Mohamed
Hussein
1
نوفمبر 2018·
للشباب المقبلين
على الزواج , إزاي تختار شريكة حياتك ؟
.
بص يابني
- بنت اتعرفت عليها
و حبيتها و بعد ماحبيتها اكتشفت انها من نعجات الجماعه الإرهابيه أو من شمامات الكوله
اللي سابقينا بمليون فدان , دي تخلع منها فوراً حتى لو كانت بنت طاهر القويري , أول
مناقشه بينكو بعد الجواز هتنتهي بجريمة قتل أو جريمة انتحار أو كلاهما معاً , و لو
كنت روحت لها البيت و معاك تورته ترجع تاني تجيبها , خساره في جتتهم .
.
- البنت اللي تلاقيها
على صفحتها بتكتب , يقرأ لدستوفسكي , و حاطه في التعريف جمل من نوعية ( هذا الكوكب
عاجز عن استيعابي , الموت يرقص على أصابع المعرفشي ايه كده ) , دي ماتتجوزهاش عشان
هتجييب لك استبحس و أمبليكاس و بواسير و هتخنقك أكتر ماتامر هجرس و ريهام سعيد و أيمن
يونس بيخنقوني .
.
- بنت متزنه عقليا
و نفسيا و بتعرف تفصل أبو قرش عن أبو قرشين في كل حاجه حتى السياسه , و جواها أمل و
خير و محبة للحياه , اتجوزها وانت مغمض .
.
- بنت عايشه ليل
و نهار بتتشألب في بوستات الأبراج , و احذر من غضب أنثى الجوزاء , العالم ينحنى احتراما
أمام انثى الجوزاء , دي اتجوزها , هي عندها ربع ضارب صحيح بس شغاله و زي الفل , المهم
تعيش معاها في ليلة الأبراج دي و تعرف تستخدمها صح بعد الجواز , يعني مثلا هي عايزه
تخرج وانت مالكش مزاج قول لها علم الأبراج بيقول إن النهارده درب التبانه هيميل شوية
على جنبه الشمال و غير محبب الخروج لجميلات برج الجوزاء , عايز منها كلمتين على استنفرام
قول لها ان برج الجوزاء بيؤكد إن الوقت الحالي هو أفضل وقت للتزاوج و التخصيب , و ماتنساش
بقى لما تخلفو عيل سمّوه شمندي .
.
- البنت اللي بتعمل
صورها سنابشات , و تعمل ودان أرنب و ديل قطه و الحاجات دي , اتجوزها , دي فرفوشه و
دندوشه و مطقطقه , المهم الله يكرمك تنبّه عليها قبل كتب الكتاب بيومين إنها تجهّز
كام صوره 4 في 6 بخلفية بيضا لقسيمة الجواز , تكون صور طبيعيه , عشان قدام المأذون
ماتتفاجئش ان صورة العروسه بشخصية بطوط أو ماسكه في إيديها عصاية الساحره الشريره
.
.
- بنت كل ساعتين
تنزل صوره مثيره لها , و بتحب باستمرار تاخد رأي الشعب و الجماهير العريضه في الحته
اللي عند دلاية السلسله و في سمانة رجليها و في الخلفيه الحضاريه , دي ماتتجوزهاش
, إلا إذا كنت حابب ان سكان القاهره الكبرى و ضواحيها يشاركوك في المناسبه السعيده
دي .
............................................................................................................
Mohamed
Hussein
1
نوفمبر 2018·
واضح ان فيه حالة
اكتئاب جميله مسيطره على الشعب المصري من بعد 2011 , و الدليل إننا بنخلف 2 مليون عيل
كل سنه , اه وعهد الله , احنا يابني بلا فخر بنطفي النور كل يوم خميس و نجيب عيال قد
عدد سكان قطر بنت الديرتي .
.
الشعب بتاعنا ده
عامل بالظبط بالظبط زي الست المصريه اللي جسمها مليان شويه , تقف قدام المرايه تقول
لنفسها انا تخينه ولازم اعمل ريجيم , تقوم تزعل و تكتئب , و لما تكتئب تروح عالمطبخ
جري و تفتح باب التلاجه و تاخد تورتايه و معاها نص بطه تاكلهم , بتطلع همها واكتئابها
و زعلها من الموضوع ده في الأكل مايجراش حاجه يعني .
.
احنا برضه بعد
2011 لما حسينا ان الدنيا مش أمان و إن مستقبل البلد على كف عفريت بقينا نخلف عيال
كتير أوي , أهو نجيبهم و يحضرو معانا موضوع كف العفريت ده.
.
في كل البلاد اللي
خلقها ربنا لما يكون المستقبل شويه غامض و مفيش احساس بالأمان بتقل نسبة الإنجاب بشكل
تلقائي , عندنا احنا العكس تماما , بالكو أكتر ليله ممكن يحصل فيها علاقه زوجيه في
مصر هي الليله اللي هيعلن فيها بوتين و ترامب بشكل رسمي قيام الحرب العالميه التالته
و وضع الصواريخ النوويه في حالة الإستعداد و التأهب .
.
شوفت يا حنفي اللي
حصل ؟ خير ياحبيبتي حصل ايه ؟ بوتين أعلن قيام الحرب العالميه التالته و ترامب رد عليه
و شكلها هتقوم بكره الصبح و تبقى حرب نوويه تهد نص كوكب الأرض , بجد حصل كده ؟ أيوه
طبعا , ياااه موقف صعب فعلا , بس انتي احلويتي النهارده كده ليه ؟ معقوله سيرة بوتين
و ترامب بتخليكي قمر 14 كده ؟ هما العيال نايمين ؟! يا حنفي بقولك الحرب العالميه التالته
هتقوم الصبح و تطرطش عندنا , يا ستي احنا فين و الصبح فين , ده لسه بدري اوي .
.............................................................................................................
Mohamed
Hussein
1
نوفمبر 2018·
ثقافة الإعتذار
.
انا و كتير من
أصدقائي حاليا بنمثل جبهة قويه جدا لها اسم كوميدي شويه ( تنظيم العائدون من شم الكوله
) , أيوه كنت واحد من اللي بيشمو كوله و تقريبا كنت قاعد في قعر البرطمان من تحت خالص
, يعني بجيب من الشمخ الجواني .
.
- الكلام ده استمر
معايا لمدة سنه بتاعة 2011 , كنت ثورجي على كيف كيفك و بتاع شعارات و فلايات , يمكن
عذري الوحيد اني كنت وقتها عايش بره و الصوره بالنسبالي ضبابيه تماما ( واحد بيتفرج
عالجزيره 24 ساعه يوميا و في الراديو بيسمع ليليان داود في البي بي سي عايزه يطلع ايه
؟ طيار؟ ماهو لازم ينخدع ).
.
- بعد شوية بدأت
أفوق واشوف الصوره واضحه , من أول دخول الإخوان في المشهد و ظهورهم على الشاشات و نزولهم
لنا من الحنفيه , السحنه دي مش بتاعتنا يا عم الحاج , احنا ماعملناش ثوره احنا اتعمل
بينا ثوره , مصر فيه حد بيحاول يلعب في جيناتها , لا بقى دي الحكايه ماكانتش هدم نظام
مبارك , دي كانت هدم لمفهوم الدوله و الوطن .
.
- عندي ثقافة الإعتذار
واعتذرت ألف مره و بعتذر و هفضل اعتذر للبلد دي و لجيشها , كل اللي كتبته في ال 6 سنين
اللي فاتو ممكن كمان احطه تحت بند الاعتذار , انا أسف يا مصر , احنا أسفين , كنا حمير
طيبين .
.
- أستاذنا حمدي
قنديل صحفي رائع و إعلامي ملوش زي , كان له اسلوبه الخاص و مفرداته و أدواته و محدش
أبدا ينكر دوره في التوعيه أو يقدر يقول إنه كان من المنتفعين و الطبالين لأي نظام
من الأنظمه .
.
- قريت مذكرات
حمدي قنديل ربنا يرحمه و يحسن إليه , من أول فيرمونت و ما قبلها و ما بعدها , الحقيقه
و للأسف الشديد بينطبق عليه المثل القديم أوي اللي بيقول ( ملى القفص عنب و غطّاه بمعرفش
ايه كده ) , حمدي قنديل اعتذر عن قصة فيرمونت و تلميعه للجماعه الإرهابيه و مشاركتهم
و دعمهم و و و و , لكن يبدو انه رجع تاني في اعتذاره و قال لو اتكرر المشهد كنت هعمل
كذا لأن أنا نيتي سليمه , يعني اعتذار باهت و ماسخ .
.
رحم الله الصحفي
و الإعلامي الكبير حمدي قنديل و ربنا يتجاوز عن خطيئته في فيرمونت و يتجاوز عن ذنوبنا
و خطايانا
....................................................................................................................
Mohamed Hussein
31
أكتوبر 2018·
مولانا خالد لامؤاخذه
أبو النجا في مؤتمر عن الحريات في باريس , قال و زاد و عاد و خد شمة كولة مفتخره من
قعر البرطمان .
.
فين مصطفى النجار؟
- والله هربان
يا استاذ خالد و لما يتمسك هيتحقق معاه .
.
لا مش هربان ,
ده أكيد اختفاء قسري وانا بلمّح لكده .
- و حياة الست
مامتك الدوله دي سجنت اتنين رؤسا و كبشة وزرا و رجال اعمال مليارديرات وصورتهم فيديو
وهي بتقبض عليهم , فأكيد أكيد مش قلقانه خالص من إعلان القبض على مصطفى النجار اللي
محدش يعرفه و خالته ذات نفسها بتتلخبط في إسمه .
.
طب فين الصحفي
الفلاني , مسجون ليه ؟ ده صحفي يا جدعان ؟
- والله سيادتك
القوانين مفهاش زينب , صحفى ولا دكتور أمراض نسا ولا عربجي حنطور , لما بيغلط بيتحاكم
بكتاب القانون و معاه المحامي بتاعه .
.
يعني ماينفعش الناس
تحرق عربية شرطه و تتهجم على قسم شرطه مثلا أو تنزل خبر بيقول إنشقاق في صفوف الجيش
المصري , أو ينزل فيديو يشرح فيه طريقة عمل قنبله بدائية الصنع و نعتبر الحكايه دي
حرية رأي و تعبير و بطيخ ؟
- لا والله يا
مولانا , و عندك في قلب البلد بتاعة المؤتمر , عاصمة النور و الجمال و ساندوتشات الحلاوه
بالقشطه , لو عملت كده هيعلقوك على عمود النور و يعملو فيك الحاجه اللي انت اكيد بتحبها
.
.
بس السيسي فاشي
و قمعي
- اه طبعا طبعا
و الدليل انك خرجت من مطار القاهره و طلعت عالهوا قلت البؤين دول وخدت لك قرشين حلوين
( قلبت عيشك يعني ) و هترجع من مطار القاهره تنام في بيتكو عادي خالص ( أو في بيت صاحبك
) , واضح إن معلوماتك عن الفاشيه زي معلوماتك عن الرجوله بالظبط .
...........................................................................................................
Mohamed Hussein
31
أكتوبر 2018·
سأل رجل أعرابي
حكيم الزمان و قال له يا حكيم , خبّرني بالله عليك , أين أجد طريق السعادة ؟ .
فتبسم حكيم الزمان
و رَبَتَ على كتف الأعرابي و قال له ( يا بني , أما طريق السعاده فاااااا , هما قالو
لك فين بالظبط ؟! ) .
.........................................................................................................
Mohamed Hussein
31
October
at 10:40
·
خبر عجيب أوي و
بيختصر حدوتة كبيره
.
الست التونسيه
اللي فجرت نفسها من يومين في شارع الحبيب بورقيبه , 30 سنه , فتاه جامعيه في عز شبابها
, لما سألو أمها قالت بنتي راحت ضحية الإرهاب , أما بقى لما سألو أبوها قال بنتي راحت
ضحية قيادات البلد بسبب المحاباه و تهميش الشباب !! أه و عهد الله زي مابقول لكو كده
.
.
الست دي في رأيي
الشخصي قبل ماتكون ضحية شيوخ الفتنه و قبل ماتكون ضحية مخدرات و قبل ماتكون ضحية تنظيمات
ارهابيه فهي ضحية الأب , الأب و انت مغمض عينيك كده تقدر تقول انه شمام كوله بشكل منحط
( ده لو مكانشي خروف رسمي ) .
.
ماهي البيوت هي
الأساس , و مفيش حد بينام بالليل و هو بني أدم متزن عقليا و يصحى الصبح يلاقي نفسه
إرهابي لابس حزام ناسف , البنت دي اتملى دماغها بكلام الأب المنحط , الظلم الظلم ,
القمع القمع , انتي يابنتي مش عارفه قيمة نفسك , انتي سابقه كوكب الأرض بمليون فدان
, بس نقول ايه في الظلم و المحاباه و تهميش الشباب , إزاي القيادات في تونس ماجابوش
ليكي شقه و عربيه و شاليه و عزبه و وظيفه لحد دلوأتي ؟ انتي لو عايشه في ألمانيا كان
زمان بقى عندك الحاجات دي و خمسه سته مليون دولار في البنك بإسمك , بس هنعمل ايه يا
بنتي في تونس الفاشيه القمعيه الظالمه ؟ دي عيشه سوده و السواد قادم .
.
وبس يا سيدي ,
الأب باختصار خد بنته من إيديها و سلمها للإرهابيين تسليم أهالي , بعد ما ملى دماغها
بالكأبه و السواد , و الإرهابيين ماكدبوش خبر و كملو ورا شغل الأب , والنتيجه ببساطه
ست تلبس حزام ناسف و تروح تفجر نفسها , النتيجه دي حتميه و سهله خالص , زي شكة الدبوس
.
.
يارب الناس تفهم
, الحدوته بتقول كلمتين اتنين , إملى العقل بديناميت صغير بشكل متراكم , هتلاقي الجسم
بينفجر معاك لوحده !!.
.
ضحايا الإنبهار
بالغرب و الصوره المشوهه عن حياتهم (و الفخفخينا ) اللي عايشين فيها والقصص الحمضانه
وتويتات البرادعي و أمثاله , مايختلفوش كتير عن ضحايا مشايخ الفتنه و الإرهاب , الإتنين
ممكن نسميهم ( الندّاهه ) , سكة اللي يروح مايرجعش , و النتيجه واحده يا مولانا .
.................................................................................................................
Mohamed Hussein
30
أكتوبر 2018·
رئيس شركة سيمنز
الألمانيه العملاقه : لا يوجد مكان في العالم يطوّر البنيه التحتيه بهذه السرعه مثل
مصر .
.
بس يا طبال يا
أمنجي يا عبد البياده , يا راجل يا لجنه ياللي بتتفرج على احمد موسى و مصطفى بكري
, تلاقيك بتطبل للسيسي عشان طمعان يدّيك محل تبيع فيه أدوات كهربائيه في سوق الجمعه
أو يعيّن إبنك غفير على محولات الكهربا بتاعة شرق السنبلاوين .
........................................................................................................
Mohamed Hussein
30
أكتوبر 2018·
اليوم يوافق ذكرى
ميلاد موسيقار الأجيال الأستاذ يحيى الفخراني , طبعا ناس كتير من المصريين مايعرفوش
حاجه عن الفخراني غير انه بتاع بليله و فاتح محل في أجا .
.
#ياسمينيات_و_سيليكون_و_كيرفات
.
.................................................................................................
Mohamed Hussein
30
أكتوبر 2018·
بين العلماء المصريين
و بين شمامين الكوله
.
لما نقول عالم
مصري يبقى نقول فاروق الباز , زويل , مجدي يعقوب , هاني عازر , و لما تيجي سيرة عصام
حجي تحطه تحت جزمتك و تدوس عليه بمنتهى الأريحيه زي مابتعمل مع الصرصار بالظبط , شمام
الكوله الصغير يابني بيبقى اسمه شمام كوله صغير مش باحث , و لما يكبر هيبقى اسمه شمام
كوله كبير مش عالم .
.
بنشتري سلاح ليه
؟ سؤال جميل من واحد نطع , اسرائيل العدو الأزلي مبقاش يلزمها أسلحه ولا تكنولوجيا
عسكريه و مع ذلك بتعمل صفقه من كام يوم ب 11 مليار دولار لأسلحه جديده ,يا ترى بتشتري
سلاح ليه ؟ ماكانت تصرفهم على شعبها و تجيب لهم ساندوتشات حلاوة بالقشطه ؟ بنشتري سلاح
يا نطع عشان ماننعمش بالديموقراطيه و الحريه الأمريكاني في مخيمات اللاجئين و نبقى
زينا زي غيرنا .
.
بنشتري سلاح عشان
أردوغان خليفة الشواذ النهارده الصبح صحي من النوم و افتكر انه محتاج ينقب عن الغاز
في البحر المتوسط , و من يوم ماعملنا اتفاقيات ترسيم الحدود و هو ركبه 100 عفريت ,
و مش هيسيبك تنقب و تطلع ثرواتك و تبني مستقبلك بسهوله , ياريت برضه حبايبنا الصيع
يعرفو مين اللي كان بيسرح بيهم و يركبهم و يشتغلهم أيام اتفاقيات ترسيم الحدود .
.
أما علماء مصر
بقى فتعالي أقولك عليهم , المصريين اللي ممكن يسافرو بجسدهم , يشتغلو في أمريكا و أوروبا
أو حتى ياخدو جنسيات تانيه لكن تفضل هويتهم و انتمائهم و عقيدتهم و دمهم و جيناتهم
مصري صرف .
.
فاروق الباز بيتكلم
عن 15 ممر للتنميه في مصر , متنفس أمن للخروج من الوادي الضيق , ممرات بعرض مصر المحروسه
, و طريق بطول مصر من اسكندريه لأسوان يربط الممرات الخمستاشر ببعض , اللي هو تقريبا
نفس كلام السيسي عن الامتداد والظهير الصحراوي للمحافظات , ناس بتفكر لعشرين و خمسين
و خمسميت سنه جايين , ناس مصريين و بس .
.
هاني عازر اللي
هو فخر مصر في ألمانيا بيقول إن البرلمان الألماني طلب من مصر إنها تبني مطار برلين
!! , يا جدع ماتقولش كده داحنا صفر في التعليم و الصناعه و البنيه التحتيه و اخر دوله
في كوكب الأرض و صفر في كل حاجه , لا يا جحش ده اللي بيروجه لك شمامين الكوله والخرفان
اللي راكبينهم , النظره الدونيه , التشاؤم , الإحباط , مصر عمرها ماكانت في يوم من
الأيام صفر في أي مجال , عايزين نكبر و نكبر أوي و نبني بلد حديثه متطوره ؟ صح , عايزين
نوصل للمكانه اللي تليق بمصر ؟ صح جدا , بس أول قاعده لازم تحطها في ذهنك هي إنك عمرك
ماكنت صفر .
.................................................................................................
Mohamed Hussein
30
أكتوبر 2018·
و انت يابني عايز
تتجوز ليه ؟
- أنا حضرتك عايز
أتجوز عشان لما أرجع من شغلي ألاقي مراتي واقفه في المطبخ , لابسه قميص من بتوعي وبس
, بتحمر بطاطس أو بتقلي بتنجان ( لو البطاطس غاليه ) , و أول ماتشوفني تتشعلق في رقبتي
و تقولي , حمد الله عالسلامه يابيبي , وحشتني أوي .
.
ممممم وانا بقولك
هترجع من الشغل تلاقيها لابسه جلابيتين فوق بعض و تحت منهم كلسون رجالي و مغطيه شعرها
بطرحه و بندانا و بلتكانه و رابطه وشها بمنديل بأويه و ماسكه الشرشوبه في ايديها و
أول ماتشوفك هتقولك ( انا ضرسي بينقح عليا من صباحية ربنا وانت لا حس ولا خبر , طبعا
مانا مش على بالك يا أستاذ , جبت لنا لحمة الشهر ؟ جبت الفراخ بتاعة الشهر ؟ واللبس
الشتوي جبته ؟ و مصاريف المدرسه بتاعة السنه الجايه و لحمة العيد الكبير, ده يادوب
باقي عليه 9 شهور , جبت مطبخ أسيل بنتنا و عفشها و جهازها ؟ البت داخله كي جي 2 وانت
لسه ماجهزتهاش , مانا عارفاك يومك بسنّه , طب جبت شقه لحماده ابننا اللي بقى في أولى
اعدادي ؟ طبعا لا , ماجبتلوش شقه , مع انك يا أخي نازل من الصبح بدري )
..............................................................................................................
Mohamed Hussein
29
أكتوبر 2018·
تونس اللي كانت
خضره
.
النهارده سيده
تونسيه إرهابيه كيوت زي الفل بتفجر نفسها قدام دوريه أمنيه في قلب تونس , ده بس لمجرد
ان الرئيس التونسي الحالي قال من يومين عايزين نفك الإرتباط مع حزب النهضه الإخوانجي
الإرهابي الضاني .
.
وانا رأيي من سنين
ماتغيرش , أصعب موقف لدوله من دول اللامؤاخذه الربيع العربي , هو الموقف التونسي .
.
الحكايه أصلها
مش لوغاريتمات ولا كيميا , لما تتعاون مع جماعه ارهابيه خاينه لا تعرف وطن ولا حدود
ولا عهد ولا وعد و تشركهم في الحكم تبقى بالظبط حطيت رقبتك و رقبة شعبك و دولتك تحت
سكينة الإرهاب , طول مانت ماشي على هواهم أهي رقبتك بخير و في الأمان , فكرت بس مجرد
تفكير إنك تخرج عن الخط أهي السكينه موجوده و رقبتك في إيدينا .
.
اللي عمله الشعب
المصري و الجيش المصري في 30 يونيو 2013 لازم يتدرس في أول صفحه في كتاب أبجديات السياسه
و الأمن القومي و مصائر الشعوب , في كل دول العالم .
..................................................................................................................
Mohamed Hussein
29
أكتوبر 2018·
عقدة الخواجه
.
صباح الفل
- عقدة الخواجه
دي مفهوم شامل متكامل , أو ممكن نقول منهج فكري , ماعرفش مين فكري اللي مشحططينه معانا
, بس أهو ده المنهج بتاعه وخلاص .
.
- عقدة الخواجه
لا تعني بس إنك تبص للشخص أو الكيان غير المصري ( الأوروبي و الأمريكي تحديدا ) بعين
الإنبهار , تفضل منبهر كده وفاتح بؤك , على اعتبار إنه لا ينطق عن الهوى , كل اللي
يقوله صح و كل اللي يعمله صح ونص و لما بيدخل الحمام بيعمل ببي بيبسي كولا .
.
- عقدة الخواجه
بتتوغل جوه الإنسان اللي عنده دايما احساس بالدونيه و يبدأ يطبقها في كل حاجه في حياته
, مدرسين المدرسه بهايم و مابيعرفوش يشرحو إنما مدرسين السناتر اسم النبي حارسهم و
صاينهم , دول جبارين يا جدع و بيمشو عالحيط , حوت الفيزيا و جهبذ العربي و ديناصور
الأحياء , ده طبعا على اعتبار انهم مخلوقات فضائيه نازله من السما و جايبين الجهبذه
بتاعتهم معاهم , مش مدرسين في مدارس تانيه !! (هنا مدرس السنتر بيبقى هو الخواجه اللي
في العقده ).
.
- عقدة الخواجه
هي اللي بتخلي مدام شوشو لو حطيت لها جزمه حريمي في محل شعبي ب 200 جنيه ماتشتريهاش
, خد نفس الجزمه دي بقى و حطها في محل اسمه مكتوب بالإنجليزي جوه مول من المولات و
اكتب عليها السعر 1150 جنيه بعد الخصم , و ماتنساش تقول إنها شوز مش جزمه (إسمها شوز
يا جاهل ), هتشتريها مدام شوشو , لأنها ناصحه أوي وشيك و هاي كلاس و هاي فاي , و مابتجيبش
لبس عيالها غير من هارديز !! ( المحل بتاع المول في الحاله دي هو الخواجه ) .
.
- عقدة الخواجة
هي اللي بتخلي مامة حماده تمشي مع ابنها في النادي و تقول له , حماده نو , حماده دونت
, حماده بليز , حماده ساي ثانك يو , عشان هي أصلا لو قالت له لا يا حماده و قول شكرا
هتنضلع و يطلع لها حب شباب و بواسير تاني يوم الصبح , لازم حماده يتكلم انجليزي من
و هو في اللفه , لأن لغتنا العربيه دي لقيطه و لاقينها على باب جامع , واحنا أصلنا
عايزين حماده لما يكبر يفتح محل كنافه بس يرطن بالإنجليزي فشر توني بلير ( اللغه هنا
هي الخواجه ) .
.
- عقدة الخواجه
هي اللي بتخليك لما تقعد مع جدك العجوز أبو وش مكرمش و يقولك كلمتين في منتهى الحكمه
ماتفكرش فيهم ولا يلفتو انتباهك, إنما لو جه واحد اجنبي صايع و عواطلي قالهم لك بالانجليزي
بتنبهر و تعمل لايك وشير و تطبعهم و تعلقهم في الصالون كأقوال مأثوره للعظماء الخواجات
حتى لو كانو شوية صيع .
..................................................................................................................
Mohamed Hussein
28
أكتوبر 2018·
من سنين طويله
و لحد النهارده و معايير الإختيار في الصحافه و الإعلام , الحكومي و الخاص , بتتم بالشكل
ده ( إلا ما رحم ربي ) , انت ابن مين و خالك مين ؟ طنط شاكيناز تقرب لك في حاجه ؟ معاك
برطمان كوله و تعرف تقول عسكر و ثكناته ؟
.
وانتي مزه و عندك
كيرفات ؟ تبقى موهوبه و مثقفه و مفكره و بتمشي عالحيط , وريني الكيرفات كده ؟ لا دانتي
مفكره أخر فيصل , ازاي المواهب دي كانت مدفونه , سمّانة رجليكي يا أنسه مبدعة في الوصف
والتحليل و ربط الأحداث , الحته اللي عند دلاية السلسله دي سابقانا بمليون سنه ضوئيه
, تعرفي تفتحي زرارين من البلوزه ؟ لا بقى , دانتي عقلك ألماظات و إيديكي تتلف في حرير
ولازم تقودي حملة التنوير, يالله بينا على حملة التنوير , ماتيجي أعزمك على كوفي في
أون زا حملة التنوير ؟, يووه خدتيني في الكلام و كنت هنسى ,مواهبك برجلتني ,مش أنا
عيد ميلادي النهارده ؟!
.( طبعا مع كل
و كامل احترامي لأصدقائي الأفاضل الإعلاميين و الصحفيين اللي بيمثلو قلّة مندسه )
.
.
معايير الأختيار
دي هي اللي خلقت عندنا صحافه و إعلام بلاستيك من شوية شمامين كوله و شوية معدومي موهبه
( إلا موهبة الكيرفات و السمّانه ) و هي بالطبع اللي خلت الغالبيه الكاسحه من الشعب
المصري لقمه سائغه في بؤ شوية صيع بيشتغلو في قناة الخنزيره أو شوية بلطجية بيشتغلو
في الواشنطن بوست أو حتى شوية صيع بدقون بيسرحو في القرى و النجوع و ينشرو أفكارهم
الزباله .
.
صحافتنا و إعلامنا
بلح , وصاحبة الجلاله بقت صديقة الطلبه , سيادتك يافندم ماعندكش حاجه تقدمها للناس
غير كيرفاتك و برطمان الكوله, في أحسن حالاتك هتبقى صفر و في أسوأ حالاتك هتبقى سالب
, يعني سلاح , بس سلاح في إيد أعدائنا .
.
أما بالنسبه للأستاذه
ياسمين كيرفات فأحب أقولها , إن عميد الأدب العربي مش عباس العقاد ولا مكرم عبيد ولا
مصطفى النحاس ولا حتى مصر للطيران , عميد الأدب العربي يا أستاذة كيرفات هو الكابتن
حسام حسن , دي معروفه خالص بس انتي اللي مابتجيش , مش تبقى تيجي ؟!
....................................................................................................................
Mohamed Hussein
27
أكتوبر 2018·
مولانا القديس
.
مولانا القديس
محمد محمد أبو تريكه أمير القلوب و الكلاوي و الفشه و الطحال زعلان أوي من زيارة وفد
اسرائيلي لسلطنة عمان و بيقول ازاي نطبّع مع الصهاينه و ازاي نسمح بزياراتهم ؟ دول
قتله يا جدعان و دمويين و لازم نبعد عنهم ( قلبي الصغير لا يحتمل و الدمعه هتفر من
عيني أهي ) .
.
مولانا القديس
أبو تريكه بيشتغل في القناه اللي أشرفت على قتل و تشريد ملايين العرب ( قد اللي اتقتل
على ايد الصهاينه بشكل مباشر 100 مره ) , ومنهم ناس من بلده ( ده لو كان له بلد ),
ظباط جيش و ظباط شرطه و جنود و مدنيين و أطفال و نساء و أقباط في الكنايس و مسلمين
ساجدين في الجوامع , ناس زي الورد اتقتلو بدعم السفاح اللي بيدّي للقديس مرتب أخر كل
شهر .
.
مولانا الأستاذ
الدكتور المهندس الأميرالاي أبو تريكه عايش في الدويله اللي بترعى الإرهاب و بتصرف
عليه مليارات الدولارات و اتسببت في خراب دول و هدم جيوش عربيه مسلمه لخدمة الكيان
الصهيوني .
.
مولانا الشاعر
الرومانسي الكيوت أبو قلب خسايه أبو تريكه بيشتغل في القناه اللي بيديرها الصهاينه
و المخابرات البريطانيه .
.
مولانا الإمام
الأكبر أبو تريكه , بيشتغل و بيدافع عن الكشك اللي محمي بقاعده عسكريه أمريكيه ده غير
قوات الأغا العثماني و الملا الإيراني .
.
مالمصيبه السوده
لا يكون مولانا الإمام فاهم إننا هنحارب الصهاينه و نحرر القدس بمساعدة الأمريكان و
المخابرات البريطانيه و الصهاينه ذات نفسهم ؟! والله تبقى مصيبة سوده , أه و عهد الله
.
............................................................................................................................
Mohamed Hussein
26
أكتوبر 2018·
شوف يابني ,أهم
حاجه على الإطلاق إن رجلها تبقى ملفوفه و حلوه من تحت, غير كده كله شكليات .
- هي مين دي حضرتك
اللي تبقى رجلها ملفوفه من تحت ؟
.
الكنبه , الكنبه
اللي بنقعد عليها يا حيوان , عشان تستحمل .
- أه بحسب .
.
أما عينيها بقى
- مالها عينيها
حضرتك؟
.
لازم يكونو كده
بيلمعو و مليانين حب و طيبه
- بس فهمتك , انت
أكيد تقصد فوانيس العربيه المرسيدس العيون , ماتقصدش اللي في دماغي .
.
لا طبعا بقصد اللي
في دماغك , هو فيه فوانيس عربيه بيبقو مليانين حب و طيبه يا جحش ؟!
.........................................................................................................
Mohamed Hussein
26
أكتوبر 2018·
الموقف السعودي
و التعامل لأول مره بحرفنه .
.
قناة الخنزيره
لسه بتنزّل خبر كل 5 دقايق عن موضوع عنب ديبو اللي اسمه جمال خشبندي , الجميل كمان
انهم موقفين عيلين صيع قدام السفاره السعوديه في تركيا باستمرار , و الأجمل ان العيلين
كل شويه يقولو لهم احنا شوفنا 3 شنط داخلين السفاره من شويه , اه 3 شنط بيدخلو السفاره
يوميا و يطلعو منها , السعوديه لو كانت اغتالت جبل أُحد و بتنقله في 3 شنط يوميا كان
زمانها خلصت مرحلة النقل .
.
إنما عموما موقف
الخنزيره و العيلين الصيع بتوعها و ال 3 شنط كل يوم بيفكرني بنكته , بيقولك مره واحد
ملك جاب شيخ و قاله اقف عالجبل ده عشان تشوف هلال شوال ,و لو شوفت الهلال هدّيك ألف
دينار , الشيخ طلع عالجبل و بص لفوق و قال للملك : هلال هناك اهو , قام الملك مديله
ألف دينار , قام الشيخ طمع اكتر و قال للملك , و كمان هلال تاني هناك أهو !! .
.
أما أردوغان خليفة
الشواذ فلسه برضه بيطلع كل شويه بتصريحات مايعه و صايصه , و كلام من عينة , انا بتعاون
بس عندي أدله , انا قدمت الأدله للسعوديه بس عندي أدله تانيه , انا ماعنديش أدله تانيه
بس احتمال يكون عندي , انا معنديش جبنه بس عندي جوه .
.
طب ايه الحكايه
بقى و الحدوته , قناعتي الشخصيه إن اللي حصل كالتالي , السعوديه ماقبلتش عملية الإبتزاز
التركي الأمريكي بشكل كامل و في نفس الوقت مادخلتش في صدام مباشر , عملت ايه ؟ رمت
عضمه لأردوغان , أردوغان طمعان في حتة لحمه كبيره بس ملهي في العضمه حاليا , و كل شوية
يلهث ( بتصريحين تلاته ) و يحلم بحتة اللحمه , السعوديه كمان أهملت قطر تماما لأنها
أتفه من أي اهتمام ( عشان كده بتهوهو زي أول يوم بالظبط ) .
.
الموقف السعودي
ده ممكن أقول و أتخيل إنه النصيحه المصريه اللي قدمهالهم سامح شكري ( بحكم خبرتنا في
التعامل مع ولاد الوسخه ) , نصيحه بتقول باختصار , لا تطاطي و لا تفتح صدرك بغشم ,
إرمي عضمه لفلان و اصبر لما الدنيا تهدى و المولد يتفض و كل حي يروح لحاله , و بعد
كده خدهم على حِجْرك يا معلم , و مسيرك يا ملوخيه تيجي تحت المخرطه .
...........................................................................................................
Mohamed Hussein
26
أكتوبر 2018·
قولنا 100 مره
إن الست الشاطره بتعرف تتصرف و ماتلعنش الظروف أبدا , اللي قدام حضراتكو دي ست دنماركيه
اسمها انيتا هنري جوتنبرج , متجوزه راجل طويل أوي طوله 2 متر و 95 سم , اسمه الأستاذ
نخلة البلحاوي جوتنبرج برضه ( ماهما قرايب من بعيد ) .
.
أنيتا صحيت من
النوم في يوم من الأيام لقت كل هدومها اتسرقت , حرامي دخل و سرقها و هما نايمين , و
هي كان عندها مشوار مهم ولازم تروح تحدث بيانات بطاقة التموين , تعمل ايه بقى ؟ تقعد
تعيط و تحط ايدها على خدها ؟ لا ابدا , فتحت دولاب جوزها الأستاذ نخله و جابت بنطلون
منه و لبسته , اهو طالع مظبوط عليها جدا , ولا حد هياخد باله , طب واحد يقولي , ليه
مالبستش فانلة جوزها بالمره بدل ماهي سايبه الحته اللي فوق عريانه ؟ ممممممممم ماهي
يابني جربت تلبس فانلة جوزها فعلا بس اللي حصل إنها لقت نفسها بتتكعبل في الفانله
.
.................................................................................................................
Mohamed Hussein
26
أكتوبر 2018·
يابني شهادة الدكتوراه
بتاعتك دي تروح تلعب بيها , أنا ماجّوزشي بنتي لأقل من رجل أعمال أو ناشط سياسي أو
تاجر بطاطس
................................................................................................................
.
ليست هناك تعليقات:
إرسال تعليق