صباح الخير , قيادي في حركة حماس بيقول إن الأزياء العسكريه اللي كانت متهربه لغزه بيستخدموها في صنع ملابس للأطفال وقيادي إخوانجي قال نفس الكلام , طبعا بالصدفه البحته إن الإتنين اتفقو على رأي واحد , أه يا سيدي مانا عارف الأطفال الفلسطينيين بيموتو في دباديب الجيش المصري والطفل الغزاوي لما بتسأله نفسك تطلع إيه بيقولك شاويش مصري ولما تقول له أجيب لك هديه ايه يقولك بدلة أمين شرطه مصري , صادق ياعم من غير حلفان , بس بدلة الجيش اللي هيلبسها ( الأطفال ) يلزمها كام حته أر بي جيه أو كلاشنكوف , يعني الشئ لزوم الشئ , ولا الطفل الغزاوي هيفرح بالبدله من غير سلاح , لا ده مش ممكن أبدا وميحصلش , إنما عندي سؤال , اللي قتلو جنودنا في سينا لو قبضنا عليهم وده مش هيحصل تحت حكم الإخوان , إنما هفترض جدلا إننا قبضنا عليهم , واتحاكمو , يا ترى هياخدو إعدام ولا سجن 3 سنين في إصلاحية الأطفال ؟!!................إمسح ريالتك يا شعب برياله.
.
محمد حسين
ليست هناك تعليقات:
إرسال تعليق