Mohamed
Hussein
2
يوليو 2015·
الفرق بين انك
تجيب قريبك الإرهابي اللي اتقتل عشان تدفنه و بين إنك تجيب قريبك الجندي المقاتل الشهيد
عشان تدفنه هو الفرق بين الراس لما تكون متمرمغه في الطين و الوحل و الراس لما تكون
مرفوعه لعنان السما .
هو الفرق بين أحقر
درجه في درجات العار و أعلى درجه في سلم الكرامه .
.......................................................................................................................................
Mohamed
Hussein
2
يوليو 2015·
قوات الأمن تسيطر
على مدينة الشيخ زويد و تتحفظ على بقايا أشلاء الإرهابيين .
.
اللي احنا شوفناه
في الصور دي الجثث الكامله , واضح ان كتير منهم مش مصريين , و فيه غيرهم بقو أشلاء
.
أنا رأيي الجيش
يلم الأشلاء دي و يوزنهم بالكيلو و يقسمهم قسمة عدل , يبعت ربع الوزنه للصهاينه و ربعها
لحماس و ربعها لابن موزه و الربع الباقي لأردوغان , و كل واحد و حظه بقى , اللي يطلع
له رجل و اللي يطلع له ايد و اللي يطلع له صباع أهو يستفيد بيه , و في أقرب اجتماع
لهم يبقو يجمّعو جثثهم براحتهم بقى احنا مش فاضيين , احنا علينا ندبح و نسلخ و بس
.و نبعت لكل واحد مع الوزنه بتاعته رساله بتقول ( هذه بضاعتكم ردت اليكم , و في يوم
من الأيام هتكونو انتو البضاعه ).
.................................................................................................................................
Mohamed
Hussein
1
يوليو 2015·
مدد يا بلد
.
الحمد لله , سينا
و الشيخ زويد تحت السيطره التامه من جيش مصر , و الإرهابيين تحت البيادات , حد يقول
للجزيره يبرمو تقارير ولاية سينا و يحطوها في مؤخرة ابن موزه , مصر مش سوريا ولا العراق
يا كلاب السكك , مصر فيها جيش قوامه 90 مليون بني ادم , و جنودها عاملين زي ثمار الجنه
, لما يتاخد منها ثمره يطلع مكانها اتنين .
.
وان كان في أرضك
مات شهيد , في ألف غيره بيتولد .
.........................................................................................................................
Mohamed
Hussein
1
يوليو 2015·
بيان محترم و صريح
من حزب الدستور بيعلن وقوفه بجوار الجيش و الشرطه والشعب في الحرب ضد الإرهاب , الحمد
لله خلصنا من العبط بتاع الوقوف عالحياد و الشجب و الإستنكار , يارب عقبال التيار الشعبي
لما نشوف منه بيان محترم مماثل , انطق يا عم حمدين وبلاش الشعارات و الكلمات المعلّبه
بتاعة كل مره .
......................................................................................................................................
Mohamed
Hussein
1
يوليو 2015·
سيبو الرجاله تشتغل
.............. ومصر تناجي ربها .
.
الجيش قال 17 يبقى
17 , هو الجيش اللي في موقع الحدث مش قناة العربيه ولا سكاي نيوز ولا شبكة الدعاره
رصد . و ده عدد شهداء الجيش مقالشي الشرطه و لا المدنيين .
.
ركزو مع ولاد التيت
- ولاد التيت بقى
, واحد فيهم بيقول محتاجين تدخل دولي في سينا !! واخدين بالكو يا بشر ولا لسه ؟ ده
واحد من قيادات دين ام ثورة يناير .
و واحد تاني من
المثقفين بيقول الحل ان السيسي يستقيل و البرادعي ييجي و معاه غطاء دولي !! أه و الله
غطاء دولي زي العراق كده !! .
.....................................
....................................
و يا مصر و ماله
, مايجراش حاجه لما تتطهري و تغتسلي بشويه كمان من دم ولادك الطاهر , دم ولادك الصايمين
, ادعي بقى وربِّك هيستجيب , قولي : ربي إني مسني الضر وانت أرحم الراحمين و ربنا هيقولك
: و كشفنا ما بك من ضر .
.............
دي اسمها دعوة الصابر عالبلاء و استجابة العالم بالسر و الخفاء .
.
واثق جدا في رحمة
ربنا وكرمه و في جيش بلدي .
..........................................................................................................................
Mohamed
Hussein
1
يوليو 2015·
ماكنتش لاقي حاجه
أقولها ولا اكتبها لحد ما شوفت بيان القوات المسلحه , يارب النصر لمصر , يارب انصر
جنودك الصايمين .
..................................................................................................................................
Mohamed
Hussein
30
يونيو 2015·
مهما كانت الظروف
اوعى تنسى انك بني أدم ربنا كرّمه , منظر الإرهابيين اللي انفجرت بيهم العربيه في
6 اكتوبر ده منظر بشع , أشلاء الإرهابيين ماينفعشي تترمي في صفيحة زباله .
الإنسان بعد ما
يموت له حرمه , حتى لو كان الإنسان ده ألعن من ابليس , احنا مش هنبقى خرفان زي الخرفان
, ماينفعشي لا التشفي في حد بعد موته ولا التمثيل بجثه ولا اهانتها و رميها في صفيحة
زباله .
.
استقيمو يرحمكم
الله .
.................................................................................................................................
Mohamed
Hussein
30
يونيو 2015·
ميدان هشام بركات
.
أويد تماما تغيير
اسم ميدان رابعه العدويه الى ميدان هشام بركات , الموضوع ده لازم يكون قرار شعبي مش
قرار حكومه , قرار مننا احنا . احنا كمان لنا دور في محاربة الإرهاب , و ده جزء من
دورنا .
لما تكون رايح
توكيل شيفروليه اللي في شارع الطيران تقول اللي جنب ميدان هشام بركات , رايح مرور مدينة
نصر تقول مرور هشام بركات , راكب تاكسي و رايح المنطقه الطبيه اللي هناك تقول للسواق
وديني المنطقه الطبيه اللي في هشام بركات .
وقّف سواق ميكروباص
و قول له هتروح صلاح سالم و تدخل يمين من عند ميدان هشام بركات ؟! .
.
ده دورنا الشعبي
و رساله بنوجهها للإرهابيين , لا يفلّ الحديد إلا الحديد , رسالتنا للإرهاب اللي قتل
النائب العام بتقول لهم باختصار كلمه واحده : طززززززززززززززز.
..... مصر هتعيش
و هتتنفس و هتحب و هتفرح .
.
و كمْ توالت على
ابوابها أممٌ ... و مصرُ باقيةٌ و الشمسُ و القمرُ .
....................................................................................................................
Mohamed
Hussein
30
يونيو 2015·
زي النهارده من
سنتين , كنت نزلت اجازه من السعوديه و قاعد مع امي في السنبلاوين , امي قالت لي ماتروحشي
يابني المظاهرات احنا مش ناقصين , خدت العربيه و قلت لها رايح اسلم على واحد صاحبي
و وصلت المنصوره , المشهد العام كان بيقول باختصار : مصر بتحارب الصهاينه , صهاينة
الداخل , المصريين كلهم في اتجاه واحد ناحية ميدان المحافظه , و الصهاينه اختفو من
الوجود تماما .
.
وقفت العربيه عند
مستشفى التأمين الصحي اللي في مدخل المنصوره , عشان مبقاش فيه مكان تمشي فيه عربيه
ولا موتوسيكل حتى , و نزلت مشيت في وسط الناس مسافه 3 كيلو تقريبا لحد مبنى المحافظه
و النيل , الأرض مبدوره مصريين , اعلام مصر في كل بلكونه , و في الشارع الغلابه جايين
بطيبتهم وبساطتهم , راجل واخد مراته وراه عالموتوسيكل و رافعه علم مصر , و واحد تاني
جايب تريسكل و محمل العيله في صندوقه الصغير و الست بتزغرط و رافعه العلم , و اللي
جايب عربيه نص نقل من البلد و محملها رجاله و شباب , محافظة الدقهليه كانت كلها في
الشارع و انا ماشي اسأل : أومال فين الإخوان يا جدعان ؟ محدش شاف الإخوان يا خوانا
؟.
أه هو الفوتو شوب
اللي قالت عليه الجزيره و شبكة رصد ده , انا كنت في قلب الفوتوشوب ذات نفسه و سط ملايين
من البشر الفوتوشوبيين !! .
.
أجمل مشهد في اليوم
ده وانا رايح في الطريق من السنبلاوين للمنصوره , و اهالي قرية ( الزريقي تقريبا )
قفلو الطريق بكاوتشات عربيات و ولّعو فيها , الطريق وقف تماما و الناس نزلت تسأل ,
الشباب رفض اننا نعدي , و راجل معاهم حلف بالطلاق ماحد معدّي من هنا إلا لما مرسي يغور
, الجميل بقى ان من ضمن العربيات اللي وقفو و نزلو يشوفو السبب كان ظابط جيش و ظابط
شرطه , الأجمل كمان ان محدش فينا ضغط عالشباب و سمعنا كلامهم تماما ولفينا و رجعنا
و دخلنا من طرق جانبيه عشان نوصل المنصوره .
.
يوميها مكانشي
عندي أدنى شك إن الإخوان هيغورو في ستين ألف داهيه و قلت للي سألني : الشعب و الشوارع
و الحواري و التاريخ و الجينات و تراب الأرض مبقاش طايقهم .
.
30 يونيو ثورة
الخروج من سكة اللي يروح مايرجعش .
.................................................................................................................................
Mohamed
Hussein
30
يونيو 2015·
لما الجارديان
تبرر لاغتيال النائب العام المصري , و واشنطن بوست تتكلم عن قدرة المسلحين ( حتى مقالتش
ارهابيين ) على اغتيال المسئولين المصريين .
.
يبقى مفيش شك إن
التنظيم الخرفاني الإرهابي وراه مخابرات و دول , عقول الإخوان كلنا عارفينها و شوفنا
قادتهم اللي اتأكدنا الف مره انهم كانو بيرضعو ( جلّه ) و هما صغيرين .
.
التفجير بالشكل
ده و التخطيط ونوعية المواد المتفجره و كمياتها وراه دول بنت كلب هي اللي بتحرك الإرهابيين
في مصر , دول صعبان عليها ان مصر تنجو من مخطط الحرق و التقسيم بعد ما صرفت دم قلبها
عالمخطط بتاعها .
.
لو كنت مبرراتي
للإرهاب أو متعاطف معاه و عندي في الأصدقاء فانا عايز أقولك كلمتين و الأرزاق بالله
: كنت اتمنى يكون في الفيس بوك أوبشن ل ( جزمه ) يلبسها صاحب الأكاونت و يدوس بيها
على دماغ حد في قايمة الأصدقاء بتاعته , عشان نفسي أوي أدوس على دماغك بالجزمه و إيدي
مش طايلاك .
...............................................................................................................................
Mohamed
Hussein
29
يونيو 2015·
و قال خير اللهم
اجعله خير كنت نايم و بحلم , رايح في سابع نومه , و حلمت بإيه بقى ؟ قال السيسي قرر
انه يرحّل قيادات الجماعه الإرهابيه من السجن اللي هما فيه لسجن تاني ( قلت و ماله
, إجراء احترازي أمني هو أدرى بيه ) , و لما كانت عربية الترحيلات ماشيه في طريق صحراوي
و الناس صايمه و المغرب على وشك , السواق وقف عربيه الترحيلات و الإرهابيين محبوسين
فيها من ورا و مقفول عليهم و نزل السواق و العساكر عشان يفطرو سريعا و بعد الفطار يكملو
طريقهم , قوم يشاء السميع العليم ان ان سواق متهوّر راكب عربيه نقل بمقطوره كبيره محمله
طوب أبيض كبير ( دبش يعني ) و طالع بيها من الجبل , و يدخل السواق المتهور ده في قلب
عربية الترحيلات يخليها عجينه في بعضها .و انا أقول لا حول ولا قوة إلا بالله , يالله
قدر الله و ما شاء فعل , المهم يكون السواق بتاع التريله بخير .
.
و في نفس ذات الحلم
و في نفس ذات اليوم ألاقي السيسي بعت كان ظابط مخابرات يجيبو احمد منصور و احمد المغير
و وائل قنديل و محمد محسوب و الأشكال الوسخه دي و حطوهم في صناديق خشب و هربوهم لمصر
, و مشيو بيهم في نفس الطريق الصحراوي , و لما المغرب كان قرب يأدن نزل الظباط و السواق
يفطرو و سابو كلاب الإخوان في العربيه جوه الصناديق و لجل حظهم الحلو تقف عربيتهم ورا
عربية الترحيلات , و يشاء السميع العليم إن التريله بعد ما تعجن عربية الترحيلات تكمل
في العربيه التانيه و انا أقول لا حول ولا قوة الا بالله , يالله قدر الله و ما شاء
فعل , المهم الصناديق الخشب تبقى بخير عشان دي عهده .
.
و في نفس الحلم
ألاقي بيان من وزارة الداخليه بيقول إن الداخليه فتحت تحقيق في الحادث و قبضت عالسواق
و اكتشفت انه كان بيسوق تحت تأثير مخدر و فرضت عليه غرامه 500 ج و سحبت منه رخصة السواقه
لمدة 3 شهور , و انا قمت داخل عالفيس في نفس الحلم و قررت التعاطف مع سواق التريله
و اتبرعت له بملغ 3 الاف جنيه عشان هيقعد من غير شغل 3 شهور و نصحته انه يبطل يشرب
مخدرات عشان صحته وعياله , و واحد تاني ابن حلال دفع له الغرامه ال 500 ج ... ماهي
الناس لبعضها و الله و رمضان شهر الكرم .
.
أهو مجرد حلم
........................................................................................................................
Mohamed
Hussein
29
يونيو 2015·
لحظة صمت
............. اغتيال محامي الشعب ( محاوله بائسه لاغتيال مصر ) .
.
الإرهابيين قتلوه
, و الكولجيه بررو و شمتو , و ذنب الراجل مش بس في رقبة الإرهابي القاتل ولا الكولجي
الشاذ في عقله , ذنبه و دمه في رقبة ناس كتير , من أول القاضي اللي ( بيتمرقع ) في
إصدار قرار إعدام واضح و صريح و لا يقبل الطعن أو القاضي اللي بيستشعر الحرج , لحد
( مرقعة ) القوانين اللي بقت عامله زي توب الشحاتين مخرّم من كل حته , لحد ( مرقعة
) المحامي اللي ممكن يدافع عن اي كلب و يتلاعب بالقوانين دي , لحد ( مرقعة ) الداخليه
اللي بترفض تنفيذ أحكام الإعدام .
.
عايز تنشر إرهاب
في بلد مش هتحتاج اكتر من كده , ارهابي و كولجي و محامي فاسد و قاضي جبان و داخليه
بتستشعر الحرج , كلها مرقعات تكفي لحرق قاره مش دوله , كلها حبّات خرز في عُقد قمئ
اسمه عقد الإرهاب , كل حبايه فيهم بتسلّم التانيه . عُقد الإرهاب ده لازم ينفرط و كل
حباية تتاخد لوحدها في أوضه ضلمه و تتغسل و تندعك لحد ما تنضف .
..................................................................................................................................
Mohamed
Hussein
29
يونيو 2015·
انتصارين لمصر
النهارده و امبارح , برضه الدوري للزمالك و بطولة افريقيا بإذن الله , ألف مبروك يا
أهلاويه , يارب السلعوه تاكل عبد الله السعيد و تسيب أيمن حفني .
..........................................................................................................................
Mohamed
Hussein
28
يونيو 2015·
البانجو يا وِلْد
.
هههههههههههههه
أبو تريكه دخل عالفيس بوك و مالقاش حاجه يكتبها فكتب نقطه ( . ) , او جايز لقي كلام
كتير يقوله بس ماعرفشي يبدأ منين عشان كده كتب ( . ) و احتمال كبير يكون النقطه دي
معناها نقطه ومن أول السطر أو نقطه و من أول السنه , و احتمال الواد ابن ابو تريكه
كان بيلعب عاللاب فداس عالنقطه وبعدين على نشر , انما سيبكو بقى , النقطه دي خدت
33 الف لايك و ألفين شير , أه و عهد الله , 33 ألف لايك ممّا تعدون , 33 ألف لايك فاسألو
العااااااادين , أموت انا في العمق الفسلفي الأقحواني بتاع المصريين , هو ابو تريكه
كان بيروح ساقيه الصاوي يا جدعان ؟ طب يقرب لفاروق حسني ؟ طب فيه اي علاقه بينه و بين
الشاعر سواق التاكسي اللي مع عادل امام في التمثيليه بتاع قصيده ( كده ) ؟ يعني هو
كده ولا الشاعر كده و حال البلد هيفضل كده ؟ و نصحى كده و نلاقي كده و نحب كده و ندوس
لايك و شير على كده ؟ هو احنا كده ولا هما اللي كده ؟ ولا الحكايه كده و كده ؟!
.
سونيا عندها غمازات
و بنت فرسه يا مولانا , أهي سونيا لو اتصورت سيلفي و ركزت على غمازاتها و رمت غمّازه
منهم عالفيس هتلاقي برضه 33 ألف لايك , برضه عمق فلسفي أقحواني رائع , و ما بين نقطه
أبو تريكه و غمازات سونيا هنهتف و نقول : عاش الفيس بوك نصير المثقفين المتعمقين في
البُعد الباعد .
..................................................................................................................................
Mohamed
Hussein
28 يونيو 2015·
خبر : احالة
12 مسئول في التلفزيون المصري للمحاكمه لاتهامهم بالتسبب في فقدان شرائط التراث !!
.
.
و شرائط التراث
دي تطلع ايه يا جناب العمده ؟ تطلع تراث مصر يا جدع يعني هويتها الثقافيه و قوتها الناعمه
, يعني اغاني سيد درويش و عبده الحامولي جايز , على ورق الفل دلعني ( مايضرش ) , تسجيل
نادر لعبد الوهاب مع ام كلثوم أو حتى لعبد الناصر ذات نفسه و ماله , حفله نادره لفريد
, تسجيل من تسجيلات الشيج محمد رفعت , أو حتى خواطر الشعراوي , فن المدّاحين و لّا
سكتشات لشكوكو , تسجيل لجاد الحق شيخ الأزهر الأسبق ولّا ترتيل للطبلاوي , الله اعلم
.
.
و إبّان ثورة يناير
( المجيده ) , كانو الشباب في الميادين بيقومو بدورهم و الإخوان هربو من السجون عشان
يقومو بدورهم , و كلاب الجزيره بيقومو بدورهم , و تراث ايه بقى ؟ دي داعش بتهد الأثار
العراقيه و حضارة العراق بقت بتتباع في شوارع أوروبا زي الروبابيكيا ( ربيع عربي اهو
) .
.
و فيه دول عربيه
( دويلات ) كانت مستعده تدفع أي تمن في مقابل شراء التراث المصري أو جزء منه أو حتى
تدميره , دول جايز يكون تاريخها كله أقل بكتير من تاريخ أولّة مايه في بلكونة بيت في
شبرا !! .
.
اللي مايعرفشي
قيمة تراث مصر مايستحقش جنسية البلد دي , و اللي يبيع اسطوانه من تراث مصر الفني و
الثقافي و الديني لكشك من أكشاك الخليج أوسخ مليون مره من اللي يبيع مراته ل ثري عربي
.
.......................................................................................................................................
Mohamed
Hussein
28
يونيو 2015·
عارفين الفيس بوك
ده عامل زي ايه ؟ عامل بالظبط بالظبط زي بلكونه شقه و فيها منشر و حبل غسيل , البلكونه
تقف فيها في عالم مفتوح و تبص عالدنيا و تقول رأيك بصوت عالي , و ممكن كمان تجمّل صفحتك
أو بلكونتك دي بقصريتين زرع كده أو حتى أولّة مايه فخار شكلها حلو .
.
و على صفحتك قصدي
في بلكونتك تنشر بقى غسيلك براحتك , ابيض و زاهي أو ألوان , مغسول حلو أو نص نص , حاجه
ماركه و خامه و سينييه ولا بوستات ماركة التوحيد و النور و العربيات اللي بتقف في رمسيس
تبيع الشبشب ب 5 جنيه , بوستات حلوه و جذابه أو بوستات نص لبّه , حريه شخصيه , و على
أد ما بلكونتك و حبل الغسيل بتاعك ياخد انشر براحتك
.
صفحتك بقى و انت
حر فيها أو بلكونتك و منشرك الخاص , ده مفهومي الخاص و قناعتي الشخصيه اللي حافظت عليها
من يوم ما عملت صفحتي من سنين .
.
عقلي بيقف عاجز
عن التفكير عن الناس اللي بتعملي منشن في بوستاتها يعني بتنشر بوستاتها على صفحتي بطريقة
المشاركه , وانا و حظي بقى , ألاقي بنت ناشره فستان شكله حلو أو شاب ناشر تيشيرت حاجه
كده ماركة اديداس أو راجل ناشر اللباس قصدي البوكسربتاعه , بس على حبل الغسيل بتاعي
قصدي على صفحتي , و انا يا مؤمن اطلع اقف في البلكونه شويه عشان اتنفس ألاقي الغسيل
ده منشور , و كل يوم ألاقي غسيل شكل , طب ليه يا خوانا ؟ البلكونه بتاعتكو ضيقه و حبل
الغسيل مش مكفي ؟ عايزين مشابك طيب ؟ و لا الشمس بتطلع عندي انا بس و انتو بلكونتكو
رِطبه مش بتوصل لها شمس ؟ دي كل صفحات الفيس بوك اتجاهها بحري و هواها يرد الروح اه
و عهد الله .
.
أغلب اللي بيعملو
الحركه دي هما الناس بتوع الحريه و الحريات و حقوق الإنسان و حقوق الغير مع أن ألف
باء و أبجديات الحريه و حقوق الغير انك ماتنشرش غسيلك على منشر حد تاني .
...........................................................................................................................
Mohamed
Hussein
27
يونيو 2015·
مسلسل استاذ و
رئيس قسم معمول حلو , شخصية اليساري الثورجي و الشباب اللي حواليه , ممكن يكون عادل
امام خليط من حمدين و اسمه ايه ده اللي عنده فيلا و كان بيلم فيها الشباب ( أه ممدوح
حمزه ) ., أحمد بدير بيلعب دوررائع , خليط من ممتاز القط ( بتاع مقالة طشة الملوخيه
) وابراهيم نافع و الشله الزباله دي , الإخوان موجودين في المشهد وبيلعبو من تحت الترابيزه
.
.
يمكن المفاجأه
تكون في نهاية المسلسل و عادل امام يكتشف انه كان غلطان في حاجات كتير و ان الدوله
رغم فسادها و رغم طبالينها أفضل بكتير من انه يتحول لحمار و يركبه خروف .
.
كون ان اليساري
بيسهر في بارات و بتاع ستات ف ده واقع في كتير من الأحيان ( حريه شخصيه ) يعني وصف
للحاله مش تشويه للشخصيه .
.
رؤيتي للكاتب و
عقله ( يوسف معاطي ) بتقول كده , و عادل امام هتتغير في دماغه قناعات كتير , حتى هيكتشف
ان بعض الشباب اللي حواليه كان حلانجي مش اكتر , يعني في أخر المسلسل عادل امام هيتغير
شويه ومش بعيد يبقى شبهي كده و يقول على اغلب الثورجيه كولجيه ويقول عالإخوان خرفان
و سفاحين مش رفقاء ميدان .
.
المسلسل ده لازم
ينتهي بثورة 30 يونيو , نهاية حتميه و هيشارك فيها عادل امام .
..........................................................................................................................
Mohamed
Hussein
27
يونيو 2015·
روحت البلد امبارح
بعد الفطار و فطرت عند امي النهارده , طبعا انقطاع تام عن النت و النتيته ( من غير
مقاطعه ولا حاجه ) , دي مقاطعه بتيجي لوحدها كده , بصراحه أمي أغرتني بممبار و محشي
و دكر شرشير و بطيخه , و لمة العيله و العيال بقى .
.
ماعرفشي حاجه عن
الدنيا و اخر خبر سمعته كان إن اخويا هاني راح بيّض شكارة رز عالعربيه الكار و الحمار
و باع السرس و رجع , و جابلي معاه جركن بنزين عشان العربيه كانت مشطبه بنزين .
.
جيت بقى لقيت انفجارات
و حاجات كده , و أوباما يهنئ المثليين بقرار المحكمه بالسماح بزواجهم , و بالنسبه للي
كان واقف في البلكونه بيشرب سجاره و جاي يسأل يعني ايه المثليين يتجوزو بعض ؟ أقولك
يا سيدي , يعني جاكلين تتجوز ساندي و مخيمر بتاع شيكاغو يتجوز عتريس بتاع بوسطن , و
لو مخيمر عزم مراته عتريس عالغدا في شهر العسل و في نفس الوقت جاكلين عزمت نصها الحلو
ساندي عالغدا في نفس المطعم و اتقابلو هما الأربعه , أسرتين مع بعضيهم , لو مخيمر بقى
عاكس ساندي يبقى ده اسمه شذوذ و العياذ بالله ( يعني ايه راجل يعاكس ست ؟ يا همجي يا
شاذ ) .
.
كويس ان أمريكا
جمعت الإخوان على أراضيها , ربنا يتم لهم على خير و ألف ألف مبروك للعريسين !! .
..............................................................................................................................
ليست هناك تعليقات:
إرسال تعليق