( محمد حسين - منوع ) ( من 2 أكتوبر - 9 أكتوبر )

Mohamed Hussein

9  أكتوبر

العمده أبو حمار هولندي

.

في قريتنا شخص واحد اترشح للعموديه , شاب كده لذوذ معاه اعداديه تقريا و عندهم حمار أبيض منقّط بأسود ( يعني تقدر مجازا تقول حمار هولندي !! ) , و بكده غالبا الشاب اللذوذ ده هيبقى عمدة القريه واهي شغلانه حلوه أفضل من اللف بالحمار طول النهار والقاعده على كوبري الترعه , و المفروض انا أبقى أجري وراه و هو راكب الحمار الهولندي ده من غير بردعه واقول له ( يابه العمده يابه العمده ) زي ما بنشوف في أفلامنا العربي يعني .

.

يا عم ابراهيم , ماهو طول ما عمدة القريه في مصر بيقبض 300 جنيه ولا 700 جنيه مش هتلاقي مرشح للعموديه متخرج من السوربون !! , والمفروض على حد علمي إن العمده ده هو حلقة الوصل بين الدوله و الحكومه من جهه و بين أهالينا الغلابه من جهه تانيه , يعني هو الشخص اللي فوضته الدوله في مهام حكم القريه , و المفروض يكون متفرغ و يبقى نحله بتلف في القريه 24 ساعه , و المفروض ان عنيه مفنجله اد كده على كل صغيره و كبيره , و يكون بيفهم يعني ايه إرهاب و يعني ايه هيبة دوله و يعني ايه زباله و تعليم وصحه و صرف صحي و يعني ايه سياسة دوله و يعني ايه و يعني ايه .

.

طب ماتدّي عمدة القريه ده ألفين تلاته مرتب ياعم ابراهيم عشان تجيلك بضاعه حلوه في الأخر , ده مسئول عن كذا ألف بني ادم , اعتبره أمين شرطه يا أخي !! .

.

و إلا بقى ماتزعلش لما تلاقي إهمال القرى والنجوع و العشوائيات و المناطق النائيه اتقلب علينا بإرهاب و قطعان من الماشيه فاهمه ان سيدنا جبريل نزل في رابعه و سيدنا موسى نزل في مكرم عبيد !! .

Mohamed Hussein

8  أكتوبر.

تركيا و ليبيا ................... و مصر أم الدنيا

.

في تركيا حرب دايره بين الشرطه و الأكراد , حرق و تكسير و 19 قتيل , حظر تجول بقى و قالك مظاهرات من غير 

ترخيص !! .

رجب معكوك لشوشته مع الاكراد و موقفه من داعش مايعجبكش يا مولانا , والوضع في تركيا باختصار بيقول ( ماتعرفش مين نايم في حضن مين ؟) بما لا يخالف شرع الله , أو تقدر تقول ( ماتعرفشي مين نايم في حضن مين والشريعه ) !!.

هذه بضاعتكم رُدت إليكم يا مولانا خليفة المسلمين , واللي حضّر العفريت يصرفه يا كتكوت .

.

في ليبيا زيارة رئيس الوزراء الليبي للقاهره و قرارات مصريه بتقول مساعدات و دعم و اسعاف و أدويه و اللي واللي واللي و بين السطور هتلاقي دعم سياسي كامل للحكومه الليبيه و دعم عسكري لو تطلب الأمر , شغل العيال بتوع الجماعات الإسلاميه هناك ماينفعناش احنا هنا , أصلك مش واخد بالك , حدودنا الغربيه مع ليبيا ألف كيلو صحرا مفهاش صرّيخ ابن يومين , يعني يرمح فيها الخيل والإرهاب , عشان كده تأمين حدودك و أمنك القومي بيبدأ من طرابلس و من الدار البيضاء لو تطلّب الأمر .

السيسي شغّال زي الفل , من غير ‫#‏عبث ولا ‫#‏تخرصات , و لا كلام مايع و أجوف مالهوش ماسكه , اصل اللي بيتكسف من بنت عمه مايجبشي منها عيال.

Mohamed Hussein

8  أكتوبر

خواطر إيمانيه : دعاء المرور على محلات لعب الأطفال .

.

و لما يكون عندك بنت زي لمار بنتي و تبقى راكبه جنبك و انت سايق العربيه و فجأه تفتكر إن فيه محل لعب أطفال هيظهر بعد شويه و بنتك احتمال كبير تشوفه , تقوم انت بقى باصص لها بتركيز كده و ترفع إيدك للسما و تقول ( و جعلنا من بين أيديهم سداً و من خلفهم سداً فأغشيناهم فهم لا يبصرون ) .

Mohamed Hussein

7  أكتوبر•

و فجأه كده هتلاقي العمليات الإرهابيه في سينا اختفت أو تلاشت ( بالمقارنه ب 6 شهور فاتو ) و احنا مش واخدين بالنا , الحكايه باختصار إن فيه رجاله شغالين و ناس قدمت روحها و فيه دم و عرق و مجهود و دوريات و حملات و مداهمات و خطط و طلعات جويه و بريه و بحريه , فيه عقيده اسمها ( نكون أو لا نكون ) , فيه فرم و دعك و طحن حصل على مدار شهور , لا حضرتك الإرهاب مش بيتوقّف ولا بيمشي ب sms مكتوب فيها ( بليز بليز امشي بقى يا إرهابي يا نوتي ) ولا بتويته و لا ببوكيه ورد و لا بديوان شعر لفاروق جويده و شريط كاسيت لكاظم الساهر .

.

ده اسمه جيش مصر يا محترم , مصنع الأبطال مش مصنع السيليكون و التاتو .

Mohamed Hussein

7  أكتوبر•

في اليمن الشقيق , بعد ماتقسّمت أقاليم و بعد ما توكل كرمان خدت نوبل ولا مؤاخذه للسلام , و بعد ما رحّبت بالتقسيم و هلّلت له , بقى مشهد عادي و مألوف في شوارع صنعاء إنك تلاقي واحد من الحوثيين بيوقّف ظابط أو عسكري جيش في الشارع و يفتّشه !!.

.

دي مش ثورات ربيع عربي , دي دنيا اتشقلبت و اتقلب حالها , يا شباب , حد لسه عايز حاجه من كشك الديموقراطيه الأمريكاني قبل ما السيسي يمضي له أمر إزاله ؟!!

Mohamed Hussein

7  أكتوبر•

عن الفراغ سألوني

.

صحيت من النوم وانا عندي نفس دور الإنفلونزا اللي ماسكني من اسبوع و لازق في جتتي زي الأتب , جيت اشوف الصنايعيه عملو ايه و واقف على إيديهم , بشتغل دلوأتي صبي نقّاش و صبي كهربائي , قلت ارتاح شويه واشوف حال الدنيا واكتب بوست عالفيس , بعد شويه هروح اشتري حاجات للصنايعيه عايزينها و بناتي عايزين يتفسحو , ماخرجوش ولا فسحه في العيد هروح بقى اشتغل سواق تاكسي كالعاده

.

و انا في الطريق هعدّي على صيدلي فاتح صيدليه هنا عشان اشوف الدنيا ماشيه ازاي ؟ اه نسيت أقول لكو إني وانا بكتب البوست ده بعمل تسعيرة أوردر أدويه لشركة بترول أمريكيه في السعوديه ( مساعدة لواحد صاحبي ) , هما مش أوردر واحد هما 6 ..حوالي 400 صنف , وانا ماشي من هنا هاخد معايا كشّافين قدام كنا فاكينهم , هركبهم في الشقه القديمه واجيب من هناك النجفه ام مروحه و الكشاف بتاع المطبخ ( ترشيدا للإنفاق ) , أمي بقى زعلانه مني و بتقولي انت مطنشني خالص ومش بتوديني لدكتور الروماتويد , حاضر يامه , حقك عليا والله , أوّل مافضى من ( الفراغ ) اللي انا فيه ده هوديكي على راسي يا ست الكل .

.

صديقتي العزيزه و أختي الغاليه فلانه الفلانيه , أنا مش عندي فراغ والله لا هنا ولا وقت ما كنت في السعوديه عشان كده ماشتغلتش ناشط سياسي و لا عايز اشتغل , وبالعافيه بلاقي نص ساعه أحلق فيها شعري كل شهر , بس بحاول أخلق لنفسي ساعه في اليوم ولا اتنين ادخل فيهم فيس ( ممكن وانا باكل ) , و لما الاقي عك و عجن و تخبيط في الحلل و تشكيك في انتصار اكتوبر و اهانه لجيشنا العظيم بإسم الفكر الثوري و الحريات و كده بخرج عن شعوري , أسلوبي ساخر و لازع معلش , مانا مابعرفش غير كده , و بجد عندي بنات عايزهم يتربو في البلد دي , عالأقل يلاقو 4 حدود و جيش يحميهم .

.

يارب تكوني فهمتي .

Mohamed Hussein

7  أكتوبر•

بيحصل أحيانا , تبقى قاعد كده في أمان الله تلاقي واحده بنت حلال بتسخر من انتصارنا في اكتوبر ( اللي مسنودين عليه ) , ولما تنفعل أوي تلاقي واحده تانيه بنت حلال برضه تقولك , رأي الواحده الأولانيه ده حريه شخصيه و هي دي الديموقراطيه !! , يا الله يا ولي الصابرين , الصهاينه نفسهم مكانوش يحلمو بإننا نوصل لأكتر من كده .

.

و عهد الله احنا في زمن المسخ فعلا , الأبجديات في كل حاجه اختفت و تلاشت , أبو جنيه بقى بشلن و ابو شلن بقى بمليون جنيه , ولما بفكر بس إني أدخل جوه العقول دي و اشوفها بتفكر إزاي ؟ بحس إني ماشي في بيوت أشباح , أفكار دي اللي جوه عقولكو و لّا فيلم رعب ؟!.

Mohamed Hussein

7  أكتوبر•

بسم الله , الله أكبر بسم الله بسم الله , .......... بتضايقك الجمله دي يا ناشط ؟ بتنرفزك يا إخوانجي ؟ مممممممممممم طب بسم الله الله أكبر بسم الله بسم الله , الله أكبر , الله أكبر , أدن و كبّر و قول يارب .

.

و قالك بقى إن التألق في النشاط السياسي و الحقوقي و عشان يعني تبقى واد ثورجي فشر جيفارا لازم تعمل التالي , وقت ذكرى هزيمة 67 تكتب بوستات تسخر فيها من جيش مصر في الهزيمه و وقت ذكرى النصر تكتب و تشكك في النصر و إلا ماتبقاش مثقف ولا عميق و لا بتقرا لاحمد مراد و بتسمع فيروز , و لا انت كده ثورجي أد الدنيا .

.

أنا بقى العبد لله الغلبان اللي مش مثقف ولا عميق و لا ثورجي ( و كل شويه أقول هقلع ملط ) شايف جيشنا ده عظيم , أعظم جيوش الأرض , حتى في ذكرى الهزيمه , بيحارب و بينتصر بشرف أو ينهزم برجوله , مش جيش من الشواذ و لا العيال اللي بناطيلهم ساقطه على وسطهم , و ليا مزاج أوي أضايقك النهارده , بسم الله الله أكبر بسم الله بسم الله .

Mohamed Hussein

6  أكتوبر•

ماهينور المصري : التويت السنويه و ربنا يقطعها عاده , سينا رجعت كامله ليهم و تل أبيب في عيد !!.

بقى هي دي بقى ماهينور المصري اللي قرفتونا بيها ؟ الحريه لماهينور و ماهينور على الأسفلت , هنقلع ملط عشان ماهينور , هنعمل شألباظات عشان ماهينور , ماهينور فوق الشجره , ماهينور طالعه عالمواسير , ماهينور نازله من الحنفيه .

الله يخيبكو يا بُعدا , يا شوية شباب هفأ , هما دول قدوتك ياهبل يابو رياله ؟ هي دي اللي كنت هتموت نفسك عشانها , دانت لو كنت بتربّي كلب أرامنت كان بقى يستاهل أكتر منها .

بت يا مهينور , سيبك انتي بس من أم النشاط السياسي ده , عشان مصر كبيره اوي عليكي , أقولك على حاجه , أنا محتاج واحده عفيه تنضف الشقه بعد الصنايعيه ما يخلصو شغل , تعالي و هديكي 100 جنيه , و ده أخرك و عهد الله , أصل فيه أزمة شغالات في البلد .

Mohamed Hussein

6  أكتوبر

و على فكره , مصر تحديدا مفهاش ملحدين بالمعنى المعروف و لا مشركين من النوع القراري زي أبو لهب و حنظله و الشله دي , إنما كلها زوبعه في فنجان يا سيد , تقدر تقول زهق , ملل , تمرّد على الواقع , حاجه كده من باب التغيير , يعني انا كل يوم كل يوم هصحى من النوم أقول يا فتّاح يا عليم يا رزّاق يا كريم ؟ وقبل مانام أقول الأذكار , يعني أصحى من النوع أمجّد المسيح و أنام كل يوم وانا بحكي لولادي عن خلق المسيح ؟ .

.

طب مانا كده هبقى زيي زي ملايين البشر إنما الإلحاد هيخليني مميز , و في نفس الوقت أبطل الطقوس و الروتين اليومي , و بما إني بقيت ملحد أد الدنيا مش هفكّر بقى في كباير ولا صغاير , يعني هاخد المزه بتاعتي (حبذا لو كانت ملحده ) و نطلع الشقه المفروشه و نوصل لأبعد مدى من غير تأنيب ضمير , مرحى مرحى , المجد للطبيعه و لقوى الشمس الخارقه .

.

الملحدين في مصر أول ما بيفكرو في الإلحاد بيجي في ذهنهم حكاية المزه و الشقه المفروشه , و غالبا هتلاقيه مابيكدبش ولا بيسرق , يعني تقدر تقول هو امتداد لظاهرة ( عَبَدة الشيطان ) و الجواز العرفي والمسيار و المصياف .

.

غير كده بقى مش هتلاقي الحاد و لا دياولو , يعني نفس الملحد وهو في نفس الشقه مع المزه لو الجرس رن والباب خبّط جامد هتلاقي لسانه لا اراديا بيقول , استر يارب , سترك يا ستار , يارب سامحني .

و لو في يوم سألته : إنت ملحد بجد ؟ هيقولك أه والله العظيم , وكتاب الله المجيد , والمسيح الحي ملحد ياعم .

Mohamed Hussein

6  أكتوبر•

يومياتي في الأجازه !!

.

الساعه 11 ص , من السنبلاوين للقاهره ( أول جسر السويس ) , 5 العصر من جسر السويس لعذبة النخل , 7 م من عذبة النخل للمرج و من المرج للمنيل , 11 م من المنيل لمدينة نصر و من مدينة نصر لجسر السويس , سواقين نص الليل , سواقين الشبوره .

بعد التعب و الفرهده دي يبقى أنا كده باقي لي رمي الجمرات و تتحسب لي حجه كامله ............ اللهم تقبّل !!.

تقول الأسطوره : الستات بين قوسين , مظلومين بين قوسين , في مجتمعاتنا اللي بين قوسين شرقيه .

هلحق أتغدى بقى قبل الفجر ما يأدن .

Mohamed Hussein

3  أكتوبر

وصلت البلد امبارح الحمد لله , بعد 4 ساعات و نص في الطريق , ده إنجاز في حد ذاته , إننا في أجازة عيد نوصل من القاهره للمنصوره ( 150 كيلو ) في 4 ساعات و نص .

.

النهارده بقى اشترينا عِجل للأضحيه , مش خروف عشان الأستاذه فاطمه ناعوت ماتزعلش مننا , ماعرفش بكره هيجيلنا قلب و نجيب جزّار يدبح العجل ده و يسلخه و لا هيصعب علينا و نلغي حكاية الدبح دي ( الهمجيه ) و نعتذر للعجل و نقدّم له في معهد الكونسرفتوار .

Mohamed Hussein

8  أكتوبر

خواطر إيمانيه : دعاء المرور على محلات لعب الأطفال .

.

و لما يكون عندك بنت زي لمار بنتي و تبقى راكبه جنبك و انت سايق العربيه و فجأه تفتكر إن فيه محل لعب أطفال

هيظهر بعد شويه و بنتك احتمال كبير تشوفه , تقوم انت بقى باصص لها بتركيز كده و ترفع إيدك للسما و تقول ( و جعلنا من بين أيديهم سداً و من خلفهم سداً فأغشيناهم فهم لا يبصرون ) .

Mohamed Hussein

7  أكتوبر•

و فجأه كده هتلاقي العمليات الإرهابيه في سينا اختفت أو تلاشت ( بالمقارنه ب 6 شهور فاتو ) و احنا مش واخدين بالنا , الحكايه باختصار إن فيه رجاله شغالين و ناس قدمت روحها و فيه دم و عرق و مجهود و دوريات و حملات و مداهمات و خطط و طلعات جويه و بريه و بحريه , فيه عقيده اسمها ( نكون أو لا نكون ) , فيه فرم و دعك و طحن حصل على مدار شهور , لا حضرتك الإرهاب مش بيتوقّف ولا بيمشي ب sms مكتوب فيها ( بليز بليز امشي بقى يا إرهابي يا نوتي ) ولا بتويته و لا ببوكيه ورد و لا بديوان شعر لفاروق جويده و شريط كاسيت لكاظم الساهر .

.

ده اسمه جيش مصر يا محترم , مصنع الأبطال مش مصنع السيليكون و التاتو .

Mohamed Hussein

7  أكتوبر•

في اليمن الشقيق , بعد ماتقسّمت أقاليم و بعد ما توكل كرمان خدت نوبل ولا مؤاخذه للسلام , و بعد ما رحّبت بالتقسيم و هلّلت له , بقى مشهد عادي و مألوف في شوارع صنعاء إنك تلاقي واحد من الحوثيين بيوقّف ظابط أو عسكري جيش في الشارع و يفتّشه !!.

.

دي مش ثورات ربيع عربي , دي دنيا اتشقلبت و اتقلب حالها , يا شباب , حد لسه عايز حاجه من كشك الديموقراطيه الأمريكاني قبل ما السيسي يمضي له أمر إزاله ؟!!

Mohamed Hussein

7  أكتوبر•

عن الفراغ سألوني

.

صحيت من النوم وانا عندي نفس دور الإنفلونزا اللي ماسكني من اسبوع و لازق في جتتي زي الأتب , جيت اشوف الصنايعيه عملو ايه و واقف على إيديهم , بشتغل دلوأتي صبي نقّاش و صبي كهربائي , قلت ارتاح شويه واشوف حال الدنيا واكتب بوست عالفيس , بعد شويه هروح اشتري حاجات للصنايعيه عايزينها و بناتي عايزين يتفسحو , ماخرجوش ولا فسحه في العيد هروح بقى اشتغل سواق تاكسي كالعاده

.

و انا في الطريق هعدّي على صيدلي فاتح صيدليه هنا عشان اشوف الدنيا ماشيه ازاي ؟ اه نسيت أقول لكو إني وانا بكتب البوست ده بعمل تسعيرة أوردر أدويه لشركة بترول أمريكيه في السعوديه ( مساعدة لواحد صاحبي ) , هما مش أوردر واحد هما 6 ..حوالي 400 صنف , وانا ماشي من هنا هاخد معايا كشّافين قدام كنا فاكينهم , هركبهم في الشقه القديمه واجيب من هناك النجفه ام مروحه و الكشاف بتاع المطبخ ( ترشيدا للإنفاق ) , أمي بقى زعلانه مني و بتقولي انت مطنشني خالص ومش بتوديني لدكتور الروماتويد , حاضر يامه , حقك عليا والله , أوّل مافضى من ( الفراغ ) اللي انا فيه ده هوديكي على راسي يا ست الكل .

.

صديقتي العزيزه و أختي الغاليه فلانه الفلانيه , أنا مش عندي فراغ والله لا هنا ولا وقت ما كنت في السعوديه عشان كده ماشتغلتش ناشط سياسي و لا عايز اشتغل , وبالعافيه بلاقي نص ساعه أحلق فيها شعري كل شهر , بس بحاول أخلق لنفسي ساعه في اليوم ولا اتنين ادخل فيهم فيس ( ممكن وانا باكل ) , و لما الاقي عك و عجن و تخبيط في الحلل و تشكيك في انتصار اكتوبر و اهانه لجيشنا العظيم بإسم الفكر الثوري و الحريات و كده بخرج عن شعوري , أسلوبي ساخر و لازع معلش , مانا مابعرفش غير كده , و بجد عندي بنات عايزهم يتربو في البلد دي , عالأقل يلاقو 4 حدود و جيش يحميهم .

.

يارب تكوني فهمتي .

Mohamed Hussein

7  أكتوبر•

بيحصل أحيانا , تبقى قاعد كده في أمان الله تلاقي واحده بنت حلال بتسخر من انتصارنا في اكتوبر ( اللي مسنودين عليه ) , ولما تنفعل أوي تلاقي واحده تانيه بنت حلال برضه تقولك , رأي الواحده الأولانيه ده حريه شخصيه و هي دي الديموقراطيه !! , يا الله يا ولي الصابرين , الصهاينه نفسهم مكانوش يحلمو بإننا نوصل لأكتر من كده .

.

و عهد الله احنا في زمن المسخ فعلا , الأبجديات في كل حاجه اختفت و تلاشت , أبو جنيه بقى بشلن و ابو شلن بقى بمليون جنيه , ولما بفكر بس إني أدخل جوه العقول دي و اشوفها بتفكر إزاي ؟ بحس إني ماشي في بيوت أشباح , أفكار دي اللي جوه عقولكو و لّا فيلم رعب ؟!.

Mohamed Hussein

7  أكتوبر•

بسم الله , الله أكبر بسم الله بسم الله , .......... بتضايقك الجمله دي يا ناشط ؟ بتنرفزك يا إخوانجي ؟ مممممممممممم طب بسم الله الله أكبر بسم الله بسم الله , الله أكبر , الله أكبر , أدن و كبّر و قول يارب .

.

و قالك بقى إن التألق في النشاط السياسي و الحقوقي و عشان يعني تبقى واد ثورجي فشر جيفارا لازم تعمل التالي , وقت ذكرى هزيمة 67 تكتب بوستات تسخر فيها من جيش مصر في الهزيمه و وقت ذكرى النصر تكتب و تشكك في النصر و إلا ماتبقاش مثقف ولا عميق و لا بتقرا لاحمد مراد و بتسمع فيروز , و لا انت كده ثورجي أد الدنيا .

.

أنا بقى العبد لله الغلبان اللي مش مثقف ولا عميق و لا ثورجي ( و كل شويه أقول هقلع ملط ) شايف جيشنا ده عظيم , أعظم جيوش الأرض , حتى في ذكرى الهزيمه , بيحارب و بينتصر بشرف أو ينهزم برجوله , مش جيش من الشواذ و لا العيال اللي بناطيلهم ساقطه على وسطهم , و ليا مزاج أوي أضايقك النهارده , بسم الله الله أكبر بسم الله بسم الله .

Mohamed Hussein

6  أكتوبر•

ماهينور المصري : التويت السنويه و ربنا يقطعها عاده , سينا رجعت كامله ليهم و تل أبيب في عيد !!.

بقى هي دي بقى ماهينور المصري اللي قرفتونا بيها ؟ الحريه لماهينور و ماهينور على الأسفلت , هنقلع ملط عشان ماهينور , هنعمل شألباظات عشان ماهينور , ماهينور فوق الشجره , ماهينور طالعه عالمواسير , ماهينور نازله من الحنفيه .

الله يخيبكو يا بُعدا , يا شوية شباب هفأ , هما دول قدوتك ياهبل يابو رياله ؟ هي دي اللي كنت هتموت نفسك عشانها , دانت لو كنت بتربّي كلب أرامنت كان بقى يستاهل أكتر منها .

بت يا مهينور , سيبك انتي بس من أم النشاط السياسي ده , عشان مصر كبيره اوي عليكي , أقولك على حاجه , أنا محتاج واحده عفيه تنضف الشقه بعد الصنايعيه ما يخلصو شغل , تعالي و هديكي 100 جنيه , و ده أخرك و عهد الله , أصل فيه أزمة شغالات في البلد .

Mohamed Hussein

6  أكتوبر

و على فكره , مصر تحديدا مفهاش ملحدين بالمعنى المعروف و لا مشركين من النوع القراري زي أبو لهب و حنظله و الشله دي , إنما كلها زوبعه في فنجان يا سيد , تقدر تقول زهق , ملل , تمرّد على الواقع , حاجه كده من باب التغيير , يعني انا كل يوم كل يوم هصحى من النوم أقول يا فتّاح يا عليم يا رزّاق يا كريم ؟ وقبل مانام أقول الأذكار , يعني أصحى من النوع أمجّد المسيح و أنام كل يوم وانا بحكي لولادي عن خلق المسيح ؟ .

.

طب مانا كده هبقى زيي زي ملايين البشر إنما الإلحاد هيخليني مميز , و في نفس الوقت أبطل الطقوس و الروتين اليومي , و بما إني بقيت ملحد أد الدنيا مش هفكّر بقى في كباير ولا صغاير , يعني هاخد المزه بتاعتي (حبذا لو كانت ملحده ) و نطلع الشقه المفروشه و نوصل لأبعد مدى من غير تأنيب ضمير , مرحى مرحى , المجد للطبيعه و لقوى الشمس الخارقه .

.

الملحدين في مصر أول ما بيفكرو في الإلحاد بيجي في ذهنهم حكاية المزه و الشقه المفروشه , و غالبا هتلاقيه مابيكدبش ولا بيسرق , يعني تقدر تقول هو امتداد لظاهرة ( عَبَدة الشيطان ) و الجواز العرفي والمسيار و المصياف .

.

غير كده بقى مش هتلاقي الحاد و لا دياولو , يعني نفس الملحد وهو في نفس الشقه مع المزه لو الجرس رن والباب خبّط جامد هتلاقي لسانه لا اراديا بيقول , استر يارب , سترك يا ستار , يارب سامحني .

و لو في يوم سألته : إنت ملحد بجد ؟ هيقولك أه والله العظيم , وكتاب الله المجيد , والمسيح الحي ملحد ياعم .

Mohamed Hussein

6  أكتوبر•

يومياتي في الأجازه !!

.

الساعه 11 ص , من السنبلاوين للقاهره ( أول جسر السويس ) , 5 العصر من جسر السويس لعذبة النخل , 7 م من عذبة النخل للمرج و من المرج للمنيل , 11 م من المنيل لمدينة نصر و من مدينة نصر لجسر السويس , سواقين نص الليل , سواقين الشبوره .

بعد التعب و الفرهده دي يبقى أنا كده باقي لي رمي الجمرات و تتحسب لي حجه كامله ............ اللهم تقبّل !!.

تقول الأسطوره : الستات بين قوسين , مظلومين بين قوسين , في مجتمعاتنا اللي بين قوسين شرقيه .

هلحق أتغدى بقى قبل الفجر ما يأدن .

Mohamed Hussein

3  أكتوبر

وصلت البلد امبارح الحمد لله , بعد 4 ساعات و نص في الطريق , ده إنجاز في حد ذاته , إننا في أجازة عيد نوصل من القاهره للمنصوره ( 150 كيلو ) في 4 ساعات و نص .

.

النهارده بقى اشترينا عِجل للأضحيه , مش خروف عشان الأستاذه فاطمه ناعوت ماتزعلش مننا , ماعرفش بكره هيجيلنا قلب و نجيب جزّار يدبح العجل ده و يسلخه و لا هيصعب علينا و نلغي حكاية الدبح دي ( الهمجيه ) و نعتذر للعجل و نقدّم له في معهد الكونسرفتوار .