Mohamed
Hussein
8
يونيو 2017·
ثم قال الشيخ العجوز
الشيطان , أه ممكن الواحد يفجر نفسه في أي تجمع بس مش من دماغه كده لازم يكون ده رأي
الجماعه و تخطيط الجماعه , و ممكن يقتل مدنيين عادي طالما الجماعه شايفه كده , ولو
عرف الشخص اللي بيفجر ده انه يحمي نفسه و يخرج منها سليم يبقى قشطه أوي .
.
الشيخ العجوز شايف
إن الإرهاب الجميل ده يحتاج بس رأي الجماعه , و مقالشي تفجر نفسك في تجمع للجنود الصهاينه
أو البريطانيين أو الأمريكان مثلا أو تجمع للمدنيين الصهاينه , لا و عهد الله ما قال
( ولا هيقول ) , و التفجير اللي يقصده في الجنود المصريين و السوريين , في الأقباط
المصريين , في المدنيين المصريين .
.
أقسم بعزه جلال
الله و احنا في شهر كريم مفترج و بقولها بنفس راضيه مطمئنة تماما , و انا خيالي واسع
لأقصى درجه , و ثقتي في رحمة ربنا ملهاش حدود و بعتقد انها ممكن تشمل أي حد , يعني
ممكن اتخيل ان ربنا سبحانه و تعالى في الأخره يعفو عن الجميع بما فيهم ابليس الرجيم
شخصيا , لكن عن يوسف القرضاوي لأ , و عزة جلال الله ما هيحصل , ده ديني اللي بفهمه
و دي قناعتي و إيماني التام .
.........................................................................................................................
Mohamed
Hussein
8
يونيو 2017·
..3
سنين تحت حكم السيسي ............... كشف حساب .
.
حصل ايه بقى ؟
- الأسعار زادت
؟ أه , زادت أوي ؟ أه , و الدولار ؟ أه , طب ليه ؟ ده اضطرار حتى التعويم كان اضطرار
, الاحتياطي النقدي اللي خرجنا بيه من 2011 مايسندشي دوله بحجم مصر في سنين مؤامره
( بما فيها المؤامره الاقتصاديه ) , مفيش اعمده اقتصاديه قويه تتسند عليها , و السياحه
سلعه هشه انضربت بطياره و ملايين العمال رجعو من ليبيا و الخليج , كان لازم لك خطوات
جريئه , و في نفس الوقت لا تنحني ولا تركع ولا دراعك يتلوي , ولا تاخد منحه من طويل
العمر الفلاني ولا العلاني يكون تمنها في النهايه انك تتنازل عن قناعاتك و ثوابتك و
أمنك القومي .
.
- 3 سنين وانت
بتمشي عالحبل , بتحارب الإرهاب في جبهات مفتوحه , و رافض تشارك في مهزلة حرق و تخريب
الدول العربيه و هدم جيوشها , المهزله اللي لو كنت شاركت فيها مكانشي يبقى عندك أزمه
اقتصاديه نهائي ولا أسعار تزيد ( و لا حتى طيارات تنضرب !! ) .
.
- كان ممكن تبقى
زي كلب تركيا كده , تشارك في القتل و الحرق و نهب البترول و الغاز و تبقى الدول العربيه
بالنسبالك غنيمه أو فريسه ( و تأكل مع الذئب و تبكي مع الراعي ).
.
- حتى الدول البتروليه
و رغم انها كانت من الحلف ( المتأمِر ) مش ( المتأمَر عليه ) إلا ان اقتصادها اتهز
و بأرقام مخيفه , ولولا احتياطي نقدي قد مصر عشرين تلاتين مره كان زمانهم بيشحتو على
باب السيده , مع إن محدش كان بيتأمر عليهم يا أخي , لما بقى أكبر و أخطر سر في كل أروقه
دول الخليج حاليا هو السؤال ده , انتو صرفتو كام بالظبط في خراب الشرق الأوسط ؟ كام
% من الاحتياطي النقدي ؟ كام مليار دولار ولا كام مية مليار ولا كام تريليون !! .
.
- 3 سنين و مصر
في الطوفان , كانت محصلتهم , دوله موحده و جيش قوي ترتيبه بيزيد كل سنه , و أمان في
الشارع , و أبواب مفتوحه لملايين العرب اللاجئين ( حتى مابنقولشي عليهم لاجئين ) ,
و تحديث تام للجيش المصري و مشاريع اتعملت ماتعملتشي في عشرين تلاتين سنه فاتو .
.
-3 سنين و راسنا
مرفوعه و إيدينا نضيفه , ماعليهاش نقطه دم واحده , قدام العالم كله و قدام التاريخ
, لدرجة إن أي مواطن عربي أو أي مواطن في العالم يكون منصف لو سألته مين الدوله في
الشرق الأوسط اللي في إيديها الحل و الربط لكل قضايا المنطقه هيقولك مصر , الدوله اللي
لعبتها بشرف و إيديها ماتوسختش .
......................................................................................................................
Mohamed
Hussein
7
يونيو 2017·
بوكسراتك تحمينا
و عش العصفوره يكفينا
.
تميم ابن موزه
قرر انه يستعين بالجيش اللي عساكره بيقلعو ملط و رئيسه بيستخبى في حمام سيدات , و أي
7 طيارين فيه ممكن يحتلو العاصمه بتاعة بلدهم في ساعتين زمن لو ضربت في دماغهم .
تميم هيعمل قاعده
للجيش التركي و يجيب الأغاوات بسلاحهم و فانلاتهم و بوكسراتهم و يتحمى و يتحامى بيهم
( و يتشعلق في دكة اللباس ).
.
تميم كمان هيجيب
ميليشيات الحرس الثوري الإيراني تحميه , و هيجيب عربي كونته و سيد كيتو و أم نحمده
بتاعة الكرشه و يوسف القرضاوي , و عندك عدد 2 قاعده عسكريه أمريكيه و اتنين حلبه حصى
على مايه بيضا , بس بس انا فهمت , تميم هيتحامى بالسنه و الشيعه و المسيحيين و اليهود
و البيزنطيين و المماليك و الفرنساويين , و كده هتبقى قطر أكبر حمّام عمومي في كوكب
الأرض , يعني مبوله عظمى , يارب القوات دي بس و هي خارجه ماتنساش تشد السيفون .
.....................................................................................................................
Mohamed
Hussein
7
يونيو 2017·
وزير الخارجيه
الإماراتي : صبرنا نفذ و على قطر تغيير سياساتها !! .
.
أهو انا شخصيا
مش مطمني و مريحني في التحالف الخليجي ده غير وجود الإمارات , و اعتقادي انها كان مغلوب
على امرها الفتره اللي فاتت و بالعه و ساكته و مستنيه الفرصه , ولاد زايد غير أي حد
تاني .
..............................................................................................................
Mohamed
Hussein
7
يونيو 2017·
لوي الحقايق و
شألبتها دي بقت عاده عند ولاد التيت بشقيهم , ولاد التيت الخرفان و ولاد التيت الكولجيه
.
.
مصر مرت بأصعب
ظروف اقتصاديه من سنتين , كانت أصعب من دلوأتي بكتير , و لو كنا عايزين فلوس ملهاش
أول من أخر و شيكات على بياض كنا شاركنا بجنود مصريين في الحرب ضد سوريا و ضد اليمن
.
.
ماهو انك تبقى
ابن تيت و قابل للبيع بدولار ( و يتعمل عليك حفله ب 5 جنيه مقطوعه ) فطبيعي جدا انك
تعمل اسقاط لحالتك دي على غيرك , و حتى على دولتك , الدوله اللي في عز الطوفان قلبت
الترابيزه على دماغ الكل و قالت دراعنا مابيتلويش و جنودنا مش للبيع و أمننا القومي
مش للمساومه , حتى لو هناكل قش .
...........................................................................................................................
Mohamed
Hussein
6
يونيو 2017·
أكبر خدعه في التاريخ
الحديث , الخدعه اللي عاش فيها أجيال و قطعان , الخدعه اللي اتعمل لها أغاني و أناشيد
و كوفيات و أوبريتات , الخدعه اللي خلت العربي يقتل العربي , و العربي يصرف على قتل
العربي , الخدعه اللي كلها شعارات رنانه و خطب عصماء , الخدعه اللي اسمها تحرير القدس
, اللي كان بيستغلها الحكام لكسب شعبيه زائفه , و بتستغلها الجماعات الإرهابيه لكسب
قطعان من المواشي يعيشو بمبدأ السمع و الطاعه , و في وسط الخدعه اتحرقت بلاد عربيه
و دول اختفت من عالخريطه و جيوش راحت في الوبا , و اتقتل و اتشرد ملايين العرب و مانضربشي
طلقه واحده على جندي صهيوني واحد , الخدعه اللي خربت مدن و خلت المنطقه كلها على صفيح
ساخن ( ما عدا تل أبيب ) .
.
الخدعه اللي ادارها
باقتدار و عبقريه الكيان الصهيوني ذات نفسه .
.
مش حقيقي ان كشك
قطر بشوية فلوس بس قدر يخرب الدنيا في سوريا و ليبيا , الفلوس لوحدها ماتسقطشي جيوش
, كان لازم لها سلاح من تركيا و غطاء امريكي صهيوني كامل , و لو سألت أي إرهابي بهلول
انت بتقتل و تخرب في ليبيا و سينا و سوريا ليه ؟ هيقولك عشان نحرر القدس !! ( شوفت
عبقريه الصهاينه وصلت البهاليل لحد فين ؟ ) .
.
مش حقيقي ان قناة
الخنزيره انتشرت في وقت من الأوقات و وصلت لأبعد مكان في الكون عشان فيها شوية موظفين
شايفين شغلهم , ده كلام عبيط و ساذج , ولا حقيقي ان يسري فوده كان بيروح يعمل حواراته
مع قادة طالبان في كهوف تورا بورا وقت الحرب لانه مراسل شاطر , كلمة شاطر هنا مايتردش
عليها غير بلفظ أبيح +18 .
.
مش حقيقي ان حماس
قدرت تحفر أنفاق بالعمق و الحجم و الطول ده في فترات زمنيه وجيزه و تهرب كمية السلاح
و الإرهابيين المدربين لمصر بدون دعم صهيوني , مش حقيقي أصلا ان حماس قدرت تحكم قطاع
غزه بدون مباركة من الصهاينه .
.
و تقولي تعرف إيه
عن العرب حاليا ؟ أقولك صفر عالشمال , أو أتب شايلينه على ضهرنا بدون داعي , لهم دينهم
و لي دين , انا مصري فرعوني و كفى بها نعمه .
..............................................................................................................
Mohamed
Hussein
6
يونيو 2017·
طب الخرفان هيقولو
ايه بقى عن التقارب القطري الإيراني و احتماء ابن موزه بالسفن الحربيه الإيرانيه ؟!
.
.
ولا حاجه يا مولانا
, هيرفعو علم طهران بكره الصبح زي مارفعو علم خليفة المثليين قبل كده , و مش بعيد يقولو
( و أشهد أن علياً ولي الله ) , يابني حاول تصدق , لقب خرفان ده مش بييجي الساهل كده
, دي تربية و رضاعه و جينات و برسيم و تبن على كيف كيفك .
.............................................................................................................
Mohamed
Hussein
6
يونيو 2017·
توكل كرمان : قطر
العظمى , الحبيبه قطر تدفع كلفة وقوفها مع الربيع العربي !! .
.
أه صح , الربيع
العربي اللي حول اليمن السعيد لليمن التعيس , اللي خلى اليمن يوصل لمرحلة المجاعه و
مايبقاش فيه مرتبات للموظفين , و ينتشر فيه أمراض اتلغت من كتاب الطب من 500 سنه ,
و بعدها السنيوره تسيب اليمن بتاع الربيع العربي و تروح تاخد الجنسيه التركيه و تتهشتك
على حجر الأمريكان و البريطانيين .
.
أهي توكل كرمان
دي أكبر دليل حي هي و البرادعي إن جايزة نوبل للسلام مؤاخرا بقت عباره عن بيبي دول
بتلبّسه أمريكا لأي خاين عربي , المهم المقاس يكون مظبوط , و لما تلبس البيبي دول يا
مولانا هتشوف الخراب ربيع و الإرهاب عنف متبادل و الكشك دوله عظمي , أه وعهد الله
.
.
عبد الرحمن القرضاوي
: قطر تدفع ثمن وقوفها جنب الربيع العربي و دعمها للمقاومه الفلسطينيه !!
هع هع هع , و النبي
حلوه , ياختي حلوه , نفس البؤين بالظبط , و حلوة بجد حكاية المقاومه الفلسطينيه دي
, إلا ماشوفنا طلقه من رصاصه من حماس ناحية الصهاينه اخر كام سنه ولا طرطشو عليهم مايه
حتى , و حلوه ان الكشك اللي محمي بقاعده أمريكيه يكون بيدعم المقاومه الفلسطينيه ,
و حلوه حكاية الربيع العربي يابن مفتي الناتو , بس عموما أبشرك , انت أكيد هيتم ترشيحك
لجايزة نوبل للسلام في الفتره الجايه , استعد بقى للبيبي دول , و النبي هياكل منك حته
.
......................................................................................................................
Mohamed
Hussein
5
يونيو 2017·
تميم ده بقى لو
بيفهم يعمل كشك تاني بسرعه و يضيف عليه كل القطريين عشان لو الكشك الأولاني اتقفل بسبب
الحظر يبقى عنده التاني جاهز , و يسميه كشك قطر 2 ( الكشك البديل )
........................................................................................................................
Mohamed
Hussein
5
يونيو 2017·
مصر و السعوديه
و الإمارات و البحرين و ليبيا و اليمن , قطعو العلاقات الدبلوماسيه مع الكشك بتاع الشاذ
ابن موزه , وقف حركة الطيران , طرد السفير , غلق المنافذ البريه .
.
مانا قولت من زمان
, مسير اللامؤاخذه تجيبه اللامؤاخذه بتاعته , و اهي جابته لحد عندنا .
.
الجميل في الموضوع
ايه بقى ؟ خدو الجميل أهو
- أولا السياسات
الدوليه مش بتمشي بطريقة ( هوبا هيصا ) ولا أوعى ايدك كده ملخت الكم , كله بأوان يا
مولانا , من سنتين و طياراتنا بتطلع في سماء ليبيا لأهداف استراتيجيه , كان اسمها الطائرات
المجهوله , لحد ما ييجي الأوان و يبقى اسمها الطيران المصري , طب ايه هو الأوان ؟ الأوان
هو انك تستف أمورك عند المجتمع الدولي , مجلس الأمن و الأمم المتحده , تجبرهم يتبنو
خطابك في حربك ضد الإرهاب , حتى لو كان مجتمع دولي ابن تيت , بس انت بتعرف تجبرهم
, ده شغل المؤسسات السياديه و وزارة الخارجيه و خطابات السيسي المتكرره و جملته الشهيره
( احنا بنحارب الإرهاب نيابة عن العالم ) !!.
.
- والجميل كمان
إنك لما قطعت علاقتك بكشك الإرهاب قلتها صريحه , لنا عندكو 300 ألف مصري بيشتغلو ,
مستعدين لاستقبالهم , معندناش مشكله خالص , الأرقام بنقولها في الوش , محدش كاسر عنينا
.
.
- الجميل انك تصبر
على كشك الإرهاب لحد ما امريكا ترفع الغطاء عنها ( و تبقى كارت محروق للأمريكان ) و
لحد مالخليج هو كمان يرفع الغطاء و الدعم , مكانشي ينفع نقطع علاقتنا بدول الخليج مجتمعه
و نصطدم بامريكا صدام مباشر .
.
- خدو بقى أجمل
حاجه , قناة الخنزيره بخوا*اتها , و شرا*يطها , مش هيلاقو أكل عيش بعد ماقنواتهم تتمنع
عندنا و في الخليج , و بالتالي وجود الخرفان في قطر مش هيبقى له أي لازمه , يروحو فين
بقى ؟ يروحو عند أردوغان خليفة المثليين ؟ بس أردوغان ماشي يتلفت حوالين نفسه , و أكيد
خايف من مصير قطر , طب كده خلاص مفيش قدامهم حل غير امريكا و بريطانيا ( الدولة اللي
أنشأت الكيان الصهيوني و الدوله اللي بترعاه ) و قدامهم دولتين كمان , نقولهم بصراحه
كده , إيران و اسرائيل , طب الخرفان هتروح ايران و تقول ايه بعد ماعملو مولد لما مرسي
البهلول ترضّى عن الصحابه هناك ؟ طب يروحو تل أبيب إزاي ؟ يا جحش أفهم بقى , مسير البايره
لبيت أبوها .
.
- أما الأجمل و
الاجمل على الإطلاق , إن الكلام ده كله يحصل يوم 10 رمضان , داحنا كده جبنا جون بكعب
رجلنا من نص الملعب .
..................................................................................................................
Mohamed
Hussein
5
يونيو 2017·
يمكن تحصل المعجزه
و البهايم تفهم في يوم من الأيام , إن الفلوس اللي اتصرفت على خراب الشرق الأوسط في
الكام سنه اللي فاتو , تعادل مثلا أكتر من عشر أضعاف الإحتياطي النقدي لدوله بحجم مصر
, أه عشر أضعاف على الأقل , نقطه و من أول العقل .
.......................................................................................................................
Mohamed
Hussein
4
يونيو 2017·
عزيزي و ابن عمي
المواطن السوداني الشقيق
.
بعد التحيه , كل
سنه و انت طيب يا زول
- بص بقى يا سيدي
, صلي عالنبي عليه الصلاة و السلام
.
بقى أسخف نكته
ممكن نسمعها في 2017 هي حكاية تجييش الجيوش السودانيه لمحاربة الجيش المصري و احتلال
منطقه معرفشي ايه , النكته دي ممكن تضحّك أفريقيا من أولها لأخره بشمالها و جنوبها
و شرقها و غربها و حشائش السافانا و قبائل الكوتوموتو .
.
بقي يا مولانا
لما بنلعن جدود أبو عمر البشير و حكومته الضاني ف ده والله خوف و رعب على مستقبل السودان
الشقيق مش أكتر , ماينفعشي دوله بحجم السودان و شعب بحجم شعبها يتحولو لمجرد سلسله
مفاتيح في إيد عيل ( خو* ) بيحكم كشك عالخليج , ماينفعشي يعني عيب .
.
ماينفعشي الشعب
السوداني الشقيق يسيب أرضه تتقسم نصين و هتتقسم تاني ببركة العيل ال (خو* ) و ببركة
حكومة ضاني كل همها انها عشان ترضي العيل ال ( خو* ) تطلع كل يوم بتصريح عبيط , مره
أهرامتنا أقدم , مره حضارتنا معرفشي ايه , مره حلايب و شلاتين , مره اصل مصر بتدعم
الفصائل المتمرده , يا بني كل ده هجص لا هيصغر مصر ولا هيكبركو , ولا احنا فاضيين للهري
ده .
.
مصر اللي هي احنا
من مصلحتها ان السودان لا تتقسم ولا يبقى فيها تمرد , عشان ده أمننا القومي , ولا كنا
في يوم من الأيام بندعم متمردين و لا يلزمنا , و بالنسبه لحكاية سد النهضه و ماية النيل
ف دي تحديدا أمن قومي و تحتها مليون خط أحمر , يعني انا كمواطن مصري مش قلقان , و عارف
ان عندنا ألف خطه للتعامل , و مفهاش هزار .
.
عزيزي و ابن عمي
المواطن السوداني الشقيق , والله العظيم الشعب السوداني على راسنا كلنا , يارب تفوقو
بس من الغيبوبه و تصحو من النوم , و تلحقو أي حاجه من بلدكو اللي بقت بتتقسم أكتر ما
بتستحمى , أما بقى حكاية تجييش الجيوش فياريت عشان خاطر ربنا و سيدنا النبي تبطلو تضحّكو
حشائش السافانا عليكو , يابني جيش مصر بيلعب في الليفل بتاع فرنسا و ألمانيا و تركيا
و اسرائيل و ايران , مش بيعلب في دوري الشركات !! .
............................................................................................................................
Mohamed
Hussein
4
يونيو 2017·
بص يا عم الحاج
, انت تجيب الواد حماده ابنك و تفضل تدّيله دروس في الثانويه العامه , كل ماده عند
اتنين تلاته مدرسين , الربع درجه بيفرق , و تزغطه المعلومه زي ما بنزغط دكر البط عندنا
في البلد , و قبل الإمتحان بشهرين مراجعات بقى مراجعات , و تبيع شبكة مراتك و قيراطين
الأرض اللي حيلتك عشان تصرف عالدروس و تحلق لحماده زيرو و تعمله معسكر مغلق , ممنوع
الزيارات و التليفونات و النت , و قبل الإمتحان بكام ساعه تدور على أي حد أو أي صفحه
تكون بتسرب الإمتحانات و تنادي على حماده و تقوله الامتحان أهو يا حماده , غش بقى حلو
, ربنا يوفقك يابني , غشيت يا حماده ؟ و اتزغطت زي دكر البط ؟ , امتحن بقى , خلي بالك
الربع درجه بتفرق , و ينجح حماده بالتزغيط و الغش و يجيب مجموع كبير و يدخل طب و صيدله
و هندسه و يبقى مهندس فاشل و طبيب فاشل زي ألاف الفشله اللي بنقابلهم في حياتنا .
.
و تسأل حماده اللي
بقى عنده 30 سنه هي ثورة عرابي مين اللي قام بيها ؟ مايعرفش , طب ثورة 52 كانت سنة
كام مايعرفش , طب مساحة مصر قد ايه ؟ طب تاريخها كام سنه ؟ طب عدد الكواكب في المجموعه
الشمسيه كام كوكب ؟ الأرض أكبر ولا القمر ؟ ليه بنقف على كرسي خشب واحنا بنركب حاجه
في الكهربا , هي المايه بتوصّل كهربا ؟ بتوصلها ليه المفروض ماتوصلهاش , يعني لو إيدينا
مبلوله نلعب في الكهربا ولا مانلعبش , بني سويف دي وجه بحري ولا قبلي ؟ القيراط فيه
كام متر ؟ , اه بروكسل دي عاصمه النمسا و عملتها الدينار الكويتي , عاصمه جميله و بنت
حلال وعندها غمازات , ربنا يوفقها و يوفقك يا حماده .
.......................................................................................................
Mohamed
Hussein
4
يونيو 2017·
لندن و أدب لندن
.
للمره المعرفشي
كام , عملية طعن في مطعم قرب جسر لندن و اطلاق نار على الجسر , سقوط قتلى و جرحى .
.
طول عمري بقول
إن الجسور الثابته بتمثل ثغره أمنيه , و الجسور المتحركه هي الحل , يعني تبقى ماشي
بالعربيه و الجسر يمشي معاك لحد مايوصلك البيت بالسلامه ( لحد أوضة النوم ) , و المفروض
بريطانيا تبيع الطيارات و الصواريخ و القنابل النوويه اللي عندها و تشتري بتمنها جسور
متحركه و مطاعم خاليه من السكاكين و الكذالك و تشتري بالباقي برطمانات كوله و لبان
دكر .
.............................................................................................................
Mohamed
Hussein
4
يونيو 2017·
تميم و أمه و أبوه
إلى زوال , المؤشرات بتقول كده , بس ده معناه إن أمريكا رفعت إيديها عن الصبي بتاعها
بعد ما بقى كارت محروق و مفضوح , يعني دور الكارت ده انتهي , و حلف الشيطان هيدور على
كارت جديد و خاين جديد من وسطينا برضه .
.
الأصل في الحدوته
دي اننا نفهم أصول اللعبه , هما قاعدتين مفيش غيرهم , أولا حلف الشيطان مش بيبيع سبح
( و لا الحدايه بترمي كتاكيت ) , ثانيا حلف الشيطان عمره ما يقدر يحط رجله عندنا إلا
بوجود خاين عربي , واحد على الأقل .
.
لو فهمنا يبقى
امتلكنا أكتر من 50 % من سلاحنا في مواجهة المؤامره , احنا مش محتاجين ألاف الطائرات
و الصواريخ عشان نحمي نفسنا كوطن عربي بائس , احنا محتاجين نفهم و بس , محتاجين محدش
يركبنا , محتاجين نشاور عالخاين بوضوح و نقوله انت خاين وابن كلب , مش نعمل منه زعيم
و بطل قومي , يا أمةً ضحكت من جهلها الأمم , أه و الله , كل الأمم حتى الأمم اللي في
الأدغال , اللي لسه بينامو وسط المعيز و بيغطو عورتهم بورقة توت .
..........................................................................................................................
Mohamed
Hussein
3
يونيو 2017·
في ليبيا , الحدود
الغربيه لمصر بطول أكتر من ألف كيلو , ليبيا بالنسبه لمصر هي الأمن القومي رقم واحد
حاليا , ماينفعشي مصر تُحاصر من كل جهه بعصابه إخوانجيه حاكمه زي ماحاصل في الشمال
الشرقي و في الجنوب ده غير الكيان الصهيوني كمان , و بالمناسبه مفيش حاجه اسمها اخوانجي
تاب أو اخوانجي تراجع او اخوانجي انشق , او اخوانجي عمل مراجعه فكريه , فكريه ذات نفسها
ممكن تحلف لك طلاق بالتلاته إنهم مابيتوبوش .
.
ليبيا بالنسبالنا
مسألة حياه أو موت , مطلوب ايه في ليبيا ؟ مطلوب دوله نظاميه لها جيش قوي يقدر يسيطر
على ربوع البلاد , و لها رئيس ليبي وطني محترم ( مش خروف ضاني ) .
.
طب احنا ك مصر
عشان نوصل للنقطه دي في ليبيا , لعودة مفهوم الدوله و السياده و الجيش و الوحده و السيطره
, مستعدين نعمل ايه بقى ؟ مستعدين نعمل كل حاجه , كل حاجه كل حاجه ؟ أه كل حاجه كل
حاجه , من أقصى إلى أقصى , طلعات جويه , قوات كومنادوز و صاعقه , رجال مخابرات , أسلحه
و خطط عسكريه و دعم كامل للجيش الليبي , و مستعدين نصحي من النوم في يوم من الأيام
نلاقي الفرقه التانيه في الجيش المصري واقفه على حدود تونس .
.
بنشتري الرافال
ليه بقى ؟ و يعني إيه أمن قومي ؟ طب يعني هي مصر ماتتحكمشي من على قهوه من قهاوي وسط
البلد ؟ أي عيلين تلاته قاعدين بيشربو سحلب و بيلعبو دور كوتشينه يقومو يحكمو مصر بالمره
؟ طب هو الواحد لما يطول شعره و يعمله ضفيره و يلبس سلسله و حظاظه و يعرف يقول عسكر
و فاشيه مايبقاش حد جميل و عميق و سابقنا بمليون فدان ؟ لا والله سيادتك ده يبقى حد
عبيط أو حد خاين ابن كلب , أو كلاهما معا .
...............................................................................................................
Mohamed
Hussein
2
يونيو 2017·
حازم عبد العظيم
: يا ترى تمن طياره واحده رافال كان ممكن يوصّل مايه لكام مليون واحد من الغلابه
!! .
.
بص يا أستاذ حازم
عبعظيم , طياره واحده رافال كنا بتمنها وصّلنا مايه لناس كتير أوي , صفقات التسليح
اللي عملناها كلها في أخر 3 سنين لتحديث الجيش المصري كانت كافيه اننا نوصّل مايه و
نور و بيبسي و كوكاكولا و مارشميللو لكل بيت في مصر , الدبابات و الرادارات و الطيارات
و الصواريخ اللي موجودين في جيش مصر و اللي مخلياه من أقوى جيوش العالم لو بعناها لوكشه
واحده كده بتمنها نقدر نعمل جاكوزي و ساونا و DVD
و بناطيل ستريتش و ساندوتشات حلاوة بالقشطه و نجف كريستال عصفور في
كل بيت فيكي يا بلد , ونفطر سيمون فيميه و نتغدا سيمون فيميه و العشا بقى يبقى سيمون
فيميه و نجيب صوفيا لورين تبات معانا حد وتلات و خميس و كيم كارديشان بقية أيام الأسبوع
, يعني بالظبط بالظبط نوصل لمرحلة الرفاهيه و العيشه اللوكشورياس اللي عايشها أشقائنا
في مخيمات اللاجئين !!
.
أستاذ حازم عبد
العظيم , هي أمك , يعني الحاجه والدتك , عارفه انت بتشتغل ايه بالظبط ؟ ولا انت لسّه
مخبي عليها و قايل لها انك بتنزل كل يوم في نصاص الليالي لأنك بتشتغل ممرضه ؟! .
.................................................................................................................
ليست هناك تعليقات:
إرسال تعليق