Mohamed
Hussein
15
يونيو 2017·
أكتر واحد ابن
تيت ممكن تقابله عالفيس اليومين دول , ابن تيت رسمي فهمي نظمي و امه عارفه , هو الكائن
الهلامي اللزج المنحط الوقح اللي يدخل عالفيس يفتكس في موضوع ترسيم الحدود و الكوله
تاخده لقعر البرطمان , و يقول ان مصر بتعمل كده عشان تخدم مشروع أمريكي صهيوني !!
.
.
هنا مفيش تعليق
أقل من +18 ينفع , ولا هيفرق معايا رمضان ولا نوفمبر , لما الجيش المصري العظيم و الخارجيه
و الرئاسه و سامح شكري و المخابرات و عبد الفتاح السيسي و البرلمان و مؤسسات الدوله
يبقو بيخططو لترسيم حدود عشان يخدمو بيها الصهاينه و الأمريكان , يعني يبقو خونه تماما
, أومال مين الشريف في البلد دي ؟ اكيد الشريف هو ابن التيت المنحط ده , هو و الحاجه
أمه و الحاجه زيزي صديقة الطلبه .
.............................................................................................................................
Mohamed
Hussein
14
يونيو 2017·
الراجل ده ايه
؟ الراجل ده مين ؟ الراجل ده ليه ؟ الراجل ده ازاي ؟ يقولو له هنعمل ثورة جياع يوم
كذا يقوم قبلها بيومين رافع الدعم عن الوقود , يقولو له الجزيرتين و الأرض و دونهما
الدم يقوم نازل الشارع و يفطر على كبوت عربيه .
.
عبد الفتاح السيسي
لا خاف من أمريكا في عز الطوفان , أيام ما كان أوباما ناقص يطلع عالهوا و يرفع شعار
رابعه , ولا خاف من حلف الناتو لما تكتل كله ضدنا , ولا خاف من تحالف عربي خليجي و
مليارات متلتله بتتصرف ولا خاف من جماعه ارهابيه دوليه عندها سلاح قد السلاح اللي عند
جيوش دول تانيه , مستحيل هيخاف من شوية ناس من شعبه , مهما قالو و مهما انفعلو , هو
بيعمل اللي يرضى ضميره و شايفه صح و لمصلحة البلد , ولا في دماغه الهري بتاعنا ده
.
.
كل اللي خاضو في
اسم عبد الفتاح السيسي و عرضه و شرفه هيبقو مدينين له في المستقبل باعتذار , و سجلوها
عندكو , هيعتذرو لما يفهمو و يتأكدو , الوحيدين اللي مش هيعتذرو له مستقبلا هما الخونه
الحقيقيين , لأنهم ببساطه و من الأول عارفين انهم خونه و ان جزمة السيسي و بيادة أصغر
جندي في جيش مصر أشرف و أنضف منهم .
..............................................................................................................
Mohamed
Hussein
14
يونيو 2017·
في الهوجه اللي
دايره بقالها يومين , سيبك من الخرفان و الكولجيه دول معروف أمرهم , انما فيه شوية
كمان من الدولجيه المرابطين انضمو للهوجه , مش اغلبيه صحيح انما شويه حلوين , النداهه
ندهتهم , فانضمو لصفوف الناس التانيين , وانا مستحيل أشكك في وطنيتهم و حبهم لمصر
, الصف بتاعنا بقى , اللي هو معندوش رفاهيه التشكيك في الجيش و الخارجيه و مؤسسة الرئاسه
و الحكومه و البرلمان , الصف ده و انا منهم استحملنا في الكام يوم شوية سخافات تكفي
الشرق الأوسط و شمال أفريقيا , و اتهامات بقى بالخيانه و العماله و قبضت كام , و التعر*ص
, و شتايم بالأب و الأم و بلوكات , بس ما علينا , يهمني الناس المرابطين دول , اوعى
حد فيكو ياض انت و هو النداهه تندهه .
.
وانت ياريس عبد
الفتاح , انا عارف ان حتى التوقيت ممكن يكون له دلاله أو هدف و إصرارك ده وراه غايه
و شعبيتك اللي بتجازف بيها أكيد لحاجه كبيره أوي , انما برضه انت سيبتنا مزنوقين في
الركن و وشنا مكشوف و اللي رايح و اللي جاي يضرب بالبوكس , حتى ناس من اللي كانو واقفين
معانا نزلو تلطيش فينا , لما مبقاش في وشنا حته ينفع حد يركن فيها , اتصرف ياريس و
خرجنا من الليله دي .
................................................................................................................
Mohamed
Hussein
13
يونيو 2017·
رغم اختلاف الزمان
و التوقيت و الظروف و الحيثيات , يفضل عبد الفتاح السيسي هو الإبن و الحفيد و التلميذ
و الوريث لجمال عبد الناصر , الإسمين دول لا يبيعو ولا يخونو , ممكن يكون لك ملاحظات
على شغلهم و أدائهم , انما الخيانه لأ ( بينهم و بينها سفر وبلاد ) , اللي بيبيعو و
يخونو معروفين , معروفين كأسماء و كيانات و جمعيات و جماعات , اللي بيبيعو بشوية دولارات
أو حتى ببلاش , و احنا كبرنا أوي ياسيد و مبقاش كلمتين مضروبين و شعارين بلاستيك يخدعونا
, نقطه و من أول العقل .
...........................................................................................................
Mohamed
Hussein
13
يونيو 2017·
لما في سنة
2017 , طفل أردني عمره 12 سنه يطلع في مسابقه غنائيه و يقول هغني انت عمري للأستاذه
أم كلثوم , والقاعه تتقلب و لجنة التحكيم تتجنن و الطفل يغني و أبوه يبكي , و المتفرجين
ايديهم توجعهم من التسأيف , تبقى ام كلثوم هي أم كلثوم , واحده بس , بعد خمسين سنه
بعد خمسميت سنه تفضل الظاهره الكونيه اللي اسمها كوكب الشرق .
.
لما في سنة
2017 تروح لبرلمان في دولة في أقصى كوكب الأرض أو في أقصى جنوب أمريكا الجنوبيه و تلاقي
صوره بعرض الحيطه للزعيم جمال عبد الناصر , أو تروح لدوله عربيه في اخر الدنيا و تلاقي
حزب اسمه الحزب الناصري , يبقى عبد الناصر هو عبد الناصر , واحد بس , بعد خمسين سنه
بعد خمسميت سنه , تتشال و تتهبد و تشوه و تزيّف و تتمرمغ في الأرض و تعمل نوم العازب
و عجين الفلاحه , و يفضل الزعيم , اسمه جمال عبد الناصر .
.
لما في سنة
2017 تصرف مئات المليارات من الدولارات و تجيب حلف الشيطان و تلم ست سبع دول و أجهزة
مخابرات و تحفر أنفاق و تهرب سلاح و تجيب صيع و عواطليه و إرهابيين و دراويش و بهاليل
, و تفتح قنوات فضائيه و تعمل مراكز حقوقيه و تشوه و تزيف ليل و نهار , و تعمل شألباظات
و تقف على شعر راسك , بعد خمسين سنه او بعد خمستلاف سنه , تفضل دوله اسمها مصر , أول
دولة نشأت في كتاب التاريخ و أخر دوله هتقع في كتاب المستقبل , الدوله اللي هتنتهي
بس في يوم القيامه , و تحديدا عند اللحظه دي ( ونُفخ في الصور ) .
..........................................................................................................................
Mohamed
Hussein
13
يونيو 2017·
بكره الحمير يفهمو
........ بقول جايز .
.
قريب أوي هنبص
حوالينا منلاقيش حاجه اسمها تنظيم داعش , كأنه فص ملح و داب , ولا هتلاقي سيرته حتى
في قناة الخنزيره , لما يبقى دوره انتهى , يمكن وقتها الحمير يفهمو انه مكانشي فيه
حاجه من الأصل اسمها تنظيم داعش , ده اسم وهمي اتعمل عشان يكون ستاره يخربو بيها بلادنا
العربيه و جيوشنا , و بإيدينا , هيكتشف الحمير ان كله كان فستك يعني كان بلح , لا فيه
ربيع عربي ولا فيه تنظيم اسمه داعش ولا الحكايه صراع بين سنه و شيعه , دول شوية ارهابيين
مرتزقه اتلمو بالفلوس من كذا دوله و الشيخ كان مجرد وسيط , و وسط الارهابيين كان فيه
ناس محترفين من جيوش و أجهزة مخابرات , بيقومو بشغلهم بشكل احترافي و بيديرو المعركه
, و شوية سلاح و غطاء جوي و سياسي من حلف الشيطان , و خلصت الحدوته , بس خلصت على دول
اتحرقت و جيوش وقعت و ملايين العرب بقو بين قتيل و مشرد , و حلف الشيطان لم عدته و
أنفاره و سلاحه و اختفو فجأه زي ما ظهرو فجأه , ولا عزاء للحمير .
..........................................................................................................................
Mohamed
Hussein
12
يونيو 2017·
في مسلسل الزيبق
ملحوظه مهمه , ان الجاسوسيه في العصر الحديث ملهاش علاقه بمعلومات عسكريه و تسليح و
لا بتنفيذ عمليات اغتيال مثلا , الجاسوسيه بقت لابسه بدله شيك , و أدوات التجسس بقى
اسمها المعلومه , عايز اجمع معلومات , و استقطب الشباب الضايع أو اللي عنده ميول للضياع
, حبذا لو كان له قريب في الجيش او الشرطه , و لما نجمع المعلومات و نستقطب الشباب
هنعرف نلاعب عقولهم كويس أوي , ايه الحاجه اللي ممكن تضيعهم عشان نضغط بيها و عليها
, كراهيه للجيش و الشرطه ؟ طب كل اسبوعين تلاته ننزل اشاعه عن زيادة مرتباتهم , و نقول
جينرالات بيزنس , و واكلين البلد , و ايه كمان ؟ التاريخ ؟ نلعب لهم عالتاريخ , شوية
تقارير على أفلام تسجيليه و نلخبط لهم الحقايق والنصر يبقى هزيمه , و نشوه رموزهم و
نشوه مؤسسات بلدهم و عمدانها , مين ممكن يساعدنا في كده ؟ أه فلان , طب تمام أوي ,
نتبناه من بعيد لبعيد , نصيّته و نعملّه شعبيه وسط الشباب , انت هايل , انت مفكر جميل
, انت مفيش زيك اتنين في كوكب الأرض .
.
و في مسلسل القيصر
بتاع السنه اللي فاتت كانت الملحوظه اسمها منظمات المجتمع المدني و المنظمات الحقوقيه
, وقد ايه بتبقى ستاره بيتم من خلالها التجسس و التهييج و اللعب برضه على دماغ الشباب
, و ملحوظه إن الأحداث الكبيره اللي بتحصل في أي منطقه زي اللي حصل في الشرق الأوسط
أخر كام سنه , الأحداث دي غير مالعامه بيشوفوها , مفيش حاجه اسمها ربيع عربي ولا ربيع
ياسين , ولا حاجه اسمها المجاهدين في سبيل الله , كلها أدوات بيلعب بيها الكبار , احنا
كمان عرفنا نتعامل مع الأدوات دي عشان احنا كبار أوي , و إلا مكنّاش عدّينا من مرحلة
الطوفان .
.
باقي يتعمل عمل
درامي ملحمي عن جبل الحلال , اعتقد مش قبل 10 سنين لما تسمح لنا المخابرات المصريه
ببعض المعلومات اللي ممكن نستخدمها في عمل درامي , واللي هتسمح بيه المخابرات المصريه
هيبقى مجرد قشور .
.
السياسات الدوليه
و الدهاليز و الخبايا خصوصا في مرحلة زي اللي احنا عايشينها , هي بالتأكيد بتختلف تماما
عن معلومات عيل صايع عامل شعره ضفيره و قاعد على قهوه في وسط البلد ينظّر علينا , و
بتختلف تماما عن معلومات و تحليلات و افتكاسات ام نحمده بتاعة الكرشه .
.................................................................................................................
Mohamed
Hussein
11
يونيو 2017·
صكوك وطنيه للبيع
......... البوست
الاخير في حدوتة تيران و صنافير
.
- مبدئيا كده و
من غير هري كتير , 90 % من اللي هايصين و زايطين النهارده في موضوع الجزيرتين هما من
نوعية الناس اللي لو جالها شغل بكره في الموساد هتوافق , حتى لو كان الشغل ده ببلاش
, يعني عمل تطوعي , أه و عهد الله .
.
- 90 % منهم من
بتوع حلب تحترق , من اللي حطو علم فرنسا في تفجيراتها و محطوش علم مصر , من اللي قالو
احنا اللي قتلنا ريجيني و بعتو رسايل مترجمه للاعلام الايطالي .
.
- 90 % من اللي
مستعدين تماما يتحالفو و يتضامنو مع أي كلب من كلاب السكك ضد بلدهم .
.
- 90 % منهم من
اللي قالو مفيش إرهاب و دي فزاعه و بعدين قالو فيه بس ده عنف متبادل .
.
- و منهم و على
رأسهم الأراجوز , اللي كان شغال صبي عالمه في حملة هيلاري كلينتون , يعمل نوم العازب
و عجين الفلاحه عشان يرضي الحيزبونه اللي أشرفت بنفسها على حرق و خراب الشرق الأوسط
و اللي كان نفسها تحرق مصر .
.
الأراجوز اللي
جاي يدينا دروس في الوطنيه , يدّي لمين دروس ؟ للجيش و السيسي و صدقي صبحي و سامح شكري
و الخارجيه و المخابرات المصريه والشعب المصري ؟ و يشوه التاريخ و يقول ان الكل خاين
و الكل بيبيع ( ده اسمه في علم النفس الإسقاط , يعني لما تشتغلي يا بيضه في الدعاره
تبقى دايما شايفه ان كل ستات البلد ماشيه على حل شعرها ) .
.
الأراجوز اللي
مش عاجبه جيش مصر ولا خارجيتها ولا ابطالها و لا تاريخها ولا علمائها , و كلهم في نظره
مع*صين , و ك*مهم , طب مين مش معر* و مين مش ك*مه يا اراجوز ؟ و مين العالم , اكيد
مش فاروق الباز , ده معر* , العالم أكيد عصام حجي بتاع ثورة الطماطم , مين البطل يا
أراجوز ؟ أكيد أحمد مالك بتاع الواقي الذكري أو يسري فوده بتاع الجزيره أو سوكا بتاع
الولاعات , مين العظيم يا أراجوز ؟ أكيد تميم و أردوغان و هيلاري كلينتون و أوباما
, مين الجيش البطل يا أراجوز ؟ أكيد الجيش اللامؤاخذه القطري !! .
.
أصدقائي الأعزاء
, من غير هري كتير وكلام ملوش لازمه و تنظير , عندي دوله لها مؤسسات و جيش و خارجيه
و مخابرات و قضاء و برلمان , مش طابونه هي , مابقتشي طابونه , و مفيش حاجه اسمها بيع
, اقرو تاريخ جيش بلدكو و انتو تعرفو , و الله لو بنبيع يا بيه ماكان يبقى الدولار
ب 18 جنيه .
.
ده أخر بوست هكتبه
في قصة عنب ديبو رداً على الخونه الحقيقيين و الأغنام , و السلام ختام .
..........................................................................................................
Mohamed
Hussein
10
يونيو 2017·
بوست +88 مش
+18 بس .
.
فيصل القاسم :
كنت انتظر دائما زيارة تركيا لأتذوق اللبن التركي فمذاقه متعه , اليوم اشتريته من السوبرماركت
قرب منزلي في الدوحه , أأأاأأه , شو طيب !! .
.
ممممممممممم أهي
تويته زي دي الواحد مايعرفش يعلق عليها في رمضان ولا في شوال ولا حتى في نوفمبر و الله
, الله يخرب بيت أهلك هتضيع صيامي بتاع ال تلاتين سنه اللي فاتو و تبوظ الحجه اللي
حجيتها و ال 7 عمرات اللي عملتهم .
.
معقوله للدرجادي
بتحب اللبن التركي يا فوفو ؟ و ايه حكاية أاأأأه دي ؟ انت بتشرب ولا بتعمل ايه بالظبط
؟ و ايه هو اللي شو طيب ؟ طب امك عارفه انك بتحب اللبن التركي ( و بتستمع ) بيه ؟ و
بتسمعك وانت بتقول أأأأه ؟ ماهي أكيد عارفه و موافقه .
.
طب هتطلع بعد كده
عالهوا تقول ايه ؟ معكم فيصل القاسم في برنامج ( الإتجاه المباشر و هو عارف سكته )
حلقه تحت عنوان ( ما تيجي و نجيب مليجي ) .
.................................................................................................................
Mohamed
Hussein
10
يونيو 2017·
في حالة الحرب
......... أنا على دين دولتي
.
امبارح بالصدفه
في إذاعة القرأن الكريم و انا سايق العربيه , برنامج لذيذ , مستضيفين أستاذ لغه عربيه
في جامعة عين شمس و عضو مجمع اللغه العربيه فلان الفلاني , بيسألوه أسئله سريعه في
الدين و اللغه و الحياه العامه و يجاوب بكلمه أو بجمله , إيه الأيه القرأنيه اللي لو
سمعتها بتبتسم , و الأيه اللي لو سمعتها بتخاف , و الأيه اللي لو سمعتها بتطمئن , و
يجاوب الشيخ العالم , كذا .
.
سؤال , ايه الدوله
أو المنطقه اللي ورد ذكرها في القرأن و تتمنى تعيش فيها ؟ الإجابه مصر , ايه الدوله
أو المنطقه اللي ورد ذكرها في القرأن و تتمنى ماتعيشي فيها ؟ الإجابه : بعض المناطق
في شمال الجزيره العربيه , ايه الدوله اللي ماتتمناش تسافر لها أبدا ؟ الإجابه : أي
دوله تتمنى الشر لمصر أو تسعى له , إيه الأيه القرأنيه اللي بتشوفها دايما قدام عينيك
؟ الإجابه : ادخلو مصر إن شاء الله أمنين .
.
خلص البرنامج و
خلصت الإجابات , اهو الشيخ العالم ده بيمثلني , مثلي الأعلى , أنا تلميذه و أفتخر
, و الحدوته و القصه كلها و المشهد البائس اللي عشنا فيه سنين ممكن نفهمه و نفنده و
نخرج منه بسهوله لو عرفنا بس إن مفيش أي تعارض بين مفهوم المواطنه و مفهوم التدين
, إنت مين ؟ أنا مواطن مصري مسلم عربي , بالترتيب كده , و مصري بتسبق الباقي بدون تعارض
, انا على دين دولتي .
.......................................................................................................................
Mohamed
Hussein
9
يونيو 2017·
كنت معزوم عالفطار
بره النهارده , و كالعاده المغرب أدن و انا في الطريق ( مانا كسول و اعجبك أوي ) ,
المهم أول ما بقى على ادان المغرب 10 دقايق و لقيت الشوارع مرشقه بناس و شباب , واقفين
كل 100 متر , ببلح و تمر هندي و خشاف , بيوقفو العربيات بالعافيه , هتفطر يعني هتفطر
, هتاكل يعني هتاكل , المنطقه دي شعبيه و لو بصيت لوشوش الناس اللي واقفه توزع بلح
و خشاف هتتأكد ان مفيش واحد فيهم في جيبه 5 جنيه على بعضها .
البلد دي عجيبه
و غربيه , كأنها سر من أسرار الله في الكون , مش دايما تلاقي الخير في جيوب أهلها
, لكن دايما تلاقي الخير في النفوس و القلوب .
.....................................................................................................................
Mohamed
Hussein
9
يونيو 2017·
أبواب النصر و
الإمتياز
.
المرحله اللي فاتت
دي , اللي هي اخر 7 سنين في منطقة الشرق الأوسط , هيتكتب فيها كتب و مجلدات , ولازم
وانت بتكتبها تسيب أبواب و فصول كامله تحت عنوان , انتصار المخابرات المصريه , و انتصار
الدبلوماسيه المصريه .
.
تعالو احكي لكو
عن معركة صغيره و حديثه جدا انتصرت فيها الدبلوماسيه المصريه و نجحت بامتياز , هو ايه
اللي حصل في الإسبوع اللي فات ده ؟ و ايه حكاية مقاطعة قطر ؟
.
1- نشرب بؤ مايه
و ناخد نفس عميق و نستريح في قاعدتنا عالكرسي , و نجيب طبق بطيخ ساقع من التلاجه و
ناكله بمزاج , و نعرف ان السياسه مش فتحة صدر ولا بتمشي بطريقة هوباهيصا .
.
2- من سنتين كان
وضع المنطقه بالنسبه لمصر عامل ازاي ؟ وانت مغمض عنيك كده , تكتّل قوي جدا , كله ضد
مصر و مصالحها بشكل أو بأخر , تكتل بيشمل دول الخليج مجتمعه و تركيا وغيرها , و انت
متحالف مع نفسك , مفيش دوله تتحالف معاها , الدول اللي كانت تنفعك في وقت زي ده هي
الدول اللي وقعت ( أو وقّعوها عمدا ) , سوريا و العراق و اليمن و ليبيا , طب تعمل ايه
بقى ؟ .
.
3- تمارس السياسه
بطريقه مصارعة التيران و تنطح راسك في التحالف و التكتل الضخم اللي كله ضدك , يعني
تقطع علاقتك بالسعوديه و دول الخليج و قطر و تركيا و أمريكا و بريطانيا و حلف الناتو
؟ طب هتتسند على مين و على ايه ؟ اقتصادك ضعيف و احتياطك النقدي سئ جدا و عندك ملايين
العمال في المنطقه دي بيشتغلو , وبعد خراب ليبيا فانت مش حمل رجوع تلاته اربعه مليون
عامل من الخليج .
.
4- اللي حصل ايه
؟ والدبلوماسيه المصريه بتاعة السيسي و سامح شكري كانو بيمدو حبال الصبر ليه ؟ طب وصلو
لايه في النهايه ؟ .
.
5- اللي حصل يا
سيدي و شوفته بعينك في الاسبوع الاخير هو باختصار عملية تفكيك للتحالف ده من الداخل
, يعني تدخل جواه و تفككه لمكعبات , و تاخد كل مكعبين على جنب عشان تعرف تتعامل معاهم
.
.
6- اللي حصل انك
دخلت منطقة الخليج بشكل مختلف بعد ماصوتك اتنبح في انهم يفهمو و مافهموش , فدخلت عن
طريق المعلمه الكبيره ( أمريكا ) , وماله مايجراش حاجه , و قدرت تفصل مكعبين من التحالف
, اللي هما قطر و معاها تركيا , يعني ايه الكلام ده و فين الانجاز ؟ .
.
7- يعني قطر كده
جت لك في الوسع بعد ما مصر قدرت ترفع عنها الغطاء الخليجي و الأمريكي , و ده معناه
ان لو فكر تميم ابن موزه مجرد تفكير في انه يدعم اي عمليه ارهابيه في مصر الفتره الجايه
هيكون الرد قاسي جدا , في قلب الدوحه و قدام العالم , انت وصّلت العالم كله للاعتراف
بان قطر بتدعم الارهاب بشكل رسمي , يبقى لما تدوسها برجليك محدش هيقدر ينطق , ولا حد
هيقدر يحميها منك , لا جنود الأغا اللي بيقلعو ملط ولا ميليشيات الحرس الثوري الإيراني
.
.
8- واللي حصل كمان
ان خليفة الشواذ بقى بين نارين , يدعم قطر و يتخلى عن الدعم الاقتصادي السعودي لتركيا
ولا يعمل العكس ؟ مانا قلت لك انت بتفكك التحالف , و اخترت الدول اللي علاقتك بيها
ماينفعشي تقطعها مهما حصل , زي السعوديه و الامارات , و ده مش معناه اننا نسينا مواقف
السعوديه الهباب , لكن السياسه كده , مفهاش ديمومه , ولا فيها جواز كاثوليكي ولا فيها
طلاق بيّن .
.
9- المعركة الدبلوماسيه
اللي لعبها السيسي و سامح شكري من سنتين و اللي شوفنا نتيجتها من كام يوم دي ماينفعشي
تتقيم بالنصر و الهزيمه او النجاح و السقوط , انما يلزمها تقدير , و التقدير اللي تستحقه
هو الإمتياز , يعني مش بعيد يتعمل فيها رسايل ماجستير و دكتوراه و تتدرّس في كل كتب
السياسه في العالم .
...................................................................................................................
Mohamed
Hussein
9
يونيو 2017·
مصر و السعوديه
و الإمارات و البحرين أعلنو قايمه بأخطر 59 ارهابي , قايمة فيها صناديد الإرهاب , الدراكولات
بتوع العصر الحديث , الغريب يا أخي انك لما تمسك القايمه دي ( و تفلّيها ) كده هتلاقيهم
كلهم متهمين بالقتل و الحرق و الخراب في مصر و سوريا و ليبيا و في أي مكان في العالم
ماعدا اسرائيل و بريطانيا و أمريكا !! , أه و عهد الله , مش هتلاقي واحد منهم راح جاهد
ضد الصهاينه مثلا أو اتسبب في قتل جندي صهيوني أو افتى بتفجيرهم أو ضرب عليهم حتى بمبه
من بمب العيد , إزاي الإرهابيين دول أقنعو خرفانهم إنهم بتوع ربنا و عايزين يحررو القدس
؟ و إن تحرير القدس بيبدأ بإنك تروح الكونجرس الأمريكي و تبوس جزمه الأمريكان أو تعيش
على قفا الحكومه البريطانيه و إن تحرير القدس بيبدأ بقتل الجنود المصريين و السوريين
؟ , و إن تحرير القدس بيبدأ من السنبلاوين و كفر صقر و حلب و دمشق و صنعاء و طرابلس
و بنغازي ؟
الإجابه عالسؤال
ده عند المجحوم حسن البنا , و عند بروتوكولات الجماعه الإرهابيه الصهيونيه و عند مبدأ
السمع و الطاعه و عند الوصف العبقري اللي بيتوصفو بيه , قطيع من الخرفان .
..................................................................................................................
.
.
ليست هناك تعليقات:
إرسال تعليق