Mohamed
Hussein
1
فبراير 2018·
ممدوح حمزه : السيسي
بيقول لن يتكرر ما حدث من 7 سنين فماذا يقصد ؟ هل كان يقصد ثورة الشعب في يناير
2011 ؟ لا بل كان يقصد الإنقلاب العسكري على مبارك الذي حدث أثناء 18 يوم ثوره !!
.
.
ده يا ولاد الأستاذ
الدكتور المهندس الإستشاري الأميرالاي منكوح حمره , أستاذ و رئيس قسم النطاعه في مدرسة
المرقعه اللي فتحت أبوابها عندنا بعد 2011 .
.
طبعا منكوح حمره
( زيه زي موقع قناة الخنزيره و تويتات كل الأنطاع ) بيحلم ليل و نهار بانشقاق في الجيش
المصري و انقلاب عالرئيس بعد ما فشلت كل محاولاتهم القذره ( اللي كان أخرها سامي عنان
) .
.
مع العلم إن أي
عيل صغير في تالته ابتدائي سمع خطاب السيسي عرف و فهم إنه كان بيقصد اللي حصل من 7
سنين بمعنى غياب الدوله المصريه و حالة الإنفلات الأمني وتدخّل الدول الأجنبيه و الفراغ
السياسي و إن أي اتنين عواطليه يقعدو على قهوه في وسط البلد يعملو تشكيل حكومي , الكلام
واضح جدا .
.
عزيزي منكوح حمره
, مشفق والله على حالة زوجتك و أولادك و أحفادك و هما بيقرو كلامك , و بعدها يبصو في
وشك يلاقو مسخ مشوه , طب يعني عادي انك تكون محاضر في مدرسة النطاعه بس عالأقل يكون
عندك اتساق يا جدع , خليك نطع أوك بس حاول تكون ذكي شويه .
.
و هثبت لك إنك
نطع و حمار في نفس الوقت , و من كلامك والله , اقرا اللي انت كاتبه كده تاني ؟ فهمت
ايه بقى ؟ هو اللي حصل في يناير 2011 كان ثورة شعب ( اللي انتو قارفينا بيها ) و لا
انقلاب عسكري على مبارك ( و بالتالي ماينفعش تقرفونا بحاجه انتو ماعملتوهاش ) ؟ الحاجتين
عكس بعض , اختار لك حاجه واحده يا نطع , حدد كلامك يا حمار .
..................................................................................................................
Mohamed
Hussein
31
يناير 2018·
الحكايه مكانتش
محتاجه عبقريه ولا حد يقرا الفنجان و يوشوش الودع عشان يفهم ايه اللي بيحصل حواليه
.
.
بعد يونيو
2013 , يوم ماقلبنا الترابيزه على محور الشر ( الأمريكي البريطاني الصهيوني ) , في
الوقت ده الدول التلاته الكبيره اللي كانت علاقتنا بيهم كويسه هما فرنسا و إيطاليا
و روسيا , فرنسا ياسيدي ضربولها طيارة مصر للطيران و هي طالعه من عندهم , و روسيا ضربولها
طياره و هي طالعه من عندنا و ايطاليا قتلو شاب منهم كان موجود في مصر .
.
مين اللي ضرب طيارات
و مين اللي قتل ؟ الإرهابيين ؟ البهاليل اللي بدقون ؟ لا يا حماده , البهاليل اللي
بدقون ممكن يكونو أدوات تنفيذ أو دعم مش اكتر , يعني أخر و اضعف حلقه في سلسلة الوساخه
, اللي فكر واللي خطط واللي درّب واللي اختار التوقيت و اللي وفر الأدوات و الأجهزه
و الأسلحه اللازمه هما محور الشر نفسه , أجهزة مخابرات دول عظمى , مش صبي فرارجي ربى
دقنه وراح اشتغل ارهابي و قال بسم الله و قام منشن بالنبله عالطياره موقعها .
.
طب مين بقى العيال
اللي نزلو بعد خبر مقتل ريجيني بساعتين يتهمو الدوله المصريه بقتله و يروّجو لكده و
يبعتو مقالات مترجمه للصحف الإيطاليه ؟ لا دول شوية عيال ولاد وسخه صيع مش اكتر ولا
أقل , يعني not more بالإنجليزي .
...................................................................................................................
Mohamed
Hussein
31
يناير 2018·
عبد الفتاح السيسي
: اللي عايز يلعب في مصر و يضيعها يخلص مني أنا الأول !! .
.
بصو بقى :
- من اسبوعين تلاته
و أيام حكاية سامي عنان , صديق عزيز جدا كلمني , بنتناقش , ايه حكاية سامي عنان ؟ قلت
له ده الكارت قبل الأخير اللي في إيد ولاد الوسخه , إزاي الكارت قبل الأخير ؟ عشان
على مدار 4 سنين كانت كروت ولاد الوسخه بتنحصر و تعوّل على فكرة إسقاط السيسي و الدوله
المصريه بمظاهرات أو ثورات أو لوي دراع اقتصادي او ارهاب , كلها كروت صرفو عليها مليارات
و حاولو بكل الطرق و فشلو تماما .
.
- مبقاش قدامهم
غير كارت اسمه سامي عنان يرموه , طب سامي عنان لو اترشح للرئاسه ممكن ينجح ؟ لا طبعا
مستحيل , مفيش واحد مايبقاش له وجود سنين طويله و اغلب الناس تفتكره مات او هاجر و
تيجي تنزله انتخابات رئاسيه قبلها بيومين و تقوله نافس بقى واحد بشعبية عبد الفتاح
السيسي , طب لما هو ملوش أي فرصه ينجح كان نازل ليه ؟ كان نازل يضرب في عقيدة الجيش
يا مولانا , و بصفته قيادي سابق في الجيش المصري هيبقى كلامه له حيثيه معينه , كان
نازل عشان الشهرين اللي قبل الانتخابات مش الانتخابات نفسها ( لأنه ملوش فيها ) , و
ممكن تتأكد بنفسك لما تشوف بس اليومين تلاته اللي بعد اعلان ترشحه اتقال فيها ايه من
الناس اللي مسئولين عن حملته , تتخيل ده لو كان كمل شهرين و عنده دعم كامل من ولاد
الوسخه كان ممكن نوصل لفين ؟ .
.
طيب الدوله حرقت
لهم كارت سامي عنان زي ماحرقت قبل كده كروت الثورات و المظاهرات والإرهاب و لوي الدراع
و محاولة ضرب الإقتصاد , كده ولاد الوسخه مش باقي في ايديهم غير كارت واحد , ايه هو
الكارت ده ؟ بالعقل و المنطق البسيط , محاولة اغتيال السيسي ( والله خيرٌ حافظا و هو
أرحم الراحمين ) , الشخص نفسه اللي فشلو معاه في كل حاجه , و اللي حطوه كرقم واحد على
قايمة الإغتيالات في العالم من يونيو 2013 , بس كان وقتها عندهم كروت جانبيه بيلعبو
بيها , الكروت دي اتحرقت كلها , مفيش غير الكارت الاخير .
.
طب عبد الفتاح
السيسي عارف الكلام ده ؟ أكيد طبعا عارف , و كل مؤسسات الدوله السياديه عارفه , بيحاولو
يأمنوه كويس ؟ أكيد , طب بيفكرو في ايه تاني ؟ بص يا حبيبي , الأعمار بإيد ربنا سبحانه
و تعالى , محدش فيها مخلّد , لا انا ولا السيسي ولا اي مخلوق , سواء بموته طبيعيه أو
بأي موته , إنما فيه حاجه أهم من الأشخاص , و ده اللي انا متأكد إن السيسي نفسه بيفكر
فيه , أنا لو متت مش عايز الدوله دي تقع ولا ترجع لورا تاني ( مش عايز موتي يساوي سقوط
الدوله ) , و بالتالي التفكير المنطقي بيقول تجهيز بديل و اتنين لعبد الفتاح السيسي
, يعني ايه ؟ يعني برضه حرق مسبق للكارت الأخير اللي في إيد ولاد الوسخه .
.
طب مين هما بقى
ولاد الوسخه ؟ والله السؤال ده مابقى ينفع يسأله عيل في تالته ابتدائي
....................................................................................................................
Mohamed
Hussein
30
يناير 2018·
الحركه المدنيه
الديموقراطيه الشرقيه منها و الغربيه و الدقهليه عملت مؤتمر و بيان أعلنت فيه انها
هتقاطع الانتخابات الرئاسيه 2018 , أه و عهد الله زي مابقول لكو كده .
.
واحد يسألني و
يقولي تطلع ايه الحركه المدنيه الديموقراطيه دي ؟ أقوله عليا الطلاق يابني ماعرف ,
ولا حد يعرف , بس غالبا كده والعلم عند الله , دي حركه تم تأسيسها عالقهوه أول امبارح
بالليل او امبارح في ساعه عصاري ( و معاها اتنين سحلب وحجر سلّوم ) , بص , فاكر أيام
2011 ؟ أيام ماكانت قناة الخنزيره بتنزّل خبر عن تشكيل تحالف أو ائتلاف أو حركه جديده
في مصر كل 3 دقايق ؟ أهي حاجه زي كده , بس بصراحة ربنا كنت هزعل لو عملو المؤتمر و
ماجابوش الأستاذ خالد داود معاهم , ده متخصص في الإنسحابات و المقاطعه يا جدعان , و
معاه ماجستير و دكتوراه في الإنسحاب التكتيكي من جامعة ( ياختي كده ينفع و كده ينفع
) الأمريكيه .
.
الحقيقه بقى لما
شوفت منظرهم في المؤتمر , منظر كدابين الزفه , و بعد نوبة الضحك الهستيريه حضرني مشهد
من فيلم كباريه , خالد الصاوي ( المطرب ) صاحي من النوم و عمال يتف بلغم ( يع ) و بيسأل
المساعد بتاعه ( ذاعو الأغنيه بتاعتي كام مره يابني ؟ ذاعوها عشرات المرات يا نجم
, يابني قول كام مره , مرتين يا نجم ) .
.
انا برضه تخيلت
الأستاذ حمدين صباحي روح بيتهم و نام و صحي من النوم يكح و يتفتف بعدها يسأل المسأعد
بتاعه ( قولي يابني , هو كام واحد ممكن يتأثر بالمؤتمر اللي عملناه امبارح ده ؟ ملايين
الملايين يا أستاذ حمدين , يابني قول رقم محدد و دقيق ؟ 37 نفر يا نجم ).
...............................................................................................................
Mohamed
Hussein
30
يناير 2018·
من كام يوم فيه
واحد اسمه يحيى القزّاز , كتب على صفحته إن السيسي راح اثيوبيا و منها هيسافر لاسرائيل
و بيجهزو أوراقه عشان يروح يعيش في أمريكا ( يهرب يعني ) !! .
.
على فكره اللي
كتب الكلام ده مش عيل صايع بيشم كوله تحت كوبري الملك الصالح ولا صبي بيشتغل في طابونة
عيش , اللي كتب كده استاذ جامعه و بيسموه قيادي معارض بارز و مفكر سياسي و أكاديمي
و كان عضو في حركة كفايه و حركة 9 مارس و تقريبا هو مؤسس حركة علمني العوم والنبي ياحمد
.
.
و تيجي حضرتك بقى
تقولي المجتمع المدني و التيار المدني ؟! ياخي قحّه , أه و عهد الله .
...................................................................................................
Mohamed
Hussein
29
يناير 2018·
اللي عايز يشوف
صوره نموذجيه لليساري الفشيخ تاجر الشعارات و الفلايات يتفضل معانا في الصالون .
.
ده يا ولاد مولانا
كمال خليل , شايف اننا بنقلع اشجار الزيتون عشان صفقة القرن مش عشان نحارب الارهاب
( لاحظ كمان ان جملة اقتلاع أشجار الزيتون هي محاولة وسخه لتشبيهنا بجيش الصهاينه
) , مع العلم ان السيسي في أخر مؤتمر قال عالهوا إننا لازم هنخلي منطقه أمنه جنب مطار
العريش عشان نعيد تشغيله ( حرم أمن جنب المطار ) , وإن المزارع دي بتبقى مأوى للإرهابيين
وإن الجيش المصري مارس ضبط النفس لأقصى درجه .
.
فييجي بقى في مؤخرة
قصدي في عقل كمال خليل اننا بنعمل كده عشان صفقة القرن , و ايه هي صفقة القرن اللي
في مؤخرته هو و زمايله من الصيع ؟ اللي هي نسلم جزء من سينا للفلسطينيين يعيشو فيها
, سينا اللي بنقدم فيها كل يوم شهيد , سينا اللي بنصرف عليها حاليا ربع تريليون جنيه
في تنميتها هنسيبها للفلسطينيين !! .
.
الحقيقه السنين
اللي فاتت رغم صعوبتها بس كشفت لنا كل حاجه , ناس كنا نعدّهم من الأشراف , يساريين
و ليبراليين و بيزنطيين , نكتشف ان كلهم على بعض كده أخرهم يبقو بُلغه تتلبس في الرجلين
, نعمل تنميه في سينا يقولو بنعمل كده عشان صفقة القرن , نحارب الإرهاب في سينا يبقى
عشان صفقة القرن , نحاول نعيد تشغيل مطار العريش لا دي صفقة القرن , نعمل أنفاق و نوصل
مايه لسينا لا دي هنوصلها لاسرائيل , هو انا ابقى متجاوز لو قلت اني بشوفهم قدامي في
صورة شوية عيال صيّع بيتمرقعو ؟ و الله أبدا , و مش لاقي لهم وصف تاني .
.
عشان كده رأيي
اللي مش هغيره , احنا حضرتك حاليا معندناش تيار مدني يٌعوّل عليه , كلهم من نفس العينه
اللي فوق دي ( اللي ماتتقلعش من رجليك ) , والله لو عندنا مش هخبّي ولا حاجه , فتشني
فتش , و لحد مايبقى عندنا تيار مدني يعرف الألف من كوز الدره و يعرف الفرق بين المعارضه
و المرقعه , حتى ذلك الحين لازم نعترف و نبصم بالعشره إننا بلد ربنا أكرمها بجيشها
و مؤسساتها السياديه و شعبها اللي عاشق تراب بلده , مش شوية النخبجيه الصيّع .
.......................................................................................................................
Mohamed
Hussein
29
يناير 2018
·
صوتي ل عيسى محمود
عيسى يا سيساويه يا طبالين , لأنه هو الأمل و طوق النجاه و تاريخه مشرف و شعبيته جارفه
و عقله يوزن بلد , فخامة الرئيس عيسى محمود عيسى هو رئيس مصر 2018 .
- مممممممممم يابني
الله يحرقك بجاز , اسمه موسى مصطفى موسى .
..................................................................................................................
Mohamed
Hussein
29
يناير 2018·
مفيش منافس
.
الحقيقه اللي يعرفها
كويس جدا ويبصم عليها بالعشره أي حد عنده ربع مخ أو حتى ربع لانشون , إنه مفيش منافس
للسيسي في انتخابات 2018 , الكلام ده قولناه من أربع سنين و هيستمر كمان 4 سنين , مفيش
منافس للسيسي , منافس للسيسي مفيش .
.
أه انا مؤمن جدا
بمقوله قالها فلاديمير بوتين , عندنا معارضه غير ناضجه و مش وظيفتي إني أجيب لهم مرشح
, نفس الوضع بالظبط عندنا في مصر .
.
بص يا حبيبي
- أفة حارتنا هي
الإنكار , و مشكلتك إنك اتعديت من الخروف اللي راكبك من سنين , هو من سنين بيقول مرسي
راجع و السيسي ملوش شعبيه ( الإنكار ) وانت اتعديت منه بنفس الأفه و نفس المرض .
.
في مصر , اللي
رافضين حكم السيسي على مستوى القيادات ( وعدم اللامؤاخذه النخب ) هتلاقيهم بينحصرو
اختصاراً في حرف ال ( خاء ) , يعني مابين خاءٍ و خاء , فنّطها انت بمعرفتك بقى , ياخي
سبحان الله , أول حرف خاء بين القوسين تحته تنوين , ويتنطق كده ( خائنِ....خ ا ء ن
), والله جت بالصدفه .
.
المهم , ال ( خاء
) الأولانيه دي ماينفعش أصلا تترشح للرئاسه , مؤسسات الدوله و كيانها لايسمحو بترشحها
, ماحنا دوله لها كيان و لازم تكون متسقه مع نفسها , مئات و ألاف الجنود و المسلمين
و الأقباط ماتو و بلد حاولو يحرقوها و يخربوها , ماينفعش أسمح لأي شخص أيا مايكون له
علاقه بالقتله الإرهابيين إنه يترشح و يدنّس المنصب حتى لو كانت احتمالية نجاحه هي
واحد في المليون .
.
و الخاء التانيه
هما عارفين نفسهم , عيال صيّع بتترشح عشان تنسحب , مسرحية مكرره لدرجة الملل , عيال
بتوع فرقعه , طب الدوله تعمل لهم ايه ؟ والسيسي يعمل ايه ؟ يروح للمرشح ال ( خ ) البيت
مثلا و يقوله يابني حاول تسترجل و ماتبقاش ( خ ) و إلبس بنطلونك عشان عيب ؟ هل دي من
المهام الوظيفيه لرئيس الجمهوريه ؟ محاولة أقناع ال ( خ ) إنه مايبقاش ( خ ) ؟ لا والله
الحكايه دي بتبقى محتاجه دكتور نفساني و حد من مشيخة الأزهر , لكن مش رئيس الدوله
.
.
سامي عنان تبع
ال ( خ ) الأولانيه , و إجمالا مكانشي شخص له أي شعبيه تذكر , ده مرمي في الفريزر من
سنين زي الفرخه البيضا المجمده , ماينفعش تجيبه قبل الانتخابات بشهرين و تقول هنحطه
في مايه مغليه عشان يفك بسرعه و هينافس و هيبقى زي الفل , انت اهبل يا حبيبي ؟
.
و خالد علي تبع
ال ( خ ) التانيه , من 2012 مانزلش الشارع ولا يعرف حاجه فيه ولا مارس أي نشاط سياسي
و انتخابي , قاعد في مكتبه و أنصاره قاعدين على تويتر , هاشتاجات و استفتاءات , لدرجة
يا مؤمن انهم ماعرفوش يكملو التوكيلات , طب خد حته تضحكك و تخليك تتشقلب من الضحك
, خالد علي فيه اتنين من حملته قالو التالي , واحد قالك الدوله بتحاربنا و مش بتخلينا
نعمل توكيلات , و التاني قال الدوله بتعمل لنا توكيلات و تبعتهالنا عشان تلبسنا في
الإنتخابات بالعافيه , أه و عهد الله , إديني عقلك بقى , الدوله بتحاربهم في التوكيلات
بس بتعمل لهم توكيلات من عندها عشان يلحقو يكملو العدد !! .
.
طب هبسط لكو حكاية
ان مفيش منافس و إنه مش دور السيسي يدوّر له على منافس , و إن أفة شمامين الكوله هي
الإنكار .
.
بص يا سيدي , أنا
زملكاوي للنخاع , زملكاوي حتى الثماله , بس ماعنديش ثقافة الإنكار البلهاء , و ممكن
أقولك بالفم المليان , الاهلي ملوش منافس في الدوري أغلب السنين , و الله ده مش عيب
في الأهلي إنه ملوش منافس أو ند قوي , و مش مطلوب من الأهلي إنه يشتري لنا صفقات و
يبعتهالنا لحد باب النادي و يبعت لنا مدرب من عنده يدرب الفريق بتاعنا عشان نعرف ننافسه
, يارب تكون فهمت حاجه .
.......................................................................................................................
Mohamed
Hussein
.
28
يناير 2018·
لو بطلنا نضحك
نموت
.
أول امبارح , في
أحد أحياء الجيزه , تحديدا في حي المهندسين ( المهندزين ) , كانت حرب ضروس تدور رحاها
بين أروقة مطعم أم حسن , حرب تصدى لها أشاوس و فرسان الدولجيه , الذين هبو عن بكرة
أبيهم للقاء و الإصطفاف .
.
بعد السلامات و
التحيات و الطيبون , امتلأت الترابيزات بكل ماهو موجود في مطبخ أم حسن تقريبا , و بدأت
المعركه , هذا الجندي المقاتل اقترب من طبق شوربة الكوارع و التهمه مع طبق موزه و رز
, و هذه المقاتله فتكت بطبق الملوخيه , بينما العبد لله وقف صامدا رافضا الإستسلام
أمام طبق المحاشي و الممبار و الكفته , و في خضم المعركه حاول ورك بطه الفرار , لكن
أحدهم تتبعه و انقض عليه ( أكله حنظله ), ربما كان المشهد أقرب بمشهد في فيلم تاريخي
لمجموعه من كفار قريش أمام وليمه في بيت أبو لهب , مرحى مرحى .
.
بعد ساعه كامله
من الأكل و الطحن و الإنتقام من الأعداء و التنقل بين سنابك الخيل و صوت المعالق و
الشوك , انتهى الفصل الأول من المعركه و جاءت كتيبه من العاملين في المطعم لإزالة الأنقاض
و تجميع الرهائن و السبايا ( لأنه كان فاضل أكل كتير أوي ) .
.
و بعد ما شربنا
عينات شاي في كوبايات ( مايكرو ) كانت اللحظه الحاسمه , لحظه احتبست معها أنفاس المقاتلين
, يبدو أن هذه الورقه البيضاء الموجوده داخل جلده سوده تحمل في طياتها رقم مخيف , و
شكلها كده فاتورة ( مشلتته ) ,في هذه اللحظه عمل الجميع نفسه من بنها , أنا شخصيا كنت
عمدة بنها في الموقف ده , و كان على لساني كلمتين قالهم السيسي ( أنا مش مش عايز أديّك
, أنا مش قادر أدّيك ) , توجهت بعيني صوب باب المطعم في انتظار محسن بيه بتاع المخابرات
اللي معاه شنطة التمويل عشان يدفع لنا الحساب , لكن أحدا لم يأتي .
.
في اللحظه دي ادركت
أن أمرنا سينتهي لا محاله في تخشيبة سجن المهندسين و إلا فالحل البديل هو إننا نشتغل
باللي أكلناه , نشمّر بقى و نقوم نعمل بلقمتنا , تخيلت مشهد محمد نجم و هو ماسك فوطه
بيلمع الإزاز , و محسوبكو ماسك مقشه ( دانا عليا ماسكة مقشه عنب ) , و حجازي بيلمّع
الأوكر ( مع إنه ماكلشي أساسا ) و عبدالرحمن بيغسل الأطباق , و دكتوره جيهان و دكتوره
شيماء و نسمه و دعاء و استاذه بديعه قاعدين عالكاشير , و مولانا الشيخ أندرو واقف تحت
بيركّن العربيات وياخد بقشيش ( و لو لقى واحد مسيحي نازل من العربيه هيقوله مش باخد
فلوس من مسيحيين ) , و طبعا قائد الكتيبه هيستعبط و مش هيشتغل معانا ( هيقعد في جنب
يكتب بوست عن الحرب اللي بتنحسم في صدور الرجال أو ينزّل صورة طائر البطريق ) .
.
لم يقطع خيالي
إلا لحظة الامل و طوق النجاه , حين تبارى مجموعه من الفرسان و قررو انهم يدفعو الحساب
, يا إلهي , لقد نجونا ورب الكعبه , و بعدها تنفّسنا الصعداء و خرجنا من المطعم أو
بمعنى أصح خرجنا من عنق الزجاجه .
..........................................................................................................................
Mohamed
Hussein
28
يناير 2018·
الدوله الفاشيه
اللي بتاكل دراع العيال الصغيره حاولت تغتال هشام جنينه و تخنقه من ركبته بس ماعرفتش
, قامت حاولت تخطفه و كان معاها شوال كبير بس ماعرفتش برضه لأن بنيانه قوي جدا و كان
بيرضع حديد مسلح و هو صغير , قامو جابو مدفع رشاش و ضربوه 37 طلقه قام هو شد عضلاته
كداهو و خد الطلقات كلها على صدره و طلعها من مناخيره .
.
مش مصدقين ؟ طب
انا ماقولتلكوش التقيله بقى , بعد ما فشلت حكاية المدفع الرشاش قامت الدوله الفاشيه
جابت دبابه و مشيت بيها فوق هشام جنينه رايح جاي تسع مرات بالظبط و بعد المره التاسعه
لقوه قام و نفّض هدومه و عطس عطستين و مشي .
.
وبس يا سيدي ,
أنا مره كنت ماشي لوحدي في سيتي ستارز جنب الفود كورت لقيت أسد ضخم أوي , أضخم من الفيل
و هاجم عليا وعنيه بتطق شرار , قمت انا هجمت عليه الأول و ضربته قلمين و شلّوت و شديته
من شعر ودنه , و قلت له حسك عينك أشوفك هنا تاني يابن الجزمه يا واطي .
............................................................................................................
Mohamed
Hussein
27
يناير 2018·
شوف يا حبيبي
, حلقين كده تحطهم في ودانك و اوعى تقلعهم
.
- أول حلق بيقول
, عدد اللي مش طايقين السيسي من الأسماء اللي شبه معروفه ( لبعض الناس ) ممكن يكون
500 مثلا , مفيش فيهم واحد جبار وبيمشي عالحيط , قول بقى شمامين كوله على خرفان على
اعلاميين على سياسيين على نشطاء على بيزنطيين , المهم , انك عارف و متأكد و تبصم بالعشره
ان ال 500 على بعض كده لو جمعتهم و ضربتهم في خلاط و قسمتهم و طرحتهم مش هيهزو شعره
من شعر مصر السايح النايح ولا بيزنزنو الزنازين ولا حاجه , و أولهم و أخرهم حكايتين
و افتكاستين و هاشتاجين و يتشألبو في إزازتين بيره .
.
- تاني حلق بيقول
, لما يكون عندك 500 بيمثلو أنصاف و أرباع المشاهير ( اللي معروفين لبعض الناس ) ,
ماينفعشي حضرتك كل ما واحد منهم يجيله دور اسهال أو يصحى من النوم يلاقي في وشه حب
شباب أو المايه تقطع عندهم أو يعمل حادثة موتوسيكل أو بنته مايجيلهاش عرسان تطلع انت
بقى و تتهم الدوله و تقول مستقصداه و بتخطط له , و إلا و عزة جلال الله , شهادة الجامعه
اللي انت فرحان بيها دي يبقى اخرها كده انك تجيبها من الدولاب و تطبقها كام تطبيقه
و تديها لمراتك في المطبخ عشان تمسك بيها الحله لما تكون سخنه , و اهو تبقى شهادتك
الجامعيه نفعتك في حاجه .
.............................................................................................................
Mohamed
Hussein
27
يناير 2018·
هرية اليوم , هشام
جنينه ........... اتفضلو في الجنينه .
.
بص يا سيدي
- مولانا هشام
جنينه عمل حادثه بعربيته , خبط ناس ولّا ماعرف ناس خبطوه , نزلو 3 عيال اعتدو عليه
بالضرب , طبعا حكاية حبسوه في القسم و رفضو يسعفوه هتكتشف بعد شويه انها فستك يعني
بلح , اشرب بؤ مايه بقى و شغل أم البالوظه اللي فوق رقبتك , و صدقني و الله ربنا ماخلقش
دماغك عشان تشيل العمه و النضاره .
.
ايه الاحتمالات
اللي عندك في حدوته زي كده ؟ هما احتمالين مفيش غيرهم
.-- اما انه حادث
سير و خناقه شوارع زي اللي بنشوفها كل يوم و حظه وقع مع ناس معندهاش تفاهم أو مع شوية
عيال صيع و مبرشمين , و في كل الأحوال مايعرفوش الفرق بين هشام جنينه و هشام يكن .
.
- أو انه حادث
مدبر بشكل ما , طب تعالي للاحتمال التاني , مين اللي يدبر حادثه زي كده ؟ الدوله ؟
تدبرها ليه ؟ عشان تنتقم من هشام جنينه ؟ و تنتقم منه ليه ؟ ده راجل مختفي من المشهد
بقاله اكتر من سنه و يوم ماظهر ظهر كإسم في حملة عنان اللي بيتحقق معاه حاليا و تم
استبعاده , لا له نشاط سياسي ولا نشاط منفلوطي , قولي الدوله تدبر حادثه زي كده ليه
؟ هشام جنينه خطير و جبار و بيزلزل أركان النظام و السيسي ركبه بتخبط في بعض ؟ انت
اهبل ياض ولا لك عمه تخينه شويه ؟.
.
والدوله لما تحب
تدبر حادثه تعملها بشكل طفولي كده ؟ دوله ايه دي ؟ و الدوله الفاشيه لما تحب تستقصد
واحد محدش يعرفه اساسا تفتعل له حادثه و تضربه في ركبته وبعدين يروح القسم و يتعالج
و يقبضو عالعيال البلطجيه ؟ بجد والنبي ؟
.
طب تعالى و شغل
عقلك تاني , مين المستفيد من حاجه زي دي ؟ لو عايز تعرف مين المستفيد , و اللي يكون
دبرها ( ده لو كانت مدبره مش حادث سير ) , شوف السرعه في التفاعل , البرادعي و حازم
عبد العظيم و طارق الزمر و ابن القرضاوي , كله في نفس واحد قال محاولة اغتيال لهشام
جنينه , و كله بيتهم الدوله , رغم فرق التوقيتات بينهم , اللي عايش في الشرق و اللي
عايش في الغرب , بس سبحان الله ياخي كلهم كانو صاحيين في نفس الوقت و فاتحين تويتر
في نفس اللحظه .
.
بص يا حبيبي ,
وعزة جلال الله , الدوله المصريه مش فاضيه لهشام جنيه ولا لنعناع الجنينه , و المخابرات
المصريه بتلعب في أعلى ليفل ضد الشيطان الأعظم اللي بيدير كوكب الأرض البائس , كون
انك تفضل عايش في الدور ده , بتاع الدوله بتراقب حازم عبد العظيم بعربيتين فيرنا و
تكلم غاده بلاتين عالواتس و تفتعل حادثه مع بنت الأسواني و تخبط هشام جنينه في ركبته
فانا عايز اقولك ربنا يعينك على نفسك , اه و عهد الله , و عادي لما تتركب للمره
56734 , صدقني مش هيحصلك انزلاق غضروفي .
.
اه اخر حاجه عايز
أقولهالك , يوم ماتعرف مين أول واحد ضرب نار عالمتظاهرين في 2011 و ليه عمل كده ؟ هتعرف
مين اللي بيدبر حوادث زي دي ( لو كانت مدبره ) و ليه ممكن يعمل كده ؟ هستأذنك بقى عشان
المخابرات المصريه مكلفاني أفسّي عجل العربيه بتاعة ممدوح حمزه و اطرطش مايه عالغسيل
اللي ناشراه مرات علاء الأسواني .
.............................................................................................................
Mohamed
Hussein
26
يناير 2018·
امبارح يا ولاد
اتكلمنا عن المجتمع المدني و النهارده هنتكلم عن المجتمع الدولي , عشان نخلص بقى من
حدوتة و افتكاسة ( المجتمعات )
.
- المجتمع الدولي
ده مقصود بيه شوية الدول الكبيره بإعلامهم و منظماتهم و سلطاتهم و باباغنوجهم , على
شوية المنظمات الدوليه زي الأمم المتحده و مجلس الأمن و الإتحاد الأوروبي و الإتحاد
السكندري و خلافه .
.
- المجتمع الدولي
حكايته ايه ؟ عشان بس ماتكونش فاكر تحت القبه شيخ , بص يا سيدي
- في 25 يناير
2011 المجتمع الدولي اعتبر الحكايه دي ثوره , و لما نزل عدد اكبر في 30 يونيو قالك
لأ ده انقلاب .
.
- المجتمع الدولي
في انتخابات 2012 لما بتوع اللمون جابولنا سكرتير المرشد ب 51 % قال دي ديموقراطيه
ولما السيسي في 2014 نجح ب 170 % قالك لا ده حكم عسكري .
.
المجتمع الدولي
لو واحد فجّر بمبه من بمب العيد في زقاق أو شارع من شوارع باريس و نيويورك بيعتبرو
ده ارهاب و يمسكو اللي عمل كده يعلقوه على عمود نور , و لما جنودنا بيتقتلو بأر بي
جي بيقول عالقتله جماعات مسلحه ( أو جماعات معارضه , أو جماعات واخده على خاطرها شويه
) , مايقولشي إرهابيين , و يبقى مطلوب منك تقدّم له أدله و دلائل و قرائن و اثباتات
و حبشتكانات و تجيب لهم الإرهابي يحلف لهم على مصحف , عشان يتكرمو عليك و يقولو طيب
عندكو ارهاب بس عاملو بحنيّه و النبي .
.
المجتمع الدولي
بيسيب اسرائيل تعك و تعجن و تقتل و تحرق براحتها و لو فكرت انت بس تدافع عن امنك القومي
يقولك نرجو ضبط النفس , انت كافر يا جدع و عايز تدافع عن امنك القومي ؟! طب هتروح من
ربنا فين ؟.
.
- المجتمع الدولي
لو عملت انتخابات و جبت لها اشراف قضائي و دولي و صورتها كلها فيديو لايف و خلّيتها
تحت رعاية فريق من الأنبياء و القديسين بس النتيجه ماجابتش لنا خاين ارهابي او خاين
شمام كوله هيقولك دي مش ديموقراطيه .
.
فاحنا بقى يا حماده
, و قولا واحدا , و لقد استقر في وجداني إني أقولك , بمنتهى الهدوء و بنفس راضيه مطمئنه
, بُص أم المجتمع الدولي .
.......................................................................................................
Mohamed
Hussein
26
يناير 2018·
شوف يا حبيبي
, من الأخر كده و بمناسبة 25 يناير
.
المعجنه اللي حصلت
في مصر بعد 25 يناير و لمدة سنتين تقريبا , مش هتحصل تاني , ده قولا واحدا , احنا أصلا
ربنا نجّانا منها بأعجوبه أو بمعجزه , و فكرة انك تلاقي عدد من الفقهاء الدستوريين
عالشاشات اكتر من عدد عربيات الدره المشوي , و فكره ان كل اتنين شباب نامو في الميدان
كام ليله يتصلو ببعض و يعملو تشكيل حكومي ( و يجيبو البت مروه اللهلوبه تنظم المسائل
) , و فكرة إن الأوطان بتتحكم من على قهوه من قهاوي وسط البلد , و فكرة ان مصر تبقى
مشاع و مرتع لأنصاف المفكرين و أشباه السياسيين ( كأنها جُرْن الهبله ) , الحكايه دي
بح , سميها زي ماتسميها بقى , سميها فاشيه او سمّيها ديكتاتوريه , ياكشي تسميها نيرمين
.
.
المجتمع المدني
جربناه سنتين , و مش عاجبني والله ولا عاجب أمه ولا عاجب حد أبدا , ماحنا معندناش مثلا
قانون إسمه ( مكافحة المرقعه السياسيه ) و إلا كنا حبسنا البرادعي و عصام حجي و خالد
علي و كل واحد يتعمد انه يحرج بلده بأي شكل و مايعرفش الفرق بين الشخص المسئول و بين
المواطن العادي .
.
المجتمع المدني
جربناه لما كانو بيقفو بالشموع قدام السفاره الفرنسيه و ييجو عند بلدهم و يفتكسو ,
ده مش ارهاب , لا ده ارهاب بس احنا فاشلين , ماهو أصل ده عنف متبادل و المفروض نعمل
لهم مراجعات فكريه ,لحد ما فكريه نفسها لطمت على وشها
.
طيب حاضر لما يظهر
لنا جيل جديد يعرف الألف من كوز الدره سياسيا و يعرف الفرق بين المعارضه و الخيانه
( والمرقعه ) , و لما نلاقي ناس بيعرفو يلعبو سياسه و بيحطو لنفسهم خطوط حمره واضحه
زي إسم مصر و جيشها و تاريخها و هويتها و كيانها و أمنها القومي ( زي مابيعمل أي مواطن
في أي دوله في العالم ) , و لما نلاقي سياسيين مش ماركة ( خُلقنا لننسحب ) , و لما
نلاقي مؤسسات مجتمع مدني بتعمل لصالح البلد ( مش بتسترزق ولا بتقلب عيشها ) نبقى نقول
عندنا مجتمع مدني و نعوّل عليه .
.
و حتى ذلك حين
, و لحد اللحظه دي لازم تعرف إن مستقبل الأوطان مابيتسابشي للظروف , أصله مش دور كوتشينه
والله , لا مصر ولا امركيا ولا فرنسا و لا أي دوله كبيره مستقبلها بيتحط في إيد شوية
عيال و يتعمل عليه حوار مجتمعي بطريقة حادي بادي ( انا اعرف ان الفرخه يتعمل عليها
شوربه , لكن دوله و مستقبلها و امنها القومي و قراراتها السياديه يتعمل عليهم حوار
مجتمعي ؟! ماخدنهاش دي ) .
.
يعني يا حبيبي
, باختصار, الدوله سايبالك الفيس بوك و تويتر , اعمل فيهم ما بدالك , هاشتاجات و شألباظات
و اعمل استفتاء رئاسي و هات كيم كارديشان أو ياسمين الخطيب , و اتشألب في ازازتين بيره
, على كيف كيفك , بس ماتحلمش بأكتر من كده طول مانت ماشي في السكه بتاعتك , أقولك حاجه
؟ انت ممكن من باب التغيير تجيب موس و تشرّح راسك عشان ماتنفعشي طبله ولا طار , و ممكن
كمان تعتبر الحركه دي أليه جديده للإعتراض , اه و عهد الله .
................................................................................................................
ليست هناك تعليقات:
إرسال تعليق