Mohamed
Hussein
16
نوفمبر 2017·
جمالك يا مصر
.
البلد دي ملهاش
كتالوج ولا تخضع لكتاب الحساب و لا كتاب المنطق , ولا أي كتاب في الدنيا ينفع معانا
.
.
عندي ريشة المساحه
بتاعة العربيه ( الكاوتشه ) بايظه من سنتين تلاته و مره روحت لفيت على ريشه لحد ماتنفخت
و الخبراء و المتخصصين قالو تلاقيها في الحرفيين و لازم عند حد بتاع قطع غيار ألماني
, أصل الكليبسه دي غير الكليبسات ديكهي , و دولا غير دوكهما , وبعدين حضرتك لازم اللي
يركّبها يكون استشاري مساحات , مش بس أخصائي , لا استشاري و إلا هيبوظ لك الكهربا و
الفتيس و الشكمان و القولون و البنكرياس , و اتصلت وقتها بالمحلات قالو لي ب 250 ج
, طبعا كسلت أروح ونسيت على كده
.
من كام يوم افتكرت
الموضوع و قلت مايصحش بقى ولازم أعيد الكرّه تاني بدل مانا رابط حتة قماشه عالمساحه
اللي بايظه كده و عامل زي أمي الله يرحمها لما كانت بتعلّم الوزه بتاعتنا بحتة قماشه
.
.
بس بعد التعويم
أتوقع ان الكاوتشه اللي كانت ب 250 ج تبقى ب 500 أو ب 17 ألف , المهم بالصدفه دخلت
بنزينه النهارده لقيت العامل بيقولي مش عايز تغير المساحه البايظه دي ؟ قلت له عايز
, بكام ( وانا حاطط ايدي على قلبي ) ؟ قالي بص هي ب 60 جنيه و عاملين عليها عرض ب
45 , اه و عهد الله , و غيرت ريشة المساحه ب 45 جنيه بعد التعويم !! .
.
بصو من الاخر
, جمال مصر بييجي ازاي بقى و إدّيني عقلك , الكاوتشه دي موجوده في بنزينه جنب البيت
( لازقه في البيت ) و ب 45 جنيه و تركّبها و انت بتعبي بنزين يعني دقيقتين و تتوكل
على الله , انما لو عايز تتعب شويه و تبذل مجهود و تجتهد و تسأل و تتطقس و تفضّي نفسك
يوم و تخطف رجلك لحد الحرفيين ربنا هيكرمك و يوفقك و تلاقيها ب 500 , خليك واد ذكي
بقى و مدقرم و حاول تفاصل معاهم و تجيبها ب 475 !! .
..................................................................................................................
Mohamed
Hussein
6
نوفمبر 2017·
أحلام العصافير
.
الفيفا مقسّمه
المنتخبات اللي وصلت كاس العالم ل 4 مستويات , كل مستوى فيه 8 فرق , مصر في المستوى
التالت , و طبيعي في القرعه ( يوم 1 ديسمبر ) هيبقى معانا فرقه من المستوى الأول و
فرقه من التاني و فرقه من الرابع , انا بقى بصيت على أسماء الفرق في كل مستوى و قلّبت
فيهم كويس , و عملت قرعه لنفسي و اخترت المجموعه بتاعة مصر , بص يا سيدي , مجموعتنا
هيكون فيها
بولندا ( مستوى
أول ) و بيرو ( مستوى تاني ) و بنما ( مستوى رابع ) , مجموعه زي الفل أهي و في المتناول
و الله في المتناول ( بصوت متحت شلبي ) , حتى تلاقي أسمائهم كلها بتبدأ بحرف الباء
, دي علامه يا مارد , و بولندا مش هي الدبه الباندا .
.
المهم هنفوز طبعا
على ال 3 فرق و نصعد أول المجموعه و نقابل نيجيريا اللي هتطلع تاني مجموعتها ( أيوه
يا سيدي مزاجي كده ) و نغلبها 2/1 , و نوصل دور ال 8 نقوم نقابل صربيا اللي معرفش هي
وصلت دور التمانيه ازاي , و نلبّها , استنو شويه هكون فكرت في فرقتين نغلبهم في قبل
النهائي و النهائي .
.
المهم اننا في
الأخر نفوز بكاس العالم , و محمد صلاح يبقى هداف البطوله , و شيكابالا احسن لاعب (
واضح اني زملكاوي و الحكايه دي مأثره عليا حتى في أحلام العصافير ) , و يرجع منتخبنا
بقى بكاس العالم يلاقي الشعب كله مستنيه في مطار القاهره , ملايين متلتله يبقى أولهم
في مطار القاهره و أخرهم قدام البيت عندي في مدينة نصر ( و الجزيره تقول 17 نفر رايحين
يقابلو المنتخب ) .
.
و نعمل أفراح و
احتفالات لمدة شهرين بلياليهم , و نعمل كمان مقام لسيدنا محمد صلاح , و نهدي هذا الفوز
للسيد الرئيس عبد الفتاح السيسي راعي الرياضه في مصر , و أيات عرابي تقول السيسي دفع
شخروميت مليار دولار للفيفا و لل 7 دول اللي قابلناهم عشان نفوز بكاس العالم , و البرادعي
يقول حزين عليك يا كاس العالم , و حازم عبد العظيم يقول على جبر ده ظابط مخابرات و
مكانشي بيراقب مهاجمين الفرق اللي بنلاعبهم , كان بيراقبني انا .
............................................................................................................
Mohamed
Hussein
16
نوفمبر 2017 ·
موافق تماما على
وجود قائمة معتمدة من الازهر و دار الإفتاء تضم أسماء محدده من حقهم الظهور في الفضائيات
للفتوى ( القايمه من 50 إسم ) .
.
عايز تطلع في قناة
فضائيه و تقول يا جدعان صلو و صومو و برّو الوالدين و عاملو الناس كويس و ماله , اطلع
حتى لو مش موجود في القايمه دي , انما تطلع تهري و تعجن في فتاوي شاذه و انت مش مؤهل
لكده ؟ لأ , قدام شاشة التلفزيون بيقعد ملايين البني أدمين , فيهم المتعلم و الأمي
و المثقف و الغبي و الجاهل و الذكي , اللي بيعرف عقله يرفض الفتوى و اللي مابيعرفش
, اللي بيعرف ان الشيخ ممكن يغلط واللي مابيعرفش , يبقى من باب أولى نسد السكه دي خالص
.
.
أنا كمان بحلم
باليوم اللي يطلع فيه الخطيب عالمنبر و هو معلق باتش على صدره , باتش و تصريح بيقول
انه مؤهل للخطابه , دي دراسته وعلمه و منهجه , مش صبي عجلاتي او فرارجي مربي دقنه
. .
.
و بحلم باليوم
اللي وزارة الصحه تعمل فيه نفس الحكايه في برامج التلفزيون , و اللي يطلع في قناة فضائيه
يتكلم في أي حاجه تخص الطب و صحة الإنسان يبقى واخد تصريح رسمي من لجنة عليا في وزارة
الصحه .
.
المعجنه اللي دايره
في الفضائيات من سنين طويله لازم تتلم , و الدين و الطب ماينفعش فيهم العجن ولا التهبيل
.
....................................................................................................................
Mohamed
Hussein
15
نوفمبر 2017·
أكشن للمره الخمسين
, قصة عنب ديبو اللي اسمها سد النهضه , و بيان الخارجيه المصريه .
.
من يومين كتبت
عن سد النهضه ( للمره ال 49 تقريبا ) , و النهارده قريت بيان المتحدث بإسم الخارجيه
المصريه , و انا بقراه كنت حاسس ان انا اللي كاتبه , لو هكتبه مش هقول اكتر من كده
ولا أقل من كده .
.
باختصار بقى :
1- اللي طلع بيان
من يومين بفشل المفاوضات الفنيه هو وزير الري المصري مش الأثيوبي ولا السوداني , و
طبعا بيان زي ده مايطلعش بدون موافقه الرئاسه , المعنى ايه ؟ المعنى : ماعندناش حاجه
نخبيها .
.
2- في بيان الخارجيه
بقى , جمله مهمه اوي , بيقول طلبنا من سفاراتنا بالخارج شرح وجهة النظر المصريه و حجم
المرونه التي أبدتها مصر !! الترجمه ( و الله احنا عملنا اللي علينا و عدانا العيب
و أزح ) .
.
3- في بيان الخارجيه
برضه بيتكلم عن البدائل , حلول سياسيه و خلافه , و خلافه دي تعني اللي في دماغ حضرتك
, و كلمة سياسيه عشان تفهمها لازم الأول تكون فاهم ان السد ده مش مشروع أثيوبي , يعني
ممكن تتكلم عن حلول سياسيه مع أمريكا و بريطانيا و بعض دول الخليج و انت بتحل في مشكلة
سد النهضه اللي في أثيوبيا , أثيوبيا مجرد أرض تم استئجارها للمعركه أو للمؤامره أو
لمحاولة لوي الدراع , سميها زي ما تسميها .
.
4- لو الحدوته
أولها و اخرها اثيوبيا كان زمانا مطربقينها على دماغ الكل هناك لأن مفيش مجال لأي مقارنات
عسكريه ( طبعا بيان الخارجيه لازم يكون دبلوماسي و بالتالي مش هيقول الكلام ده ) .
.
5- عشان المراره
بقى و الطحال و الحاجات اللي ملهاش قطع غيار في السوق عايز أقول للمره المليون , لا
عبد الفتاح ولا عبد الناصر ولا عبد الصمد ولا أي حد خلقه ربنا يجرؤ انه يفرط في ماية
النيل , ولا فيه جيش مصري هيسمح له بكده , ده من الأخر و باختصار ( يعني مفيش رفاهية
الإختيار ) .
.
6- حكاية طبالين
و أم البؤين الحمضانين , برضه هحاول أكون هادي , بص يا مولانا , النيل ده لو نشف و
جف و مبقاش فيه مايه فالبتأكيد أنا هموت من العطش قبلك انا و بناتي , ولّا تكون فاهم
ان السيسي هيعمل نهر نيل صغير كده و يملاه مايه للطبالين بتوعه ( اللي هما احنا ) ؟
.
.
7- قصة سد النهضه
كلها تخلص في ساعتين تلاته , كاختيار أخير , و يمكن أقل من ساعتين , المهم التوقيت
, و في التوقيت يلزمك ماتكونشي فاتح جبهات كتير , يعني الحرب عالارهاب أقل , اقتصاد
اقوى , لك تحالف دولي معين و منسق مع شوية دول معنيه , و تاخد في اعتبارك الوضع في
سوريا و ليبيا و اليمن لأن الملفات كلها مرتبطه , و إلا هتبقى ضربتك مجرد وقوع في الفخ
.
.
8- الفخ يابو رياله
يعني الذريعه , لقو لصدام ذريعه اسمها اسلحة دمار شامل و دمرو العراق , و لقو للقذافي
و مبارك و الأسد ذريعه اسمها الربيع و الثورات و دمرو ليبيا و سوريا , و فشلو مع مصر
في الفخ ده , باقي لهم فخين كمان بيلعبو بيهم مع مصر , واحد اسم سد النهضه و التاني
اسمه قطر بنت الوسخه (استدراجك لفخ انك تروح تطربق الكشك الخليجي بصاروخين و تبقى حرب
اقليميه ).
.
9- مصر على المستوى
الرسمي و مستوى الأجهزه السياديه محتفظه في ادراجها بكل الخيارات و البدائل و حق اختيار
التوقيت .
.
10- اه بالمناسبه
, سد النهضه ماكتملش بناؤه ولا اتخزن فيه نقطه مايه واحده , ولا منسوب النيل قل ولا
التماسيح و الديناصورات ظهرت في شوارع مدينة نصر .
.
11 - أما بقى حبايبنا
بتوع شيرين بلهاريسيا و بص العصفوره , فانا مش عندي تعليق غير انه والله و عزة جلال
الله و رحمة الغاليه مصر مافيها اجهزه تكفي لجلسات الكهربا للناس اللي محتاجين كده
.
................................................................................................................
Mohamed
Hussein
15
نوفمبر 2017·
امبارح قفشت صديق
عندي من بتوع ( بص العصفوره ) , وكتب ( بص عالعصفوره ) عالبوست اللي انا كتبته عن شيرين
بلهاريسيا !! قال يعني شيرين مارست هوايتها المفضله في الصفاقه و الجليطه عشان نداري
على ماعرفش ايه كده , الصديق ده دكتور أطفال !! , و عندي صديقة من سيدات المجتمع LADY يعني و زي الفل , من بتوع الجرين برجر و الجيلي فيش
, راسها و ألف جزمه ان المخابرات كلمت غاده عبد الرازق عشان تنزل الفيديو بتاع انستجرام
و هي سكرانه طينه و تبيّن البتاعه !! .
.
الحقيقه ان التعليم
في الفتره اللي فاتت ماوقعشي في مصر ولا حاجه , التعليم انضرب بقنبله نوويه .
.......................................................................................................................
Mohamed
Hussein
14
نوفمبر 2017·
لما حسن نصر الله
يطلع في فيديو و يقول بشكل واضح و صريح إنه حزب الله أه بياخد كل فلوسه و مرتباته و
سلاحه و أكله و شربه من إيران تبقى دي صراحه بتوصل لدرجة الوقاحه .
.
مشكله والله اننا
نقعد نتكلم و نهري في أبجديات و نشرح ألف باء عقل و ألف باء منطق
.
1- كارثه حقيقيه
إنه يتواجد حزب أو تنظيم أو كيان في دوله ما , و يكون ولاؤه و انتماؤه مش للدوله اللي
هو فيها , لا لدولة تانيه , دي كارثه حقيقيه على الدوله اللي موجود فيها الكيان , وجود
بيبقى أشبه بالقنبله الموقوته , لا ينفع تحت بند محاربة الصهاينه ولا محاربة البيزنطيين
ولا كل الافتكاسات دي اللي هي قميص عثمان اللي خرب المنطقه .
.
2- فكرة حزب الله
في لبنان زيها حركة حماس في فلسطين , برضه تتحول من حركة مقاومة لمجرد عاهره بتنام
على سرير أي حد يدفع لها فلوس , و انتمائها و ولائها نفس الشئ ( للي بيدفع و يصرف
) , هنا وجودها يبقى كارثه عالوطن اللي هي موجوده فيه وعلى بقية المنطقه .
.
3- و نفس فكرة
جماعة الاخوان الارهابيه في مصر و في بقية الدول , جماعه ماتعرفش مفهوم الوطن و المواطنه
, ولائها للكيان الدولي و للمرشد حتى لو كان المرشد ده ماليزي , و برضه هتلاقي عند
التلاته المذكورين نفس قميص عثمان , محاربة اللامؤاخذه الكيان الصهيوني , و تحرير اللامؤاخذه
القدس , وهيييييييح بقى , أه و الله هييييح .
.
4- البوست ده مش
تطبيل ولا تهليل للسعوديه , لأن مازفت من ستي إلا سيدي , هي كمان بتستخدم فلوس البترول
عشان تسيطر على حكومات و دول وتنتهك سيادة الأوطان , يعني بتشارك بخطى ثابته في عملية
الخراب و خلق قنابل موقوته .
.
5- لما نفهم يعني
ايه وطن و سيادة و استقلاليه , و لما نفهم ان إيران و حماس و حزب الله و الإخوان هيحررو
القدس بعد القيامه ماتقوم بيومين ( قول ان شاء الله ) , لما نفهم هنبقى حلّينا 70
% من مشاكل الشرق الأوسط البائس .
.
6- و بالمناسبه
كمان , يوم مانفهم و نحترم عقول البشر و نبطل تجاره بشعارات و بقميص عثمان , و يوم
ماكل دوله تحترم سيادة الدوله التانيه , وقتها بس هنقدر نقطع رجل الأمريكان و البريطانيين
و كل عربجية التاريخ من المنطقه .
.
7- يعني باختصار
الحل و الربط و الجواب و كلمة السر هي ( إننا نفهم ) .
...............................................................................................................
Mohamed
Hussein
14
نوفمبر 2017·
حازم عبد العظيم
كاتب تويته بيتغزل فيها في الشاذ أمير قطر بنت الوسخه , في كلامه المتزن العقلاني
, و بيقول عليه : المحترم !! .
.
عزيزي حازم عبد
العظيم , أمير قطر بنت الوسخه ( اللي هو المحترم ) صرف مليارات عشان يحرق بلدك , و
صرف عالارهاب اللي قتل جنود و ظباط بلدك , الجنود و الظباط اللي بيحمو أرضك و عرضك
يا عديم العرض .
.
بص يا حزومه ,
أنا كنت فاكر مشكلتك شوية اضطراب في الهرمونات عشان يعني مفيش سبوبه ولا كده , قلت
شوية اضطراب هرمونات و يروحو لحالهم , بس الحقيقه لا , الوصف الأصح و الأدق لحالتك
هو ( أبو دوده ) , أه و عهد الله زي مابقولك كده , انت باختصار بتلعب دور عاهره من
النوع الرخيص أوي , مش عاهرات الفنادق حتى , لا عاهره من بتوع بير السلم و أي كشك في
أي حته , عاهره من اللي بيتعمل عليها حفله ب 5 ريال مقطعه , لا يا مولانا وزير ايه
بس , بقولك عاهره و دوده و بير سلم و 5 ريال مقطعه تقولي وزير ؟! .
.
و بعد عشرين تلاتين
سنه ممكن أتخيل برضه ( وضعك ) السياسي هيكون ازاي و انت ( راجل ) عجوز , هقولهولك من
دلوأتي , المشهد بالظبط , وقتها هتكون ماسك في ايدك اليمين شوية مناديل كلينيكس و في
ايدك الشمال فوطه , و واقف على باب أوضة الشاذ تميم ابن موزه ( قصدي المحترم ) , ده
في حالة انه كان معاه حد جوه , و بعدين ترجع من شغلك ( بتاع الكلينكس و الفوطه ) تكتب
على تويتر ان المخابرات المصريه بتراقبك و المخابرات الروسيه زارعين لك كاميرات في
الفازه و ستارة السرير البامبي و في الشطافه بتاعة الحمام .
...........................................................................................................
Mohamed
Hussein
14
نوفمبر 2017·
شيرين مطربه صوتها
هايل في الأغاني , صوتها رائع جميل , فإذا سألوها عن رأيها في أي شخص فقدت نصف جمالها
, و إذا حبت تهزر أو تألش فقدت النصف الأخر .
.
الحكايه دي بيسموها
الذكاء الإجتماعي , social
intelligence
, اللي هو مستواه عند شيرين يساوي بالظبط بالظبط مستوى المصداقيه عند قناة الخنزيره
و مستوى خفة الدم عند الخليل كوميدي .
............................................................................................................
Mohamed
Hussein
13
نوفمبر 2017·
طارق عامر :
80 مليار دولار حجم التدفقات الدولاريه منذ قرار التعويم !! , المبلغ ده أقل بحاجه
بسيطه من حجم ميزانية مصر, و أكتر من ضعف الاحتياطي النقدي .
.
مش ضروري اجمالا
نكون خبراء في الاقتصاد عشان نفهم , نفهم ايه بقى ؟ نفهم ان اللعبه في الأساس مش لعبة
اقتصاد , تعالى نرجع لتوقيت التعويم تاني و احنا نفهم
.
1- السياحه انضربت
بفعل فاعل و مفيش عمله صعبه جايالنا منها , الرصيد يكاد يكون صفر .
.
2- ليبيا بح و
العراق قبلها راحت و الخليج حتى الخليج بيعاني و الناس بتنزل .
.
3 - الدولار في
البنك ب 8 جنيه و بره ب 18 , ماتقوليش وطنيه ولا بطيخ , لو معاك دولارات هتغيرها بره
, و الله اعلم اللي بتتغير بره في النهايه بتروح فين .
.
4 - مئات الألاف
من المواطنين حوّلو راس مالهم لتجارة العمله , و بالتالي عشان تراقب الحكايه دي محتاج
أجهزه رقابيه تفتش 18 مليون شقه و المحلات و المخازن و العربيات والفازه اللي ورا الباب
, يعني محتاج لك اجهزه رقابيه قد عدد سكان روسيا ومش هتوصل لحاجه , لما أصبح حجم الدولارات
في البيوت المصريه اكبر من اللي موجود في البنك المركزي .
.
5 - الجماعه الارهابيه
و وراهم قطر بنت الوسخه كانو بيلمو الدولارات من العاملين في الخارج , و معندهمش مانع
انهم في الليله دي يخسرو كام مليار , يشترو غالي و يبيعو بعد كده رخيص , مش مهم , لانها
بالنسبالهم كانت محاوله اخيره لاسقاط مصر من نقطة ضعفها ( الإقتصاد والاحتياطي النقدي
) بعد ما فشلت محاولة اسقاطها بالارهاب و الإشاعات و التفجير و القتل .
.
6- الدول اللي
عندها احتياطي نقدي كبير و ممكن تساعدك كانت بتساومك على قرارك السياسي و على قناعاتك
و مواقفك التاريخيه .
.
7 - مفيش استثمار
, استثمار ايه بقى اللي هيجيلك و انت بحالتك البائسه دي؟ و الدوله هتدفع المستحق عليها
و فوايد الديون منين ؟! .
........................
في النهايه عايز
اقول :
الحكايه مش هوباهيصا
, و اللي أخد قرار التعويم ده بالظبط أخد قرار حرب , شر لابد منه , الأسعار زادت الضعف
و بقينا بنعاني كلنا , لكنه في النهايه أنقذ دولة كانت على وشك السقوط , أحبط مخطط
حلف الشيطان .
.
الحاجه التانيه
المهمه , ان معظم اللي هاجو و زربحو وقت التعويم كانو حمير , حمير طيبين , تقولهم بنك
مركزي و وزارة ماليه و مجموعه اقتصاديه و شخروميت خبير اقتصاد وأمن قومي بيدرسو الموضوع
يقولو لك لأ , بس صفحة ام نحمدة بتاعة الكرشه بتقول ان القرار غلط .
.
أغلب اللي هاجو
كانو حمير , لكن بعضهم كان ابن وسخه خاين وعارف هو بيعمل ايه كويس , نفس الخاين اللي
ممكن يكون شارك في اسقاط الطياره الروسيه و شارك في ضرب السياحه ( بالتشويه ) وشارك
في دعم الإرهاب , و بعد كده شارك في لمّ دولارات المصريين في الخارج , كان لازم طبعا
يهيّج الدنيا لما تاخد قرار يحبط كل مخططه و مخطط اللي وراه واللي مسرحينه , لأن الحكايه
منظومة متكامله , الحكايه ماكنتش اقتصاد , كانت معركة مصير , حرب بتديرها دول و اجهزة
مخابرات , مش شوية عيال صيع برياله قاعدين عالفيس بوك .
..................................................................................................................
Mohamed
Hussein
13
نوفمبر 2017·
لو سمحت , لو سمحت
حضرتك
- أيوه يا سيدي
, نعم , اتفضل .
.
انا و الله كنت
عايز أعمل محضر و أبلّغ .
- تبلغ عن ايه
؟ فيه حاجه ضاعت منك ؟
.
الحقيقه لأ .
- حاجه اتسرقت
منك ؟
.
لا
- شوفت جريمة قتل
و جاي تبلغ عنها أو عصابة مخدرات ؟
.
برضه لا .
- أومال جاي تبلغ
عن ايه ؟
.
أنا جاي حضرتك
أبلّغ عن عربية بطاطا
- نعم ياخويا
!!! عربية بطاطا !!! .
.
أه و الله سيادتك
, فيه عربية بطاطا واقفه قدام البيت من يومين
- و دي مشكلتها
ايه بقى ؟ كلت بطاطا من عندها و جالك اسهال ؟
.
لا يافندم المشكله
مش في عربية البطاطا , المشكله في الراجل اللي بيبيع بطاطا
- ماله اللي بيبيع
بطاطا ؟
.
حالق دقنه يافندم
و منعّمها
- يا دين أمي عالصبح
, اللهم طولك يا روح , بقى الراجل حالق دقنه و منعمها ؟!
.
أيوه يافندم ,
و دي حاجه غريبه جدا , هو بيّاع بطاطا بينعّم دقنه ؟ ليه يعني شغال في شركه مالتي ناشونال
؟
- يابني خلصني
انت عايز ايه بالظبط ؟ انا راجل عندي الضغط و السكر .
.
بصراحه حضرتك انا
عارف ان بياع البطاطا ده ظابط في الأمن الوطني و انه واقف قدام العماره عشان يراقبني
و جاي اعمل محضر و اقول لكو اني مش بخاف .
- يا سلالالالام
, ويراقبك ليه بقى الظابط بتاع البطاطا ؟ قصدي بياع البطاطا ؟
.
عشان انا حضرتك
عندي صفحه عالفيس بوك و باخد 37 لايك و 2 هارت و 1 أغضبني على كل بوست بكتبه و السيسي
و نظامه اكيد مرعوبين مني , بس ولا يهمني , احنا الصوت لما تحبو الدنيا سكوت .
- اه فهمتك فهمتك
, بص يا سيدي , اخر الطرقه دي هتلاقي أوضه كده فيها واحد لابس بالطو أبيض , مكتوب عليها
من بره ( جلسات الكهربا ) , روح هناك و صدقني هترتاح , بس خلّي بالك فيه حالتين قدامك
,الأستاذ حازم عبد العظيم و الأبله غاده بلاتين .
.
طب بالنسبه حضرتك
لحظابط زميلكو بياع البطاطا اللي قدام البيت عندي ؟
- ماتقلقش خالص
, انا دلوأتي حالا هبعت بوكس و عربيتين أمن مركزي و طياره f16
يجيبوه من قفاه , و نعمله محضر هنا و نستجوبه و نسألة جاب موس الحلاقه
منين و بعدين نعذبه و نغتصبه و نصوره و نرميه في التخشيبه .
.
معقوله يافندم
!!! هتعذبو و تغتصبو وتسجنو حظابط زميلكو ؟
- لالالا دانت
حالتك صعبه اوي , استنى عشان الجهاز اللي في أوضة جلسات الكهربا مش هينفع معاك , انا
هكتب لك تحويل تروح بيه على نقطة الشرطه بتاعتنا اللي جنب السد العالي على طول .
.............................................................................................................
Mohamed
Hussein
12
نوفمبر 2017·
وزير الري المصري
يعلن عدم التوصل لاتفاق بشأن التقرير الإستهلاكي لسد النهضه , و في التفاصيل قال ان
الدراسه المقدمه من الشركه الفنيه وافقت عليها مصر و رفضها الطرفين التانيين ( أثيوبيا
و السودان ) , و قال كمان ان رفض الطرفين التانيين بيثير القلق ( أو ممكن تقول علامات
الاستفهام ) على امكانية توصل الدول التلاته لاتفاق .
.
حدوتة سد النهضه
باختصار , و بعيد تماما عن أي فنيات ( اللي هي شغل المتخصصين ) .
.
1- سد النهضه مش
مجرد سد بيتعمل في أثيوبيا عشان يخزنو مايه و يستخدموه في معرفشي مشاريع طاقه و يبلبطو
فيه في ساعة عصاري , ده اختصار مسف و عبيط , سد النهضه في الاساس مشروع صهيوني على
أرض اثيوبيا للوي دراع مصر أو محاولة خنقها , و بتمويل من بعض الدول اللامؤاخذه العربيه
, و بالتالي تبقى أثيوبيا مش هي حماده اللي يهمنا , حماده اللي يهمنا موجود في الشرق
و الشمال الشرقي .
.
2- مصر وافقت على
البدء في مفاوضات و دراسات فنيه و بيزنطيه عشان تبقى عملت اللي عليها مش اكتر , و عشان
كمان تكسب شويه وقت , و الله مشيتو حسب الدراسات الفنيه اللي ماتأثرش على حصه مصر أهلا
و سهلا ( وفيه إمكانيه لكده لو صدقت النوايا و ان كنت أشك ) , مامشيتوش أدينا عملنا
اللي عليها و عدّانا العيب و أزح !! , يعني لا كان جوانا رفض مسبق ولا سبق اصرار و
ترصد , قدام العالم اتفاوضنا و روحنا و جينا و عملنا شألباظات .
.
3- مصر ماعندهاش
رفاهية الإختيار في إنها تفرط في حصتها من المايه أو في جزء منها , بأي شكل و بأي تمن
, لا مصر اللي بيحكمها السيسي ولا أي رئيس في الدنيا يجرؤ على كده , فالموضوع مش اختيار
ولا رفاهيه , ده الحاجه الوحيده اللي لازم يتقال فيها ( دونها الرقاب ) .
.
4- عملنا اللي
علينا حتى مع السودان الشقيق , و جبنا عمر البشير و روحناله و قولنا يا جماعة الخير
عيب و عيب و عيب , و اخواتنا السودانيين بيزعلو , بس هنقول تاني , يا شعب السودان العظيم
العريق انتو باختصار بيحكمكو واحد خروف , أو بمعنى أصح اسمه idiot
, يعني ايه idiot يعني السودان تتقسم في عهده
لاتنين و هتبقى أربعه , و شوية ريالات من قطر بنت الوسخه تخليه يحرق صوابع ايديه و
يحرق بلده و تغرق الخرطوم في شبر مايه !! , تغرق الخرطوم امتى ؟ لما مصر يفيض بيها
هتغرق الخرطوم قبل أي شبر في أرضنا , الدراسات بتقول كده , و انتو والله شعب عظيم مايستاهل
أبدا انه يحكمه خروف .
...................................................................................................................
Mohamed
Hussein
12
نوفمبر 2017·
أبنائي و بناتي
شمامين الكوله الصغار , صباح الخير , جود مورنينج يا ولاد .
- جود مورنينج
مستر شمام كوله كبير .
.
النهارده يا ولاد
هنراجع سوا درس مهم أوي اسمه (الأدوات و المصطلحات الكولجيه في التعامل مع الإنتخابات
و الديموقراطيه ) , جاهزين ؟
- جاهزين مستر
شمام كوله كبير .
.
جميل أوي , قبل
أي انتخابات بفتره بنقول ايه يا ولاد ؟ اقف يابني انت جاوب .
- بنقول السيسي
ملوش شعبيه و لا له مؤيدين غيرشي هما 17 نفر و كلهم عساكر أمن مركزي متنكرين , و الشعب
الحر فاق خلاص و بكره يزلزلو الصناديق .
.
برافو يا ولد
, برافو عليك , و قبل الانتخابات بكام يوم لما بنلاقي المرشح المنافس هفأ كده و هيخسر
بفضيحه بنقول ايه , قولي يابت انتي يا اموره يام ضفيره ؟
- بنقول مسرحيه
هزليه و المرشح المنافس ده كومبارس و ما يحدث هو منتهى العبث .
برااااافو , هايله
, انتي هايله و ليكي مستقبل , طب يوم الانتخابات بالليل بنقول ايه ؟ قول ياض يا تخين
انت و سيب ام الساندوتش اللي في ايدك .
- بنقول انتخابات
مزوره يا مستر و عماد صاحبي مأكد لي هو و قناة الجزيره
.
انت هايل يا تخين
, طب لما يعلنو النتيجه و نلاقي السيسي فاز بأكتر من تسعين % مش هينفع نقول تزوير لأن
كده مفيش منافسه أصلا , هنقول ايه , قولي يا أم نحمده
- بنقول يا أستاذ
, بنقول يا أستاذ , اه افتكرت , بنقول شعب معر*ين و عبيد بياده و أمنجيه و لجان و نلعن
جدود أبو الشعب .
.
ممتازه يا أم نحمده
, انتي اللي زيك سابق الشعب ده بمليون سنه ضوئيه .
- يا مستر يا مستر
يا مستر , لو سمحت لو سمحت
.
عايز ايه ياض ياغتيت
انت , انا مش مرتاح لك من أول الحصه و انت قاعد ساكت كده و عمّال تبصّ لي بقرف , قول
و خلصنا .
- يا مستر احنا
بقالنا سنين مابنعملش غير كده , لا بنمارس سياسه ولا بنعمل حزب ولا بننزل الشارع و
قاعدين في شقه اوضه و صاله و على تويتر , الناس بقت تضربنا بالجزمه وتتريأ علينا ,
بقينا ماده خام للسخريه , كل اللي بنعمله من سنين اننا بنخسر شعبيه و ننزوي في ركن
ضلمه و نقعد نتشألب في شعارين و هاشتاجين و إزازتين بيره .
.
إخرررررس يا حيوان
, يا كلب , اطردو الواد ده بره , الواد ده مدسوس وسطينا , ده أمنجي و طبال و خاين لقسم
البرادعي الأعظم و خاين لبرطمان الكوله و ألهتنا العوالي.
......................................................................................................................
Mohamed
Hussein
11
نوفمبر 2017·
دمي و دموعي و
ضحكاتي و افتكاساتي
.
أصدقائي الأعزاء
الغاليين , استمارة عشان نبنيها ملهاش أي تلاتين علاقه بالسيسي , عايز توقع عليها و
تنشر توقيعك على صفحتك انت حر , انما عبد الفتاح السيسي هيترشح للإنتخابات لو قرر انه
يترشح , و هيفوز بفتره تانيه بالصناديق و الانتخابات مش بالإستمارات , طب أومال ايه
الإستماره دي ؟ ولا حاجه , ممكن تعتبرها اوتوجراف بتمضيه , كلمة شكر للريس , أو تشجيع
له انه يترشح , ملهاش أهميه ولا دلاله أكتر من كده .
.
أما حبايب قلبي
الحلوين التانيين بقى , اللي بحب دايما أهشتكهم و هما أصلا اللي بييجو لحد عندي , هواة
تأليف القصص و الإفتكاسات , زي واحد شوفت له افتكاسه من شويه ( و دخل علينا ظابط الامن
الوطني في المدرسه و قال المدرسين كلهم لازم يمضو الإستماره و اللي مش هيمضي هنسجل
اسمه و مستقبله هيضيع و انا مضيت تحت التهديد , مضيت عشان لقمة العيش , مضيت تحت القهر
و الظلم , مضيت زي ما شكري سرحان مضى في فيلم الزوجه التانيه لما قالوله امضي يابو
العلا ) , مممممممممم ستوب , كت , هايل يا فنان .
.
صديقي المفتكس
اللذيذ , عايز أقولك كلمتين و الله , عشان انا عايز أخدمك و اساعدك , بص يا مولانا
.
- اولا القصه اللي
ألفتها مانكرش ان فيها شوية ترابط معقولين , و فيها حتتين حلوين زي حتة امضي يابو العلا
و مضيت تحت القهر , بينتزعو أهات الجماهير , والواحد برضه لازم يشجع اللعبه الحلوه
, انما انت بصراحه فايتك كتير و انا هساعدك
.
1- أولا عنصر التشويق
و الساسبنس مش موجود في القصه , يا جاهل يا غبي , كان ممكن مثلا تقول ان ظابط الأمن
الوطني جالك تمضي الاستماره وانت في أوضة المدرسين بتصلي الضهر و خلاك تمضي وانت على
سجادة الصلاه ( الحته بتاعة سجادة الصلاه دي بتعمل فرقعه حلوه ) .
.
2- كان ممكن تقول
واحد زميلي مدرس كيميا اسمه الأستاذ عبعاطي شمروخ رفض يمضي قبلي قام ظابط الأمن الوطني
طلع الطبنجه و ضربه 17 طلقه في رجله و مناخيره عشان كده انت مضيت تحت القهر , برضه
طبنجه و 17 طلقه و منظر الدم بيعملو شغل حلو .
.
3- كان ممكن تستعين
بأفكار حازم عبد العظيم أبو دوده و تقول لما دخل ظابط الامن الوطني المدرسه و معاه
الاستمارات قمت انت لمحت بطرف عينك عربيتين أمن مركزي راكنين و العساكر نازلين منهم
و رافعين البنادق في وش المدرسه .
.
4- كان ممكن تكتب
ان وقت دخول ظابط الأمن الوطني شوفت طياره رافال بتحلق على ارتفاع منخفض فوق المدرسه
و مستنيه إشارة من الظابط عشان يضربو المدرسه كلها بصاروخين لو رفضو التوقيع على الإستماره
اللي ملهاش أصلا أي تلاتين لازمه .
.
5 - يابني حاول
تجوّد شويه , انتو بقالكو 4 سنين بتألفو قصص و افتكاسات , 4 سنين كافيين ان الواحد
ياخد دكتوراه في التأليف , طب هقولك حاجه عشان تعرف انك تافه و فاشل حتى في التأليف
, والله موقف حصل فعلا :
البت لوجي بنتي
كان عمرها 3 سنين ( والله 3 سنين ) , و وديناها حضانه , كنا في السعوديه , و في يوم
رجعت لوجي من الحضانه و أول ما دخلت البيت عيطت , بتعيطي ليه يا لوجي ؟, قالت التالي
و هي بتعيط و تتشحتف ( أنا تعبت أوي في الحضانه و ترجيع كتير و ميس عائشه مكانتش مصدقه
اني تعبانه لحد مابقى خلاص هيغمى عليا و قلت لها انا لازم اروح مستشفى فورا و خدتني
المستشفى و عملولي تحاليل كتير و أشعه و علقو لي محلول بس انا بقيت كويسه يا ماما ماتقلقيش
عليا ) طبعا احنا اترعبنا و طلعنا نجري نكلم ميس عائشه و أول ما قولنالها مابطلتش ضحك
و قالت والله ماحصل اي حاجه من الكلام ده كله !! طب اتعلم من البت ام 3 سنين , يا فاشل
يا فاشل .
...............................................................................................................
Mohamed
Hussein
11
نوفمبر 2017·
تاريخك يا مصر
...... ( إهداء إلى كل الصيع و أشباه المثقفين و شمامين الكوله و يوسف زيدان و التنويريين
و اللامؤاخذه المراقيع ).
.
اللي شاف من حضراتكو
الفيديو بتاع وسيم السيسي في منتدى شباب العالم و هو بيتكلم عن موقف حصله , بيتكلم
عن متحدث انجليزي بيفخر بتاريخ بريطانيا و بأول برلمان في العالم و بالمخترعين البريطانيين
وبيقول ( نحن نور العالم ) و رد عليه شاب أسمراني طويل قاله انتو اتعلمتو الحضاره من
كذا اللي اتعلموها من كذا اللي في النهايه اتعلموها من الحضاره المصريه , و كانت المفاجأه
ان الشاب نيجيري مش مصري , الشاب النيجيري بيفخر انه من القاره اللي فيها مصر اللي
علّمت العالم !! .
.
الفيديو ده و الموقف
فيهم كذا ملاحظه مهمه جدا .
1 - ايه اللي يخلي
متحدث انجليزي يفخر بتاريخ بلده ( اللي هو بالنسبه لتاريخ مصر يبقى صفر عالشمال ) ؟.
.
2 - ليه المتحدث
الانجليزي يفخر بالتاريخ إذا كان الحاضر عنده يكفيه , مايفخر بصناعات بريطانيا و نفوذها
و تعليمها الحالي , ايه اهميه التاريخ ؟! .
.
3 - ليه المتحدث
الانجليزي ذكر البرلمان و المخترعين و ماذكرش الحملات الصليبيه و الإستعمار و نهب ثروات
العالم و لا ذكر التاريخ الدموي لانجلترا و ليه ماتعمدش يشوه تاريخ بلده (اللي هو أصلا
مشوه و سفاح ) ولا يشوه رموز بلده التاريخيه , هو ليه مش تنويري كده وابن وسخه زي مولانا
يوسف زيدان ؟ .
.
4 - ايه اللي يخلي
شاب نيجيري بينا و بينهم دول و ألاف الكيلومترات يفخر بوجوده في قاره فيها مصر ؟ ليه
مايبقاش زي الشمامين اللي عندنا و يسخر من تاريخ مصر و يقول حضارة فشختلاف سنه ؟.
.
5 - ايه أهمية
التاريخ في حياة الشعوب و ايه اللي يخلّي دول و دويلات و أكشاك تصرف مليارات عشان تشتري
لها تاريخ وهمي أو تشوه تاريخ عظيم زي تاريخ أعظم دوله في الكون ( السؤال ده برضه للحمير
اللي أي خروف بيركبهم و يسرح بيهم ) .
. مره من كام سنه
كتبت كلمتين بيختصرو المشهد , عن وصف نموذج الشمامين و المراقيع :
(( حمار حصاوي
ناشط و غاوي يلمّ كل الحمير وراه
خروف بيركب على
ضهره حبّه باسم المحبّه
و يقولّه شِي يا
حمار و حاه !!.))
................................................................................................................
Mohamed
Hussein
10
نوفمبر 2017·
في معجنة الشرق
الأوسط اللي دايره من سنين , اتقسمت الدول لنصين , دول شاركت في الخراب و التدمير و
القتل و إيديها اتوسخت بالدم , و دول خربت و اتدمرت و اتقتلت و محتاجه معجزه عشان تقوم
, مصر فين بقى من المعادله دي ؟ هنا عبقرية مصر و النجاح بامتياز , اللي هو ازاي يعني
و جه منين الإمتياز ؟ الإمتياز حضرتك في مرحلة زي دي بيتلخص في كلمتين اتنين كانو أشبه
بالمعجزه , إنك تكون ( أنضف و أكبر ) , أنضف من إنك تشارك في الحرق و الخراب و أكبر
من إنك تقع , أنضف من انك تكون قاتل و أكبر من إنك تكون ضحيه !!.
...............................................................................................................
Mohamed
Hussein
10
نوفمبر 2017·
انت يابني مزعل
مراتك ليه و بقالك إسبوع سايب البيت ؟
- والله حضرتك
مفيش تفاهم بينا خالص , مفيش لغة حوار , مش عارف اتكلم معاها كلمتين .
.
وايه يعني ؟ انتو
لسه متجوزين جديد , اصبر و هتتعودو على بعض و تلاقو لغة حوار.
- و مهمله في حقي
و مابتعرفش تطبخ , الأكل كله بيطلع محروق .
.
يا سيدي بكره تتعلم
, اصبر عليها شويه , رفقا بالقوارير , قوم يالله روح لها .
- و على طول فاتحه
النت اللي لحس دماغها .
.
ماهي أكيد مالقيتش
اهتمام منك , قوم صالح مراتك و بلاش دلع
- و بتحب تامر
هجرس و شريف مدكور , و بتضحك على إيفيهات الخليل كوميدي .
.
طلقها فورا .
.........................................................................................................
Mohamed
Hussein
10
نوفمبر 2017·
قصة عنب ديبو
.
السعوديه و الكويت
و البحرين طالبو رعاياهم بمغادرة لبنان فورا , الحكايه دي حصلت بعد استقالة سعد الحريري
بكام يوم بس .
.
لبنان الدوله الحضاريه
اللي شعبها هادي و جميل بتعاني من مشكله كبيره , فكرة السياده , مفهوم الوطن و الإستقلاليه
, سيادتك على أرضك و سيادتك في قرارك , أه و الله سيادتك , و الحقيقه إنها بين شقي
الرحى زي مابيقولو , السعوديه و الخليج بفلوسهم بيدعمو فلان , و إيران بتدعم فلان
, حكومه لبنانيه تبع فلان و حزب الله تبع فلان , و حاجه كده جميله أخر حماده .
.
إجمالا مفيش عقل
ولا منطق ولا مبرر لوجود جيشين في أي دوله , لا تحت بند ( و افتكاسة ) محاربة الكيان
الصهيوني ولا تحت بند العداء للمغول و البيزنطيين , وبالتالي عدم اندماج حزب الله في
الحياه وانضمامه لجيش لبناني موحد دي واحده من أهم كوارث الدوله و الكيان اللبناني
.
.
إيران لها نفوذ
في اليمن و لها نفوذ في لبنان , و السعوديه لها نفوذ هنا و هناك , ده بسلاحه و ده بفلوسه
, وقطر بنت الوسخه هي كمان معاها شوية فلوس بترميهم , حتى وجودهم في القضيه الفلسطينيه
حوّل الأحزاب و الحركات الفلسطينيه لمجرد شوية مرتزقه , دوله تتقسم لضفه و قطاع , حركه
لامؤاخذه مجاهده ضد الكيان الصهيوني بس الدولارات بتجيب لها حول , فقررت تجاهد ضد الجيش
المصري
.
سوريا خربت و اليمن
خربت و العراق خربت و ليبيا خربت و تقريبا الدور جاي على لبنان ( ربنا لا يقدر ) .
ممكن مانفهمشي
أوي ايه اللي بيحصل , و التفاصيل المتسارعه دي , و ايه اللي مستخبي ورا الستاير و البيبان
, إنما فيه قواعد و مسلّمات مبقاش ينفع حد ينكرها , يمكن تساعدنا في فهم اللي بيحصل
و اللي هيحصل
.
1- أفة منطقة الشرق
الأوسط 5 حاجات , نشأة الكيان الصهيوني , نشـأة جماعة الإخوان الإرهابيه ( في نفس التوقيت
) , وجود إيران كدولة استعماريه ( دولة الفرس ) و جود تركيا كدولة استعماريه ( العثمانيين
) , و رقم خمسه ظهور البترول في جزيره العرب ( أموال البتروزفت دولار ) .
.
2- النتيجه و المحصله
لل 5 حاجات اللي فوق هي خراب دائم لدول الشرق الأوسط , و تلاعب بضعاف النفوس و خلق
مرتزقه و استقطاب خونه و تقسيم و قتل و نتيجه كمان مهمه أوي , تعيش اسرائيل في سلام
و امان ( مع ان كل الأشكال اللي فوق دي بيدّعو عداوتهم للكيان الصهيوني , أه و عهد
الله ) .
.
3- الليله دي على
بعضها بيرتبها و يوزّع أدوارها الشياطين اللي بيحكمو العالم , مثلث الشر , اسرائيل
بريطانيا أمريكا .
.
4 - أخر قاعده
و أهم قاعده بتقول باختصار , لا حركة حماس بقت حركه مقاومه للاحتلال ولا الإخوان بتوع
ربنا ولا ايران على عداء مع امريكا و اسرائيل ولا تركيا بتعادي الصهاينه , ولا أموال
البترودولار بيستخدموها لنشر الإسلام و تحرير اللامؤاخذه القدس , كلهم يا سيدي عرايس
في المسرح الأمريكي البريطاني الصهيوني , كلٌ في نفس الفلك يسبحون .
...............................................................................................................
ليست هناك تعليقات:
إرسال تعليق