Mohamed
Hussein
2
نوفمبر 2017·
نهاية الحدوته
, زي ما توقعت
.
النيابه الإيطاليه
أصدرت مذكرة توقيف ل مها عزام , مين بقى مها عزام ؟ دي يا مولانا عضو في افتكاسه كده
اسمها المجلس الثوري المصري , و أستاذه في جامعة كامبريدج , طب النيابه الايطاليه أصدرت
المذكره عشان هي عضو في الافتكاسه ولا استاذه في الجامعه ؟ لا حضرتك هي أصدرت المذكره
عشان أختك في الله مها عزام تبقى المشرف على بحث الشاب الإيطالي اللي بقى أشهر من ساندوتشات
الحواوشي جوليو ريجيني !! و اكتشفو كمان انها اسم الله على مقامك عضو في تنظيم الإخوان
الإرهابي الدولي , و طبعا بالصدفه البحته عرفو ان معاها الجنسيه البريطانيه !!
.
كده وضحت الرؤيه
ولا لسه ؟ من أول ما ظهرت حدوتة عنب ديبو اللي اسمها ريجيني و ده كان رأيي , الليله
على بعضها شغل مخابرات بريطانيه , ادواتها في مصر اسمها التنظيم الإرهابي , شاب يعمل
بحث و ينزل للناس في الشارع و يجمع معلومات و لما يخلص الدور بتاعه يقتلوه ( مش بإيديهم
طبعا , مفيش مخابرات أي دوله بتقتل بإيديها ) , و يبقو ضربو عصفورين بحجر , خدو اللي
هما عايزينه و ضربو العلاقات المصريه الإيطاليه اللي كانت في أحسن حالاتها ( زي ما
حاولو يضربو العلاقات المصريه الفرنسيه بطيارة مصر للطيران و العلاقات المصريه الروسيه
بالطياره اللي وقعت في سينا ) .
.
أما بقى شوية العيال
الصيع اللي اتهمو مصر بقتل ريجيني , عايز أقول لهم , مش ضروري والله تشتغلو محللين
سياسيين و خبراء أمن و لا نشطاء , البلد فيها أزمة بوابين و شغّالات , يعني الوظايف
موجوده و مرطرطه .
..................................................................................................................................
Mohamed
Hussein
2
نوفمبر 2017·
هي أمريكا و بريطانيا
و كل الدول العظيمه اللي بترعي الأبقار و الأغنام قصدي اللي بترعى الديموقراطيه و الحريات
مش هتقول أي حاجه أو حتى تشعر بالإستياء من اللي عملته الحكومه الأسبانيه لما اعتقلت
اعضاء حكومة و برلمان كتالونيا و حاكمتهم و سجنتهم ؟ طب البرادعي مش هيقول بؤين عن
حقوق المواطنين و الشعوب في تقرير مصيرها ؟ .
.
ولا هي أم الشعارات
و الإفتكاسات دي اتعملت مخصوص عشان دولنا العربيه و دول العالم التالت ؟ و التقسيم
و الانفصال يبقى حد جميل وابن حلال لو كان في السودان و فلسطين و العراق و يبقى عيل
ابن حرام لو كان في أوروبا و أمريكا .
.
إمتى الأبقار و
الأغنام هيفهمو إن الراعي اللي معيشك في دور انه بيحميك من الذئاب هو نفسه الذئب الأعظم
.
.................................................................................................................................
Mohamed
Hussein
2
نوفمير 2017·
سُكتم بكتم
.
ربنا هداني لفكره
حلوه , عشان أحافظ على المراره و الطحال و اتزاني النفسي و السيكولوجي و المنفلوطي
, عارفين الناس اللي بتقعد تبعت رسايل عباره عن فيديوهات و صور بطريقة الإرسال لكل
الأصدقاء ؟ و إيشي شاهد فلان يفحم فلان على الهوا , اعرف فوايد البقدونس في علاج حب
الشباب و البواسير و الأنكلستوما , جمعه مباركه و التلات بتاع حمدين , ماتوقفهاش عندك
, إرسالها ل 37 شخص و انا منهم , النهارده يوم بنت الخاله العالمي وانا بعتبرك بنت
خالتي في الله , شاهد ملكة بريطانيا بتقرا قرأن و مقطعه حصر الجامع , حاخام اسرائيلي
يعترف أن الإسلام هو الدين الصحيح و إن اليهوديه ديانه لقيطه ولاقينها قدام معبد قصدي
قدام جامع , شاهد رد حوده الفرارجي على المعلم عكوه الجزار ........... الفكره بقى
هي إني بقيت كل مابشوف واحد باعت فيديو او صوره بالشكل ده بفتح الشات و اشوف بعت كام
مره قبل كده حاجات مماثله ؟ أكتر من عشره ؟ يبقى حظر للرسايل , يعني قفلنا الشباك اللي
هيجيب لنا روماتيزم و كساح , و بكده خلال كام يوم هبقى اتخلّصت تماما و نهائيا من تلتين
الرسايل اللي بتجيلي .
.
صديقي العزيز
, لو في يوم من الأيام كنت عايز تكتب رساله مهمه و لقيت الرسايل مقفوله , اعرف إن البقدونس
و ملكة بريطانيا و المعلم عكوه هما السبب .
.................................................................................................................
Mohamed
Hussein
2
نوفمير 2017·
وعد بلفور و فيديو
الحدوته ( الوعد و الفيديو ) .
.
سبحان الله , النهارده
الذكرى المئويه لوعد بلفور , كل سنه و كل العرب في خيبه بالويبه , كل سنه و الكيان
الصهيوني في أمن و أمان , و كل سنه و كل الخرفان و شمامين الكوله في أقرب صفيحة زباله
.
.
بالصدفه البحته
صديق بعت لي فيديو , جزء من برنامج توك شو غربي , فيه محلل سياسي بيتكلم عن اللي حصل
في الشرق الأوسط , نفس الكلام اللي قولناه و بنقوله من سنين ( الفيديو في أول تعليق
) , عزيزي الكولجي , عزيزي الخروف , لو مابتصدقشي المصريين اللي زيك و عندك أم عقدة
الخواجه ابقى شوف الفيديو هتلاقي فيه خواجه يا خواجه !! .
.
بهدوء شديد , لكل
كولجيه مصر , هتعامل معاكو كالعاده إن الواحد فيكو لو مش خاين أو ( بيتمرقع عمدا )
يبقى عقليته هي عقلية واحد ماكملش ابتدائيه .
وعد بلفور ده وعد
بريطاني بإنشاء وطن لليهود في أرض فلسطين , تمام كده ؟ بريطانيا دي تبقى مين بقى ؟
تبقى الأم اللي خلفت , و جابت لنا بيبي صغير كتكوت جميل اسمه اسرائيل و رمته في حجرنا
, صعبه دي ؟ طيب مفيش أم في الدنيا بتفرط في ابنها ضناها ( و النبي ماتبقاش تتأثر و
تتشحتف على فيديوهات السفير البريطاني في القاهره و هو بياكل بطاطا على عربيه و بيشجع
منتخب مصر , الدبلوماسي البريطاني بصفه عامه هو أقذر مخلوقات الله ) .
.
أمريكا دي مين
بقى ؟ أمريكا دي الأم اللي رضّعت ( المرضعه ) و علّفت و كبّرت ( هتلاقي شخروميت ألف
إدانه للكيان الصهيوني اتوقفت بالفيتو الأمريكي في أدراج مكتب العاهره الأعظم في العالم
اللي اسمها الأمم المتحده ) .
.
حلو كده ؟ طيب
قيادات جماعة الإخوان لما بيحبو يهربو من مصر بيلاقو ملجأ و مأوي ( و معلف ) فين بالظبط
؟عند الأم اللي خلفت و الأم اللي بترضّع , أمريكا و بريطانيا , و تكتشف يا مؤمن بالصدفه
البحته ان أغلب قياداتهم معاهم جنسيه أمريكيه و بريطانيه , و تكتشف بالصدفه البحته
برضه إن تاريخ نشأة الجماعه الإرهابيه هو نفس توقيت نشأة الكيان الصهيوني ( و رُبّ
صدفه خيرٌ من ألف بتاع ) .
.
طب ايه اللي حصل
في السنين اللي فاتت ؟ اللي حصل هو المخطط الصهيوني اللي مكتوب في التمانينات ( يعني
من 30 سنه ) مخطط لتقسيم و خراب الدول المحيطه , عشان مستقبل الكيان الصهيوني مابيتسابشي
للصدفه , و الحل كان إن الدول التاريخيه الكبيره اللي جيوشها قويه تتقسم و تتدمر و
تنتشر فيها الكراهيه و الطائفيه و الغل , بدأو بالعراق و بعدين سوريا و ليبيا و اليمن
و نجحو , و مصر فشلو قدامها ( ماهما مش اجدع من المغول يا مولانا ) , مصر دي حماده
تاني خالص .
.
طب حكاية نظام
صدام و نظام بشار و نظام مبارك و الحريات و النووي و الكيماوي و الربيع العربي ؟ دي
يا حبيبي اسمها الذريعه , ادوات اللعبه , اللي بيدمروك بيها , و لو ملقوش عندك ذريعه
عشان تخرب بلدك بإيدك بيخترعو لك ذريعه و يكبّروها و يفخموها ( بإعلامهم و منظماتهم
و تقاريرهم و حبشتكاناتهم ) .
.
طب مين هما بقى
محور الشر ؟ هما باختصار , تلاته كبار و اتنين أزلام و ديول و كيان خاين ابن وسخه
( فنّطها بمعرفتك انت بقى ) .
.
يعني مكانشي فيه
ربيع عربي ولا أمريكا بترعى الديموقراطيه و الحريات ؟ لا انا مش هرد عليك عشان ماجبشي
سيرة الست الوالده اللي ممكن يكون ملهاش ذنب .
...........................................................................................................
Mohamed
Hussein
2
نوفمبر 2017·
صور و فيديوهات
جثث الإرهابيين بتبقى ممتعه جدا بالنسبالي , بشوفها أكتر من مره بنفس المتعه اللي بشوف
بيها أهداف و مهارات محمد صلاح , و يا سلام لو فيه شوية أشلاء حلوين متنتورين جنب الجثث
تبقى المتعه أكبر, مع إني يا اخي مش عدواني ولا بتاع دم و أصلا أصلا مابحبش أشوف حد
ماسك سكينه صغيره في إيديه حتى لو بيعمل طبق سلطه , و لا بحب أشوف الفرخه و هي بتندبح
.
.
بس الحكايه و الحدوته
بتقول , إن الإرهابي ده مش مخلوق فضائي ولا كائن افتراضي ولا واحد بيمثّل فيلم سينمائي
, ولا هو بني أدم عايش في فنزويلا مثلا ولا واحد عايش في حاله , الإرهابي عباره عن
قاتل سفاح مرتزق جاي لحد أرضك و لو ملقاش رجل جيش أو رجل شرطه يصده و يقتله هيوصل لحد
عندك و مش هيتردد لحظه في إنه يقتلك و يحرق بيتك و يحرق بلدك كلها , ده دوره وهدفه
, انه يسلبك حقك و حق ولادك في الأمن و الحياه و الهوا و نور ربنا .
.
و بالتالي تبقى
صور جثثهم و أشلائهم قمة المتعه بالنسبه لأي بني ادم عاقل , محب للحياه , عابد لله
, متزن نفسيا .
...............................................................................................................
Mohamed
Hussein
1
نوفمبر 2017·
الفار الجربان
لما بيلاقي نفسه منبوذ و محدش يعرفه ولا حد شاغل باله بيه بيفكر في حيله للشهره و تفكيره
الجربان زيه بيهديه لإنه يحاول يهين الفيل الضخم و يتطاول عليه , يقومو أولاد الفيل
يردو عالفار و يدوسوه بالجزمه في الرايحه و الجايه , و إسم الفار الجربان يتردد في
الغابه كلها , و بما إنه معندوش حاجه يخسرها و عايز يتشهر فبالتالي هيعتبر إن ترديد
اسمه انجاز كبير , حتى لو كان ترديد اسمه مصحوب بتذكير بحجمه و جربه.
.
جمال خاشقجي مجرد
فار جربان ليس إلا , و مفيش جرب في الدنيا ألعن من إنك تتطاول بالكتابه و الكلام عالبلد
اللي علمتك تفك الخط و علمّتك حروف الكلام .
...............................................................................................................
Mohamed
Hussein
1
نوفمبر 2017·
حق الشهيد
.
بس يا سيدي بقى
, توته توته فرغت الحدوته , رجّعنا النقيب محمد الحايس و فرمناهم , كل الإرهابيين اللي
شاركو في حادث الواحات , مش هما بس , داحنا خدنا فوقيهم كبشتين إرهابيين كمان ( وارد
ليبيا ) عشان نعرف نشغّل المفرمه .
.
ماهو بالتأكيد
الجندي المصري اللي طلع بدبابته فوق عربيه مليانه متفجرات في كمين سينا يبقى ابن عم
الطيار المصري اللي بيصطاد الإرهابيين على حدود ليبيا كأنه صياد عصافير محترف ( و بطريقة
صاروخ واحد لكل عربية ارهابيين مش صاروخين , بلاش بعزقه فلوس ) , و هو بالتأكيد ابن
خالة رجالة الصاعقه اللي حررو النقيب محمد الحايس امبارح , كلهم عيله واحده , أحفاد
بهيه .
..............................................................................................................
Mohamed
Hussein
31
أكتوبر 2017·
على شرف النقيب
البطل ..... كلمتين من القلب
.
فرحة المصريين
النهارده بعودة محمد الحايس ملهاش تفسير غير إن الراجل ده إبن و أخ لكل واحد فينا
, يعني واحد من البيت , واحد من كل عيله مصريه .
.
سبحان الله يا
أخي , أيام زفت يناير كان هدف من أهم الأهداف هو اسقاط جهاز الشرطه المصريه , هدف اتعمل
عشانه برامج و حوارات و اتصرف عليه مليارات , حملة تشويه ممنهجه , انساق فيها كتير
من الناس الطيبين بس بعد شوية فاقو و لما فاقو اكتشفو ان 95 % من القصص اللي كانو بيرددوها
و يشيروها , هي من وحي خيال المؤلف الخروف اللي شهير جدا في تأليف الكربلائيات , اغتصاب
في السجون و قبضو عليا و انا بصلي , دانا حافظ كتاب الله , عذبوني في مناطق حساسه
, خلعو ضوافري و مناخيري و سرقو كليتي الشمال .
.
شمامين الكوله
هما كمان اشتغلو شويه و بقو يألفو حواديت مماثله في ساعة عصاري , مره كنت راكب ميكروباص
و الظابط وقفنا و قال كذا وداس علينا بالدبابه و ضربنا بالصواريخ , انما الشعب كان
فاق و بقى ياخد حكايات و افتكاسات الخرفان و الكولجيه بالسخريه اللي يستحقوها .
.
و في سبع سنين
يا مؤمن قدّم جهاز الشرطه شهداء و أبطال قد اللي قدمهم في 100 سنه فاتت , والناس دي
استحملت سخافات كتير و تشويه و تهديد و قلة أدب , صح فيه تجاوزات من بعضهم زي مافيه
تجاوزات في الأطباء و الصيادله و في كل مهنه , انما التجاوزات مكانتشي بالشكل و لا
بالوصف المقصود و المتعمد .
.
اللي حصل بعدها
ان السحر انقلب على الساحر و محاولة اسقاط الداخليه اتحولّت لحملة تأييد و إلتفاف كامل
من الشعب المصري ,زي ما حصل مع الجيش بالظبط .
.
اه بالمناسبه
, ظابط الشرطه مابيقبضشي 100 الف ولا 50 ألف ولا الهري ده كله , ولا مرتبه بيزيد كل
يوم تلات , ظابط الشرطه اللي اعرفه شخصيا بيبقى برتبة نقيب و يوم مايقرر انه يشتري
عربيه لانوس تقسيط يعني هيدفع ألفين قسط كل شهر , بقية مرتبه مش بيأكله هو و مراته
عيش و جبنه .
.
ظابط الشرطه بيطلع
بعربية بوكس ربع نقل موديل 78 و عجلها متاكل عشان ينقل مسجل خطر او يطارد عصابه اجراميه
راكبين لاندكروزر زيرو , و بيبقى معاه طبنجه و العصابه معاها رشاش , يعني بيشتغل في
أسوأ الظروف و بأقل الإمكانيات , و مع ذلك لا بيعصي الأوامر , ولا بيقول مش شغال .
.
و بالمناسبه برضه
, مفيش حاجه اسمها ظابط الجيش و ظابط الشرطه اتخلقو عشان يموتو , هما مش كائنات فضائيه
ولا مخلوقات بلاستيك ولا دي حيثيات خلق ولا حيثيات وظيفه , أي بني أدم في الدنيا ربنا
خلقه عشان يعيش .
.
و في الختام ,
بعد التحيه و الاحترام , تعظيم سلام .
.................................................................................................................................
Mohamed
Hussein
31
أكتوبر 2017·
الجيش المصري و
الأجهزه الأمنيه حرّرو النقيب محمد الحايس اللي كان اختفى في حادث الواحات , و قتلو
مجموعة من الإرهابيين على حدودنا الغربيه .
.
احنا مش بنتفاوض
مع إرهابيين يا محترم , الجيش المصري مش بيتفاوض مع إرهابيين , و لو كنت سألت والد
محمد الحايس أو محمد الحايس نفسه و قلت له ايه رأيك نتفاوض مع الارهابيين عشان نرجّعك
؟ هيقولك لأ , اقتلهم حتى لو هتقتلني معاهم , الحكايه دي عند ظابط الجيش و ظابط الشرطه
و الجندي المصري اسمها العقيده , عقيده فيها كلمتين اتنين , النصر أو الشهاده , مفهاش
كلمة التفاوض .
.....................................................................................................
Mohamed
Hussein
31
أكتوبر 2017·
شوفت يا مولانا
اللي حصل ؟ مصيبة كبيره والله
- خير , حصل ايه
؟ قول , قول بسرعه
.
واد بلطجي معاه
مسدس ضرب طالب جامعي بالنار و قتله في حرم الجامعه
- هههههههههههه
ماشي بالمسدس كده عادي و بيقتل في الناس ؟ بكره تشوفو ماااسر , وفين بقى الأمن والأمان
و البوابات و التفتيش و الكاميرات و الأشعه فوق المحشيه ؟ ولا فلوس البلد بتتصرف عشان
يزودو مرتبات الجيش و الشرطه كل يوم تلات ؟ .
.
طب خد التقيله
كمان , بيقولك الشرطه جت و قالت للطلبه محدش يخرج من أوضته و لا يتحرك بره السكن الجامعي
لأي سبب .
- ههههههههه بس
بس , انا كده فهمت , فاشيه و كبت لحريات الشباب و الطلبه وأكيد خافو إنهم يتجمعو و
يعملو مظاهره و يشيلو السيسي و بويتن و ماكرون و يجيبو الأستاذ خالد علي و الأستاذ
حازم عبد العظيم و الحاجه أيات عرابي , و مش بعيد اللي عمل كده تكون المخابرات و الطالب
اللي اتقتل ده يكون ناشط سياسي بيهز أركان حكم السيسي فبعتو واحد يخلص عليه , بس على
فكره , عُمْر الظلم ماقوم دوله , احنا الصوت لما تحبّو الدنيا سكوت , هما خافو لما
سمعو صوت الحق في الودان .
.
خلصت كلامك ؟
- اه خلاص كده
.
.
طب نسيت أقولك
, الكلام اللي فوق ده حصل في جامعه في أمريكا مش في مصر
- مممممممممم يا
عم مجرد حادثه عاديه ملهاش معنى ولا دلاله , مش قضيه يعني .
.
كنت عارف انك هتقول
كده على فكره .
- ليه بقى ؟
.
عشان عارف انك
عيل صايع ابن جزمه مش أكتر .
...............................................................................................................
Mohamed
Hussein
30
أكتوبر 2017·
سلوكياتنا
.
بعد تفحيص و تمحيص
و تأمّل في الوشوش و التصرفات , و لف في شوارع المحروسه و حواريها , أقدر أقول لحضراتكو
بنفس راضيه مطمئنه , إن 70 % من زحمة الطرق و 70 % من الحوادث مالهمشي أي علاقه لا
بعرض الطريق ولا بحفر و بلاعات ولا باستيعاب الطريق ولا بالكثافه المروريه ولا بأي
حاجه خالص , أومال لها علاقه بإيه ؟ هقولك أنا :
.
- أستاذه نيرمين
هتلف بعربيتها بعد 7 متر من الفتحه الشمال بس واخده أقصى حاره في اليمين , قام في المقابل
أستاذ حسن اللي مش هيلف بعربيته ماسك أقصى الشمال و سرحان بيكلم أخته في البدرشين
.
.
- عم حنفي , موظف
بالمعاش , عنده لادا موديل 65 , مسميها المفتريه , و عنده قناعه تامه ان المفتريه بتاعته
بتدخل نفق الأزهر و تطلع كوبري اكتوبر عادي ( و تعوم في البحر و في البر و الجو و بتمشي
عالحيط ) , قام عم حنفي طلع اكتوبر و المفتريه طبعا صحتها ماجابتش و قفلت الدنيا (
دي عين و صابتها يا عم حنفي ) .
.
- الأسطى حوكشه
سواق الميكروباص عايز فكه لزبون , ماوقفش على جنب و فك من كشك سجاير , لا وقف في نص
الطريق جنب ميكروباص تاني و سأله ( فكّة عشره يابو الشباب ) و ابو الشباب قعد يدور
في جيوبه و يسأل ركابه و قفلو الطريق
.
- فادي شاب في
الجامعه الأمريكيه , خرج بالمرسيدس بتاعة مامته عشان يسهر مع اصحابه , و هو ماشي ولع
نور التابلوه , بص لتحت في الدواسه اكتشف مصيبه كبيره جدا , داس فرامل فجاه و قرر انه
يلف و يرجع من أول فتحه تقابله , لأنه اكتشف انه نزل بالجزمه البني مش الهافان , وهي
مش لايقه أوي عالطقم و بعدين فادي أصلا بيتشائم من الجزمه البني دي .
.
- عم نبيل الفرارجي
خد له متر و نص من الشارع و دق حديد عشان محدش يركن قدامه , قام المعلم عكوة الجزار
قال يعني هو احسن مني في ايه ؟ ده حتى مجرد فرارجي , و ماكدبش خبر , خد مترين تلاته
و دق حديد .
.
- الأسطى سيد سواق
التاكسي مزاج عنده و كيف انه يقف عند نازلة الكوبري بالظبط عشان بيبقى محصور , ماينفعشي
يمشي خمسين ستين متر ؟ لا ماينفعش .
.
- هايدي بنت مزه
و تعجبك يا مولانا , بتضرب في دماغها تاكل ايس كريم من محل معين , قدام المحل مفيش
ركنه , بس فيه ركنات كتير بعد 20 متر , هايدي لابسه كعب عالي و مش معقول هتمشي 20 متر
فبتقرر انها تركن صف تاني أو تالت .
.
- مدام نورا راكبه
اللانوس بتاعتها و فاتحه الموبايل عالفيس بوك و قاعده في صفحة جوزها 24 ساعه , مدام
نورا لمحت بطرف عنيها واحده اسمها قلب خسايه عملت هارت على بوست لجوزها , قامت بحركه
لا اراديه داست فرامل عشان تشوف ايه حكاية قلب خسايه و عايزه ايه من أبو العيال , المحصله
بسيطه , فانوسين العربيه اللي وراها طارو و الإكسدام و شنطة عربيتها اتطبقت , طبعا
اللي المفروض يتحمل تصليح العربيتين هي مدام قلب خسايه .
....................................................................................................................
Mohamed
Hussein
30
أكتوبر 2017·
يا أستاذ يا أستاذ
- نعم , حضرتك
بتناديني ؟
.
أيوه انت , عايز
اسألك , انت ليه متمسك أوي بشم الكوله كده كأن برطمان الكوله ده من بقية أهلك ؟
- يا عم انا بقالي
7 سنين بقعد و استربّع قدام عزمي بشاره اللي مقيم في قناة الجزيره 24 ساعه و أصدقه
و أتخيل انه هيحرر لنا شعوبنا و يحرر لنا القدس مع إنه عضو في الكنيست الإسرائيلي و
معاه الجنسيه الصهيونيه , عايزني أطلع ايه يعني ؟ طيار ؟!! .
.........................................................................................................
Mohamed
Hussein
30
أكتوبر 2017·
عندي سؤال مهم
جدا عايز أسأله لكتير من أصدقائي , سؤال مش مهم فيه الإجابه انما مهم جدا التفكير
.
.
لما ييجي عليك
يوم أو وقت معين و تلاقي نفسك من غير ما تحس بتعمل التالي
- تشويه تام للحاضر
, و بحث في الصور عن مقالب الزباله و السلوكيات الزفت , و تركيز شديد على كده و إنكار
لأي حاجه جميله حواليك و إنكار لأي تصحيح بيتم .
.
- تشوية تام للماضي
, و محاولة السخريه من تاريخ مصر , و تقزيم العملاق و تشوية الرموز التاريخيه و تحويل
انتصاراتنا لهزايم .
.
- تشويه تام للمستقبل
, نظرة سوداويه و اللي جاي هباب و الديناصورات هتاكلنا , و مصر هتعلن افلاسها يوم التلات
و سد النهضه هيموتنا من العطش , و الست بتنزل الشارع يتحرشو بيها و ترجع على كتفها
عيلين , طب اروح بولادي فين ؟ يارب هجره بقى .
.
- تشويه تام لمؤسسات
الدوله العريقه , الجيش و الخارجيه و المخابرات و الداخليه , و سخريه و نشر إشاعات
و تقزيم و تحجيم و تريأه و نشر تقارير مضروبه و محاولة إسقاط تهمة الخيانه على مؤسسات
مصر السياديه .
.
السؤال بقى , ماخدتش
بالك ان الحاجات دي بتتم بشكل جماعي و في توقيت واحد وبيتم الترويج لها ؟ هل تعتقد
حضرتك انها صدفه , يعني بالصدفه البحته ؟ ولا تعتقد انها عمليه ممنهجه ؟ هل تاريخك
المشوه ده افتكرو انه مشوه أول امبارح بالليل ؟ هل انتصاراتك التاريخيه اتحولت لهزايم
في اسبوعين تلاته ؟ عقلك قابل لكده ؟ .
.
صديقي العزيز
, بهدوء شديد و بابتسامه , بس اقرا الكلام اللي فوق مره كمان قبل ماتقعد تهري و تزربح
تحت داعي الحريه و الفكر اللامؤاخذه العميق و انك لامؤاخذه برضه بتميل للمدرسه الواقعيه
و ماينفعشي تغمّي عينيك , أصلك مش طبّال و لو قولت كلمة حلوه في حق بلدك أو نشرت شوية
أمل الناس هيزفوك في الشارع و يقولو الطبال اهو ( هيزفّوك انت و أمل بتاعتك ) .
.
اقرا بقى , هتلاقيه
بيتلخص في 4 كلمات , الماضي و الحاضر و المستقبل و المؤسسات , و خد المفاجأه ولو انها
مش مفاجأه ولا حاجه , ال 4 كلمات دول بصفه عامه بيعنو الوطن أو الدوله , مفهوم الكيان
, الدوله ماهي إلا حاضر و ماضي و مستقبل و مؤسسات , لو ضيعت ال 4 كلمات من ايديك يبقى
مفيش دوله , و تبقى معاليك مجرد ريشه طايره في الهوا فوق غابات السافانا مثلا , شوفت
بقى انت عميق ازاي و سابقنا بمليون فدان ؟
...................................................................................................................
Mohamed
Hussein
29
أكتوبر 2017·
ياااه و انا اللي
حرمت نفسي منها 41 سنه ؟ , أنا عايز حقي بأثر رجعي يا حكومه , بكره الصبح ألاقي قدامي
12 تيريلا محملين أزايز نبيذ , تكون ساقعه و مشبّره , و ماتنسيش المزّه يا حكومه ,
أه ماتنسيش المزه ( والله شكّليها براحتك بقى , بفتح الميم أو ضمّها , أنا راضي )
, صبّ لي 75 كاس يا غلام , مرحى مرحى , ثم نأخذ من كل رجلٍ قبيله .
.
و النبي يا عم
يوسف تشوف لنا فتوى كده إن صيام رمضان يكون 3 ساعات بس لأني بعطش بسرعه و الله و ببقى
عايز أشرب قهوه , طب قول إن القهوه ماتفطرش , القهوه و المايه و النسكافيه و السجاير
عشان بحبهم , و نعمل لك مذهب صغير محندق كده يبقى اسمه المذهب الزيداني , و في المذهب
الزيداني بقى بدل مانروح مكه نطوف حوالين الكعبه و نرجم إبليس , احنا نروح نطوف حوالين
بيت هولاكو و جنكيز خان لأنها أماكن مقدسه لناس عظماء ولاد حلال , و نرجع من الطواف
نرجم تمثال أحمد عرابي !! .
.
و على رأي الشاعر
الهندي اللي قال , رُبّ واحد ابن وسخه مختل عقليا , عمل فيها فلّوطه , و قال لهُ الناسُ
أنتَ تنويري , فشخرمَ المشلاطُ في شقطِ الحطى .
اه و عهد الله
.
...................................................................................................................
Mohamed
Hussein
29
أكتوبر 2017·
لما شوفت الفيديو
بتاع كلب الخارجيه القطري السابق حمد بن جاسم و هو بيعترف و بيتكلم عن سوريا و عن توصيل
السلاح و التنسيق مع تركيا و أمريكا و دعم الجماعات الإرهابيه و هو كمان بيوصف سوريا
بإنها فريسه أو صيده اختلفو عليها , الحقيقه كل الكلام ده ماخرجنيش عن شعوري .
.
انما اللي خرجني
عن شعوري فعلا إن الكلب القطري الشاذ يقول اختلفنا بشار يحكم أو مايحكم و احنا ماعندنا
مانع انه يحكم !! الجمله دي في منتهى القذاره و الإنحطاط , انتو مين يا ولاد الوسخه
؟ انتو مين يا شوية صيع ؟ كشك صهيوني ابن امبارح يقول عنده مانع او معندوش ؟ شوية صيع
محميين بقواعد امريكيه و تركيه و قوات ايرانيه (يعني لامّين عربجية التاريخ عندهم
) يحددو مستقبل دولة بعظمة و تاريخ سوريا ؟ .
و الحقيقه برضه
أحد احلامي اللي مش هتتحقق إنه يكون عندي عربية هامر أو دبابه محترمه , و أوقّف الصيع
اللي عندنا اللي لسه بيتفرجو على قناة الخنزيره ولسه بينبهرو بالشاذ القطري و صبيانه
, أوقّفهم صف واحد و أدوسهم بالدبابه رايح جاي , مش بس عشان حماقتهم و خيانتهم خطر
على مصر , لا هما وجودهم على قيد الحياه خطر حتى على أسرهم و أطفالهم وعلى نفسهم ,
و خطر حتى على مفهوم العقل البشري .
..................................................................................................................
Mohamed
Hussein
29
أكتوبر 2017·
أبطال من شواشي
الدره ( يوسف زيدان , إسلام بحيري ) .
.
- أفة حارتنا في
الإنبهار,احنا بننبهر يا سيد ,و أي حد يجيب لنا رغيف فينو سخن بنعتبره ساندوتش و ننبهر
بيه و ناكله حتى لو كان اللي جوه الرغيف هو فردة شبشب
.
- إسلام البحيري
باحث مجتهد قري كام كتاب , وانا متفق مع كتير من أفكاره و كتبت عنها من 4 سنين , زي
الأحاديث اللي بتصطدم بالعقل البشري ( يعني مفيش دماغ تصدقها ) و حكاية مين يدخل الجنه
, إنما يبقى في النهايه مجرد باحث قري كتابين مش فقيه مجدد ولا دارس منهج ولا هو حبر
الأحبار , و عشان الحكايه جابت معاه شوية شعبيه زي الفل ( و انبهار ) بدأ يهرتل و يطيح
في مؤسسة الازهر وشيخها ( هي مشكلتك المؤسسه و شيخها ولا مشكلتك المحتوى ) ؟ و بدأ
يكدب كمان ( إبقو دوّرو على فيديوهاته اللي بيكدب فيها وينفي المثبوت و يثبت المنفي
).
.
- يوسف زيدان بتاع
فلسفه , برضه كارثة الكوارث انك تعتبره بيفهم في الدين والتاريخ أكتر من الفقهاء و
المؤرخين العظماء , و كارثه انك متاخدشي بالك انه بيشوة كل تاريخك و رموزك و انتصاراتك
تحت بند التصحيح , و كارثه كمان انك متاخدشي بالك ان أفكاره كلها متوافقه مع أفكار
الصهاينه !! .
.
- السعوديه بدأت
في تغيير مناهجها , و احنا لا ليه ؟ يابني ركز الله يخليك , من 3 سنين و السيسي بيتكلم
عن تجديد الخطاب الديني و تنقيح المناهج و كتب الأحاديث , من قبل مالسعوديه تبدأ ,
بس فيه فرق كبير , الشعب السعودي ماعندوش ثقافة الإعتراض, متربي على ثقافة السمع و
الطاعه للحاكم, يقول يمين يمين شمال شمال, يعني شعب مريح جدا لحكامه, عندنا لأ , عندنا
تحفز بالدوله و ظروف استثنائيه , اصبر علينا شويه , الدوله ايديها مشغوله , بتحارب
ارهاب في كذا جبهه , و بتعمل هيكلة اقتصاد و بتصلح ما أفسدة السابقون , ملف تجديد الخطاب
الديني هيتفتح و من داخل الأزهر, علماء في غرف مغلقه مع مفكرين ,مش شوية باحثين في
برامج توك شو و بروباجندا و هوباهيصا .
.
- أصدقائي الأعزاء
, شيخ الازهر مش جوز خالتي ولا احمد عرابي يبقى جد أبويا , ولا كان حلم حياتي يتقال
عليا فقيه مجدد ولا يتقال عليا تنويري , يعني معنديش كلاكيع , كل الحكايه اني بطّلت
أنبهر !! اه و الله , و بقيت بفتح رغيف الفينو أشوف جواه ايه قبل ماكله , بحافظ على
هيكل دوله , مؤسسات و تاريخ و حاضر و مستقبل , إسقاط المؤسسات و تشويه التاريخ و الحاضر
ده نفس مطلب اعدائك على فكره .
.
التخبيط في كل
مؤسسه و كل رمز تاريخي مش حرية ولا فكر تنويري , ده المعنى الحرفي للهمجيه , و نصيحه
لوجه الله , ترمي حجر في الماء الراكد , تعمل شألباظات انت حر , بس من فضلك , حاول
ماتنبهرش أوي , سيب مساحه عشان هييجي عليك يوم تضحك فيه و تسأل نفسك هو انا كنت منبهر
كده ليه .
...........................................................................................................
Mohamed
Hussein
28
أكتوبر 2017·
قبل الزيطه و الهري
.
السيسي في الكام
يوم اللي فاتو اجتمع مرتين بوزراء الدفاع و الداخليه و رئيس المخابرات .
.
و النهارده حصلت
تغييرات في مناصب كبيره جدا , منها رئيس الأركان و رئيس جهاز الأمن الوطني و مدير أمن
الجيزه .
.
ايه اللي حصل و
إمتى وليه و فين و ازاي ؟ و مين المخطئ و مين المقصر و فين التقرير ومكتوب فيه ايه
؟ لا حضرتك ده مش شغلي ولا شغل معاليك ولا شغل الإعلام ولا شغل الصحافه ولا شغل النشطاء
السياسيين ولا شغل العواطليه ولا شغل أي حد و أي جهه غير الجهات السياديه في مصر .
.
تغيير قيادات أمنيه
بالحجم ده بتكون التقارير بتاعته موجوده في خزائن الدوله وبيتم دراستها بعنايه شديده
, طب فين حرية تداول المعلومه ؟ مفيش حرية تداول معلومه في حالة زي كده , لا في مصر
ولا في أي دوله كبيره بتحترم نفسها في العالم , و ده الفرق بين مفهوم الدوله و مفهوم
جُرْن الهبله .
...................................................................................................................
Mohamed
Hussein
28
أكتوبر 2017·
بتفهمي في السياسه
يا نفيسه ؟
- طبعا اومال ياخويا
, دي السياسه أسهل من شوربة الكوارع .
.
طب ايه رأيك يا
نفيسه في انفصال كتالونيا عن مدريد ؟
- أحسن يستاهل
الواد مدريد ده عشان طول عمره مبصبصاتي و بتاع نسوان , و بكره الست كاتافونيا ربنا
يكرمها و تتجوز سيد سيده .
..........................................................................................................
Mohamed
Hussein
27
أكتوبر 2017·
أيمن نور كاتب
مقال طويل عريض لذيذ اخر حماده , المقال بحسب وصف معاليه عباره عن مكالمه تليفونيه
من واحد سيساوي مشهور عايش في فرنسا , و بيطلب من فخامة المناضل الفشيخ أيمن نور انه
يرجع بلده و يشارك في الإنتخابات اللي جايه و انه قيادي كبير و حق بلدك عليك و مصر
محتاجاك يا رأفت قصدي يا أيمن و شوية افتكاسات زي الفل , و هو بقى على كلمة واحده
, ماخدوش يا بابا , أبدا على جثتي أنا لا يمكن أقعد مع واحد فاشي قمعي , وانا تاريخي
لا يسمح , ولا الجغرافيا بتاعتي تسمح , و انا لايمكن أشارك في مسرحيه .
.
بس بس , ستوب
, كت , هايل يافنان , بس على فكره دي حالة مرضيه معروفه اوي في أوساط العواطليه و مجاذيب
الشهره , ممكن نسميها حالة ( البلاتينيزم ) اللي هي مماثله لحالة غاده أم معلقه بلاتين
, كل واحد صايع عواطلي ملوش أي تلاتين لازمه يخترع قصه و افتكاسه , و المخابرات كلمتها
عالواتس أب و المخابرات جابت واحد على موتوسيكل عشان بنت علاء الأسواني تخبطه , و واحد
سيساوي مشهور كلمك من فرنسا عشان يتحايل عليك ترجع مصر و تنقذ المحروسه باعتبارك صلاح
الدين الأيوبي أو ابو زيد الهلالي .
.
عزيزي الخاين الطري
الصايع الضايع المايع أيمن نور , عقارب الساعه لا تعود إلى الوراء , يعني انتهى الدرس
يا غبي
.
- أولا , انت عشت
و اشتغلت سنين في دوله معاديه لمصر و اتفتح لك قنوات و جرايد مخصوص عشان تمارس الدعاره
السياسيه و الإعلاميه و تشوه بلدك , يعني مجرد مرتزق صايع هربان جربان مش مناضل ولا
حاجه .
.
- ثانيا , محدش
شاغل باله بيك ولا حد هيكلمك ولا هيديك ميسد كول حتى , و تأليف القصص دي مفيش أسهل
منها , إدّيني ساعة زمن و أنا أظبّط لك أحلى مكالمة تليفون بيني و بين نيلسون مانديلا
أو حوار أجريته مع مارجريت تاتشر و هيبقى محبوك دراميا للغايه أكتر من الزربحه بتاعتك
دي , يعني حتى في التأليف طلعت حمار .
.
- ثالثا , و بما
إن الدرس انتهى من بدري , فتوقعاتي انك هتعيش كده و تموت كده , و يتكتب على قبرك عاش
خاين و مات ابن وسخه .
.
- رابعا و أخيرا
بقى , لو سمحت , من فضلك , بليز , سيل فو بلي , ابقى غطيها وانت نايم .
.......................................................................................................................
Mohamed
Hussein
27
أكتوبر 2017·
إمبارح و انا رايح
البلد مشيت في طريق شبرا بنها الحر اللي معمول جديد , ايه الجمال و الوهم ده ؟ طريق
4 حارات في كل اتجاه , ناعم زي الحرير , مفيش عليه لا قريه ولا مدينه ولا حفره ولا
مطب , ياخدك من عالدايري في القاهره يرميك في بنها في تلت ساعه ده لو انت ماشي على
سرعة 120 ( يعني واد كتكوت من اللي بيسمعو كلام الحكومه و إشارات المرور ) , اما بقى
لو زي حالاتي هتوصل في 12 دقيقه , يا عم الطريق فاضي و يغري و انا كسرت حاجز ال
150 و معترف يا حكومه , و الحمد لله مفيش رادار لقطني , فلتت منّيهم !! .
.
طول الطريق بقى
و في كمالة الطريق و كل ماطلع كوبري معمول جديد زي كباري المنصوره و أجا و ميت غمر
, ييجي في ذهني نفس السؤال , هو خالد الذكر كان بيعمل ايه تحديدا في تلاتين سنه ؟ أغلب
الطرق اللي اتعملت في طول مصر و عرضها مثبوته في الورق و الدفاتر انها مرصوفه و اتعمل
لها اعادة رصف مرتين تلاته مع انها في الحقيقه مانضربش فيها كوريك ولا اترمى فيها شوية
أسمنت , يعني مرصوفه عالورق .
.
لو الطرق و الكباري
و البنيه التحتيه اللي اتعملت اخر سنتين كان بيتعمل 10 % منها كل سنه أيام سعادة الباشا
صاحب أول ضربه جويه كان زمانا مش محتاجين نصرف النهارده تلتميت ربعميت مليار جنيه في
بنيه تحتيه و في ظروف اقتصاديه صعبه جدا , انما الحقيقه الرصف و المشاريع كانت بتتم
عالورق , يعني نقدر نقول ان محصلة 30 سنه حكم هي شويه ورق متستفين و متسطرين و مرصوفين
و زي الفل .
.
يابني اسكت , اسكت
خالص , ماتخلّنيش اتغابى عليك , بلا أسفين بلا هباب , داحنا لو كان بيحكمنا دبدوب كان
نفعنا اكتر من معاليه .
..................................................................................................................
أزال أحد مشرفي المدونة هذا التعليق.
ردحذف