Mohamed
Hussein
31
مايو 2017·
الحمد لله , عدد
الأصدقاء و الفولورز داخلين على 24 ألف .
بالكو بقى انا
لو كنت استمريت في شم الكوله زي ماكنت في 2011 ؟ ( أيام ماكنت قاعد في قعر البرطمان
) كان زمان العدد ده بقى مضروب في عشره عالأقل , يابني اسمع كلامي و صدقني , شم الكوله
ده له شمخه حلوه , و الزباين بتوع شم الكوله بيتحركو بنظام القطيع زي الخرفان بالظبط
, يعني صندوق مقفول كامل العدد , و الحدوته كانت سهله أوي , أقول اعتقال و معتقل و
اغتيال و عسكر و فاشيه و زلم , و أقول مصر فيها اعلى نسبه سرطان في العالم و احنا خارج
تصنيف الدول في التعليم و عندنا أكتر ناس في العالم عندهم انكلستوما و المايه مليانه
طحالب و فطريات و بلهاريسيا , و نهر النيل هينشف لا ده نشف خلاص , و التماسيح بتنزل
من الحنفيه و الديناصورات ظهرت في شوارع مدينة نصر , و احنا كلنا عايمين تحت خط الفقر
و بنغرق يا فخري , و اشوف لي أي موقع الكتروني في بير سلم يشتم في مصر واخد أخباري
منه , و من قناة الخنزيره و من صفحة أم نحمده بتاعة الكرشه .
.
و طبعا صوره وانا
فاتح زراير القميص و مبين شعر صدري فشر الأستاذ تامر حسني , و صوره للكوفر وانا نايم
قدام دبابه ( على اعتبار انها دبابة الصهاينه مش دبابة جيش بلدي ) , و صوره للبروفايل
وانا راكن دماغي على صباعين من ايدي قال يعني بفكر و عميق و كده .
.
أصعب حاجه في الدنيا
انك تخاطب عقول البني أدمين , انك في زمن الطوفان ده تتكلم بعقل و منطق و أبجديات و
يكون لك جوز عيون تشوف بيهم الدنيا حواليك , أصعب حاجه في الدنيا انك تلاقي البيوت
بتخرب حواليك تقوم انت ساند ضهرك على حيطان بيتك و تقعد ليل و نهار تهش في الديابه
و و الحمير و كلاب السكك , الأسهل بكتير انك تشتغل معاهم و تنضم لهم , و هوووب تتشهر
يا معلم و تبقى أشهر من مؤخرة كيم كارديشان.
...................................................................................................................
Mohamed
Hussein
30
مايو 2017·
في كتير من أفراحنا
و حفلاتنا , بتحصل حاجه غريبه مش لاقي لها تفسير ولا منطق , او حاجتين بمعنى أصح ,
الأولى ضرب النار و الصواريخ , والتانيه عمل دواير و خمسات بالعربيات بأقصى سرعه و
في شوارع كبيره , الأولى بتتسبب أحيانا كتير في موت ناس برصاصه طايشه , و الصاروخ شوفته
بعيني بيحرق فستان عروسه في الشارع , و الخمسات بالعربيات ممكن ترشق في أي حد أو أي
عربيه جايه , مش لاقي مبرر للتهور ده في التعبير عن فرحتنا .
.
اللي حصل بقى ان
طفل كان واقف في مكان قريب من حفلة خطوبه مات بسبب طلقه طايشه من اللي قولت عليهم
, ربنا يرحمه و يصبر أهله , انما مامة الطفل بتشتغل ناشطه حقوقيه , ياعم ماقولنا ربنا
يرحمه و يصبر أهله .
.
واللي حصل برضه
ان الطفل اللي مات بالغلط ده ربنا يرحمه و يصبر أهله ( للمره التالته ) , العيال بقى
الصيع شمامين الكوله قلبو الحكايه , و إن الطفل ده اتقتل عشان أمه ناشطه حقوقيه ( مع
ان اللي قتله بالغلط اتقبض عليه و بيتحقق معاه ) , حليب قلبي من جوه والله , يعني المخابرات
و الأمن الوطني و رئاسة الجمهوريه عملو حفلة خطوبه و فرح و جابو عريس و عروسه و طبعو
كروت فرح و بلّو الشربات و ظبّطو الدي جي , و جابو عيال متهورين يضربو نار زي ما بيحصل
في أفراحنا بس المرادي عشان يقتلو الطفل اللي عمره 13 سنه ده !! .
.
طب مين اللي عقليته
و المينتاليتي بتاعته تقول كده ؟ أكيد مثلا بياع بليله أو سايس في جراج أو عيل ساقط
ابتدائيه !! , لا و الله سيادتك ده باحث في وكالة لامؤاخذه ناسا و بيعمل فريق لامؤاخذه
رئاسي عشان يحكم مصر بجلالة قدرها .
.
عزيزي الدكتور
عصام حجي , بقى القتل برصاصه طايشه في فرح اسمه اغتيال ؟ و يا ترى الرصاصه الطايشه
الجايه لمين ؟! أقسم بالله , مش لاقي لك أي مبرر غير إنك تكون بتكتب تويتاتك و بوستاتك
وانت قالع البنطلون و قاعد على رجل خواجه أمريكاني بيهشتكك و يدلعك , و غالبا كده مامتك
عارفه .
.................................................................................................................
Mohamed
Hussein
30
مايو 2017·
سيرجي لافروف وزير
الخارجيه الروسي : اللي قتلو معمر القذافي شخصيات من خارج ليبيا و بعد ما قتلوه رجعو
أوروبا تاني , و أخدو جنسيات أوروبيه !! .
.
يا جدع عيب ماتقولشي
كده عالثوار المناضلين بتوع الربيع اللامؤاخذه العربي , تلاقي حد كرمش لك 20 روبل عشان
تقول الكلمتين دول .
.........................................................................................................
Mohamed
Hussein
29
مايو 2017·
ال 10 طلاب الأوائل
على الثانويه العامه في الكويت عباره عن 9 طلاب مصريين و طالب سوري !! أه و عهد الله
, بس على فكره احنا فاشلين و أغبيا و بنتأسس غلط و خارج الترتيب العالمي للدول في التعليم
و مابنفهمش أي حاجه .
اكتب كأنك كولجي
قد الدنيا .
....................................................................................................................
Mohamed
Hussein
29
مايو 2017·
حكاية كشك
.
كشك عالخليج ,
أول واحد بيصحى من النوم بيحكمه , و لو اللي بيحكمه دخل الحمام و كان الحمام ده له
باب بيتقفل عليه الباب من بره , و اللي قفل الباب يكسب قصدي يحكم ,
الكشك ظهر تحت
منه شوية غاز , قالو للي بيحكم الكشك الغاز هيجيب لك فلوس كتير , نفسك في ايه ؟ قال
لهم نفسي أطلع ترخيص من البلديه و ابقي كشك محترم و مرخص حتى لو مجرد كشك صغير , قالو
له يا عبيط ترخيص ايه و كشك ايه , احلم بحاجه كبيره , كبيره أوي .
.
قال لهم طب خلاص
نفسي أكبر و أكبر و أكبر و أبقى قد الجبل العملاق اللي هناك ده , قالو له أيوه كده
, اهي دي الأحلام ولا بلاش , قال لهم هو ممكن ؟ قالو له طبعا ممكن , دانت معاك فلوس
كتير أوي , قال لهم و الفلوس الكتير ازاي تحولني من كشك لجبل عملاق عمره 7 الاف سنه
؟ , قالو له اسمع كلامنا احنا بس و خليك ماشي ورانا , انت تلم الإرهابيين و الصيع عندك
جوه الكشك , وتقعد تعلفهم و تفتح لهم أزايز بيبس , و تجيب عيلين تلاته صوتهم عالي و
تقعدو تشتمو في الجبل الكبير الضخم ليل و نهار , و عيلين تلاته من الارهابيين اللي
بتعلفهم و تفتح لهم بيبس تقول لهم يروحو يفجرو أي صخره في الجبل الضخم يمكن الجبل يتهز
, و في نفس اللحظه انت كمان هتكبر , كل يوم بقى تقف قدام المرايه انت و الكشك بتاعك
و تبص للكشك كويس في المرايه , هتلاقيه كبر بتاع 7 سم , جالك كلامي ؟! أهو الكشك بتاعك
كبر 7 سم .
استمر بقى و اوعى
تيأس , دي سكة السبعتلاف سنه بتبدأ ب 7 سم .
.............................................................................................................
Mohamed
Hussein
28
مايو 2017·
اللعب مع الكبار
.
روسيا هتبعت وزير
الخارجيه و وزير الدفاع بتوعها عشان يقابلو سامح شكري و صدقي صبحي , الحدوته دي اسمها
مباحثات 2+2 ( اتنين خارجيه و اتنين دفاع )
.
روسيا بتعمل مباحثات
2+2 مع 6 دول بس في العالم , امريكا و فرنسا وبريطانيا و ايطاليا و اليابان و مصر
,
.
طب ليه مصر ؟ داحنا
معندناش احتياطي نقدي فيه تريليون دولار مثلا و لا عندنا دفتر شيكات و لا عضو في حلف
الناتو , و بنكح تراب ؟ أه صح معندناش و بنكح تراب , بس احنا مصر , عندنا إسم مصر و
جيشها و تاريخها و موقعها الجغرافي , العمدان الأربعه اللي بيقولو انك لازم تبقى الكبير
, ماينفعشي تبقى الصغير .
.
و على فكره طيران
المجهوله اللذيذ ده اللي وصل لجنوب ليبيا إمبارح , ماعتقدشي ان الحكايه بقت ضرب لمعسكرات
الإرهابيين عشان نحمي الأمن القومي بتاعنا و بس , اعتقد ان مصر حاليا ( و بمباركة الجيش
الليبي ) بتشارك في عملية تحرير ليبيا من المناطق اللي بيسيطر عليها الإرهابيين , و
بنعمل طلعاتنا الجويه قدام العالم كله , لو شاطر أيا مايكون اسمك اطلع عالهوا كده و
قول للعالم احنا مش عايزين مصر تضرب معسكرات الارهابيين في ليبيا , لو دكر اطلع و قولها
.
.
و على فكره برضه
, احنا في ليبيا مش بنحارب شوية بهاليل بدقون و حاطين السواك في جيب السياله و مستنيين
حور العين و معاهم شوية بنادق كلاشينكوف موديل 78 , يعني لو كنت بتشرب سيجاره في البلكونه
بقالك 7 سنين احب اقولك ان الارهاب اللي بنحاربه في ليبيا ( و في سينا ) عباره عن مليارات
قطر بنت الوسخه و مخابرات تركيا و أسلحتها و عناصر من دول كتير مدربه على استخدام السلاح
في معسكرات تدريب عند حبيبك الزول اللي أكيد ركبه بتخبّط عالجيران حاليا .
...........................................................................................................
Mohamed
Hussein
28
مايو 2017·
خطاب السيسي امبارح
قدام العالم كله مكانشي بيعني منه بس ضرب مواقع الإرهابيين في ليبيا , إنما ستّفنا
امورنا في مجلس الأمن و الإتحاد الأوروبي , و قولنا للكل احنا بنحارب الإرهاب و هنحافظ
على امننا القومي أيا ما يكون التمن , يعني هنزمّر و مش هنخبّي دقننا , و مع تحديث
قاعدة أسوان الجويه يبقى الخطاب بيقول إن طياراتنا العسكريه مستعده للتحرك دفاعا عن
الأمن القومي المصري في أي اتجاه , اه والله في أي اتجاه يا زول .
ماحنا بقالنا
3 سنين بنقول لو سمحت و بليز , لو سمحت ماتمشيش ورا عيل شاذ بيحكم كشك عالخليج , بليز
ماتلمش الإرهابيين عندك و تعمل لهم معسكرات , لو سمحت أمننا القومي مش لعبه , بليز
راعي الجيره و العلاقات التاريخيه بين الشعبين , ولا حياة لمن تنادي , بس كده خلاص
خلصنا مرحلة لو سمحت و بليز , و دخلنا في مرحلة تحب تاخد فين ؟.
................................................................................................................
Mohamed
Hussein
27
مايو 2017·
المسيحيين في مصر
دول مخلوقات عجيبه والله , أعجب مخلوقات الله , لو حصل موقف أو حادثه زي بتاعة امبارح
تلاقيهم ينفعلو جدا و يهيجو و يقولو كلام كتير و كبير و تاني يوم تلاقي مفيش , بيقولو
تحيا مصر .
.
الحكايه دي مش
جبن ولا خوف ولا هطل , الحكايه دي جينات و هويه و لها منطق , أول يوم في الموقف بيعبّرو
عن غضبهم و خوفهم على أولادهم و ده شعور طبيعي جدا ( و معذورين ) , و تاني يوم بيبقى
حبهم لبلدهم اللي غالب , بيخافو حتى من فكرة إن انفعالهم يكون فيه تأثير على بلدهم
حتى لو بشكل غير مباشر .
.
مش هبالغ ولا هبقى
بقول كلام مرسل لو قلت إن قناعتي التامه , إن المسيحيين في مصر مش مجرد شريحة من المجتمع
المصري , لا دول رمانة الميزان بتاعة مصر , عشان كده انا شخصيا مستعد تماما و مرحب
بفكرة إن مليون خروف مصري ضاني يهاجرو ( و يريحونا من شرهم ) و معاهم مليون كولجي مصري
و يبقى عددنا 92 مليون بدل 94 , مفيش أي خلل هيحصل في المجتمع بهجرتهم ولا شعره هتتهز
من شعر مصر السايح , إنما يرعبني مثلا لو لقيت اتنين تلاته من أصدقائي المسيحيين بيفكرو
مجرد تفكير في الهجره .
.......................................................................................................................
Mohamed
Hussein
27
مايو 2017·
كتاب التاريخ
.
أهداف كتير كانت
في أجندة حلف الشيطان و قوى الشر لما قررو هدم الدول العربيه ب إيد ( الخونه من أبنائها
) و بفلوس ( الخونه من أشقائها ) , كان من ضمن الأهداف الرئيسيه هدم الجيوش و تدمير
الإقتصاد و البنيه التحتيه , و ضرب الأسره العربيه الواحده في مقتل , و أهداف اقتصاديه
زي سرقة بترول و فتح خطوط غاز وبيع سلاح , إنما كان من ضمن الاهداف كمان كتاب التاريخ
, تاريخ الدول , و الحقيقه اختيار دول زي العراق و سوريا و اليمن مكانشي صدفه , دي
الدول الحضاريه التلاته اللي حضارتها بتمتد لألاف السنين , و اللي بتوازي إلى حد كبير
الحضاره المصريه القديمه , و بالتالي مصر في الأجنده كانت الدوله رقم 4 أو رقم 1 ,
و بنفس الاهداف , تدمير الجيش و البنيه التحتيه , و هدم أو طمس التاريخ المصري و الهويه
المصريه .
.
لو مش مصدقني اخطف
رجلك لحد سوريا و العراق , وشوف أثارهم الحضاريه قبل و بعد , شوف باقي منها ايه ؟ ايه
كان موجود و اتهدم ؟ و ايه كان موجود و اتنهب , و لو مش مصدق اسأل نفسك سؤال , هما
الغزاه قصدي الحلف الأمريكي الإسلامي الجميل و الإرهابيين قصدي الفصيل الكيوت كانو
بيستفيدو ايه لما يهدمو أثار في الدول دي أو ينهبوها ؟ هل فيه تار بايت بينهم و بين
الأثار دي ؟ هل الأثار دي قتلت لهم حد من عيالهم مثلا ؟!! لقيت الإجابه ؟
لحد مايوصلو في
يوم انهم لما يجيبو سيرة الحضارات السوريه و العراقيه يتقال كان فيه هنا أثر لهم أو
ثر عليهم , بس راح , راح امتى الأثر ده اللي استمر الاف السنين ؟ راح في زلزال عنيف
ضرب كوكب الأرض مثلا ؟ لا أبدا , والله سيادتك راح في هوجة الديموقراطيه الأمريكاني
أو راح في هوجة الربيع اللامؤاخذه العربي , المهم انه راح .
.
يمكن لما الناس
تقرا السطرين اللي فوق يعرفو أهمية كتاب التاريخ بتاعنا , أهمية الأثار الحضاريه اللي
عندنا , يعرفو ان فيه دول و دويلات مستعده تدفع عشرات المليارات عشان تخترع لنفسها
حضاره وهميه حتى لو كانت 1 على ألف من حضارتك , ولو ماقدرتش تخترع لها حضاره فالحل
البديل انها تخفي حضارتك من الوجود أو تشوهها , و يبقى تاريخك و حضارتك مجرد شوية مقالات
على جوجل و ويكيبيديا , و جوجل و ويكيبيديا بتوعنا , يعني الدفاتر دفاترنا و الورق
ورقنا , نخفي أثارك من الوجود و بعدها نقعد في ساعة عصاري نكتب لك تاريخ لبلدك و لرموزها
على مزاجنا و بإيدينا , تاريخ عنب يخليك تكره نفسك و بلدك و إسمها , عندنا اسلوب حلو
محترف , بنعرف نلعب بالألفاظ , و بنعتمد على الذاكره الضعيفه و بنعتمد كمان عالحمير
اللي ربيناهم بطريقتنا , واللي فهّمناهم تماما ان تاريخ بلدكو مكتوب غلط و كله أفوره
, لا فيه مجد ولا نصر ولا رموز ولا ناس وطنيه , التاريخ الصح بقى ( اللي كله خيانه
و هزيمة و فشل و قذاره ) هنبقى نكتبهولكو في ساعة عصاري , قولو برافو يا ولاد عشان
أقول عليكو مثقفين و تحملو شعلة النور و طوق النجاه في بحر اللامؤاخذه الظلمات .
..............................................................................................................
Mohamed
Hussein
27
مايو 2017·
مثل صيني بيقول
: عندما يزداد العواء من حولك فاعلم أنك أوجعت الكلاب .
طالما قناة الخنزيره
جابت الإرهابيين الصيع بتوع درنه و قعدو يولولو و يقولو الطيران المصري ضرب مناطق مأهوله
بالسكان , يبقى نسور الجو بتوعنا نفخو ميتين أبوهم .
.
أصدقائي الأعزاء
, ترامب رد على خطاب السيسي وقال نقف بجانب الرئيس السيسي و الشعب المصري لمواجهة الإرهاب
, ابقو افهمو الأول قبل ماتهيصو , أخد الحق صنعه , والسياسه عمرها ما كانت فتحة صدر
, كل حاجه في وقتها و كل حاجه بترتيبات , و إلا اللي انت بتعتقد انه رجوله و فتونه
ممكن يكون مجرد فخ منصوب لك , يبقى نسيب الرجاله تشتغل و تختار التوقيت الصح .
.
أصدقائي و أهلي
اللي على راسي من فوق أقباط مصر , الطيران المصري اتحرك فورا لخارج الحدود , راح ليبيا
( و ممكن يروح دول تانيه ) , جيش بلدكو اتحرك فورا , و لو وصل الأمر لدخول حرب نظاميه
عشان نثأر لمواطن مصري اسمه مصطفى ولا اسمه جرجس موافقين تماما , دي عقيدة الجيش المصري
و عقيدة الدوله المصريه , أظن الرساله واضحه .
..................................................................................................................
Mohamed
Hussein
26
مايو 2017·
كده تمام أوي
, ده أخطر خطاب للسيسي على الإطلاق , بس حاولو تركزو في الكلمتين بقى و تحطوهم جنب
بعض ببساطه شديده
.
السيسي : أثق في
قدرة ترامب على مواجهة الإرهاب في العالم .
السيسي : يجب معاقبة
الدول التي تدعم الإرهاب .
السيسي : الإرهابيون
يستهدفون إسقاط الدوله المصريه .
السيسي : مصر لن
تتردد في ضرب معسكرات الإرهاب في الداخل و الخارج !! .
.
طب حط ال 4 جمل
جنب بعض كده ؟ هتلاقي ترجمه واحده , ترجمه بتقول , إن السيسي بيخطر أمريكا إنه هيضرب
معسكرات و معاقل و ( مراكز ) الإرهاب في أي مكان , أي مكان ؟ أه أي مكان , طب ليه بيخطر
أمريكا ؟ عشان كل الدول اللي بترعى الإرهاب في المنطقه بترعاه تحت مظلة أمريكيه !!
, و هي دي أصول اللعبه , اللي مصر لعبتها من شهور , انت بتتعامل مع المعلمه الكبيره
بعد ما تعبت من الشرح و المناهده مع الحمير ( العرب ) اللي بيرعو الإرهاب تحت المظله
الأمريكيه , قلت و على ايه بقى ؟ نروح للمعلمه الكبيره , وبينا و بين بعض مصالح , و
نحرق لها كروتها الأول ( ده اللي حصل في مجلس الأمن و انك تجبر العالم كله على تبنّي
خطابك في مواجهة الإرهاب ) , كده امريكا مش هتقدر تحمي كروتها بعد ماتحرقت , ( يعني
هترفع إيديها عن الحمير ) , و قدام العالم كله .
.
الخطاب ده خطير
و معناه إن الطيارات الرافال بتسخن حاليا , و هتبقى مستعده للتحرك , شرقا و غربا ,
شمالا و جنوبا , أه و الله شرقا و غربا , شمالا و جنوبا , ياروح ما بعدك روح .
...................................................................................................................
Mohamed
Hussein
26
مايو 2017·
طب خلاص تاهت و
لقيناها يا عم جرجس
.
المسيحيين في مصر
يخافو بقى , و يترعبو , و لما يخافو و يترعبو يقومو ياخدو عيالهم و يلمو خلجاتهم و
يهاجرو على اوروبا و أمريكا و كندا و استراليا , ده طبعا على اعتبار انهم كانو جايين
مصر بعقد عمل , و ظروف العمل مش حلوه و مش مناسبه فقررو يقطعو علاقتهم بالكفيل و يلغو
عقد العمل و يهاجرو !! مش إنهم أصحاب الأرض و البلد و عايشين فيها من ألفين سنه , دي
حاجه هايله خالص .
.
و لما المسيحيين
يهاجرو و يسيبوها تبقى مصر خاليه من المسيحيين , حلو أوي , قومو الإرهابيين يعملو ايه
بقى ؟ يسكتو و يقولو خلاص دي مصر بقى كلها مسلمين و مايبقاش فيه ولا فتفوتة عملية ارهابيه
؟, بجد والنبي انت فاهم كده ؟ يعني معاليك فاهم كده ؟ و لما سوريا خربت الارهابيين
اللي بيخربوها كانو بيحاربو مسيحيين و لا بيحاربو مسلمين زيهم ؟! انطق يا عم جرجس
, قول بقى ؟ الإرهاب في سوريا مستهدف مين ؟ .
.
اللي هيحصل بقى
يا عم جرجس ان مصر بعد ما تبقى كلها مسلمين , هييجو الإرهابيين يقتلو فينا , إيشي أصل
ده علماني , إيشي أصله مؤيد للدوله و الجيش , نقوم احنا كمان نخاف و ناخد عيالنا و
نهاجر على اعتبار برضه اننا جينا مصر بعقد عمل و ظروف العمل مش مناسبه , قوم كمان ظباط
الجيش و الشرطه و العساكر يمتنعو عن الخدمه , ماهو مفيش حد في الدنيا بيعتقد ان دوره
في الحياه انه يتقتل , و أهاليهم بقى يضغطو عليهم , قدمو استقالاتكو , و نلم خلجاتنا
و نهاجر , على اعتبار برضه ان رجال الشرطه و الجيش جايين مصر بعقد عمل , نقوم نسيب
مصر للارهابيين و نعيش احنا بره بقى في تبات و نبات و نخلف صبيان و بنات , حلوه الحدوته
دي يا عم جرجس ؟ و النبي دي حدوته حلوه , و المسيح الحي حدوته زي الفل , مصر ايه يا
عم و بتاع ايه اللي نستحمل شويه عشانها , مانسيبها للإرهابيين , هي مصر دي كانت من
بقية عيلتنا ؟ دي حيالله بلد الكفيل و احنا حيالله عايشين فيها بعقد عمل .
.......................................................................................................................
Mohamed
Hussein
26
مايو 2017·
التركه و المؤامره
و أصل الحدوته .
.
أكتر من 25 شهيد
أغلبهم من الاطفال و كبار السن في هجوم على اتوبيس للأقباط في المنيا , الناس دي كانت
رايحه رحلة دينيه !! .
.
فين التركه بقى
و فين المؤامره ؟
.
التركه يا سيدي
, هي مناطق زي الصعيد كده , أهملها مولانا اللي بتقولو له احنا أسفين , مش عارف أسفين
على ايه ولا ايه ولا ايه ؟ أهملها و سابها للسلفيين و الإخوان و الجماعات الدينيه تبرطع
براحتها , اهملها لحد مابقت مترشقه سلاح , اهملها و كان بيتعامل مع أي حادث فيها بجلسات
عرفيه و قومو بوسو بعض , كل حاجه تراكمت , لا تعليم ولا تثقيف ولا توعيه ولا تنميه
ولا سيطره دوله , أقسم بالله أعرف دكاتره مسلمين من الصعيد لما تيجي قدامهم سيرة الأقباط
تحس أنك واقف قدام بقره بقرون و ديل , اه دكاتره بقرون و ديل .
.
طيب يقيني ان اللي
عملو عملية النهارده لا كانو مستنيين فتوى من السلفيين ولا من غيرهم , لأن الموضوع
اكبر من كده و بيتم التخطيط له و التدريب بره مصر , إنما اللي بيخطط و بيدرب بيلعب
كويس على أدوات التركه , اللي سابها مولانا مبارك , اللي هي بيسموها الأرض الخصبه
, اللي هتسهّل لهم المأموريه , الجهل و العنصريه و التخلف و الفساد والإهمال , كل دي
ادوات تركه , و السلاح موجود , و البهايم على قفا مين يشيل , يبقى مش هنبذل مجهود كبير,
يعني العناصر اللي بتشارك في التنفيذ هي الحلقه الأضعف و الأتفه في السلسله , كام عيل
صايع بدقن من اللي اتربو على شرايط كشك و خطب برهامي .
.
طب المؤامره ايه
؟ المؤامره مراحل , المرحله الأولى كانت ضد الجيش و الشرطه في سينا و فشلت , المرحله
التانيه ضد الأقباط , الغرض في المرحلتين واحد , محاولات بائسه لكسر مصر , مانفعتش
المواجهه المباشره مع الجيش و الشرطه يبقى نحاول نقلبها فتنه طائفيه أو نرعب الأقباط
عشان يهاجرو لأن الأقباط دول هما رمانة الميزان خصوصا في الصعيد , يعني في كل الحالات
المقصود الدوله مش الجيش ولا الشرطه ولا الأقباط , مقصود كسر الدوله المصريه , الحكايه
دي بيتصرف عليها مليارات و مستمره من سنين .
.
طب الحل ايه ؟
أولا قصه التأمين
مانقدرش نتكلم فيها , مفيش دوله في العالم تقدر تأمن كل حاجه بما فيها الاتوبيسات
, ولا امريكا ولا بريطانيا ولا روسيا ولا غيرهم , إنما الحل عند السيسي و أعتقد قريب
جدا , الحل بدأ فيه بتنميه الصعيد , و الفتره الجايه هتكون مذبحة للجماعات الإسلاميه
و منع المنابر على أي حد مش تبع الأوقاف حتى لو اضطرت الدوله لقفل جوامع , و مذبحة
لتجار السلاح و نلم ترسانة الأسلحه اللي في الصعيد دي , طب ليه السيسي ماعملشي الحاجات
دي من بدري ؟ , عشان مكانشي ينفع , بعد 30 يونيو كانت الدوله مفتوح قدامها 50 ملف بره
, و مؤامره اقتصاديه , و ارهاب في سينا , غير 50 ملف من ملفات التركه الهباب , كله
بييجي في وقته , و الوقت ده مناسب جدا للتعامل مع ملفات السلاح في الصعيد و الجهل و
العنصريه .
.
ربنا يرحم شهداء
مصر و يصبرنا و يصبر أهاليهم .
................................................................................................................
ليست هناك تعليقات:
إرسال تعليق