Mohamed
Hussein
2أغسطس
2018·
معركة الوعي
......... رقم 6 ( المنظومة المتكامله )
.
من كام يوم كنت
قاعد في مكان و فيه تليفزيون مفتوح , جايب ايه ؟ جايب مسلسل NCIS
الأمريكي , المسلسل ده كنت بتابع حلقاته من سنين طويله و بعد كده
بطّلت , المهم , الحلقات دي جديده , جديده لانج , بتتكلم عن ايه بقى ؟ عن الشرطه الامريكيه
و المحققين اللي عارفين القرد مخبي ابنه فين و هما بيتعقبو مجرمين عتاه من تنظيم داعش
بيحاول يعمل أعمال ارهابيه في أمريكا , و طول المسلسل يا مولانا الظباط و المحققين
بيطاردو تنظيم داعش ابن الحرام ده .
.
ايه هي المنظومه
بقى ؟ بص يا سيدي
- أمريكا و بريطانيا
و الكيان الصهيوني يصنعو تنظيم إرهابي ( قصدي إسلامي ) و يستخدموه احلى استخدام , يلمّو
شوية بهاليل و صيع و دراويش من بلادنا العربيه الجميله و يستخدموهم في حرب ضد الإتحاد
السوفيتي ( أو ضد جيوش بلادهم و أنظمة الحكم فيها ) .
.
و لما التنظيم
الإرهابي يخلّص مهمته تبدأ أمريكا تغسل إيديها و تقول بنحارب التنظيم الإرهابي و هنحط
السيخ المحمي في صرصور ودنه , احنا لا يمكن نحط ايدينا في إيد ارهابيين و سفاحين ,
و تبدأ أمريكا تحارب التنظيم الإرهابي , تحاربه فين ؟ تحاربه في الجرايد بتاعتها (
مقالات من الشمخ الجواني ) و تحاربه في الإعلام و في السينما و الدراما ( أفلام و مسلسلات
) , و الدراما اللي بتعملها النهارده هتبقى تاريخ بكره , يعني هيتسجل في تاريخك و بموجب
المسلسلات و الأفلام دي إنك كنت بتحارب الإرهاب الشرير ( اللي انت أصلا صنعته بإيديك
) .
.
دي بقى اسمها المنظومة
المتكامله , اللي مكرره بشكل ممل , النصاب يلزمة دايما جاهل , و الجاهل في بلدنا نوعين
, نوع تستخدمه أمريكا في حروبها و مخططاتها و يروح يقتل و يتقتل و يبقى متخيل إنه هيقابل
حور العين في الجنه و هيلاقيهم واقفين طابور و لابسين لانجريهات إيطالي , و نوع يصدق
أمريكا و هي بتغسل إيديها و يقول دي كيوت خالص و بتاعة حقوق إنسان و قلبها قلب خسايه
.
.......................................................................................................................
Mohamed
Hussein
1
أغسطس 2018·
التجربه التركيه
الأردوغانيه
.
- الدولار وصل
لأول مره في تاريخ تركيا و بقى يساوي 5 ليره .
- الزياده في سعر
الدولار قدام الليره اخر 7 سنين أكبر من زيادته قدام الجنيه .
- ديون تركيا الخارجيه
ارتفعت لأكتر من 430 مليار دولار .
.
مع العلم
- تركيا ماكنتش
بتدعم الدولار زينا .
- تركيا مانضربش
عندها السياحه بفعل فاعل زينا
- تركيا ماواجهتش
مؤامره و طوفان و حرب اقتصاديه و حرب على الارهاب زينا
- تركيا كانت جزء
من الإرهاب ده , كانت البلطجي اللي نهب ثروات ليبيا و بترول العراق و بترول سوريا
.
- دخل تركيا من
الدعاره يساوي تقريبا دخل مصر من قناة السويس ( و الدعاره عدم اللامؤاخذه مش بتتأثر
بحركة التجاره العالميه ولا حركة المجرات و الكواكب , طول مالمزاج عنب تبقى الدعاره
زي الفل .
.......................
.......................
لالا انا ماسمحلكش
, أردوغان ده خليفة المسلمين اللي هيحرر القدس , و تركيا مسلفه صندوق النقد و مجموعة
الكومنولث و الإتحاد الأوروبي و الاتحاد الأفريقي و الإتحاد السكندري .
- بس ياهبل يابن
الأهبل .
.............................................................................................................
Mohamed
Hussein
1
أغسطس 2018·
و في ليلة ظلماء
مظلمه كاحلة السواد , نامت عهد التميمي في فراشها في احدى معتقلات الصهاينه , نامت
بعد أنهكها التعب و أعياها الجلد بالسوط و الكرابيج و المنجانيق وهي تردد ( أحدٌ أحد
... أحدٌ أحد ) , راحت عهد التميمي في سبات عميق و إذ بها ترى في المنام الرئيس محمد
مرسي , جلس بجوارها و ربت على كتفها و قال لها لا تبتأسي يا بنيتي فقد اقتربت ساعة
النصر , سوف نحرر القدس و المسجد الأقصى من يد اليهود و نزحف عليهم بالملايين , ثم
قام الرئيس مرسي و توضأ و صلى إماما بالأنبياء و الرسل والقديسين و نيلسون مانديلا
و جوارديولا و يورجان كلوب , و في هذه اللحظه استيقظت عهد مستبشره بما رأت و إذ بها
تسمع أذان الفجر , فنهضت من فراشها و توضأت و صلت ثم عادت للنوم مره ثانيه .
.
و في المره الثانيه
, وما إن أغمضت عينها حتى رأت خليفة المسلمين رجب طيب أردوغان , جاءها مبتسما و اقترب
منها , و قال لها سوف تغادرين هذا السجن قريبا جدا , ثم أخرج من جيب معطفه اتنين أيس
كريم , فأعطاها واحده و أخد له واحده , و ظلّو يلحسون الأيس كريم حتى أشرقت الشمس
.
.
استيقظت عهد التميمي
فوجدت أثار الأيس كريم على شفتيها , و فجاه فُتحت أبواب الزنزانه و دخل جندي صهيوني
, و قال لها : جاهزه يا أستاذه للتصوير و عرفتي هتقولي ايه بالظبط ؟ ردت عهد بابتسامتها
المعهوده , جاهزه ياخويا إلهي تتشك في معاميعك .
.
وقفت عهد و أطالت
النظر لنفسها في المرآه ثم نظرت للجندي الصهيوني الحقير وقالت له , يا ليشع والله انتو
هتودونا في داهيه , هتصور ازاي بشعري الكيرلي ده ؟ هو انا خارجه من كوافير إم أند إس
بتاع مصر الجديده ؟ المفروض اني كنت في سجن , فقال لها ليشع , ماهو ده المطلوب ,عايزين
العالم كله يعرف إن سجون اسرائيل فيها خدمه 7 نجوم , فول بورد , و اننا بنحافظ على
حقوق الانسان و العصافير الكناريا , فقالت له : قشطه .
.
ثم صفق العرب و
المسلمون للمناضله عهد التميمي التي صفعت الإحتلال الصهيوني و طرحته أرضا و كسرت شوكته
و نيّمت تل أبيب من المغرب , و قال العرب في صوت واحد , يا دين النبي , ايه الحلاوه
دي يا جدعان
.........................................................................................................
Mohamed
Hussein
31
يوليو 2018·
معركة الوعي
... رقم 5 ( القضيه الفلسطينيه و عهد التميمي و أردوغان و مسرحية ولاد الوسخه ) .
.
أوقات كتير كنت
بسأل نفسي , ليه الاحتلال الصهيوني قعد في أرض عربيه و استربع و مدّد رجليه و بقى حاطط
في بطنه شادر بطيخ صيفي ؟ ليه ؟
.
السؤال الأول اللي
جه في ذهني , هما أشقائنا الفلسطينيين لسه مدركين إن لهم أرض محتله و عدو أزلي اسمه
الكيان الصهيوني ولا تعايشو مع الأمر الواقع و المولد اتفض ؟ الإجابه, إن الفلسطيني
اللي مدرك ان عنده قضيه و اغتصاب لأرض لا يزيد حاليا عن 10 %من الإجمالي(ده في أحسن
الحالات و التقديرات ) .
طيب هل ده عيب
في الشعب الفلسطيني ؟ لأ, إنما ممكن نقول طبيعة الأشياء , كل مصيبه بتتولد كبيره و
بعد كده تصغر , حماسك لمقاومة احتلال أرضك بعد سنه غير حماسك بعد 90 سنه , جذوة الحماس
دي هتخبو تدريجيا , إلا إذا كنت محتفظ دايما بجمر تحت الرماد , و هنا مربط الفرس .
.
اليهود لما جم
يحتلو أرض عربيه من 90 سنه مافكروش بس في بناء دوله و مؤسسات و تعليم و صناعه و خلافه
, و مافكروش بس في تسليح لجيشهم , الحاجات اللي فاتت دي ماتضمنش أبداء بقاء الكيان
الصهيوني , مهما وصلو فيها لدرجة متطورة جدا .
.
فيه حاجه أهم
, أصحاب الأرض اللي احتليناها , هنسيبهم كده بجمرهم و جذوتهم ولا نتحكم في الأمور ؟
لا نتحكم في الأمور , وجودنا ككيان صهيوني ماينفعش يكون ( على شفا حفره ) , وازاي مايكونشي
على شفا حفره ؟ لما نكون ماسكين أعدائنا ( اللي هما أصحاب الأرض ) في قبضة إيدينا
, و نحركهم زي مسرح العرايس , فلسطين نقسمها اتنين و نخلق بين الاتنين عداوه و هنا
تتوه الفكره و المعلومه , هو مين عدوك بالظبط كمواطن فلسطيني ؟حركة فتح ولا حركة حماس
؟ و لا يكونشي عدوك هو الجيش المصري ؟!! , طب واسرائيل يا مولانا ؟ مالها اسرائيل بس
؟ دول بيعاملونا أحسن معامله و بنشتغل معاهم و بناخد مرتبات زي الفل , بذمتك لو كان
ياسر عرفات أو أبو مازن بيديرو الأرض دي كانو عملو فيها التقدم ده كله ولا كان زمانها
خرابه ؟ شوفتو الاحتلال جميل ازاي ؟ بحبك يا احتلال .
.
طب نعمل ايه تاني
ك كيان صهيوني ؟ نحاول ندمر الجيوش اللي حوالينا , ده بحجة أسلحة الدمار الشامل و ده
لأنه بيحكمه نظام شيعي علوي وده عشان بيحكمه ديكتاتور , و نحاول مع الجيش المصري ,
الجيش الأهم بالنسبالنا , بس ده صعب أوي , خلاص و احنا برضه مش هنيأس و هنسرّح ألاضيشنا
يشوهوه ليل و نهار و نحاول نكسره بمجموع النقاط .
.
بس كده ولا نعمل
حاجه كمان ؟ باقي حاجه اخيره , الجمر اللي تحت الرماد , طبيعة الأشياء برضه بتقول ان
ال 10 % هيحتاجو كل شويه يطلع منهم بطل و أيقونه ( تميمه ) , و ماله , مش عيب , نعملها
احنا على إيدينا التميمه دي , و الله مانتو تاعبين نفسكو يا عرب , احنا هنعمل الأيقونه
و نرجعهالكو عشان تستفيدو من نضالها المستقبلي ولا مؤاخذه .
.
مسرحية لذيذه للغايه
, و أمه نائمه في سابع نومه , و أردوغان متخصص المسرح , اللي في ظرف شهرين تلاته أنقذ
شاب من الانتحار و هو معدي بالموكب بتاعه ( بالصدفه ) و يوم ما راح حفلة انصاره قال
لهم أسف يا جماعة على التأخير , أصل وانا جاي لقيت حادثه و طفل مصاب و وديته المستشفى
بنفسي ( بالصدفه ) , وأخر حاجه في مسرح أردوغان و الصهاينه هو التوسط للإفراج عن الأيقونه
الجديده عهد التميمي ( هي و الأيس كريم بتاعها ) , طالعه كأنها خارجه من منتجع في لبنان
, شوفتو سجون اسرائيل جميله ازاي؟ طب شوفتو حقوق الانسان ؟ طب شوفتو أردوغان اللي أنقذ
البنت ( البونيه ) من براثن السجون الصهيونيه ؟ ستووووب , كت , هايل يا ولاد الوسخه
.
..........................................................................................................
Mohamed
Hussein
31
يوليو 2018·
لما كتبت عن موضوع
تعديل قانون الجنسيه و إني مش قلقان , ناس كتير زعلت منّي , بس كان معايا حق , ملفات
الأمن القومي مش بتتساب للصدف ولا هتتساب للصدف بعد كده ولا الحكايه بيكون أولها و
أخرها تصويت في برلمان أيا ما يكون شكل و كفاءة البرلمان ده .
.
مصر يا مولانا
مش دور كوتشينه بيتلعب على قهوه , فيه حاجه اسمها مؤسسات سياديه بتدير منظومة متكامله
( زي كل الدول الكبرى ) و من ضمن شغلها ملفات الأمن القومي .
.
و الناس اللي قدمو
مئات الشهداء بنفس راضيه مطمئنة و حرّكو ألاف من القطع العسكريه و صرفو مليارات في
حرب مدتها سنين ضد إرهاب مدعوم من دول عظمي , وكل الحكايه عشان بس ولاد الأفاعي مايرفعوش
علمهم على متر من تراب سينا , الناس دي اللي مافرطتش في تراب مصر مش هتفرط في جنسيتها
ولا بكنوز الدنيا , دي قناعة أبصم عليها بالعشره و انا مغمض .
.................................................................................................................
Mohamed
Hussein
29
يوليو 2018·
بناتي لما بيألشو
....و فجأه ألاقي نفسي مش عارف أرد .
.
نزلت انا و لوجي
بنتي ( 11 سنه ) نشتري لها صندل جديد تلبسه عالفستان عشان عيد ميلاد صاحبتها .
.
السن بتاع لوجي
ده سن رخم , لا بتلاقي مقاساته في الأطفال ولا بتلاقيها في الكبار , سن غتيت كده شبه
يوم التلات و ريهام سعيد .
.
المهم بعد ما لفينا
في محلين و قيسنا بتاع 17 صندل , ده واسع و ده ضيق و ده لونه مش لايق عالفستان , وانا
كنت زهقت بقى , قلت أجتهد كده و أقترح , ماهو الدستور بيدّي الحق لكل مواطن انه يقترح
و يفتكس و يهبد .
.
أنا : يا لوجي
ما تشتري سابو و خلاص , مش ضروري صندل يعني ؟
لوجي ( بتبص لي
و مبتسمه ) : سابو ايه اللي ألبسه على فستان يا حاج ؟ هو انا نازله أصلّي الجمعه ؟!
.
................................................................................................................
Mohamed
Hussein
29
يوليو 2018·
عبد الفتاح السيسي
: قاعدين تركبو العربيات و تعملو كيكي , طب زوّد البنزين يا باشمهندس و ماتقلقش .
.
أقطع دراعي من
هنا إن الراجل ده عامل أكاونت مضروب عالفيس و بيتابعنا كلنا نفر نفر , وأكيد أكيد مابيعملش
لايكات , ابقى اعمل لايك عندي ياريس , مايصحش كده
...............................................................................................................
Mohamed
Hussein
29
يوليو 2018·
معركة الوعي
..... رقم 4 (مابين مفهوم الدوله و مفهوم الغابه ) .
.
لما متهم في قضيه
يتحاكم محاكمة مدنيه قدام قاضي و وكيل نيابه و مستشارين و معاه طابور محامين و أدله
و شهود إثبات و شهود نفي , و القانون بيديله حق النقض و الإستئناف , و تستمر المحاكمة
دي شهور و سنين ( مع اعتراضي على طول مدة المحاكمة في مصر اللي لازم نلاقي لها حل
) .
.
المهم , في النهايه
لما يصدر حكم القاضي يبقى حكم ملزم للجميع , ملزم حتى ليا أنا كمواطن سواء كنت بحب
المتهم أو بكرهه , الحكم ملزم حتى لو كان إعدام أو براءه .
.
ليه ؟ عشان ده
حضرتك اسمه مفهوم الدوله , و القصه اللي فوق دي اسمها منظومة التقاضي , اللي هي موجوده
في كل دول العالم ( مش احنا اللي اخترعناها ) .
.
واحد زي جمال عيد
لما يعلق و يهلفط على حكم إعدام قيادات الجماعه الإرهابيه بقول مش مشكله , ده واحد
بيشتغل في أكبر بيت دعاره في العالم و المسمى الوظيفي بتاعه ( عاهره ) , يعني لازم
تعمل بلقمتها .
.
إنما لما واحد
زي الأستاذ خالد علي يعلّق على الحكم و واحد زي الأستاذ البرادعي , و الإتنين في الأصل
محامين , مع ان اللي بقوله لا محتاج محامي ولا محتاج بطيخ , دي أبجديات العقل البشري
, أبجديات المنطق , لو ماعندكشي قضاه هتحترم أحكامهم هتبقى ببساطه شديده و من غير كلكعه
اتنقلت بعقلك الجميل السمباتيك من مفهوم الدوله لمفهوم الغابه , اللي هو نفس اللي عمله
الخرفان والسلفيين لما حاصرو المحكمة الدستوريه العليا .
.
في النهايه عايز
أقول كلمتين للساده الهجاصين بلا استثناء و على رأسهم الأستاذ حسن نافعه :
.
- قصة إن فلان
ده أنا اعرفه و كان راجل كويس و صاحب صاحبه ملهاش علاقه بحكم القاضي في قضيه معينه
.
- قصة ان فلان
حافظ القرأن و مش بيفوت فرض و حج بيت الله 400 مره ملهاش علاقه بمحاكمته في تهمه معينه
- قصة ان فلان
ده كان بيبر أمه و جدع و كريم و اللي في إيده مش له ملهاش علاقه بحكم القاضي .
- لو انا مقطع
سجاجيد الجامع و عندي زبيبة صلاه قد غطا الحله و مش ببطل صدقه عاللي رايح و اللي جاي
و بصوم اتنين و خميس كل اسبوع و في يوم من الأيام قتلت واحد أو حرضت على قتله أو شاركت
في قتله القاضي هيحاكمني عالتهمه دي , و الماضي الجميل المشرف بتاعي مايشفعليش ولا
له أي تلاتين لازمه قدام القاضي سواء كان القاضي مصري أو أمريكي أو ياباني أو موزمبيقي
.
.
باختصار كربلائيات
الإخوان اللي بيمارسوها من 90 سنه و اللي بتقلدوها بالكلمه و الحرف لا تليق إلا بخروف
أو حمار مع كامل الإعتذار للخرفان و الحمير .
................................................................................................................
Mohamed
Hussein
28
يوليو 2018·
المؤتمر السادس
للشباب بحضور الرئيس
.
- المؤتمر في جامعة
القاهره , الجامعة العريقه, جامعة العاصمة , اللي أتمنى مايدخلهاش أبدا مسئول أمريكي
مره تانيه , مفيش حاجه بتيجي من الغرب تسر القلب , و أهل الشر هيفضلو طول عمرهم أهل
الشر , حتى لو لبسو ماسك كيوت و جميل و قالو ( السلام عليكم ) .
.
- المؤتمر بينظمه
شباب مصر , عيدانها الخضره , هو شبابنا يقدر ينظم مؤتمر بالحجم و الضخامه دي ؟ أه يقدر
, فيه شروط ؟ شرط واحد بس , ايه هو ؟ مايكونشي خروف ولا شمام كوله , ليه بس ؟ دانت
متحامل عليهم أوي , لا و الله يابني , الحكايه مش كده , الحكايه علم نفس , لما تقعد
سنين طويله تعبّي دماغك سباخ و تملى عقلك بأفكار سوداويه و إحباط هتتحول تدريجي لمجرد
مسخ , كائن مشوه , في الحاله دي مش هتقدر تزرع شجره , ولا هتقدر تقوم من عالكرسي بتاعك
عشان تزرعها , عقلك مبقاش بتاعك و بالتالي أطرافك مش هتستجيب لأوامر خير , تزرع , تصنع
, تبني , تقول معلومه مفيده أو فكره , ترسم لوحة جميله , تعزف موسيقي , تنظّم مؤتمر
بشكل جميل , كل ده لأ , أطرافك ممكن تستجيب بس للأوامر دي , تحرق , تخرّب , تكدب ,
تشوّه , تشتم , تفبرك , تزيف حقيقه , تهدم.
.
- في المؤتمر و
كالعاده , رئيس مصر قاعد على كرسي بيسمع الشباب , الشباب بيقول و بيعبر عن رأيه و بيقترح
أفكار و بيقدم حلول و بيعترض بكل حرية , مين اللي قاعد ده ؟ رئيس مصر , مفيش كمال الشاذلي
عشان يمسك الناس و يقول لهم انت تسلّم و انت ماتسلمش و انت تسكت و انت تقعد و انت تخرس
خالص , مفيش شله من المنتفعين و الزلنطحيه عشان يبقو حجاب بين رئيس الدوله و شبابها
, مفيش حيطه بتقول للريس كله تمام و كله زي الفل و الشعب مبسوط منك أوي و شلوت سيادتك
دفعة للأمام .
.............................................................................................................
Mohamed
Hussein
27
يوليو 2018·
بوست في مستوى
الطالب المتخلف عقليا و الناشط السياسي و شمام الكوله الجميل .
.
هو الجو حر أوي
بقاله كام يوم ؟
- اه حر بشكل بشع
.
.
طب الكهربا مابتقطعش
ليه ؟ هل مثلا عشان قبضنا عالواد اللي كان بياخد عشرين جنيه و ينزل السكينه ؟
- لا حضرتك .
.
طب هل عشان قعدنا
كلنا في ساعة فجريه ندعي ربنا ان مشكلة الكهربا تتحل من جذورها ؟
- لا والله برضه
.
.
أومال مابتقطعش
ليه و ليه مفيش تخفيف أحمال ؟
- عشان حلينا مشكله
متراكمه من سنين طويله و مبقاش فيه عجز بين الإنتاج و الإستهلال ولا بقى فيه حل مشكله
بطريقه ( عك و ليّس كله كويس ) .
.
طب الحكايه دي
كلفت كام ؟
- مفيش , مبلغ
بسيط خالص , فضلة خيرك كده , بتاع 300 مليار جنيه .
.
فلوس البلد بتروح
فين بقى ؟
- اقرا السطر اللي
فوق تاني , ده مجرد بند , وفيه قده تقريبا في شبكة الطرق .
.
بس المشاريع دي
مش بيستفيد منها غير الأغنيا .
- لا يا حماده
, حل مشكلة الكهربا إتعمل على مساحة مليون كيلو متر مربع و لعدد سكان 100 مليون نسمه
( اللي هي مساحة مصر و عدد سكانها ) .
.
يعني ايه الكلام
ده ؟
- يعني المشكله
اتحلت عند الغفير قبل الوزير و عند عم حنفي البقال قبل رجل الأعمال .
.
بس احنا كنا عايزين
صناعة و مصانع و انتاج و حاجات تجيب فلوس .
- حاضر , من عنينا
و الله , بس دي اسمها ترتيب خطوات منطقي , قبل ماتفكر في قاعده صناعيه بشكل محترم لازم
يكون عندك مصادر طاقه متوفره ( كهربا و غاز و بترول ) و عندك شبكة طرق , الحكايه دي
اسمها البنيه التحتيه و احنا عملناها خلاص .
.
يعني ايه ؟
- يعني الفلاح
لما بياخد أرض بور مليانه حشائش لازم ينضفها الأول و بعدين يحرتها و يخططها و يعزقها
بالفاس و بعد كده يزرعها و يرويها و يراعي زرعته كويس أوي و يتعب و يعرق لحد مالزرعه
تكبر قدامه و يبدأ يشوف الثمره و المحصول و بشاير الخير ...ده اسمه الترتيب المنطقي
, ماينفعش خطوه قبل التانيه
...............................................................................................................
Mohamed
Hussein
27
يوليو 2018·
خمس وظائف و مهن
كلّما رأيتها أو سمعتها أتحسّس مسدسي :
.
- ناشط سياسي و
حقوقي .
- مدون و كاتب
صحفي .
- داعيه مودرن
.
- مدرب تنمية بشريه
.
- خبير في علم
الفلك و الأبراج .
.
إحنا نجيب ال
( مفيش ) و نحطه كده على إيدنا اليمين , و نجيب ال ( لا شئ ) نحطه هنا على إيدنا الشمال
, و بعدين نضربهم هما الاتنين في الخلاط ضربا مبرحا يقوم يطلع لنا عصير رائع اسمه عصير
ال ( nothing) , نقوم نشرب العصير ده 3 مرات يوميا بعد الأكل
, بعدها نكتشف اننا بقينا أحسن و خفينا تماما , خفينا من إيه ؟ خفينا من ال ( ولا حاجه
) , ألف حمد الله على سلامتنا .
.
بعد كده نلبس السلطانيه
و نتدفى و ننام زي الأطفال , لسه يادوب هنروح في النوم نلاقي جرس الباب بيرنّ , نفتح
الباب بسرعه نلاقي سمير غانم في وشنا , نقوله خير يا أستاذ سمير ؟ خير يابو سمره ؟
يقول لنا , لو سمحتو احنا عايزين السلطانيه عشان مش بتاعتنا , اه و عهد الله .
...............................................................................................................
ليست هناك تعليقات:
إرسال تعليق