Mohamed
Hussein
22
يناير 2015·
الثائر أبو زرار
.
صباح الخير
- الشاب اللي ينزل
من بيتهم عشان يتظاهر من غير هدف ولا رؤيه ولا طلبات محدده يبقى اسمه الثائر أبو زرار
, يعني يقعد في بيتهم بزرار و ينزل بزرار , توماتيكي توماتيكي زي الغساله كده , ثائر
ماركة كريازي .
.
- أتحدى أي شاب
عايز ينزل و يتظاهر إنه يكون عارف هو نازل ليه ؟ طب اقنعني طيب , قولي مثلا إن السيسي
ده خرب البلد 30 سنه و عايز يورّث الحكم لابنه و نشر الفساد و البلطجه في مؤسسات الدوله
, أو قولي إن السيسي بيشتغل سكرتير للمرشد بتاعه و عمل اعلان دستوري في نصاص الليالي
و جماعته خاطفين البلد و هيقطعوها و يبيعوها لكلاب السكك وانا أصدقك !! .
.
- في اليمن , الحوثيين
حاصرو مقر الرئيس اليمني من غير ما يفتحموه , و احتلو صنعاء في ساعة زمن , شويه كده
وبعدين الرئيس اليمني قال لهم خلاص خلاص يا شباب اللي انتو عايزينه هعمله , هنعدّل
لكو مسودة الدستور ,.
.
- عايز حضرتك تعرف
بقى يعني ايه العار ؟ شوف اللي هيحصل في اليمن الفتره الجايه , و هتسمع أخبار بالشكل
ده :الرئيس اليمني يوافق على منح 50 % من الحقائب الوزاريه لأنصار الحوثي و عبد الله
صالح , الرئيس اليمني يوافق على منح الحوثيين تلتين مقاعد البرلمان , الرئيس اليمني
يعين فلان الحوثي نائبا له !! , أصله عرف اللي فيها , مع أي حركه منه كده ولا كده هيرجع
الحوثيين بالسلاح و القات و العربيات و يحاصرو القصر و يحتلو صنعاء , حاول تفهم يعني
إيه تحط صوابعك في بؤ الأسد !! .
.
- لو عايز تعرف
يعني ايه تتصالح مع الإرهاب شوف اللي هيحصل في اليمن الفتره الجايه ؟ , لو عايز تفهم
ليه السيسي ماعملشي مصالحه مع الإرهابيين برضه شوف اللي هيحصل في اليمن الفتره الجايه
.
.
- لسه بقى حضرتك
مش مقتنع و عايز تنزل تتظاهر أو تتظاهر بإنك نازل تتظاهر يبقى لازم تغيّر الشعار عشان
يليق بيك , شعارك لازم يكون كده :
...............#ثوّار
#بزرار #هنجيب #لبلدنا #العار .
........................................................................................................................
Mohamed
Hussein
22
يناير 2015·
واحنا داخلين على
25 يناير , ذكرى ثورتنا العظيمه , ربنا يرحم شهداء يناير الحقيقيين الأصليين .
المهم يعني فيه
كام حاجه لازم تاخد بالك منها أوي في الأيام الجايه :
.
أولا : مش كل صورة
لواحد مقتول تنشرها و تتشحتف , اصبر شويه , إحتمال كبير تكتشف إنه مات من 17 سنه في
حادثة موتوسيكل و هو رايح جمصه عادي يعني هيقولو عليه من شهداء الثوره .
.
ثانيا : لما الجزيره
تقول لك فيه 17 مليون متظاهر في التحرير يبقى لازم تنزل و تتأكد بنفسك , خد معاك ميكروباص
18 راكب و لم فيه ال 17 مليون بتوع التحرير , اضحك عليهم بأي حاجه , قول لهم مثلا
: لقينا بيضه مسلوقه في سمنود الست أم محمود جت تقشّرها لقت مكتوب عليها من جوه الكلمتين
دول ( مرسي راجع ) و تعالو شوفو بنفسكو المعجزه الربانيه بتاعة ست أم محمود دي , هييجو
معاك على طول , و تأكد إنك هترجع بيهم كلهم و معاك الكنبه الورّانيه فاضيه .
.
ثالثا : لو لقيت
واحد من بتوع التحرير معصلش و مش راضي يركب و عمّال يعيط و يقول مرسي راجع مرسي راجع
و انا مش همشي من هنا إلا لما يرجع مرسي , قول له أه مرسي راجع و لسه متصل بينا دلوأتي
و قايل إنه راجع , و خده معاك بقى و اوعده انك هتجوّزه هنّومه لما مرسي يرجع .
.
رابعا : لو لقيت
بوست نازل في نفس الوقت و التوقيت و اللحظه و الثانيه في شبكة رصد و في صفحة 6 ابريل
ماتستغربش , اه بتحصل عادي , و غالبا كده أدمن شبكة رصد و أدمن 6 ابريل قاعدين في نفس
الأوضه , و واحد فيهم قاعد على حجر التاني .
...................................................................................................................................
Mohamed
Hussein
21
يناير 2015·
من يومين قررت
التخلي عن العده النوكيا أم 75 جنيه ( و الله كانت أصيله ) , و شغّلت العده السامسونج
الجديده أم تاتش دي .
الله يرحمك يابه
, الموبايلات بقت باللمس يا حاج .
.
رحلة الألف سيلفي
بتبدأ بصوره و دي أول صوره سيلفي بالعده الجديده ( العيب في العده طبعا )
...........................................................................................................................
Mohamed
Hussein
21
يناير 2015·
إعادة قيد .
.
1- بص حضرتك عالخريطه
شويه و بعدين تعالى ناخد العزا في أشقائنا العرب سوا , اليمن ( تعيش انت ) و ليبيا
( البقيه في حياتك ) و سوريا ( شد حيلك بقى ) , و العراق ( يا سيدي الأعمار بيد الله
) .. أما مصر ف دي ربك حاميها و حافظها .
.
2- السودان اتقسمت
و بقت نص في الشمال مسلم و متدين و عنده زبيبة صلاه تيجي 3 كيلو و نص في الجنوب كافر
و وثني و مسيحي وابن تييييييييييت , و ده في حد ذاته انتصار للإسلام و المسلمين , ابقى
هات معاك سلطانيه عشان أعبّي لك فيها شوية من انتصار المسلمين في السودان , و على فكره
: عمر البشير بيسلم عليك و انتصار كمان بتسلم عليك .
.
3- فلسطين اتقسمت
نصين , حماس بقى حالفه طلاق بالتلاته ماهيجيلها نوم ولا يغمض لها جفن إلا لما تحرر
القدس و فلسطين كلها , بس تقريبا من قله النوم اللي هما فيها جالهم حَوَل و بقى يقتلو
في العساكر المصريين مش الصهاينه !! .
.
4- لو حضرتك لسه
فاكر إن الخراب اللي بيحصل في الدول اللي حوالينا ده سببه صراع داخلي بين المواطنين
و الشله الفلانيه مش عاجبها الشله العلانيه و بس , يعني مفيش تمويل خارجي بالفلوس ولا
دعم بالسلاح ولا قنوات فضائيه بتنفخ في نار الفتنه دي تبقى انت باشا و ماحصلتش و الصنف
اللي بتشربه ده صنف أصلي مش تقليد عشان كده دماغك فصلت عن الواقع تماما , يعني فصل
نهائي مش فصل مؤقت و بالتالي مش هتعرف تعمل لدماغك إعادة قيد !! .
.
5- بعدين بقى هبقى
اكلمك عن الثورات و الحريه المطلقه و جيفارا و الشله دي بس لما نقفل بابنا الأول علينا
و نتأكد إن مفيش ديب واقف ورا باب البيت ولا تعلب بيحفر نفق تحت بيتنا , وقتها تعالى
نتكلم براحتنا و نتخانق في حكاية الحريه المطلقه دي و نشد في شعر بعض و قبل ما تنام
هحكي لك حكاية جيفارا من أول ما اتولد و مكانشي لاقي تمن البامبرز و علبة لبن البيبيلاك
.
.......................................................................................................................................
Mohamed
Hussein
21
يناير 2015·
امبارح كان رئيس
اليمن اسمه عبد ربه منصور و بكره هيبقى اسمه عبد الملك الحوثي و من كام شهر كان اسمه
عبد الله صالح و بعد شهرين احتمال يفوز بيها عبد السميع البغدادي ( ماسموش عبد السميع
بس القافيه حكمت ) .
.
اليمنيين عملو
ثوره عشان يبقو زي النموذج السويسري بس تقريبا حظهم الأطبش هيخليهم زي النموذج القطري
, أيوه اللي هو يعني أوّل واحد يصحى من النوم في اليمن يجيب شوية سلاح و يحبس الرئيس
في الحمّام و يبقى هو الرئيس .
.
عشان كده الرئيس
اليمني اللي عايز ينجح و يعمّر في الحكم لازم يعمل حاجتين مهمين جدا , أولا يصحى من
النوم بدري أوي ( أول واحد يعني ) , و ثانيا يعمل الحمّام بتاعه من غير باب !! .
.........................................................................................................................
Mohamed
Hussein
20
يناير 2015·
الحوثيين سيطرو
على قصر الرئاسه اليمني , و الرئيس اليمني في مكان غير معلوم !!
هههههههه بس انا
عارفه المكان ده , أكيد يكون مستخبي في بطن الزير عند لاتانيا واحتمال يكون مستخبي
في ورشة حداده عندنا في السنبلاوين , أيوه عند الناس اللي بيعملو مقاطير دول و يكتبو
عليها ( العين صابتني و رب العرش نجّاني ) .
.
أموت أنا في الإستقرار
السياسي و الحريه المطلقه .
استنو هقولها بالإنجليزي
عشان توكل كرمان نايمه في حضن هيلاري كلينتون و سفراء النوايا الحسنه و اكيد بتعشق
الحوار بالإنجليزي ( أو الفرنساوي )
أموت أنا في البوليتيكال
ستابيليتي و الأبسوليوت فريدوم .
political
stability & absolute freedom....give me one dollar .
.............................................................................................................................
Mohamed
Hussein
20
يناير 2015·
وكيل سابق في وزارة
الأوقاف : سيدنا سليمان تزوج 600 مره و عمل علاقه زوجيه مع 100 زوجه في ليله واحده
!! .
أهو ده بقى الكلام
اللي بيعجب الشباب المؤمن التقي , يعني تبقى قاعد في الجامع و مستمتع كأنك قاعد في
فيلم للسبكي .
كان يقدر الشيخ
يقول الخبر ده بشكل تاني : ان سيدنا سليمان ده أصلا كان ربنا واهب له في جسمه رافعه
عملاقه ماركة كاتربيلر , ستانلس ستيل , ميد إن جابان , أه و الله أه و الله .
.
و في النهايه نكمّل
المسلسل الهابط بتاع شارل ايبدو و قال يعني دول أسأو لسيدنا النبي و احنا أحسنا إليه
؟
يا شباب مصر ,
و النبي أبوس ايديكو قبل ما تقاطعو المنتجات الفرنسيه و الدنماركيه و الموزمبيقيه قاطعو
الشيخ ده و أمثاله أو قطّعوه .
.
طب يا مولانا كنت
قول عمل علاقه زوجيه مع 99.9 زوجه كنت هصدقك على فكره !! .
أيون مانا مسلم
متدين , و المسلم المتدين لازم يروح الجامع و يسيب دماغه في البيت و ياخد معاه سلطانيه
كده يقدمها قربان لمولانا الشيخ و يقول له حط فيها اللي انت عايزه يا مولانا ( لحوم
العلماء مشمومه على فكره يووووووووه قصدي مسمومه ) .
.
مرسي صلى امام
بالأنبيا و سيدنا النبي ملّس بإيده الشريفه على قبة برلمان الإخوان و شوفت الجزره اللي
متقسمه لأربع فروع و كأنها عامله اشارة رابعه ؟ طب شوفت انت اسم الجلاله مكتوب على
شجرة في طريق اسماعيليه الصحراوي ؟
.
بس بقى بس بقى
, أنا كده لقيت اجابه للسؤال الوجودي اللي محيرني من سنين , السؤال ده : هي الجنه بيدخلها
الأغبياء ؟ و الإحابه بالفمممممممممممم المليان : لأ , لأه .
.
يا مولانا يا مولانا
, روح يا شيخ منّك للي كلت دراع جوزها .
..................................................................................................................................
Mohamed
Hussein
19
يناير 2015·
كوبري للعيال الحبّيبه
!!
.
نيجي للمهم بقى
بس حاول تركز و النبي
.
سيبك من توكل كرمان
و العالم المشمومه دي عشان دول أخرهم زي أولهم , تويته و تغريده وبوسه و حضن .
.
بالنسبه لنا احنا
في مصر , اللي بيحصل في اليمن خطر جدا علينا , استقرار اليمن ( بأي وضع ) مهم جدا لمصر
ياكشي يكون اليمن مستقر تحت حكم هتلر وموسليني , مش مهم .
.
الحكايه و ما فيها
اسمها قناة السويس ( القديمه و الجديده ) , و انا مش بستبعد ان تكون هوجة الحوتيين
رد على كده ( يارب تصدق إن الإرهابيين دول شوية أرزقجيه بيحركهم مخرج العرايس الأمريكي
الصهيوني ) , و كل ما يقرّب معاد تسليم القناه الجديده يهيج الإرهابيين تحت في اليمن
مع شوية عصابات في جيبوتي و تبقى جبرت كده .
.
هبسطهالك : بقى
يا مولانا البحر الأحمر ده عامل زي ماسورة طويله لها فتحتين , فتحه عندنا في قناة السويس
و فتحه تحت في باب المندب , و السفينه اللي جايه من باكستان رايحه فرنسا أو جايه من
ايطاليا و رايحه الهند مش هتعدّي من فتحه من الفتحتين إلا إذا كانت متأكده إن الجهه
التانيه مفتوحه و سالكه , طب لما شوية ارهابيين يسيطرو على مضيق باب المندب , السفن
هتيجي إزاي ؟ و هتعدي من عندنا ليه ؟ هتنتحر يعني ؟! .
.
لو حصل لا قدر
الله و سيطر الإرهابيين على باب المندب و بقت اليمن خارج السيطره وقتها بقى هتبقى أهمية
قناة السويس القديمه و الجديده بتتلخص في إننا نربي فيها شوية بط و وز و نعمل كوبري
خشب للعيال الحبّيبه عشان يتبادلو القبلات و يرمو عيش فينو للبطه !! .
.
في مرحلة معينه
, و في حالة خروج الأمور عن السيطره في اليمن لازم مصر تتدخل بشكل مباشر حتى لو وصل
الأمر لتدخل عسكري , أه طبعا , بدل ما نقضيها بوس و بط و وز و نصحى من النوم مانلاقيش
في البنوك جوز دولارات يوحّدو ربنا .
................................................................................................................................
Mohamed
Hussein
19
يناير 2015·
الحوثيون بعد ما
سيطرو على مبنى التلفزيون اليمني بيحاصرو حاليا مقر رئاسة الجمهوريه اليمنيه بالأليات
الثقيله عشان يقتحموه .
نحب بس نبارك لتوكل
كرمان و قناة الجزيره و طارق سويدان و الكولجيه و الصُحبه الحلوه دي على نجاح الثوره
اليمنيه ( نموذج يُحتذى أهو ) .
............
يا ست توكل هو
شعورك كان ايه وانتي بتاخدي جايزة نوبل للسلام ؟ أيوه يعني كنتي حاسه بإيه و انتي بتاخدي
؟ أقصد الجايزه طبعا .
..........................................................................................................................
Mohamed
Hussein
19
يناير 2015·
وائل عباس , المدوّن
و المنظّر السياسي على *** أمنا , اقرو تعليقه على وفاة فاتن حمامه ..
بيقولك واحده جمعت
فلوس اد كده و عاشت كذا و تمانين سنه و خدت شهره و نجوميه و أيدت السيسي هنترحم عليها
ليه ؟!.
و قال ده كان الخبير
السياسي و الإستراتيجي بتاع ثورة يناير , و ياترى المدون الكبير وائل عباس رأيه ايه
في كذا ؟ و معنا على الهاتف المدون و الناشط السياسي وائل عباس , استاذ وائل ايه رأي
حضرتك في انهيار الإتحاد السوفيتي و انهيار سور برلين و انهيار بورصه طوكيو .
استاذ وائل رأيه
ايه في الدستور و في القوانين المنظمه للعمليه الإنتخابيه ؟, و ما رأي فضيلتكم في الزوجه
التي هجرت زوجها في المضاجع و هل لمادة السيبروفلوكساسين أثر على المرأه الحامل ؟
استاذ وائل ممكن
تقول لنا طريقة عمل البيكاتا بالشمبنيون و إيه هو أفضل رش للدوده اللي بتطلع في أرض
القطن ؟
معنا هذا المساء
على الهواء مباشرة الأستاذ وائل عباس هيكلمنا عن البرنامج الغذائي الأمثل لمرضى الكبد
و ما هي حقيقه عقار السوفالدي ؟ , و رأيه في المرحله السياسيه القادمه و فرص الشباب
في الفوز بمقاعد في البرلمان ؟ .
....................
....................
استاذ وائل استاذ
وائل , عليا النعمه انت ما بتتكلم , انت بتنهق ( بصوت فريد شوقي ............ فيلم
الكرنك ) .
...........................................................................................................................
Mohamed
Hussein
19
يناير 2015·
و حكاية ( جهه
سياديه بقيادة السيسي قتلت الثوار في التحرير ) اللي قالها مرسي دي كارثه حقيقيه
.........طب حاول تركز في الجمله كده ؟ كلمة جهه سياديه ( غالبا بيبقى مقصود بيها المخابرات
العامه و العسكريه ) المفروض انها بتكون الملاذ الأخير أو الحيطه اللي بيتسند عليها
الشعب , لما انت تحاول بقى تقنع الناس إن الجهه السياديه بتقتل شبابكو تبقى انت حاجه
من اتنين , يا إما أهبل أوي يا إما خاين جدا , و الحمد لله مرسي جمع الصفتين بجداره
!! .
.
.............
قبل ثوره 30 يونيو بيومين قلت للناس حواليا الثوره هتنجح و بسرعه جدا , سألوني ليه
؟ قلت لهم الناس و الشوارع و الحواري و تراب البلد دي مابقاش طايق الإخوان , و قد كان
.
عمري ما ندمت على
عزلك يا مرسي ولا هزعل على إعدامك لو حصل , هقول كلب خاين و مات .
.......................................................................................................................................
Mohamed
Hussein
18
يناير 2015·
وسية حمدان بيه
.
و انا صغير روحت
يوم اشتغلت في الوسيه بتاعة حمدان بيه , كنت صغير اوي 12 سنه بالكتير و ماعرفشي الوسيه
دي فين ؟ ولحد دلوأتي ماعرفش , كل اللي اعرفه إن العربيه النص نقل المكشوفه خدتني انا
و لفيف من كبار العُمال و الأُجريه و مشيت بينا ييجي ساعتين على بال ما وصلنا , تقريبا
كانت نواحي الصالحيه كده .
.
اليوم كان ب 7
جنيه و ده في حد ذاته اغراء كبير , في الوسيه شوفت يوم طويل بدأ بخناقه مع خولي كبير
من بتوع الوسيه واحنا بنرش ارض الطماطم , شتمني و شتمته , حاول يضربني و مسكت ايده
, الناس بتوع الوسيه اتلمو علينا وقالولي انت عارف لو رميناك بره الوسيه هيحصل لك ايه
؟ الديابه هتاكلك و مش هتعرف بلد ولا طريق قلت مش مهم .
.
حمدان بيه بقى
كان موجود , باشا من بتوع زمان , لابس بدله بيضا و برنيطه و واقف وسط الناس , شوفته
واحنا بنجمع اللمون من جناين اللمون و شوفته جنب اسطبل الخيل بتاعه , عنده بتاع 40
حصان , فاكر الغدا كان فول و طعميه و اشتغلت في حاجات كتير , و بعد العصر نزلنا أرض
الرز ننقي العجير و الدنيبه و الناموس كل جتتنا .
.
قلت للخولي بتاع
الرز انتو بتباتو هنا ازاي وسط الناموس ده ؟ قال بياكلنا طول الليل , قلت له طب ما
تجيب قرص كيتو ببريزه و تحطه على لمبه جاز هيموّت الناموس , الراجل سمع اسم قرص الكيتو
وفتح بؤه كأني بكلمه على اسم دوا أو مطعم في الشانزليزيه .
.
يوميها رجعت قريتنا
و انا حاسس اني راجع باريس , ماهي قريتنا اللي يادوب داخل فيها النور تبقى باريس بالنسبه
للوسيه دي , عالأقل احنا متقدمين اوي وعندنا لمبات جاز و نعرف قرص الكيتو .
.
كل ما بفتكر ذكريات
الطفوله دي بحمد ربنا , بحس إنها كانت طفوله ثريه جدا رغم فقرها , و مش عارف لو كنت
غني أوي و انا صغير كنت هحكي لولادي عن ايه ؟ هما الأغنيه بيحكو عن طفولتهم ازاي ؟
يعني مثلا أقول : و انا صغير كنت بروح مارينا مع بابي و مامي وبلبس المايوه البافته
و في مره طرطشت مايه على طنط نسرين و قالت لي عيب كده يا حماده , هقول لميس ماهي مدرسة
الكلاس بتاعك ؟! .
.
ههههههههههههه
قال ميس ماهي قال , الله يمسيك بالخير يا أستاذ خميس .
.......................................................................................................................................
Mohamed
Hussein
18
يناير 2015·
عربيه نقل كبيره
و بتمشي على 16 عجله ( تريله ) , ده حال البلد حاليا , و احنا والله محتاجين معجزه
من السما عشان التريله دي تتحرك بسرعه معقوله , تعالى و انا أقولك على عجلتين تلاته
من ال 16 .
.
- واحد رأيه إن
فاتن حمامه هتتشوي في نار جهنم عشان انتخبت السيسي !! , يعني باختصار الجنه و النار
بيدخلها الناس حسب هما انتخبو مين في الرئاسه و مين في مجلس محلي كفر صقر و مين في
مجلس نقابة الصيادين .
.
- واحد رأيه ان
فاتن حمامه مش موهوبه و لا بتعرف تمثل و عملت إيه لمصر طيب ؟!............. وانا مش
عارف فنانه وصّلت فننا لكل شبر في الوطن العربي المفروض تعمل ايه ؟! تعزق بالفاس ؟
و لا تنزل الميدان بالشال الفلسطيني و تتصور سيلفي و تنزل صورتها عالفيس بوك عشان تبقى
عملت حاجه للبلد ؟! .
.
و واحد كان بيشتغل
رئيس لحد ما نلاقي رئيس بيقول إن السيسي اتأجر ناس و قتلو المتظاهرين في التحرير
!! ... أه طبعا و اقتحم السجون و هرب قيادات الجماعه الإرهابيه و جاب بتوع حماس بالسلاح
من الأنفاق و طلع عالمنصه قال هيبقى فيه عربيات مفخخه و قنابل و الإرهاب في سينا هيقف
لما مرسي يرجع !! .
كل واحد من اللي
فوق دول بيمثّل شريحه معينه , أدي يا سيدي فردتين تلاته نايمين في ال 16 فرده , ماشيين
عالجنط , عشان كده حركتنا بطيئه لحد ما ربنا يسهل و نلاقي كوريك و منفاخ !! .
........................................................................................................................................
Mohamed
Hussein
18
يناير 2015·
تعليقات الخرفان
على وفاة فاتن حمامه بتقول باختصار إن لقب خرفان ده خدوه عن جداره واستحقاق , يعني
من غير غش ولا واسطه ولا محسوبيه ...حق كل واحد فيهم يعلّق شهاده في صالون الزريبه
اللي هو عايش فيها مكتوب فيها ( خروف و أفتخر ) .
.
ماهو المثل الأجنبي
كان بيقول إذا كنت تمشي كالبطه و تقلد صوت البطه فأنت بطه , ولو كنت بتمشي في قطيع
زي الخروف و تمأمأ زي الخروف و لاغي عقلك زي الخروف و بتقرا في كتب الخرفان حسن البنا
و سيد قطب فأنت خروف .
.
انزّلي بقى بصورتك
في الروب و القرنين و قدامك شوية برسيم و انت بتستلم جايزه الخرفنه من الكبش الأعظم
محمد بديع , ابتسم عشان الصوره و قول ( حصاوي ) .
......................................................................................................................................
Mohamed
Hussein
18
يناير 2015·
رئاسة الجمهوريه
تنعي السيده فاتن حمامه و وزارة الثقافه تعلن الحداد لمدة يومين .
.
أخر ظهور لفاتن
حمامه على الشاشه كان في لقاء الفنانين مع السيسي لما نزل السيسي و وقّّف كلمته عشان
يسلم على الست فاتن ( مشهد رائع من رئيس محترم لفنانه تستحق كل الإحترام ) .
.
لو كنت رئيس مصر
كنت أطلقت اسم فاتن حمامه على أرقى حي في القاهره , لازم يكون حي راقي جدا بحجم رُقي
فاتن حمامه ( أبله حكمت ) .
...................................................................................................................................
Mohamed
Hussein
17 يناير 2015.
هما اتنين ستات
في الوسط الفني العربي خلال 100 سنه كان لازم يتقال قبل اسمهم ( الست أو السيده )
, يعني ماينفعشي تقول الإسم مجرد كده , أم كلثوم و فاتن حمامه , ربنا يرحمهم ... وداعا
يا ست فاتن ( سيدة الشاشه العربيه ) .
.............................................................................................................................
Mohamed
Hussein
17
يناير 2015·
قدام بيتنا : الخضره
و النخله و طرنبة المايه و مج نسكافيه
................................................................................................................................
Mohamed
Hussein
17
يناير 2015·
عمري ماشتركت في
مسابقات تحديد الشخصيه و الهري بتاع الفيس ده , أصل أنا عارف النتيجه مسبقا , أكيد
هطلع شبه أحمد عز و متجوز صوفيا لورين و عندي شخصية عبد الفتاح السيسي و خفة دم شارلي
شابلن ..............و دي أقل حاجه عندي على فكره !! .
.
ماهو طالما الإختيارات
مفهاش شبه اسماعيل يس ولا عنده خفة دم تامر هجرس ولا شخصية شريف مدكور و لا متجوز عيشة
الكيلاني يبقى احنا كده في السليم و السيف سايد .
.
و من حظك اليوم
( علم الأبراج و الفلك و كروت التاروت و الماروت ) ... برج الحمل :
(( وانت ماشي في
الشارع النهارده هتلاقي كنز كبييييييييير أوي مليان دهب و ياقوت و مرجان ولولي و دولارات
و يورو , الكنز هيقع على دماغك من البلكونه و انت ماشي في الشارع و يفطسك
...............ابتسم للحياه بقى )) .
...................................................................................................................................
Mohamed
Hussein
17
يناير 2015·
نقول تاني
.
- لو مسكت كاميرا
و مشيت في شوارع مصر المحروسه و قررت انك تصور كتابات الجماعه الإرهابيه و شخبطتهم
عالحيطان هتكتشف إن مفيش حيطه ولا سور و لا نافوره ماتشوّهتش بإيد الإرهابيين , أموال
الدوله اللي هي أموال الشعب و مباني الناس وبيوتهم و شركاتهم ماسلموش من كربلائيات
الإخوان .
.
لو افترضنا ان
كل حيطه اتشوهت هتتكلف ألف جنيه بس دهانات أو رخام من جديد يبقى احنا بنتكلم عن خراب
بمليارات الجنيهات للحكومه و للناس .
.
اللي بالوقاحه
و الجليطه و العفانه دي ماينفعشي يحكم مصر ولا يحكم زريبه حتى .
.
فلوس الدهانات
و مرتبات ألاف ال*ولات اللي عملو كده أكيد جت من فلوس تبرعات ولاد *** الكلب المحسنين
اللي كانو بيرمو تبرعاتهم في حجر جماعه إرهابيه ( لا مش من فلوس محل العطاره بتاع المرحوم
حسن البنا ) .
.
أنصار مبارك الحرامي
النصاب القاتل أكتر بكتير من أنصار الإرهابيه و مع ذلك لما شافو زعيمهم مرمي في السجن
و ورا القضبان ماعملوش كده , عشان هما حراميه و نصابين زيهم زي الإخوان بس مش معفنين
و لا بهايم .
................................................................................................................................
Mohamed
Hussein
17
يناير 2015·
من كام يوم كان
الهري للركب على موقف المغرب الشعبي و الرسمي من النظام الحاكم في مصر ( إنقلاب بقى
و كداهون ) , و فيديوهات بينشرها الخرفان و الكولجيه عن الرفض و الممانعه المغربيه
.
.
مصر بعتت وزير
خارجيتها للمغرب , و السبب المعلن ( تعزيز العلاقات الثنائيه بين البلدين و محاربة
الإرهاب ) , قام الملك المغربي بعت دعوه رسميه للسيسي ( قائد الإنقلاب ) لزيارة المغرب
!! .
يا ترى شعور الخرفان
و الكولجيه ايه دلوأتي ؟ قفا تاني ؟ هو انتو لسه خلصتو من الأولاني ؟.
.
والحكايه باختصار
: السيسي بيشتغل صح و بهدوء و بعصاية موسى !! .
.
لما بشوف منظر
التشويهات دي بيتلاشى من جوايا أي تعاطف مع رابعه و زفت حتى لو كان 1 في المليون و
بقول يلعن ***** أم رابعه .
.
اللي يخرب أموال
الناس العامه و الخاصه مايبقاش مظلوم و صاحب قضيه لأ ده يبقى خروف وصاحب ليّه !! .
.......................................................................................................................................
Mohamed
Hussein
16
يناير 2015·
الخطوات العشره
عشان تفتح شركة مقاولات و تسويق عقاري في مصر :
.
الخطوه الأولى
: اختار اسم للشركه يكون من النوع المبروك الله يبارك فيك , يعني شركة التقوى , شركة
الإيمان , شركة الفلاح , شركة الفردوس الأعلى , أو شركة الجنه و نعيمها يابوشريف للتشييد
و المقاولات .
.
الخطوه التانيه
: هات 4 حيطان في أي مكان و هات لوحتين عليهم رسمه لبرج إيفيل و رسمه لتاج محل واكتب
انهم من تصميم الشركه .
.
الخطوه التالته
: هات لوحه للكعبه و حطها جنب اللوحتين بتوع برج ايفيل و تاج محل بس اوعى تتهور والغزاله
تاخدك و تقول ان الكعبه هي كمان من تصميم شركتك .
الخطوه الرابعه
: لازم تربي دقنك أو تلطع زبيبة صلاه بأي طريقه ( شوف إيه اللي يريحك أكتر ؟ ).
.
الخطوه الخامسه
: هات بنت محجبه أو منقبه تشتغل في الإستقبال و يكون اسمها سماح .
.
الخطوه السادسه
: هات تلفزيون 14 بوصه في الإستقبال و شغّله 24 ساعه على قناة المجد.
.
الخطوه السابعه
: هات سبحه حلوه كده و خليها في ايدك طول مانت في المكتب, حاول تبقى السبحه طويله و
باينه للزبون من على بعد .
.
الخطوه التامنه
: لما يدخلك عميل اعمل 17 مكالمه لابراهيم بيه و محمد بيه و سيد بيه السيد و كل شلّة
المقاطيع بتوعك اللي قاعدين عالقهوه , قول لهم انك خلاص اشتريت حتة الأرض اياها ب
85 مليون و بعت الفيلتين بتوع الرحاب على 35 مليون لمحمود بيه عبد السميع .
.
الخطوه التاسعه
: فهّم الزبون انك تعرف رئيس مصلحة الشهر العقاري و رئيس جهاز المدينه و قائد الجيش
التاني الميداني و كاترين اشتون تبقى بنت خالتك لَزَم .
.
الخطوه العاشره
: هات شوية بلح و قسّمهم على أكياس واكتب عليهم من بره ( بركة الحاج ناجي ) !! .
.
.
و لو عايز تعمل
حزب سياسي بمرجعيه دينيه اعمل نفس الخطوات اللي فوق دي .
..................................................................................................................................
Mohamed
Hussein
16
يناير 2015·
دخلت بالصدفه في
صفحات إخوانجيه من اللي ماعتّبوش صفحتي من يوم ما فتحتها أو اللي اتعمل لهم بلوك من
3 سنين .
و قال أنا اللي
كنت زعلان من حالة الراديكاليه اللي بقينا فيها و إننا بقينا كانتونات منفصله و مفيش
مجال للحوار بينا .
بس بعد اللي شوفته
و قريته واللي لا يتقال ولا يتحكي ( حاجه كده أشبه بدرجة الدكتوراه في الغباوه و الهطل
و الرياله ) , أنا بقول الحمد لله , اللهم لك الف حمد و شكر , اللهم دِمْ علينا نعمة
الراديكاليه و احفظها من الزوال .
مش باقي غير إن
الراجل مارك يتكرّم و يتعطّف علينا و يعمل سور عالي أوي حوالين صفحات الإخوان و نعلنها
محميه طبيعيه !! .
..................
أردوغان حامي حمى
الإسلام !! , مذيع الجزيره ( اللي كان شغال في القناه السادسه و سوق ستوته ) بيقول
ماسر , عيل رايح المدرسه و ماشي في ماية المطر و شايل شنطته !! , رئيس وزراء فرنسا
بينتصر للإسلام و السيسي لا , أمريكا بتصرف دشيليون دولار عشان تنشر اسلام غريب عن
اسلامنا الإخوانجي الوسطي الإرهابي الكيوت !! , الحريه للمعلم برشامه بتاع المخدرات
اللي اعتقلوه العسكر و هو بيصلي .
.
و انا أقول يارب
ياررررررررررررب يا تاخد مني عقلي عشان أعرف أعيش وسط البهايم يا تاخد البهايم و تريّحنا
...................إنهم يأكلونَ أغصانَ البرسيم .
......................................................................................................................................
Mohamed
Hussein
16
يناير 2015·
واحد كولجي عجوز
أوي و سنانه واقعه قعد مع حفيده الكولجي الشاب و قال له :
على فكره يابني
الملايين اللي نزلت تشيع جنازة عبد الناصر و صوانات العزا اللي كانت في كل بيت دي و
المناحه اللي كانت ماليه البلد و البلاد العربيه ده كله فوتو شوب و يوشف شاهين اللي
عامله .
عبد الناصر كان
عميل للأمريكان و الشوفيت و الموزمبيقيين , يشقط يشقط حكم العشكر , الحريه لحشن البنا
و شيد قطب
...................................................................................................................................
.
ليست هناك تعليقات:
إرسال تعليق