Mohamed
Hussein
19
أبريل 2018·
يبدو ان مصر عامله
خرم أكبر من ثقب الأوزون في دماغ ناس كتير و دول و كيانات .
.
في منتدى أفريقي
للشباب في تونس ( اللي كانت خضره قبل مايشارك في حكمها الجماعه الإرهابيه حاليا )
, واحد من الحضور طلع يعرض خريطة لدول أفريقيا , و مكان مصر عالخريطه مش مكتوب اسم
مصر , إنما مكتوب ( ستعلن اسرائيل في 2020 ) !! .
.
في المنتدى كان
حاضر نائب وزير التعليم المصري , المحترم جدا دكتور احمد الجيوشي , اللي وقف فورا و
رفض الخريطه و طلب بحذفها و هدد بالإنسحاب , بعدها وقف وزير تونسي و أيد رأيه ( لكن
بطريقه مايعه و صايصه , اللي هو أنا بأيد رأي مندوب مصر , و الحاجات دي مش موضوعنا
دلوأتي !! ) .
.
الحقيقه احنا مابقيناش
محتاجين ألف دليل إن مصر 2013 بتؤرق مضاجع كل ولاد الوسخه في العالم , و مفيش حاجه
بتتم صدفه , لا خريطه زي دي بتتعمل صدفه , ولا خريطة مصر اللي بتنزل من غير حلايب و
شلاتين بتكون صدفه , صبيان أمريكا و بريطانيا و تركيا و قطر بنت الوسخه و جماعة الإخوان
الإرهابيه قالعين بناطيلهم في كل مكان و مستعدين تماما و طول الوقت لتنفيذ التعليمات
.
.
ألف ألف شكر للراجل
المصري الجدع احمد الجيوشي , و أتمنى من معالي وزير الخارجيه سامح شكري إنه يعلن النهارده
انسحاب مصر من المنتدى العبيط ده و لأجل غير مسمى , و ياريت لو يستدعي سفير تونس في
القاهره و يسأله سؤالين بس , ليه الوزير التونسي بصفته ( الدوله المضيفه ) مأمرش فورا
بطرد المندوب الصايع اللي عرض الخريطه المسيئه لمصر ؟ و هل يعتقد سيادته إن مصر اللي
هي أعظم دوله في الكون لو بتستضيف مؤتمر على أراضيها هتقبل أي شكل من أشكال الإهانه
لتونس الشقيقه ؟
.......................................................................................................
Mohamed
Hussein
19
أبريل 2018·
الخرفان اللي شغالين
في قناة الشرق الإرهابيه الضاني اللي عند أردوغان خليفة الشواذ , لما الفلوس قلت عندهم
و التمويل مبقاش قد كده فضحو أيمن نور و المذيعين الصيع اللي في القناه .
.
أخر حاجه في فضايحهم
انهم بيعترفو ان القناه بتدلّس و تفبرك و بتجيب مصادر وهميه عشان تعمل مداخلات و ناس
ملهاش أي صفه و تقدمهم بصفات وهميه !! .
.
تصدقو انتو فاجئتوني
بالموضوع ده , و اكيد انتو كمان اتفاجئتو و انتو شغالين في القناه من سنين بحكاية التدليس
و الفبركه و المصادر الوهميه دي .
.
حال الخرفان في
زريبة الشرق اللي مقلوبين حاليا على أيمن نور و نشرهم للفضايح , عامل بالظبط زي شوية
( خواجات ) راحو يشتغلو في بيت دعاره , و بعد سنتين تلاته يا مؤمن من شغلهم اكتشفو
ان بيت الدعاره ده فيه أزايز خمره و حشيش , و فيه واحده زميلتهم بتتباس جوه , و العياذ
بالله .
................................................................................................
Mohamed
Hussein
19
أبريل 2018 ·
الخرفان اللي شغالين
في قناة الشرق الإرهابيه الضاني اللي عند أردوغان خليفة الشواذ , لما الفلوس قلت عندهم
و التمويل مبقاش قد كده فضحو أيمن نور و المذيعين الصيع اللي في القناه .
.
أخر حاجه في فضايحهم
انهم بيعترفو ان القناه بتدلّس و تفبرك و بتجيب مصادر وهميه عشان تعمل مداخلات و ناس
ملهاش أي صفه و تقدمهم بصفات وهميه !! .
.
تصدقو انتو فاجئتوني
بالموضوع ده , و اكيد انتو كمان اتفاجئتو و انتو شغالين في القناه من سنين بحكاية التدليس
و الفبركه و المصادر الوهميه دي .
.
حال الخرفان في
زريبة الشرق اللي مقلوبين حاليا على أيمن نور و نشرهم للفضايح , عامل بالظبط زي شوية
( خواجات ) راحو يشتغلو في بيت دعاره , و بعد سنتين تلاته يا مؤمن من شغلهم اكتشفو
ان بيت الدعاره ده فيه أزايز خمره و حشيش , و فيه واحده زميلتهم بتتباس جوه , و العياذ
بالله .
.........................................................................................................
Mohamed
Hussein
18
أبريل 2018·
مرتضى منصور بعد
ما خربها و قعد على تلها بيوجّه رساله لرئيس الجمهوريه و رئيس الوزرا عشان يتدخلو لإنقاذ
النادي !! .
.
وانا بصفتى مواطن
مصري زملكاوي للنخاع , زي ملايين كتير أوي من المصريين , عايز أوجه رساله مماثله و
نداء عاجل لفخامة الرئيس و فخامة رئيس الوزرا , انقذو الزمالك من هذا البلطجي المعتوه
اللي حوّل نادي بحجم و عراقة الزمالك لمجرد ( عزبه ) له هو و عياله , و اللي خلّانا
مُسخه و أضحوكه و ماده خصبه للتريأه و الألش المستمر .
.
حتى لو كان البلطجي
ده جه بالإنتخابات و الصناديق فانا هنا مابفهمش يعني ايه صناديق و انتخابات , كل اللي
أفهمه ان فيه ملايين المصريين في حالة قرف و سخط و غضب و قلة حيله , ملايين زي حالاتي
لا كان لهم حق التصويت ولا حق الإختيار .
.
فخامة الرئيس
, نادي الزمالك مش حمام سباحه و كافيتريا و شمسيه و شوية كراسي , الزمالك و الأهلي
هما أكبر ناديين في أفريقيا من حيث التاريخ و الجماهيريه و البطولات , و هما المغذّي
الرئيسي لمنتخباتنا الوطنيه في كل الألعاب , يعني باختصار ينفع جدا نقول ان كل نادي
فيهم بشعبيته هو ( قضية أمن قومي ) .
.
ماعرفش القوانين
هنا بتقول ايه و الحل ايه ولا عايز أعرف , كل اللي عايزه و بتمناه ان سيادتك تتصرّف
بأي طريقه و أي شكل , و معاك ضوء أخضر من الأهلاويه قبل الزملكاويه , لأن حتى الأهلاوي
العاقل يعرف ان خراب نادي الزمالك لا في صالح مصر ولا في صالح النادي الأهلي .
.......................................................................................................
Mohamed
Hussein
18
أبريل 2018·
بينما نحن نايمين
, أو صاحيين و بنشرب قهوه و نسكافيه و نضحك و نرازي في عيالنا , أو قاعدين في أشغالنا
و بنشوف مصالحنا و نفكر في ياميش رمضان .
كانت قواتنا المسلحه
, أبطال الجيش التالت الميداني بيهاجمو أوكار ارهابيه في مناطق جبليه وعره في وسط سيناء
, و بعد تبادل لاطلاق النار , تمكن الأبطال من القضاء على الجيفه النتنه ناصر أبو زقول
, أمير التنظيم بوسط سيناء , بكل القوه الغاشمه , كل القوه الغاشمه .
.
حينَ لا تنفعكم
مخدراتكم و أفيونكم , ولا دولارات قطر بنت الوسخه .
..........................................................................................................
Mohamed
Hussein
17
أبريل 2018·
مين ده اللي يقدر
على دوله أول ناس بيجرو فيها عشان يشترو فوانيس رمضان هما المسيحيين ؟! مين اللي يقدر
علينا ؟ .
.
سوريا رمو لها
جمله عباره عن ( طُعْم ) اصطادوها بيه , و قالو لها شيعي و سني و علوي و بطيخ و فول
حريتي , و من يوميها ندهتها النداهه في سكة اللي يروح مايرجعش .
.
و مصر لما حست
بشوية خطر في 2013 و حاولو يرمو لنا نفس ( الطُعْم ) , لقونا بنضرب أجراس الكنايس مع
أدان المغرب في رمضان , و لقينا عندنا بابا بيقول لو حرقو الكنايس هنصلي في الجوامع
.
.
يا حبيبي احنا
شعب ( رِزل ) في تركيبته , كان لنا كتالوج و رميناه من زمان ( من 1400 سنه ) , مصطفى
بتربيه تيريزا و كيرلس متربي في بيت فاطمه , واللي شبكنا يخلصنا ( ده لو كان يقدر
) .
..............................................................................................................
Mohamed
Hussein
17
أبريل 2018·
البنات عندي لسه
ماخلصوش امتحانات و مع ذلك بدأو يعملو قايمة الطلبات بتاعة الصيف و هدية النجاح .
.
عايزين يروحو يتدربو
باسكت مع ان البت الصغيره أوزعه ( مش مشكله , ماهو هشام أبو سريع كان قصير برضه ) و
عايزه عجله ب 800 جنيه ( تقريبا هتركبها و تلعب بيها في الرسيبشن وتدوس عالقطط و على
رجلينا و هي ماشيه ) و لوجي عايزه البتاع ده اللي اسمه باتيناج أبو 500 جنيه , و مره
اتهفت في عقلها و قالت عايزه هوفر بورد أبو معرفشي كام ألف , بس وقتها مالحقتش تكمل
الطلب بتاعها , هي قالت عايزه هوفر و انا بصيت لها بصة السيسي لمرسي في اخر خطاباته
, قامت ماكملتش الجمله .
.
أبويا الله يرحمه
لما كنت أقوله عايز علبة ألوان رصاص يابه عشان الامتحان , تكون كامله 6 أقلام ( ب نص
جنيه ) , أو عايز عدّة هندسه يكون فيها برجل سليم ( رجليه مش بتفتح لوحدها ) , بخمسه
جنيه , يقوم قايل لي نفس الجمله لدرجة اني حفظتها ( انتو يا محمد يابني محتاجين ماسوره
حديد 6 لينيه تنزّل لكو فلوس على طول , عشان تكفّي طلباتكو دي ) , الله يرحمك يا حاج
.
....................................................................................................
Mohamed
Hussein
17
أبريل 2018·
لو سمحت يا حبيبي
- نعم يافندم
.
.
عندك محبس بينقط
في الحمام و عندك المفاتيح و العده أشكال و ألوان , ممكن تفك المحبس ده و تروح تجيب
واحد زيه و تركبه أو تركب له جلده ؟ .
- ازاي حضرتك ؟
الحكايه دي محتاجه سباك طبعا , لازم حد متخصص .
.
طب فيه لمبتين
محروقين في النجفه ممكن تجيب كرسي و تطلع عليه و تشيلهم و تركب مكانهم ؟
- ليه ؟ هو انت
فاكرني كهربائي ؟ لازم كهربائي , لازم حد متخصص .
.
طب قولي 6 في
17 بكام ؟
- حضرتك انا مش
عالم رياضيات , انما ممكن لو جبت لي أله حاسبه احسبهالك و الأفضل تسأل فيها مدرس ماث
عشان هو متخصص .
.
تمام تمام , مساحة
مصر قد ايه و طولها و عرضها ؟
- يافندم انا مش
شغال في هيئة المساحه , الكلام ده تسأله لحد متخصص .
.
تعرف ايه عن نهرو
و جوزيف تيتو ؟
- لا مش عارفهم
, بس الأسماء مش غريبه عليا , دول كانو بيلعبو في ليفربول في التسعينات صح ؟ ولا أقولك
؟ اسأل حد متخصص .
.
طب قولي إيه أفضل
موسم لزراعة المكرونه في مصر ؟
حضرتك انا مش فلاح
عشان تسألني السؤال ده , الفلاح هو المتخصص في الزراعه .
.
ممكن لو سمحت تدق
مسمار في الحيطه عشان نعلق عليه صورة المرحوم والدك ؟
- أدق مسمار ازاي؟
انا مش نجار سيادتك .
.
مين أخر رئيس للاتحاد
السوفيتي ؟ و عمل ايه عشان ينهار الاتحاد السوفيتي ؟
- ايوه عارفه عارفه
, كان اسمه خراشوف , و الاتحاد السوفيتي انهار عشان النشطاء السياسيين لما كانو بيحبو
يعملو وقفة احتجاجيه مكانوش بيلاقو سلالم لنقابة الصحفيين .
.
السودان و ليبيا
ايه علاقتهم بمصر عالخريطه ؟
- انا مش مدرس
جغرافيا يافندم
.
أمريكا عمرها كام
سنه ؟
- مش متأكد من
الرقم , بس كتير أوي , ييجي ملايين السنين , دول موجودين من أيام المخلوقات الفضائيه
و الإنسان البدائي .
.
مين الدول التلاته
اللي شنو العدوان الثلاثي على مصر؟
- مممممممم روسيا
و إيران و الدوله التالته مش فاكرها .
جزر القمر يا حبيبي
.
- اه صح .
.
لو شوفت فار في
المطبخ و مامتك قالت لك تعالى الحقني فيه فار في المطبخ هتعمل ايه ؟
- هقول لها تتصل
بالشركه الألمانيه لمكافحة الحشرات و اقعد على تويتر اكتب تويته و اقول ( احنا الصوت
لما تلاقو الدنيا سكوت ) و انزل صورة الواد اللي كان نايم قدام الدبابه و هي واقفه
أو صورتي و انا في الجيم .
.
اخر سؤال بقى
, تعرف ايه عن الصواريخ الباليستيكيه و حاملات المروحيات و الغواصات النوويه و العلاقات
الدوليه و الأمن القومي و تسليح الجيوش و البنيه التحتيه و الخطط الخمسيه و الخمسينيه
و التضخم و حفر الأنفاق العملاقه , و الطيارات الرافال وأنظمة الدفاع الصاروخي و شق
القنوات البحريه , و محطات توليد الكهربا و المفاعلات النوويه ؟
- ايوووووووه
, كده حضرتك جيت لي في ملعبي , انا متخصص و عالم و ضليع في الحاجات دي , تعالى بقى
عشان أشرح لك بالتفصيل .
.......................................................................................................................
Mohamed
Hussein
16
أبريل 2018·
مرحباً , أنا مارك
زوكربيرج مدير عام ال facebook و رئيس مجلس الإداره و نجم
الجيل و كبير مشجعي مانشستر يونايتد , أنا الروح الكامنه في البيضه المقدسه , أقول
لكم أمراً , يا كل مشتركي موقع الفيسبوك المجاني , إذا لم يدفع كل واحد منكم 5 دولار
شهريا للمدعو محمد حسين , فسوف نقوم بغلق حسابه الشخصي و نقطع عنه المايه و النور و
حرارة التليفون و نشيل العدّه , و ناخد خاله رهينه عندنا لحد ما يدفع .
.
كما نحذر سيادتكم
من قبول صداقة الأشخاص التالي ذكرهم , وائل شيتوس , محمود لايز ,عبد الحميد شيبسي
, ابراهيم شمعدان البنهاوي , و أبو الوفا أبو الوفا , لأنهم عباره عن هاكرز خطرين جدا
, و عند قبول صداقتهم سوف يقومون بتهكير صفحتك وبعد 7 ثواني هينفجر اللابتوب بتاعك
هو و التلفزيون و الغساله و حلة المحشي هتتحرق عالبوتاجاز , و بنتك مش هتجيب الدرجه
النهائيه في امتحان الماث و عمتك هتعمل حادثه و هي سايقه الموتوسيكل .
.
لذا وجب التنبيه
و التنويه , و الله الموفق و المستعان .
و السلام عليكم
و رحمة الله و بركاته .
.
إمضاء : مارك بن
زوكربيرج بن حيين بن المهلهلون .
...............................................................................................................
Mohamed
Hussein
16
أبريل 2018·
الصوره الكامله
.
فيه مشهدين ماينفعش
ننساهم , يمكن عشان بيختصرو كلام كتير و كتب و مجلدات , المشهد الأول هو صورة الساده
الملوك و الأمراء قادة الخليج و هما واقفين تحت سلم الطياره في انتظار خروج ملكة جمال
الإتحاد الإوروبي و نصف الكره الشمالي , الحيزبونه تيريزا ماي رئيسة وزراء بريطانيا
.
.
المشهد التاني
, فتوى لداعيه سعودي بيقول فيها باختصار إن ترامب هو مبعوث الله و طاعته من طاعة الله
!! , أصلا أصلا لو حضرتك ضغطت على مشايخ السعوديه شويه هيصدرو فتوى ان الطواف في الحج
يكون حول البيت الأبيض ( الذي باركنا حوله ) و الرجم هيكون لبشار الأسد لأنه شيعي و
علوي و زنديق و زومبي , اه و عهد الله .
.
طيب إزي نكوّن
قناعة و وجهة نظر و منهج فكري ؟ هما 3 خطوات و بالترتيب , تشوف الصوره كامله الأول
, و بعدين تفكر , و بعدين تكون وجهة النظر و المنهج الفكري , لو ماشوفتش الصوره كامله
بعنيك و مافكّرتش بعقلك , و حاولت تكون قناعاتك من شوية تويتات و حبشتكانات , ماتبقاش
الحكايه دي اسمها منهج فكري , تبقى اسمها شقه فكري !! .
.
الصوره الكامله
بتقول , منطقة الخليج من عشرات السنين بتخضع للنفوذ الأمريكي البريطاني , او ممكن تقول
الإحتلال الأمريكي البريطاني , و ده كان بداعي حمايتهم من البعبع الوهمي اللي اسمه
إيران , و من السلعوه و أبو رجل مسلوخه , القضيه دي قضيه منتهيه بحكم المده و الاستمراريه
, يعني مش وضع جديد ولا فيه قائد خليجي يقدر يخرج بره المنظومه , مش صعب ده مستحيل
.
.
مصر 2013 بتتعامل
مع دول الخليج بحرص شديد , بحكم انها منطقة جوار و أمن قومي , و بحكم المصالح الكتير
جدا المشتركه و بحكم ملايين المصريين اللي شغالين هناك , لكننا مش مخابيل ولا بنبيع
لنفسنا الوهم , ولا مستنيين السمنه من بطن النمله , بنتعامل بحرص , بنتجنب الصدام
, بنحافظ على شعرة معاويه .
.
لو خرجنا بره منطقة
الخليج هنلاقي الدول العربيه مابين دول مدمره ( بأيدي المعاتيه من أبنائها و بتخطيط
صهيوني بريطاني أمريكي و بأموال الخليج ) و مابين دول ( بتعيش بأموال الخليج ) , بص
عالخريطه كويس , شوف وضع السودان بعد ماتقسمت نصين و شوف عمر البشير و ازاي الأموال
القطريه بتلعب بيه , انزل تحت شويه كمان و شوف وضع اليمن , اطلع فوق شويتين و شوف العراق
و سوريا , و بص عالجنب هتلاقي لبنان و تحتها فلسطين , تعالي عالشمال , أدي ليبيا ,
و جنبها تونس الخضره اللي حاليا حاطه رقبتها تحت سكينة الجماعه الإرهابيه .
.
ده يابني حال العرب
, الحكايه مشيت بشكل ماكانتش تحلم بيه الصهيونيه العالميه , يعني النتيجه أحلى بكتير
من تخطيطهم , احنا بنبهرهم بغباءنا .
.
مين اللي باقي
في الوطن العربي ؟ قولا واحدا , مصر , البيت الكبير , بس البيت الكبير يلزمه بيوت جنبه
يتسند عليها ؟ أهو بيحاول يلصّم الدنيا , و لو انها كلها بيوت إما مهدوده أو أيله للسقوط
, طب نقفل بابنا على نفسنا و ملناش دعوه ؟ ماينفعش الكلام ده يا مولانا , طب ننسى جغرافية
المنطقه و خرابها و تدميرها و الطوفان الداير فيها و نقول التجربه الماليزيه و التجربه
البرازيليه ؟ بس ياهبل يابن الاهبل .
........................................................................................................
Mohamed
Hussein
15
أبريل 2018·
حازم عبد العظيم
( أبو دوده ) و كل دواسات تويتر سابو خطاب السيسي و مسكو في كلمة صواريخ بالستيكيه
, و عاملين حفله كأنهم فتحو عكا .
.
و النبي يا جدعان
لو حد عنده حساب على تويتر يبلغ أبو دوده الكلمتين دول ( بعد التفافه طبعا ) و يسأله
هو دكتور في ايه بالظبط عشان نبقى عارفين .
.
95 % من المصطلحات
العلميه بتترجم ترجمه أقرب لنطقها بالإنجليزي , أو باللغه الأجنبيه اللي كانت هي مصدر
المصطلح , الكلام ده في الطب و الهندسه و التسليح و خلافه , الترجمه بتكون عباره عن
كلمة أسهل للنطق غالبا أو اختصار للنطق , لكن ملهاش أي أساس في اللغه العربيه , و نقوم
واخدين المصطلح المترجم ده و نحشره عندنا في كتاب العربي .
.
يعني مثلا , في
الطب , كلمة سمبثاوي , اسمها بالانجليزي sympathetic
, لو جيت تدور بقى عالترجمه بتاعتنا و أصلها في اللغه العربيه مش هتلاقي لها أصل ولا
مصدر , اكيد كلمة سمبثاوي مش جايه من فعل ( سمبث ) ده لا في مختار الصحاح ولا في عبد
المجيد الصحاح .
.
المهم , لو لقيت
شوية طلبه في كلية الطب واقفين بيتكلمو و جت السيره هتلاقي اتنين تلاته منهم بينطقوها
( عصب سمبثاوي ) و غيرهم بينطقها ( عصب سمباثتيك ) بحسب نطقها بالإنجليزي .
.
اللي هيدخل من
حضراتكو على جوجل هيلاقي كلمة أسلحة بالستيه ترجمتها ballistic weapons .
و صواريخ بالستيه
تترجم ballistic missiles و تتنطق إما بنطقها العربي
( اللي اخترعناه و اللي مالوش أصل في اللغه العربيه , أتحدى أي حد يعرف أصل كلمة بالستي
في اللغه العربيه ) أو تتنطق زي ماهي مكتوبه بالإنجليزي , و بالتالي تقول صواريخ بالستيك
أو بالستيكيه .
.
يووووه , كنت هنسى
, حد يقول لأبو دوده , إن عبد الفتاح السيسي ظابط جيش يعني بتاع صواريخ بكل أنواعها
, دي شغلته و دراسته , مش مهندس ديكور ولا دكتور أمراض نسا .
.
و اجمالا اللي
زي أبو دوده و كل دواسات تويتر بينطبق عليهم بيت شعر حلمنتيشي جميل أوي كنت حافظه وانا
عيل صغير في اعدادي , بيت الشعر بيقول ( يسوقُ في الهيافةِ كل فلقٍ .... يُعرّشُ عرشاً
و يسدٌ بابَ ) .
..........................................................................................................
Mohamed
Hussein
15
أبريل 2018·
ملخص و ترجمة كلمة
الرئيس عبد الفتاح السيسي في القمه العربيه , اللي قاله (
و اللي كان نفسه
يقوله ) , الترجمه بقى بعيد عن المصطلحات الدبلوماسيه
.
الساده أصحاب المعالي
و الفخامه و السمو , أنا سعيد أوي ومبسوط جدا خالص اني جيت و حضرت القمه دي ( و كان
نفسي ماحضرش ولا أشوف خلقتكو ) .
.
السيدات و الساده
الأفاضل , فيه نص مليون قتيل سوري و ملايين اللاجئين و فيكو اللي شارك في كده يا ولاد
الصرمه ( قصدي يا أصحاب الفخامه و السمو ) .
.
أصحاب المعالي
, فيه دول اقليميه بنت وسخه بتتوغل في دولتين عربيتين و تنتهك سيادتهم في مشهد احتلال
واضح و صريح , وانتو لا حس ولا خبر , بالعكس , عاملين تحالف مع الدوله بنت الوسخه
.
.
أصحاب الفخامه
و السمو , منكو اللي بيدعم الإرهاب في سوريا و ليبيا و بيصرف عليه وبيدعم خراب الدول
و إسقاط جيوشها و مؤسساتها الوطنيه , ربنا ياخدكو بحق جاه النبي و أهل بيته.
.
السيدات و الساده
, حتى فلسطين ماسيبتوهاش في حالها و ساعدتو على انقسامها و بترمو لهم الفتات مقابل
تدمير القضيه الفلسطينيه و ترسيخ الإحتلال .
.
أصحاب المعالي
, مصر عملت مبادرات كتير لوحدة الصف العربي و الصف الفلسطيني و حماية الأمن القومي
و منع التدخل الأجنبي و عمل تسويات سياسيه لمشاكلنا العربيه بس اكتشفنا اننا بنكلم
شوية أصنام .
.
أصحاب الفخامه
و السمو و المعالي و البطيخ و الفول الحريتي , من الأخر كده , جبتو لنا القوى الدوليه
لحد أراضينا و عملتو قواعد عسكريه لعربجية التاريخ و المستعمرين و بتصرفو فلوسكو على
خراب دول شقيقه لدرجة إن الشيطان ذات نفسه بقى يستعيذ بالله من تصرفاتكو , ربنا يحرقكو
بجاز .
.
أشكركم على حسن
استماعكم , و السلام عليكم و رحمة الله و بركاته
.................................................................................................
Mohamed
Hussein
15
أبريل 2018
في 2011 ظهر لنا
شوية أيقونات عنب , أيقونات من النوع المثقف العميق العبقري اللي سابق كوكب الأرض بمليون
فدان , لحد مابقى عندنا اعتقاد ان كل واحد من أيقوناتنا و ألهتنا العوالي دي يقدر يحكم
قاره بحالها , و بصباع رجله الصغير .
.
يااااه يالميدان
, و المستكه و الحبهان , إفرد حجرك كده و خد عندك , البرادعي و حمدين و خالد علي و
أسماء محفوظ و شادي الغزالي و الأسواني و يسري فوده و إسراء عبد الفتاح و ممدوح حمزه
و الواد سوكا بتاع الولاعات .
.
بعد 2013 كانت
تقدر الدوله تلمّ أيقوناتنا و ألهتنا العوالي و تسجنهم , و بالقانون , مفيش واحد منهم
ماغلطش غلطه في تويته او تصريح , و في حالة الطوارئ مجرد نشر خبر كاذب أو تعاطف مع
الارهاب أو فبركة تقرير أو تلفيق تهمه لمسئول في الدوله بدون دليل , هي جريمة المفروض
تتسجن و تتنفخ بسببها .
.
لكن اللي حصل ان
الدوله سابتهم , حمداً للرب , فقد تركو ألهتنا العوالي , مرحى مرحى , و بس ياسيدي بدأت
أيقوناتنا تسرسب شوية سرسبه حلوه من أفكارها و معتقداتها و عقولها الألماظات , و بقينا
نشوف كلام مايقولهوش إلا خاين رسمي فهمي نظمي أو عيل عمره 4 سنين بيعمل ببي جنب الحيطه
, و يمكن ده كان الهدف و الغايه من تركهم .
.
الحكايه أشبه بشوية
عيال كل واحد ماسك علبة كبريت و كل شويه يولّع عود كبريت عشان يعني قال يخوف الدوله
, و الدوله كانت ممكن تجيبه و تعلقه على عمود نور , انما سابته عشان عارفه انه في النهايه
هيحرق نفسه بعلبة الكبريت اللي في إيده .
.
تخيل يا مؤمن لو
كانو اتسجنو , بالتأكيد كانو هيتحولو في نظر ناس و أجيال كتير لمناضلين و رموز في النضال
, فشر جيفارا و نيلسون مانديلا , و تفوت عشرين خمسين قول 100 سنه و ييجي جيل , تلاقي
عيل من الجيل ده رايح مشوار , تقوله رايح فين يابني ؟ يقولك رايح أحضر ذكرى وفاة المناضل
يسري فوده , أو رايح أحط بوكيه ورد على قبر الزعيم علاء الأسواني , وانتي يابنتي لابسه
الزعبوط ده و رايحه فين ؟ رايحه أعمل مقام لستنا الطاهره إسراء عبد الفتاح , شلّاه
ياهل الميدان , مدااااااد .
.................................................................................................
Mohamed
Hussein
14
ابريل 2018·
اللعبه الأمريكيه
البريطانيه الصهيونيه لخراب الدول و هدم الجيوش و نشر النفوذ و تأمين مصالحهم الإقتصاديه
و إحكام السيطره على العالم , اللعبه دي بيشوفها الحمقى و المتخلفين عقليا على إنها
حاجه عبقريه و معقده و يصعب فهمها , مع انها لعبه في منتهى السذاجه و مكرره بشكل ممل
.
.
اللعبه في 8 خطوات
1- أمريكا و بريطانيا
و الصهيونيه العالميه يصنعو فار على إيديهم , و يرموه في حِجْرك أو في بيتك .
.
2- الفار يبدأ
يقرقض في عفش البيت و يعض العيال و يعملك شوية ازعاج , فتضطر انك تقاومه و تجري وراه
و تحاربه و تحاول تتخلص منه .
.
3- أمريكا و بريطانيا
والصهيونيه العالميه يعملو تحالف دولي ( و يجيبو حد من قرايبك الخونه في التحالف و
حد من ولادك الصيع العواطليه ) و يقولو احنا جايين نحارب الفار ( اللي هما صنعوه بايديهم
و رموه في بيتك ) .
.
4- يبدأو يهدّو
شويه في حيطان البيت بتاعك بحجة انهم بيحاربو الفار , و قريبك موجود و ابنك الصايع
موجود و مستعدين يحلفو على مصحف إن الناس دول ولاد حلال و مقطعين حصر الجامع و جايين
يحاربو الفار .
.
5- بعد شويه يخرج
التحالف الدولي لمحاربة الفار بعد مايكون خرب الدنيا , و بعد مايكونو رمو للفار أكل
و أسلحه تكفيه كام شهر جايين , رموها بالغلط طبعا ( و عماد صاحبي مأكد لي ) .
.
6- بعد ما يخرجو
تقوم انت تكمل معركتك مع الفار اللي بقى متغذّي و مربرب و أقوى من الأول , و تقوم انت
تفكر ان الشبشب مش هيجيب نتيجة في محاربة الفار المربرب ده و الموضوع يلزمه إيد مقشه
.
.
7- أمريكا و بريطانيا
يشوفوك رافع ايد المقشه عشان تحارب الفار ( بتاعهم ) , يقولولك بس , إمسك عندك , رافع
قنابل نوويه و أسلحه كيماويه عشان تموت عيالك يا كافر يا اللي ماعندكش ضمير ؟ و تقوم
الأله الإعلاميه بتاعة الصهيونيه العالميه و مراكز حقوق الانسان و عصافير الكناريا
مصورة ايد المقشه على إنها اسلحة دمار شامل من الحجم الكبير ( الكومبو ) .
.
8- يقوم التحالف
الصهيوني جايلك تاني و يضرب بيتك بالصواريخ لانك كافر و زومبي و عندك ايد مقشه , قصدي
أسلحة دمار شامل , و مش بعيد يعملو اجتماع في مجلس الأمن ( بتاعهم برضه ) عشان يتناقشو
في موضوع ايد المقشه اللي بتمثل خطر بالغ على ولادك , ولادك يا كافر اللي انت عايز
تموتهم , ولادك اللي أمريكا و بريطانيا بيخافو عليهم و على صحتهم و أمنهم و سلامتهم
, دي تيريزا ماي مابتنامش طول الليل و قاطعه المايه و الزاد من كتر ماهي خايفه على
ولادك , و كل مالشغاله تقول لها مش هتاكلي حاجه يا خالتي ؟ دانتي على لحم بطنك من يومين
؟ تقول لها أكل إزاي يا نتاشا و انا مرعوبه على اطفال سوريا ؟ و مين يجيله نفس للزاد
.
و بس يا سيدي
, ادي كل الحدوته من الجلده للجلده , اه و عهد الله .
.....................................................................................................
Mohamed
Hussein
14
أبريل 2018·
صدام حسين قالو
عليه ديكتاتور و عنده أسلحة دمار شامل و بعدها دخلو دمرو العراق ....وبعد سنين اعترفو
و قالو تقاريرنا ماكنتش مظبوطه و مش متأكدين من حكاية أسلحة الدمار الشامل دي , احنا
أسفين و الله .
.
معمر القذافي قالو
عليه ديكتاتور و ( الثوار ) عملو ثوره جميله و اغتالوه ( و دمرو بلدهم ) , و بعدها
بكام سنه طلع وزير بريطاني يعترف ان بريطانيا كان لها دور في اغتيال القذافي .
.
عمر البشير خلقو
له حرب داخليه انتهت بتقسيم السودان لنصين , و في نفس الوقت أقنعوه انه حامي حمى الإسلام
و ان النص الجنوني ( التحتاني ) ده كافر و ابن حرام يا جدع , و أحسن انك اتخلصت منه
.
.
فلسطين خلقو لها
نزاع داخلي و اقنعو حركة حماس انها تسيطر على قطاع غزه عشان تحوله طبعا لجنة الله في
الأرض و تحرر القدس و عكا و البدرشين , و بعد عشر سنين من حكمها كل اللي عملته انها
حولت القطاع لوكر أنفاق و مكان للم التبرعات ( من الأسياد ) و المثل بيقول : مين أكل
عيش اليهودي ( و القطري ) يضرب بسيفه . و قد كان , اكلو عيش اليهودي و القطري و ضربو
بسيفهم فينا احنا , وسط تصفيق حاد و مزمن من ( محرّكي العرائس ) , بس تقسيم فلسطين
ده حد جميل , و عماد صاحبي مأكد لي .
.
اليمن جابو بنت
من عندهم كان أخرها تشتغل في محل ملابس و تبيع طرح و باندانات , و ادوها جايزة نوبل
للسلام و قالو لها انتي مناضله , وايه رأيك تبقى معانا عشان اليمن السعيد يبقى سعيد
أوي ؟ و خربت اليمن على ايد الثوار و بياعة الطرح , و اليمن السعيد بقت تظهر فيه أمراض
و أوبئه اتلغت من كتب الطب من 500 سنه .
.
في سوريا ماكانش
ينفع يكتفو بحكاية ان بشار ديكتاتور و بياكل دراع العيال الصغيره , كان لازم زقه جنب
الموضوع كمان , وجدتها وجدتها , ده شيعي و علوي و زنديق و اكتشفنا الحكايه دي أول امبارح
بالليل , و جابو عربان الخليج بفلوسهم و جابو بهاليل سوريا و العرب و دمرو سوريا و
جيشها واقتصادها و بنيتها التحتيه , و عملو تحالف للمسلمين السنه تقوده أمريكا و بريطانيا,أه
و عهد الله زي مابقولك كده .
.
في مصر حاولو بشتى
الطرق و الكباري , فتنه طائفيه , ضرب للكنايس , تشويه للأقباط , إرهاب لهم , طب إرهاب
للجيش و الشرطه و المدنيين كلهم ؟ طب نلوي دراعها اقتصاديا , طب نعمل قنوات و برامج
و نصرف مليارات لتشويه جيشها و تاريخها و مستقبلها , ولا الهوا يا عم الحاج ( زوبعه
في فنجان ) .
.
الكام سنه اللي
فاتو فيهم حقيقه مهمه جدا , في منتهى الأهميه
.
- أمريكا و بريطانيا
و الصهيونيه العالميه مش عباقره و بيمشو عالحيط , إنما محظوظين دايما بوجود حكام عرب
مابين خائن و متواطئ و عبيط , و وجود شريحة من الشعوب العربيه عندها استعداد فطري إما
للخيانه أو للعبط .
..........................................................................................................
ليست هناك تعليقات:
إرسال تعليق