Mohamed
Hussein
6
يونيو 2017·
الأردن و المغرب
و موريتانيا انضمو للدول العربيه اللي قاطعت قطر بدرجات متفاوته .
.
تونس صعب جدا تنضم
عشان الإخوان سيطرو على مفاصل الدوله التونسيه أخر كام سنه , و السودان طبعا مستحيل
تحت حكم عمر البشير , و حركة حماس دي بقى حماده بالجنزبيل , الحاله الوحيده اللي تنضم
فيها حركة حماس للتحالف العربي ده هي انها تضرب بمبه من بمب العيد على اسرائيل فتقوم
البمبه دي تيجي في الصحرا و تصيب سحليه بريه صهيونيه بنوع من الإسهال ( كالعاده يعني ) , تقوم اسرائيل
طالعه بطياراتها و ضاربه قطاع غزه ( كالعاده برضه ) , يقوم أشاوس حماس يقعدو في قصورهم و يفردو حجرهم و يستنو شيكات إعادة الإعمار , لو
لقو بقى ان الشيكات السعوديه و الإماراتيه أكبر من الشيك القطري هينضمو للمقاطعه فورا , يابني القضيه الفلسطينيه دي سبوبه , و عهد
الله أحلى سبوبه , و مش بعيد تكون اسرائيل بتقسم معاهم في شيكات إعادة الإعمار , يعني
أبو قسم و توتو على كبوتو .
ليست هناك تعليقات:
إرسال تعليق