Mohamed
Hussein
8
أبريل 2018·
عايز يكون عندي
فرس
و ميكروفون و بال
طويل .
.
و أطوف شوارعك
يا بلد
بنهار وليل .
.
وامسك ولادك بانتباه
كل عيل من قفاه
أشرح له أصل المشكله
.
الغرب مش بيبيع
سبح
ولا عمره كان بيبيع
سبح
دول الديابه السفاحين
ضاحكين عليكو بكلمتين
.
ملعوب جديد للسيطره
حبّة كلام
ركبو دماغك بالكلام
و بعدها شدّو اللجام
.
.
شعارات كتيره مزيّفه
و اللعب أصلا في
الدماغ
و كلام عبيط لو
توزنه
في سوق العقول
ما هيسوى ساغ
.
ضحكو عليكو و فهّموك
إنك بطل
احرق بلادك يا
بطل
حارب جيوشك يا
بطل
قطّع تاريخك يا
بطل
إلعن جدودك يا
بطل
انشر سوادك يا
بطل .
.
ضحكو عليكو و فهموك
إن الخيانه شئ
جميل
ممكن تقول ( وجهة
نظر )
و انت البطل
انت العظيم المنتظر
مش م العبيد
ولا حد تافه زينا
انشر سوادك يا
عظيم
و قول و زيد
على بختنا , على
حظنا
.
الشمس بكره مش
هتطلع عندنا
الشمس أصلا مش
بتطلع
غير في أرض الأجنبي
ولا بكره فيه ضحكة
بنات
ولا بكره فيه ضحكة
صبي
ولا فيه أمل يملى
الحِفان
ولا خير يخبّط
عالبيبان
و لا زرعه هتشق
الصخور
على أرضنا
و لا بكره فيه
عدم المؤاخذه ربنا !!.
.
عايز يكون عندي
فرس
و ميكروفون و بال
طويل
.
و اطوف شوارعك
يا بلد
بنهار و ليل
و أصرخ يا ناس
وقت الطوفان
اوعو تهدّو في
الحيطان
ده بلاد كتير
على شعرتين متعلّقه
فوقو بقى !! .
ليست هناك تعليقات:
إرسال تعليق