Mohamed
Hussein
8
مارس 2018·
أبطال بالبيبي
دول
.
من فتره المذيعه
عزه الحناوي هربت لتركيا و قابلت خروف من الخرفان اللي شغالين في قنوات خليفة الشواذ
( أعتقد الخروف معتز مطر ) , و رايحه بقى عشان ( تمارس ) النضال من على حجر الأغا التركي
و بفلوس الشاذ تميم زي كل اللي ( بيمارسو ) هناك .
.
والنهارده عزه
الحناوي اعلنت إيه بقى ؟ خير يا سيدي اللهم اجعله خير , قالت لك ( رفضت العمل بقناة
الشرق لأسباب تتعلق بمبادئي الإنسانيه و المهنيه ) !! , قلبي الصغير لا يحتمل , استنو
كده يمكن أتأثر و اتشحتف , يا سلام عالحنيه , يا سلام عالإنسانيه .
.
بص يا مولانا
, كلمتين أبرك من عشره , لما تكون رايح برجلك و بمحض إرادتك لكباريه أو بيت دعاره فانت
متوقع تلاقي خمره و حشيش و نسوان و عيال لامؤاخذه , اكيد مش هتلاقي هناك سجادة صلاه
و لا ناس مقطعه حصر الجامع ولا مجموعه قاعده بتختم القرأن و راديو شغال على تواشيح
النقشبندي , العقل و المنطق البسيط خالص بيقولو كده , يعني مكان مش بتاع مبادئ و لا
قيم .
.
عزه الحناوي سافرت
تركيا ( بيت الدعاره الإعلاميه وخيانة الوطن ) بمحض إرادتها و برغبتها الكامله و عارفه
دورها هناك كويس , تشويه في مصر و جيشها و تاريخها و نشر اشاعات وفبركة تقارير , يعني
عارفه انها رايحه ( تمارس ) الدعاره الإعلاميه , طب ليه مامارستش ؟ برضه من غير فزلكه
كتير , العاهره لما تروح بيت الدعاره و ماتعملش حاجه بتبقى احتمال من اتنين مفيش غيرهم
, إما اختلفت مع الخروف عالفلوس اللي هتاخدها أو خافت من بوليس الأداب يطب عليهم
!! , و ده اللي حصل باختصار , عزه الحناوي إما مالقيتش هناك الفلوس اللي قالو لها عليها
( خصوصا انهم بيقطعو هدوم بعض و سارقين بعض حاليا ) أو خافت تتنفخ من الأجهزه الأمنيه
لما ترجع مصر ( زي مالباقي هيتنفخ ) .
.
فلما تيجي ال
( حاجه ) تقولك قيمي و مبادئي الإنسانيه والمهنيه و تحاول تخلق لنفسها بطوله و فروسيه
, تقوم تقول لها بالفم المليان كده , بص أمك , لا وسّع شويه , خليها , بصّمين أمك
.
..............................................................................................................
Mohamed
Hussein
8
مارس 2018·
في اليوم العالمي
للمرأه , كل سنه و كل صديقاتي الستات و البنات بخير و سعاده .
.
عزيزي الرجل المصري
- بص يا مولانا
, النهارده يوم مختلف , حاول تعمل فيه أي منظر عشان يكون مختلف , دي هي لمسات بسيطه
و بتفرق كتير والله , و مش هتكلفك أي حاجه , أقولك مثلا تعمل ايه عشان يكون اليوم مختلف
و سعيد .
.
انت تقول لمراتك
مش هتدخلي المطبخ النهارده ( و تحلف عليها ) , والله مانتي داخله المطبخ , تقعدي معززه
مكرمه كده و انا اللي هطبخ و تأكد عليها انها ماتدخلش وراك .
حلو كده ؟ تمام
, تدخل انت المطبخ بقى بتاع ساعتين قول تلاته , مراتك هتحس انك اتأخرت اوي , هتنادي
عليك من بعيد و تقولك ( خلّصت ولا لسه يا حياتي ؟ ) , ممممم ماتردش عليها , الفضول
هيخليها تخل بالإتفاق و تيجي تشوفك بتعمل ايه , هتدخل عليك و هي مبتسمه و في منتهى
السعاده .
.
أول ماتدخل المطبخ
هتلاقي الحوض مسدود , و المايه مغرقاه و نازله عالسيراميك , و فيه 12 حله و 27 طبق
متوسخين و متنيلين لأنك كنت بتسلق مكرونه , و في أخر الرخامه هتلمح بطرف عنيها حلة
كده فيها بتاعه معجنه و لازقه في بعض ( اللي هي المكرونه اللي انت عجنتها قصدي سلقتها
) و فيه فنجانين جبتهم من النيش و اتكسرو , و أهم حاجه أهم حاجه على الإطلاق انك تخربش
الطاسه التيفال , خربش فيها بالمعلقه على قد ما تقدر .
.
تقوم مراتك من
غير سلام ولا كلام و لا عتاب لامّه هدومها و رايحه بيت مامتها , تقوم انت بقى قالع
هدومك و ممدد عالكنبه بالشورت و تتصل بالمطعم تطلب بيتزا مارجريتا و تجيب اللب و السوداني
و التسالي و علبة السجاير و الطفايه و تشغل التليفزيون على mbc
و تفضل تاكل و تقزقز و تتفرج على أفلام أكشن طول الليل و تستعيد أيام
العزوبيه الوسطيه الجميله .
و ربنا يقدرنا
على فعل الخير .
...................................................................................................
Mohamed
Hussein
8
مارس 2018·
محمد البرادعي
, إله العلوقيه عند شمامين الكوله اللي بيناضل بقاله 5 سنين على تويتر من وراء البحار
و هو مدلدل رجليه في ماية البيسين , بيقول معاليه إن الوطن العربي فيه كارثه إنسانيه
بشعه و استقطاب مدمر و إن الحل اننا نقعد مع بعض و نقعد كمان مع إيران و تركيا و نتفاهم
!! .
.
عزيزي محمد البرادعي
, انا يا مولانا كل يوم باجي افتح الهباب ده اللي اسمه الفيس بوك و أقول همسك لساني
عشان مايصحش كده , و الواحد لازم يبقى كيوت فشر عمرو حمزاوي ونيرمين الفقي , بس مابعرفش
, وعهد الله ما بعرف .
.
هو دلوأتي الوطن
العربي فيه كارثه انسانيه بشعه ولا مفيش مؤامره ( زي ما قلت قبل كده ) ؟ يعني الخراب
اللي حصل في السنين اللي فاتت تسبب في كارثه انسانيه بشعه ولا مكانش فيه خراب و لا
فيه مؤامره ولا فيه حاجه خالص ؟
.
طب انت بتقول كارثه
انسانيه بشعه في الوطن العربي و نقعد بقى مع تركيا و إيران , هي تركيا و إيران دول
عربيه واحنا مانعرفش ؟ ولا ده اعتراف من جنابك انهم شاركو في المؤامره و في خراب الدول
العربيه ؟! يعني هقولك تاني , هو كده يبقى فيه مؤامره ولا مفيش ؟ .
.
أما حكاية اننا
نقعد مع بعض و نتفاهم دي , طبعا مع بعض بتعني كمان ( قطر بنت الوسخه ) , يا جدع قول
قول ولا يهمك , و نقعد مع تركيا و إيران , حاضر حاضر , ثواني هجيب بس شجره و اتنين
لمون عشان نتجمع و نقعد مع بعض .
.
قعدنا أهو يا برادعي
, و لنا شروط منطقيه خالص , إيران تقول لنا بتعمل ايه في سوريا و اليمن و تسحب قواتها
و تقفل بابها على نفسها ( و ده مش هيحصل ).
.
و تركيا تقول لنا
قتلت كام واحد في ليبيا و سوريا , قصدي كام ألف , و هرّبت كام شحنه أسلحه للإرهابيين
في ليبيا , و نقلت كام ألف إرهابي لسوريا و بعدين لمصر , و بالتالي اتسببت في قتل كام
جندي و ظابط مصري و ليه سيادتك ؟ احنا ماكناش في حالة حرب مع تركيا ولا إيران , و تقول
لنا تركيا برضه سرقت كام مليون برميل بترول من شمال سوريا و شمال العراق , وقتلت كام
واحد في العراق و قواتها بتعمل ايه في قطر بنت الوسخه و تقول لنا كمان هي ليه لامّه
ألاف الخرفان عندها و فاتحه لهم قنوات و جرايد و بتعلفهم عشان يشوهو مصر و تاريخها
و جيشها ؟! أسئله منطقيه خالص و هل عندها استعداد للاعتذار و التعويض و طرد الخرفان
والإرهابيين من أراضيها و برضه ترجع تقفل بابها على نفسها ؟ طبعا مستحيل .
.
عزيزي محمد البرادعي
, احنا دول مسالمه عايشه في حالها , ماروحناش قتلنا و حرقنا في تركيا ولا في ايران
, ولا ضربنا طلقه رصاص واحده , البلطجيه جم لحد بيتنا و الحرب اتفرضت علينا , تخيل
معاليك واحد بلطجي جه من اخر الدنيا لحد بيتك , حاول يحرق بيتك و يقتل ابنك و يغتصب
بنتك , احنا بقى اتصرفنا زي الرجاله ما بتتصرف , بنقاوم البلطجي و حقنا و دم ولادنا
مش بننساه ولا هننساه , فيه حل تاني , إننا نجيب تركيا و إيران و نقعد معاهم و نبوس
رجليهم و نقول لهم احرقو زي مانتو عايزين و اقتلو ابننا و اغتصبو بنتنا بس تبقو راضيين
عننا , ده طبعا حل يليق جدا بالخواجات والخونه و ولاد الوسخه اللي زي معاليك كده .
...............................................................................................................
Mohamed
Hussein
8
مارس 2018·
السفير الصيني
بالقاهره : مصر ستصبح أكبر قاعده تصنيعيه في أفريقيا !! .
.
قاعده تصنيعيه
يعني صناعه و إنتاج و استثمار و تصدير و عمله صعبه و ملايين من فرص العمل , بعد شبكة
الطرق و الكباري و البنيه التحتيه و توفير مصادر الطاقه ( كهربا و غاز و بترول ) و
إقرار قانون الإستثمار و توفير البيئه المناسبه و الإستقرار الأمني و السياسي بتيجي
القاعده التصنيعيه الأكبر في أفريقيا , يابني الحكايه مش هوباهيصا ولا هي فتونه وفتحة
صدر , الحكايه خطوات محسوبه بالورقه و القلم , درجات سلّم لازم تطلعها بالترتيب.
دي بقى مصر 30
يونيو , و كفى بها نعمه
..............................................................................................................
Mohamed
Hussein
7
مارس 2018·
على فكره بقى
قوم عاد هما اللي
بنو الأهرامات و كانو عايشين في المعادي
أه قوم عاد كانو
من المعادي و قوم ثمود من سمنود .
.
طب خد التقيله
حضرتك , الكوايته هما اللي بنو أبو الهول و معبد أبو سمبل , هتقولي ليه ؟ يا جحش ماهي
حكاية أبو فلان و أم فلان دي مش موجوده غير في الخليج , أبو جابر , أم نزار , أبو الهول
, أم الهول , أبو سمبل , أم سمبل , يبقى منطقي جدا ان الكوايته بنو أبو الهول و معبد
أبو سمبل .
.
وانا اًصلا من
سنين طويله مابيشغلش بالي غير سؤال وجودي واحد , هي أم علي اللي اخترعت الأكله اللي
بنحبها دي كان اسمها الحقيقي ايه ؟ هل فعلا كان اسمها نيرمين ؟ طب هل الأكله دي عجبت
الحاج أبو علي لما رجع من شغله في الشهر العقاري في مدينة نصر ؟ و الواد علي أكل منها
لما رجع من المدرسه و لّا قال لامه انا مش هاكل البتاعه دي و اطلبي لي كريب من عند
الغانم ؟ .
.
ليه ياربي خليتني
أعمل صفحه عالفيس بوك و أشوف مشابك الغسيل و رجول الكومدينو و ليّة الخرفان و هي بتهري
و تفتكس و تشوّه في تاريخ مصر العظيم ؟.
.
طب مش جه الوقت
اللي مرارتنا تتطور فيه بحكم الأحداث و السنين و العجن اللي بنشوفه يوميا , و تتحول
من لحم و دم لمراره حديد مسلح ماركة كاتربيلر عشان تستحمل ؟ .
.
يعني ييجي المواطن
المصري الطبيعي اللي زي حالاتي بعد 8 سنين عالفيس بوك يعمل أشعه عالمراره يقوم الدكتور
يتفاجئ إن المراره طالعه في الأشعه حديد و مكتوب عليها بالإنجليزي caterpillar ويكتب في تقريره إن المراره بحاله جيده و اللي عليها
ده شوية صدى خفيف , هيروحو باستخدام الخل و عصير اللمون 3 مرات يوميا .
......................................................................................................
Mohamed
Hussein
6
مارس 2018·
عزيزي عمرو أديب
, الإعلامي القدير و المذيع اللامع و أحسن باك شمال في تاريخ مصر
.
بص يا مولانا
- في 2012 بدأنا
نفوق من شم الكوله ( اللي كنتو بتشموها معانا ) , و حسينا ان بلدنا في خطر و اتضحت
الصوره و سقطت أقنعه و حاجات كتير كده .
.
- بدأنا نكتب و
نوعّي الناس و الشباب و نقول احنا في معركة مصير , نكتب و احنا كويسين و نكتب و احنا
تعبانين , نكتب و احنا قاعدين على مكاتبنا و نكتب و احنا سايقين و على سفر , نكتب و
احنا معانا فلوس و نكتب و احنا بنكح تراب , نكتب و ماناخدشي أي مقابل , لا فيه ملايين
بناخدها في السنه ولا فيه شهره و نجوميه و توقيع على اوتوجرافات و فانلات .
.
- اتعرضنا لسخافات
كتير و شتايم و اهانات بالأب و الأم , و وصلت الحكايه لتهديدات , و اشاعات و ناس تقول
لجان تبع السيسي و ناس تقول لا دي لجان تبع الموساد !! .
.
- هقولك تاني
, كان لنا دور مهم جدا في 30 يونيو , كل واحد فينا كان نقطه في بحر , بس عشان احنا
كتير ( عملنا البحر ) , و عملناه بدون مقابل بل بالعكس , كتير مننا شغله اتأثر بسبب
التركيز في الكتابه ( لأن صاحب بالين كداب ) .
.
- المهم بقى ماطولش
عليك عشان يادوب تلحق تصرف ال مليون ونص اللي هما مرتبك الشهر ده , وان كنت حابب تشتري
فيلا تانيه و تالته في الساحل الشمالي يادوب تلحق تخلص و تقابل السمسار , والله انتو
بتتعبو يا شيخ .
.
- احنا بقى الشعب
و العامه والناس البسيطه اللي وقفنا في ضهر بلدنا , و استحملنا السخافات , و مع ذلك
مستحيل هتلاقي حد مننا ب ( يمن ) عالبلد دي , ولا على جيشها و لا على ثورة 30 يونيو
اللي هي أعظم ثوره في تاريخ مصر الحديث , كل واحد فينا له الشرف انه يكون مجرد سبب
من أسبابها أو مجرد نقطه في بحر .
.
و بالتالي و بالمنطق
البسيط , اللي بقاله سنين بيدافع عن الدوله في وش المؤامره و الخراب و بيسند جيشها
و تاريخها , ملوش أي مبرر لو أخطأ أي خطأ , لو أخطأ ياخد بالجزمه عادي , و حكاية إن
ال C.V بتاعنا يشفع لنا دي تنفع في
( جُرْن الهبله ) مش في مفهوم الدوله , طب تفرق ايه جنابك عن موظف مرتشي يقف قدام وكيل
النيابه و يقول انا خدمت الدوله 30 سنه !! , الحقيقه انا لو وكيل النيابه هقوله ( قحّه
) لأن جملة ( خدمت الدوله كذا سنه ) ملهاش محل من الإعراب لو ارتكبت مخالفه او جريمه
.
.
و تفرق ايه حضرتك
عن الخرفان اللي لما يتقبض على واحد فيهم بيدعم الارهاب أو بيخون البلد أو قالب بيته
لورشة تصنيع متفجرات و يقولك دانا بصلي و حافظ القرأن الكريم و حاجج بيت الله 400 مره
؟ برضه ( قحّه ) , و تفرق ايه عن شوية الشمامين اللي بيعايرونا عشان نامو ليلتين تلاته
في التحرير أيام يناير و كأن الحكايه دي تشفع لهم لما يخونو البلد بعد كده و يفبركو
تقارير و إشاعات ؟
.
عزيزي عمرو أديب
, حاولو تتلمو شويه , لأن البلد دي مناخيرها مابقتش مستحمله , أه و عهد الله .
.........................................................................................................
Mohamed
Hussein
5
مارس 2018·
شوف يابني
.
- شمال سينا هنديها
للفلسطينيين في صفقة الأرن , بس طبعا بعد مانطهرها من الإرهاب و نعمّرها ونبنيها ,
يعني نسلّمهالهم تشطيب سوبر لوكس ( عالمفتاح ).
- جنوب سينا هنديها
للسعوديه في مشروع نيوم , دول حبايبنا برضه .
- وسط سينا و جزيرة
الورّاق رايحين للإمارات , احنا قاريين فاتحه مع محمد بن زايد
- المنوفيه و فارسكور
و مغاغه و قهوة عماد الحاج بوتين متكلم عليهم من بدري .
.
وانا شخصيا معنديش
مانع , طالما مدينة نصر و السنبلاوين و مخبز البستان و الفخراني بتاع البليله اللي
في أجا بره القصه دي يبقى انا موافق .
.
و ديني لاجيب لكو
شلل رباعي و كساح .
.......................................................................................................
Mohamed
Hussein
5
مارس 2018·
يعني ايه ( مرقعه
) إعلاميه ؟ و إزاي بيتم التعامل مع قطعان الخرفان و شمامين الكوله ؟ .
.
يعني موقع RT الضاني يجيب خبر عن زيارة محمد بن سلمان لمصر و يكتب
عنوان الخبر بالشكل ده : مصر تتعهد للسعوديه بألف كم مربع جنوب سيناء لمشروع مدينة
نيوم !! .
.
و لما تيجي تشوف
تفاصيل الخبر بعيد عن ( علف البرسيم ) اللي بيرميه الموقع لخرفانه نلاقي التالي :
- مشروع نيوم ده
أطلقته السعوديه في اكتوبر 2017 بتكلف 500 مليار دولار ( يعني 9 تريليون جنيه ) للإستثمار
في شمال غرب المملكه .
.
- المشروع استثماري
سياحي بيشمل 3 دول , السعوديه في الأساس و معاها مصر و الأردن , يعني يبقى مشروع بفايدة
مشتركه للدول التلاته و تحويل البحر الأحمر لوجهه سياحيه من كل الجوانب , الأردن هتستثمر
في منطقة العقبه و مصر هتستثمر ضمن المشروع في مساحة ألف كم من أراضيها , لا بنبيعها
ولا بنرهنها ,ده استثمار مصري سعودي مشترك , نعمل بقى مدن سياحيه جديده , ندخّل الحكايه
في تنميه سينا و نعمل مصانع , نعمل شألباظات , أرضنا و احنا احرار فيها .
.
- يعني مئات الألاف
من فرص العمل , يعني جذب للعمله الصعبه , يعني مشاريع سياحيه ضخمه , و لما يكون عندك
مشكلة كهربا اتحلت و قادر على تصدير الكهربا في 2018 ( بحسب تصريحات رئيس شركة سيمنز
العملاقه ) و لما يكون عندك غاز هتحقق الاكتفاء الذاتي منه في 2018 وبعد كده تصدير
, و لما يكون عندك بترول هتكتفي منه ذاتيا خلال سنتين و لما يكون عندك محطه طاقه نوويه
, و لما يكون عندك بنيه تحتيه و طرق و كباري و لما تعيد تشغيل المصانع , و تيجي تشارك
في استثمار ضخم زي بتاع نيوم يبقى الترجمه انك داخل بقوه على مرحلة اقتصاديه هتلعب
فيها وسط الكبار .
.
- طبعا الخرفان
و الشمامين و المعاتيه و الخونه و كارهين الفرح هيروجو للخبر ان مصر بتبيع ألف كم من
أراضيها للسعوديه , أه طبعا طبعا و هنبيع الأوتوستراد و جزيرة الورّاق و عزبة الهجان
للإمارات , و عماد صاحبي مأكّد لي .
............................................................................................................
Mohamed
Hussein
4
مارس 2018·
كنت لسه هكتب بوست
و أقترح على أعضاء حملة السيسي الإنتخابيه انهم يوقفو حكاية اليفط و اللوح الدعائيه
الكتير دي لأن السيسي مايلزموش و مفيش وجه منافسه بينه و بين المرشح التاني ( ولا بينه
و بين أي حد في مصر ) , و أقول فلوس الحمله الإنتخابيه تروح لصندوق تحيا مصر أفضل
.
.
و بعدين لقيت و
قريت ان العيال الخرفان و الشمامين بقى يجيلهم انهيار عصبي لما يشوفو صور السيسي بتاعة
الحمله الانتخابيه متعلقه في الشارع قمت رجعت في فكرتي و تراجعت , لأ خلّو كل حاجه
زي ماهي يا رجاله , و أكثرو من صور السيسي في الشوارع و الميادين , يمكن ربنا يكرمنا
و العيال دول يتحولو من حالة الإنهيار العصبي لحالة شلل سباعي و بواسير و كساح و أنكلستوما
, و يتنططو قدامنا كده زي القرد اللي قعد بالغلط على راكية نار و جمر , و تبقى فرحتنا
فرحتين .
.....................................................................................................
Mohamed
Hussein
4
مارس 2018·
حدوتة خيري رمضان
اللي النيابه بتحقق معاه بعد بلاغ من وزارة الداخليه بيتهمه بإهانة ظباط الشرطه .
.
من كام يوم خيري
رمضان في البرنامج بتاعه طلع عالهوا و حكى حكاية لذيذه أخر فيصل , عن رسالة جت له من
زوجه عقيد شرطه و هو اهتم و راح قابلها و هي فضلت تعيط و بعدين حكت له الحكايه , انهم
مش لاقيين ياكلو و نقلو الولدين من المدرسه الخاصه لمدرسه حكوميه و انها فكرت تشتغل
خدامه في البيوت عشان تساعد و مكانش بيبقى في جيبها 20 جنيه و جوزها مسافر في شغله
, و كانت هتروح لراجل طيب بيوزع لحمه عشان تجيب منه كيلو لحمه !! .
.
طبعا الكلام اللي
فوق ده مهين جدا لأي ظابط شرطه خصوصا لما يكون برتبة عقيد ( يعني بيخدم في الداخليه
من 20 سنه ) , و لو طلع نفس الحيوان و قاله عالصيادله هعتبره مهين و محبط , حتى لو
كان فينا ناس حياتهم صعبه شويه , ما بالك بظباط شرطه اغلبهم عالجبهه و في الكماين و
مش بيبقو عارفين هيرجعو بيوتهم ولا لا .
.
الحكايه و ما فيها
ان خيري رمضان زيه زي زلنطحيه الإعلام , بتوع تأليف قصص و افتكاسات و بيحبّو انهم
( يجوّدو ) من عندهم , بالظبط زي ما احمد موسى جاب فيلم كرتون على انه معركه حقيقيه
حصلت على أرض الواقع , و في النهايه مهما كانت الغايه ( نبيله ) انما يلزمها دايما
شويه عقل و تفكير ( و هما معدومين العقل و التفكير يا سعادة البيه ) و إلا هتلاقي نفسك
من غير ما تحس بوظت سمعة ( نبيله ) ذات نفسها .
.
الدرس المستفاد
من قصة خيري رمضان هو التالي , زمن الهوباهيصا انتهى , زمن التأليف و الفبركه خلاص
بح , زمن إنك تقول كلام من غير ما تفكر فيه ( حتى لو بحسن نيه ) راح لحاله , لو عايز
تشعلل الحلقه و ( تجوّد ) و تعبّي الهوا و تفتكس و تألف و تسيب عقلك في الفريزر يبقى
اقعد في بيتكو أحسن , بدل ماتقعد في التخشيبه .
.
بالمناسبه , في
التحقيق هيتقال لخيري رمضان مين زوجة عقيد الشرطه و رقم تليفونها كام و قابلتها فين
, و المفاجأه هتكون إن القصه من وحي خيال المؤلف الإعلامي الزلنطحي الجميل .
.
و بالمناسبه برضه
, ظباط الشرطه الكبار مش بيقبضو مليون جنيه ولا حاجه , ولا مرتباتهم بتزيد كل يوم تلات
زي مابيروج شمامين الكوله و الخرفان , هما ناس زينا بيحاولو يلمّو المصاريف على قد
مايقدرو , إنما في النهايه مستورين ولازم يكونو مستورين , يعني زوجة عقيد الشرطه مابتفكرش
تشتغل خدامه في البيوت ولا مستنيه كيلو لحمه من الراجل الطيب المبروك .
........................................................................................................................
Mohamed
Hussein
4
مارس 2018·
مرتضى منصور :
ممكن أوقف النشاط الرياضي في مصر بسبب التدخل الحكومي و أمنع مصر من لعب كاس العالم
!!.
.
من سنين طويله
, من أول ماشوفت خلقة مرتضى منصور و أنا عندي قناعه تامه , إنه شخصيه سايكوباتيه مريضه
بالشهره و الأضواء و النجوميه , مرتضى منصور بلطجي انتخابات سواء في دايرته الإنتخابيه
أو في نادي الزمالك , بلطجي بمعنى كلمة بلطجي , ممكن نقول إنه أخر جيل اتخرج من مدرسة
كمال الشاذلي و زكريا عزمي و صفوت الشريف , ربنا يرحمهم و يجحمهم مطرح ما راحو .
.
معالي رئيس الوزراء
المصري ( و أيا ما تكون الملابسات و التفاصيل بتاعة الموضوع ) , تصريحات مرتضى منصور
فيها تهديد صريح للدوله و مؤسساتها , يا سيدي ملعون أبوها الحصانه اللي بيتمتع بيها
, بلا حصانه بلا زفت .
.
معالي رئيس الوزراء
المصري , نادي الزمالك العريق اللي عمره أكتر من 100 سنه , النادي اللي له عشرات الملايين
من الأنصار و المشجعين في مصر و الوطن العربي و أفريقيا يعني أمن قومي زيه زي الأهلي
, ممكن نقول إنه مؤسسه عريقه من مؤسسات الدوله و عمدانها , النادي ده مايستاهلش أبدا
إنه يرأسه واحد بلطجي سايكوباتي و يحوّله لمجرد مسخ و ماده للتريأه و الكوميكس و في
النهايه يكون ( عزبة مرتضى منصور ) و يبقى مصدر تهديد للدوله المصريه و الأجهزه الرقابيه
.
.
إمضاء : واحد زملكاوي
للنخاع
..............................................................................................
Mohamed
Hussein
3
مارس 2018·
البرادعي بيحتفل
إنه بيكتب من 8 سنين على تويتر , و السيسي هيحكم مصر 8 سنين !! .
.
يا أخي ربنا عادل
, مابيضيعش مجهود حد , و على قد تعبك و مجهودك بتاخد و تنول , فنجري البؤ الكلمنجي
الجبان يلاقي مكانه محجوز في تويتر و الفارس البطل يلاقي مكانه محجوز في قصر الرئاسه
.
.
احنا ولاد 30 يونيو
, ولاد القوه الغاشمه و الراس المرفوعه و بهيه اللي رجعناها من الخطف , احنا ولاد
: قالو ايه علينا دولا و قالو ايه .
و هما ولاد تويتر
و التخرصات و البؤين و الهاشتاجين و الكدبتين و الإختفاء القسري والعنف المتبادل و
البيبي دول اللي عليه 52 نجمه , و إزازتين البيره المشبرين .
.............................................................................................................
Mohamed
Hussein
3
مارس 2018·
بنعدل المايله
.
- جميل أوي إن
أغنيه ( قالو ايه علينا دولا ) تبقى حاضره و بقوه في مدارسنا و جامعاتنا , يرددها طلبة
المدارس و الجامعات , و الجيل الجديد اللي طالع يسمع و يحفظ أبطالنا الشهدا بأساميهم
, بدل العك و المعجنه و أغاني الإحباط و السواد و التشويه و أطفال الشوارع و كلاب الشوارع
.
.
- جميل أوي إن
عبد الفتاح السيسي يعمل في كل مدينة مصنع و طريق و كوبري و مزرعه كبيره و مشروع و مدرسه
و مستشفى .
.
- جميل أوي ان
عبد الفتاح السيسي ينفعل ضد الناس اللي بيسيئو لجيش مصر و شرطتها و يقول محاكمات عسكريه
عشان دي مش حرية رأي , ولا منطقي إن جيشنا يبقى بيدافع عن أرضنا و عرضنا و يقدم كل
يوم شهيد و احنا نقبل بالسخريه منه .
.
إنما الأجمل و
الأجمل على الإطلاق لما الناس تركز هتلاقي التالي :
أغنيه (قالو إيه
) مفهاش اسم عبد الفتاح السيسي ولا سيرة رئيس الجمهوريه , مشاريع عبد الفتاح السيسي
اللي ملهاش أول من أخر اسمه مش مكتوب على حاجه فيهم ( ماحطش اسمه على أنفاق ولا طرق
ولا محاور ولا جامعات ولا مدن جديده ) , ولما السيسي انفعل وقال محاكمات عسكريه مقالشي
للي بيسيئو لرئيس الجمهوريه .
.
يمكن في يوم من
الأيام الشمامين و الصيع , كبيرهم و صغيرهم يفهمو إن معركتنا معركة بلد مش معركة رئيس
, و إن الرئيس نفسه معركته هي معركتنا , لأنه واحد من الشعب ده .
.
عزيزي شمام الكوله
اللذيذ , من 7 سنين وانت مركوب بكل الأوضاع , شامي و مغربي و خرفاني و حُمّيري , و
مصر يابني سفينه ماشيه في طريقها , بنزرع و نحفر و ندور على غاز و نبني مصانع و نعمل
طرق و جامعات و مستشفيات و قوانين وبنعدل الحال المايل , عبد الفتاح السيسي كان رئيس
مصر 4 سنين و هيبقى رئيسها 4 سنين كمان و ممكن تضرب في دماغنا و نعدل الدستور و نخليهم
8 ( احنا الشعب يا حبيبي اللي جاب البرلمان و البرلمان اللي من حقه التعديل ) .
.
المهم عايز أقولك
, خالد علي أعلن ترشحه و ماعرفش يكمل التوكيلات فانسحب وقال مناخ غير ديموقراطي و شبوره
مائيه , و بيتحرش بالبنات في الحزب و يهددهم في وقت فراغه , البرادعي بيقول عالإرهاب
عنف متبادل و مفيش مؤامره و بيطلع في قنوات الخرفان و الخونه و يقلّب عيشه , حمدين
صباحي طلع في ال bbc اللي بتديرها المخابرات البريطانيه
( اللي هي أصل الخراب في العالم ) و قال السيسي فاشي و ديكتاتور و رجع من هناك ( من
على حجر الشيطان ) و نام على سريره في بيته اللي في الدوله الفاشيه اللي بتاكل دراع
العيال الصغيره , أه و عهد الله .
.
عزيزي شمام الكوله
اللذيذ , دي أيقوناتك و ألهتك العوالي , مش احنا اللي بنحرقهم , هما يابني محروقين
جاهزين و عريانين تحت الطلب , و السفينه ماشيه , طرطشتك مش هتفيدك في حاجه ولا هتوقع
السفينه , الريس بيمد إيده و احنا كمان بنمد إيدينا , صوته اتنبح و صوتنا اتنبح , يابني
اركب معنا .
..................................................................................................................
Mohamed
Hussein
2
مارس 2018·
-
تأمين على 2 مليون عامل يوميه .
- قضاء على العشوائيات
و الناس تعيش في مساكن أدميه .
- طرق و كباري
بيستفيد منها ابن الوزير و ابن الغفير
- مشروع تأمين
صحي كامل لملايين البسطاء .
- حل مشكلة الكهربا
في ربوع مصر ( مش في الرحاب و المهندسين ومصر الجديده )
- خطه لتطوير التعليم
( الحكومي )
- منظومة الخبز
المدعم و نقاط التموين .
- حريتك مكفوله
تماما , انك تنتقد الرئيس و الحكومه و أتخن تخين في البلد ( بدون إساءه للجيش و الشرطه
و مؤسسات الدوله ) , و انتقاد يعني انتقاد مش انحطاط و وقاحه و فبركه و تزييف .
.
الكلمتين اللي
فوق دول ترجمتهم الحرفيه هي ( العيش و الحريه و العداله الإجتماعيه ) , اللي هو الشعار
اللي فلقو بيه دماغنا , بس محدش من اللي بيرددو الشعار هيعترف و يقول شكرا , لأن الحكايه
بالنسبالهم مجرد شعار محفوظ ( يعني بؤ ) بيرددوه زي البغبغانات أو زي ماتقولو كده
( لعبه حلوه بزمبلك ) .
..........................................................................................................
Mohamed
Hussein
2
مارس 2018·
عاجباني أوي حكاية
توحيد خطبة الجمعه في مساجد مصر , موضوع الخطبه يكون موحد و العمود الفقري لها و الأدله
من الكتاب و السنه على كل موضوع , و يُترك للخطيب طريقة الإلقاء و طريقه توصيل الفكره
بشكل كامل , مواضيع تكون مرتبطه ارتباط وثيق بحال الناس , خطبة النهارده كانت عن المخدرات
و تربية الأبناء , و الجمعه اللي فاتت كانت عن نشر الإشاعات و تزييف الحقايق و الفبركه
, عن حرمانيتها و أثرها و خطورتها على المجتمع .
.
زمان من عشره عشرين
سنه بس كانت المساجد أغلبها مش تبع وزارة الأوقاف ومفيش خطب موحده , و المنابر بيعتليها
أي حد ( كأننا في جُرْن الهبله ) , يعني أي حماده مربي دقنه ( أو مكسل يحلقها ) يطلع
و يخطب حتى لو كان صبي فرارجي أو صبي عجلاتي , و تسمع عالمنابر أحلى عجن و أحلى هبل
و أحلى افتكاسات .
.
في الوقت ده انتشرت
الرشوه و المحسوبيه و المخدرات وشهادة الزور و الكدب و التدليس و السرقه في حين كان
خطباء المنابر و الساده ( الفرارجيه ) مشغولين تماما بقصة سيّدنا نفيخه اللي اتجوز
معرفش كام مره و خلف كام عيل ( و عياله اسمائهم ايه ؟ ) و عن التعبان الأقرع اللي طوله
معرفش كام متر و يضربك ضربه و انت في قبرك في اسكندريه تصحى تلاقي نفسك مدفون جنب معبد
الأقصر , و عن كعب المرأه و طحال المرأه و صوت المرأه و ضوافر صباع رجل المرأه و عن
رأي الدين في جماع المخلوقات الفضائيه و طائر البطريق .
.
فاكر خطيب منهم
طلع عالمنبر و خطب عن لعبة ( السيجه ) اللي كنا بنلعبها واحنا صايمين ( بالطوب و الزلط
و التراب ) و اللي بنقول فيها مجازاً ( أكلت كلب ) , و تفتق ذهنه إن اللعبه دي كده
تبقى حرام و بتبطل الصيام ( لأنك بتاكل كلب ) , أه و عهد الله , وقال كمان إن لحوم
الكلاب لا يجوز أكلها !! .
.
يعني باختصار كان
المجتمع و عامة الناس في وادي و المنابر في وادي تاني ( او بمعنى أصح في غيبوبه )
, كل التحيه و الإحترام للأزهر الشريف اللي بدأ يستعيد دوره و لوزارة الأوقاف .
.
عقبال يارب ما
نلاقي عندنا هيئه كده تلم الغيبوبه بتاعة الإعلاميين , و تعرّفهم يعني إيه ألف باء
إعلام و يعني ايه حال البلد و المنطقه و يعني ايه مؤامره ويعني ايه دوله في حالة حرب
و يعني ايه محور الشر وكلاب السكك ويعني إيه خنزيره و بي بي سي و واشنطن بوست و إزاي
نتصدى لوساختهم و قذارتهم , بدل مالساده الإعلاميين ( و الفرارجيه ) مشغولين بفبركة
تقارير عن خطف أطفال و عن أطفال بتغرق في الترعه عشان تروح المدرسه و عن قميص نوم الرقاصه
الفلانيه اللي لسه فيه ريحة الزعيم , قلبي الصغير لا يحتمل .
................................................................................................................
ليست هناك تعليقات:
إرسال تعليق