Mohamed
Hussein
4 ديسمبر 2014
خبر بيقول إن العجز
في ( الموازنه العامه ) ل ( مصر ) في عام 2013/2014 بلغ اكتر من 300 مليار ( جنيه
) !! .
.
تعليق رقم واحد
( المواطن البسيط ) : يعني إيه الموازنه العامه ؟!
.
تعليق رقم اتنين
( المواطن المفحوت ) : يعني إيه جنيه ؟!
.
تعليق رقم تلاته
( المواطن الكولجي ) : يعني إيه مصر ؟!
.......................................................................................................................................
Mohamed
Hussein
4
ديسمبر 2014·
الست الخنيقه
.
.
إمبارح كتبت عن
اعتراف السيسي المتكرر بثورة 25 يناير و تعظيمه لها , دخل واحد من بتوع #عبث ( بعرفهم
من أول كلمه في التعليق ) و قال ماهو لولا ثورة يناير كان زمان السيسي بيلحس جزمة جمال
مبارك !! .
.
و هي دي الحكايه
باختصار , لو السيسي أنكر ثورة يناير يقولو ده فلول و بتاع مبارك و لو السيسي أشاد
بيها يقولو ماهو لولاها مكانش بقى رئيس , طيب يعمل ايه الراجل عبد الفتاح السيسي ده
عشان يعجب ؟ يعترف بالثوره الصبح و ينكرها بعد الضهر و لا ينكرها حد و تلات و خميس
و يعترف بيها سبت و اتنين واربع ؟!.
.
العيال الكولجيه
دول عاملين زي الست الخنيقه اللي مش عايزه تعيش , لو قلت لها اصحي بدري عشان نفطر سوا
قبل مانزل تقولك انت هتحنقني بقى و تصحيني بدري مانا كنت بنام براحتي في بيت أمي ,
ولو قلت لها نامي براحتك وانا هفطر وانزل تقولك أه بقى عشان ماعرفشي انت نازل امتى
ولا هتروح فين و مين هيفطّرك ؟!.
.
فرق شاسع بين واحد
معارض لنظام معين اسمه ( إكس ) عشان النظام ده فاشل فعلا و المعارض عايز ( صلاح ) الحاكم
و ( صلاح ) حال البلد , وبين كولجي عايز النظام ده يبقى فاشل عشان يعرف هو يعارض براحته
و ملعون أبو البلد على أبو صلاح ذات نفسه !! .
..................................................................................................................................
Mohamed
Hussein
3
ديسمبر 2014·
من يوم ما بقى
رئيس لمصر و هو مابيسيبش اي مناسبه إلا و يحيي فيها ثورة يناير و ثورة يونيو , بره
مصر و جوه مصر يشيد بثورة يناير , صبح و ليل يمدح في ثورة يناير , صيف و شتا يقول أشعار
في ثورة يناير , و النهارده عايز يعمل قانون يجرّم إهانة ثورة يناير كمان , يعني إهانتها
تبقى جريمه بيعاقب عليها القانون !! .
.
و النطع اللي غرقان
في النطاعه , اللي عايش بشعارين تلاته حافظهم و السلام هيجيلك بكره برضه و يسألك :
هو السيسي رأيه إيه في ثورة يناير ؟!!.
.......................................................................................................................................
Mohamed
Hussein
3
ديسمبر 2014·
من إنجازات مبارك
2 ............... يا قطن يا حرايري !!.
.
أغلب أصدقائي عالصفحه
أكيد يعني مش فلاحين ولا يعرفو الفرق بين البقره و الجاموسه , بس مش مشكله , مراتي
نفسها قاهريه للنخاع و لما بتيجي عندنا البلد بتستخدم الألفاظ بتاعة كتاب القراءه و
المطالعه ( عايز أمشي وسط الحقول , هو الخروف ده مش بيبات في الحظيره ؟!! ) .
.
يعني أغلبكو باختصار
مايعرفشي يعني إيه زراعة القطن في مصر , مايعرفشي العلامه والدوده و اللطعه ولا يعرف
الشمره و اللوزه والبرج و التبديل و الحطب ولا يعرف كيس القطن ولا شكل الأرض لما بتبقى
مكسيه باللون الأبيض في موسم الحصاد , زراعة القطن في مصر باختصار كانت كارنفال , احتفال
خاص له طقوسه , ولو حضرتك فاكر كتاب الجغرافيا هتعرف إن القطن كان تاني أهم الصادرات
و تاني أهم مصدر للعمله الصعبه ( على ما أتذكر ) يعني كان جزء ضخم جدا من اقتصاد مصر
, وبالنسبه للفلاحين القطن بيمثّل إيه ؟ هقولك باختصار , لما كان واحد يقول لأبوه عايز
أتجوز يابه ؟ يقول له استنى لما نجمع فدان القطن و هجوزك , ولما كان راجل يحب يبني
بيت جديد كان يستنى فدان القطن ولما راجل يحب يجهز بنته كان بيستنى موسم القطن , يعني
لو عندك فدان أرض و زرعته قطن فانت تقدر كل سنه تعمل حاجه كبيره أوي من غير سفر سنين
و لا بهدله .
.
و في يوم من الأيام
صحينا من النوم لقينا القطن اللي بنزرعه من ( ... ) سنه مبقاش موجود , جت لنا بذره
من اسرائيل مليانه دود و خربانه و اللوزه بتطلع أد كده ومش بتفتّح , و الفلاح بيجي
أخر السنه يلاقي إن تمن الرش و الأسمده و المبيدات ضعف تمن القطن اللي هيجمعه و يبيعه
!! .................فراحت فين بقى زراعة القطن الحرايري المصري الشهير جدا في العالم
؟؟؟؟؟؟؟ ........................ ابقو اسألو مبارك و الصهاينه و يوسف والي اللي طلع
في يوم عالعهوا و قال ( إحنا كلنا سكرتارية الرئيس !! ).
.......................................................................................................................................
Mohamed
Hussein
2
ديسمبر 2014·
أصدقائي الأفاضل
, فضلا لا أمراً , صفحتي فيها من كل شكل ولون , إنما مليانه رجاله محترمين أوي وبنات
و ستات أنا فخور بيهم جدا , أرجوك لو عايز صفحه تضرب فيها سجارتين حشيش و تقول كام
كلمه قذره من بتوع سواقين الميكروباسات و التكاتك و العيال اللي بينامو تحت كوبري الملك
الصالح فشوف لك مكان تاني , فيه حدود للكلام هنا و للألفاظ , حاولت أراعيها على مدار
سنين .
.
وانا والله ماعنديش
أي مشكله في اختلافك و تعليقاتك و اعتراضك طالما بألفاظ أدميه , و لو يعني مزنوق أوي
في لفظين من إياهم ومش قادر تقاوم فلو سمحت ابعتهملي في رساله عالخاص مش تكتبهم في
تعليق , وانا مش هزعل والله .
.......................................................................................................................................
Mohamed
Hussein
2
ديسمبر 2014·
من حقك
.
من حق بتوع 6 ابريل
و الكولجيه ( و فوقهم الإخوان ) انهم ينزلو التحرير ينددو ببراءة مبارك !! بس ركز والنبي
و ماتبقاش أحول في شعاراتك , انت نازل تندد ببراءة مبارك و تلعن جدود اللي خلفوه ,
خليك فاكر بس , يعني ماتجيبشي سيرة السيسي على لسانك , يتهيألي ده المنطق .
.
و من حق انصار
مبارك ( بالمناسبه انصار مبارك اكتر بكتير من الخرفان و الكولحيه على بعض ) و هما مواطنين
مصريين و من حقهم ينزلو الميدان يعربو عن سعادتهم ببراءة مبارك , برضه ركز يا عم الحاج
, ارفع صورة مبارك و قول عليه شريف و عفيف و ولي من أولياء الله الصالحين , بس ماتجيبشي
سيرة السيسي على لسانك , يتهيألي ده المنطق .
.
ممممممممممممممم
و من حق ال كذا و عشرين مليون صوت اللي انتخبو السيسي ( يعني ال 75 مليون مصري ) إنهم
يحاصرو ميدان التحرير و جواه الكولجيه و بتوع مبارك و يحرقوه بأنفاسهم , يعني 75 مليون
لو عملو ( زفير ) مع بعض في نفس الوقت و ركزوه على ميدان التحرير يتهيألي هتبقى عاصفه
زي عاصفة قوم عاد , ممممممممممم مين اللي طايرين فوق دول ؟ الله الله الله , ده توفيق
عكاشه و هو ماسك بإيده في رجل وجدي غنيم و إيده التانيه في شعر علاء عبد الفتاح ( اللهم
قر عيني بهذا المشهد ) .
.....................................................................................................................................
Mohamed
Hussein
2
ديسمبر 2014·
استراحة تعلب
.
ألتراس برادعاوي
ناشر بيان من كذا نقطه و بند , و المفروض انها اعترفات من جماعة الإخوان ( الإرهابيه
) لازم يعترفو بيها لو كانو عايزين يرجعو للمشهد السياسي تاني , شروط للمصالحه معاهم
يعني .
.
البيان بيقول باختصار
إن الجماعه دي تعترف إنهم شوية كدابين و أفاقين و تاجرو بالثوره و ركبوها و تاجرو بدين
الناس و كفروهم و تحالفو مع العفريت الأزرق ضدنا و جابو رئيس بهلول برياله عشان مكتب
الإرشاد يحكمنا بروح أمه ,و ينسو حكاية الشرعيه و المهلبيه دي وباختصار يعني الجماعه
تعترف إنها راضعه من صدر إبليس و مثلها الأعلى هو أبو لهب و حنظله .
.
العيال البرادعاويه
دول أحيانا كده بيطلع منهم واحد بيفهم شويه , مش كلهم عايشين ب ( عبث ) و ( تخرصات
) , شابو ياض يا برادعاوي ياللي كتبت البيان , طب انا موافق بس ليه شرط كمان أو بند
زياده لازم تكتبوه :
.
قبل ما يرجعو للمشهد
السياسي نجمع خيرت الشاطر و بديع و مرسي و حسن البرنس و كل قيادات الجماعه الصهيونيه
في القاهره و المحافظات , و نحطهم في ستاد القاهره و نجيب كام عربية بنزين 95 و نرشهم
رشه معتبره , وبعد كده نولّع فيهم عالهوا مباشرة ( لازم أشوف المشهد بعيني ) و بعدين
نجمع ال 300 ألف بتوع شباب الإخوان دول و نوديهم الجيش في معسكر مغلق , يتعلمو يعني
إيه علم و وطن و نشيد و حدود و تاريخ و يعملو تمارين البطن و سته استعد 56734 مره
, و نجيب لهم مدرس جغرافيا من بلاد بره يفهمهم إن المسجد الأقصى ده في مدينة القدس
مش في مدينة نصر !! .
.
و لما نتأكد إنهم
اتعلمو وفهمو و عقولهم نضفت مممممممممممممممم برضه مايرجعوش للمشهد السياسي , عشان
ياهبل يابو رياله المراجعات الفكريه دي عملوها ألف مره قبل كده و قالو أسفين والله
عالعنف و القتل ومش هنعمل كده تاني , و دي بتبقى بالنسبالهم استراحة محارب , قصدي استراحة
تعلب !!.
.......................................................................................................................................
Mohamed
Hussein
2
ديسمبر 2014·
من إنجازات فخامة
الرئيس محمد حسني مبارك
.
- مصر مفهاش أحزاب
سياسيه عليها القيمه ولا شخصيات سياسيه وطنيه عاقله و متزنه , تخيل يا مؤمن بلد تعدادها
90 مليون تبقى الكوادر فيها بالشكل ده ؟ مبارك خلّى المعارضه عباره عن إخوان و شوية
حاجات مرميه جنبهم , و دي من إنجازات مبارك بالتأكيد .
.
- من إنجازات مبارك
انه بعد ما خربها 30 سنه دخل في محاكمه و بعد ما طلع براءه من المحاكمه هيتسبب في خرابها
كام شهر كمان ( يعني خاربها حي و ميت ) , و عهد الله لو كان هرب زي بن علي كان أرحم
للبلد دي , و كان زمان الناس نسيته و رمت طوبته ...بس دي بالتأكيد من إنجازات مبارك
.
.
- كل يوم بيعدّى
بتزيد قناعتي ان السيسي ده شخصيه عظيمه , بس شغّال لوحده , ماهو مش جاي من حزب ولا
جماعه عشان يسندوه , ده جاي من الجيش والجيش بيسنده في تأمين بلد بره و جوه و عالحدود
أه ماشي , إنما فين الكوادر السياسيه اللي هتساعده ؟ فين الإعلاميين اللي بيفهمو (
مش بيطبلو ) اللي هيقفو جنبه , هنسيب السيسي واقف عريان تحت المطر كده لوحده , وفين
أركان الدوله دي اللي بتساعد رئيسها لما يكون متحرم و نضيف ؟ أهي أركان الدوله اللي
مابقتشي دوله برضه من إنجازات مبارك .
.
- الشباب اللي
اتعلم و اتربى في عهد مبارك فاقد لكل معاني الوطنيه , و اول ما بيلاقي البيت بيقع بيطلع
جري عشان ياخد منه قالب ( وان خربت دار ابوك خد لك منها قالب ) , افتحو الجزيره و برامج
التوك شو و انتو تلاقو مصر بتتباع في المزاد العلني , ده تعليم و ترببه مبارك , ودوله
الفساد و الرشوه و المحسوبيه خلت الوطنيه كلمه أبيحه في قاموس الشباب و دي برضه من
أعظم إنجازات مبارك .
.
عايزين انجازات
كمان ولا كفايه ده ؟!.
.......................................................................................................................................
Mohamed
Hussein
1
ديسمبر 2014·
فعل فاضح في الميدان
العام
.
.
هههههههههههه وائل
قنديل مرمي زي الكلب عالهوا في الجزيره مباشر مصر , أقل وصف يتقال عليه إنه مرمي و
إنه زي الكلب .
.
بالمناسبه وائل
قنديل و علاء صادق والشله الوسخه دي مش اخوان فعلا و لا بيطيقو مرسي ولا بديع , هي
كل الحكايه انهم أرزقجيه بيعيشو بمبدأ ( اللي ياكل عيش اليهودي يضرب بسيفه ) , ماهو
لما تبقى رئيس تحرير جريده عربيه في لندن بتملكها الأسره الزباله بتاعة قطر , و لما
يبقى دخلك هناك أد دخلك في مصر 500 مره , وحشين دول يا ابراهيم ؟!! .
.
بس الحكايه فرطت
من وائل قنديل شويه و بدل ما يشتغل بمبدأ اليهودي و عيشه و سيفه بقى بيشتغل بطريقة
الخيّاطه اللي طلعت إعاره و بتخيط بمكنتها !!.
.
هههههههههه و المذيع
الزباله عمّال يهري عن الأحزاب الثوريه و رفقاء الميدان , أه ياني يامه , بالمناسبه
بعد ثورة يناير ظهر بتاع 5 الاف ائتلاف و حركه ثوريه , حركة شباب الثوره و حركة الثوره
شباب و حركة ثوار الميدن و حركة ميدان الثوار و حركة ثوره للأبد و حركة للأبد ثوره
و هكذا , و كلهم كلهم كلهم عباره عن 7عيال إخوانجيه صيع و معاهم وحد مش إخوان بيلعب
دور المحلل ( حبذا لو كان مسيحي ) , وال 7 دول هما اللي عاملين ال 5 ألاف حركه ثوريه
, و معنا الصايع ابن الصايع فلان الفلاني المتحدث باسم ميدان التحرير .
.
بالمناسبه يا بتوع
6 ابريل و يا كولجيه , أنا حاسس إن الإخوان هيلبّسوكو الطرحه البيضا تاني , بس المره
دي هتبقى بمزاجكو و موافقتكو ( يعني مش إغتصاب ) , و يوم ما يحصل هتمنى انكو تنزلو
التحرير فعلا عشان نعرف أخركو كلكو على بعض فين , إعتقادي إن الشعب نفسه هيعمل معاكو
فعل فاضح في الميدان العام , مع العريس و العروسه ( على التوازي ) , و وعد مني وقتها
هكتب لكو بوست مخصوص و أقول لكو فيه ( صباحيه مباركه يا ولاد العبيطه ) !! .
.....................................................................................................................................
Mohamed
Hussein
1
ديسمبر 2014·
و من أخبارنا المحليه
, ارتفاع سعر قفص الطماطم بسوق ستّوته بالمنصوره بمقدار 7 ساغ و 3 مليم / طبيب بيطري
في قرية ميت النور يتمكن من اسعاف بقرة ابو سويلم بعد ما ولدت و ربنا نتعها بالسلامه
/ توقف حركة السير على الطريق الترابي بين عزبة الحلفاه و عزبة مظهر بعد انقلاب مقطوره
كانت محمّله سباخ / حزب الدستور يعلن انسحابه من خارطة الطريق .
..................................................................................................................................
Mohamed
Hussein
1
ديسمبر 2014l
·
تهيؤات يا بيه
.
أنا : إنت يابني
عايز تعمل ثوره ليه ؟
.
هو : عشان يتهيألي
كده إن نظام مبارك راجع تاني و جمال مبارك هيبقى رئيس مصر بالإتفاق مع السيسي سنه
2018..
.
أنا : استنى استنى
هكمّلك انا , يتهيألي إن نظام مبارك الله يرحمه راجع تاني و جمال مبارك ( الفاتحه لروحه
) هيبقى رئيس و هنرجع لزمن الفن الجميل بقى , يعني شحاته أبو كف يلعب في المنتخب و
لما تقابل واحده في الشارع تقول لها ( ممنون يا هانم ) و لما يجيلك ضيف تدبح له ديناصور
صغير كده ( شامورت يعني ) أو عالأقل تفقش له بيضتين من ( بيض ) طائر الرخ اللي مربيينه
فوق السطوح .
.
هو : و يتهيألي
كمان ان السيسي هيعمل مصالحه مع الإخوان و يتهيألي كده هو اللي طلع مبارك براءه و يتهيألنا
إنه خطط لكل حاجه من أول 25 يناير يعني يتهيألي السيسي خطط للثوره و لتنحي مبارك و
يتهيألي إنه خطط لحكم طنطاوي و خطط للإنتخابات و نجّح الإخوان و خطط ل 30 يونيو و نجّح
نفسه و خطط لسفر البرادعي
.
أنا : أومال إيه
؟ يتهيألي معاك حق , أصل السيسي ده راجل يتهيألي كده مبروك و بخطوه وبيمشي عالحيط و
بيعلم الغيب و يعلم ما في الأرحام , ده مره السيسي قالي : بنتك لوجي هتتجوز مهندس اسمه
شريف لما يبقى عمرها 23 سنه وانا قلت له انا مش موافق عالجوازه دي يابه عبفتاح .
.
هو : يبقى من حقي
أعمل ثوره ولا مش من حقي ؟ يتهيألي من حقي
.
أنا : بص يابني
, يتهيألي كده انت قدامك حل من اتنين مفيش غيرهم , إما إنك تروح لدكتور نفساني يعالجك
من الأشباح والتهيؤات دي و إما إنك تعمل ثورة التهيؤات بس عشان تبقى فير و عادل و منصف
لازم تعمل ثورتك تحت شعار ( يتهيألي كده يسقط يسقط حكم السيسي يتهيألي يعني ).
.............................................................................................................................
Mohamed
Hussein
1
ديسمبر 2014·
المعلم أبو الهدد
.
صباح الخير , أحيانا
كده بتضطرك الظروف إنك تلبس أفارول و كوتشي و تجيب معاك الشاكوش و الأجنه و المرزبه
و الكوريك و الفاس و الشنيور و تشتغل عامل هدم , تهد يعني و تبقى فشر المعلم محمد رضا
في فيلم الراقصه و الطبال ( المعلم أبو الهدد ) , طب امتى بتعمل الحكايه دي ؟ لما يكون
عندك جدار بيت مخوّخ و خربان و مسوس , وبعد ما تهد و تخلّص المفروض بقى تروح تقلع الأفارول
و الكوتشي و تلبس جزمه جلد ايطالي و بدله و كرافته و تجيب قلم و ورقه و مسطره حرف تي
و تشتغل مهندس معماري عشان تبني بقى , أو عالأقل تجيب ( مسطرين ) وشوية أسمنت و كام
طوبه و تساعد في المباني , تفكّر بنفسك و تبقى المهندس اللي بيعمل الرسم الكروكي او
تبني بإيدك و تبقى بتساعد المهندس على اد ما تقدر .
.
الترتيب اللي فوق
ده منطقي أوي , هنهد الحاجه المايله و دي يلزمها عده معينه و لما نخلص نبدأ نبني ,
و هو ده الفرق باختصار بين الثائر و الثورجي ( اللي انا بسميه كولجي ) أو شمّام الكوله
, الثائر بيعمل السيناريو اللي فوق ده بحذافيره , بيثور على نظام و يهد أركان النظام
ده وبعدين فورا يبني نظام جديد بإيده و برسمه الكروكي ( قبل مايجيلنا مهندس غريب يعمل
الرسمه على مزاجه ) و الثورجي متمزّج أوي من مَسْكة الأجنه و المسطرين و الكوريك و
نازل هدم هدم هدم لحد ما وصلنا لسابع أرض , اتحول الهدم جواه من مجرد خطوه عشان نبني
بعدها ( يعني وسيله ) لغاية في حد ذاتها , والله انا مابقيت عارف هو الثورجي ده كان
نازل يهد عشان يبني جدار جديد ولا نازل يهد عشان يحفر و يدور على بترول و كنز علي بابا
!! .
.
في الميادين حاليا
شوية شباب لو قلت لهم تعالى نزرع شجره هيقولك لأ ( أنا المعلم أبو الهدد و ده تخصص
) , طب تعالى اترشح للبرلمان ولّا المحليات ولا حتى النقابات ؟ هيقولك لأ أنا مش هسيب
الميدان ده لحد ما البريمه تطلّع جاز !!
....................................................................................................................................
Mohamed
Hussein
1
ديسمبر 2014·
إبراهيم عيسى
, إنت أستاذي و الله يا عم ابراهيم , الله يفتح عليك يابو يحيا .
.
بس بالك انت يابن
عم الحاج عيسى , أنا وانت مالناش سوق , اللي بيسمعو أحمد موسى و توفيق عكاشه عددهم
أكبر بكتير , و اللي بيسمعو بهاليل الجزيره و بيقرو لأيه مصطفى عددهم كبير , وانا وانت
و أمثالنا بننداس تحت الرجلين .
.
هنتفضح فضيحه بجلاجل
يا هيما ياخويا لو قررت انك تترشح للبرلمان مثلا ضد صبي من صبيان احمد موسى او عيل
من غلمان وائل قنديل .
.
إحنا أغراب في
البلد دي يا خال .
......................................................................................................................
Mohamed
Hussein
1
ديسمبر 2014·
و أيمن نور شادد
لنا مكتوب بيقول ( يا رفقاء يناير اتحدو بقى بعد ما اتفرقتو ) , رفقاء يناير اللي هما
مين يا مولانا ؟ أهه ههههههههههههههههههه طيب افتكرت , أعوذ بالله من غضب الله , أصلي
اتخيلت المشهد و مش قادر اوصفه عشان عيب و حرام ويتهزله 7 سماوات .أكيد يقصد الكولجيه
و الإخوان , قبّلني في الظلام , أكشن عاشر مره , فيلم حمّام الملاطيلي من إخراج أيمن
نور .
.
يا جدعان انتو
لو هتتحدو عشان تعملو الفيلم ده تاني فانا مش عايز اشوف صوركو و النبي , بلاش صور و
فيديوهات عالفيس بقى , أنا بقرف من كده , والله بقرف , ربنا يسترها على ولايانا .
..............................................................................................................................
Mohamed
Hussein
30
نوفمبر 2014·
كلب قطري من الأسره
الحاكمه بيحرض الناس تنزل للشوارع في مصر و يموتو بالألاف !! و الشيخ نبيل العوضي بيقول
مش مشكله لما يموت مليون مصري عشان العداله و الحق !! .
مانا قلت ديل الكلب
القطري عمره ما هيتعدل , و للشيخ نبيل اللي قاعد في قصره في الخليج و عنده الجواري
( والغلمان ) عايز أقول له إن مليون بني أدم ممكن يموتو بشكل أفضل و يحررو القدس وفلسطين
و يحرقو اسرائيل باللي فيها , ماسمعتكش قلت الناس تروح بالملايين تحارب الصهاينه و
تحرق اسرائيل و تحرر القدس و لا انتو يا ولاد ال ***** ماوراكوش غير مصر ؟ .
.
فيه مئات الألاف
من الفلسطينيين الأبرياء اتقتلو على إيد قوات الإحتلال , و المحاكم الدوليه ( و مراكز
كارتر و شركاؤه ) كلهم أصدرو حكم بالبراءه للنظام الصهيوني السفاح , ألا تستحي يا شيخ
و تدعو الناس تحرر القدس و تستشهد هناك ( وانت طبعا معاهم و لّا إيه النظام ؟) , ركّز
مع القدس يا شيخ , ما تركّز مع القدس بقى يا قدس أمك !! .
...............................................................................................................................
Mohamed
Hussein
30
نوفمبر 2014·
حق الخوف
.
خلصتو يا رجاله
ولا لسه ؟ ضميركو الحي لسه صاحي ولا الهوجه خلصت ؟ عايزين تخافو طيب ؟ ولا انتو فعلا
خايفين عالبلد دي و مستقبل ولادها ؟
.
تعالو هقول لكو
.
- عندي بنتين وخايف
عليهم , مبارك بالنسبالي بقى ماضي , ماضي وسخ و فاسد زيه زي فترات كتير في تاريخ مصر
, ماحنا ماخدناش حقنا من اسرة محمد على ولا من الإحتلال الإنجليزي , ولو عايز أحاكمه
هحاكمه على 30 سنه فساد و إفساد ( كانت كفيلة ال 30 سنه نبقى زي اليابان ) , هحاكمه
على ألاف ماتو بالفقر والجهل والمرض , هحاكمه على فيروس سي و البلهاريسيا اللي بينحتو
في جسم أمي , هحاكمه على جماعه وثنيه كبرت و ربربت في عهده , هحاكمه عالعبّاره و القطر
و اللي واللي واللي , هحاسبه على معارضه وهميه عملها على إديه و على إفساد حياه سياسيه
بالكامل لدرجة إننا لما حبينا نلاقي بديل مالقيناش تلاته اربعه نضاف يعرفو يمارسو حياه
سياسيه حقيقيه .
.
مبارك يستحق الإعدام
ألف مره , و كل اللي طلعنا بيه من حقنا الكبير هو إننا ذليناه شويه , و حطينا رئيس
أكبر دوله عربيه ورا القفص زي الكلب , طب هو ده كفايه ؟ أه في ظل منظومة تقاضي فاسده
من الألف للياء يبقى احنا عملنا انجاز , احنا بدأنا الماتش و وافقنا نلعب في ملعب ترتان
و تحت المطر و احنا كان اخرنا جُرن بنجري فيه و كوتشي من باتا في رجلينا , يبقى نرضى
بالنتيجه .
.
هبسطهالك لو عايز
تخاف و تقلق زيي , خاف على بكره مش امبارح , عشان نفس منظومة التقاضي موجوده , و مبارك
هيبقى مجرد مثال و فيه زيه الف جايين , هبسطهالك اكتر , في مصر لو انا معايا 10 مليون
جنيه و اعرف محامي وسخ زي فريد الديب و أمثاله وقابلت حضرتك في الشارع هضربك بالنار
قدام الناس و ممكن اجيب ريهام سعيد تصور المشهد كمان , وهطلع براءه في الأخر ويوم ما
المحامي يغلب هيجيب شهاده بتقول إني واحنا داخلين عالمولد النبوي اهو كنت بحج في مكه
في نفس ذات الوقت !! .
.
السيسي لا أمر
بسجن مبارك ولا أمر ببرائته , عايز تنزل الميدان انزل , عايز تصرخ اصرخ , بس خاف صح
, حاول تخاف صح , هات نقيب المحامين و النائب العام و ترزيه القوانين و كتاب القانون
المصري و المشايخ اللي ماعلومناش يعني ايه شهادة الزور , واضربهم بالنار في ميدان التحرير
عشان لما أقابلك في الشارع أخاف واتردد قبل ما اقتلك !! .
...................................................................................................................................
Mohamed
Hussein
29
نوفمبر 2014·
ضربت في دماغي
اتفرج عالجزيره , وانا ليا شهور و سنين ماشوفتهاش , مسكت الريموت و لقيتني بقول لنفسي
( استنى يامحمد يابني ) , تعرف تتخيل المشهد في الجزيره من قبل ما تفتح التلفزيون ؟
قلت أه أعرف , ممكن أتخيل , هحاول يعني
.
غمضت عيني كده
و قلت اللهم صل عالنبي , أنا هفتح هلاقي مناحه على محاكمة مبارك و محاوله بنت ستين
صرمه لربط اسم مبارك بالسيسي و حطهم في أي جمله و السلام , و مذيع لامم شوية صيع عالهوا
عشان يهرتلو , و إيه كمان يا محمد ؟ , و هلاقي عناوين الاخبار و الرسايل كلها في نفس
المناحه , تمام , و اللهم صل عالنبي تاني هلاقي مراسل لهم ماسك ميكروفون وجايب شوية
مقاطيع تانيين باعتبارها مليونيه من 17 نفر لرفض الحكم , و أخر حاجه توقعتها وبرضه
طلعت صح , هي إني توقعت مداخله تليفونيه من قاضي ( مستشار ) , طب هاتو ايدكو كده ؟
و عهد الله انا توقعت المستشار ده يكون مصري و بيتكلم من قطر أو تركيا أو اسرائيل
, و فتحت لقيت نفس المشهد والله بدون مبالغه والقاضي بيتكلم من تركيا !! .
.
يس يس يس , إحساس
بالفخر , وانا دماغي حلوه و الله , بس عايزين الحق , أنا لا دماغي حلوه ولا نيله ولا
الحكايه شطاره مني , الحكايه و ما فيها إن الجزيره بتمارس الدعاره الإعلاميه بنفس أم
الطريقه التقليديه و بنفس الوضعيه بتاعتها من 3 سنين , مفيش إبداع ولا تجديد , مع إن
الدعاره الإعلاميه فيها ( أوضاع ) تانيه ممتعه و ممكن نتفاجئي بيها و نستمتع كلنا
!!.
....................................................................................................................................
Mohamed
Hussein
29
نوفمبر 2014·
تعالى نهري
.
من أول جلسه في
محاكمة مبارك و انا قلت الراجل ده هيطلع براءه , ليه براءه ؟ عشان هو مؤدب و جميل وابن
حلال و شريف و كده ؟ لا والنبي يا حاج , هو حرامي و نوري و قاتل وابن صرمه , بس القضايا
بتاعة مبارك اتظبّطت واتستفت من الأول , محامي شاطر وفاسد و فلوس متلتلته مالهاش أول
من أخر , الحكايه بتبدأ من عند الظابط و وكيل النيابه و أمين الشرطه والشهود والأحراز
و التسجيلات و كله اتستف , اللي مابيجيش بعصاية موسى بييجي بعصاية فرعون , ظبطّت الشهود
يا حسن ؟ قلت للشاهد الفلاني هوديه يلعب في الأهلي ؟! .
و بس يا مولانا
, من يوميها والقاضي قدامه شوية ورق إيه فور فاضي و أبيض زي الورد , و كل ما ييجي ينطق
بالحكم يقول ممممممممممم هأجله أحسن .
.
الحكايه مش قاضي
فاسد , الحكايه منظومة تقاضي فاسده , عناصرها المحامي الفاسد و الظابط الفاسد و وكيل
النيابه الفاسد والشهود الزور ( يعني المواطن الفاسد ) , بالمناسبه مرسي هو كمان هياخد
براءه عشان ماتتفاجئش وقتها , ماهما الإخوان عندهم اللي أوسخ من فريد الديب و عندهم
فلوس زي الرز , وقطر موجوده و أمريكا .
.
ده اسمه كلام العقل
و مالهوش علاقه بأحداث امبارح , بلاش عبط , عايز بقى حضرتك تكتب شوية شعارات على صفحتك
و تدلقهم كده انت حر , أنا عن نفسي ماليش في الدلق والدلدقه .
..................................................................................................................................
Mohamed
Hussein
28
نوفمبر 2014 ·
دي ظاهره كونيه
ولا ايه ؟ كل مابشوف واحد اخوانجي غريب بعرفه بسهوله جدا من سحنته , تحس إنه عبيط و
فاهم نفسه عبقري , عنيه بتروح و تيجي وهو بيكلمك كأنه بقى الديب السحليوي المكّار
, و لو ركزت شويه هتلاقيه مسلول و عنيه داخله لجوه و تقريبا عنده جفاف , بس لو سألته
انت مين يا عم ؟ هيقولك انا بطل العالم في كمال الأجسام !! .
.
دي ثورة دي مرسي
و هي دي شرعيتك ؟ طب و عهد الله انا جدي عبد الرحيم الله يرحمه عنده ييجي ألف حفيد
و حفيده , يعني لو نزلو الشارع هيعملو مظاهره عليها القيمه , على كده يبقى جدي عبد
الرحيم الله يرحمه هو الرئيس الشرعي للبلاد و انا هطالب بحقي الشرعي في عرش مصر .
.
و لمّا انتو عندكو
جفاف كده بتفردو عضلاتكو و تفتحو زراير القميص ليه في عز البرد ده ؟ مش خايفين لا عضم
صدركو يسوّس ؟!!.
.............................................................................................................................
Mohamed
Hussein
28
نوفمبر 2014·
في قريتا , و بعد
صلاة الجمعه وقف حشد غفير من الإخوان , بتاع 5 رجاله و 4 ستات , تلك إذا تسعةٌ كامله
, رفعو صورة مرسي و شوية شعارات كده , المهم ان عدد سكان قريتنا حوالي 5 ألاف , بقية
القريه بقى طلعو من الجامع و كل واحد راح يشوف أكل عيشه ( فإذا قضيت الصلاة فانتشرو
في الأرض ) , خالي محمد راح يشوف ارضه و اللي هيتغدى الأول وبعدين يعلّق الحمار في
ماكنة الري ويطلع عشان يروي أرضه واللي رايح يذاكر و انا جيت اشرب النسكافيه و هكذا
, ال 9 اللي تظاهرو دول اسمهم حشد غفير و الجزيره لو نزلت عندنا هتقول مليونيه !!
.
.
أنا كده اتطمنت
أوي , مصر في أمان و ربك حاميها , و شعار النهارده ( الإخوان تعوي و القافله تسير
) ....كان معكم مراسلكم محمد حسين من أمام مليونية الإخوان في قريتنا .
.......................................................................................................................................
Mohamed
Hussein
28
نوفمبر 2014·
لشباب الإخوان
............ رساله أخيره
.
شوف يابني , بكره
لو عايز تنزل انزل , تهتف ؟ و ماله , تقول اسلاميه قول , الحكايه فرطت منك و هترمي
مصحف عالأرض عشان الصوره ؟ ممممممممم انت حر ( و كل إنسانٍ ألزمناهُ طائرهُ في عنقه
) , هتحرق عربيات او تبوّظ ممتلكات الدوله و الناس براحتك ( اقرأ كتابك كفى بنفسك اليوم
عليك حسيبا ) , هتصدق انكو عشان تحررو القدس لازم تحرقو مصر والعراق و سوريا و ليبيا
واليمن وافغانستان والسودان عادي خالص إنما حاجتين اتنين لازم تفهمهم و هقولهم لك من
وجهة نظر اسلاميه بحته ( باعتبارك يعني مقطّع حُصر الجامع ) .
.
أولا : لما تنشر
صوره متفبركه و مزيفه ده اسمه كدب و تزوير و تزييف و لما تعاهد و تنقض عهدك مره و اتنين
و عشره ده اسمه الغدر , و لما تخاصم شخص أو جهه فتقوم تحرق و تخرّب ده اسمه الفُجر
في الخصومه , وانا ديني علمني إن حكاية ( إذا حدّث كذب و إذا عاهد غدر و إذا خاصم فجر
) دي اسمها أيات المنافق مالهاش اسم تاني .
.
ثانيا : لو الحكايه
فيها عنف و تخريب فاحتمال كبير تموت بكره و تقابل ربك فياريت ماتنساش تسيب مكيافليتك
و قميص عثمان في بيتك , مش هينفعوك في الأخره , عشان لما ربك يسألك كنت بتعمل كذا و
كذا و كذا ليه يا عبدي ؟ لو قلت له ( كنا عايزين نقيم دولة الخلافه الإسلاميه و نحرر
القدس يارب !! ) ساعتها هتسمع بنفسك الحكم النهائي من قاضي القضاه اللي اسمه العدل
( إن المنافقين في الدرك الأسفل من النار ) .
.......................................................................................................................................
Mohamed
Hussein
28
نوفمبر 2014·
محمود الزهار بتاع
حماس بيقول ان غزه هي من يمنع احتلال مصر و هي الحصن الحصين الذي تحمي حدود مصر الشرقيه
!! .
.
بص يا عم محمود
, في الأول كده روح دوّر على أرضك ( وعرضك ) قبل ما توهم نفسك انك بتحمي غيرك , و ثانيا
بقى فانت اكيد تعرف ان كتب التاريخ كلها و كتب العقل و المنطق ماعمرهاش قالت ان فيه
خروف بيحمي اسد , عمرك انت سمعت عن أسد جاب شوية خرفان عشان يحموه ؟!
................................................................................................................................
ليست هناك تعليقات:
إرسال تعليق