Mohamed
Hussein
19
يوليو 2018·
من يومين شوفت
بوست فخيم لواحد لابس بدله و كرافته في صورة بروفايله , كاتب ايه مولانا الفخيم ده
؟ كاتب يا سيدي خير اللهم اجعله خير , الحكومه هتحط عالدقيق هرمونات بتسبب العقم اسمها
هرمون الماينوسايكلين و هرمون الجينتاميسين , أه و عهد الله زي ما بقول لكو كده .
.
المهم و حيث ان
الماينوسايكلين و الجينتاميسين دول شغلتي اللي مابعرفش غيرها , و حيث انهم مضادات حيويه
, بيعالجو الدمامل و الجروح و حب الشباب , يعني لا هرمونات ولا بتاعة عقم ولا بطيخ
, شغل ذهني حاجتين .
.
الأولى صورة البيه
أبو بدله , ماهو أكيد خريج جامعه , و أكيد أمه فرحانه بيه و بتقول سي الإستاذ ابني
راح و سي الأستاذ ابني جه , و أكيد كانت بتصحى من النجمه عشان تعمل لابنها ساندوتشات
باعتبار انه لما يكبر هيبقى أحمد زويل , و أكيد الدوله صرفت عليه ألافات عشان في النهايه
يطلع مجرد ( قفا ) .
.
الشئ الأهم اللي
لفت انتباهي هو طلب صاحب البوست في نهايته و هو بيقول محتاجين حد يرد علينا و يوضح
لنا , والنبي يا خوانا لو حد من حضراتكو يعرف الشخص الفخيم بتاع هرمون الجينتاميسين
اللي بيسبب العقم يقوله كلمتين على لساني , يقوله , انت مش محتاج حد يرد عليك , لا
انت محتاج حد يعمل حاجه تانيه خالص , وهو أكيد هيفهم .
.......................
........................
أستاذتنا العظيمه
فريدة الشوباشي كانت اقترحت عودة منصب وزير الإعلام للرد على الشائعات اليوميه دي
, وانا هختلف مع حضرتك يا أستاذه , ماينفعش نجيب وزير مصري في دولة مصر العظيمه عشان
يبقى دوره يرد على شوية صيع و هبدجيه و عيال لامؤاخذه , ماينفعش أجيب وزير عشان يطلع
يرد على الرز البلاستيك و الانفجار النووي و هرمون الجينتاميسين , طب مين بيرد ؟ احنا
, احنا المصريين , بنرد عليهم و ندلعهم و نهشتكهم و بنضحّك عليهم طوب الأرض , هما مش
هيبطلو يهبدو؟ و ماله , واحنا كمان مش هنبطل نهشتكهم !!
.............................................................................................................
Mohamed
Hussein
19
يوليو 2018·
لا بقى , 3 مومياوات
ايه اللي يلاقوها في التابوت ؟, الحكومه دي بتضحك علينا , و أنا ليا واحد صاحبي عايش
في اسكندرية و بيتهم بيطلّ على التابوت مباشرة و قالي إنه كان واقف في البلكونه وقت
مافتحو التابوت و شاف بعنيه الحاجات اللي لقيوها و هرّبوها , و هي عباره عن 700 مليار
دولار كانو أجدادنا الفراعنه سايبينهم لنا , و 25 طن دهب و لولي و ياقوت و مرجان و
إدريس و عثمان , و عدد 2 عربية مرسيدس مصفحة كانت عاملاهم شركة مرسيدس مخصوص للواد
حماده ابن الإسكندر الأكبر .
.
واحد يسألني و
يقولي يا كابتن حسين هو كان فيه عربيات مرسيدس أيام الفراعنه ؟ أقوله , يا جحش يعني
هو كان فيه دولارات أيام الفراعنه ؟ لا طبعا , ولا كان فيه حماده .
.........................................................................................................
Mohamed
Hussein
18
يوليو 2018·
على فكرة بقى
, التابوت الأثري اللي لقيوه في اسكندريه مفيش جواه لعنه ولا حاجه , انا متأكد انهم
لما يفتحو التابوت هيلاقو جواه ال 70 مليار دولار بتاعة مبارك و شكارتين رز بلاستيك
كان متعاقد عليهم جيش الإسكندر الأكبر و هيلاقو كمان السبحه بتاعة الكاهن اللي كان
بيشتغل رئيس الجمارك وقتها و اللي حاول انه يمنع صفقة الرز البلاستيك .
.................................................................................................................
Mohamed
Hussein
18
يوليو 2018·
مصر اللي بجد
.
أصدقائي الغاليين
, من فضلكو , إلعنو جدود أبو الكل , بدون خوف , بدون خجل , إلعنو جدود أبو الخيانه
و النطاعه و التجاره بالدين و التجاره بالثورات و التجاره بالعقل و التجاره بالمصطلحات
.
.
إلعنو جدود أبو
مشايخ الخرفان و الوهابيين اللي كفّرو الناس في عيشتها و كفرو الغير , و حسسونا ان
معاهم صكوك الجنه و كشف بالأسماء .
.
إلعنو جدود أبو
المشايخ المودرن بتوع الفرخه اللي بترتقي بالروح و قطعة الحلوي المكشوفه , اللي في
النهايه طلع طعمها أحلى .
.
إلعنو جدود أبو
اللي جمع التبرعات و الصدقات من البسطاء بإسم الدين والتدين و اشترى بيها سلاح عشان
يقتل ولادنا ويحرق بلدنا .
.
إلعنو جدود أبو
الملحدين اللي ظهرو مؤخرا ك ( رد فعل ) لمشايخ الضلاله و الضلال .
إلعنو جدود أبو
اللي من سنين بيحاولو يشوهو تاريخنا و رموزنا و أمجادنا تحت داعي ( الفكر اللامؤاخذه
التنويري ) , اللي أرائهم دايما و أبدا بتتطابق مع المقالات و الكتب الصهيونيه ( أه
طبعا بالصدفه البحته ) .
.
إلعنو جدود أبو
اللي بيروجو الإشاعات و يألفوها بغرض نشر السواد و الخوف و الإحباط و التشكيك في كل
مؤسسات الدوله بما فيها المؤسسات السياديه ( اللي هي شالت البلد و عدّت بيها من مرحلة
الطوفان ).
.
إلعنو جدود أبو
الخونه و الصيع اللي سافرو بريطانيا و تركيا واشتغلو ليل ونهار في الهجوم على بلدهم
و مستعدين يبيعو أمهم بدولار و بعد كده يحسسوك إنهم ماشيين يدلدقو وطنيه في شوارع اسطنبول
جنب بيوت الدعاره و الشواذ .
.
مصر عمرها ماكانت
بلد الأشكال الوسخه اللي فوق دي , مصر أنضف و أنقى و أرقى من كده بكتير .
.
مصر هي الشاب اللي
طلع بدبابته على عربية متفجرات , مصر هي الولد اللي ماشي على عكازين و من فرحته بانتصار
بلده نط في الهوا لفوق ,مصر هي كل زوج بيشتغل شغلانتين عشان يكفي بيته و كل زوجه بتقتصد
في طلبات بيتها عشان الظروف .
.
مصر هي الجندي
اللي شايل سلاحه و واقف خدمه في درجة حرارة 50 في الصيف و صفر في الشتا .
.
مصر هي كل مغترب
بيجري على أكل عيشه و مابيقبلش كلمه على بلده و مستعد لأي رد فعل حتى لو كان رد الفعل
هو قطع عيشه ( رب الأرزاق موجود ) .
.
مصر هي أستاذ الجامعه
المصري اللي كان بيناقش رسالة دكتوراه لطالب كردي و فوجئ انه حاطط ورا ضهره علم إقليم
كردستان و أمر بان العلم ده يتشال و يتحط علم العراق لأنه مواطن عراقي و دولته دوله
عظيمه اسمها العراق .
...........................................................................................................
Mohamed
Hussein
17
يوليو 2018·
إحنا مين ؟ احنا
ليه ؟ احنا ايه بالظبط ؟ مين اللي بيشيل فيشة عقلنا و يحط مكانها نقلة سباخ ؟! .
.
لما نقول أعمال
سلب و نهب و شغب و حرق في قلب العاصمه الفرنسيه باريس يتبارى ( المصريين ) لإيجاد مبررات
لتجميل وجه فرنسا و شعرها السايح النايح , و يقولك دول الأفارقه و العرب المجنسين
!! .
.
يابني و عزة جلال
الله المراره مابقت مستحمله , و العقل ماينفعش يستوعب الحاجه و عكسها , لازم يكون فيه
اتساق , منتخب فرنسا اللي فاز بكاس العالم أغلبه أفارقه و عرب مجنسين , ماترسى على
رأي واحد , نقول اللي بيمارس البلطجه أفارقه و عرب مجنسين يبقى نقول ان اللي فاز بكاس
العالم هو منتخب الأفارقه و العرب المجنسين اللي عايش في فرنسا , كده الكلام يدخل العقل
, أو نقول العكس عادي , فرنسا فازت بكاس العالم , و فرنسيين بيمارسو الشغب و البلطجه.
.
بصو , أصل الحدوته
باختصار , انا معنديش كلاكيع ولا عقدة نقص ولا بشوف الغرب في صورة إله ولا بشوف نفسنا
في صورة شيطان , بطّلت أنبهر من زمان يا مولانا , لو موقف شغب حصل زي كده في مصر هيتقال
( المصريين شعب همجي ) , لا هيتقال شريحة معينه ولا فئه معينه , هنا التعميم هيبقى
القاعده .
.
أوروبا و الغرب
دول متقدمه و متحضره , بس مش بيرفيكت و احنا مش زيرو , هما ماوصلوش لقمة جبل الجمال
و الحلاوه و احنا مش قاعدين في قعر صفيحة زباله , لا في التحضر ولا في التعليم ولا
في الصحه ولا في أي ملف .
.
طب خد التقيله
بقى , اللي حصل في مصر في 2011 و حالة الإنفلات الامني لو حصل زيها في اتخن دوله أوروبيه
كانو خربوها مداين , و كنت هتشوف تحضر على كيف كيفك .
.
تاخد الأتقل ؟
لو امريكا بجلالة قدرها و بجيشها و أجهزتها الأمنيه اللي بتمشي عالحيط و بتكنولوجيتها
و تطورها و سلطاتها و حبشتكاناتها و ( تحضّر شعبها ) , اتعرضت لموقف كالتالي , احتياطي
نقدي 15 مليار دولار و عدد سكانها 95 مليون , منهم مليون خروف و ارهابي تحت الطلب
, دخلها من العمله الصعبه انضرب ( بضرب سياحه ) و مؤامره عليهم من خمس ست دول و إرهابيين
بالألاف و شبكة أنفاق بحجم مدينه كامله و دوله مجاوره بحدود طولها 1200 كيلو ( صحرا
) سقطت و ترسانة أسلحتها اتنهبت و بقت مضطره تأمنها من طرف واحد , و دول التأمر بتعمل
قنوات و جرايد لهدمها و بتصرف على كده عشرات المليارات , قولي بقى حضرتك تستحمل أمريكا
( أو روسيا ) الوضع ده لمدة كام سنه أو كام شهر أو كام يوم قبل ماتموت و نقرالها الفاتحه
؟ ..
.
أصدقائي الغاليين
, و النبي بالراحه شويه على نفسكو في حكاية جلد الذات و تفخيم و تمجيد الغير , بالراحه
يا صديقي , حنانيكَ يا فتى , حنانيكِ يا فتاه .
.........................................................................................................
Mohamed
Hussein
16
يوليو 2018·
في فرنسا بلد النور
و الحريه و الشانزليزيه والسوربون و البارفانات والورد و الميرسي بوكو , أعمال تخريب
وسلب و نهب في احتفالات الفرنسيين بالفوز بمونديال روسيا , و حرق 845 سياره في احتفالاتهم
بالعيد الوطني .
.
التعليم فارق جدا
في فرنسا و بيصرفو عليه جامد , لدرجة انه عمل حضاره متحضره في منتهى التحضر , قول حاضر
, حاضر .
.
الجميل و الأجمل
في الموضوع ان الحرق و السلب و التخريب حصل و هما بيعبرو عن فرحتهم , اه و عهد الله
بيعبرو عن فرحتهم , أعتقد نص أوروبا ممكن تولع و نشوف الحريقه من هنا واحنا قاعدين
لو الناس دي اتضايقت أو خدت على خاطرها شويه.
................................................................................................................
Mohamed
Hussein
15
يوليو 2018·
المعني الحرفي
للمثل بتاع ( اللي أمه بتدعي له أحسن من اللي أمه بتديله ) .
.
تبقى رئيس أكبر
دوله أوروبيه و انت لسه عيل عمرك 39 سنه .
بعد سنه بالظبط
بلدك تفوز بكاس العالم و انت رئيسها .
تيجي تحتفل بالفوز
و تتلفت كداهو تلاقي نفسك في حضن المزه بتاعة كرواتيا .
...................................................................................................................
Mohamed
Hussein
15
يوليو 2018·
مين هما أولاد
الشوارع ؟ و مين هما ولاد الحرام ؟
.
في قصة أطفال المريوطيه
- 3 أطفال لقوهم
مرميين في شارع , أعمارهم من سنتين ل 5 سنين .
- التحريات الأمنيه
اللي شارك فيها أكتر من جهاز أمني و يمكن يكون عدد الظباط والأفراد اللي شاركو في الوصول
للجناه و القبض عليهم و فك لغز الجريمه هو مئات مش عشرات , التحريات بتقول حريق في
شقه و اطفال ماتو ,الأطفال اخوات من نفس الام و ل 3 أباء مختلفين و متسجلين بإسم واحد
رابع , السرعه و الدقه دي تحسب جدا للأجهزه الامنيه المصريه .
.
طيب , في الحقيقه
شغل ذهني كام سؤال مهمين .
- هو الإنحطاط
ده موجود عندنا في مصر ؟ أه موجود , و هتلاقي زيه في كل بلاد الدنيا , نماذج عجيبه
و ناس عايشه في صفيحة زبالة أخلاقيه و فكريه .
.
- الأم و الأباء
التلاته هيتعدمو ؟ لا القانون مش بيقول كده , لو صحت رواياتهم , جواز عرفي كل سنه و
طفل من كل زوج , فيه تزوير في تسجيلهم بإسم شخص رابع ( عقوبته كام سنه ) , و فيه اهمال
بوجودهم في مكان مقفول لوحدهم (او حتى مفيش إهمال ) , ليه رمت جثثهم في الشارع بدل
ما تدفنهم ( برضه ماتاخدشي عليها اعدام دي ولا مؤبد ) , رغم بشاعة الجريمه لا فيه اعدام
ولا مؤبد حتى ؟ أه للأسف .
.
طب فيه حاجه أهم
بكتير , الأطفال التلاته لو كانو عاشو و كملو حياتهم في الشارع جنب الكلاب و القطط
, كان المفروض نقول عليهم أطفال شوارع و ولاد حرام ؟ لا حضرتك , ليه لأ ؟ عشان هما
مالهمش ذنب , مالهمشي ذنب انهم جم للدنيا بالشكل ده , و عاشو الحياه دي , مالهمشي ذنب
انهم اتولدو من أم قذره مستهتره و رجالة أكتر قذاره و انحطاط .
.
طيب مين هما بقى
ولاد الحرام اللي بجد ؟ هقولك أنا , الأم و أزواجها التلاته و الزوج الرابع ولاد حرام
.
.
و ابن الحرام اللي
بجد هو أول شخص سمع الخبر و كتب ان الأطفال مدبوحين و أعضائهم مسروقه , ده ابن حرام
رسمي , و أول واحد كتب انهم متاخدين من ملجأ أيتام , ده برضه ابن حرام رسمي , ليه دول
ولاد الحرام ؟ عشان مالهمشي مبرر , المفروض انهم اتولدو لأب و أم طبيعيين , عاشو حياه
سويه , اتعلمو و دخلو المدارس , خدو شهادة جامعيه , عرفو يعني ايه الحق و الضلال ,
يعني ايه الصدق و التزييف , يعني ايه نشر إشاعه لإرهاب الناس( أه حضرتك ده اسمه إرهاب
).
.
لكل واحد ألّف
إشاعه و هو عارف و متأكد انها إشاعه , و غرضه نشر الخوف و الرعب في نفوس الناس أو تشوية
بلد , للواد اللي ألّف إشاعة الدبح و سرقة الأعضاء , و اللي ألف إشاعة الرز البلاستيك
و اللي ألف إشاعة انفجار طياره و انفجار نووي , عايز أقولهم بالفم المليان , أيا ما
تكون أسبابهم و مبرراتهم و انتمائهم و هويتهم , انتو ولاد الشوارع , انتو ولاد الحرام
اللي بجد .
.
و لكل أصدقائي
الأفاضل الأعزاء , لو سمحتو , لوجو جريده أو صوره لمسئول و عليها أي خبر ماتنشروهاش
, ماتستعجلوش النشر , استنو لما تتأكدو من مصدر رسمي , لو سمحتو بلاش تكونو ولو بحسن
نية أعوان لولاد الحرام .
..........................................................................................................
Mohamed
Hussein
14
يوليو 2018·
إدارة تويتر حبّت
تحذف شوية من الأكاونتات المضروبه قامت حذفت 2 مليون أكاونت من الفولورز بتوع تميم
ابن موزه و سابت له 300 ألف .
و فيه إعلاميه
من عاهرات الخنزيره كان عندها 6 مليون فولور , بعد الحذف بقو 600 ألف .
.
لو حضرتك عايز
تعرف يعني إيه لجان إلكترونيه بتشتغل من سنين لتلميع أشخاص محددين و تنفيذ اجندات محدده
اقرا السطرين اللي فوق تاني .
.
و لو عايز تعرف
ليه أي هاشتاج عبيط أو تافه ممكن يبقى تريند على تويتر اقرا السطرين اللي فوق .
.
و لو عايز تعرف
ليه الدعوه لثورة في مصر بيشارك فيها 6 مليون مناضل تويتري جميل و وقت الجد ماتلاقيش
حد في الشارع , برضه اقرا السطرين اللي فوق
.......................................................................................................
Mohamed
Hussein
14
يوليو 2018·
على فكره حضرتك
- نعم يا حبيبي
.
الراجل بتاع الجمارك
اللي اتقبض عليه من كام يوم و بيحققو معاه .
- اه , ماله ؟
دي النيابه امرت النهارده بحبسه اسبوعين على ذمة التحقيق في حضور المحامين بتوعه .
.
لا بقى , الراجل
برئ و مناضل و بطل قومي
- بجد و النبي
, ازاي الكلام ده ؟
.
كل الحكايه حضرتك
انه رفض يستلم شحنة رز بلاستيك تبع الجيش عشان كده لبسوه القضيه .
- رز بلاستيك
!! .
.
أيوه زي ما بقول
لحضرتك كده .
- يابني راجع نفسك
كويس , هو رز بلاستيك ولا عدس نحاس , أصلي قريت في موقع ( علمني العوم و النبي ياحمد
) إن الشحنه اللي رفضها بتاع الجمارك كانت شحنة ملوخية مصنوعه من اليورانيوم المشع
.
.
أيوه انا كمان
قريت الخبر ده و هو أقرب للصح من الرز البلاستيك
- خبر الملوخيه
باليورانيوم المشع ؟! .
.
ايوه
- يبقى أكيد الشحنه
دي هي السبب في الإنفجار النووي اللي حصل جنب مطار القاهره أول امبارح و أسفر عن
11 مصاب و اتنين عندهم إسهال .
.
صح صح , كده وضحت
الرؤيه , هي ملوخيه باليورانيوم المشع اتسببت في الإنفجار النووي و الراجل المناضل
رفض يستلم الصفقه .
- قولي يا حبيبي
.
.
نعم يا أستاذ
- مامتك كانت بتسيبك
كتير مع البواب و انت صغير ؟
.
اه صح
- و البواب كان
بيجيب لك حاجات حلوه ؟
.
صح , عرفت ازاي
؟
- لا مانا عارف
.
..........................................................................................................
Mohamed
Hussein
13
يوليو 2018·
تركيا اللي مسلّفه
كوكب الأرض و المجموعه الشمسيه ( و بتنسى تاخد الوصل دايما ) , ارتفعت ديونها الخارجيه
لأكتر من 400 مليار دولار ( المواطن التركي بيتولد مديون ب 5000 دولار أمريكي ) , و
وصل سعر كيلو العنب هناك لما يعادل 600 جنيه مصري , يعني حضرتك تروح عند الفكهاني تشتري
كيلو و نص عنب و تدفع ألف جنيه زي الباشا , أه و عهد الله .
........................................................................................................
Mohamed
Hussein
13
يوليو 2018·
قولي يا حبيبي
إيه اللي حصل إمبارح ؟
- اللي حصل حضرتك
هو انفجار على شكل ماشروم .
.
ماشروم !!! انفجار
نووي ؟
- أيوه زي ما بقولك
كده وانا شايفه بعيني .
.
بس بيقولو كمان
إن فيه نيزك وقع
- اه صح انا شوفت
الماشروم و شوفت نيزك صغير و هو بينزل من السما .
.
يعني النيزك نزل
من السما و اصطدم بكوكب النزهه الجديده و قبلها بشوية كان فيه انفجار نووي ؟ .
- أيوه بالظبط
.
.
بس الواد صاحبك
بيقول ان فيه طياره انفجرت فوق المطار
- ماهي دي كمان
شوفتها برضه وانا في البلكونه .
.
يعني دلوأتي معانا
انفجار نووي و نيزك و طياره؟
- صح صح .
.
و طبعا ماعرفناش
نطفي الحرايق دي كلها لأن نهر النيل نشف و مبقاش فيه مايه
- أيوه نهر النيل
نشف عشان سد النهضه , و ده السبب اننا ماعرفناش نلاقي مايه نطفي بيها الانفجار النووي
و اصطدام النيزك و الطياره اللي فرقعت .
.
عشان كده كانت
المحصله ضخمه , 12 مصاب و 3 عندهم إسهال !! .
إيه !!! .
.
عارف يابني ايه
المشكله ؟
- ايه حضرتك .
.
المشكله إن تميم
ابن الوسخه و أردوغان خليفة الشواذ بقو يسترخصو و يستوسخو أوي في اختيار لجانهم الإلكترونيه
.
- لا لا , أنا
ماسمحلكش , احنا ضد مصر الدوله لكن مع مصر الوطن , و عندنا منهج فكري .
.
لا يا ضنايا ,
انت ماعندكش منهج فكري , انت كل الحكايه انك بيتعمل عليك حفله يوميا ب 5 جنيه مقطعه
في شقة فكري
...........................................................................................................
Mohamed Hussein
13
يوليو 2018·
لما يحصل انفجار
في مصنع للكيماويات في منطقه مجاوره لمطار ( زي ما وارد يحصل في أي مكان في العالم
) و نلاقي الإعلام العالمي بعد أقل من دقيقتين بيقول التالي :
- انفجار في مطار
القاهره
- أنباء مؤكده
عن توقف حركة الطيران بمطار القاهره .
- ماهو مصير الموسم
السياحي في مصر بعد هذا الإنفجار ؟! .
.
يبقى تيجي تقولي
مفيش مؤامره ؟ أقولك بس ياهبل يابن الهبله .
و تيجي تقولي إن
فيه حاجه إسمها إعلام و ميديا عالميه محايده و شفافة و نزيهه و بتتحرى الدقّه ؟ أقولك
مممممممممم ولا بلاش عشان كلامي هيبقى كله +18.
..................................................................................................
.
ليست هناك تعليقات:
إرسال تعليق