Mohamed
Hussein
11 مايو 2017
المهرطقون في المدينه
.
عايز تنوير ؟ طب
خد تنوير أهو , صلاح الدين كان ابن تيت , و ام كلثوم شاذه جنسيا , و كليوباترا اسمها
ملكة السكس , و شجرة الدر كانت فاتحه ملهى ليلي عشان تحسن دخلها , و عبد الناصر خربها
و قعد على تلها , و تحتمس كان لامؤاخذه , هه يا جدعان لسه فيه حقبه في تاريخ مصر مالعناش
جدود اللي كان فيها ؟ أه استنو استنو , فيه فتره واحده بس يااااه لذيذه أوي , أيام
الملك , ايام الكاريته و الخدامه الفرنسيه و بتاعة البليله من اليابان , أيام الاحتلال
والاستعمار الجميل الكيوت , أيام ماكانت الثقافه بتدلدق مننا في الشوارع و الشعب متهني
و ماشي بيغنّي .
.
عايز تدين طيب
؟ خد تدين أهو , المسيحيين كفار و هيروحو النار , وماينفعشي نسلم عليهم ولا نقول لهم
كل سنه وانتو طيبين , و بما انهم كفار يبقى قتلهم حاجه كده يعني في الديتيلز مش مهمه
, و النبي لو قتلتهم هزعل شويه بس مش كتير يعني , هزعل كتير ليه و هما كفار و ولاد
تيت , هما شويه صغيرين أعمل فيهم اني زعلان .
.
الساده المهرطقون
تحت داعي التدين و تحت داعي التنوير :
- مصر يا ولاد
د* ن الكلب , يا شوية مراقيع مابقتش مستحمله , مؤامره من بره و من كلاب السكك , جماعه
ارهابيه من جوه , قنوات بتتفتح مخصوص عشانها , حملات تشويه لجيشها , مئات المليارات
بتتصرف في محاولة لخرابها , ارهاب و حصار اقتصادي , و تيجو انتو تكملّو عليها , البلد
دي لو كنا لاقينها في الشارع مكناش نعمل فيها كده , ماهو أصل عشان نبقى متنورين لازم
نشوه تاريخنا بايدينا و عشان نبقى متدينين لازم نكفّر بعض و ندبح بعض , مصر لو كان
لها مناخير كانت شخرت لكو بالنص , شخره طولها 10 ألاف سنه , و سبّت لكو 100 مله و
100 دين و لعنت جدود اللي خلفوكو بكل لغات العالم .
.
و من ناحيتي انا
بقى , و بنفس راضيه مطمئنه تماما , و بصفتي مواطن مصري يعني ابن الست اللي انتو لاقينها
في الشارع دي , عايز أقول للأنطاع بمنتهى الهدوء , يلعن د*ن أمكو , اه و عهد الله
.
....................................................................................................................
Mohamed
Hussein
11
مايو 2017·
هما حضرتك بيعملو
كده ليه ؟
- هما مين دول
؟ .
.
العيال اللي بقالهم
4 سنين بيزربحو عالفيس بوك و تويتر و يشتمو كل الناس بأوسخ الألفاظ و يسبو البلد و
الجيش و الحكومه و التاريخ و الجغرافيا , و ينشرو أي هبل و افتكاسات .
- طب بص يا حبيبي
.
بصيت أهو
- نفترض انك مواطن
عادي زي حالاتي كده , و محدش يعرفك و خالتك نفسها بتتلخبط في اسمك .
.
ايوه تمام
- و فجأه هوووب
في 2011 لقيت صفحتك كبرت أوي عالفيس و تويتر , و البرامج بتستضيفك و قمصان بقى و فانلات
و شرابات و لايكات و دباديب و ائتلافات و تحالفات و حبشتكانات , والشباب يقولو لك الله
عليك يا استاذ انا فخور بيك يا أستاذ انت عقلك ألماظات يا أستاذ هات بوسه يا أستاذ
.
.
أه تمام .
- و فجأه برضه
هوووب في 2013 لقيت كل ده اختفى تماما و رجعت تاني مواطن عادي زي حالاتي و برضه خالتك
بتتلخبط في اسمك , ايه اللي ممكن يحصل في اللحظه دي بعد الشهره و النجوميه و الشرابات
و الفخفخينا ؟ .
.
ايه اللي ممكن
يحصل ؟
- اللي هيحصل هو
انك تلبس شبشب فرده و فرده و تعلق صُفاره في رقبتك و عضمايه و تمشي في الشارع تحدف
الناس بالطوب و الزلط و تكلم نفسك و تقول أنا مش قصير اوزعه انا طويل و اهبل , انا
مش مواطن عادي أنا مهم أوي
.
اه فهمت خلاص
, طب لما أشوف حد من الأشكال دي أعمل ايه ؟
- لما تشوف حد
منهم ماتستناش لما تسمعه , قولهاله انت و ريّحه , قوله انت مش مواطن عادي , انت مهم
اوي , انت اهم واحد في كوكب الأرض و المجموعه الشمسيه , انت لو ضربت صباع رجلك الصغير
في قارة أفريقيا هتغرّقها حريه و ديموقراطيه و تقدم و ازدهار و حبهان و مستكه و مارشميللو
.
.
ايوه و لما اعمل
كده هيحصل ايه بقى ؟
- هتلاقيه ضحك
و ابتسم و شال الطوبه و الزلطه في جيبه و حط الصفاره في بؤه و صفر بيها مرتين و عمل
كداهو ( هيييييح ) .
..................................................................................................................
Mohamed
Hussein
11
مايو 2017·
شوفت يا عم الدوله
الفاشيه اللي بتحارب الشباب و بتحارب الصناعه وبتحارب الإبتكار؟
- ايه , خير ,
عملت ايه الدوله دي ؟
.
قفلت أول مصنع
من نوعه في مصر , كان هيفتح بيوت كتير أوي و يوفّر لنا ملايين الدولارات .
- لا بجد ؟ مش
معقول الكلام ده .
.
والله العظيم زي
ما بقولك كده , و قبضت عالناس اللي شغالين فيه كمان .
- لا كده كتير
أوي بقى , كان مصنع بتاع ايه ده ؟
.
كان مصنع بتاع
مخدرات .
......................................................................................................................
Mohamed
Hussein
11
مايو 2017·
ربنا هيكرمنا أخر
كرم لما نتعلم فقه جديد اسمه فقه الصمت , فقه السكوت , فقه ال ( ماعرفشي والله ) ,
فقه ال ( و احنا مالنا ؟ ) , فقه ( الله أعلم ) .
.
ربنا هيكرمنا أخر
كرم لما نعرف الفرق بين ساقيه بتلف عالفاضي و ساقيه بتطلّع مايه , بين ماكنه كل دورها
في الحياه انها تعمل صوت و ازعاج , و ماكنه بتطّلع قماش , بين علم يُنتفع به و علم
يٌفتكس به , بين تاريخ و دين ناخد منهم اللي ينفعنا في الحاضر و المستقبل , و تاريخ
و دين نحرق بيهم الحاضر و المستقبل .
.
ربنا هيكرمنا أخر
كرم لما نعرف الفرق بين ( حجر لتحريك الماء الراكد ) و حجر بنبطح بيه نفسنا أو بنبطح
بيه بعض .
.
باختصار , ربنا
هيكرمنا أخر كرم لما نشنق أخر سالم عبد الجليل بأمعاء أخر يوسف زيدان في مصر , أه و
عهد الله .
..................................................................................................................
Mohamed
Hussein
11
مايو 2017·
البت لوجي بنتي
هي و زمايلها اللي في رابعه ابتدائي عملو جروب عالواتس , و هوب بقو يكلمو بعض و هوب
عملو تيم ورك و قسّمو الشغل بينهم و قررو انهم يعملو ديش بارتي في نادي ماعرفشي ايه
في التجمع , الأمهات هنا بيكونو أدوات تنفيذ مش أكتر والأطفال هما ( العقل المدبّر
) , و الأب طبعا معروف دوره , إدفع يا زكي قدره يدفع زكي قدره .
لما سمعتهم بيتكلمو
سوا عجبني تفكيرهم , مش هنشتري حاجه من بره , كل واحده هتعمل حاجه في البيت بسيطه مش
مكلفه , يهمنا اللمّه و التجميعه .
.
الجيل ده هيبقى
جيل حلو , و لما يكبرو هيعملو تيم ورك و يزورو أماكن مصر السياحيه و القاهره القديمه
و يروحو الأوبرا , و الأب و الأم طبعا لهم دور في التوجيه و التشجيع , انما قناعتي
التامه ان الجيل ده مش هييجي عليه يوم و يشم كوله ولا هييجي عليه يوم و يعمل جروب عالواتس
تحت اسم جروب الأيام السوده و العيشه الهباب .
.
شجّعو ولادكو على
أي حاجه فيها خير و لمّه و محبه و هوايه و ابتسامه و عمل جماعي و نور ربنا , شجعوهم
يقرو كتب و روايات و يفكرو في حلول و يخططو و يقررو , واتناقشو معاهم , و طبعا يساعدو
في شغل البيت أو يشتغلو مع باباهم بشكل مناسب , اللي هي ثقافة العمل والمسئوليه ( لوجي
بتشتغل معايا 3 ايام في الاسبوع ) لأن الحاجات دي هي اللي هتملى الفراغ بتاع الهطل
و الغباوه و شم الكوله , الأجيال السويه اللي هتبني مصر مش هتنزل لنا من السما , الأجيال
السويه احنا اللي بنعملها على إيدينا .
......................................................................................................
Mohamed
Hussein
10
مايو 2017·
عدد المسيحيين
في العالم أكتر من 2 مليار نسمه , يعني 2 مليار بني أدم خلقهم ربنا , منتشرين في كل
بقاع الأرض , فيهم الصالح والطالح , ابن الحلال و ابن التيت , اللي قضى عمره في فعل
خير و بر والدين و مابيكدبش ولا بيسرق ولا بيقتل , واللي بيعمل العكس , فكره إن بني
أدم مخلوق خلقه ربنا يصدر حكم و فتوى بإن ال 2 مليار بني أدم دول داخلين النار حدف
و ( لوكشة ) واحده كده , هي فكره بتصطدم بأي عقل بشري سوي خلقه ربنا , .
.
بل بالعكس , و
من غير فزلكه كتير , انك تتخيل في عقلك المليان سباخ ان ربنا هيساوي يوم القيامه بين
المسيحي الصالح و المسيحي الطالح ؟
الحدوته دي فيها
اتهام صريح لربنا سبحانه و تعالى بالظلم و العياذ بالله , كيف يستوون ؟ ( إلا إذا كنت
تقصد معاليك أن المسيحي الطالح هيدخل جهنم الشديده أوي و الصالح هيدخل جهنم الحنينه
شويتين !!) .
.
وفيها دعوه جميله
رقيقه للإلحاد , اه و عهد الله , ماهو لو عقلك البشري اصطدم كل مره بحاجات معينه في
عقيدتك ( حسب تفسير مولاك الشيخ ) هتبدأ بقى في الأسئله العجيبه , اللي لها أول و ملهاش
أخر, و الشيطان يدخل جوه دماغك و يستربع و يشرب معسل و يعمل بيبي .
.
و فيها كمان رساله
و نداء عاجل لكل مَنْ هو غير مسلم إنه يخربها مداين , يابني اخربها مانت كده كده داخل
جهنم , اقتل واسرق و اكدب و احرق واشرب بانجو و اشقط مزز , عيش حياتك يابن المحظوظه
, و اللي عنده سالم عبد الجليل يربطه , والسلام عليكم و رحمة الله و بركاته .
..............................................................................................................
Mohamed
Hussein
10
مايو 2017·
على يدي
.
في انتخابات مجلس
الشعب سنة 2000 كنت اعرف أحد المرشحين الأقوياء المنتمين للحزب الوطني , و لما الحزب
وقتها اختار أسماء مرشحيه مجاش إسم صاحبنا ده , و لما سألته ليه ماختاروش إسمك عشان
تبقى مرشح الحزب الرسمي ؟ قال كمال الشاذلي عايز نص مليون و انا ماقدرش عالمبلغ ده
!! .
.
دي الحكايه باختصار
و كانت على عينك يا تاجر , يعني أي حد يدخل انتخابات مجلس شعب أو مجلس شورى أو حتى
محليات عارف ان فيه تسعيره معينه تروح للمعلم الكبير عشان يعدّي و يفوت و يعوم على
وش الفته , المعلم الكبير هو الله يرحمه كمال الشاذلي , طب بحسبه بسيطه حوالي ألف مرشح
بيختارهم الحزب في مجلسين ( شعب و شورى ) يعني 500 مليون جنيه , لو اتكلمنا بس عن
4 دورات انتخابيه يبقى بنتكلم عن 2 مليار جنيه معاليك , أيوه ألفين مليون جنيه !! دي
سبوبة الإنتخابات بس , بعيد عن أي رشاوي تانيه أو تخصيص أراضي و مصانع وخلافه .
.
كمال الشاذلي و
زيه زكريا عزمي و فتحي سرور و صفوت الشريف كانو صبيان مبارك مش صبيان أمي الله يرحمها
, عشان بس اللت و العجن الكتير , واللي ريحته فايحه لدرجة انها توصل بالتسعيره للمواطن
البسيط اللي هو انا يبقى بالتأكيد ريحته واصله لفخامة السيد الرئيس و مراته و عياله
!! .
.
كون ان المحكمه
و القاضي و الأجهزه الرقابيه ماتعرفشي توصل لحاجه ولا ترجع فلوس من مليارات الفساد
ف ده شئ متوقع , ده لا يعني ان الشخص و النظام كان صالح و بيبيع سبح , انما قولنا ألف
مره اللي عنده 10 مليون بس بيعرف يجيب خبراء مال و اقتصاد يخفو فلوسه بطريقه مايعرفهاش
الجن الأزرق , ده اللي عنده 10 مليون مش 10 مليار , يعني الأوراق متستفه و سليمه و
مفيش فلوس تذكر في مصر ( شوية ملاليم ) و فتشني فتّش .
.
مبارك له حاجات
كويسه كتير , في أول فتره حكمه و في أخر كام يوم في حكمه و ما بينهما فساد و رشوه و
ديون و تدمير لاقتصاد و توغل للجماعه الإرهابيه و الفكر الوهابي و الجمعيات الغربيه
المشبوهه في مصر , ولا يجرمنكم شنأن قومٍ على ألا تعدلو .
.
طيب عبد الفتاح
السيسي بيحكم مصر من 3 سنين و لو نجح السنه الجايه هيكمل 8 سنين , اتحداك من دلوأتي
تيجي بعد 10 سنين أو 15 سنه تقولي فلان الفلاني ده فاسد و كان من رجالة السيسي اللي
بيعتمد عليهم و عنده مليارات , اتحدااااك قولا واحدا تلاقي حد بالوصف ده , أتحداك كمان
تقولي من دلوأتي مين هما البارتيته بتاعة السيسي و محاسيبه و صبيانه اللي بيقولو له
شلوت سيادتك دفعه للأمام ؟ مش هتلاقي , أصلا السيسي بيعتمد في شغله كله حاليا على
2 بس , 2 فرسان , واحد شغله جوه البلد اسمه كامل الوزير و واحد شغله بره اسمه سامح
شكري .
.
عايز أقول لأصدقائي
الأعزاء ايه ؟ حب مبارك براحتك بس بالراحه يا مولانا شويه , و الأهم انك ماينفعشي تحب
مبارك و السيسي بنفس الدرجه , و عهد الله ماينفع , ماتركبشي على بعضها أصلا , ماينفعشي
يبقو الاتنين فرسان , ده بالعقل و المنطق البسيط , ماهو اما مبارك كان فارس و ساب دوله
قويه نضيفه شفافه و اقتصاد متين يبقى السيسي مش فارس ولا حاجه , أو السيسي فارس لأنه
شايل تركه هباب اللي هي بتاعة مبارك , اختار انت بقى و خليك متصالح مع نفسك و مع أبجديات
عقلك .
...................................................................................................................
Mohamed
Hussein
9
مايو 2017·
بكره أجمل
.
قلقان و خايف من
الجيل الجديد ؟ العيال بتوع 17 سنه و 20 سنه ؟ حاسس ان كتير منهم بيشم كوله ؟ بتقول
ازاي دول هيبقو مستقبل مصر و يبنوها ؟ طب تعالي هقولك
.
أولا انا مش قلقان
من الجيل ده خالص , حتى اللي بيشم كوله منهم بشوف بوستاته و أفكاره و تعليقاته لا تخرج
عن كونها مرحله سنّيه , العُمر العقلي كده , مرحلة مراهقه فكريه , هيبقى فيها بالتأكيد
أدوات منها التمرد على كل شئ حواليك , منها الشعور بالعظمه و انك أكتر واحد بتفهم في
الكون , منها إنك تعتقد إنك بتفهم في السياسه و الاقتصاد و التسليح و تحكم مصر و انت
مدلدل رجليك في ماية الترعه , مرحلة لها علاقه بفتحة زراير القميص و فتحة الصدر و الصوت
العالي , مرحلة باختصار فيها منحنى الحماس ( و الغشم ) في أعلى نقطه و منحنى العقل
و الهدوء في أقل نقطه .
.
و مع ذلك و رغم
تفهمي للمرحله السنيه و الفكريه دي حصلت حاجه جميله النهارده , قريت بالصدفه بوست مشيراه
صديقه عزيزه , البوست كاتبه ولد بتاع 18 سنه مثلا , و انا بقرا بقى , على لساني كلمتين
, اللهم صلي عالنبي , ربنا يحميك يابني , ربنا يبارك في الأب اللي علّم و الأم اللي
ربت , و خلصت قراية البوست و بعتت رساله لصديقتي العزيزه أسألها مين صاحب البوست ؟
, ده ولد هايل ربنا يحميه , قالت ده ابني !! .
.
طب الولد اللي
في تالته ثانوي ده بيتكلم في ايه اصلا ؟ في حاجه اتكلمت عنها كتير , احنا عايزين نطور
التعليم في مصر ؟ أه طبعا , يعني لازم نطوره ؟ طبعا لازم جدا فورا , طب احنا ترتيبنا
قبل الأخير في العالم ؟ لا بلح , الكلام ده بلح , طب احنا خرجنا من التصنيف العالمي
؟ لا برضه بلح , مفيش حاجه اسمها تصنيف عالمي , مفيش جهه رسميه محايده منوط بيها كده
بشكل محترف , من زمان و انا بصرخ , ماتخليش حد يبيع لك الوهم و يحبطك , الاحباط و السواد
عمرهم ماكانو قاعده للبناء أبدا , كل التقارير اللي بتصدر في كل المجالات بيتحكم فيها
لعبة السياسه و أحيانا شغل العيال أو حتى شغل الفلوس , مش عارف ازاي بتشكك في صحيح
البخاري و ماتشككشي في تقرير تعمله اي جهه في بير سلم في حته ضلمه ؟! مش عارف والله
بجد .
.
مفيش عقل ولا منطق
يقول ان التعليم في مصر أدنى من التعليم في بوركينا فاسو و بنجلاديش و الصومال و موريتانيا
و تنزانيا و 100 دوله مايسمعوش عن التعليم أساسا .
.
رغبتنا في تطوير
التعليم عشان عايزين حاجه تليق باسم مصر , و بمستوى متقدم جدا , انما لو بتبني الرغبه
دي على قاعدة اننا بره التصنيف العالمي يبقى أبشرك انت كده بقيت شمام كوله بامتياز
.
.
كل التحيه و الاحترام
و التقدير للشاب منير أسامه و للأب و الأم اللي عرفو يربّو , عيل اهو من الجيل اللي
طالع و فيه زيه كتير أوي , بيعرفو يبحثو و الأهم بيعرفو يفكرو , عيال مابتنضربش على
قفاها و لا أي حد يضحك عليها بكلمتين .
..................................................................................................................
Mohamed
Hussein
9
مايو 2017·
ممدوح حمزه : هناك
اشاعه عن بيع الكليه الحربيه بعد نقلها الى العاصمه الجديده والبيع للفطيم من الامارات
, هل هناك معلومه للتأكيد أو للنفي !! .
.
ممممممممممممم
بالنسبه اللي بيسأل احنا عملنا 30 يونيو ليه ؟ أتمنى تكون عرفت دلوأتي الإجابه , واحد
زي ممدوح حمزه ده بعد 2011 كانو الشمامين بيعتبروه بطل قومي و أيقونه و مايعرفوش إن
أوله و أخره بتاع لامؤاخذه أندر وير , أه بيعنا الكليه الحربيه للامارات و الهرم الأكبر
لروسيا و لسه بنخلص مع فرنسا في موضوع بيع الأوبرا و الترماي و العتبه الخضره و قهوه
عماد اللي في النعام .
.
بالمناسبه , اللي
بيقوله ممدوح حمزه ده مش من فراغ , دي اسمها قواعد و أبجديات المرقعه , و أول قاعده
في كتاب المرقعه بتقول انك تنشر اشاعه و عشان انت أصلا لامؤاخذه تقوم كاتب في الأخر
: هل من معلومه للتأكيد أو للنفي !! .
.
و بناء على قواعد
و بروتوكولات المرقعه هتلاقو نفس الممدوح حمزه قال اننا بنعمل أنفاق قناة السويس عشان
نوصل المايه لاسرائيل و تقريبا بنعمل العاصمه الاداريه الجديده عشان نحقق حلم الصهاينه
من السنبلاوين للفرات .
.
عزيزي الأستاذ
الدكتور المهندس الإستشاري و الأيقونه الكولجيه ممدوح ( حمره ) , انا كمان سمعت اشاعه
بتقول إن أمك نفسها ماتعرفشي أبوك مين , هل هناك من معلومة للتأكيد أو للنفي ؟! .
...........................................................................................................
Mohamed
Hussein
9
مايو 2017·
..15
عربيه دفع رباعي داخله حدود مصر من الجهه الغربيه , من ناحية ليبيا , متعبيه أسلحه
و متفجرات من ترسانه الجيش الليبي اللي اتنهبت , و داخله مصر طبعا للفصيل الوطني الكيوت
, قامو نسور الجو بتوعنا طلعو بطياراتهم و خبطتين بالمرزبه ولا 100 بالشاكوش , و ال
15 عربيه اتفحّمو , لا نتفاهم ايه بس ؟ نبقى نتفاهم بعدين , في الأخره باذن الله .
....................................................................................................................
Mohamed
Hussein
8
مايو 2017·
وزير التربيه و
التعليم و الأفكار البلح
.
ماهو سلو بلدنا
كده , وزير التعليم لما ييجي يا إمّا يرجع ساته ابتدائي يا إما يشيل ساته ابتدائي يا
إما يخلي الثانويه العامه على سنتين يا إما يخليها سنه واحده , يعني كل وزير لازم ييجي
يعمل جو معين ( يعمل مجال ) و أهو يبقى حط أم التاتش بتاعه , لحد ماربنا كرمنا بالوزير
الحالي , اللي ماعجبهوش التاتشات بتاعة اللي قبله فقرر إنه يجوّد بقى و قالك الثانويه
مجموع تراكمي في ال 3 سنين !! .
.
ليه يا مولانا
كده ؟ قالك عشان مستقبل الطالب مايتحددش بسنه واحده لو حصل له فيها دروب أو مشكله يبقى
اتظلم نقوم نخليها تراكميه في 3 سنين و بالتالي يبقى عنده باستمرار فرصة التعويض لو
ضاعت سنه يبقى عنده اتنين غيرها , اسم الله عليه وزير ناصح أوي , أصله متعلم بره و
جوه مش جوه بس .
.
معالي وزير التربيه
و التعليم , تطوير التعليم في مصر مش كيميا ولا محتاج خبراء ألمان , الحكايه 4 حاجات
و يتعملو في برنامج متكامل على شكل سلسله
.
1- تغير مفهوم
الناس و ثقافتهم في موضوع الإلتحاق بالجامعه و تقولهم هنتجه للتعليم الفني و ناخد في
الجامعات ربع الأعداد اللي كنا بناخدها عشان السوق المصري و العربي مش محتاج أكتر من
كده
.
2- تجرّم الدروس
الخصوصيه يعني تبقى جريمة زي تجارة المخدرات و الدعاره , جريمه يحاسب فيها المدرس و
ولي أمر الطالب , و في المقابل تدّي للمدرس مرتب معقول و محترم
.
3- تشيل الحشو
من المناهج و تسيب فرصه للطلبه للتفكير و الابتكار .
.
4- لما تعمل ال3
حاجات اللي فوق و تتأكد انك حققتهم تماما تبقى تقول نعمل الثانويه على 3 سنين و الإلتحاق
بالجامعه بمجموع تراكمي و اختبار قدرات , ماينفعشي تبدأ السلسله من أخرها مش من أولها
.
.
قرار معاليك اللي
بتفكر فيه ده حلو أوي و رائع , إنما من غير تجريم للدروس و تغيير لمفهوم و ثقافة الأسره
المصريه هيبقى بالظبط بالظبط زي النكته اللي بتقول , واحد صاحبنا نومه تقيل فقرر انه
يحط 3 قنابل تحت المخده عشان يعرف يصحى , و لما سألوه ليه 3 قنابل مش قنبله واحده ؟
قال عشان لو واحده انفجرت و ماعرفتش اصحى عليها يبقى فيه اتنين غيرها !! ده بالظبط
نفس فكرتك و بدل مانبقى حاطين قنبله واحده تحت المخده نحط 3 قنابل اسمهم الثانويه العامه
عشان لو قنبله فيهم انفجرت و احنا في سابع نومه مانقلقش خالص عندنا سنتين قصدي قنبلتين
باقيين .
.
معالي وزير التربيه
و التعليم , عندي بنتين صغيرين , و موافق والله انهم يدخلو تعليم فني لو مجابوش مجموع
كبير , موافق انك تمنع عنهم الدروس الخصوصيه مستقبلا , موافق انهم مايدخلوش كلية قمه
عشان السوق مش محتاج , إنما مش موافق انهم يتحولو لفيران تجارب في معمل معاليك و إنهم
يقعدو 3 سنين محروق دمهم و عايشين على اعصابهم هما و مامتهم و باباهم اللي هو انا
, قرار معاليك باختصار بيعني انك تحط الأسره المصريه بالكامل تحت مفرمة الدروس الخصوصيه
و خراب البيوت , و نلاقي بعبع الثانويه العامه و وجع القلب بدل ماكان 365 يوم يبقى
مستمر لألف يوم , يعني ألف ليله و ليله !! .
.
معالي وزير التربيه
و التعليم , شكرا ,مش عايزين النهارده .
................................................................................................................................
Mohamed
Hussein
8
May at 16:23 ·
اتفضلو الشاي
.
جيرمين : هاي هايدي
أخبارك ايه ؟
هايدي : هاي جيرمين
انا مش كويسه , نوت فيلينج جود
.
جيرمين : ليه بس
, إياد خطيبك مزعلك ؟
هايدي : هاحكي
لك و احكمي اوك ؟
.
جيرمين : اوك
,انتي عارفه انك ماي بيست فريند
هايدي : شور, عشان
كده هحكي لك , إياد بقاله فتره متغير معايا و تصرفاته مش مفهومه , إن أديشن , بقى بخيل
أوي كمان
.
جيرمين : ازاي
, تيل مي ؟
هايدي : مابقاش
يعمل هارت على كل بوست أنزله و سايب صورتين من بتوعي على انستجرام من غير هارت و اكتشفت
انه مش عاملني سي فيرست .
.
جيرمين : معقوله
؟ وصل لكده ؟
هايدي : استني
هكملّك , اللي أثر فيه اكتر
.
جيرمين : هو فيه
اكتر من اللي قولتيه ؟
هايدي : اه , مع
دخلة رمضان يا ستي , لقيت البخيل الواطي باعت لي التهنئه اللي هي 17 ثانيه بس , مع
ان احمد خطيب مروه بنت خالتي بعت لها التهنئه اللي هي دقيقه و 9 ثواني و بعتها مرتين
كمان , و انا مش أقل من مروه بنت خالتي ولا هي أحلى مني .
.
جيرمين : لا كده
كتير فعلا , طب هتعملي ايه ؟
هايدي : انا كلمت
مامي و حكيت لها كل حاجه , قالت لي لو بيعمل معاكي كده وانتو مخطوبين أومال بعد الجواز
هيعمل ايه ؟ الولد ده مش هينفعك يا هايدي و انا قلت لك كده من الأول .
.
جيرمين : مممممممم
شكلك نويتي على حاجه
هايدي : اه بصراحه
قررت اني أفركش , و هعمله بلوك عالفيس و الواتس .
.
جيرمين : يا هايدي
استهدي بالله , طب خلّيها أنفريند و إديّله فرصه تانيه ؟
هايدي : لا خلاص
, نو واي .
.
هايدي تدخل على
صفحتها عالفيس , تعمل بلوك لإياد و تغيّر الحاله من مرتبطه إلى علاقه معقده .
........................................................................................................................
Mohamed
Hussein
8
مايو 2017·
حق الدوله
.
موافق تماما على
قانون تنظيم الفتوى , زي ما وافقت على قانون التظاهر , ليه بقى ؟
.
عشان المعجنه و
الأردغانه اللي كنا عايشين فيها مكانشي ينفع تستمر , المواطن له حق صحيح لكن حق الدوله
بيسبق حق المواطن , حق الأمن القومي مقدم على الجميع .
.
مانا يا أخي مواطن
و كنت عايز يبقى التظاهر بشكل بظرميت هو حق مكتسب عندي , يعني انزل اتظاهر كل جمعه
, مره مش عاجبني الرئيس و مره مش عاجبني سوالف رئيس الوزرا و مره عشان مراتي بتطبخ
مكرونه مسلوقه كتير و مش بتعمل محشي , عايز اتظاهر يا عم , فين الكاميرا بتاعة الجزيره
؟, صوريني يا جزيره , تعالو يا عيال اقفو جنبي , الأستاذ خالد علي موجود؟ , طب تمام
, نهتف بقى , نطلع بتسقط المكرونه المسلوقه قصدي حكم العسكر و نعلى بالمجد للمجتمع
المدني قصدي للمحشي .
.
مانا يا أخي كمان
عايز أفتي و أعك , يعني بالله عليك انا مش بفهم في دين ربنا اكتر من مشايخ السلفيين
اللي كانو في الأصل فرارجي و صبي عجلاتي ؟ عايز أفتي يا جدعان , مش هرتاح إلا لما افتي
, طب خد عندك الفتوى دي , البتنجان الإسود حرام , و الأبيض حلال , عشان احنا زارعين
بتنجان ابيض في البلد , و ورَدَ ان احد العارفين بالله كان ماشي في الصحرا و لقى شجرتين
بتنجان واحده اسود و واحده ابيض فمارضاش ياكل من الاسود و أكل من الابيض ولما سأله
غلامه ليه عملت كده يا مولانا ؟ قاله عشان البتنجان الاسود لون الشيطان والأبيض لون
الملايكه .
.
عايز افتى يا جدعان
, طب خدو عندكو الفتوى دي , تهنئه الزملكاويه في الأعياد و المناسبات حرام ولا يجوز
شرعا , و لو سلّمت على جارك الزملكاوي فوارد جدا انه يدعوك لتشجيع فريقه و انك ( تتزملك
) و ترسم خطين حمر عالفانله الحمالات بتاعتك و تبقى وقعت في المحظور, و من هنا جت الحرمانيه
, من باب درء المفاسد مقدم و الباقي تقسيط على 7 سنين .
.
الساده مشايخ و
بهاليل السلفيين في مصر , هاتو ايديكو كده , و عهد الله عشرين تلاتين سنه ماخدنا منكو
كلمتين يوحدو ربنا , كله هري و عجن و تفاهه و جهل و تجهيل , و النقاب و كعب المرأه
و طحال المرأه و زواج القاصرات و تهنئة المسيحيين و البيزنطيين و التماثيل و الأصنام
و التصوير الفوتوغراقي و الرسم قالك ربنا هييجي يوم القيامه و يقولك انفخ في الصوره
اللي رسمتها , يا خي أحا و مش همسحها , ربنا ياخدكو يا شيخ .
.
كله بلح , واحنا
عندنا في مصر مؤسسه عمرها ألف سنه و لجان ينفع تفتي لكوكب الأرض و المجموعه الشمسيه
, مايلزمناش بقى المعجنه دي , يالله بيتك بيتك , يعني اللي كان فرارجي يرجع يربي فراخ
و اللي صبي عجلاتي ينفخ البلالين قصدي ينفخ الكاوتش , و الكتب بتاعة بير السلم اللي
بتقرو منها ( اللي جايالنا من عند طال عمره ) تبيعوها بالكيلو لبتاع الترمس , و الله
فكره و تبقى الكتب دي نفعت المجتمع المصري اللي عمره 7 الاف سنه بحاجه , و على فكره
بقى انا زملكاوي و ببارك للزملكاويه في اعيادهم و باكل بتنجان اسود , انا من الزناديق
يا مولانا الفرارجي , أه من الزناديق الانتخابيه .
.................................................................................................................
Mohamed
Hussein
7
مايو 2017·
انا فرحان اوي
فرحان اوي , ماكرون فاز عالوليه , ماكروناوي و أفتخر
.
يا أستاذ يا أستاذ
؟
- نعم ؟ نعم ؟
.
انت مالك و مال
ماكرون و مال لوبان , هو انت من فرنسا ؟
- لا من مصر .
.
أومال فرحان أوي
كده ليه ؟
- يابني انا زملكاوي
بخترع أي حاجه أفرح بيها , سيبني أفرح شويه من نفسي , الله يحرقك بجاز انت و مرتضى
منصور في يوم واحد .
......................................................................................................
Mohamed
Hussein
7
مايو 2017·
حمدين صباحي ده
مكّار على فكره , سقط في الانتخابات الرئاسيه مرتين , و هيترشح تاني وهو عارف انه هيسقط
برضه , إنما فكره وجيهه و منطقيه لأن دي هتبقى المره التالته و بالتالي يقدر بعدها
يحتفظ بكاس السقوط مدى الحياه .
..................................................................................................................
Mohamed Hussein
7
مايو 2017·
مجتمعنا المدني
الجميل اللي عنده غمازات
.
في العشرين سنه
اللي فاتو حصل تراجع كبير جدا لمصر , تراجع فكري و ثقافي و سياسي , تراجع في كل أبجديات
العقل و الإبداع , التراجع كان سببه الهجمه الشرسه من الفكر الإخوانجي الضاني و الفكر
الوهابي , والاتنين كان معاهم فلوس متلتله , عملو في مصر امبراطوريات للجهل و التجهيل
, و اتملت شوارعنا بشرايط كاسيت مشبوهه و لغة خطاب ضاله و ترهيب للناس لما بقى كتير
بيعتقد ان الملايكه قاعدين على كتافنا و في ايديهم السيخ المحمي , و إن ربنا خلقنا
عشان يحبسنا في قمقم اسمه أفكار مولانا الشيخ البهلول اللي كان بيشتغل صبي عجلاتي بس
ربنا فتح عليه , مفردات كتير أوي , عذاب القبر و نعيمه , الثعبان الأقرع , النقاب السعودي
و التوب القصير , و القميص اللي بره البنطلون , مع شوية دموع و شحتفه عالإخوان المظلومين
, و شوية دموع و شحتفه على قصص و افتكاسات دينيه ما أنزل الله بها من سلطان .
.
ضيف عليهم الجمعيات
الأمريكيه و الأوروبيه اللي فتحت فروعها في كل شبر من مصر و لمّت فيها الصيع و العواطليه
تحت بند حقوق الانسان و حقوق العصافير الكناريا وحقوق القطط الشيرازي , و بس يا سيدي
, كده خلصت الحدوته و تم المراد , و في السياسه أحزاب كرتونيه و معارضه وهميه , إما
تحت سيطرة الحزب الوطني أو تحت سيطرة الجماعه الإرهابيه .
.
الليله دي على
بعضها كده اسمها المجتمع المدني , لا تكون حضرتك فاكر ان كلمة مجتمع مدني دي معناها
صندوق مليان ناس مستحميين ولابسين بدل و كرافتات و بيفهمو في الكوفت و هينزلو لنا من
السما ؟ لا و عهد الله , المجتمع المدني ده اللي هو احنا , احزاب و جمعيات و ثقافات
و سلوكيات و شرايط كاسيت و قناعات و أفكار و حبشتكانات , المجتمع المدني هو الناس اللي
بتشوفها عالفيس و في برامج التوك شو و عالقهوه , الناس البلح , الفستك , البغبغانات
, اللي أولهم و أخرهم شويه شعارات حنجوريه منقوعه إما في برطمان الجهل و التجهيل أو
في برميل الخيانه .
.
قولا واحدا بقى
, الطوفان اللي حصل من 6 سنين لو كنا بنواجهه باللامؤاخذه المجتمع المدني كان زمانا
حرفيا دلوأتي بنت*** , يعني بيتعمل فينا فعل فاضح من الدواعش و اللي وراهم , و كان
زمان مستقبل مصر بتقرره شوية دول ملهاش أي تلاتين لازمه في أي اوضه مقفوله في سويسرا
مثلا , تخيل يا مولانا لما الشاذ ابن الشاذ اللي بيحكم كشك عالخليج يكون قاعد في الإجتماع
ده بيقرر مصير مصر ؟ تخيلت كويس ؟ طب تمام
.
و من غير هري كتير
, مصر ربنا حماها و حفظها بفضل جيشها و أهلها الغلابه الطيبين اللي مالهمشي فيها ,
الناس اللي لا بتوع سياسه ولا بتوع ثقافه ولا بتوع أحزاب , ملح الأرض , الناس النضيفه
اللي ماتوسختش بمرحلة التجهيل ولا اتوسخت بالفساد ولا اتوسخت بالجمعيات الأمريكيه المشبوهه
, الناس اللي كان شعور الخوف بالنسبالها كافي جدا إنهم يتحركو , أما المجتمع اللامؤاخذه
المدني ؟ فأقم عليه مأتما و عويلا .
.................................................................................................................
Mohamed
Hussein
7
مايو 2017·
فرنسا و أدب فرنسا
.
السياسي الفرنسي
المخضرم جان لوبان لما سألوه عن بنته مرشحة الرئاسه الفرنسيه ماريان لوبان , قال انها
ماينفعشي تحكم فرنسا , غير مؤهله لحكم فرنسا .
صح البت و أبوها
مختلفين شويه سياسيا , إنما الكلام ده كبير يا عم الحاج , خصوصا لما يتقال في توقيت
زي كده , يعني المواطن الفرنسي يصحى من النوم يقول يا فتاح يا عليم يا رزاق يا كريم
, و يغسل وشه و ينزل عشان يصوت في جولة الإعاده يلاقي التصريح بتاعك في وشه رزع كده
؟ بت يا ماريان , أبوكي بيقول انك ماتنفعيش خالص , يعني احنا هنعرف عنك أكتر من أبوكي
اللي مخلفك و مربيكي ؟ , ساعتين كمان و هيقول ان اخلاقك هباب و ماشيه مع الواد فرانسوا
الكهربائي .
.
عندنا في بلدنا
يا بيه تبقى الست قاعده في المترو كده و تيجي سيرة العيال , و تفتح هي بقى في الكلام
عن بنتها , لوزه بنتي ؟ هو فيه حد في جمالها و نضافتها ؟ دي أحسن واحده بتعجن و تعمل
فطير مشلتت و عقلها يوزن بلد ولّا ضحكتها و طيبه قلبها ولّا أخلاقها , و شعرها اللي
أطول من الأستاذ اللي واقف داهو , و بتتكلم 7 لغات و ماتسمعلهاش صوت أبدا , و نظام
ايه و شياكه ايه و ترتيب ايه , يعني ينفع لوزه تحكم مصر يا حاجه ؟ إلّا تحكم مصر دي
, دي تحكم مصر و أفريقيا و كوكب الأرض و المجموعه الشمسيه بصباع رجليها الصغير , أصلك
يا أستاذ ماشوفتش جمال و مفهوميه صباع رجليها الصغير .
...................................................................................................................
Mohamed
Hussein
7 مايو 2017·
انت مين يا حبيبي
؟
- انا المهدي المنتظر
سيادتك ,و أتحدي علماء الأرض جميعا و مستعد لمناظرتهم .
.
ايوه بتشتغل ايه
يعني أساسا قبل ماتبقى المهدي المنتظر ؟
- انا معايا دبلوم
صنايع حضرتك و عندي عربية بطاطا بسرح بيها .
.
...............
و انت مين يابني
؟
- انا ناشط سياسي
و حقوقي و عضو التحالف العام للعلاقات الدوليه المنبثقه .
.
اه تمام , تعرف
ايه عن السياسه يعني؟
- اعرف ان أمريكا
عاصمتها واشنطن وان العسكر لازم يرجع لثكناته
................
وانتي يا حبيبتي
بتشتغلي ايه ؟
- انا صحفيه حضرتك
.
اه تعرفي ايه عن
الصحافه بقى ؟
- اعرف ان الصحفي
لو كسر اشاره مرور أو اتقفش برشوه او اتستر على مجرم و اتقبض عليه تبقى الدوله فاشيه
بتحارب الإبداع و حرية التعبير و بتقصف القلم و تسرق البرايه .
.
قصص قصيره بنت
ستين كلب , من رواية ( الحب في زمن البانجو ) .
....................................................................................................................
Mohamed
Hussein
6
مايو 2017·
قواعد و بروتوكولات
الرجل المصري و العربي على الفيس بوك
.
لو واحده كتبت
بوست انها عملت حادثه مثلا , أول حاجه يبص عالصوره و يكون الإختيارات كالتالي :
.
- مش حلوه أو مش
حاطه صورتها ؟ بيجري بالسهم على طول ( و يعمل انه مش واخد باله ).
.
- حاطه صورتها
و معقوله ؟ بيعمل لايك و يمشي .
.
- حاطه صورتها
وحلوه بس مش أوي ؟ بيعمل لايك و يكتب ألف سلامه عليكي (و نقطه )
.
- حاطه صورتها
و حلوه أوي , مزه يعني , و كتبت انها صباعها اتخدش و هي بتعمل السلطه ؟ , بيقوم صاحبنا
يعمل لايك و هارت و شير 7مرات و يكتب التعليق التالي : (( ألف ألف مليون لا بائس عليكي
, ان شالله اللي يكرهوكي , بإذن الله سليمه , يارب ماتشوفي شر أبدا ولا كل حبايبك
,, انتي أكيد محسوده على طيبتك و أخلاقك و جمالك من جوه , على فكره أنا ليا دكتور كبير
أوي ابن خالتي شغال في القصر العيني عشان لو احتاجتي أي حاجه احنا تحت أمرك و يشرفنا
و يسعدنا , اسمحي لي هتطمن عليكي كل يوم انك بقيتي بخير ))
.
و لو حصل ان راجل
كتب بوست على صفحته و قال يا جماعه اعذروني انا غيبت اسبوع غصب عني عشان عملت حادثه
كبيره و ايديا الاتنين متجبسين و رجلي الشمال مش لاقيها و الدكاتره شالو لي الطحال
و البنكرياس و الأمعاء الغليظه و عندي عين مش بشوف بيها و التانيه بشوف بيها طشاش
.
هتلاقي تعليقات
الرجاله : يا عم احمد ربنا و اجمد كده , مانت مناخيرك كويسه اهي , أهم حاجه ان مناخيرك
بخير , و على فكره انت أحسن من غيرك بكتير .
............................................................................................................
Mohamed
Hussein
6
مايو 2017·
النار دي هيدخلها
ناس كتير أوي و هتبقى مليانه عالأخر , و طبعا كلها أركان مميزه بقى
.
- ركن للمنافقين
و تجار الدين .
- ركن للكفار و
ولاد التيت
- ركن للإرهابيين
- ركن لقناة الجزيره
و كل العاملين فيها .
- ركن لنشطاء السبوبه
و تجار الأوطان .
- ركن للكدابين
واللي بيقطعو الرحم
- ركن للحراميه
و المرتشين و الفاسدين و لصوص قوت الشعب
- ركن لمصطفى بكري
و ريهام سعيد و أيمن يونس .
- ركن للعيال بتوع
صورة نعل الرسول و صورة عباية الرسول , و بيضه عليها لفظ الجلاله و شجره محفور عليها
اسم محمد(و نيرمين )
.
- ركن للعيال اللي
بيبعتو رسايل حملة تسبيح و ابعتها ل 50 من اصحابك و رسايل اسمع الدعاء ده و أراهنك
انك هتبعته لكل الناس و لكل المخلوقات بما فيها الشمبانزي و دودة القز
.
- ركن للعيال اللي
كل ما تكتب بوست أو تحب تعطس على صفحتها يعملو مينشن لكل الأصدقاء اللي عندهم , عطستك
روعه يا استاذ , عطستك كلها مفهوميه يا هانم .
.
- ركن للعيال اللي
لسه بياخدو رسايل كوبي بيست ان صفحات الفيس هتتقفل يوم كذا و ان الشات هيتراقب و يبعتوها
لمارك و لخال مارك و لأم نحمده بتاعة الكرشه عشان يخلو مسئوليتهم .
.
- ركن للعيال اللي
كل شويه يكتبو انا معلش يا جماعه هعمل بلوك للناس اللي مش بتتفاعل عندي و اثبت حضورك
بلايك و إلا تبقى مش من قيمتي و مستوايا ( انت ابوك كان قائد طابيه ؟ لأ ؟ تبقى مش
من مستوايا ) .
.
- و طبعا ركن مهم
جدا لمحصلين النور اللي بييجو كل 3ايام و منهم الواد حسن اللي واقف قدامي ده , ازيك
يا حسن , انت وحشتني اوي , يا راجل بقالي 3 ايام ماشوفتكش .
...................................................................................................................
Mohamed
Hussein
6
مايو 2017·
بعد الهزار و الفرفشه
.
- في انتخابات
الرئاسه 2012 انتخبت حمدين صباحي في الجوله الأولى و قاطعت في التانيه , و في 2014
انتخبت السيسي و طالبت الأفاضل أنصار حمدين و أعضاء التيار الشعبي و حزب الدستور انهم
ينزلو يدعمو مرشحهم اللي هو حمدين صباحي ( اللي انا ماكنتش هنتخبه ) , طالبت و صرخت
و صوتي اتنبح .
.
- حمدين صباحي
اجمالا ماينفعشي نحطه في الكفه بتاعة البرادعي , ماينفعشي نحط أبو قرش على أبو قرشين
, حمدين مخانشي البلد ولا هرب و لبّسها في الحيطه ولا تحالف مع كلاب السكك بره ولا
قال عالإرهاب عنف متبادل .
.
- عيب حمدين و
مشكلته الأكبر حاليا , إنه لما أغلب أنصاره انفضو من حوله في 2014 قامت أصابته نفس
اللعنه , لعنة ان القيادي يبقى مقود , ان الزعيم السياسي يبقى تابع , باختصار حمدين
أصابته لعنة شم الكوله .
.
أستاذي العزيز
حمدين صباحي
- هقبل منك حكاية
فلان خطر عالدوله من منطلق بس انك داخل حمله انتخابيه بشكل ما وإن التخريف ده بيبقى
موجود بين المتنافسين , ولو ان السيسي عمره ما هيقول عليك عواطلي .
.
- عايز تعمل فريق
و تلم الشامي و المغربي ؟ ياريت , والله العظيم ياريت , انزلو الشارع و هات انصارك
حاول ترجعهم , اعملو تحالف كبير , تكتل ضخم وانزلو الانتخابات , خبطو عالبيوت و ربنا
يولّي الأصلح , انا قولا واحدا هنتخب السيسي 2018 لو كان له عمر وليا عمر , و مش محتاج
أقول ليه , الديموقراطيه مفهاش استجواب للمواطن هو ليه عايز ينتخب فلان ؟ .
.
- فيه أصول و قواعد
, كتبتها من كام يوم عن المرشح المدني , يارب تعجبك , لانها باختصار أبجديات يعني ألف
باء :
.
1- ماتضحكشي على
انصارك و تقولهم عسكر , الكلمه دي عيب , مايقولهاش غير شخص منحط , جيش مصر اسمه جيش
مصر و خير أجناد الأرض , مش العسكر .
.
2- مرشح الرئاسه
لو كان ظابط جيش و نجح في انتخابات مايبقاش اسمه حكم عسكري , طالما نجح بصناديق و أصوات
الشعب , هنا ظابط الجيش بيبقى زيه زي دكتور العيون و مهندس الديكور .
.
3- حذاري استاذنا
الفاضل انك تجيب الخونه في صفك و تفرح ان التحالف هيكبر بالشكل ده , خونة الاوطان و
الإرهابيين و العيال الصيع بتوع أمريكا ماينفعشي يحددو مستقبل مصر لا في صف السيسي
ولا في صف حمدين , مالهمشي مكان في الحياه السياسيه , مالهمشي موطئ قدم في أرض مصر
الطاهره .
.
.
4 - كلمتين يا
مولانا هما من المحرمات , انك تسمح بإهانة جيش مصر والسخريه منه أو تقول بنشتري سلاح
ليه ؟, أو انك تسمح لأنصارك بالسخريه من اسم مصر و تاريخها , المرقعه دي مش هتصغّر
مصر ولا هتكبرك , لم العيال بقى من عالفيس و تويتر و انزلو الشارع و حاول تتعالج و
تعالجهم , خبطو على بيوت الناس و اقنعوهم انكو حد جميل , و انكو أفضل من السيسي اللي
انا هنتخبه.
.
الكلام اللي فوق
ده يا عم حمدين اسمه أبجديات المعارضه , المعارضه بتبقى لنظام سياسي و سياسات و توجهات
رئيس و حكومه , مش معارضه لدوله و جيشها و تاريخها , المعارضه بتعني وجود وجهة نظر
و منهج فكري مختلف , و طبعا معاليك عارف ان المرقعه و الخيانه عمرها ما كانت وجهة نظر
ولا منهج فكري .
.........................................................................................................................
Mohamed
Hussein
5
مايو 2017·
سأل رجل أعرابي
حكيم الزمان و قال له يا حكيم , خبّرني بالله عليك ما هو الفرق بين المر*عه و العلو*يه
؟ .
.
فقال الحكيم ,
أي بني , أما المر*عه فهي إنك تنزل انتخابات الرئاسه و تجيب 3 % .
.
فقال الأعرابي
, و ماهي إذا العلو*يه فتح الله عليك ؟
.
فقال الحكيم :
أما العلو*يه فهي إنك بعد ماتجيب 3% تقول على أبو 97 % انه خطر على الدوله .
.
فقال الأعرابي
, فتح الله عليك يا حكيم ولكن ماهي هذه النجوم اللي عاملها محمد في البوست بتاعه ؟
فقال الحكيم ,
يابني ده حرف القاف و كل الناس عارفه , بس أهو يعني عشان يبقى عمل اللي عليه و حافظ
على السلم المجتمعي و الأداب العامه و المشاعر المرهفه و الحمامه أم غصن زتون .
...............................................................................................................
Mohamed
Hussein
5
مايو 2017·
ألف باء
.
في الملف السوري
اجتماعات مكثقه , أمريكا و روسيا و تركيا و إيران , و خطة زي الفل لتقسيم سوريا لأربع
أقاليم , تحت اسم مناطق أمنه , أمريكا تاخد حته حلوه في الجنوب يعني شمال اسرائيل
!! و تركيا تاخد حته في شمال سوريا يعني جنوب تركيا و حتة لروسيا وحته لإيران و كله
تحت اسم مناطق أمنه , و كله بما يرضي الله و التحالف الإسلامي , مناطق أمنه يا مولانا
, أمنه نفسها هتتاخد و يقطعو هدومها على قارعة الطريق ....
.
في اليمن قالك
مظاهرات حاشده عارمه للمطالبه باستقلال جنوب اليمن تحت مرأي و مسمع من شر*وطه اسمها
توكل كرمان , جايزة نوبل للسلام دي أصلها عباره عن البيبي دول اللي أمريكا بتلبّسه
للمراقيع ( رجاله و ستات ) و اليمن السعيد بقى تعيس و مفيش مرتبات و الناس مش لاقيه
تاكل , و هتبقى اليمن يمنين و ممكن تلاته , طلبات الأسياد , و عايزين كمان رجل ديك
يتيم و ورك نامله راضعه صدر امها و شوية تقارير من المنظمات اللامؤاخذه الحقوقيه ,
كتكووووووت .
.
السودان اتقسمت
نصين و داخله على تقسيم جديد , و فلسطين بقت اتنين , و ليبيا الله اعلم هترسى على كام
دوله , عدد الدول العربيه من كام سنه كان 22 بعد سنيتن تلاته هيبقى 32 , حلو العدد
لما زاد كده و بقى عدد في اللمون ؟ أصلا التقسيم ده حد جميل , أي لايك التقسيم , أي
لاف الخراب .
.
طب فين بقى الحرب
السنيه الشيعيه و فين الربيع العربي و فين ربيع ياسين ؟ ابقى تعالى وانا اقولك فين
ياهبل يابن الاهبل .
.
مفيش مؤامره عالمنطقه
, فيه حلبة حصى , و السكر بره , السكر كله بره على فكره , عايش بره , سكر ربيعنا العربي
سكر , سكر سكر , سكر نشطاء السبوبه سكر , سكر سكر .
.
أتحدى أي نطع
, أي خو* ببدله و كرافته يقولي السعوديه استفادت ايه من الي عملته في سوريا و اليمن
؟ استفادت ايه لما صرفت مئات المليارات من الدولارات في القتل و الخراب ؟ هتكبر السعوديه
لما الدول اللي حواليها تخرب و تتقسم ؟ هتبقى السعوديه حد جميل لما يبقى اللي حواليها
حد مشوه ؟ طب قطر بنت الوسخه هي بنت وسخه و امها عارفه , أومال السعوديه بنت مين ؟
.
.
أتحدى أي نطع
, أي خو* ببدله و كرافته يقولي امتى كانت امريكا و روسيا و تركيا و ايران و بريطانيا
و كل كلاب السكك و القوى الإستعماريه يقدرو يحطو رجليهم في منطقتنا من غير موافقه و
مباركه و مشاركه عربيه ( خليجيه تحديدا ) ؟! امتى كانو يقدرو يابه الحاج ؟ ازاي و امتى
كانو يقدرو يا ماي لاف قلبي من جوه ؟
...................................................................................................................
.
ليست هناك تعليقات:
إرسال تعليق