هي
.
بت جدعه و مجنونه
, عندها لدغه في لسانها و لسعه في عقلها , و الإتنين بيخلّو جمالها الطاق طاقين , حاجه
كده زي الشامه عالجبين أو زي الغمازات عالخد أو زي ما تقول قول !! .
.
لما بتفرد دراعاتها
وتشبكهم بيبقو فرعين شجر أخضر وشبكو عشان يضللو عليك , روحها شفافه زي صفحة ماية عازبه
ماوصلهاش انسان , و لما بتمشي الخير بيتشعلق في توبها كأنها أمه اللي والداه , و الشر
( بِعْد الشر بِعْد الشر ) ماتعرفوش .
.
لما تحب مش بتنطق
ولا بتتكلم بس عنيها بتقول و تحكي , و أوّل هديه هتقدمهالك هي روحها في علبه قطيفه
.
.
ماعرفشي اسم النبي
بتاعها ايه ؟ عشان ماعرفش اسم الكوكب اللي جايه منه .
في الوصف هرمي
القلم ... واعْند و مش كاتب ........................ لا كنت يوم فنّان ... شاعر ولا
كاتب .............. واللوم عليها يكون ..جمالها هو السبب ...ظالم و يتعاتب !!
...................................................................................................................
ليست هناك تعليقات:
إرسال تعليق