هاكر
لحسابي .
.
انما لا , مش هينفع
والله , عشان الفيس بوك بقى فرض عين علينا كلنا , في التوقيت ده تحديدا , مواقع التواصل
الاجتماعي مسئوله عن تلتين الحروب الحاليه و تلتين الخراب اللي ممكن يحصل .
.
لما واحد زي عاصم
عبد الماجد الإرهابي الكلب اللي هربان في قطر يكون عنده اكاونت و بيحرض الناس عالنزول
تحت مسمى ( انتصار يناير الحتمي ) و انا مش عارف ايه علاقه عاصم عبد الماجد بيناير
الصراحه ( بس الكولجيه اكيد يقدرو يكلمونا عن رفقاء الميدان ) , و لما واحد يعلق عند
عاصم عبد الماجد و يقوله ( انت جبان و هربان في قطر ) و يرد عبد الماجد ( احنا مش جبانات
و ابقى اسأل السادات لما تحصله !! ) , يبقى اعتراف للمره الألف من قتلة السادات بجريمتهم
و اعتراف بإن الإرهابيين مستنيين فرصه عشان يركبو الكولجيه من تاني , و يخربو حته في
مصر , بس على مين ؟ عندنا رجاله جنود عالحدود و عندنا شعب في الشوارع , و احنا هنا
دورنا مهم , ممكن نكون خط الدفاع الأول .
.
أصدقائي الأعزاء
, محدش يشتكي , خليكو دايما جاهزين لكلاب السكك .
...............................................................................................................................
Mohamed
Hussein
13
ديسمبر 2015·
على سبيل الإعتراف
.
أنا مدمن جوافه
, أه و الله جوافه , و لمون مخلل , و الحكومه لازم تعالجني من الموضوع ده , بالكو انتو
لو الموساد الإسرائيلي حب يجندني لحسابه ؟ فهو مش مضطر يبعت لي بنات و مزز ولا فلوس
و شكاير دولارات , يبعتو بس واحد منهم بقفص جوافه على كتفه تكون حبايته بيضا كده و
كبيره و ريحتها فايحه و برطمان لمون مخلل يكون شفاف عشان ابقى شايف اللمون جواه , ساعتها
ممكن أعمل أي حاجه و أسرّب كل المعلومات اللي تحت إيدي .
.
هقولكو على معلومه
يا موساد أهو و اعتبروها عربون محبه لحد ماتجهزو قفص الجوافه و برطمان اللمون , كلام
في سركو يعني , الإخوان ناويين يحاربوكو و يحررو القدس , بيخططو للموضوع ده من 84 سنه
, هما بس يخلصو كوباية الشاي اللي بيشربوها من 84 سنه دي و يركّزو معاكو , حاولو تكونو
مستعدين لهم , هيزحفو عليكو بالملايين و هما لابسين الشال الفلسطيني و بيسمعو شرايط
الشيخ كشك و اغاني تحرير القدس , لازم تترعبو من الكوفيه و من شرايط كشك , انا نبهت
عليكو اهو , كوباية الشاي قرّبت تخلص على فكره , يعني بالكتير خمسين قولو تلتميت سنه
و الكوبايه تخلص .
.
ايه ؟ بتقولو ايه
؟ دول رجالتكو اللي بتربوهم و تعلفوهم من سنين ؟ يعني ايه ؟ معلومتي طلعت فستك ؟ يعني
مش هشتغل معاكو ؟ طب و الجوافه و اللمون ؟ طب هاتو حباية جوافه و لمونتين مخللين و
انا اقول لكو السلفيين ناويين يعملو فيكو ايه بعد ما يخلصو الدراسه بتاعتهم في موضوع
نكاح المخلوقات الفضائيه و حكم الدين في سماع صوت ( كُحّة ) المرأه لو كان صدرها و
العياذ بالله بيخرفش .
......................................................................................................................
Mohamed
Hussein
13
ديسمبر 2015·
الحمد لله , الحمد
لله , بعد أكتر من 1400 سنه من التعايش و الصداقه و الموده و النسب و بعد فك رموز حجر
رشيد , و بعد انهيار الاتحاد السوفيتي قدرت دار الإفتاء المصريه تتوصل لفتوى تبيح الصداقه
بين المسلم و المسيحي !! , مش عارف الفتوى دي هتنفع بأثر رجعي ( زي زيادة المعاشات
كده ) ولا محتاجين نكفّر عن ذنوب 1400 سنه فاتو ؟ طب تكفّر عنها ازاي ؟ هل مثلا نصوم
200 سنه ضوئيه متواصله ولّا نطعم سكان الصين ولّا نعتق رقبة أردوغان من اللي هيحصله
في المستقبل ؟! .
.
عزيزتي دار الإفتاء
المصريه , بصفتي مصري مسلم و غيور على ديني و كداهون , كنت عايز أسأل سؤالين تلاته
من باب سؤال أهل العلم و المتخصصين واتمنى ألاقي الإجابه قبل سنة 2500 عشان بعد كده
هكون مشغول , السؤال الأول : ما حكم الدين في المصاهره و النسب بين عيله أهلاويه و
عيله زملكاويه ؟ و ماهي الكفاّره في حالة وجود أطفال من هذه العلاقه ؟ السؤال التاني
: لو حصل و انا نايم و مش واخد بالي و الصباع الصغير بتاع رجلي اليمين لمس االصباع
الصغير بتاع رجلي الشمال فهل ده يعتبر تحرش ؟ خصوصا ان مفيش محرم بينهم , طب يعني مايشفعش
لهم انهم صباع صغير و صباع صغير يعني الاتنين صغيرين و لسه عيال ماوصلوش لسن الرشد
؟! .
...............................................................................................................................
Mohamed
Hussein
12
ديسمبر 2015·
يسري فوده
.
عارفين ؟ قمة النطاعه
و الوساخه و الخيانه هي دي :
.
إنك تشوف قناة
فضائيه بتشارك عمدا في خراب دول ( من أول العراق ) و بتمارس دورها باستمرار في التزييف
و الفبركه و التحريض على الحرق و القتل مره تحت اسم تحرير العراق من طاغيه و مرات تحت
اسم ثورات و ربيع عربي , دول خربت و مئات الألاف من البشر ماتو , و ملايين اتشردو
, و بترعى الإرهابيين و الخونه و تلمّعهم عندها , و بعدين ييجي كلب السرايا يزعل عشان
سامح شكري شال المايك بتاعهم رماه عالأرض !! .
.
مايك ايه و دبلوماسية
ايه خواجه ؟ انا مايكفنيش في الجزيره غير ضربها بصاروخ يجيب أجل كل الخونه و تجار الخراب
اللي فيها , بحق دم كل شهيد و دموع كل أم و زوجه .
.
و تحفظات ايه اللي
عندك على شغل الجزيره يا مولانا ؟ هههههههههههههه تحفظات ؟؟؟؟ عارف يا يسري يا فوده
انت مين بالظبط ؟ هقولهالك في ودنك عشان محدش يسمع , انت ( الراجل ) اللي لو واحد نط
جوه بيته و اغتصب مراته قدام عنيه و بعدين نشّف جسمه في الفوطه بتاعته هيزعل أوي عالفوطه
!! .
.
شوف ياخي حكمة
ربنا ؟ و من حُسن الطالع ان الناس تسمّيك : يسري فوطه .
....................................................................................................................
Mohamed
Hussein
12
ديسمبر 2015·
الساده الكولجيه
................ امنعو البيض
.
سامح شكري لما
رمى ميكروفون الجزيره كانت رساله بس ان القناه دي بحقارتها و اللي وراها تحت رجلينا
مش اكتر , لا قال انا بالحركه دي حليت مشكلة سد النهضه و لا قال انا كده ابقى وقفت
بناء السد , و طبعا مالهاش علاقه بتنمية الإنسان , الجمله اللي بتبيضو بيها كل شويه
....الساده الكولجيه امنعوووووو البيض .
.
سد النهضه لا هيتحل
بمفاوضات وزير الري ولا بمفاوضات وزير الخارجيه , لو جنابك ناوي تبيض تاني يبقى مش
هنا لو سمحت , السيسي عارف كده كويس و كل الحكايه في المفاوضات انه بيكسب وقت , السد
اللي اتخطط لبنائه من عشره خمستاشر سنه بفكره صهيونيه امريكيه ( عشان يخنقوك ) مش هيتوقف
بنائه بشوية مفاوضات , أه الحل عسكري او تهديد بيه , و المتضرر الأكبرمن الحل العسكري
هو السودان ( عشان الخرطوم هتغرق في الحاله دي ) , انما حل عسكري و دلوأتي تحديدا لأ
, يبقى فخ , حل عسكري و تطلع تقوله عالهوا كده وانت جامع شلّة بقر حواليك ؟ تبقى مرسي
البهلول , حل عسكري و انت فاهم انك ساعتها هتواجه اثيوبيا بس تبقى حمار .
.
بالمناسبه , مش
مشكله تبقى حمار , ياما حمير كتير و عايشين زي الفل , انما حاول ماتبقاش حمار أوي
, الحمار أوي بقى هو اللي بيشير دلوأتي بوستات و فيديوهات عن امكانيات اثيوبيا العسكريه
الجبّاره و ازاي ان مصر ماتقدرش عليها !! , اثيوبيا يا حاج ؟ اثيوبيا يا مولانا ؟ ههههههههههههههههههه
طب عايز اقولك حاجه و لّا اقولك بلاش , والله مانا قايل , خليها بالليل عشان متوضي
.
.........................................................................................................................
Mohamed
Hussein
12
ديسمبر 2015·
وزير الخارجيه
المصري سامح شكري بيرمي ميكروفون الجزيره في اجتماع سد النهضه في الخرطوم !! .
يارب عقبال مانسمع
خبر عن صواريخ من طائره عسكريه مجهوله بتدك مبنى قناة الجزيره في الدوحه على دماغ الخواجات
اللي فيه , و نقول المجد للطائره المجهوله و تسلم الأيادي .
................................................................................................................................
Mohamed
Hussein
12
ديسمبر 2015·
أقترح 10 أسماء
للتعيين في البرلمان .
.
1- محمود الخطيب
.
2- حازم إمام
( الكبير ) ........... و الاتنين دول يترشحو على لجنة الشباب و الرياضه .
.
3- عمرو موسى
............ و ساعتها اتمنى يتم ( انتخابه ) رئيسا للبرلمان ( حد يقول للبرادعي السلطه
التنفيذيه الفاشيه و المقليه مش بتعين رئيس للسلطه التشريعيه ) .
.
4- عمرو حمزاوي
( هيرفض طبعا و يطلع جري يكتب مقاله بعنوان ( الإختيارات السلطويه و ديماجوجية طائر
البطريق ) و أثرها على خارطة الطريق و عضلة السمّانه بتاعة منه شلبي .
.
5- هاله شكرالله
( هترفض طبعا عشان هتحط في ذهنها رد فعل صغار الكولجيه و هجمات أسراب السلطعون المتكرره
على بيض القريدس ) .
.
6- الفنان نبيل
الحلفاوي
.
7- الفنان يحيى
الفخراني .
.
8- ابراهيم عيسى
( هيرفض غالبا بعد ما يفكر شويه و يشد أستيك القميص مرتين ( و يلسعه ) .
.
9- الدكتور أسامه
الأزهري .
.
10- محمد حسين
( اللي هو انا ) , هرفض طبعا عشان فقري جدا و رغم وجود مئات من أعضاء البرلمان المحترمين
بس انا عارف حظي كويس , هصطبح كل يوم الصبح بوش توفيق عكاشه و ابتسامة مصطفى بكري اللزجه
.
..................................................................................................................
Mohamed
Hussein
11
ديسمبر 2015·
يا برادعي
.
ياسمين معالي
, ناشطه سياسيه من بتوع الإختفاء القسري , طلعت نصابه و هربت على لندن بفلوس الناس
( 5 مليون جنيه ) , و الواد معرفشي مين بتاع الإختفاء القسري طلع مع داعش في سوريا
, و كان فيه شاب عمره 16 سنه كده قاعد عالفيس بوك في بيتهم دافيان تحت البطانيه و بيشرب
سحلب اتفاجئ بصورته نازله في بوستات الاختفاء القسري بتاعة الخرفان و انه اتخطف من
تحت البيت , وقعد يصوت و يقول يا جدعان انا في بيتنا , ايه اللي جاب صورتي هنا ؟!
.
المهم بقى , و
هي عامله ايه دلوأتي ؟ يا جدع ذهنك راح فين بس , انا بقصد دماغك الألماظات دي اللي
سابقانا ب مليون سنه ضوئيه .
.........................................................................................................................
Mohamed
Hussein
11
ديسمبر 2015·
و من البانجو ما
قتل
.
و قعد الشباب مع
بعضهم في أوضه مقفوله مفهاش شبابيك و لا حتى ( طاقة نور ) , بدأو يشربو بانجو و يفكّرو
, و يشربو و يفكرو , لقو ان حكاية مرسي راجع دي مش نافعه , طب يعملو ايه يعملو ايه
؟ , أه صح , يشربو بانجو تاني و يفكرو تاني , لحد ما واحد فيهم نط في وسط دخانة البانجو
و قال وجدتها وجدتها , قالو له انت مين يا كابتن ؟ قالهم انا واحد منكو , كنت قاعد
جنبكو و الله بس نطيت دلوأتي حالا , شوفتوني وانا بنط النطه دي ؟ قالو له اه صح , افتكرناك
, انت كنت قاعد جنبنا من شويه , انت واحد مننا فعلا , يا راجل كنا فاكرينك مباحث .
.
طب قول لنا وجدت
ايه بقى ؟ قال لهم بصو , احنا نعمل صفحة بإسم الملك فاروق , و نطالب بعودة عرش مصر
للملك أحمد فؤاد , و بكده نبقى قضينا على حكم السيسي و انتقمنا من عبد الناصر و ثورته
في خبطه واحده و ناخد بالباقي لبان و مشط كبريت
.
قالو له برافو
, برافو , انت ماحصلتش انت هايل , بس قول لنا لو حكاية احمد فؤاد دي مانفعتش نعمل ايه
يا فالح ؟ ماحنا قعدنا سنتين نقول مرسي راجع و شربنا بانجو لحد ما نفسنا اتقطع , هنعمل
ايه بقى ؟ قال لهم استنو عليا شويه , هفكر تاني , هاتولي بانجو , عايز بانجو , ايوه
أيوه لقيت حل , احنا نشوف أي حد من أحفاد شجرة الدر يكون عايش , أو أقول لكو , أحسن
حل يكون حد من أحفاد كليوباترا , تعرفو حد من أحفاد كليوباترا و الورثه الشرعيين لسه
عايش ؟؟ قامو نطو كلهم من مكانهم و قالو في نفس واحد أيوووووووووووه , عارفين اتنين
من أحفاد الملكه كليوباترا و الورثه الشرعيين , سمو الأمير محجوب و سمو الأمير : عبد
العزيز السلاب .
............................................................................................................................
Mohamed
Hussein
11
ديسمبر 2015·
في الحرب لا تشتكي
من ألم الأسنان
.
الغواصه الألمانيه
209/1400 , أحدث قطعه في البحريه المصريه , حاملة الطائرات الميسترال , طائرات الرافال
, دبابات كذا و طيارات كذا , عملية تطوير لترسانة الأسلحه المصريه حصلت في أخر سنتين
, تقريبا ماحصلش زيها في أخر 20 سنه من حكم مبارك .
.
بالنسبه لصاحبك
إياه اللي بيسأل , ليه نشتري أسلحه متطوره زي دي و نصرف عليها مليارات , ما كنا نستفيد
بالفلوس دي في حاجه تانيه ؟ عايز أقوله , ان سؤالك في حد ذاته هو كفيل جدا اني أحمد
ربنا ألف مره إنكو ماحكمتوش مصر , و بإذن الله مش هتحكموها ( ولا هتشوفو كعب رجليها
) .
.
يعني سوريا على
صفيح ساخن , و سوريا مش بعيده عننا ( الجيش السوري هو جيش مصر الأول ) , و الوضع في
اليمن و مضيق باب المندب ماحصلش قبل كده , و الدواعش اللي بيهربو من سوريا بييجو ليبيا
( على حدودك الغربيه ) و سد النهضه , و هرتلة البشير , و تهديدات غربيه و أمريكيه معلنه
بتحريض من الخرفان ( اللي راكبينكو ) , و احتماليه شن هجوم على مصر في أي لحظه تحت
أي داعي ( مثلا تحت داعي محاربة الإرهاب في سينا ) , ده طبعا في حالة ان امريكا و حلف
الشيطان فشلو تماما في كسر مصر بإيديكو انتو و اللي راكبينكو
.
طب في الوقت ده
تحديدا و في الحاله دي نصرف الفلوس على ايه ؟ تصدقو معاكو حق , كان المفروض اشترينا
بالفلوس دي كتب محمود درويش و شرايط فيروز و قعدنا في البلكونه نتصور و احنا بنشرب
قهوه ( عشان العمق النفسي و الوجداني و البُعد الباعد ) و بعدين نعمل حوار مجتمعي على
صوت فيروز و نعلن بعده اننا فوضنا جميله اسماعيل بمنصب وزير الدفاع !! .
.
عزيزي الكولجي
الممحون , هلّا أخبركَ شيئاً , قِفْ على ناصية الحلم , و استنى يا معلم شويه جنب أي
عمود كهربا , جايز ييجي خواجه أو ثري عربي راكب لاندكروز و يقولك : تعالى و مش هنختلف
!!.
.
البانجو اللي فتّح
في شوارع مصر .
.........................................................................................................................
ليست هناك تعليقات:
إرسال تعليق