Mohamed Hussein
11
ديسمبر 2014·
أنا و حبيبتي الغاليه
, دفيانين تحت اللحاف اللي أمي منجّداه جديد , ربنا يشفيكي يا غاليه .
..................................................................................................................................
Mohamed
Hussein
11 ديسمبر 2014
و تقريبا احنا
الدوله الوحيده في العالم اللي فيها طرق سريعه بين المحافظات بتبقى زراعيه , يعني بتعدّي
من وسط القرى و النجوع و من تحت بلكونات الناس و يبقى فوق منك حبل الغسيل بتاع ست شربات
, و ما علينا من حكاية ال9 مطبات اللي بيتعملو في كل قريه , و شوية الحفر و البلاعات
دي حاجات اتعودنا عليها , إنما الأصعب من كده و اللي مش مفهوم اطلاقا هو السؤال ده
: إيه القانون اللي بيحكم راجل فلاح ( زي حالاتي ) راكب حمار و بيعدّي الطريق الزراعي
السريع بالعرض ؟.
.
النهارده حصل المشهد
قدام عيني , راجل حاطط حِمل برسيم على حمار و راكب فوقه و قرر فجأه إنه يعدّي الطريق
للناحيه التانيه , العربيات جايه سريعه قامت عربيه فيهم فرملت و طبعا رشقت فيها التانيه
من ورا و التالته مالحقتش نفسها , العربيات اتبهدلت بس الحمار بخير !! .
طب هنا جه على
بالي سؤال , هو قانون المرور الجديد فيه أي ماده تخص سائقي الحمير أو مخالفات أو غرامات
ماليه ؟ يتهيألي في حالة زي حالة صاحبنا دي المفروض العقوبه تبقى الحبس 3 شهور ( يعني
لحد زرعة البرسيم ما تخلص ) و تتسحب رخصة الحمار و يتمنع الراجل بلدياتي لمدة سنتين
من سواقة الحمير !!.
.......................................................................................................................
Mohamed
Hussein
11
ديسمبر 2014·
بوست على الريق
كده
.
وانت بقى يا سي
محمد بتعمل ايه أول ما تفتح الفيس بوك ؟
بص حضرتك أنا بفتح
التايم لاين ألاقي شويه من أصدقائي ( ثُله ) يعني ناشرين صور عن مصر الجميله أوي ,
صور من سينا و الواحات و النوبه و القاهره القديمه , صور من البحر و النيل و الصحرا
, مصر اللي احنا مانعرفهاش , أو حتى صور لشخصيات سينمائيه مصريه محترمه أو مقولات لزعماء
مصريين بجد , أقوم أنا أقول لسه فيكي الخير يا بلد , و أخد جرعة نشاط بقى .
.
أدخل على أصدقائي
التانيين ( قليلٌ من الأخرين ) يعني , و في إيدي خرزانه صغيره كده بس بتلسّوع , ألاقي
واحد كاتب ان ابراهيم عيسى يفرق ايه عن توفيق عكاشه ما الاتنين لهم نفس الرأي أهو ؟
ده عشان يعني اتفق موقفهم من حاجه معينه ؟ طب افرك ايدك يا صديقي , و بنفس المنطق هقولك
يبقى انت و علاء عبد الفتاح و محمد عطيه و علاء صادق و موزه وابنها و عاصم عبد الماجد
و ريري سيلان ايه الفرق بينكو ؟ مانتو متفقين في مواقف اكتر .
.
صديق تاني تقول
له السيسي فاز ب 97 % يقولك ما مبارك كان بيفوز ب 90 % #عبث هههههههههههههههه كلمة
عبث دي من عندي عشان أكمّل بيها تعليقه , افرك ايدك يا صاحبي , انت كده بتقول انتخابات
الرئاسه الأخيره ماعليهاش اقبال و حمدين مكانش له شعبيه و عشان كده السيسي جاب 97 و
دلوأتي بتلمح لتزويرها , هي مكانش عليها اقبال و لا كانت متزوره ما تحدد موقفك؟ و الملايين
اللي كانت في الشارع في الإنتخابات و في 30 يونيو برضه كانت فوتو شوب ؟ تفرق ايه انت
كمان عن صاحبك الأولاني بتاع توفيق عكاشه زي ابراهيم عيسى و نوسه زي ابتسام ؟!.
.
صديق تالت , كتب
تعليق طويل عريض بيتهمني فيه بالكفر بثورة يناير و بألهتنا العوالي , مع إن ربنا يعلم
انا كنت مسافر و دموعي مانزلتش من 20 سنه من بعد موت ابويا الله يرحمه بس نزلت من الفرحه
لما سمعت خبر تنحي الفاسد الأعظم محمد حسني مبارك , مبسوط مني كده يا صاحبي ؟ افرك
ايدك بقى , و اقولك على حاجه عشان ترضى عني أكتر , أنا ناوي أجيب تماثيل لعلاء عبد
الفتاح ( أبو لسان سليط ) و يسري فوده و بلال فضل ( بتوع اللمون ) و احطهم في البيت
و اعملهم ألهه و أصلي لهم 56734 مره كل يوم , سبحانك يا علاء يا عبد الفتاح و المجد
ليسري فوده تقدست اسماؤه , نحنُ غرابىَ #عبث. !!.
................................................................................................................................
Mohamed
Hussein
11
ديسمبر 2014·
المصري اليوم عامله
استفتاء على شخصية العام فيه عبد الفتاح السيسي و علاء عبد الفتاح !!
.............. أنا ماشوفتش أوسخ من كده بصراحه , و كان أولى بالجريده إنها تبعد اسم
عبد الفتاح السيسي رئيس جمهورية مصر العربيه , الدوله الأعظم في التاريخ و اللي فاز
برئاستها السيسي بنسبة 97 % تبعده عن سخافات الجريده و تخلي السباق بين علاء عبد الفتاح
و محمد عطيه مثلا , واهو الإسمين يليقو جدا بإسم المصري اليوم , أيوه يعني ( مناضل
) قصاد ( مناضل ) في جريده ( مناضله ) !!.
.
هو انا ينفع اعمل
استفتاء بين ام كلثوم و شعبان عبد الرحيم ؟ طب ينفع أعمل استفتاء بين الموقر صاحب جريدة
المصري اليوم و بين قرص الجله ؟!.
.......................................................................................................................................
Mohamed
Hussein
10
ديسمبر 2014·
مش عيب
.
مش عيب إننا نعترف
إن ألف جنيه حلوين أوي و يقنعو شخص ما في مكان ما في مصر إنه يقلع ملط قدام الشرطه
و يرمي بلاه عليهم و صوّري بقى يا جزيره , و 10 ألاف يبقو تمام لتصوير بنت في مشهد
اغتصاب جوه دبابه أو جنب صاروخ أو تحت قنبله ( ممكن وصف المشهد بس ب 5 ألاف و هي الكسبانه
) .
.
مش عيب إننا نعترف
إن أغلب اللي كانو بينزلو بوستات على صفحاتهم ( الحقونا الجيش بيرمي علينا قنابل غاز
في التحرير و بيضربو رصاص حي ) كانو بيكتبو بوستاتهم من مارينا أو العين السخنه أو
حتى جمصه
.
مش عيب إننا نعترف
إن ألف صوره من اللي شوفناهم بعد ثورة يناير كان أغلبهم فوتو شوب للتهييج و التسخين
, وإن الفوتو شوب ماخلّاش لولاد الحلال حاجه .
.
مش عيب إننا نعترف
إن يوم 11 فبراير 2011 نزلنا نحتفل بخلع مبارك و في الحقيقه إحنا مش كنا بنحتفل ولا
حاجه , إحنا كان بيتعمل علينا حفله .
فاكر مشهد صلاح
عبد الله في فيلم كباريه ؟ و هو بيقول للبنت اللي مش ولابد : إنتي كان بيتعمل عليكي
حفله ب 10 جنيه مقطعه ؟! أهو احنا في اليوم ده اتعمل علينا حفله ب 10 جنيه مقطعه .
.
مش عيب إننا نعترف
إن في فترات كتيره بعد ثورة يناير كنا متهورين أوي و طايشين و ( برياله ) و عواطفنا
سابقه عقولنا بمليون سنه ضوئيه ( فاكر معركة اللمون و شركاء الثوره ) ؟ !! .
.
........................
و عشان انت واد
مثقف و جامد تنين بتردد المقوله دي : فيه ناس في مصر فاهمه إن العالم فيه 3 قارات بس
اسمهم العراق و سوريا و ليبيا و عشان كده بيرددو جمله ( مش أحسن ما نبقى زي العراق
ولا سوريا ولا ليبيا ؟ ) .
لا يا وله برافو
عليك والله , و فيه ناس في مصر مش مكفيها سبع تمن دول عربيه اتحرقو و محتاج من أمريكا
تحرق لها قارتين تلاته عشان يحس إن بلده في خطر و يشم ريحة شياط !! مانا قلت من سنتين
إنت خساره فيك صابع الطباشير أبو شلن اللي اتعلمت بيه .
...........................................................................................................................
Mohamed
Hussein
9
ديسمبر 2014·
فيه حد لعب في
مفاتيح الفيس عندي و جاب بوستات و صور من سنه و عمل عليها لايك , و عليها ظهرت بقى
للناس كلها و بقت ليله يا عمده , ايدي وجعتني من كتر ما بعمل لايك لتعليقات صحابي عالبوستات
دي , أنا بحبكو و عهد الله .
.............................................................................................................................
Mohamed
Hussein
9
ديسمبر 2014·
جيش مصر التاني
.
لما تقرا أخبار
عن غلق السفارات بتاعة بريطانيا و كندا , و تشوف ردود أفعال الناس على مواقع التواصل
الإجتماعي , في الأول هتلاقي نفسك بترشق في أراء الكولجيه اللي صوتهم عالي , بتوع ديستوفسكي
و الناس دي , و تسمع بقى ( تخرصات ) من اللي قلبك يحبها , مؤامرة ايه دي مصر مالهاش
تلاتين لازمه ( أه التاريخ بيقول كده !! ), أيوه مصر مش مستقره و ابقو خلو السيسي ينفعكو
.......... إلخ .
.
و بعدين لما تهدى
شويه هتلاقي أصوات جايه من بعيد , ناس لها جوز عيون و مخ بعيد عن السامعين , اللي يقولك
هي الدول دي ماقفلتش سفاراتها ايام ثورة يناير لما كانت الدنيا بظرميت و بتقفلها النهارده
ليه ؟ هي السجون لما اتفتحت و المساجين هربو كانت سفارات أوروبا في أمان ؟ و صوت تاني
يقولك هي الدول دي ماقفلتش سفاراتها في العراق و سوريا وقفلتها في مصر ليه ؟ دي سوريا
كل يوم 100 واحد بيتقتلو و بقى خبر القتل هناك شئ عادي زي خبر أسعار الطاطم , و صوت
تالت بيقول : هو احنا يادوب خلصنا من هوجة براءة مبارك و عدت على خير و الداخليه قدرت
تأمن 70 ألف في ماتش الأهلي و احنا داخلين على موسم السياحه الشتويه و الدنيا كانت
بدأت تحلو يقوم السفارات تتقفل ليه ؟! .
.
الصوت الأول و
التاني والتالت و اللي زيهم اسمهم بقى جيش مصر التاني , جيشها المحترم اللي بيفكر عالفيس
بوك و تويتر , رجّالة القلم و العقل , الحيطه التانيه اللي بنتسند عليها و نحس إننا
مش خايفين من بكره .
.
ما تحملش هم الفيس
يا عم عبد الفتاح طول ما مصر فيها المصريين دول , ركّز انت عالأرض وسيب لنا الفيس بوك
.
...........................................................................................................................
Mohamed
Hussein
8
ديسمبر 2014·
القرداتي
.
.
بريطانيا و بعدين
كندا و استراليا !! , طيب بريطانيا هي كلب امريكا من سنين طويله من أيام حرب الخليج
الأولى , و كندا بتلعب دور الراجل البركه الهليلهي اللي برضه مستني رضا أمريكا و مش
عايز وجع دماغ و استراليا هي الكلب رقم 2 ( راجع مواقف استراليا و بريطانيا المؤيدين
على طول الخط للسياسه الأمريكيه و الخراب الأمريكي في 20 سنه فاتو ) .
.
المهم يعني , قفل
السفارات ده معناه ايه ؟ معناه باختصار إحتمالين , الأول إن يكون فيه قرود هتتنطط في
مصر فعلا في الأيام الجايه و أمريكا بلّغت كلابها و مش بعيد يكونو هما القرداتي نفسه
اللي هينطّط القرد .
.
و الإحتمال التاني
ببساطه شديده هو محاوله مستمره و مستميته من امريكا و كلابها لوصف الوضع الأمني في
مصر بإنه غير مستقر , مرّه بقى تستنى مظاهرات واي شوية هري , مره تسريب لمكالمه تليفون
, مره حشد الجزيره و كلابها بعد حكم قضائي , و لما يغلبو خالص يقفلو السفارات ويقولو
لأسباب أمنيه , واهو العيار اللي مايصيبش يدوش .
.
اللي انا واثق
منه جدا , سواء كانت الحكايه قرود هتتنطط , أو عزف على وتر عدم الإستقرار في مصر ,
إننا ك ( مصر ) يعني مكتوب لنا و علينا نفضل كده لفتره , خربشات مستمره , عشان ماتقومشي
لنا قومه .
.
و اللي انا واثق
منه كمان إن مصر دي ربنا حاميها و فيها رجاله أوي واقفين عالحدود وفي الشوارع , مش
في المنتديات و ساقية الصاوي .
.............................................................................................................................
Mohamed
Hussein
8
ديسمبر 2014·
و كان نفسي يكون
معايا فلوس كتير و مضطرش أشتغل في صيدليه و ابيع نوفالجين فاصوليا , قلت عندي العربيه
وانا بحب السفر في الطرق الطويله , واطوف أرض مصر شرقها و غربها , عايز أجمع تراثنا
من الفن الشعبي , أغاني الأفراح بتاعة زمان أيام ما كانت الضحكه صافيه و الفرح فرح
, قبل الأفراح ماتبقى قاعدة حشيش و بيره و أوكا و أورتيجا , و تراث المدّاحين ده جبار
, الإنشاد و الحكاوي و الربابه , سعد الشاعر و عبد المعبود , قصص أبو زيد الهلالي و
دياب و الأميره فوز و ابو القمصان , كنت عايز أدخل جوه عقل المدّاح من دول , و أسأله
: إنت إزاي بتبدأ بمدح سيدنا النبي و بعدين تحكي و تتكلم عن الحب و العشق و الحرب و
الخير و الجمال ؟! بتجيب السلطنه دي منين يا مولانا ؟.
.
الفن هو الفن
, بيشكّل وعي المجتمع فعلا , و في زمن أم كلثوم و السنباطي و الريحاني كان فيه المداحين
و طه حسين و العقاد .......... يا ترى كام مليون بني أدم اتشكّلو على إيد السوبكي و
محمد عطيه ؟!.
.......................................................................................................................................
Mohamed
Hussein
8
ديسمبر 2014·
اسرائيل ضربت سوريا
تاني , ماهي الحكايه بقت زي سلامو عليكو عليكو السلام , عشان فيه غطاء دولي ( يعني
أمريكا ) و غطاء عربي يعني ممممممممممم ما علينا و صمت مصري بقى و كداهون , و الحكايه
لا داعش ولا ماعش .
.
إنما حضرتك هتفهم
إمتى إن القايمه مكتوب فيها كده ( العراق ) و دي شدو عليها خط من سنين , و سوريا (
عاملين خط بس لسه بقلم رصاص ) و الدور هيبقى علينا في القايمه لما الخط بتاع سوريا
يبقى خط واضح و نهائي ( ربنا ما يكتبها ) , ولو فشلت يعني حكاية حرق مصر بالزفت الإخون
( عشان احنا فوقنا في اللحظه الأخيره ) فده مش معناها إن الأمريكان و الصهاينه و كلبهم
القطري هيغلبو , جراب الحاوي الأمريكي ما بيخلاش , مره بالإخوان , مره بالسلفيين ,
مره بالكولجيه و النشطاء , أومال هي بتعلف في الناس دي من سنييييييييييين طويله ليه
؟! و مش مهم العلف يبقى فلوس و تمويل , تخريب العقول و القلوب بيجيب نتايج أفضل بكتير
, مش حضرتك وصلت لمرحلة إن شتيمة الجيش المصري بقت موضه زي البناطيل الشارلستون و السوالف
الطويله ؟ مش السخريه من قواتنا المسلحه بقت بتتعمل أغاني و مواويل ؟! .
.
عموما لو حد سألك
هي الثوره السوريه نجحت ولا لسه ؟ قوله لسه يا مولانا , لسه فيه بيتين و سوبر ماركت
في دمشق ماتهدّوش !! .
...................................................................................................................
Mohamed
Hussein
7
ديسمبر 2014·
لما تكون أمي تعبانه
أوي و ترن عالموبايل , و انا بقى أحط إيدي على قلبي قبل ما اتصل , أقول في نفسي خير
يارب , يا رب ما تقولي إن السكر بتاعها عالي أوي و لّا تقولي دوا الروماتويد مش جايب
نتيجه , و لا تقولي رجليها رجعت تورم تاني , و أتصل بيها ألاقيها بتقولي أنا كنت عند
بنت خالك و لقيت عندها أربع تجواز حمام حلوين أوي , جبتهم لك و دبحناهم و نضفناهم و
شيلناهم في الفريزر عشان لما تيجي تبقى تاخدهم معاك لبناتك !! .
العطاء ده ماتلاقيهوش
غير عند الأم , الأم و بس , حقوق الطيبه محفوظه !!.
.................................................................................................................................
Mohamed
Hussein
6
ديسمبر 2014·
مش بس الأهلي اللي
كسب النهارده , و لا هو فوز رياضي كبير لمصر , لأ , الداخليه هي كمان جابت جون بكعب
رجليها من نص الملعب , لما في ظروف التوتر اللي احنا عايشينه ده و إرهاب مرشّق في كل
حته تقدر الداخليه تأمن ماتش فيه ييجي 70 ألف مشجع , حمد الله عالسلامه ياعم محمد أبو
ابراهيم .
.......................................................................................................................................
Mohamed
Hussein
6
ديسمبر 2014·
مبروووووووووووك
لمصر يا أهلاويه , ماتنسوش بقى انتو فزتو النهارده عشان أنا كنت بشجع الأهلي و أنفاسي
معاه , أنفاسي و كل الأنفاس اللي في القهوه بصراحه , أهلاويه و زملكاويه , عيال الأهلي
كانو رجاله و مفيش غير عيب واحد اسمه حسام غالي ( ماده رقم 2 في الدستور المصري : اللغه
العربيه هي اللغه الرسميه للبلاد و الديانه الإسلاميه هي مصدر التشريع و حسام غالي
لازم يلعب في الأهلي و المنتخب ) !! .
.....................................................................................................................
Mohamed
Hussein
6
ديسمبر 2014·
جووووووووووووووووووووووووووووووووووووووووووووووووووووووووووون
....................................................................................................................
Mohamed
Hussein
6
ديسمبر 2014·
أمري لله بقى هشجّع
الأهلي , مع إني زملكاوي أكتر من حماده إمام و حلمي زامورا , بس عشان خاطر مصر ( أه
و عهد الله ) , واهي فرصه أشتم شويه في لاعيبة الأهلي براحتي , إلعب ياض يابن التيت
, باصيها للواد ابن التيت التاني .
.
يارب الأهلاويه
مايعملوش علينا حفله لما يفوزو بإذن الله .
...........................................................................................................................
Mohamed
Hussein
6
ديسمبر 2014·
وادي شيله جديده
يابه عبد الفتاح
.
الداخليه سمحت
ل 25 ألف مشجع يحضرو ماتش الأهلي النهارده , طبعا التراس أهلاوي بتاع خيرت الشاطر هييجي
بشماريخه و صواريخه عشان يقول كلمته , و انا عايز اقول كلمتين لمحمد ابراهيم وزير داخلية
مصر , و بدري بدري أهو , يا مولانا محمد ابراهيم : ممممممممممممممم يارب تكون قادر
عالدح !!.
.....................................................................................................................................
Mohamed
Hussein
5
ديسمبر 2014·
الست اللي الخرفان
رافعين صورتها و عاملين منها بطله عشان اتحكم عليها بالإعدام كانت بتسقى الظابط ماية
نار و هو بيموت و بيطلب بؤ مايه في أحداث كرداسه , و بترمي ماية نار على جتته , لا
بطله فعلا , ولو ماتت تبقى شهيده .
.
و انا بما إني
بحب فعل الخير و كده يعني و ناوي و النيه لله أعمل حاجه خير لابويا الله يرحمه هروح
عند الزنزانه اللي فيها مرسي و الشاطر و بديع و كل الناس الصالحين الأتقياء دول و اعمل
كولدير أعبّيه ماية نار على شوية سيانيد , أه ماية نار ساقعه مشبره بطعم السيانيد و
تنزل من الحنفيه , و ربنا يقدرنا على فعل الخير بقى , والنبي كل أصحابي يحطو صورتي
على بروفايلاتهم و يعملوني بطل , و لو متت بعد 753 سنه و شهرين في حادثة موتوسيكل ابقو
اعملو لي صفحة الشهيد , عايز كمان صورتي تنزل عالجنيه و تبقى صفحه أولى في كتاب الدين
و الأخلاق الحميده .
...................................................................................................................................
Mohamed
Hussein
5
ديسمبر 2014·
يعني إيه نطاعه
؟
.
يعني تمسك جركن
دهانات و فرشه أو قلم ماركر و تفوت على جدران و بيوت و تكتب السيسي *** , السيسي قاتل
, مرسي راجع , السيسي سفاح , الخ .
.
تكتبها بقى على
جدار بتاع شركه معمول من الرخام , تكتبها على حيطه لسه صاحبها داهنها من كام يوم ,
على عربيه مركونه في طريقك , تكتبها على جدار محطه مترو أو جوه عربية المترو نفسها
, على عمود كهربا , في مدخل عماره شيك , يعني تشويه تام لكل الممتلكات العامه والخاصه
في مصر , الحكايه دي يلزمها بتاع 50 ألف خروف ينزلو في نفس الوقت يمارسو فعل النطاعه
و الجليطه بنفس الطريقه , في الفيوم زي القاهره زي اسوان و المنصوره .
.
الحكايه دي يلزمها
نطع كبير بيوزع تعليمات على أنطاع أصغر منه , الحكايه دي يلزمها ناس ماعندهاش لا تعليم
ولا فهم ولا ذوق ولا دين حتى , و كنت عايزهم يحكمونا ؟ هما دول بتوع الدين ؟ دول اللي
عندهم كوادر ؟!.
.
أتحدى لو كان فيهم
نطع واحد بيفهم إن الكتابه على جدران الممتلكات العامه و الخاصه بدون موافقة صاحبها
حرام حتى لو كنت هتكتب ( لا إله الا الله محمد رسول الله) !! .
....................................................................................................................................
Mohamed
Hussein
5
ديسمبر 2014·
مصر ياللي غرامها
راشق
م البدايه للنهايه
اسمحي لي كنت عاشق
بس عشقك مش كفايه
.
لمّاسيب حِمْلك
لغيري
كَنْ حِمْلك مش
بتاعي
.
لمّاشوف الديب
بيعوي
و التعالب و الأفاعي
.
و اجري اقولك أه
بحبك
و انتي أغلى من
حياتي
يبقى حبك كان غناوي
كلمتين مالهمشي
داعي
قولي عنّي مغنّواتي
!!
.
لو ماكنتش هبني
وازرع
و احمي أرضك والمداين
أبقى وقت الجد
خاين
ترضي لابنك يا
بهيه
يبقى عاشق بس خاين
؟!.
.
.
محمد حسين
.......................................................................................................................................
Mohamed
Hussein
5
ديسمبر 2014·
في صفحات الإخوان
الكبيره هتلاقي قصه هلاميه عن بنت كانت في السجن ( يا حرام ) و شافت ست عجوزه كانت
بتصحى كل يوم من بدري و قال بتطلّع صور احفادها و تبوسهم و تكلمهم ( قلبي الضعيف لا
يحتمل ) , فلما البنت سألت الست دي انتي مسجونه ليه يا حاجه ؟ قالت لها مش عارفه يا
بنتي ( دموعي نزلت أهي ) , بس أنا كنت بحب الريس مرسي , سجنوني عشان بحب مرسي !! .
.
الغريبه مش أم
الحكايه الهلاميه نفسها ,الغريبه إن الحكايه دي بيتعمل لها 29 ألف شير و 70 الف لايك
!! .
.
مهابيل الإخوان
مايفرقوش كتير عن مخابيل السلفيين اللي بيشيّرو قصص محمد حسّان بتاعة انه كان في الحرم
و شاف راجل بيعيط و يبكي و يتشتحتف عشان مديون و مش لاقي ياكل و فجأه ييجي راجل صالح
لابس أبيض فابيض ( مش عارف راكب حصان ولا لأ ) و يرمي في حجر الراجل المديون ده شنطه
مليانه دولارات و دنانير و دراهم ( القصص دي حصري لمحمد حسان على فكره و مش بتحصل غير
قدامه هو ).
.
احنا للأسف تجاوزنا
مرحلة إن الحل في التعليم و التثقيف و التربيه ( و دي برضه من إنجازات مبارك ) , إحنا
في مرحلة إن الحل هو مشروع صرف صحي عملاق يقدر يستوعب ال بي بي ده .
....................................................................................................................................
Mohamed
Hussein
5
ديسمبر 2014·
تسجيلات والتعلب
فات
.
سمعت التسجيل الأخير
؟ أه سمعته , طب رأيك إيه بقى فيه ؟
رأيي أهو باختصار
.
1- التسجيل مش
متفبرك ( غالبا ).
.
2- محتوى التسجيل
بيقول ان ممدوح شاهين عايز اجراءات معينه في سجن مرسي عشان عارف ان الخرفان عندهم ألف
محامي أوسخ من فريد الديب و ممكن القضايا كلها تطلع فشنك بسبب خطأ بسيط في اجراءات
القبض عليه و اعتقاله ( أه في مصر تبقى قاتل و معترف و فيه عليك مليون دليل و محامي
فاسد يطلعك براءه عشان ختم أو ورقه أو اجراء عبيط في القبض عليك ) .
.
3- سجن مرسي كان
لازم يكون في مكان معزول عشان ده امن قومي , أياميها محدش كان يعرف مرسي فين فعلا
, و لو كان حد عرف الله أعلم كان ممكن البلد تولع إزاي ؟.
.
4- ممدوح شاهين
و مدير مكتب السيسي المفروض مايتناقشوش في حاجه زي كده مع وزير الداخليه في تليفون
( ده اسمه هبل و عبط و بلاهه) .
.
5- التسجيل مش
متسرب من الإخوان , عشان الإخوان لو عندهم التسجيل ده مكانوش صبرو عليه سنه واكتر
, يبقى طالع من قيادات من الجيش ( سامي عنان و رجالته غالبا ) .
.
6- الترتيب لسجن
مرسي بشكل معين لا يعني برائته من تهم الخيانه والعماله ومسئوليته عن تعذيب المواطنين
في الإتحاديه و بيع مصر لحماس والبشير و لا يعني ان مرسي كان بيحكم مصر اساسا .
.
7- رساله عايز
أقولها لعبد الفتاح السيسي باختصار : كل حاجه هتحصل في البلد دي هتتحط على دماغك ,
بص يا ريس , كان فيه إعلان تلفزيوني زمان بيقول : تخلّص من مطبخك القديم !! .
.............................
.............................
باقي كلمه اخيره
لأصحابي الناحينح اللي قلبهم مرهف أوي و اتأثرو بالتسجيل وقالو مرسي مظلوم مزلوم مزلوم
, ماتزعلوش على مرسي كده , هو هيطلع براءه زيه زي مبارك عشان عندهم بالتأكيد فريد الديب
أبو دقن و مليارات متلتله , مره زمان واحد قالي إن جمال مبارك بملياراته دي كان بيشتغل
لحساب خيرت الشاطر أو تحت جناحه يعني , صدّق أو لا تصدق إتس أب تو يو !! .
.............................................................................................................................
Mohamed
Hussein
5
ديسمبر 2014·
حكاياتي أنا وبناتي
.
لوجي جت لي وقالت
يا بابا عايزين نتكلم النهارده على طول بالإنجليش , قلت لها أوكيه
.
دخلت انا المطبخ
أعمل قهوه جت ورايا
أنا : دو يو وانت
كوفي لوجي ؟
لوجي ؟ نو ثانكس
.
لوجي ( فتحت التلاجه
) : دو يو وانت كيك ؟
أنا : يس , تو
بيسيز بليز
لوجي : ويل يو
إيت ويز فورك ؟
أنا : نو ... ويز
ماي هاندز
.
طلعت عالبلكونه
عشان اشرب سجاره مع القهوه جت ورايا
لوجي ( وهي بتبص
من البلكونه ) : زيس سوبر ماركت از نوت كلوزد تيل 1 إيه إم ؟
أنا : يس , أوبيند
24 أورز .
لوجي ( ساهتني
و دخلت عاللاب توب وانا سايبه مفتوح عالفيس ) : داد , كان أي يوز يور لابتوب ؟
أنا ( بانفعال
) : سيبي أم اللاب توب بدل ماجي أنفخك يا بنت ال *@#*%$ !! .
.......................................................................................................................................
ليست هناك تعليقات:
إرسال تعليق