Mohamed
Hussein
8
فبراير 2018·
فكرة حرب نظاميه
مباشره بين مصر وتركيا صعب جدا تحصل في الوقت الحالي , أردوغان سفاح و حرامي بترول
بس مش برياله و بالتالي مش هيدخّل جيشه في معركة تكسير عظام هو مش قدها , أكتر حاجه
ممكن تحصل هي شوية مناوشات سياسيه و احتمال مناوشات عسكريه بحريه غير معلنه مش اكتر
من كده .
.
طيب الخرفان و
قطيع الجماعه الإرهابيه موقفهم معروف مسبقاً , ناس بيرضعو و يتنفسو كدب و خيانه من
يوم مايتولدو , هيكون موقفهم ايه يعني ؟ أكيد زي ماراحو يصلّو في الكونجرس والبيت الأبيض
و عايشين على حِجْر الإداره الأمريكيه و البريطانيه و أغلبهم معاه جنسية البلدين دول
, أكيد هيقفو مع نظام خليفة الشواذ , ده منطقي جدا لتنظيم إرهابي خاين .
.
إنما تخيل يا محترم
, حاول تتخيل بس , اتفاقيه ترسيم الحدود في البحر المتوسط دي خاصه بالدوله المصريه
مش عبد الفتاح السيسي , ثرواتنا من الغاز في شرق المتوسط دي ثروات للدوله المصريه مش
عبد الفتاح السيسي , يعني الاتفاقيه و حدودنا الإقليميه و أبار الغاز هتفضل موجوده
سواء السيسي موجود أو مش موجود , صح كده ؟ و بالتالي تبقى قضايا أمن قومي لمصر مش لعبد
الفتاح السيسي ولا لحكومته .
.
طيب تمام , السؤال
بقى , اللي محتاج من حضرتك انك تاخد نفس عميق و تفكر دقيقه قبل ما تجاوب عليه , هل
يجرؤ حمدين صباحي و خالد علي و خالد داوود و جورج إسحاق وكل الأشكال اللذيذه دي على
الخروج في مؤتمر صحفي يعلنو فيه موقف داعم لبلدهم و جيشها و ثرواتها و أمنها القومي
و يعلنو عداء تام لخليفة الشواذ و مقاطعة كل ماهو تركي بشكل واضح و صريح ؟! هقولك تاني
, ترسيم الحدود و ثرواتنا و جيشنا و أمننا القومي قضايا ملهاش علاقه بنظام سياسي ,
لها علاقه بكيان الدوله , خد نفس عميق وفكر شويه عشان في النهايه تعرف انت بتتعامل
مع مين .
.
يا مولانا كلمة
معارضه بتعني معارضه لسياسات رئيس و حكومته و توجهاتهم , المعارضه اللي تقف في صف عدو
بلدك أو حتى تقف عالحياد و تلتزم الصمت يبقى اسمها في أحسن الحالات مرقعه , و اسمها
المعتدل والمنطقي جدا , خيانه .
...................................................................................................................
Mohamed
Hussein
7
فبراير 2018·
الخارجيه تحذر
تركيا من المساس بحقوق مصر في شرق البحر المتوسط و تؤكد أننا سنتصدى لأي تحركات تهدد
السياده المصريه !!
.
عزيزي النطع
- بينما انت نايم
على بطنك عالسرير و فاتح التابلت و بتتريأ و بتعمل هاشتاجات و فاكر نفسك جبار و بتمشي
عالحيط , هناك قطع بحريه مصريه بتتحرك في شرق البحر المتوسط عشان تأمّن حقول الغاز
( اللي هي ثرواتنا و مدخرات الأجيال القادمه ) , ماتنساش معاليك تمشي ورا صايع ناسا
و تسأل : هو احنا بنشتري سلاح ليه ؟! .
.
روح قلبي النطع
- لما بتشتري سلاح
حديث و حاملات مروحيات و غواصات و طيارات فانت بتشتريهم كسلاح ردع وتأمين , يعني مش
بالضروره عشان تحارب إنما عشان تتجنب الحروب , تسليحك الحديث بيبقى معروف , و تدريباتك
العسكريه انت متعمدها , استعراض قوه , عشان مايجيش واحد مخبول أو خليفة شواذ و شيطان
يوزّه و يفكر إنه يقرب , و يتخيل إن مصر زي سوريا و العراق حاليا ( يعني جُرن الهبله
).
.
نور عيني النطع
- تركيا و بريطانيا
و إيران و الكيان الصهيوني و ضيف عليهم أمريكا , اسمهم القوى الإستعماريه , و اللي
بيعملوه عشان يبسطو نفوذهم أو عشان ينهبو ثروات الشعوب التانيه و يعتدو على سيادتها
, إسمها بلطجة قوى استعماريه , ماسمهاش براجماتيه يا جحش , براجماتيه دي يقولها مواطن
من مواطني الدول دي ( و يبقى مواطن شيطان كمان ) , إنما إنت لازم تسميها بإسمها الحقيقي
, اسمها بلطجه و وساخه و انحطاط , ماتخليش الشعارات تركبك .
.
مولانا النطع
- من رحمة ربنا
بمصر المحروسه , أم الدنيا , أرض الكنانه , إنك و أمثالك ماحكمتوهاش , ولا شاركتو في
حكمها , عشان انتو أخركو كده , شعارين يركبوكو و هاشتاجين و تتشألبو في إزازتين بيره
و تقفو على سلم نقابة الصحفيين او تقولو فاشيه و عسكر , أو تقفو بالشموع قدام السفارات
الأجنبيه و تتهمو بلدكو بالإهمال أو بالقتل , مصر دي إيه بقى اللي تحكموها ؟ مش يا
مولانا لما تلبسو البناطيل و تعرفو تحكموها الأول ؟!!
.................................................................................................................
Mohamed
Hussein
6
فبراير 2018·
محمد بن زايد
: تدري يابو محمود أنا ما أحب أتقّل في العشا , بيكفي أخد نفر لحم مندي و مرقه و كبسة
دجاج .
عبد الفتاح السيسي
: و مين سمعك يابو خالد , انا كمان بحب أنام خفيف , هاتي لي يابنتي واحد لحم حنيذ و
نفر دجاج مظبي و طبق رز بخاري كبير .
.........................................................................................................
Mohamed
Hussein
6
فبراير 2018·
كان أهم سلاح في
المؤامره و الحرب اللي دايره من سنين هو سلاح الإعلام والصحافه , الخنزيره و البي بي
سي و الواشنطن بوست و السي ان ان و رويترز و نيويورك تايمز , قنوات و جرايد اتصرف عليها
مليارات الدولارات عشان في النهايه تنفّذ سياسات الدول و اجهزة المخابرات اللي بتديرها
, تتعامل مع الملفات بمنتهى الحرفنه والإحترافيه و بمنتهى الوساخه و الإنحطاط .
.
واحنا في مصر قررنا
نواجه الأله الإعلاميه الشيطانيه دي بماسبيرو و لميس الحديدي و الإبراشي و أحمد موسى
و خالد صلاح و المذيعه المزه اللي انا مش فاكر إسمها , أه و عهد الله , واحد يغلط و
يحقّر من شان دوله بيزورها رئيس الجمهوريه و واحد يجيب تشريح زرافه ميته عالهوا ( باعتبار
انه حدث تاريخي ) و واحده تستضيف معرفش مين اللي اتعرضت لاعتداء جنسي من مين في قرية
معرفشي ايه كده اللي تبع مركز معرفشي ايه برضه ( باعتبار ان دي ظاهره ) و واحد لسه
لحد النهارده بيقول عالإرهابيين في سوريا انهم المعارضه أو الجيش الحر , و واحد بيجيب
فيلم كرتون على انه معركة عسكريه تمت على أرض الواقع .
.
يابني حاول تصدق
, البلد دي ماشيه في الدنيا و كيس العلاج في إيدها , و عايشه كده بستر ربنا و بقوة
جيشها و ببركة دعاوي الناس الطيبين .
.................................................................................................................
Mohamed
Hussein
6
فبراير 2018·
شوف يا حبيبي
.
اقرا الخبرين دول
كده , وابلع ريقك و إرمي كل اللي في دماغك عشان كله غلط , كله فستك , ده لو عايز تفهم
و ماتعبيش دماغك سباخ , مزّق دفاترك القديمه كلها .
.
- تركيا تعتزم
التنقيب عن البترول شرق المتوسط و تؤكد أنها لا تعترف باتفاقية ترسيم الحدود بين مصر
وقبرص !! .
- مصر تبحث عن
الغاز في 11 منطقه جديده , بريه و بحريه .
.
تمام كده ؟ هي
الحدوته ايه بقى و ايه اللي حصل بالظبط في السنين اللي فاتت ؟ تعالي هقولك
1- اللي حصل في
منطقة الشرق الأوسط اسمه الطوفان , طوفان تم الإعداد له مسبقا , من قبل كده بسنين طويله
, طوفان اترسم السيناريو فيه بالورقه و القلم و المسطره و الحكايه مكانتش محتاجه ذكاوه
او عبقريه عشان ترسم سيناريو .
.
2- في الطوفان
محور الشر بيدير اللعبه و جاهز لأي تعديلات في الخطه , و الطوفان شاركت فيه دول كتير
في دور ( الديب ) , دول كان هدفها و غرضها مصادر الطاقه ( حرب الطاقه ) زي مد خطوط
غاز تمر في الأراضي السوريه أو خط تاني يمر في الأراضي الليبيه , و دول كان دورها تدمير
الجيوش القويه اللي باقيه في المنطقه و تخريب دول الشرق الأوسط و تقسيمها لدويلات
, و مايبقاش فيه جيش في المنطقه عليه القيمه غير الجيش الصهيوني , تلاقت مصالح الديابه
بتوع الطاقه مع الديابه بتوع تدمير الجيوش و هدم الأوطان , و الفريسه هي دولنا العربيه
.
.
3- طب و الربيع
العربي و ربيع ياسين و وائل غنيم و منى الشاذلي و قناة الخنزيره و البرادعي و ممدوح
حمزه و توكل كرمان وابن القرضاوي و الحريه و حقوق الإنسان و الديموقراطيه الأمريكاني
والأختفاء القسري و بشار السفاح و صدام الديكتاتور ؟ أهو ده السباخ اللي ملو بيه دماغ
معاليك , ادوات اللعبه , وانت هنا اسمك الزبون .
.
4- مصر عملت ايه
بقى بعد 30 يونيو ؟ يوم ماقلبت الترابيزه عالديابه , بص يا مولانا
- كان أهم حاجه
لازم تعملها هي إعادة تسليح الجيش المصري بأحدث الأسلحه , وانت بتتسلح مش بالضروره
عشان تحارب إنما عشان تتجنب الحروب , و بتتسلح عشان تعرف تحمي ثرواتك الطبيعيه و قراراتك
السياديه و أمنك القومي , بنشتري سلاح ليه ؟ ده سؤال مايسألهوش غير عيل صايع أو لامؤاخذه
و أمه عارفه .
.
- مصر عملت اتفاقيات
ترسيم حدود مع السعوديه و مع قبرص و اليونان عشان تعرف تستغل ثرواتنا في البحرين الأحمر
و المتوسط , مكانشي ينفع تبدأ بالخطوه التانيه قبل الأولى , دي حرب طاقه مش لعبه ,
يلزمها جيش قوي جدا يحميها .
.
- مبارك لا عمل
تحديث لسلاح الجيش ولا عمل اتفاقيات ترسيم حدود ولا عمل تنقيب عن بترول و غاز عشان
كان بيحب يعيش في الأنيخ و تفضل شعبيته زي الفل و يهشتك المواطن و يسيبها تخرب , الحدوته
دي كان يلزمها فارس لا في دماغه شعبيه ولا بيخاف من كلام الناس , بيعمل الصح للمستقبل
و الأجيال و بيبني بلد من حديد مش بلد من ورق .
.
- مصر هتحقق الأكتفاء
الذاتي من الغاز في 2018 و من البترول في 2020 و عندنا اكتفاء من الكهربا يكفي لفتح
ألف مصنع جديد ( لا حضرتك المصانع مش بتشتغل بلمبة جاز ولا بشمعه و لا ببركه دعاء الوالدين
) , حلينا مشكلة الكهربا من قبل مانبدأ حتى في مشروع الضبعه النووي , و في النهايه
تعرف تعمل حاجه اسمها التنميه المستدامه .
.
- الغاز و البترول
و الكهربا , ال 3 كلمات دول اسمهم مصادر الطاقه , اللي بتقوم عشانهم حروب , و اللي
بيرفعوك لسابع سما لو امتلكتهم و بيخسفوك لسابع أرض لو ماعندكشي , و أدي يا سيدي كل
الحدوته , فهمت يا مولانا ولا هتقضيها سباخ ؟
.................................................................................................................
Mohamed
Hussein
5
فبراير 2018·
الحدوته
.
لما يكون عندك
عشوائيات و مناطق لا تصلح للسكن الأدمي و مناطق شديدة الخطوره عاللي ساكنين فيها و
تيجي حضرتك توفر للناس مساكن أدميه و تقضى بشكل تدريجي على العشوائيات فانت بالتأكيد
هتضايق جدا الشمامين و الصيع و تجار الشعارات اللي بالنسبالهم المواطن الفقير هو سلعه
بيتاجرو فيها أو سبوبه ( لقمة عيش يا مولانا ) .
.
باختصار , خدها
قاعده كده , لو فيه مكان مليان زباله من سنين طويله وقررت فجأه إنك تنضف المكان ده
فانت بالتأكيد هتتسبب في غضب شديد جدا للخنازير !! .
...........................................................................................................
Mohamed
Hussein
5
فبراير 2018·
صباح الخير
.
ليلة امبارح وانا
ماشي في الشارع لقيت عربيه تبع الجيش بتبيع الفراخ البرازيلي المجمده , قلت أروح و
أجرب , قربت من العربيه و الناس واقفين , لمحني عسكري شكله ابن حلال , خدني على جنب
كده وقالي بصوت واطي , يا أستاذ اوعى تشتري الفراخ دي , دي فاسده و مسرطنه و ماتت
7 مرات قبل كده , قلت له انت متأكد من الكلام ده ؟ قالي إلا متأكد , قلت له حاضر و
شكرته و لسه همشي لقيت ظابط مخابرات جاي ورايا , من غير سلام و لا كلام قام مطلّع الطبنجه
و حاططها في جنبي و قالي انت رايح فين ؟ قلت له ماشي , قالي بس انت كنت جاي تشتري فراخ
ماشتريتش ليه ؟ قلت له مش عايز , أنا كنت بتفرج بس , قالي لازم تشتري , و إلا هفرغ
الطبنجه دي فيك , قلت له حاضر , و رجعت تاني و قلت للعسكري اديني فرختين يابني , العسكري
بص لي كده و دموعه نزلت من عنيه , و حسيت أنا و هو بلحظه انكسار ( وطّي الإضاءه والنبي
شويه يا سوسن و شغلي لنا موسيقى حزايني في الحته دي ) .
.
خدت الفرختين في
كيس و مشيت بفكّر , قلت انا لو رميتهم ظابط المخابرات هيعرف و ييجي يخلص عليا , دول
عارفين كل حاجه , مفيش حل غير إني أطبخهم و أكلهم , وانا ماشي سمعت صوت غريب جوه الكيس
, أتاري الفرختين بيكلمو بعض , فرخه قالت للتانيه , هو محمد ده مجنون ولا عبيط ولا
ايه ؟ مش عارف اننا فاسدين و الفساد واصل فينا لحد الركب ؟ قامت الفرخه التانيه قالت
لها والله صعبان عليا , ده هياكلنا من هنا و يجيله نزله معويه و تسمم و احتمال كبير
حب شباب , الفرخه الأولى قالت لها احنا ماينفعش نسكت , لازم نعمل اللي علينا و ننبهه
, شويه و لقيت خبط عالكيس من جوه , فتحت الكيس وقلت مين ؟ قالو في صوت واحد احنا الفرختين
, أيوه مانا عارف , عايزين ايه ؟ سيبوني في حالي بقى , لا ماحنا عايزين مصلحتك , بس
انا عارف مصلحتي كويس , لا انت موهوم و مش عارف حاجه , اوعى تطبخنا والا هيحصلك حاجات
وحشه أوي , قلت لهم اخرسو يا أعداء الوطن , انا عارف مين مسلطكو عشان تقولو كده و تشوهو
سمعة بلدي , و قفلت الكيس عليهم و مشيت .
.
في البيت بقى و
قبل مراتي ماتصحى روحت غليت مايه , و رميت فيها الفرختين قبل ماينطقو بأي كلمه , مفيش
5 دقايق شميت ريحه مش عارف هي ريحة ايه بالظبط , ثاني اكسيد الكربون ولا خامس اكسيد
المنجنيز ولا سابع بوتاس الفاسيوم , قلت لنفسي ياض بطل قلق و بطل تتخض , يمكن الريحه
جايه من عند الجيران , شويه و سمعت صوت الإسعاف تحت العماره , ببص من البلكونه لقيت
9 عربيات اسعاف , بيخلو العماره كلها بعد ماكل السكان جالهم حالة اغماء مفاجئ و لقيت
ناس بتخبط عالباب , فتحت لقيتهم وفد من وزارة الصحه و هيئه الطاقه الذريه لابسين كلهم
أقنعه واقيه من بتاعة الجيش , قالو لي انت اشتريت فراخ النهارده ؟ قلت لهم اه و بطبخها
اتفضلو معانا , قالو نتفضل ايه و هباب ايه , الفراخ دي محشيه بغازات سامه محرمه دوليا
, و احنا هنخلي الشقه و عملنا حجر صحي على مدينة نصر كلها , انا اترعبت و ركبي خبطت
في بعض , ولسه يادوب هنطق لقيت المنبه بيرن و صحيت من النوم , يا خساره مالحقتش أكل
الفرختين واعزم بتوع الطاقه الذريه , و نسيت كمان أطفي البوتاجاز قبل ماصحى .
....................................................................................................................
Mohamed
Hussein
5
فبراير 2018·
سلامُ الله على
الأغنام
.
من سنه تقريبا
كان فيه خروف إخوانجي ضاني عامل نفسه خبير اقتصاد , و طلعت حرب جنبه ولا حاجه .
.
الخروف الضاني
جاب شوية أرقام و شألباظات و كتبها في بوست و استنتج في نهاية البوست إن الدولار هيبقى
ب 120 جنيه في بداية 2018 , أه و عهد الله ( مائه و عشرون جنيها مصريا فقط لا غير
) , و طبعا دعى كل الناس و المواطنين و نصحهم إنهم يخزنو الدولارات في بيوتهم عشان
الدولار اللي هيبقى ب 120 جنيه ( لعبه جميله خالص تنفع للعيال اللي برياله ) , و البوست
بتاعه انتشر وسط القطيع و الشمامين و بقى صاحبنا الخبير الإقتصادي الضاني أشهر من البناطيل
الستريتش و ساندوتشات الحواوشي , لايك يا جدع و شير بعنف , ماهي مصيبتهم في كلمة (
بعنف ) دي , هو ايه اللي بعنف بالظبط ؟ , يابيه الكلام ده عيب و حرام .
.
النهارده افتكرت
موضوع البوست لما قريت ان الاحتياطي النقدي تجاوز 38 مليار دولار في البنك المركزي
, أيها الناس , يا قوم , انثرو البرسيم على رؤوس الجبال , لكي لا يقال هلك خروف في
عهد السيسي .
.......................................................................................................
Mohamed
Hussein
4
فبراير 2018·
إبننا محمد صلاح
جاب جونين في توتنهام بجلالة قدره منهم هدف عالمي مايجيبوش غير صلاح و ميسي , و رفع
رصيده ل 21 هدف , بس بصراحة ربنا حامل الرايه في الماتش ده المفروض يتعدم في ميدان
عام رمياً بالقباقيب , أه و عهد الله .
و على فكره بقى
هاري كين بتاع توتنهام اللي سابق صلاح بهدف في صدارة هدافي الدوري الإنجليزي , الواد
ده فطشه و فيه فرقه بحالها بتخدم عليه عكس صلاح اللي بيخدم نفسه بنفسه و بيلعب كأنه
مقطوع من شجره .
.............................................................................................................
Mohamed
Hussein
4
فبراير 2018·
الأنطاع في المدينه
.
- انت مش بائس
أبدا أكتر من واحد أيام حفر قناة السويس الجديده , اتشملل و قال انا مهندس و المشروع
مش هيتم لان فيه تسريب مايه عند النقطه الفلانيه , و كان ردي عليه بكل بساطه , إن مشروع
اتكلف 60 مليار جنيه أكيد بيشرف عليه 500 مهندس متخصص أصغر واحد فيهم واخد دكتوراه
في الهندسه قبل مانت تتولد و أكيد هيعرفو يتصرفو .
.
- انت مش بائس
أبدا أكتر من واحد قال انا طبيب أو طبيب بيطري , و الفراخ البرازيلي المجمده دي فاسده
ولا تصلح للإستهلاك الأدمي , و كأن الجهات الرسميه المسئوله عن استيراد و توزيع الفراخ
دي زي الجيش و وزارة الزراعه و الطب البيطري و الحجر الصحي ماعندهمش أطباء و أطباء
بيطريين لو عملو طابور هيبقى أوله في القاهره و أخره في اسكندريه .
.
أه على فكره ,
للساده الانطاع , نقول تاني و نغنّي في قصة عنب ديبو :
- الفراخ البرازيلي
جايه بسعر قليل جدا عشان انت شيلت منها تكلفة نقل و عماله و أجور , لانك بتوفر انت
الحاجات دي كجهات تابعه للدوله , و مش عايز منها مكسب , زي ماحصل بالظبط في موضوع لبن
الأطفال لما العلبه نزلت بنص السعر , أو بمعنى أصح بسعر التكلفه من المصنع , ده كلام
منطقي أهو المفروض يفهمه أي عيل في تالته ابتدائي .
.
- فيه فساد و تجار
جشعين و ناس ممكن تتاجر في لحم حمير أو فراخ ميته , ده صحيح , بس دول أفراد أو تجار
, مش جهات الدوله الرسميه , يعني ممكن تشك في عم صبحي الفرارجي انه معندوش ضمير , لكن
الجهات الرسميه لأ , هي مش جهات ربحيه , يعني مش هتستفيد حاجه من توفير سلعه فاسده
.
.
- أغلب اللي زاطو
في الموضوع لا عمرهم اشترو فراخ مجمده ولا هيشتروها , و أغلب اللي كتب قصص و حواديت
كتبوها من وحي خيال المؤلف في ساعة عصاري .
- اللي بيشترو
الفراخ دي هما الناس الغلابه اللي كيلو الفراخ العاديه بقى غالي أوي عليهم , بياكلوها
و يحمدو ربنا , و ماعندهمش أكاونتات عالفيس بوك , و هما دول الشريحه اللي الدوله بتستهدفها
بالدعم بكل الأشكال , صح الحكايه دي هتكون فيها ضرر على أصحاب مزارع الدواجن في مصر
, بس برضه المستفيدين منها أكتر بكتير .
.
- أسهل حاجه في
الدنيا عمل فيديوهات و ممارسة النطاعه , هقولك مثلا , أنا صيدلي , ممكن دلوأتي اعملك
أحلى فيديو , شريط حبوب أطحن الحبايه جواه من غير مافتحه , و شريط تاني اطلع منه حبايه
و احط مكانها صرصار , و هكذا , و أعملك فيديو أقول فيه إن الدوا في مصر لا يصلح للإستهلاك
الأدمي , و أخد مليون لايك و دشيليون شير , مانا قلت لك مفيش أسهل من النطاعه و تأليف
القصص و فبركة الفيديوهات .
.
أخر حاجه بقى عايز
أقولها للأنطاع , و بحكم اللي اعرفه كويس أوي , و اللي دخل الجيش , سلاح الخدمات الطبيه
هيعرف الكلام ده , حاجتين اتنين بيقلبو الجيش المصري رأسا على عقب و يعتبروهم كوارث
, الأولى هي سرقة سلاح أو ذخيره ( حتى لو اللي اتسرقت بندقيه قديمه موديل 58 ) , و
التانيه هي حالة تسمم بأكل ملوث ( حتى لو حالة التسمم دي عباره عن خمس ست جنود جالهم
إسهال !! ) .
.................................................................................................................
Mohamed
Hussein
4
فبراير 2018·
التحقيقات مع سعاد
الخولي نائب محافظ اسكندريه السابق في تهم فساد و رشاوي , من ضمن الرشاوي كباب و كفته
و مسقعه !! .
بالك انتي يا أبله
سعاد , لو كان من ضمن الرشاوي رز معمر و حمام محشي كان ممكن أعذرك و أطالب بتخفيف العقوبه
, و أقول إنك اتعرضتي لإغراء لا يُقاوم , إغراء فوق طاقة البشر .
إنما حيث إنك بعتي
ضميرك عشان شوية كباب و طبق مسقعه و حاجات ملهاش أي تلاتين لازمه فأنا أطالب بتوقيع
أقصى العقوبه , و ابقى خلّي أبو أنس الدمشقي ينفعك .
...................................................................................................................
Mohamed
Hussein
3
فبراير 2018·
يابني هي درجات
سلّم , بتطلعها درجة درجه أو سلّمه سلّمه من غير ماتحس , مفيش حاجه حصلت صدفه , اللي
فكر و اللي خطط و اللي دبّر و اللي غمّى عنيك و مسكك من إيدك و طلع بيك السلم من سنين
, كان راسم كل سلّمه لحد أخر درجه , او بمعنى أصح لحد مايطلع بيك فوق سطوح الواد حماده
.
.
بص يا حبيبي ,
كله كان مكتوب بما فيه اللعب في دماغك بالمصطلحات , الجيش بتاعك يبقى اسمه عسكر ( مع
ان كلمة عسكر كانت بتتقال عالاحتلال الانجليزي و الجنود الانجليز ) , الحرق و التخريب
يبقى اسمه ثوره و حرية تعبير و عمل نضالي , الإرهاب ده وجهة نظر , تاريخ بلدك و علمها
و نشيدها اسمهم تخلّف , و الحريه و التقدم و الألمعيه انك تشوط في التاريخ و الهويه
و المؤسسات و حيطان البيت .
.
تعالى أطلّعك سلمتين
تلاته كمان , الإرهابيين المرتزقه اللي بييجو من 17 دوله اسمهم الجيش الحر أو المعارضه
, و الجيوش النظاميه اسمها ميليشيات فلان , و احلى حاجه في مصر كانت أيام الملكيه
, أيام الإستعمار و الإستحمار الجميل , أيام ماكانت الخدامه فرنسيه و بتاعة البليله
من سويسرا , ها و صلت للسلّمه بتاعة الأبله مارتينا السويسريه بيّاعة البليله ؟ طب
جميل أوي .
.
خد دي حطها تحت
لسانك و ماتقلقش , هانت خالص , كلها سلمتين تلاته مش اكتر , بقى انت تحط صورة علم بلدك
ايام الملكيه , و صورة فاروق , لا يابني مش فاروق جعفر , الملك فاروق , حطهم بقى ,
تحطهم فين ؟ يا مغفل تحطهم على صفحتك , يالله دي هي خطوه باقيه .
.
حطيتهم ؟ تعالي
تاتا تاتا , اخر سلمه يا معلم و نطلع سوا على سطوح الواد حماده , بقى الجيش التركي
بيقتحم شمال سوريا , وانت مش عارف تبرر أم الحكايه دي ازاي , مع انك طلعت كام سلمه
حلوين و جاهز للتبرير , عموما هنساعدك , أردوغان داخل يحتل أرض و يقتل و يسرق بترول
و غاز , نبررها ازاي ؟
.
نقول أصل الأكراد
دول كفار و زومبيين و كده ؟ممممممم لا مش نافعه حكاية الكفار الزومبيين , أو بمعنى
أصح هي تنفع بس عندي تبرير احلى , غمض عينك وهات بوسه عشان احنا قربنا من السطوح ,
ايه رأيك تقول و تروّج لفكرة الوحده بين تركيا و سوريا ؟! امووووووووووواه , حلوه البوسه
دي ؟ يعني أردوغان يدخل يحتل الأراضي السوريه بس نلاقي تعبير وجيه ينتزع اهات الناس
, ترحيب بقوات الاحتلال , ده مش احتلال يا جدعان , داحنا أصلنا بنحلم بالوحده بين تركيا
و سوريا , دوله واحده عاصمتها أنقره و رئيسها هو السفاح أردوغان قصدي الخليفه , و تبقى
دوله اسلاميه ضخمه و مقطعه حصر الجامع و دقنها شبرين .
.
كده ياحبيبي انت
طلعت لسطوح الواد حماده , حمد الله عالسلامه , ده بالنسبه للخروف السوري , و الخروف
المصري هو نسخه طبق الأصل ( كلهم أعضاء في نفس القطيع ) , كان يتمنى حاجه زي دي برضه
و طلع نفس درجات السلم بالظبط و طبعا بيرحب بالإحتلال , بس يا خساره عندنا أسد اسمه
جيش مصر العظيم , أسد داس على رقبة الخروف بالجزمه و قفل السطوح المشبوه , و شال السلّم
رماه .
.................................................................................................................
ليست هناك تعليقات:
إرسال تعليق