Mohamed
Hussein
13
نوفمبر 2014·
انتحار زينب المهدي
!! ........ممممممممم ربنا يرحمها و يرحم أمواتنا جميعا , يا جدع بقولك زينب المهدي
انتحرت , ممممممم يا عم وانا بقولك ألف رحمه و نور عليها وربنا يصبر أهلها .
يا أخي الكريم
زينب المهدي انتحرت , مممممممممم يا أخي الكريم لله ما أعطى و لله ما أخذ .
يا سيدي بس زينب
المهدي انتحرت بسبب الظلم و الفساد والفاشيه و الديكتاتوريه إلخ إلخ إلخ , مممممممممممممم
غور ياض يلعن ***** أمك ابن مره **** و بتتاجر في الموت زيك زي كلاب الإخوان و الجزيره
.
.......................................................................................................................................
Mohamed
Hussein
13
نوفمبر 2014·
استشهاد 5 جنود
في رفح والشيخ زويد , تفجير في محطة مترو , وامبارح هجوم على لانشات بحريه مصريه ,
إرهاب في البحر والبر , مش محتاجه فكاكه عشان تعرف ان وراه دول و جيوش , مصر في حالة
حرب حقيقيه , أصعب بكتير من أي حرب خاضتها قبل كده , عشان عدوك بقى بره و جوه , أي
كلام عن ديموقراطيه و حقوق زفت و هري عن المصالحه في الوقت ده يبقى له اسم واحد بس
, اسمه ( خيانه ) .
حتى الصمت نفسه
خيانه .
.
اللي مش معترف
بالحرب اللي بتخضوها مصر حاليا , واللي بيسخر من دم الجنود و اللي بيسخر من جيش مصر
واللي شمتان واللي فرحان بالهجوم على جنودنا و اللي ساكت عن الحق يتفضل مشكورا , مهما
كان اسمه أو وصفه , مهما كانت صلتي بيه , مش عايز خونه في صفحتي , ده حقي الديموقراطي
على فكره .
.......................................................................................................................................
Mohamed
Hussein
13
نوفمبر 2014·
لو فاكر إن الحكايه
جهل و نسبة أميه عاليه عندنا وبس تبقى انت البعيد حمار , الجهل و الأميه و التخلف هما
طرف واحد من طرفي المقص اللي اسمه الإرهاب .
الطرف التاني اسمه
فلوس و تخطيط دول و سلاح , الجاهل و المتخلف بيبقو مجرد المطيّه اللي بتتركب مش اكتر
.
.
في جيبوتي و موريتانيا
و الكويت و المغرب و تونس والسودان و كل الدول العربيه فيها نسبة جهل و أميه معتبره
بس مفهاش إرهاب زي اللي عندنا , ولو حد قالك إن الدول العربيه دي فيها أنظمة حكم ديموقراطيه
وفيها حريه و كداهون اضربه بالشبشب على دماغه .
.
انت المقصود ,
يارب تفهم , إنت الكبير الوحيد اللي باقي ( بعد سوريا والعراق ) , بص عالخريطه يا حمار
و بطّل تقرى في كتب مُقعره مالهاش أي لازمه ( ده اللي مايشوفشي من الغربال يبقى أعمى
) .
.
و يوم ما تتصالح
مع الإرهاب تبقى سلّمت له نفسك تسليم أهالي , عالمفتاح يعني , و بعد كده لما تاخد قرار
مايعجبوش يقلبها عليك دم تاني ( ماهو عارف الطريق ) و عارف إيدك اللي بتوجعك فين ,
مفيش قدامنا حل غير المواجهه , أهي حرب و اتفرضت علينا فرض , يا نبقى ولاد الرجاله
اللي حاربو قبل كده يا نبقى ولاد الخواجات ........... #هنحارب
.......................................................................................................................................
Mohamed
Hussein
12
نوفمبر 2014 ·
عن حادثة القوات
البحريه
.
بطريقة ( بما أنَّ
..إذاً .. وهو المطلوب اثباته ) , بحسبة عقل بسيطه يعني :
.
الخبر بيقول اشتباكات
بين القوات البحريه المصريه و بلنصات مجهوله , وفي التفاصيل القبض على 20 من منفذي
الهجوم و تدمير البلنصات التلاته , وفيه كلام عن جرحى واحتمال شهداء في صفوف القوات
البحريه .
.
طب مين المجهولين
دول ؟!!............تعالى نفكر سوا : طبعا فيه احتمال يكونو شوية مهربين أو صيادين
لكن ده احتمال ضعيف , طب نفكّر تاني :
.
..........الحادثه
حصلت بعد ايام قليله أوي من الإجتماع الثلاثي بتاع مصر واليونان و قبرص , الإجتماع
كان فيه تضييق الخناق على تركيا خصوصا في المجال البحري ...............دي رقم 1.
.
امريكا واسرائيل
لهم سنين طويله لما يحبو يضربونا مش بيستخدمو عساكرهم ( مش بيشتغلو بإديهم يعني )
, وليه يتعبو نفسهم ؟ ماحنا عندنا جماعات اسلاميه لمّت كل العواطليه والجهله و الحمير
في مصر و دول تحركهم بإيدك كده زي قطع الشطرنج ( و الشهداء لهم الجنه يعني البارادايز
) , و امريكا والصهاينه يتفرجو من بعيد و يدعمو بالسلاح و لا من شاف و لا من دري.........
دي رقم 2 .
.......................................................................................................................................
Mohamed
Hussein
12
نوفمبر 2014·
إدعو لأخيكم (
حزب النور السلفي ) فإنه الأن في مرحلة الشلوت و النفخ !!.
.
عبد الفتاح السيسي
ده بتاع مخابرات مش بتاع بليله يا ولاد الصرمه , ولا انتو فاكرينه هينضحك عليه بالدقن
التايواني بتاعتكو ؟ ماهو عارف أنكو شوية زلنطحيه بتاكلو على كل الموائد و المتغطّي
بيكو عريان .
....................
..............
ما تقوم تتطمن على سبحتك يا معلم ؟ , شابوه يابه الحاج عبد الفتاح , #بشجع
#اللعبه
#الحلوه
.
.
نفس الحمير بتوع
الجماعات الإرهابيه دول موجودين في حماس , برضه متعبّيين جامد و دماغهم متفرمته و زي
الفل ( يعني من النوع الحصاوي برضه ) , و تركيا بالتأكيد من كتر تعاونها العسكري مع
الصهاينه و الأمريكان ( نايمين في حضن بعض ) فأكيد بتفكر بنفس أم العقليه الجبانه دي
, اللي مابتجرؤش إنها تواجه برجالتها ( ده لو عندها رجاله ) ............ دي رقم
3.
.
طيب لو التحقيقات
مع المعتقلين المجهولين قالت انهم من جنسية عربيه , يبقى وانا مغمض كده اقولك : حمساويين
بتدبير تركي .
................
و طول ما فيه جبانات
في تركيا و امريكا والكيان الصهيوني , وطول ماحنا عندنا جماعات اسلاميه قصدي جماعات
( حصاوي) هتفضل مصر في حالة حرب مع الإرهاب , دي حرب يا مولانا حرب مش لعبه , لا ينفع
نشتكي فيها من حقوق إنسان و لا ينفع في الحرب تشتكي من ألم الأسنان .
.......................................................................................................................................
Mohamed
Hussein
12
نوفمبر 2014·
من يومين اتفرجت
على حلقه لخالد صلاح ( مش بطيقه يا بيه ) بس هي الصدفه البحته خلتني أشوفه , المهم
مولانا خالد صلاح جايب فيديو لفرح في الصعيد و اللهم صل عالنبي , كمية سلاح و ذخيره
تكفي لتسليح الجيش السوداني .
مدافع رشاشه و
امشاط ذخيره تتقاس بالمتر ( زي الممبار اللي بيتباع في المحلات في شارع عين شمس )
.
المهم بقى لما
شوفت الفيديو جه في بالي سؤال , طب معالي وزير الداخليه مش فاضي و مشغول لشوشته في
صوانات العزا , أومال السيد مدير الأمن فين ؟ ما الخيبه لا يكون معزوم في الفرح ده
وقاعد في الأوبن بوفيه !!.
.
الحاجه التانيه
بقى اللي لفتت انتباهي في الفيديو و بعيد عن صوانات وزير الداخليه و محاشي و مخاصي
مدير الأمن , يتهيألي كده عيلة العريس اللي بيتجوز ده لو غضبت و اتنرفزت ممكن في ظرف
ساعتين تحتل قطر !! .
.......................................................................................................................................
Mohamed
Hussein
11
نوفمبر 2014·
معركة هلاميه لزجه
بين محمود بدر و حزب النور .
.
هو ما ينفعش يا
جدعان ابقى مؤمن جدا بثوره يناير و مش طايق أحمد ماهر و أسماء محفوظ ؟ و ماينفعش أبقى
مؤمن جدا بثورة يونيو و ابقى مش طايق محمود بدر ؟
.
و لّا انا عشان
أبقى مؤمن بيناير لازم أعمل تمثال لأحمد ماهر و اعبده و أي حاجه تقولها اسماء محفوظ
أقول أمين ؟ و عشان أبقى مؤمن ب 30 يونيو لازم أعتبر محمود بدر زعيم سياسي و محنك و
كداهون ؟!.
.
اللي قبلنا قالو
( عدو عاقل خيرٌ من صديق جاهل ) و انا بقى شايف ان معركة محمود بدر مع حزب النور هي
معركه بين صديق جاهل و عدو حمار !!.
.................................................................................................................................
Mohamed
Hussein
11
نوفمبر 2014·
و لو عايز يعني
تفهم السياسه الأمريكيه باختصار شديد ممكن تفهمها من الخبر ده
.
الخارجيه الأمريكيه
تعقيبا على دعوة أنصار بيت المقدس للتحالف مع داعش : نشعر بالقلق !!.
و هي الحكايه كده
باختصار , بص , أنا هبسطهالك , إحنا نصنع تنظيم اسمه بيت المقدس و نمده بالسلاح و الفلوس
, و نصنع تنظيم داعش و نديله اللي هو عايزه ولما واحد فيهم يستنجد بالتاني نقوم احنا
بقى نعمل إيه ؟ نقول إننا بنشعر بالقلق طبعا , دي سهله خالص أهي .
.
ما بيصعبش عليا
أد الكولجي اللي لسه شايف أمريكا دي سو كيوت و بتاعة حقوق إنسان وتلاقيه اتحمق كده
و عروقه بانت وقالك : شوفت بقى ؟ أهي أمريكا بتشعر بالقلق من تحالف بيت المقدس مع داعش
!! .
.......................................................................................................................................
Mohamed
Hussein
11
نوفمبر 2014·
الله عليا , الله
يفتح عليك يا محمد ( اللي هو أنا ) , لما بدأت زيارة قادة اليونان وقبرص لمصر سمعت
الناس بتهري كالعاده , الخرفان ( و مَنْ والاهم ) اللي مسلّمين دماغهم ( و أجزاء أخرى
من جسمهم ) للجزيره و شبكة رصد قالو : إوعى يا جدع , حوش يا جدع , السيسي بتاع الإنقلاب
هيبيع مايتنا الإقليميه لليونان و قبرص !! ............ و انا عشان مابتفرجش على تلفزيون
و لا بقرا جرايد بعرف أقرا الأخبار صح , الحكايه لا فيها مايه ولا جراكن فاضيه هنعبيها
من هنا ولا من هنا , الحكايه كلها رساله أو قلم محترم على خدود أردوغان الملظلظه.
.
مين قال الجنرالات
مش بيفهمو في السياسه ؟ ما هي دي السياسه يا فكيك , لما جارتك تفتكر نفسها مزّه أوي
و تكلمك من طراطيف مناخيرها و ماتردّش حتى السلام تقوم انت تعمل ايه بقى ؟ تروح تجيب
اتنين بنات مزز بجد و تكون جارتك دي مش بتطيقهم و بينها وبينهم مشاكل لرب السما , و
تتعمد تطلع بالمزتين قدام جارتك و تسيب البيبان والشبابيك مفتوحين و تسهرو طول الليل
و هاتك يا ضحك و قهقهه , و تصبر على جارتك ( التنكه ) دي يومين , بعد كده انزل عالسلم
و ماتقولشي صباح الخير , هتلاقيها بتنادي عليك و بتقولك : هو حضرتك مابتقولش صباح الخير
ليه ؟ ده حتى الجيران لبعضيها , هو حضرتك زعلان مني في حاجه ؟!! .
.
السياسه أحيانا
بتضطرك لحكاية ( عض الإصبع ) دي , كل واحد يحط صوابعه في بؤ التاني و يعض بسنانه و
الراجل اللي ما يقولشي ( أي ) !! , إنما لو حضرتك كمجتمع لا مؤاخذه مدني يعني فاهم
إن السياسه هي إني أشوف أردوغان عامل ( أردوغانه ) علينا فنقوم احنا نروح له و نتحايل
عليه و نحبّ على إديه و نقول له والنبي ترضى عننا يابه الحاج فدي حضرتك بيسموها في
علم السياسه و علم النفس و الإجتماع ( سياسة أم ترتر !! ) .
.......................................................................................................................................
Mohamed
Hussein
10
نوفمبر 2014·
و قالك هنعمل ثوره
إسلاميه !! , اللي هي ايه الثوره الإسلاميه دي يا مولانا , أكيد تقصد هنطبق الشريعه
و البؤ الحمضان ده صح ؟ بس احنا مطبقين الشريعه فعلا يا مولانا , و لّا فضيلتك تقصد
نطبقها تاني و تبقى ( متطبقه تانيتين ) يعني و نحطها في جيب البنطلون الوراني جنب المحفظه
والمطوه و حتة الحشيش ؟ واهي تبقى ورقه معانا , إذ ربما اختلف الإخوان مع السلفيين
بعد كده و خصوصا انهم مكفرين بعض من زمان , أو الجهاديين وقعو في الجامعات الإسلاميه
نعمل ايه وقتها بقى ؟ يبقى الورقه المتطبقه دي في جيبنا وساعتها نحتكم لحد ( تقي )
بره خالص , مثلا زعيم شباب الجاهدين في الصومال أو زعيم داعش ولا حتى نستحضر روح اسامه
بن لادن و نسأله مين صح ؟ وجهة نظر تحترم برضه .
.
و لّا يكونشي فضيلتك
تقصد بالثوره الإسلاميه تحرير القدس هههههههههههه أصلي عارف البؤ بتاع تحرير القدس
ده برضه , بتقولوه من 60 سنه , و دي نحررها إزاي يا مولانا ؟ أنا أقولك , لا أبدا
, والله عليا انا الطلعه دي , إحنا نعمل أغاني كتير و تواشيح عن تحرير القدس و نلبس
كلنا كوفيات وتي شيرتات مكتوب عليها ( القدس في القلب يا ولاد *** الكلب ) و نسمي عيالنا
قدس قدس قدس , و نجهّز بقى الشباب للجهاد عشان تحرير القدس و كداهون و نجيب لهم السلاح
من أمريكا ( أومال يعني هنجيبه من العتبه ؟ ) و يطلع شبابنا المجاهد ده عشان يحرر القدس
, وفي الطريق يفوت على ألف عسكري مصري و يقتلوهم و هما واقفين خدمه عادي , وبعد ما
يقتلو الألف عسكري يحسو إنهم تعبو بقى فيرجعو تاني و هكذا ............. برضه وجهة
نظر و فكره تحترم .
؟
و طبعا هتاخدو
المناضل علاء عبد الفتاح معاكو ؟ أهه ؟ بس ده ما بيصلّيش ولا بيركعها يا مولانا ؟
, مممممممممممممم يعني هي أمريكا اللي مقطّعه حُصر الجامع ؟!!.
.....................................................................................................................................
Mohamed
Hussein
10
نوفمبر 2014·
في الكمين و الظابط
عمّال يفتش العربيات و يكشف عن البطايق , جاله عسكري وقاله بصوت واطي ( اللوا فلان
الفلاني وصل يا باشا ) , بصيت أنا على العربيه اللي جت لقيت اللوا قاعد فعلا , اللوا
وقّع على كشف ( تقريبا كشف التفتيش ) و مشي , أنا ركزت شويه في العربيه , العربيه دي
بالكتير تبقى موديل التمانينات , يعني حضرت أسامه عرابي و فوازير نيللي من أول حلقه
!!.
.
طب الداخليه بتودّي
ميزانيتها المتلتله دي فين ؟ لما لوا و المفروض انه رتبه كبيره و مستهدف بشكل ما يركب
عربيه بتعطل أكتر ما بتمشي ؟ يعني الراجل ينزل يفتّش على الطرق و يشوف العربيات العطلانه
اللي قافله الطريق تقوم عربيته تعطل و فجأه نلاقي سواقين ميكروباسات و تكاتك نازلين
يزقّو عربية اللوا ؟ احنا هنزق زقه يا باشا وانت تنتش على طول !! .
.
يا ريس العربيه
دي و في أيام ارهاب و زفت فهي مش محتاجه قنبله عشان تنفجر , إنت بس تسيبها ساعتين دايره
و واقفه في الشمس و هي هتسخن و تنفجر لوحدها و السر الإلهي يطلع منها !!.
.......................................................................................................................................
Mohamed
Hussein
10
نوفمبر 2014·
كنت في مشوار طويل
امبارح و اتفتشت 3 مرات , تفتيش كامل للعربيه , في الرايحه والجايه , كماين وناس واقفه
في عز البرد , محدش قلّ أدبه علينا و لا استظرف ولا حتى مد إيده !! , ظابط منهم قالي
هات بطاقتك دقيقه واحده اديتهاله , رجع ابتسم وقالي عليك محضر سرقة تيار كهربائي ,
قلت له يعني أنا كده بقيت حرامي كهربا ؟ انا اعرف الواحد يبقى حرامي غسيل حرامي مواشي
لكن حرامي كهربا دي جديده , عموما مش انا حتى فتّشني فتش , و ضحك و مشيت .
.
بلدنا بتتغير
, وانا يعني تقدر تقول من ( المتخلفين عقليا ) , اللي مش مثقفين , اللي بيفرحو بمنظر
التأمين و بيحسو لما بلدنا يكون فيها تغيير , اتفتشت و وقفت 3 مرات واتعطّلت كتير مع
اني ماكنتش نايم بس مش مهم , الناس بتشتغل يبقو على راسي .
.......................................................................................................................................
Mohamed
Hussein
9
نوفمبر 2014·
الحب هو :
.
أروح لها البلد
و أوّل ما تشوفني تقولي أنا طلّعت دكر بط من ( الفليزر ) و طبخته لما قلت لي انك جاي
في الطريق و عملت لك ( الزبانخ ) اللي بتحبه , هتتغدى الأول و لّا أعملك كوباية ( لايسون
) عشان صوتك اللي رايح ده ؟ .
.
أيوه , الحب هو
( الفليزر و الزبانخ و اللايسون ) ,.............. الحب هو أمي .
..................................................................................................................................
Mohamed
Hussein
8
نوفمبر 2014·
وطني العزيز
............... بعد التحيه
.
و نعلمكم بأن العيال
اللي هما الورد اللي فتّح في جناين مصر , كانو نازلين ضد نظام فاسد و ابن صرمه , قالو
نغيّر أم العتبه دي بقى , زهقنا من خلقة فتحي سرور و زكريا عزمي والأشكال الضاله دي
, يعني باختصار نغيّر ( العفشه ) و ندهن الحيطان بلون جديد و نعمل شوية إضاءه ( نور
يعني ) , أصل الدنيا كانت ضلّمت علينا أوي !! .
.
إنما بعد شويه
كده الحكايه فرطت من إيديهم أوي , وانا فايت من كام يوم لقيتهم ماسكين شواكيش و بيهدّو
في حيطان البيت , ناديت عليهم و سألتهم : بتعملو إيه يا شباب ؟ قالو هنهد البيت و نبنيه
من جديد عالطراز الغربي , الوستيرن يعني يا وطني , قلت لهم بس البيت ده عمره 10 ألاف
سنه ؟ فات عليه حروب و زلازل و اعاصير و ماتهزّش ؟ قالو أصلنا عايزين نعمل ( فاسقيه
) قدام البيت الجديد و نشتري كيتشن ماشين و نعمل مطبخ بالنظام الأمريكاني , قلت أه
عارفه الأمريكاني ده , اللي الست تبقى واقفه في المطبخ بالبيجاما و بتشوي فراخ و شايفه
الضيوف و هاي وباي و كده , ورائحة الشواء تفوح في المكان ( ترجمه معامل أنيس عبيد
) .
.
أيا وطني , و بس
كده , هي دي كل الحكايه باختصار , سلامي بقى لأجدادنا اللي بنو الأهرامات و السد العالي
و اللي حفرو القناه و سلامي لجيشها و جنودها اللي دخلو حروب أكتر من عدد سكان قطر
( اللي هي رمز الحريه عند ولاد الوارمه ) , أه نسيت أقولك حاجه يا وطني , العيال لما
فرطت منهم أوي بقو يقولو على أجدادنا ( أجيال عره ) و على جيشنا ( جيش نوال ) .
.
على أي حال أدينا
وراهم و بنحاول نفهّمهم , ولو مافهموش يتنفخو مفيش مشكله , أصل عقد الملكيه بتاع البيت
ده بيقول لكل مواطن حصه في البيت و الأرض ( على المشاع ) و ماينفعش كام ألف يهدو بيت
ساكنه 80 مليون .
....................................................................................................................................
Mohamed
Hussein
8
نوفمبر 2014·
الهبله لما تخلّف
هتجيب ايه ؟
.
الإخوان بيقولو
إن اجتماع السيسي مع رؤساء قبرص و اليونان معمول عشان السيسي يتنازل عن جزء من المياه
الإقليميه المصريه لقبرص و اليونان !! .
.
أه يا عم بنبيع
مايتنا الإقليميه عشان نحسّن دخلنا ( و ممكن نبيع الطحال بتاع مصر لفرنسا عادي يعني
) , ايه المشكله ؟ هنبيع شوية مايه مايجراش حاجه , و الدليل هتلاقي رؤساء قبرص و اليونان
جايبين جراكن فاضيه معاهم , قصدي ( جراكل ) فاضيه !! .
.
ييجي واحد بقى
من بتوع حقوق الإنسان يكلمني عن حق الإخوان في التعليم و المدينه الجامعيه والليله
السوده دي , ياخي ملعون أبوه التعليم اللي يخرّج ناس بالعقول دي , الطباشيره اللي الحكومه
بتدفع تمنها 10 قروش خساره فيهم .
.......................................................................................................................................
Mohamed
Hussein
7
نوفمبر 2014·
أنا كنت عايز أعمل
إيه ؟ أه افتكرت انا فتحت الفيس عشان اكتب بوست عن سوّاق ميكروباس بيحكي لمراته عن
الأحداث اللي حصلت في يومه , فكره حلوه و جت على بالي جايز تختصر حاجات مهمه .
هكتب أهو , بس
استنو
لمار ( 4 سنين
) : بابا لبّسني الشورت ده
أنا : خلي ماما
تلبّسهولك
لمار : لأ عايزاك
انت تلبسهولي
أنا : حاضر يا
لمار بس استني دقايق .
هكتب البوست بقى
, السواق رجع بالليل و فتح الباب , قعد عالكنبه
لوجي : بابا مش
هتنزل تجيب لي الطلب اللي قلت لك عليه ؟
أنا : حاضر يا
لوجي بس اصبري
لوجي : بابا انت
بقالك ساعه بتقولي اصبري
أنا : حاضر يا
حبيبتي هكتب حاجه بس و أقوم
أه افتكرت , و
بدأ السواق اللي اسمه حوده يحكي عن مغامراته للست حرمه
مراتي : الراجل
بتاع البهارات هيقفل
أنا : حاضر هنزل
اهو
مراتي : و مش كنت
بتقول عايز تحلق شعرك ؟ الحلاق هيقفل برضه
أنا طب دقايق بس
لمار : بابا انا
هفضل واقفه كده
أنا : حاضر يا
لمار استني ثواني
اه كنا بنقول ايه
بقى ؟.
.......................................................................................................................................
Mohamed
Hussein
7
نوفمبر 2014·
ياااااااااه ,
أخيرا الشيخ طلع على المنبر و خطب عن المخدرات والسواقه و قتل النفس !! ........ ألف
حمد الله على سلامتك يا مولانا .
خطبه عن المخدرات
و قتل النفس بعد 5 الاف خطبه عن الثعبان الأقراع و عذاب القبر و هتروحو النار يا كفره
.
.
كان رأيي كده من
زمان , الشيخ ده ابن بيئته , ابن مجتمعه , ابن عصره , المفروض يتكلم عن مشاكلنا و مصايبنا
مش يعيش في غيبوبه , يعني يكلمنا عن الرشوه والفساد و المحسوبيه , يتكلم عن البطاله
, عن التعليم , يدعو الناس لإتقان العمل , يتكلم عن احترام قواعد المرور , يقول السواقه
عكس السير كبيره من الكبائر عشان ده شروع في القتل .
.
تعبنا يا مولانا
من قصص الصالحين الهلاميه , والرجل الصالح اللي كان عنده معزه وعايش في مغاره معزوله
وبعدين صحي من النوم لقى نفسه ياكل بيض مقلي فعشان هو صالح أوي المعزه قالت له ولا
تزعل , أنا صحيح بولد مش ببيض بس هبيض النهارده عشان خاطرك !!.
.
عموما اعتقادي
إن الحكايه أخرها اسبوع , و بعدين الكل يرجع لقواعده سالما , الشيخ يتكلم عن قصص الصالحين
و المعزه اللي بتبيض و رأي الدين في باروكة صابرين و القسيس يتكلم عن الراجل القديس
اللي بيطير و هو نايم و يفرد جناحاته كداهو , و برامج التوك شو تتكلم عن الواد ابن
احمد عز و زينه و يا ترى الواد ده ابن مين ؟ , إبحث بقى مع الشرطه .
.
ماهو التخلف و
الجهل و الإرهاب اللي احنا فيه وراه بالتأكيد مسئول فاسد و شيخ و قسيس واخدين الحكايه
مسابقه بينهم في الهطل والبهلله , و مذيع بياكل عيش .
....................
كلمة أخيره عايز
أقولها للمسئول والشيخ و القسيس و المذيع و مدرس الدين : إذا لم تستح فاصنع ما شئت
.
.......................................................................................................................................
Mohamed
Hussein
7
نوفمبر 2014·
و لما عرفت امريكا
إن الدين هو أفيون الشعوب فعلا , و خصوصا شعوبنا الشرق أوسطيه , قالت سهله بقى الحكايه
, تاهت ولقيناها , و على طريقة ( داوني بالتي كانت هي الداء ) قررت أمريكا إنها تمشي
في طريق العلمانيه بصفه تدريجيه و في نفس الوقت قررت إنها تدعم تجارة الأفيون عندنا
!! , إخوان على سلفيين عل داعش على حماس على شباب المجاهدين على هباب البرك , شوفت
عندنا كام نوع أفيون في وطنا العربي ؟ .
.
و لّا انت فاكر
إن جماعه بتتحارب من 80 سنه من كل الأنظمه اللي حكمت مصر تقريبا و فضلت عايشه كده بسبب
دعاء الوالدين ؟! و بتصرف مليارات عشان تعيش من تبرعات أهل الخير ؟! يعني مفيش دعم
سياسي خارجي ولا ضغط أمريكي عشان تعيش حتى اسألو مبارك و جورج دبليو بوش و كارتر و
مراكز حقوق اللامؤاخذه الإنسان .
.
خد بقى حتة الأفيونه
دي هتعجبك أوي و قوم اقتل اخوك , لو مت هتبقى شهيد , الشهداء يا ماي سَن لهم ال بارادايز
الأعلى .
......................................................................................................................................
ليست هناك تعليقات:
إرسال تعليق