Mohamed
Hussein
9
نوفمبر 2017·
لما كان جيشنا
و أجهزتنا الأمنيه بيحاربو الإرهاب في سينا , كنا دايما بنلاقي وسط الإرهابيين شخص
أو اكتر ملامحهم مش مصريه , إرهابيين أجانب , السحنه دي مش بتاعتنا .
.
و لما جيشنا و
أجهزتنا الأمنيه فرمو الإرهابيين على حدودنا الغربيه برضه كان من ضمنهم إرهابيين مش
مصريين , اكتر من واحد , بس واحد منهم أصيب و تم التحفظ عليه .
.
و في سوريا ( النموذج
اللي كان المفروض نبقى زيه ) هتلاقي على الأرض إرهابيين و مرتزقه من 17 جنسيه مختلفه
( بيسموهم المعارضه السوريه ) .
.
الحكايه مش كيميا
ولا لوغاريتمات , الإرهاب اللي بيحصل عالأرض ده جزء من المؤامره على مصر و المنطقه
كلها , الإرهاب مجرد جزء و فيه أجزاء تانيه كتير , زي الإعلام الغربي و زي تشويه المؤسسات
و التاريخ و الحاضر و المستقبل و زي مراكز حقوق الإنسان , وزي المؤامره الإقتصاديه
, كلها أدوات اللعبه , أدوات حلف الشيطان .
.
الإرهاب تحديدا
مكانشي يلزمه وجود عناصر من جماعة الإخوان بشكل مباشر, مفيش داعي خالص , اللي بيحاربونا
في سينا و حدودنا الغربيه ارهابيين مرتزقه متدربين كويس أوي , بيقتلو بالفلوس , و الفلوس
بتوفرها قطر بنت الوسخه , امريكا و بريطانيا و تركيا بيوفرو السلاح و الغطاء السياسي
و الإعلامي و معاهم قناة الخنزيره , تنظيم الإخوان الإرهابي بيوفر الدعم و الملاذ
, يعني الخدمات اللوجستيه , يفتح بيته مخزن سلاح , يلم شوية إرهابيين و يخبيهم , يفتح
مصنعه مكان للتدريب , يقتل و يحرق لو ماتوفرشي العنصر المرتزق , و طبعا يشارك في بقية
أركان المؤامره الإقتصاديه و الإعلاميه و حملات التشويه .
.
الحقيقه عايز أقول
لكل واحد صايع خاين ابن وسخه , سواء كان سياسي مشهور أو مجرد تابع حقير , اللي روجو
لفكرة إن مفيش إرهاب و الإرهاب ده فزاعه , لا أصل فيه إرهاب بس اسمه عنف متبادل , أصل
الإرهابيين دول ناس ماتعلموش كويس و ماخدوش حقهم في البلد , أصلهم اتظلمو و معذورين
, و كل الإفتكاسات المنحطه دي .
.
عايز أقول لهم
- من حق الشعب
المصري النهارده انه يجمّعكو كلكو في مكان واحد , ميدان التحرير , اه ميدان التحرير
, و يتصرف معاكو بالطريقه اللي يحبها , انا شخصيا عارف هعمل ايه .
.
و من حق الدوله
المصريه و المشرع المصري إنه يسقط الجنسيه عن كل الأشكال الوسخه اللي ساهمت في توفير
غطاء و تعاطف و قذاره , لأن دورهم مايقلش عن دور الإرهابي الأجنبي المرتزق ولا عن دور
الإرهابي الإخوانجي الداعم , سواء لعبو دورهم ده بعلم أو بجهل , بخيانه أو بحموريه
, من حقنا نسقط الجنسيه عنهم , مش بس لأنهم غير مؤهلين لأي دور سياسي في مصر , لا هما
أصلا غير مؤهلين للقب مواطن مصري , غير مؤهلين حتى للقب بني ادم .
......................................................................................................................
Mohamed
Hussein
9
نوفمبر 2017·
الواحد بقى يصحى
من النوم يفتح النت و يدوّر على أي تويته لحازم عبد العظيم أو ممدوح حمزه أو البرادعي
أو بوست لغاده بلاتين أو فيلم لشكوكو , ضحكة الصباح دي مهمه جدا في يومنا , بتفرق معانا
بقية اليوم they made my
day
.
....................................................................................................................
Mohamed
Hussein
8
نوفمبر 2017·
من ضمن الملفات
الهباب اللي استلمها السيسي لما حكم مصر في 2014 ملف إسمه ( الإختيار ) , تختار مين
يساعدك ؟ وزرا و مسئولين و مناصب قياديه ؟ محتاج لك تلتميت ربعميت شخص , طب انت عارف
و العارف لا يُعرّف , القماشه اللي بتختار منها , قماشه فيها ناس معقولين صحيح , لكن
أغلبها إما فاسد من ساسه لراسه , أو بيروقراطي منقوع في البيروقراطيه لشوشته , بيروقراطي
من بتوع فرخ الكربون و هات لي اتنين شهود مرتبهم مايقلش عن 60 جنيه يشهدو قدامي إنك
على قيد الحياه .
.
طبعا فكرة ان السيسي
يجيب شوية شباب من عالقهوه عشان يبان قدام العالم انه حد جميل , الفكره دي انتحار
, و فكرة انه يجيب شوية شمامين كوله حافظين كلمتين و مايعرفوش الفرق بين إدارة وطن
و إدارة كشك سجاير دي تبقى كارثه .
.
عمل ايه السيسي
بقى ؟ مكانشي قدامه غير انه يختار من القماشه الموجوده , بعد شوية تقارير و دراسه
, هو في النهايه مش مغسّل و ضامن جنه , انما اجتهد على قد ما يقدر , المسئولين لو
200 مثلا , هتلاقي منهم اتنين تلاته طلعو فاسدين و بان فسادهم ( عالسجن ياروح ماما
) و عشره خمستاشر فشلو في مهمتهم ( بالسلامه , إلبس الجلابيه البيضا المرحرحه و اقعد
في بيتكو ) , الإختيار في التوقيت ده بيبقى أشبه بمعلقه الدوا المر , مُكْرهٌ اخاك
لا بطل .
.
إنما في نفس التوقيت
بدأ السيسي يعدّ الشباب للقياده , عشان مايبقوش في مراكز قياديه لمجرد انهم شباب لابسين
جينز و تي شيرت , توقعاتي بقى وقناعتي إن شكل الحكومه المصريه بعد سنتين تلاته , هيكون
فيها كتير جدا وزرا و محافظين و مسئولين أعمارهم في التلاتينات , بس شباب زي الورد
, اتعلّم و اتدرب , يعني ايه وطن , يعني ايه شخص مسئول , يعني ايه مستقبل , يعني ايه
بنبني بلد , يعني ايه إسم مصر , يعني ايه إداره , يعني ايه مؤسسات الدوله , و في النهايه
نوصل ل منتج معين , مُنتَج ينفع جدا نقول عليه كوادر شبابيه تقدر تتحمّل مسئولية بلد
بحجم مصر و في ظروف زي اللي احنا فيها .
.
باختصار عايز أقول
لحضراتكو , فكرة ( تمكين الشباب ) بمعنى اننا نشيل العواجيز البيروقراطيين و نجيب مكانهم
شوية شباب ( حتى لو عقولهم أبيض يا ورد ) هي فكره تليق جدا بعربجي حنطور أو سواق توكتوك
, مش برئيس دوله اسمها مصر
.............................................................................................................
Mohamed
Hussein
8
نوفمبر 2017·
عبد الفتاح السيسي
في منتدى شباب العالم اتكلم عن المرأه كتير اوي , عظيمات مصر , لدرجة انه قال بعدها
بهزار ( كده الرجاله هتزعل و احنا داخلين على انتخابات ) !! .
.
الجمله اللي فوق
دي ممكن نعتبرها ببساطه هي إعلان من عبد الفتاح السيسي انه هيترشح لانتخابات 2018
.
.
عزيزي خالد علي
( أبو إصبع ) , عزيزي حمدين صباحي ( أبو 7 ألاف جنيه ) , عزيزي عصام حجي ( أبو بنشتري
سلاح ليه ) , عزيزي حازم عبد العظيم ( أبو دوده ) , عزيزي منكوح حمره ( أبو اللي خلفوك
) , مفيش وقت , الوقت يداهمنا , عبد الفتاح السيسي هيترشح رسمي أهو , و الشغل بتاعكو
ده ماينفعش , انتو لازم فورا و بسرعه جدا تتجمعو و تتكتلو و تعملو ائتلاف و تكتل ضخم
و تلمو أنصاركو من عالقهاوي و تحطو ايديكو في ايد الجماعه الإرهابيه ( رفقاء الميدان
مفهاش حاجه يعني ) و تنزلو السبتيه تجيبو عربي كونته و سيد كيتو و تتحالفو مع المغول
و البيزنطيين و أبرهه الأشرم و تلمو الشامي و المغربي عشان تنزلو انتخابات الرئاسه
اللي جايه بمرشح واحد .
.
أيوه يعني حضرتك
لو عملنا كده و اتجمعنا كلنا و اتلمينا هنكسب الانتخابات ؟
- لا طبعا هتخسرو
بفضيحه برضه , و أخركو 7 % .
.
طب ايه لازمتها
بقى نتجمع و نتلم و نتحد و الشامي و المغربي , لما احنا كده كده هنخسر بفضيحه ؟
- يابني افهم
, حاول تفهم , انت لما تخسر بفضيحه و انت تكتل ضخم أفضل بكتير من انكو تخسرو و كل واحد
لوحده .
.
ياسلام ياخويا
, هتفرق في ايه بقى ؟
- هتفرق كتير أوي
, لما تكونو تكتل ضخم و يوم الانتخابات تخسرو بفضيحه هتبقى فيه فرصه كبيره انكو تواسو
بعض و تسلمو على بعض و تحضنو بعض حضن مطارات , و تختلط دموع الشامي و المغربي و الإرهابي
و الكولجي في مشهد جنائزي ( بديع ) , و بعدين كل واحد يقول للتاني هارد لك , خيرها
في غيرها , قلبي عندك والله , معلش , معلش , معلش , عشان كده بقترح عليكو ان التحالف
الضخم يبقى من أولها كده اسمه معلش , اه اسمه الرباعي ( تحالف معلش للانتخابات الرئاسيه)
.
.................................................................................................................
Mohamed
Hussein
7
نوفمبر 2017·
لو سمحت ؟
- نعم يا حبيبي
.
انا عايز صفحتي
عالفيس تبقي كبيره اوي و فيها خمسين ستين ألف فولور
- مممممممم بس
انت ياض شكلك وحش أوي .
.
يا عم دي خلقة
ربنا هعمل فيها ايه ؟
- طب خلاص هقولك
الطريقه و أمري لله .
.
أيوه قول و النبي
- بص , انت تقعد
تكتب في السياسه و حال البلد و الدنيا و المغول و البيزنطيين و تقرا كتير و تتابع الأخبار
و التفاصيل و اللي بين السطور , و تحاول تطور من مستواك و يكون لك اسلوب مميز في الكتابه
و تتعب و تسهر و ماتنقطعش عن الفيس و تمقق عينيك في القرايه و التفكير , يعني بالظبط
كأنك في ثانويه عامه , و تكتب و تفكر و تقرا و تصبر , و تصبر تاني و تقرا و تكتب و
تفكر برضه .
.
طب حضرتك تفتكر
اني لو عملت كده صفحتي هتكبر للشكل اللي انا عايزه امتى ؟
- يعني قول عشره
خمساتشر سنه , يدينا و يديك طولة العمر يابني .
..........................
..........................
و انا حضرتك ,
عايزه صفحتي تبقى كبيره اوي و اللايكات تجيلي بالكام ألف .
- إنتي ؟ انتي
جميله اوي
.
ميرسي خالص ده
من ذوق حضرتك
- طب هقولك الطريقه
.
.
ياريت بليز
- عندك بنطلون
ستريتش و بلوزه بزراير يكون فيها زرارين تلاته مقطوعين من فوق ؟
.
اه عندي بنطلون
ستريتش و بلوزه ممكن اقطع منها زرارين تلاته مش مشكله .
- طيب تمام , تتصوري
بيهم بقى بتاع سبعين قولي تلتميت صوره , اتصوري في البيت و المول و الغيط و في كل حته
, مره تركزي عالصدر و مره عالوسط و مره العيون و الشفايف , نوّعي يعني , و كل يوم تنزلي
صورتين تلاته .
.
طب اكتب ايه حضرتك
و انا بنزل الصور ؟
- لا انتي ماتتعبيش
نفسك ولا تكتبي حاجه , بكتيره اكتبي انا ثحلانه عشان محدش بيقولي صباح الخير , أو انا
ثحلانه و بس .
.
و تفتكر حضرتك
ممكن يبقى عندي خمسين ستين ألف فولور امتى ؟
- في خلال ساعتين
تلاته بالكتير .
..................................................................................................................
Mohamed
Hussein
7
نوفمبر 2017·
إلى الجهه السياديه
اللي بتراقبني .
فيه موتوسكلين
راكنين قدام الصيدليه , واحد مكتوب عليه كنتاكي و التاني مكتوب عليه طأطأ للأسماك و
الجمبري , دي اكيد حركات تمويه , و الموتوسيكلين دول واحد مباحث و التاني للدعم الفني
و التنصت , و فيه عصفوره عالشجره من أول ماجيت و هي بتبص لي بنظرات غريبه و ماسكه في
إيدها الشمال لاسلكي , دي أكيد تبع محسن بيه بتاع المخابرات , لو سمحتو عيب كده , انتو
مفيش وراكو غيري انا و الأستاذ حازم عبد العظيم ( أبو دوده ) ؟
................................................................................................................
Mohamed
Hussein
7
نوفمبر 2017·
السراية الصفره
.
خالد علي : الشرطه
هجمت عالمطبعه و صادرت أوراق المؤتمر الصحفي بتاعتي و مزقت الباقي .
.
حازم عبد العظيم
: جهه سياديه راكنه عربيتين فيرنا في الشارع قدام بيتي , واحده مباحث و واحده للتصنت
و المساعده الفنيه .
......................
عزيزي خالد علي
, المرشح اللامؤاخذه الرئاسي المحتمل , من سبعين سنه اتلغت حكاية الهجوم على المطابع
و مصادرة الأوراق دي , من أيام القلم السياسي و أفلام صلاح ذو الفقار و شكري سرحان
, المطابع دلوأتي بقت أكتر من عربيات الدره المشوي و بقت موجوده في البيوت نفسها ,
و أصلا مبقاش فيه مؤتمرات يلزمها اوراق و منشورات , أفكارك و افتكاساتك في المؤتمر
بيصورها انصارك ( ال 17 نفر ) بأوسخ موبايل في جيبهم , احنا في 2017 يا مولانا , حاول
تجوّد شويه , دانت لو عيل في تالته ابتدائي هتألف حاجات احسن من كده .
.
عزيزي حازم عبد
العظيم ( أبو دوده ) : عربيتين فيرنا واقفين قدام بيتك عشان يتصنتو عليك ؟ يعملو ايه
يعني ؟ يشوفوك مثلا و انت بتنشر الغسيل و حته من صدرك باينه ؟ يا سيدي ابقى إلبس روب
أو بورنص وانت طالع البلكونه , ولا تقصد انهم زارعين ميكروفونات بقى في الفازه و الأباجوره
و النجفه و الجو ده , عشان كده وقّفو عربية وسائل مساعده قدام بيتك ؟ بقى هي دي معلوماتك
عن المراقبه حاليا ؟ كنت عايز تبقى وزير ازاي و انت قواك العقليه وقفت عند فيلم النمر
و الأنثى بتاع عادل إمام و أثار الحكيم ؟ طب فين بقى عبده القماش ؟!
...............................................................................................................
Mohamed
Hussein
6
نوفمبر 2017·
تحدّي القوه (
بوست للذكرى )
.
خالد علي لو أخد
في انتخابات الرئاسه اللي جايه أكتر من ال 3 % بتاعة حمدين يعني أخد 4 % مثلا هرفع
له القبعه و أقوله انت جامد تنين , جامد أخر فيصل , و لك شعبية حقيقيه على الأرض ,
و لو أخد أقل من حمدين هرفع له نفس الصباع اللي رفعه , البوست ده تحدي و انا عارف انا
بقول ايه ( و صباعي جاهز ) !!.
.
هقول لكو اللي
هيحصل بالترتيب من أول النهارده :
- خالد علي هيبدأ
يهرتل كعادة المهرتلين و يقول عسكر و جينرالات و حبشتكانات , الشرطه داهمت المطابع
و قطعت ورق الدعايه بتاعي , كسرو باب الشقه عليا في نص الليل , السيسي بيبيع البلد
و باع اسكندريه من يومين لمستثمر خليجي , جت لي رساله تهديد عالواتس من المخابرات و
مجموعة الكومنولث , بوتين بعت لي واحد من رجالته و قالي مش هنسيبك في حالك , رجل اعمال
بارز عرض عليا 20 مليون دولار عشان اتنازل عن الترشح إنما أبدا سنناضل سنناضل ( داليا
بتحب جيفارا و نادر بيحب ماركوس ) .
و خد بقى يا مولانا
قصص و افتكاسات من دي لحد قبل الإنتخابات بكام يوم .
.
و لما تقرب الإنتخابات
هيكون فيه سيناريو من اتنين , إما انه يعمل مؤتمر صحفي و يعلن انسحابه و طبعا الجزيره
و البي بي سي و الأشكال الوسخه كلها هيكونو هما الرعاه و يقول كلام كبير مجعلص , مناخ
غير ديموقراطي , مسرحيه , دوله فاشيه , تعرضت للتحرش و التعذيب في مناطق حساسه و سرقو
كليتي الشمال , و شوية افتكاسات حلوين برضه .
.
أو انه يكمل ,
و ساعتها في نفس يوم الإنتخابات هتلاقي الجزيره برضه جاهزه , و أخبارها كالتالي , العثور
على ورق تصويت مرمي بجوار احدى اللجان الانتخابيه , شاهد فرارجي يشرف على دايرة كذا
الإنتخابيه , شهود عيان يؤكدون تزوير الأصوات لصالح مرشح العسكر ( بالمناسبه التقارير
و شهود العيان و الفيديوهات دي جاهزه في مكاتب الجزيره من دلوأتي و الفرارجي كمان جاهز
) .
.
السيناريو ده هيحصل
بالحرف الواحد , حتى لو اللي بيشرف عالإنتخابات و اللجان الإنتخابيه في مصر هو فريق
من الأنبياء و القديسين و حكماء العالم .
.
طب مفيش احتماليه
مثلا إن خالد علي كمرشح للرئاسه بيمارس حقه الديموقراطي يعمل حملة انتخابيه محترمه
و يتكلم عن أفكاره و توجهاته و رؤيته و الغلط اللي يقدر يصلحه من غير مايكدب ولا يفتكس
و لا يهرتل ؟ و إنه يوم الانتخابات يعترف بالهزيمه و النتيجه ؟ الإجابه قولا واحدا
لأ , يعني لأه , يعني NO .
يابني شمامين الكوله
في الإنتخابات هما نفسهم شمامين الكوله على تويتر و الفيس , كبيرهم زي صغيرهم , و هو
ده أخرهم , هاشتاجين و كدبتين و بؤين حمضانين و بوسه و عضّه , و كده تبقى اتعشت و جبرت
.
........................................................................................................................
Mohamed
Hussein
6
نوفمبر 2017·
حاكم الشارقه الشيخ
سلطان القاسمي اتبرع ب 160 مليون جنيه لمعهد الأورام !! و من يومين شوفت له فيديو و
هو بيتكلم عن عظمة مصر و فضلها .
.
حبايبنا الخرفان
و الكولجيه اجهزو بقى عشان عندكو طلعه جديده , ركّزو معايا :
.
- هنطلع ب ( ده
اتبرع عشان مايتقبضشي عليه و يتحط في البلاك ليست , و نكتب جنبها: شخلل جيبك عشان تعدّي
, و جنبهم الإيموشن اللي بيضحك ده 😂😂😂😂 عشان دم أمكو اللي بينقط سكر
و عسل ) .
و ننزل بقى بإن
سلطان القاسمي ده عسكري امن مركزي متنكر في صورة أمير و اسمه الحقيقي عويس عبد المولى
جاد الله عويس شبرا .
.
الأخ اللي قاعد
ورا , ممكن تسيب اللّي بتاع الشيشه و تدخل عالفيس تقول إن حاكم الشارقه اتبرع لمعهد
الأورام عشان مصر تتنازل للإمارات عن مقعدها في كاس العالم , او تقول انه طمعان يمسك
منصب عضو مجلس محلي مدينة أبو كبير .
.
و الأخت اللي هناك
ممكن تركني مشابك الغسيل على جنب , الغسيل مش هيطير , و اكتبي ان واحده صاحبتك أكدّت
لك من مصادر موثوقه إن السيسي هيهادي حاكم الشارقه بهرم سقارة المدرج و هيختفي الهرم
في ظروف غامضه هو و قهوه عماد بتاعة النعام والأسدين بتوع قصر النيل ( على فكره أنا
عارف مين صاحبتك , دي هويدا بتاعة فيلم الحرب العالميه التالته ) .
..............................................................................................................
Mohamed
Hussein
6
نوفمبر 2017·
علاء الأسواني
بيأيد ترشيح خالد على لرئاسة مصر !! .
.
كده يبقى علاء
الأسواني لحق أول مكان في الميكروباص بتاع أنصار خالد علي , و بما إنه جه أول واحد
يبقى أكيد هيركب في الكابينه , و النبي يا دكتور علاء خلّيك جنب الشبّاك مش جنب الفتيس
, عشان الصباع بتاع السوّاق , اللي هو مرشحك الرئاسي ممكن يخبط فيك كده ولا كده , واحنا
يابني بنتشعلق في رضا ربنا .
....................................................................................................................
Mohamed
Hussein
5
نوفمبر 2017·
ايه اللي بيحصل
في السعوديه ؟ امبارح قرار توقيف اكتر من 50 وزير و أمير بتهم ( فساد ) و منع الطيران
الخاص داخل المملكه , و النهارده ( سقوط ) طائره خاصه فيها مسئولين سعوديين و فيها
الأمير منصور بن مقرن !!, و امبارح سعد الحريري قدم استقالته من رئاسة وزراء لبنان
.
.
مفيش بني أدم مصري
عاقل هينسى أبدا إن السعوديه ( على المستوى الرسمي ) وقفت جنبنا ماديا و سياسيا بعد
30 يونيو في فترات طويله , خصوصا أيام الله يرحمه الملك عبد الله .
.
و مفيش بني أدم
مصري عاقل هينسى برضه إنه عالمستوى الرسمي كان فيه حركات سخيفه كتير أو محاولة للوي
الدراع , زي حركة بترول أرامكو و حركة إياد مدني و غيرها .
.
و مفيش بني أدم
مصري عاقل هينسى ان السعوديه على المستوى الرسمي شاركت في المعجنه اللي حصلت في سوريا
و اتسببت في جزء كبير من الخراب و الدمار ( و ماسمعتش كلام مصر , بالعكس كانت عايزانا
نشارك معاها ) .
.
و مفيش بني أدم
مصري عاقل هينسى ان السعوديه و مصر هما الحيطتين اللي باقيين في الوطن العربي البائس
و إننا شئنا أم أبينا لازم نتسند على بعض .
.
و مفيش بني أدم
مصري عاقل هينسى ان فيه 2 مليون مصري شغالين في السعوديه .
.
و مفيش بني أدم
مصري عاقل هينكر ان الدور كان على السعوديه في مخطط الخراب اللي بتشارك فيه قطر بنت
الوسخه ( و اللي خلّى السعوديه تنقلب على قطر فجأه و تنضم لتحالف لمقاطعة الكشك الخليجي
الصهيوني ) .
.
و مفيش بني ادم
مصري عاقل هينكر إن وحدة الأراضي السعوديه و سلامة أراضيها و استقرارها الأمني و السياسي
مهم جدا حتى لنا احنا في مصر .
.
و في النهايه مفيش
بني أدم مصري عاقل هيتمنى أي مكروه أو أي شر للشعب السعودي الشقيق , الشعوب دايما خارج
المعادله , عشان كده لما بقرا الأخبار دي اللي نازله ورا بعض بشكل عجيب , كل اللي بييجي
على لساني جُملة واحده ( يارب سلّم ) .
.................................................................................................................
Mohamed
Hussein
5
نوفمبر 2017·
فرق شاسع , من
أقصى إلى أقصى , فرق الخير من الشر , فرق الحياه من الموت , فرق الإنسان من الشيطان
.
فرق شاسع إنك تجمع
شباب زي الورد من كل مكان في العالم و تعمل لهم منتدى و تدّيهم ميكروفون عشان يتكلمو
عن السلام و الأمل و المحبه و نور ربنا و سنابل الخير , و بين إنك تجمّع الشباب الأحمق
الجاهل من كل مكان في العالم و تعمل لهم معسكر إرهابي و تديهم سلاح و قنابل عشان يقتلو
.
.
#مصري_وأفتخر
#منتدى_شباب_العالم
#WeNeedToTalk
.......................................................................................................................
Mohamed
Hussein
5
نوفمبر 2017·
#منتدى_شباب_العالم
.
.
التنظيم رائع و
الفكره أروع , شباب زي الورد , من أكتر من 100 دوله , كل واحد رافع موبايله مرسوم على
شاشته علم بلده , وابتسامة الجميع أحلى ما في الصوره , في أرض المحروسه , أرض الأمن
و السلام , مهد الحضاره .
.
احنا نقدر نتكلم
مع بعض ؟ نقدر نسمع بعض ؟ نقدر نفهم بعض ؟ نقدر نتجمّع ؟ أه نقدر , طبعا نقدر , أسود
و أبيض , مسيحي و بوذي و مسلم و هندوسي , بنت و ولد ست وراجل ., بنات و أولاد أدم و
حوا إيد واحده في أرض شرم الشيخ .
#WeNeedToTalk
..................................................................................................................
Mohamed
Hussein
5
نوفمبر 2017·
ممدوح حمزه : أوقفو
مراتي في المطار
- أيوه ايه المشكله
بقى ؟
.
بقولك وقفو مراتي
في المطار
- تمام , فين المشكله
؟
.
و الظابط بيقولها
اسمك موجود عالجهاز
- طب جميل أوي
, ايه هي المشكله ؟
.
ازاي يوقفو مراتي
في المطار و يقولو اسمك عالجهاز ؟
- يا مولانا فين
دين أم المشكله ؟
.
لا مانا عارف انا
عارف , بيعملو كده فيا عشان انا مهم و جبار و بزلزل أركان الدولة الفاشيه و النظام
القمعي .
- لا والله , انت
مش مهم خالص ولا حد شاغل باله بيك , و لا عندنا حتى أمين شرطه فاضي يجيبك من قفاك
, صدقني انت مش مهم و الدليل انك قاعد تشتم و تهبل و تنشر إشاعات و تشوه ليل و نهار
و انت عايش جوه الدوله الفاشيه و تحت حكم النظام القمعي .
.
لا انا ماسمحلكش
, انا مهم جدا , و عندي فولورز و لايكات .
- عارف يا مندوح
, أخوك في المرقعه علاء الأسواني ؟
.
أه عارفه , ماله
ده ؟
- هو برضه لما
بنته خبطت موتوسيكل بعربيتها قعد يهرتل زيك و يقول المخابرات و النظام و مجموعة الكومنولث
و السيسي و بوتين بيحاولو يكسروني , مع انها مجرد حادثه موتوسيكل .
.
يا سلام ؟
- طب عارف أخوك
في المرقعه حازم عبد العظيم ؟
.
أه ده حبيبي
- هو كمان بيصحى
من النوم مايلاقيش حد معبّر أهله يقول بيتصلو بيا من العاصمه الإدارية الجديده و يتحايلو
عليا و يبعتو رسايل عشان أشتري شقه أو فيلا عندهم , و لو غسيل ست أم شوشو جارتهم اللي
فوق نقّط على غسيلهم هيكتب تويته و يقول ان أم شوشو تبع المخابرات و إن تنقيط الغسيل
من أدوات الدوله الفاشيه .
.
هو قال كده ؟
- طب عارف اختك
في المرقعه أيات عرابي ؟
.
أه دي حبيبتي
- بتقولك السيسي
دفع رشوه عشان نفوز عالكونغو اللي احنا غالبينها على أرضها و أخ ليكو في المرقعه برضه
قال السيسي خد مليار درهم من الإمارات عشان يدخلو كاس العالم بدالنا .
.
لا بجد ؟
- طب عارف اختك
في المرقعه غاده بلاتين ؟
.
أه طبعا أومال
.
- بتقولك المخابرات
بتكلمني عالواتس أب و بيحاولو يستقطبوني عشان خايفين مني و ركبهم بتخبط عالجيران .
.
طب عارف العيال
شمامين الكوله حبايبك ؟
.
أكيد عارفهم
- بيقولولك السيسي
و المخابرات كلّمو غاده عبد الرازق و قالو لها نزلي فيديو على انستجرام و حاولي تبيني
البتاعه .
.
ماهي نزلت الفيديو
فعلا و بينت البتاعه .
- عارف انتو على
بعضكو كده مشكلتكو ايه ؟
.
مشكلتنا ايه ؟
- مشكلتكو باختصار
, هي اضطراب شديد في هرمونات الأنوثه , والأعراض دي بتظهر على كل واحد يحس إنه بقى
ملوش أي تلاتين لازم في الحياه , يعني يشعر بالوحده و الفراغ .
..........................................................................................................
Mohamed
Hussein
5
نوفمبر 2017·
-
توقيف 11 أمير و 38 وزير سعودي بتهم فساد !!
- منع حركة الطيران
الخاص بجميع مطارات السعوديه .
- منع صالح كامل
و عائلته من السفر و تجميد أموالهم .
- من ضمن الموقوفين
صاحب قنوات MBC و رئيس الديوان الملكي السابق
.
- وأخبار مش مؤكده
عن توقيف الوليد بن طلال .
.
اللي بيحصل النهارده
في السعوديه أكبر بكتير من إنه يكون مجرد تلميع لمحمد بن سلمان أو تمهيد الأرض عشان
يمسك حكم المملكه , الهزّه دي مش سهله , اعتقد كمان ان التهم الحقيقيه مش فساد , لا
فساد مالي ولا رشاوي ولا استغلال نفوذ , و الله أعلم .
...................................................................................................................
Mohamed
Hussein
.
4
نوفمبر 2017·
#WeNeedToTalk
.
- خيانة الأوطان
عمرها ماكانت وجهة نظر ولا منهج فكري , الخيانه بتعني الخيانه .
.
- الإرهابي حرامي
هجّام , بس مش عايز يسرق محفظتك و شقتك و فلوسك , ده عايز يسرق عمرك و روحك انت و ولادك
, عايز يسرق حقك في الحياه و الأمن ونور ربنا , لو هتدوّر على مبررات و حيثيات للإرهابي
يبقى كان من باب أولى تدور على مبررات للحرامي و البلطجي و المرتشي و تاجر المخدرات
و المغتصب لأن جريمتهم أقل .
.
- بره مصر انت
سفير بلدك , بسلوكك و تصرفاتك و احترامك لإسمها و سيرتها , بلدك يعني بيتك و جذورك
و تاريخك و جدودك و هويتك و جيناتك , هتتكلم عنها باحترام ولا هتبقى مجرد راقصة ستربتيز
بترضي الزبون الخواجه ؟ فاخترْ لنفسكَ أيُّ الدارِ تختارُ .
.
- مستقبل الاوطان
مش دور كوتشينه بيتلعب عالقهاوي و بطريقة خد لك سيف , و الاوطان مش بتتبني بالغضب و
السخط و التشويه و الفبركه و الهاشتاجات و نشر السواد , الأوطان بتتبني بالعقل و الإيد
و الأمل والصبر .
.
- عدوك هو أي كيان
أو تنظيم أو دوله أو أي حد يحاول يحرق بلدك و يسلبك حقك في الحياه بأي شكل من الأشكال
.
.
- حال الفقير هو
قضية كل بني أدم عاقل عنده شوية احساس , و برضه الغيره على دياناتنا وعقائدنا و شهدائنا
و حريتنا , إنما أوسخ حاجه في الدنيا انك تحوّل الفقير و الدين و الشهيد و الحريه لمجرد
سلعه تتاجر بيها وتتاجر فيها , فلا ربحت تجارتكم
.
- مصر دولة اتولدت
قبل كتاب التاريخ بيومين و أخر دوله هتموت في كتاب المستقبل , هتعيش يعني هتعيش , بيك
أو من غيرك , بخيانتك أو بوطنيتك , دي قضيه محسومه , قرارك انت هيحدد مصيرك انت بس
, هتعيش بني أدم و تموت بني ادم ؟, ولا هتعيش خاين و تموت جربان ؟! .
.
- الخير في كل
شبر في البلد , و الجمال مزروع فيها زرع , و الأمل حتى الأمل فدادين , بس الرك عالعيون
اللي بتشوف , بتشوف إيه و تشوف مين ؟.
.
- مصر بلد السلام
و الأمن , شعارها الأبدي والأزلي بيقول ( لا تعتدو ) , لكل شعوب العالم , لكل مخلوق
خلقه ربنا حق في الحياه , حق مكتسب من أول ثانيه يتولد فيها , أيا ماتكون جنسيته أو
لونه أو دينه , دي مش منحه ولا مكرمه من حد , دي أبجديات الخلق و الخليقه .
#منتدى_شباب_العالم
.......................................................................................................................
Mohamed
Hussein
3
نوفمبر 2017·
كشف حساب
.......... بهدوء شديد
.
السبع سنين اللي
فاتو كانو رجّه جامده لمصر , هزه عنيفه , و على قد مافيها من تعب و معاناه انما كانت
مهمه أوي , مهمه عشان نعرّي نفسنا و نشوف عيوبنا , مهمه عشان الوشوش تظهر و الأقنعه
تقع و مانعيشي سنين طويله جايه في أوهام شوية زلنطحيه .
.
كشف الحساب من
غير اي تحامل ولا تحيز بيقول التالي
1- النخبجيه ؟
المفكرين و المثقفين اللي بيحملو شعلة النور معرفشي فين كده ؟ فستك يعني بلح , أغلبهم
بينطبق عليه وصف المثقف الحمار , اللي هو مابيعرفش يميز بين المأمول والمتاح , بين
الحلم و الواقع , بين ظروفك و ظروف غيرك , باختصار شديد , اللي مابيفهمش ان الكرافته
مش بتتلبس على جلابيه , أو اللي ممكن يبيع البيت اللي حيلته عشان يشتري نجفه شكلها
حلو ( مش عارف هيعلقها فين لما يبيع البيت )
.
2 - إعلاميين و
صحفيين ؟ برضه فستك , أغلبهم كده ( إلا قليلا ) , إما يبيع نفسه و يتعمل عليه حفله
بعشره دولار و يقعد يزربح في الخيانه على انها وجهة نظر و حد جميل , أو يكون عديم الموهبه
و المؤهلات بس تبع فلان , أو يكون عنده مؤهلات اخرى !! ( أجل يا سيدي ).
.
3 - نشطاء سياسيين
و أفكار و مشاريع و توجّهات و أحزاب سياسيه و حركات و حبشتكانات ؟, مفيش يا مولانا
والله , فيه شوية زلنطحيه زي الفل بياكلو عيش أو بياكلو بقلاوة أو بياكلو جاتوه , ماهي
أرزاق , و الله مافي , هو لو فيه انا هخبي ليه ؟
...........................
...........................
طيب مصر دي بقى
ربنا حفظها و حماها بإيه في السنين الأشد قسوه في تاريخها ؟
.
مصر ربنا حفظها
و حماها و عدّينا بفضل الفلاح و الصنايعي و الموظف الغلبان و العامل البسيط و بيّاعة
الخضار و الناس اللي بتجري على اكل عيشها , لا بتوع هري ولا تنظير ولا بياعين شعارات
و فلايات , الناس اللي إيديها خشنه و مشقّقه و بينامو كل يوم مهدودين من التعب .
.
مصر ربنا حفظها
و حماها بفضل جيش و شرطه و مخابرات و أجهزه سياديه و بدعوات ملايين الطيبين .
.
مش عارف اجيبهالك
ازاي عشان تصدق , طب هقولها بشكل تاني , لما اتسابت مصر سنتين عشان يحدد مصيرها السياسيين
و الاعلاميين و النخبجيه و النشطاء قامو جابولنا شوية خونه ارهابيين مرتزقه يحكمونا
, جابولنا عربجية التاريخ الحديث , عايز حلاوه و جمال اكتر من كده ؟
...............................................................................................................
Mohamed
Hussein
3
نوفمبر 2017·
نائب في البرلمان
المصري لسه فاكر نفسه أيام مبارك و كمال الشاذلي و بقية شلة البلطجيه والصيع , دخل
جامعة الفيوم و ضرب مشرفة أمن بالقلم قدام الناس عشان يرضي الكتكوته بنته ( اللي رفضت
تقدم اثبات شخصيه و هي داخله من البوابه ) , بنت النايب و النايبه , اه ضرب موظف عام
أثناء تأديه عمله , ضرب واحده ست من عظيمات مصر بتجري على اكل عيشها .
.
سيادة الرئيس عبد
الفتاح السيسي , ليس أقل من إقالة ( الخواجه ) رئيس جامعة الفيوم اللي أجبر الموظفه
الغلبانه على محضر صلح .
.
سيادة الدكتور
على عبد العال رئيس البرلمان الموقر , لما تصحى من النوم و النبي ماتنساش ترفع الحصانه
عن البلطجي اللي عمل كده عشان يتحقق معاه بموجب االبلاغ المقدم من وزير التعليم العالي
, ده لما تصحى من النوم بقى .
.
سيادة النائب البلطجي
اللذيذ , لو بنتك كان لها أي حق فالطبيعي انك تاخد حقها بالقانون سواء كنت نائب برلمان
أو بيّاع بليله مش تضرب واحده ست بالقلم , بس عايز أقولك حاجه بجد , ملعون دين أمها
الديموقراطيه اللي تجيب لنا أشكال وسخه زي معاليك كده , اه و عهد الله .
............................................................................................................
ليست هناك تعليقات:
إرسال تعليق