Mohamed
Hussein
9
يوليو 2015·
هي كانت رساله
و وصلت الحمد لله , الفيس في الكام يوم اللي فاتو بقى نسخه طبق الأصل من صورة السيسي
, لازم نرجع صورنا تاني عشان الناس اتلخبطت و اشتكت و جالها حول و مابقتش عارفه بعضها
....انا بشكر جدا كل أصدقائي اللي استجابو لدعوتي و غيرو صورتهم وقتها .
......................................................................................................................................
Mohamed
Hussein
9
يوليو 2015·
معلش يعني وأصدقائي
اللي شغالين في الصحافه مايزعلوش مني , انا مش شايف في صحفيين اليومين دول قلم واحد
ممكن يتقال عليه مبدع أو موهوب , مش بلاقي مقاله تستحق القرايه , ماعرفشي صحفي عنده
عيون لها كادر حلو بيعرف يشوف الصوره كامله أو حتى عيون تعرف تشوف من الغربال , كله
بيشتغل بطريقة ( إوعى إيدك كده ملخت الكُم ) , حتى الأخبار بيكون عنوانها حماده و مضمونها
حماده تاني خالص مع ان فكرة حماده في العنوان و حماده تاني في المضمون دي موضه بطلت
ييجي من 300 سنه .
.
و من باب التغيير
بقول لو الحكومه مصره انها تدور على حل توافقي لقانون الإرهاب عشان ترضي الصحفيين فمن
باب أولى تبعت الحكومه مندوب من عندها لعساكرنا اللي واقفين خدمه في سينا و تسألهم
عن رأيهم في حكاية الحل التوافقي دي أو تفوت على بيوت أهالي الجنود الشهدا و تسألهم
, و فيه حل تاني حلو أوي , إحنا ممكن نعمل عملية تبديل بسيطه , نجيب الظباط و العساكر
من سينا يطلعو في ستوديوهات مكيفه عالهوا في مدينة الإنتاج الاعلامي يتكلمو عن الحريات
و يلبسو بدل و كرافتات و نبعت كام صحفي يقفو خدمه بالسلاح , شهرين تلاته بس و نبقى
بعدها نسأل الصحفيين اللي واقفين خدمه عن رأيهم في الحل التوافقي .
.
النهارده و عالسيره
كده قريت خبر ان خالد صلاح هيستضيف مجدي الجلاد , والحلقه دي ياولاد هتبقى أكبر طبق
بيض أومليت في العالم ممكن ندخل بيه موسوعة جينيس ريكورد .
......................................................................................................................................
Mohamed
Hussein
8
يوليو 2015·
حل توافقي
!!!!!! .
.
سعادة المستشار
أحمد بيه الزند بيقول انهم بيفكرو في حل توافقي في قانون الإرهاب عشان يرضي الصحفيين
!! .
و في نفس اليوم
خبر إن وزير الصحه هيشدد عقوبة عاللي بيشتغل صيدلي من غير ترخيص و توصل العقوبه للسجن
المؤبد !! .
.
بص يا مولانا أحمد
بيه الزند , أحنا كمان محتاجين حل توافقي , نشتغل من غير تراخيص أو بتراخيص منتهيه
و لو طلعنا دوا غلط لحد و مات تبقى العقوبه السجن 3 دقايق مع ايقاف التنفيذ ولا ايه
, هو احنا يعني ولاد البطه السوده ؟! .
.
ماهو يا مولانا
شكلك كده ميت من 15 سنه وانا اللي كنت فاكرك من شباب الثوره , او كنت نايم و راحت عليك
نومه , ياعم أحمد بيه الثوره و الحرب اللي احنا معجونين فيها دي تلتينها كده اعلام
يعني كلام , و خبر فشنك ممكن يتسبب في خراب بلد أو حرقها , هو حضرتك ماسمعتش عن الفوتوشوب
و الصور بتاعة الاطفال اللي اتقتلو في رابعه و هما اصلا في سوريا ؟ طب سمعت عن مقالات
التهييج و فتاوى حرق البلد ؟ طب سمعت عن الأرقام الخرافيه بتاعة الجزيره عن شهداء رابعه
, فيه ناس قالت 6 الاف و ناس قالت 17 مليون , ده اسمه اعلام , و سمعت برضه عن اخبار
الإعلام المصري عن الجنود اللي اتخطفو و الدبابات اللي اتسرقت و سينا اللي تحت سيطرة
داعش ؟ عارف الكلام ده بيترجم لايه في الواقع ؟ لا تقولي بقى قرصين سيتوتيك ولا شريط
أبيتريل , داحنا غلابه يا بيه .
.
و قالو لي الزند
ده هو رابسو اللي هينضف الوزاره , و شوف حكمة ربنا يا جدع , يبقى عندنا مخطط يا طوله
يا عرضه لحرق مصر و اعلام جاهل و متخلف و بتاع سبوبه و جنود بتتقتل كل يوم و ندور احنا
بقى على حل توافقي علشان نرضي عيون ميتين أم الصحافه , دانت كده تبقى مسكتني من زندي
اللي بيوجعني .
.
انت شديد أوي مع
الموظفين بتوعك يا زند بيه .
.......................................................................................................................................
Mohamed
Hussein
8
يوليو 2015·
السعاده
............. دلوعه أوي و بتتقل , قرّب منها و المسها باديك .
.
السعاده بلاقيها
في كلمات بسيطه ( حاضر , و الله هتروق و تحلى , اعمل حسابك الفطار بكره عندي , ماتحملش
هم , داحنا زارنا النبي , وحشتني يا بابا , خلي بالك من نفسك و انت سايق , انت لسه
فاكر ان لك ام ؟ حقك عليا يامه , انت عارف انا بحبك اد ايه ؟ لا مش عارف او عارف بس
هستعبط عشان اسمع تاني ) .
.
و بلاقيها في مواقف
بسيطه ( عربيه دره مشوي , مشهد في فيلم لاحمد حلمي أو مسرحيه لمدبولي , قاعده في بلكونة
البلد , واد يا طارق ( أخويا ) التي شيرت ده حلو انا هاخده , مايغلاش عليك يا دكتره
, طب يالله نلعب كوره بقى بما ان عندي التي شيرت و الكوتشي , وهو فين الكوتشي ؟ هههههههههههه
اللي انت لابسه ده يا حمار , ماهو عاجبني برضه , في حضن بنتك لما بتنام في حضنك , في
بوسة ايد أمي و هي خشنه كده , توطي و تنحني و تبوس ايديها وراسها , مفيش اجمل من كده
) .
.
باختصار , السعاده
دلوعه و تقيله و عايزاك تروح لها لحد عندها , أما الحزن و الغم فعارفين عنوانك كويس
أوي , الغم دايما غتيت , هتلاقيه بيرن الجرس عليك في أي وقت , هو و محصل النور .
......................................................................................................................................
Mohamed
Hussein
8
يوليو 2015·
مرتضى منصور قال
ميدو هيدرب الزمالك السنه الجايه , ميدو تعاطف مع الميرغني اللي كان بيهاجم الرئيس
, مرتضى منصور قال لميدو عليا الطلاق مانت مدرب الزمالك ولا رجليك معتّبه بوابة النادي
و روح بقى ياللي بتقبض فلوس من موزه .
.
أهو ربنا خد مننا
مرسي اللي كان بيضحكنا و ساب لنا مرتضى منصور , ربك كريم بيقطع من هنا و يوصل من هنا
, و على أد فرحي بالدوري اللي هناخده السنادي على أد قرفي انه هيتحسب لمورته و هيذل
أمنا بيه , بعد كده مورته هيطلع في كل مناسبه و يقول : انا جبت ميتين أم الدوري لميتين
أم الزمالك عشان أفرّح ميتين أم الجماهير و الحكايه دي طبعا انجاز كبير لميتين أمي
.
.......................................................................................................................................
Mohamed
Hussein
7
يوليو 2015·
فتحت قايمة طلبات
الصداقه عندي و قلت أضيف شويه أصدقاء بدل اللي عملولي بلوك في اليومين اللي فاتو ,
لقيت تلتين الطلبات لناس حاطين صورة السيسي بالبدله العسكريه , مشهد يفرح القلب , والله
قمت ضايفهم لوكشه واحده كده من غير ماشوف دول مين ولا ادخل صفحاتهم حتى , معاهم واسطه
جامده , قبول أهو , و الختم كمان أهو , أهو .
......................................................................................................................................
Mohamed
Hussein
7
يوليو 2015·
أسماء البلتاجي
اللي عملو عليها مناحه في رابعه و قالو الشهيده بنت القيادي الكبير اللي ضحت بروحها
عشان الشرعيه , أهي الشهيده دي عايشه , دول مش أحياءٌ عند ربهم يرزقون , لا يا مولانا
, أحياء عند البشير يرزقون , يعني في السودان مش في الفردوس الأعلى , ادخل بقى على
ويكيبيديا و اكتب اسماء البلتاجي و اقرا احلى تقرير عن مقتلها في رابعه جايز تفهم ان
حتى وكيبيديا لا تخلو من النجاسه !! .
.
وأسماء البلتاجي
زيها زي خميس المذيع الإخوانجي اللي مات في رابعه برضه , بس ده ( أحياءٌ عند أردوغان
يرزقون ) يعني في تركيا مش في الجنه , ماهما الإخوان كده , اللي بيستشهد منهم مابيطلعش
عالجنه على طول لا , بيروح ترانزيت لأي دوله من اللي بترعى الإرهاب و تعلفه , أهو يريح
جسمه شويه و يعمل شوية تحاليل و فحوصات عشان يتطمن على نفسه بعد ما مات .
.
واحد اخوانجي مسكو
معاه متفجرات في بيته , قال لهم دي بتاعة مراتي , و طبعا أكيد مراته عارفه و متفقه
على كده معاه , لما تتمسك يا مجاهد يا مناضل يابن المناضل قول بتاعة مراتي و انا اروح
السجن وانت تكمل مسيرة النضال , إلهي يارب أشوفك شهيد حي من اللي عند ( عند أوباما
يُرزقون ) , أيوه بالظبط بيعملو زي تجار المخدرات , لما الشرطه تمسك مخدرات في بيت
المعلم تقوم المعلمه تشيل الليله عشان المعلم يكمل مسيرة الكفاح .
.
تخيل الناس دي
كانت بتحكم مصر ولولا 30 يونيو كان زمان الشهيد خميس بقى وزير الإعلام و الشهيده أسماء
وزيرة الفردوس الأعلى , و الراجل اللي قال المتفجرات بتاعة مراتي يبقى رئيس المجلس
الأعلى للنخوه و الرجوله !! .
............................................................................................................................
Mohamed
Hussein
7
يوليو 2015·
من كام يوم القرضاوي
يدعو قادة العالم الحر( و لا مؤاخذه ) للتدخل في مصر , و النهارده أوباما الحر ابن
الحره ( و لا مؤاخذه برضه ) بيتكلم عن تغيير في استراجيه امريكا لمحاربة داعش ( اللي
أمريكا صنعتها و رضّعتها من صدرها ) !! .
.
الترجمه , انا
رئيس امريكا بنت اللامؤاخذه و عندي في المنطقه ولاد كلب ولا مؤاخذه ( بينامو معايا
عالسرير ) , و ربّيت جماعه ارهابيه ولا مؤاخذه و بستنى اللامؤاخذه التانيين يظهرو في
اي بلد عربي و اللامؤاخذه الأولانيين يبعتولي رساله أقوم انا بقى داخل و خاربها , بحجة
محاربة اللامؤاخذه اللي ربيتها و استجابه لدعوة اللامؤاخذه اللي بتنام في حضني .
.
ده اللي حصل و
بيحصل في كل بلد عربي , بس يا اوباما يابن اللامؤاخذه , شعب مصر و جيشها بيقولو لك
كلمتين باختصار BACK DOWN , مش مصر يا كتكوت اللي هتبقى شقة دعاره لك انت
و اللامؤاخذه بتوعك .
.........................................................................................................................
Mohamed
Hussein
7
يوليو 2015·
الزمالك حس ان
الدوري بتاعه في خطر فراح نافخ الإسماعيلي بالقوه المفرطه .... الجزيره اكيد هتشجب
اللي عمله الزمالك و هتعرض رساله من عصام الحضري بيقول فيها : الحجونا احنا منفوخين
.
.................................................................................................................................
Mohamed
Hussein
6
يوليو 2015·
يبدو ان صورة السيسي
لما حطيتها هيّجت الخرفان , 5 عملولي بلوك بعد الصوره مباشرة , و حملة ريبورتات زي
الفل , هي صورة السيسي بتوجعك أوي ياض يا مرسي ؟! .
.......................................................................................................................................
Mohamed
Hussein
6
يوليو 2015·
صاحبة الجلاله
ولّا صديقة الطلبه ؟!
.
من سنين واحنا
على ده الحال , إعلام البلاله و صحافة البلللم , أه بتشتغل بللم , هذا و قد صرح مصدر
مسئول بأن كذا !! و قالت مصادر مطلعه أنه حدث كذا !! , و يروي شاهد عيان كذا و كذا
!! .
خالد صلاح بقى
وشلة الأرزقجيه , ناس بتاكل بقلاوه من شغلانة البللم دي و اعلانات وحبشتكانات , و في
الأخر يقولك لا داحنا الصحافه صاحبة الجلاله , و عهد الله انتو الصحافه صديقة الطلبه
.
.
جيش بيحارب في
سينا و على حدود ليبيا و جبهه مفتوحه في الداخل و إرهاب بيوصل لحد عندك ديلفري و دول
بتتأمر عليك , و شرطه مفحوته في شوارع مصر , و شهداء كل يوم , وتربص بالقضاء و بالجيش
و حتى بعلم مصر وتاريخها و ترابها و في الناحيه التانيه شوية زلنطحيه من اللي بينطبق
عليهم مثل ( نَعُمَ كلبٌ في بؤس أهله !! ) .
.
قانون الإرهاب
معمول عشان تبطلو شغلانة البللم دي يا كلاب السبوبه و هيبقى قدامكو اختيار من اتنين
, إما انكو تعملو صحافه حقيقيه مفهاش صرح مصدر مسئول ولا قال شاهد عيّان ( ربنا يشفيه
) و يا إما تركزو انتو في حكاية احمد عز و زينه وفي البيضه اللي لقو مكتوب عليها اسم
الجلاله , يعني تشتغلو في الهيافه , الهيافه تليقُ بكم , و سيبو الرجاله السمر الشداد
يحمو البلد عشان عالأقل ماتتاخدوش سبايا عند داعش و تروحو قسم الجواري و ( الغلمان
) , و انتو أساسا فيكو ناس مطلوبه بالإسم !! .
.........................................................................................................................
Mohamed
Hussein
6
يوليو 2015·
بيقولك واحد لقى
مصباح علاء الدين و دعكه فطلع له العفريت , العفريت قاله شبيك لبيك عبدك و بين ايديك
تطلب ايه ؟ .
.
الراجل فكر شويه
كده و قال للعفريت : عايز الواد أورتيجا اللي بيغني اغنية ( هاتي بوسه يا بت ) يشرح
لي النظريه النسبيه بتاعة أينشتاين .
العفريت هاج و
ماج و اتعفرت و قاله : انت عايز تجنني ؟ اطلب طلب تاني انا مش ناقص هبل .
.
الراجل فكر تاني
كده و قال للعفريت : طب بص , فيه واحد عندي في الأصدقاء عالفيس كان كاتب تعليق حلو
أوي و عاجبني و عايز اكتبه في بوست بس انا مش فاكر مين اللي كتب التعليق ده ولا فاكر
التعليق بالظبط , كل اللي انا فاكره ان صديقي ده حاطط صورة السيسي بالبدله العسكريه
, عايزك تجيب لي اسمه بقى و التعليق بتاعه .
.
العفريت قعد يتنطط
و يقول حاطط صورة السيسي بالبدله العسكريه ؟!!!!!!!!!!!! قولي ياعم انت , عايز أورتيجا
يشرح لك النظريه النسبيه إمتى و فين ؟! .
........................................................................................................................
Mohamed
Hussein.
6
يوليو 2015·
من سنين ماغيرتش
صورة البروفايل , من يوم مامات جلال عامر الله يرحمه , بس مش خساره فيك يا ريس , الصفحه
وصاحب الصفحه بيدوك التمام .
أتمنى كل اصدقائي
( ولاد و بنات ) يغيرو صورة بروفايلاتهم لنفس الصوره ( الموحده ) دي , عالأقل لحد يوم
افتتاح القناه , هي حاجه بسيطه بس لها معنى كبير .
.......................................................................................................................
Mohamed
Hussein
5
يوليو 2015·
وانت بقى يابو
داعش اخبارك ايه ؟ طمني عليك و قولي عملتو ايه في مصر ؟
ابو داعش : اسكت
يا أستاذ ماتفكرنيش والنبي .
.
ليه كده بس يابو
داعش ؟ و ايه ده انت بتعيط ولا ايه ؟ لا احكي لي ايه حصل و ماتعيطش كده .
أبو داعش ( بيتشحتف
) : كانت فكره هباب اننا نفكر ندخل مصر دي .
.
ليه بس دانتو جامدين
أوي .
أبو داعش : جامدين
ايه و زفت ايه , داحنا عملنا نشيد صليل الصوارم عشان نرهب بيه الشعب المصري قامو العيال
هناك عملوها رنة موبايل , بقينا نفجر قنابل هناك بقو المصريين يتصورو جنب القنبله و
هي بتنفجر , قلنا نبعت لهم 300 مجاهد من خيرة شبابنا و لميناهم من كل الدول قام الجيش
المصري فرمهم و عملهم كفته و بسطرمه , انا شوفت بعيني صاروخ مصري بيضرب عربيه من بتوعنا
و واحد رجالتنا اتحرق و طار في الهوا كأنه كيس بلاستيك فاضي .
.
يا خرابي , كل
ده حصل , مش معقول .
أبو داعش : دانا
ماقولتلكش عالتقيله بقى , أنا ليا واحد داعشي صاحبي موهوب و شاعر و كان مألف أغنيه
شعبيه و برضه فيها أرهاب و رعب و كنا عاملين حسابنا نسجلها بالطبله و الرق بعد ما نسيطر
على أي حته في سينا ياكشي مترين في مترين , بس بعد اللي حصل قلت له انت تقطع الأغنيه
و تنساها تماما
.
ليه كده يابو داعش
, مش جايز أغنيه مرعبه و تفيدكو في جهادكو ؟
أبو داعش : ماهو
انا واثق ان الأغنيه دي لو اتصورت العيال هينزلوها في مصر على ال دي جي و بنات شبرا
هيرقصو عليها في الأفراح .
.
لا ماتقولش , للدرجادي
؟
أبو داعش : بالك
يا أستاذ , إحنا لو كنا سيطرنا على مترين تلاته في سينا و صورنا الفيديو بتاعنا و نشرناه
كنا هنتفاجئ إن الفيديو فيه عيل مصري غتيت واقف ورانا بيضحك و عامل علامة القرنين على
راسنا , ايوه اللي هي العلامه ام صباعين دي .
.....................................................................................................................................
Mohamed
Hussein
5
يوليو 2015·
لما ملايين المصريين
و العرب يغيرو صورتهم عالفيس لصورة السيسي بالبدله العسكريه في ظرف كام ساعه و من غير
ما حد يطلب منهم كده , يبقى السيسي مش رئيس له شعبيه , ده رئيس له قوة مفرطه .
.......................................................................................................................................
Mohamed
Hussein
5
يوليو 2015·
حكاية سونيا
.
سونيا صديقة الطلبه
, بدأت حياتها بكفاح مشرف , كانت تشتغل طول الليل يا ولداه و من حضن ده لحضن ده و أخر
اليوم ترجع ب 5 جنيه , شويه وبدأت سونيا تتعرف في المنطقه و بقى يجيلها ناس بهوات ببدل
و كرافتات و أول مره شافت الورقه أم 20 جنيه كانت في أواخر التسعينات .
.
سونيا اكتسبت خبره
زياده و بقت محترفه مش هاويه زي الأول و بدأ يجي لها أثرياء عرب و خواجات و تشوف الدولارات
والريالات و الدراهم ( الله يرحم أيام ال 5 جنيه المقطعه ) , العز بان عليها وركبت
عربيه و بقت تتكلم كلام مثقفين و ترطم بالإنجليزي ( ماهو من كتر اللي شافته بقى )
, سونيا بقى لها مدير أعمال بينظم لها مواعيدها ( و ينظم المرور زي اللمبي كده ) .
.
مدير أعمال سونيا
نصحها نصيحه و قال لها يا هانم اسم سونيا مابقاش لايق عليكي , إنتي دلوأتي نجمة مجتمع
و معروفه عاليوتيوب و بتنطلبي بالإسم , سونيا ماكدبتش خبر و راحت السجل المدني قالت
للموظف هاي بيبي ( مع ضحكه من ضحكاتها المميزه ) و غيرت اسمها و سمت نفسها ( قناة الجزيره
) .
...........................................................................................................................
Mohamed
Hussein
5
يوليو 2015·
أمي و خواتي كلهم
و بتاع 17 عيل ( الجيل التالت ) قاعدين عالفطار , أمي و مرات اخويا عرفو اننا هنفطر
يوم واحد بس معاهم فعملو كل حاجه بحبها , محشي و رز معمر و لحمه و بط و ممبار , أهو
ده المعنى الحرفي للقوه المفرطه .
................................................................................................................................
Mohamed
Hussein
3
يوليو 2015·
من كام سنه كده
اتعمل حاجه اسمها الاتحاد العالمي لعلماء المسلمين , اتعملت في قطر ( جنب قاعدة السيليه
الأمريكيه على طول ) و طبعا مالقيوش حد يرأسها احسن من يوسف القرضاوي , كبير الإرهابيين
و كبير كهنة المعبد الوثني الإخوانجي .
.
اتحاد علماء المسلمين
ده كان دوره انه يطلع في صورة ( حمامة ) السلام ولا مؤاخذه و حوار الأديان و الإفتكاسات
دي , و لما ييجي الوقت اللي اتعمل عشانه يبان بقى المعلم و الزغلول الكبير , زي الأيام
دي كده , و يطلع القرضاوي يطالب بتدخّل قادة دول العالم ( الحر ولا مؤاخذه ) في مصر
!! .مع ان نفس الإتحاد ده ( و نفس الحمامه ) مطالبشي قادة العالم الحر بالتدخل في اسرائيل
!! , شوف حكمة ربنا يا جدع ؟ يعني اتحاد علماء مسلمين يجيب الكفار و البوذيين عشان
يتدخلو في دولة مسلمه و يحاربو جيشها المسلم .
.
زي ما الجزيره
اتعملت و اتصرف عليها مليارات ( لميقات يومٍ معلوم ) وقالك تلعب شويه عالحريات و الإفتكاسه
دي برضه و تعمل لنفسها شعبيه لحد ما ييجي دورها و تلاقيها قلبت على شقة دعاره كبيره
, إلا بالمناسبه هو سؤال صحيح : يسري فوده لما كان مراسل الجزيره كان بيعرف يوصل ازاي
لكهوف أفغانستان وسط الحرب و النار و يقابل قادتها ؟! اللي يقولك اصله كان مراسل شاطر
و لهلوبه اضربه بالجزمه على بؤه .
.
الصهاينه و الأمريكان
مابيلعبوش , و لما بيخططو لحاجه بيخططو ل عشرات السنين , بيبقو بس محتاجين حد عربي
يلعب دور ( كلب الشوارع الجربان ) و طبعا مكانوش هيلاقو حد جربان أكتر من تميم و ابوه
.
.
عاشت قاعدة السيليه
راعي الجربانين .
.......................................................................................................................................
Mohamed
Hussein
3
يوليو 2015·
الزمالك حالف بكل
الأيمانات يحرق دم جماهيره لحد أخر لحظه .... الدوري رجع للملعب تاني .
...........................................................................................................................
ليست هناك تعليقات:
إرسال تعليق