Mohamed
Hussein
7
يونيو 2018·
جندي من جنود مصر
المجهولين , مسك منصب رئيس الوزراء في توقيت شديد الصعوبه , و بقى مسئول عن إصلاح تركة
سنين هباب , تركه هو مش مسئول عنها , كان دايما قليل الكلام , قليل التصريحات , اتعرض
لكل انواع الانتقادات و التريأه و السخريه و كمّل , هيكلة اقتصاد و أصلاح اقتصادي و
بنية تحتيه و إصلاح لما أفسده الدهر , حتى المرض الصعب مامنعهوش انه يكمل .
.
في يوم من الأيام
و في افتتاح مشروع عملاق تم في عهده , فوجئ رئيس الدوله ان اسم رئيس الوزرا مش مكتوب
على أي لوحه من لوح شرف المشروع , يعني ماتكتبش (تم في عهد رئيس الوزراء الفلاني
), و انفعل رئيس الدوله و قال للمسئولين عن المشروع ازاي اسم المهندس شريف مش مكتوب
؟ و رد المهندس شريف بإشاره من غير ماينطق و بحركة ايده على صدره (ما يعني العفو يا
ريس , مش مهم اسمي يتكتب ) .
.
ألف ألف شكر للمهندس
المحترم شريف اسماعيل .
………………………………………………………………………………………………………..
Mohamed
Hussein
6
يونيو 2018·
تداول السلطه في
أوروبا و الدول المتقدمه
.
مولانا فلاديمير
بوتين مسك الرئاسه في روسيا من 2000 .. ل 2008 , فترتين رئاسيتين , كل فتره 4 سنين
, كحد أقصى لفترات الرئاسه المتتاليه .
.
بعدين قعد يفكر
و يفكر ثم ظل يفكر و يفكر , تعمل ايه ياض يا بوتين , تتصرف كيف يا بوتين , قال نمسك
رئاسة الوزرا و ابقى الحاكم الفعلي برضه , فمسك رئاسة الوزراء من 2008 ل 2012 .
.
بعدها بقى يقدر
يرجع يمسك الرئاسه تاني , و قد كان , مسك الرئاسه من 2012 ل 2018 , بعد مابقت فترة
الرئاسه 6 سنين و فاز بالرئاسه مره رابعه في 2018 ل 2024
.
التقارير بتقول
إن بوتين ناوي بإذن واحد أحد يرجع يمسك رئاسة الوزرا تاني في 2024 و برضه يبقى الحاكم
الفعلي , مش هتفرق المسميات ( رئيس أو رئيس وزرا ) , المهم يبقى مفيش تجاوز للدستور
و بوتين يخرج منها زي القارعه من الضفيره .
.
الكلام اللي فوق
ده معناه باختصار ومن غير شألباظات ولا حاجه إن بوتين هيبقى حكم روسيا فعليا من
2000 لما بعد 2024 , يعني أكتر من 24 سنه يا مولانا , أه و عهد الله , يعني لو انت
مولود سنة 2000 هتبقى صرخت أول صرخه في حياتك و بوتين بيحكم روسيا ,و لما بوتين يمشي
من الحكم هتكون انت اتجوزت البت سمر اللي بتحبها و خلفت عيل اسمه حماده وهو اللي بيصرخ
مكانك .
.
في ألمانيا نوعى
عالدنيا و احنا نسمع اسم ميركل , و في الصين حصل تعديل دستوري يسمح للحاكم بالحكم مدى
الحياه .
.
فكرة تداول السلطه
في المطلق بعيد عن اعتبارات الأمن القومي و الاستقرار السياسي و توفر بديل وطني كفء
لإدارة بلاد معينه في مراحل معينه شديدة الخطوره , و فكرة إن مستقبل الأوطان و مفاتيحها
و أسرارها تبقى على المشاع للخونه و العواطليه و كل من هب و دب , هي فكرة تليق بعقول
عيلين تلاته صيع قاعدين على قهوه من قهاوي وسط البلد و بيحطو التشكيل الوزاري و هما
بيشربو شيشه و سحلب .
.
الناس ممكن تقرا
الكلام ده و تفهم منه اني موافق على تعديل الدستور و السماح للريس بفتره رئاسيه تالته
, بس ده مش حقيقي , بالعكس , أبسوليوتلي , انا مش موافق على فتره رئاسيه تالته للسيسي
, إنما موافق جدا على فتره رابعه !!
..............................................................................................................
Mohamed
Hussein
5
يونيو 2018·
اللي عايز يعرف
يعني ايه مرقعه إعلاميه ؟ و ازاي بيدسو السم في العسل ؟ تعالى هقولك
.
موقع rt المشبوه , الممول من قطر بنت الوسخه , جايب خبر عن
احتياطي الغاز في مصر , الخبر بيقول ان مصر بتعوم على بحر من الغاز و ان الاحتياطي
يقدر ب 400 تريليون قدم مكعب , نصهم في البحر المتوسط و نصهم في البحر الاحمر .
..
طب ده الخبر ,
و الأرقام مابتكدبش , أرقام صحيحه , فين المرقعه بقى ؟ بص يا سيدي , في تفاصيل الخبر
كل شويه يقولو ان مصر هتستفيد من الاحتياطي ده بعد ماعملت اتفاقيات ترسيم حدود في البحر
المتوسط و البحر الأحمر , و لما بتيجي سيرة البحر الأحمر يقولو اتفاقية ( تيران و صنافير
) و يكرروها مرتين تلاته في نفس الخبر , مع ان مفيش اتفاقيه اسمها تيران و صنافير
, اسمها اتفاقية ترسيم الحدود مع السعوديه في البحر الأحمر من شماله لجنوبه , طب ليه
يسمّوها ( تيران وصنافير ) ؟ ممممممممم عشان لازم يتمرقعو يا مولانا , ده دورهم اللي
بيلعبوه , نفس طريقة الاخوان القذره , لو واحد منهم بيكتب مقال عن أي حاجه لازم يقول
العسكر في مصر و الانقلاب العسكري و رابعه رمز الصمود , حتى لو كان المقال اللي بيكتبه
بيتكلم فيه عن سعر البلطي في فنزويلا أو عن احدث الطرق لنفخ الشفايف .
.
صديقي العزيز
, لما تقرا اي خبر في صحيفه عالميه أو تشوف تقرير في قناه من قنواتهم , خلّي عينك دايما
على السم اللي بيحطوه في العسل , هتلاقيه أكيد , و لما تلاقيه اضحك وانت حاطط رجل على
رجل , اضحك بصوت عالي و قول وانت بتضحك ( أه يا ولاد الكلب !! ) , و لو حد قالك اعلام
شفاف و صحافه نزيهه قول له نزيهه ذات نفسها ممكن تحلف لك طلاق بالتلاته إن كلهم ولاد
وسخه .
.
طب ليه تاخد بالك
من السم اللي في العسل ؟ و ليه تضحك ؟ و ليه تقول ( أه يا ولاد الكلب ) ؟ عشان ده اهم
سلاح لازم نمتلكه في حربنا المستمره مع حلف الشيطان , سلاح الفهم و الوعي و الإدراك
و تسمية الأشياء بمسمياتها الحقيقيه , الدعاره مش وجهة نظر ولا الخيانه وجهة نظر ,
و الإعلام ابن الوسخه اسمه اعلام ابن وسخه .
...............................................................................................................
Mohamed
Hussein
4
يونيو 2018·
علّمو أولادكو
و اخواتكو الصغيرين , الجيل الجديد لازم يفهم , بالراحه , بهدوء .
.
في سياسات الدول
مفيش حاجه بتحصل صدفه , ولا الحدايه بترمي كتاكيت , و القاعده الأساسيه عند الدول الإستعماريه
, محور الشر, هي قاعده مكرره بشكل ممل , قاعده مبنيه على فكرة لو عندك سمكه معينه في
بحر و عايز تصطادها فانت قدامك حلول كتير , تجيب سناره و تقعد حاطط ايدك على خدك و
مستني تصطاد السمكه دي أو تجيب قنبله و تفجر البحر لحد ماتوصل للسمكه , بس دي حلول
عقيمه و عفى عليها الزمن , الحل الأمثل إنك تجيب معلقه و تنزح ماية البحر بهدوء و صبر
لحد ماتخلصها و يفضلك في الاخر السمكه اللي انت بتدور عليها , قاعدة الصبر و السياسات
طويلة الأجل و التخطيط ل 50 و 100 سنه جايين .
.
الحرب الحديثه
مش حرب سيطرة على أرض , الفكره دي برضه عقيمه و مبقاش لها لازمه , انت ممكن تسيطر على
أرض و تستعمرها و تنهب ثرواتها وانت قاعد في مكتبك من غير ماتبعت جيوش ولا تشن غزوات
, يكفي انك تسيطر على عقول أصحاب الأرض , بإعلام و ميديا و خلافه , و تسيطر على الحكومات
اللي بتحكم الأرض دي
.
الحرب الحديثه
حرب طاقه و حرب مايه , هما كلمتين اتنين , الطاقه ( بترول و غاز ) و المايه , بؤ المايه
بيعني الحياه , ممكن تسيطر على الشعوب لو اتحكمت في بؤ المايه اللي بيشربوه .
.
لو سمحت , من فضلك
, حاول تفهم , في 2011 وصلت الدوله المصريه لأضعف حالاتها , بلد على كف عفريت , ملايين
في الشارع , أجهزه أمنيه منهكه , ده كان التوقيت المثالي لبداية بناء سد النهضه ( السد
اللي اتخطط له من قبلها بتلاتين أربعين سنه ) , انما كان باقي اختيار الوقت المناسب
, و مفيش وقت أحلى من كده , المصريين ملهيين في شعارات و حبشتكانات الثوره , نبدأ نشتغل
في السد بقى .
.
الدوله المصريه
العميقه لملمت أوراقها , و مؤسساتها السياديه استعادت توازنها وبدأت تتعامل مع لعبة
سد النهضه بحذر و احترافيه , نعمل مفاوضات و نكسب وقت و نبقى قدام المجتمع الدولي ماقصرناش
, و في نفس الوقت مانقعشي في فخ ( الغشم ) لأن السد ده سلاح بيضرب بطريقتين , إما يتحكم
بشكل ما في بؤ المايه بتاعك أو يجرك لحرب هتلاقي نفسك فيها مش بتحارب أثيوبيا خالص
!! .
.
نفس الفكره الصهيونيه
في سد النهضه عملها السفاح البلطجي أردوغان في سد إليسو اللي بيسرق فيه مايه نهر دجلة
من العراق !! , امتى بدأ البناء في السد و امتى بدأ افتتاحه , الاجابه هي نفس الاجابه
, لما مبقاش فيه دوله في العراق ولا فيه جيش عراقي ( بعد سقوط صدام حسين ) , نفس الفكره
الصهيونيه المكرره .
.
طب ايه الفرق بين
مصر و العراق ؟ الفرق ان الحكومه العراقيه حاليا لا تملك من الأمر غير انها تشجب و
تدين و تستنكر , اردوغان يعمل سد يقومو يشجبو ويدينو , أردوغان يقتحم شمال العراق و
يسرق بترول تقوم الحكومه العراقيه تشجب و تستنكر .
.
بس مصر لا بتشجب
ولا بتستنكر , مصر بتبعت وزير خارجيه و وزير ري يتفاوضو و عندها وزير دفاع جاهز و جهاز
مخابرات مستعد و بيجهز خطه واتنين و تلاته , لا هنسمح لحد أيا مايكون انه يتلاعب في
بؤ المايه بتاعنا ولا هنقع في الفخ ( غير لما نكون مستعدين ) , و القرود لو بيحبو التنطيط
مفيش مشكله , ننططها .
..........................................................................................................
Mohamed
Hussein
3
يونيو 2018·
تخاريف 2
.
بعد كام يوم هييجي
العيد , كل سنه و حضراتكو طيبين , أستاذ حسن حجز شاليه في الساحل عشان يقضى هناك أيام
العيد هو و المدام و الأولاد , و اخوه المهندس فهمي حجز لأيام العيد في السخنه , أما
أختهم الدكتوره نرمين فهي بتحب الغردقه خصوصا في أيام العيد , مامتهم بقى الحاجه سعاد
مش بتقدر تروح المشاوير دي فقررت انها تقضي العيد في شقتها في المعادي .
.
يوم العيد الصبح
أستاذ حسن و المهندس فهمي و دكتوره نرمين مش هينسو ابدا يبعتو رساله عالواتس لمامتهم
, يقولو لها كل سنه وانتي طيبه يا احلى ماما في الدنيا مع ايموشن حلو , أو بوست عالفيس
و فيه مينشن (و يشعر بالمحبه ) !! .
.
ايه ده ؟ يعني
الاخوات مش هيروحو لبعض و يعيدو على بعض ؟ أستاذ حسن مش هيروح لمامته و يبوس ايديها
ويقول لها كل سنه وانتي طيبه ؟ المهندس فهمي مش هيزور اخته نرمين و يعيد عليها و يشرب
معاها شاي و ياكل بسكوتتين ؟ لا يابني ماتبقاش متخلف كده و رجعي , الدنيا اتطورت و
احنا لازم نواكب التطور الرائع ده , هي رساله عالواتس او بوست عالفيس و كده يبقى جميل
اوي أخر حماده .
.
أصدقائي الغاليين
, التكنولوجيا دي سهلت حاجات كتير أوي في حياتنا , بس للأمانه فرمتنا , لو سمحتو ,
حاولو تسلمو على بعض في العيد و تتلمو , و أجلو المصايف لوقت تاني , حاول تحضن اختك
و تبوس ايد ابوك وامك في العيد , المصايف مش هتطير , حاولو تقاومو مرحلة الفرم دي
, لأن التكنولوجيا ( الجميله ) بتحولنا بشكل تدريجي و سريع جدا لمخلوقات بلاستيك و
كائنات مشوهه .
.................................................................................................................
Mohamed
Hussein
3
بونيو 2018·
الأردني الهارب
مضر زهران بيروج لخراب الأردن بنفس الطريقه , مظاهرات و ربيع لامؤاخذه عربي , و بيوعد
الأردنيين بالرفاهيه المطلقه و الفخفخينا , يعني هتبقى نايم على بطنك في السرير و ييجي
رئيس الوزراء الأردني الجديد يديك فلوس ( يعطيك مصاري ) و يدلّك لك عضلة السمانه و
يمشي , مش بس الأردنيين , ده حتى قطط الشوارع هيدلعهم و يجيب لهم ساونا و جاكوزي .
.
سؤال بيطرح بلح
, هما ليه كل ولاد الوسخه بلا استثناء بيكونو هربانين و لاجئين في بريطانيا أو أمريكا
أو تركيا ؟ ليه مش بلد تانيه ؟ ده مش سؤال على فكره , دي اجابه , ليه ولاد الوسخه بيهربو
لبريطانيا و أمريكا ؟ الإجابه باختصار , عشان ولاد وسخه .
.
عزيزي المواطن
الأردني الشقيق , ممكن تحب الملك عبد الله و عيلته أو ماتحبوش , ممكن تحترمه أو ماتحترموش
, بس اوعى يا مولانا تقف ضد حكومة بلدك و جيشها وأجهزتها الأمنيه مع الخونه و الصيع
و الهربانين و عملاء الحلف البريطاني الأمريكي الصهيوني .
.
و لو محتار و الصوره
بالنسبالك ضبابيه و مش عارف راسك من رجليك هقولك ببساطه , شوف قناة الخنزيره و الميديا
العالميه و قنوات الخرفان في تركيا بيروجو لإيه و اعمل عكسه و انت مغمض عينيك .
.
أما بالنسبه للرفاهيه
اللي بيوعدكو بيها الصايع الهارب مضر زهران انتو وقطط الشوارع , فهي بالظبط بالظبط
نفس الرفاهيه اللي وعدت بيها توكل كرمان اليمنيين , و اللي وعد بيها خونة العراق و
خونة ليبيا و خونة سوريا , رفاهيه على كيف كيفك , رفاهيه لدرجة إنهم قرّبو خلاص ياكلو
قطط الشوارع !! .
..............................................................................................................
Mohamed
Hussein
2
يونيو 2018·
السيسي لو راح
البرلمان يحلف القسم وهو راكب جمل و معاه موكب من اتنين فرسان راكبين خيل , و كل واحد
منهم شايل سيف ومعاهم أولّة مايه بيشربو منها في الطريق , برضو الخرفان و الشمامين
مش هيبطلو هري و هبد , و ليه يركب جمل والحراسه يركبو خيل ؟ طب جابو السيف بكام ؟ مش
كان يصرف فلوس السيوف و الجمل و الحصانين عالتعليم و الصحه يكون أفضل ؟ أولة المايه
دي فيها مايه من الحنفيه ولا مايه معدنيه ؟ شكلها مايه معدنيه , و فين بقى هيبتنا وعظمتنا
لما رئيس دوله بحجم مصر يروح البرلمان و هو راكب جمل ؟ شكلنا يبقى عامل إيه قدام العالم
الخارجي و الداخلي و مجموعة عدم الانحياز ؟ السياح و الاجانب و المستثمرين يقولو علينا
ايه ؟ هنعمل ايه في كاس العالم و نلاعب سواريز و كافاني ازاي إذا كان رئيس مصر بيركب
جمل ؟ ده موكب أبو سفيان كان بيبقى أحلى من كده .
......................................................................................................
Mohamed
Hussein
2
يونيو 2018·
لما تكون شايف
إن شتيمة الشعب المصري بستاته و رجالته حاجه عاديه و حرية رأي .
.
و شايف إن اهانة
اسم مصر و تاريخها و جيشها و هويتها و كيانها حرية رأي
و شايف أن فبركة
تقارير و نشر اخبار كاذبه حرية رأي .
و شايف إن دعم
الإرهاب و السخريه من الأجهزه الأمنيه اللي بيحمو الأرض و العرض و يضحو بحياتهم عشانا
حرية رأي .
.
باختصار لما تكون
عديم النخوه و الإحساس و المسئوليه و العقل و المنطق يبقى لازم تصدق إنك مش متحرر ولا
مثقف ولا مناضل ولا بطيخ , كل الحكايه إنك عيل خواجه و امك عارفه , أه و عهد الله
, و مشّيها خواجه عشان احنا بس في شهر مفترج .
....................................................................................................
Mohamed
Hussein
1 يونيو 2018·
في غرب ألمانيا
الدنيا مطرت شويه , الشوارع غرقت و العربيات عامت و المايه دخلت المولات , الكهربا
اتقطعت و حركة القطارات توقفت .
.
طب مفيش واحده
ست تكون ساكنه في التجمع الخامس بتاع غرب ألمانيا و تعمل فيديو للأمطار و هي مغرقه
الشوارع و تجيب العربيات و هي عايمه و تلعن جدود أبو المستشاره الألمانيه ميركل و مجلس
محلي مدينة زولينغن ؟ و تطالب بإقالة وزير التنميه المحليه و وزير النقل و محافظ اسكندريه
؟ وبعدين أصدقائها يعملو لها كومنتات عالفيديو و يقولو لها انتي عظيمه و مناضله و هايله
واحنا بنحبك , احنا إشلبيديش , اه و عهد الله .
........................................................................................................
Mohamed
Hussein
1
يونيو 2018·
حركات العيال
.
وانا طفل صغير
بتاع 7 سنين كده كنت بصوم رمضان كامل و برفض جدا كلام ابويا و امي الله يرحمهم بإني
أفطر , كنت بصوم رغم اني بصحى من 6 الصبح و اروح اشتغل في الأرض ( أو في جمع دودة القطن
) , المهم اجي عالعصر كده أكون خلاص جبت جاز , لان رمضان وقتها كان بيجي في عز الحر
, أقوم رايح الجامع أصلي العصر , و اعمل حركه عيالي أوي و مفقوسه بس كنت بعملها احيانا
, هي إني اتوضى كتير و اتمضمض كتير اوي و بعد ما اتمضمض ابلع ريقي يكون فيه بواقي مايه
في بؤي , كام نقطه يعني لسه موجودين , اهم يبلو ريقي شويه , و بعد ساعه وانا قاعد في
الجامع أروح أكرر نفس الحكايه , اتوضى تاني و اتمضمض و أبلع ريقي .
.
و بعدها كنت بقعد
أفكر , هو انا كده أبقى فطرت و ضيعت صيامي ولا ربنا ممكن يسامحني عالحركه العيالي دي
؟ لما كبرت اقتنعت تماما ان ربنا كان بيسامحني أكيد , لأنه رحيم جدا بعباده خصوصا الضعفاء
, مش بس كده , دانا بقيت لما افتكر المشهد ده اتخيل ان الملايكه اللي بيسجلو أعمالي
بيشوفوني في الحركه العيالي و انا بتمضمض و أبلع ريقي ( يقفشوني ) , و يبتسمو!! .
.............................................................................................................
ليست هناك تعليقات:
إرسال تعليق