Mohamed
Hussein
9
أغسطس 2018·
إنت بتعيط و تتشحتف
كده ليه يا حبيبي ؟ أكيد بتعيط على حال سوريا و الخراب اللي وصلت له و ملايين القتلى
و اللاجئين ؟
- لا خالص حضرتك
.
.
تبقى بتعيط على
حال العراق اللي اتدمر بعد صدام .
- لا خالص .
.
تبقى متأثر باللي
حصل في اليمن و المجاعات و الأمراض اللي ظهرت عندهم مع انها اتلغت من كتب الطب من
500 سنه
- لا خالص .
.
بس فهمتك , أكيد
بتعيط على ليبيا و الإرهابيين اللي دمروها و شردو أهلها .
- لا خالص .
.
معقوله تكون بتعيط
على شهداء الجيش و الشرطه المصريين اللي سابو عيالهم و ضحو بحياتهم عشان يحمو أرضنا
و عرضنا ؟.
- لا خالص .
.
ماهو كده مفيش
بقى غير انك تكون بتعيط على حال الناس اللي انتشر بينهم الكذب و السرقه و الرشوه و
قذف المحصنات و الغيبه والقتل وعقوق الوالدين و خيانة الاوطان و التزوير و التزييف
و الفبركه .
- لا خالص .
.
أومال بتعيط ليه
يا حبيبي ؟
- أنا حضرتك بعيط
عشان أختنا في الله حلا شيحه قلعت النقاب .
.
ممممممممم بجد
والنبي؟ عشان حلا شيحة قلعت النقاب ؟
- أه و الله .
.
طب شايف شجرة السنط
اللي هناك دي ؟
- اه شايفها .
.
ممكن تجيب لي منها
تفاحتين تلاته ؟ .
- أجيب لك تفاح
ازاي من شجرة سنط ؟
.
يعني مستحيل الحكايه
دي تحصل ؟
- اه طبعا مستحيل
.
.
صح معاك حق ,زي
ماهو مستحيل نلاقي بني أدم واحد وسط قطيع من الخرفان .
.............................................................................................................
Mohamed
Hussein
9
أغسطس 2018·
يا أمةً ضحكت من
جهلها الأممُ و النسانيس و القرود أم بتاعة حمره .
.
و بس يا سيدي
, بعد سبع سنين كاملين , وبعد ماخربت بلاد و أوطان و بعد ما اتقتل مئات الألاف من الأطفال
و النساء و بعد ماتهدمت جيوش و بعد ما اتشرد ملايين البني أدمين , ملايين من مخلوقات
الله , و بعد ماجبنا أمريكا و بريطانيا عشان يقودو التحالف السنّي!! , و بعد ما شاركو
( مشايخ الإسلاميين ) في حرق بلادهم و أوطانهم و محاربة جيوشهم , وقفَ الشيخُ و أمسكَ
بجواله و عمل اتصالات دوليه , سلكيه ولا سلكيه , و كلّم ناس في كل أنحاء كوكب الأرض
و المجموعة الشمسيه و صوّر نفسه فيديو و هو بيبكي و يعيط و يتشحتف عشان أختهم في الله
قلعت النقاب , أه و عهد الله .
.
بقولك بلاد خربت
و اتحولت لأثر بعد عين , و شعوب بقو لاجئين و قتلى و مشردين بالملايين و مشكلة مولانا
الشيخ أبو قلب مرهف و كف رقيق و صغير هي حتة القماشه دي اللي كانت لابساها حلا شيحة
!! ( حتة القشطه اللي وقفت في زور مدبولي و موتته بعد ما أكل 12 كيلو بسبوسه )
.
و تيجي انت بقى
تقولي أمريكا و الغرب و القوى الإستعماريه بيعملو فينا كده ليه ؟ أقولك لازم يعملو
كده فينا , و عزة جلال الله يبقو عبط و مخابيل لو مكانوش يعملو كده فينا .
..................................................................................................................
Mohamed
Hussein
8
أغسطس 2018·
المعنى الكامل
للإنحطاط
.
( عورة الرهبان
!! ) , و ( طهّر بيتك يا قداسة البابا ) , الحقيقه الجملتين دول ماكتبهمشي عيل صايع
و فاشل على كوبري في قريه نائيه , الجملتين دول مكتوبين مانشيت في الصفحه الأولى لجريدة
الدستور ( المصريه ) و اللي بتصدر من مصر .
.
قبل 2011 كان الناس
بيمشو جوه الحيط مش جنب الحيط , و كان أمين شرطه بيسوق شارع قدامه .
.
بعد 2011 الأيه
اتعكست تماما , و لما ماسورة الحرية انفجرت في وشنا اتهطلنا , فمبقاش فيه رمز ولا قدوه
ولا قدسيه لأي كيان , ولا بقى فيه كبير ولا صغير
والنتيجه الحتميه
هي اللي بنشوفها يوميا .
.
بدأو بالأزهر الشريف
و جيش مصر العظيم , تطاول و انحطاط ليل و نهار , و دلوأتي شغالين على الكنيسه المصريه
العريقه , كده تبقى أضلاع المثلث التلاته اكتملت ( أزهر و كنيسه و جيش ) .
.
ماهو كل شئ جايز
و كل شئ مباح , في زمن الأقزام و سواقين التكاتك اللي بيهرو في السياسات الدوليه ,
و العيال اللي بيبررو السرقه و التهريب , و الشمامين اللي بيدافعو عن الإرهابيين و
القتله وبيدافعو عن المرتشين و الفاسدين , وفي زمن الصيع و العواطليه اللي ممكن يشتغلو
رؤساء تحرير .
...........................................................................................................
Mohamed
Hussein
7
أغسطس 2018·
من أجمل الفيديوهات
اللي شوفتها في حياتي .
.
بطل في جيشنا العظيم
من سلاح الدفاع الجوي في مسابقة الألعاب العسكريه في الصين , و بمدفع من اللي بيتشال
عالكتف بيصطاد هدف في الجو على بعد مئات الأمتار , كأنه بيصطاد عصافير ببندقيه !!
, و مصر بتفوز بالمركز الأول .
.
أبطالنا بتوع الدفاع
الجوي اللي كانو في حرب أكتوبر مماتوش , عشان اللي بيخلف مابيموتشي .
..............................................................................................................................
Mohamed
Hussein
6
أغسطس 2018·
لا بس أردوغان
صارف جامد على التعليم
.
تخيل حضرتك انك
جبت 10 عيال مصريين في ساته ابتدائي و سألتهم السؤال ده , أين تقع أهرامات الجيزه ؟
و إديتهم 3 اختيارات , ( الجيزه .. اسكندريه ...السنبلاوين ) , يا ترى هتكون اجابتهم
ايه ؟ .
.
في تركيا , و في
برنامج مسابقات ( من سيربح المليون ) , المذيع سأل المتسابقه , أين يقع سور الصين العظيم
؟ و إداها اختيارات , ( الصين , كوريا , اليابان , الهند ) , المتسابقه قعدت تفكر و
بعدين قررت انها تاخد رأي الجمهور , الجمهور ( التركي ) اختار كوريا و اليابان و الهند
بنسبة 49 % , فقررت المتسابقه انها تستعين بصديق !! , أه و عهد الله زي ما بقولكو كده
.
.
الأجمل في الموضوع
بقى إن الأخت المتسابقه دي خريجة جامعه و تحديدا ( خريجة اقتصاد ) , بس بس أنا كده
فهمت , أكيد هي و زمايلها في الكليه هما اللي حطو النظريه الإقتصاديه اللي بتقول إن
تركيا مسلفه صندوق النقد و الاتحاد الأوروبي و الاتحاد الأفريقي و شاريه نص الأرض بتاعة
كوكب المريخ و مسجلاها في الشهر العقاري .
.................................................................................................................
Mohamed
Hussein
6
أغسطس 2018·
أستاذ مزنوق مخنوق
: أنا فكرت في مبادره للخروج من الأزمه , احنا هنعمل استفتاء و نعمل مجلس رئاسي و نعمل
محشي و نعمل تاتو فراشه .
- مممممممم و إلا
؟ .
و إلا هنعتصم في
ميدان التحرير .
- مممممممم و إلا
؟
.
و إلا و ديني هشرح
راسي بالموس عشان ماتنفعشي لا طبله ولا طار .
- طب يا سيدي ماتزعلش
نفسك , راسك عندك و الموس أهو , هديه منّي .
.
يعني ايه ؟
- يعني شايف البحر
شو كبير ؟
.
أه
- روح و اشرب منه
.
......................................................................................................
Mohamed
Hussein
5
أغسطس 2018·
تركيا : القبض
على أسره تمارس الدعاره غير المرخصه !! .
.
طب و الله ما ينفع
كده , ولاد الحرام بتوع الدعاره عايزين ياكلو الضرايب و حق الدوله على ولاد الحرام
التانيين بتوع الحكومه .
.
طب ولاد الحرام
التانيين هيصرفو منين على قناة الشرق و على ولاد الحرام اللي فيها لو مكانش ولاد الحرام
الأولانيين هيدفعو لهم الضرايب المعتمده في الدعاره؟ .
.
بلاش كده خالص
, ولاد الحرام التانيين لو ماخدوش ضرايب عالدعاره من ولاد الحرام الأولانيين هيسلّفو
صندوق النقد الدولي إزاي ؟! .
......................................................................................................
Mohamed
Hussein
5
أغسطس 2018·
من الظواهر المشتركه
بين الخرفان و شمامين الكوله ظاهره اسمها ( النطاعه المركّبه ) .
.
ايه حكاية النطاعه
المركبه دي , بص يا سيدي
.
النطاعه العاديه
( و المرقعه ) إنك مثلا تسافر بلد زي تركيا أو قطر بنت الوسخه أو بريطانيا أو أمريكا
, تسافر بمحض و كامل إرادتك و بدون أي ضغوط من حد , تسافر عشان تشتغل ايه ؟ مهندس او
دكتور او حتى عامل باليوميه ؟ لأ و الله ياريت , دي كلها مهن شريفه و محترمه , لكن
انت بتسافر عشان تشتغل في ( الدعاره الإعلاميه ) , تشوف لك أي شقة دعاره , قصدي أي
قناة أو جريده و تفضل تشوّه في بلدك ليل و نهار و تفبرك أخبار وتقارير , و تحاول إنت
و كل زمايلك و زميلاتك في شقة الدعاره دي إنكو تهدو مصر أو تحرقوها على قد ما تقدرو
, و تتنططو بقى على حجر الأغا التركي أو الشاذ القطري أو الخواجه البريطاني و الأمريكي
.... الحكايه دي اسمها النطاعه العاديه (و المرقعه) .
.
بعد شوية هتبدأ
تلاقي معاملة بالجزمه , هينداس على رقبتك من اللي مشغلك , لأنك باختصار مجرد منديل
كلينكس بيستخدموه و يرموه و انت عارف كده كويس ( وأمك عارفه ) , لما توصل بقى للمرحله
دي ( مرحلة الكلينكس اللي بيترمي في الزباله ) هتقعد تعيط و تولول زي أي عاهره انطردت
من شقة الدعاره , زيها بالظبط , مفيش أي فرق , هي في اللحظه دي هتلعن الظروف الصعبه
اللي خلتها تشتغل في شقة الدعاره ( عشان طبعا تربي عيالها و تصرف على أمها العيانه
و البؤ الحمضان ده ) و انت كمان في اللحظه دي هتلعن الظروف اللي خلتك تسيب بلدك , و
تقعد تقول العسكر و الفاشيه و الكمع , مع إنه بالنسبه للعاهره مفيش ظروف خلتها تشتغل
عاهره و بالنسبالك محدش قالك اطلع بره بلدك و اشتغل في نفس المهنه بتاعتها .
.
الحكايه دي اسمها
النطاعه المركبه , و لها تفسير أكيد في علم النفس , عقلك الباطن يبدأ في مرحلة الإنكار
عشان تعرف تعيش , إنكار انك بتشتغل في مهنه قذره و إنك شخص قذر , بعد شوية يبدأ نفس
عقلك الباطن يحسسك انك صاحب قضيه و صاحب منهج فكري (و صاحب فكري شخصيا ) , و لما تنطرد
من شقة فكري نفس عقلك الباطن يقولك انت ضحيه , ضحية الظروف و الظلم و الفاشيه , و مش
بعيد عقلك ده يصوّرلك انك بطل و أيقونه ومش واخد حقك و المفروض الناس تعملك مقام و
تطوف حواليه , و نسمّيه ( مقام سيدنا المنديل الكلينكس المستخدم ).
................................................................................................................
Mohamed
Hussein
4
أغسطس 2018·
المناضله الرفيقه
الداده عهد التميمي طلعت في برنامج تليفزيوني تمدح في سجون اسرائيل و جمال سجون اسرائيل
, و بتقول كنا بنسهر طول الليل نغني و نرقص و نتنطط عالسراير .
...............
المهم بقى , حبّو
اسرائيل يا ولاد , حبوها من قلبكو , و قولو إن (المناضله ) عهد التميمي لو كانت في
سجن من سجونا العربيه كانت طلعت حامل و شايله عيلين على كتفها .
.
ايه ؟ عملتو كده
و قولتو كده فعلا ؟ بجد والله ؟
- برافو , اسرائيل
مبسوطه منكو أوي و شارون مبسوط منكو , و الحاج بلفور ذات نفسه مبسوط منكو .
................................................................................................................
Mohamed
Hussein
4
أغسطس 2018·
مابنجلدش أطفال
حضرتك , القانون نفسه مابيجلدش الأطفال , عشان كده حط سن معين , تحت السن ده بتبقى
الجريمه عقوبتها مخففه , عشان ده طفل أو مراهق صغير ( حدث ) .
.
إنما ماينفعش أبدا
نظهر أي نوع من التعاطف أو التبرير مع حد ارتكب مخالفه أو جريمه أو جنحه حتى لو كان
لسه مراهق , الحرامي الصغير لما تتعاطف معاه بكره هيكبر و يبقى حرامي كبير قد الدنيا
.
.
مفيش أي مبرر للسرقه
و التهريب , ولا حتى مبرر الظروف و العيشه , يابني حاول تصدق , انت بتبقى فاتح مشروع
صغير و تحفى على عيل خمستاشر ستاشر سنه يشتغل معاك دليفري و تقوله مرتبك بالبقشيش هيزيد
عن 2000 جنيه و يرفض أو يشتغل يومين و يهرب , يهرب يروح فين ؟ يقعد على قهوه أو يشم
كوله أو يشحت في إشارات المرور ( الشحاته هتجيب له فلوس اكتر ) , أو يشتغل في السرقه
و التهريب ( فلوسهم أكتر برضه ) .
.
لو هتبرر لواحد
عمره 15 سنه انه بيشتغل في التهريب يبقى مش من حقك بعد كده تعاتب واحد قده لما يتحرش
بست في الشارع و يلمسها من أماكن حساسه ( ماهو معذور و مش لاقي يتجوز و قطر العمر جري
بيه ) , هو احنا يعني هنمسك المتحرش المراهق و نسيب الناس اللي بيغتصبو الستات ؟!
.
.
لو هتبرر يبقى
تبرر برضه سواق التوكتوك اللي بيمشي عكس السير , ده سواق توكتوك غلبان بيجري على اكل
عيشه , هنتشطر على سواق التوكتوك و نسيب سواق المرسيدس ؟! .
.
الحقيقه مش بدخل
جوه النفوس و القلوب عشان أصدر أحكام , و بالتالي مش متضايق من إن نجيب ساويرس طلب
انه ياخد العيال دي و يشغلهم معاه و ياريته هو و كل رجال الأعمال يلمو ( الأحداث )
اللي في السجون و يشغلوهم في مصانعهم , يحولوهم لبني أدم صالح متزن ( على فكره المسجون
الواحد بيكلف الدوله 3000 جنيه شهريا ) .
.
أخر حاجه عايز
أقولها , إن الجملة بتاعة ( بتتشطرو عالعيال الصغيرين و سايبين الحراميه الكبار ) بشوف
فيها كمية نطاعه ملهاش مثيل ولا زي , عشان لحد علمي احنا دولة سجنت رئيسين و وزرا و
مسئولين كبار و قضاه و رجال أعمال مليارديرات , ماعرفش حد في مصر بقى فوق القانون
, و بالتالي تبقى الجمله دي فيها قدر من النطاعه يساوي نفس القدر اللي في جملة ( مفيش
دخان من غير نار ) , اللي بيقولها شمام الكوله لما يألف و يفبرك هبده جديده و تقوله
دي هبده يا هبدجي ومفيش عقل ولا منطق يقبلها , يقوم يقولك (صح بس مفيش دخان من غير
النار )!! .
..................................................................................................................
Mohamed
Hussein
3
أغسطس 2018·
لما كان عمري
15 سنه يعني قد العيال بتوع بورسعيد اللي ظهرو في الفيديو , كنت بشتغل طول الصيف .
.
ليه بشتغل ؟ عشان
أساعد أبويا و أمي اللي مخلفين 6 عيال , رغم إننا كنا إلى حد مستورين , بس عشان تشتري
علبة ألوان للمدرسه أو عدة هندسه كنت بحس إن الحكايه دي صعبه أوي على أبويا الله يرحمه
.
.
طيب يبقى أشتغل
بقى و أساعد على قد ما أقدر .
.
هشتغل ايه و انا
طالب في أولى ثانوي أو تالته اعدادي؟ هشتغل مثلا في منصب رئيس وزراء بريطانيا أو عميد
المعهد العالي للتكنولوجيا ؟ لأ .
.
اشتغلت مع تاجر
تبن , ايه الشغلانه دي ؟ الشغلانه دي يا مولانا إنك تصحى الساعه 7 الصبح و تركب عربية
ربع نقل و تروحو حتة أرض يكون فيها كوم تبن كبير , و تجيب بتاع 20 كيس تبن و تفضل تعبي
فيهم و تكبسهم , كيس ورا كيس , في درجة حرارة بتوصل 50 , تخلص تعبية ال 20 كيس على
1 الضهر مثلا و تبدأ تحمّلهم عالعربيه الربع نقل و ترصهم و تربطهم بقى بأحبال تخينه
( سلبه ) , و تركب العربيه مع التاجر و تفضلو تلفو بيها بين المدن و المحافظات لحد
ماتلاقو حد يكون عنده مزرعة مواشي و يشتري ( نقلة التبن ) , تبدأ تنزل الأكياس بخطاف
على ضهرك , بإيد واحده , و تشيله توصله للمكان اللي عايزه صاحب مزرعة المواشي , حتى
لو كان المكان ده أوضه فوق سطوح و هتطلع لها على سلم خشب ( و انت شايل كيس التبن اللي
وزنه بيوصل 80 كيلو على ضهرك ) .
.
تخلص الحكايه على
10 بالليل مثلا و ترجع هلكان و خلصان و عدمان , طب و عزة جلال الله كان بيفوت عليا
أيام و انا راجع و جسمي و شعري و هدومي كلها تبن , و من التعب و الهده أقول لأمي مش
هاخد دش مانا هصحى اشتغل تاني و مش قادر أفتح عنيا , هنام عالأرض زي مانا كده ( عشان
ماوسخش السرير و أبهدله ) .
.
يوميتي كانت كام
؟ 5 جنيه , أه و الله , و الكلام ده مش من 100 سنه ده كان في التسعينات , 5 جنيه يعني
بمقام 50 جنيه النهارده و بالكتير ..جبتهم ازاي ؟ من السرقه ؟ من التهريب ؟ لعنت الظروف
؟ اشتغلت مع تاجر مخدرات ؟ قلت مافيه حراميه كبار بيسرقو وايه المشكله أبقى حرامي صغير
؟ لأ خالص .
.
عايز أقول للصيع
اللي بيبررو التهريب للعيال بتوع بورسعيد و بيخلقو لهم قضيه و مش بعيد يعملو منهم أبطال
, انتو ولاد ستين وسخه , أه و عهد الله .
.............................................................................................................
Mohamed
Hussein
3
أغسطس 2018·
فضيلة الإمام العلامه
محمد حسين يعقوب : ممكن تكوني لابسه عباية سوده و نقاب أسود و الناس تطمع فيكي ؟ عارفه
ليه ؟ عشان شرابك بيج و ده يطمع الناس فيكي , شنطتك دهبي و فيها حته حمره و ده يطمع
الناس فيكي , حاطه كحل في عنيكي و باين من تحت النقاب و ده يطمع الناس فيكي !! .
.
عارفين يا ولاد
, الراجل ده معاه حق , انا مره كنت قاعد على قهوه بشرب سحلب و العياذ بالله , وانا
قاعد فاتت من جنبي ست لابسه عباية سوده و نقاب و شايله في إيديها شنطه عليها قلب لونه
أحمر , أنا شوفتها قلت ( أعوذ بالله من غضب الله ) , يادوب الست عدت من جنبي و هي ماشيه
بسرعه و لقيت راجل قالع ملط و بيجري وراها , هي تجري و هو يجري وراها , أنا قمت بسرعه
و مسكته , قلت له ايه اللي انت عامله في نفسك ده ؟ و بتجري ليه ؟ قال يا عم سيبني
, انت مش شايفها شايله شنطه عليها قلب أحمر ؟ قلت له أه شايف , قالي مانا ماعرفتش امسك
نفسي بعدها , قلت له طب اقف بس نتكلم و استر نفسك , قال لأ هروح اغتصبها الأول و بعدين
أرجع و نتفاهم !! .
.
ماقولتلكوش أنا
عالتقيله بقى , مره كنت بزور دكتور صاحبي , دخلت عليه مكتبه لقيته ماسك صورة أشعه رافعها
في إيده و سرحان و رايح في عالم تاني , مش دريان أصلا ولا حس بيا لما دخلت , قعدت أنادي
عليه , يا حسن يا حسن , فوق يابني مالك ؟ قالي بص في الأشعه دي كويس , شايف الطحال
بتاع الست دي حلو أوي ازاي ؟ أنا من ساعة ماشوفته يا محمد يا اخويا و انا مش عارف أتلم
على أعصابي !! .
.
أصدقائي الغاليين
- من كام يوم صرح
محمد بن سلمان بنفسه إن نشر الفكر الوهابي كان بدعوى و تحريض من أمريكا لمواجهة المد
السوفيتي الشيوعي , اه و عهد الله زي ما بقول لكو كده , يعني حضراتكو عيشتو في ماية
البطيخ 50 سنه لخدمة الأمريكان و رئيسهم مش لخدمة الله و رسوله .
.
- بالناس اللي
زي حسين يعقوب و أمثاله ظهر عندنا أجيال من الدواعش , ارهابيين تحت الطلب , ماهو لما
عقلك يتلغي و تتحول لمجرد مسخ هتبقى جاهز لتنفيذ أي شئ , حتى لو طلبو منك انك تقتل
في جيش بلدك و شرطتها و تهد بيتك و تحرق صوابع ايديك مش هتتأخر , يا مؤمن انت وصلت
بعقلك اللي اتملى سباخ ليوم من الأيام صدقت فيه إن أمريكا بتقود تحالف إسلامي سنّي
لمواجهة الفكر الشيعي العلوي بتاع بشار الكافر الزنديق !! عايز سباخ أكتر من كده تحطه
فين ؟ .
.
- بالناس اللي
زي حسين يعقوب ظهر الملحدين في بلادنا و انتشرو , ك ( رد فعل ) مساوي في المقدار و
مضاد في الإتجاه .
...................................................................................................................
Mohamed
Hussein
3
أعسطس 2018·
طريقة تحضير
10 لتر بنزين 95 في البيت
.
المقادير:
- 6 لتر مايه من
الحنفيه
- 2 لتر ماية جوزة
أو ماية طرشي .
- ورقة صغيره مكتوب
عليها ( بنزين 95 ) .
- 1.5 لتر سبرتو
( يكون طازه ) .
- 4 بيضات بلاستيك
.
- نص كيلو رز
( بلاستيك برضه ) .
- 10جرام من الوحل
اللي غرقت فيه الكراكات و هي بتحفر قناة السويس الجديده
- لتر مايه من
اللي وصلناها للصهاينه في الأنفاق بتاعة قناة السويس .
- ديل تمساح من
اللي ظهرو في شوارع مدينة نصر بعد ما ماية النيل نشفت
- ربع كيلو حديد
من باب طياره من اللي بيتفتحو في الهوا و هي طايره .
- 3 سم من رباط
أي جزمة قديمه عند دوبلير السيسي اللي مربّي لهم الخفيف و عامل لهم هسهس في نفوخهم
..
................................................................................................................
ليست هناك تعليقات:
إرسال تعليق