Mohamed
Hussein
4
مايو 2017·
البت لوجي بنتي
هتخلص امتحانات بعد بكره , و لمار خلصت من اسبوع , قوم انا فكرت في فكره حلوه و عجبتهم
أوي , هجيبهم طول شهور الصيف يشتغلو معايا في الصيدليه , 5 ساعات يوميا بمرتب شهري
, ينضفو الفتارين و يرصو الدوا و يشتغلو على قد سنهم , , عايز أعلمهم ثقافة العمل في
سن صغيره ( 10 سنين و 7 سنين ) , عشان يعرفو معنى السعي على الرزق و يتعلمو المواعيد
و الإلتزام و الصبر و الأهم انهم لما يكبرو مايطلعوش شمامين كوله كل دورهم في الحياه
القاعده عالقهاوي و نشر السواد و الإحباط , و أكيد مرتباتهم اللي هياخدوها هيبقى لها
طعم تاني , دي فلوس بعرق جبينكو يا بنات , هتعرفو بعدها تاخدو قرار لوحدكو تشترو ايه
بالفلوس دي أو تشيلوها في الحصاله , و لما تقابلي زميلتك في المدرسه و تحكي لك بكل
فخر انها في الصيف راحت باريس و دبي و شرم تقومي انتي تحكي لها بفخر أكتر انك في الصيف
اتفسحتي شويه صغيرين أوي عشان كنتي بتشتغلي طول الأجازه ,
.
ثقافة العمل يا
بني أدمين , علّمو أولادكو حب مصر و الصبر عليها , علموهم يخشوشنو , عشان عودهم يبقى
ناشف و محدش يضحك عليهم بكلمتين , علموهم يعتمدو على نفسهم , علموهم ان مفيش أي حكومه
في الدنيا دورها إنها تطقطق صوابع المواطن و تدلّك له عضلة السمانه و هو قاعد عالقهوه
, علموهم إن السماء لا تمطر ذهبا ولا فضه ولا بتدفع فواتير النت و لا بتصلّح شاشة التابلت
المكسوره .
..............................................................................................................
Mohamed
Hussein
4
مايو 2017·
وقف أحد العارفين
بالشيطان أمام تلامذته و قال لهم يا أحبائي هل تعرفون لماذا يذهب قياداتنا و سادتنا
إلى البيت الأبيض و الكونجرس و الخارجيه الأمريكيه ؟
- فقالو : لا يا
شيخنا .
.
فقال لهم : و هل
تعرفون لماذا قياداتنا يعيشون دائما في بريطانيا و أمريكا و يحصلون على الجنسيه بسهوله
و تفتح لهم قنوات و جرائد و ينفق عليهم من أموال الحكومات البريطانيه و الأمريكيه ؟
- فقالو : لا يا
شيخنا .
.
فقال لهم : و هل
تعرفون لماذ نحن نقتل الجنود المصريين و نحرق محولات الكهرباء و نستهدف الكنائس و الكمائن
في مصر ؟
- فقالو : لا يا
شيخنا .
.
فقال لهم : يا
أحبائي , انما نفعل كل ذلك من أجل نصرة الإسلام و تحرير القدس .
- فقالو في صوت
واحد : نعم يا شيخنا نعم , بارك الشيطان فيك , فتح الشيطان عليك , إنما نفعل كل ذلك
من أجل نصرة الإسلام و تحرير القدس , نعم لتحرير القدس .
.
و بينما هم كذلك
سمعهم شاب مصري كان يمر بجوار المكان , فتوقف الشاب و نظر إليهم نظره حانيه و ابتسم
و قال لهم بصوتٍ ناعم رقيق : ألا قدس أمكم جميعا .
..............................................................................................................
Mohamed
Hussein
4
مايو 2017·
مش عارف الناس
مستغربه ليه من إن عضو في الجماعه الإرهابيه راح الكونجرس الأمريكي و هو لابس كرافته
عليها علم أمريكا !! , يابني كرافتة ايه بس ؟ كرافتة ايه ؟ ده اللباس اللي بيلبسه القيادات
دي عليه علم أمريكا , لو مش مصدقني اسأل باراك أوباما , اه اللباس عليه علم أمريكا
و عليه التعليمات , يعني لو كنت قيادي في الجماعه الارهابيه و نسيت التعليمات بص في
لباس القيادي اللي قدامك و اقراها تاني و حاول تركز .
.
طب عضو الجماعه
اللي اتربى في بيت ضاني من صغره و عايش في مصر ليه مش فاهم كده ؟ ليه مش فاهم انه عضو
في تنظيم ارهابي صهيوني دولي أنشأته بريطانيا في نفس توقيت نشأة الكيان الصهيوني ؟
ليه مش فاهم ان بريطانيا هي المرشد العام الحقيقي للجماعه بتاعته وان امريكا هي الراعي
الرسمي ؟ يابني هيفهم ازاي ؟ هيفهم ازاي بس ؟ واحد من يوم مايتولد بيرضع زباله حسن
البنا في بيته , عايزه لما يكبر يطلع ايه ؟ فاروق الباز ؟ توفيق الحكيم ؟ أحمد لطفي
السيد ؟ يا حبيبي دي جينات , علم الوراثه وقوانين الطبيعه اللي بيقولو كده , الحولي
الصغير اللي بيتولد حولي و يتربى في زريبه كلها مأمأه , لما بيكبر بيبقى خروف كبير
, عمرك سمعت عن حولي صغير لما كبر بقى بني أدم أو حتى بقى فيل بزلومه ؟
..................................................................................................................
Mohamed
Hussein
4
مايو 2017·
هنسنجف سعادتك
.
أنا من الناس اللي
واحنا صغيرين كانت ألعابنا كلها بنعملها بإيدينا و من حاجات بسيطه حوالينا , كله ببلاش
يا بيه , عروسه من الطين ( مش الصلصال ) و حصان من الطين و عربية من الطين و نعمل لها
4 عجلات و نجيب ( أوشبره ) تبقى هي الأكس اللي يمسك العجلات .
.
عود شامي و نصطاد
بيه دبابير طول النهار ونمسك الدبور من جناحاته و نربطه بخيط و نلعب بيه ( كنت بسرق
الخيط من بكرة الخيط بتاعة امي الله يرحمها ) .
جريدة نخل و نعملها
عجله مع شويه غطيان أزايز كاكولا ( كازوز ) و بكرة بلاستيك و أستيك من أي لامؤاخذه
قديم .
العروسه نعمل لها
فستان من الورقه اللي بتلمع اللي بتبقى جوه علب السجاير الكليوباترا الفاضيه ( الورقه
اللمّيع ) , أجدع فستان و اجدع تفصيل ولا خبراء الازياء بتوع باريس .
الأولّه اللي بنشرب
فيها مايه لما تتكسر نجيب زلطه صغيره و نكسرها حتت دواير كل دايره أد الجنيه و نلعب
بيها ( جبّه ) .
.
لو ماشيين على
شط ترعه نرمي حتة ( شقافه ) في المايه بميل معين و تفضل تنط الشقافه فوق المايه اكتر
من مره , الحكايه دي سببها ال surface tension
بتاع المايه , التوتر السطحي .
.
أي حتة خشبه بنعمل
منها لعبه مع شويه مسامير نلمّهم من جنب أي بيت بيتبني و ممكن نعملها صندوق أو كرسي
.
.
عشان نتنطط مش
محتاجين ملاهي , بنتنطط على قش الرز , و لو نفسك تتسّلق لعبه في الملاهي يبقى اطلع
الشجره دي و اتشعلق فيها , ملاهي ربّاني .
.
الطين هو صلصالنا
بنشكّله زي ماحنا عايزين و ورق الشجر و فروعها بنستخدمهم , نعمل طوق أخضر و نعلقه عالبيت
في شم النسيم .
.
فجأه اختفت كل
حاجه , و الصين نطت لنا زي عفريت العلبه , والطين بقينا نشتريه ( اسمه صلصال يا جاهل
يعني clay ) , والخشبه بنستوردها و البلاستيكايه و ورقة
الشجر و العروسه بتجيلك جاهزه و بتغني , والحصان و العربيه اللعبه , ماتعملشي حاجه
بإيدك , و دي تيجي برضه ؟ نام و ارتاح و سلّمنا المفتاح ( مفتاح عقلك و مفتاح ايدك
و حتى مفتاح السعاده , مفتاح سعادتك , هنسنجف سعادتك ) .
.
الحقيقه لما بشوف
بناتي و ألعابهم بيصعبو عليا جدا , طفولتكو فقيره أوي يا بنات , طفوله فيها فلوس بس
فقيره مفهاش سعاده ولا متعه , عشان السعاده الحقيقه بتيجي لما تعمل لعبتك بإيديك و
تخلق متعتك بنفسك , اه بالمناسبه يا لمار , ايه رأيك لو تعملي العروسه بإيديكي من شوية
طين أو من القماش و تغنّي انتي ؟!! .
.....................................................................................................................
Mohamed
Hussein
3
مايو 2017·
هنصوم رمضان إزاي
بقى ؟
.
هنصوم رمضان من
غير كاجو و فزدق و حبهان و لوز و مشمشيه و قراصيا ؟ , أه يا سيدي , هنجيب كام بلحه
على حتتين تين و نرميهم في شوية مايه هيعملو أحلى شوية خشاف و التسالي شوية فول سوداني
, كل سنه و مصر طيبه .
.
أجدادنا مكانوش
بيموتو من الجوع ولا يبطلو صيام رمضان لما مابيلاقوش الكاجو و واللوز و الحبهان والقراصيا
, الحاجات دي مش مذكورين في القرأن ولا الانجيل ولا الدستور ولا في تذكرة داود .
.
بناتي بقو يطلبو
7 حاجات أقولهم حاضر على حاجه و لأ على 6 , عادي والله عادي , و عبد الفتاح السيسي
مش أغلى عندي من بناتي لا هو ولا حكومته , إنما الحكايه اسمها حصوة ملح , ده اللي مابيشوفشي
من الغربال يبقى أعمى .
.
أي حد يتكلم عن
الوضع الإقتصادي و الأسعار و الغلا من غير مايكون كلامه عباره عن 42 سطر منهم 20 سطر
سياسه و 20 سطر وصف لحال المنطقه و طبيعة المرحله و سطرين بس في الأخر اقتصاد ؟ ده
يبقى حاجه من اتنين إما حمار فزلوك أو عيل لا مؤاخذه أو كلاهما معا .
.
الحقيقه عزيزي
الفزلوك , الحقيقه عزيزي اللامؤاخذه , عبد الفتاح السيسي ماصحيش من النوم في يوم كده
وقام رايح مفجر طياره روسيه عشان يضرب السياحه و يفوت عليك سنه واتنين مايدخلشي خزينة
دولتك دولار واحد من السياحه ( بالعكس مضطر تطلع من الخزنه عشان تدعم قطاع السياحه
قبل مالناس تفلّس و تقفل ) .
.
الحقيقه عزيزي
الفزلوك , الحقيقه عزيزي اللامؤاخذه , عبد الفتاح السيسي مقالشي للجماعه الإرهابيه
احرقو محولات الكهربا و لمو الدولارات من العاملين في الخارج و لموها من شركات الصرافه
و شوهو صورة مصر بره وافتحو قنوات مخصوص لكده .
.
الحقيقه عزيزي
الفزلوك , الحقيقه عزيزي اللامؤاخذه , عبد الفتاح السيسي ماراحشي عمل مؤامره عالشرق
الأوسط و خرب أربع خمس دول عشان يضطر في النهايه يشتري طيارات و سفن و يحدّث الجيش
بمليارات الدولارات , ولا جاب ألاف الارهابيين و دعمهم بأجهزة مخابرات و جاب لهم سلاح
عشان في النهايه يضطر يصرف مليارات في حربه على الإرهاب ده .
.
الحقيقه عزيزي
الفزلوك , الحقيقه عزيزي اللامؤاخذه , انك تقعد قدام لابتوبك و تدخل عالنت و تمشي في
الشارع بأمان و بنتك تلعب في الجنينه و تروح مدرسة و مول و ملاهي و تسافر لأي بلد في
مصر و في أي وقت ليل و نهار , و في التوقيت ده تحديدا ؟ دي حدوته لها تمن كبير أوي
.
.
أصل المرحله دي
باختصار مكانتشي اختيار بإرادة الرئيس إنما كانت اختبار لإرادة الدوله !! و أدينا نجحنا
و بننجح و هننجح , معلش يا سيدي تعالى على نفسك شويه و استحمل غياب الكاجو و اللوز
و المارشميللو عشان أحبك و اقول عليك حد جميل .
................................................................................................................
Mohamed
Hussein
2
مايو 2017·
الخريطه و الفلوس
............. يعني ايه كلمة مؤامره ؟
.
- في الخريطه بلد
طولها ألف كيلو و عرضها ألف كيلو و ارتفاعها 7 ألاف سنه !! , بلد بتستعصي على التقسيم
و جيش حاطط بيادته على راس كلاب السكك .
.
- طب نعمل ايه
بقى؟ , السودان تتقسم و تبقى اتنين و الشمال الحدودي مع مصر يحكمه خروف , و فلسطين
تتقسم و تبقى اتنين و القطاع الحدودي يحكمه خروف...... المبني الكبير الضخم اللي اسمه
مصر ده بنحفر حواليه من كل ناحيه .
.
- الحقيقه السودان
الشقيق ضاعت على ايد البشير و ضياعها بشكل زياده مبقاش مطلب أوي للأمريكان و البريطانيين
, خربت بما فيه الكفايه , يبقى نركز على جعلها ( بؤرة توتر ) مع مصر , مع البيت الكبير
, و عمر البشير مطلوب من محكمه دوليه يعني مسألة القبض عليه و اعتقاله في ايدينا ,
لو مانفّذشي التعليمات , بقى كلب وولف بسلسله .
.
- و الحقيقه مفيش
حاجه اسمها القضيه الفلسطينيه , الفلسطينيين نفسهم عايشين حياتهم في الشتات و حتى داخل
اسرائيل نفسها , ولا عايزين سلام ولا عايزين عبد السلام , و فلسطين لما تتقسم لاتنين
تبقى برضه خربت بما يكفي , يبقى نخليها ( بؤرة توتر ) مع مصر , مع البيت الكبير اللي
مش راضي يقع ده .
- و ليبيا نفس
الشئ , لا جيش ولا دولة مسيطره ولا حكومه ولا برلمان ولا مؤسسات , بؤرة توتر كمان و
حدود صحراويه طولها 1200 كيلو و ترسانة اسلحه بتتهرب .
.
- طب تمام كده
أوي , حضرتك محاصر من 3 جهات بمباركة شخصيات و تنظيمات عربيه اسمهم ( كلاب السكك )
, الأمريكان و البريطانيين بالمناسبه مكانوش يعرفو يحطو رجليهم في الشرق الأوسط من
غير وجود الخونه اللي وسطينا و حوالينا .
- مين اللي بيصرف
عالليله دي ؟ قطر بنت الوسخه , و السعوديه ( على استحياء ) أو بطريقة المعلم هرم (
صح بس هنكر ) أو على طريقة المعلم زكي رستم ( صح بس نويت أصلي العشا 17 ركعه الله أكبر
) .
.
- طب ليه بيصرفو
؟ مش بس لتوفر جينات الخيانه , إنما كمان لتوفر جينات عقدة النقص و جينات الغباوه و
الإعتقاد إن الأمريكان و البريطانيين هيرضو عنهم و يحموهم ( بالقواعد العسكريه ) و
بالتالي عروشهم تفضل موجوده ( ده اعتقادهم ) .
.
- أخطر عنصر في
عناصر المؤامره على مصر مش الخونه اللي حواليك , انما الخاين اللي ساكن في الشقه اللي
قصادك و قاعد جنبك على كرسي المترو , الجماعه الإرهابيه الدوليه , اللي كل عنصر فيها
هو ارهابي تحت الطلب أو قنبله موقوته مستنيه التعليمات , و الأخطر من الإرهابيين هما
الكولجيه , فكره انك تعمل غطاء للإرهاب و دعم و تبرير هي أقذر ألف مره من ممارسة الإرهاب
نفسه .
.
- طب حكاية اننا
نعدم قيادات الاخوان اللي في السجون دلوأتي دي فكرة في منتهى العبط , حتى لو توفر للقاضي
كل حيثيات الحكم باعدامهم , تنفيذ الحكم ده مش قرار قاضي ده قرار أمني , و يوم ماتنفذ
حكم اعدام الخرفان الكبار هتلاقي البوارج الأمريكيه على شواطئ اسكندريه , اه بيتلككو
و مستنيين فرصه , ماهي محاولة كسرك بمجموع النقاط مش نافعه , محتاجين نفحه من المعلمه
الكبيره و ضربه بالمرزبه .
.
- طب الحل فين
و عند مين ؟ الحل لا عند السيسي ولا عند الحكومه , الحل عندنا احنا , لا نمارس الحموريه
و نبقى مش فاهمين الدنيا حوالينا ولا نمارس ( المرقعه ) و نبقى مركوبين من شوية خرفان
, احنا على بعض كده اسمنا الجبهه الداخليه , السيسي و الجيش و الحكومه قادرين على كلاب
السكك اللي بره من أولهم لأخرهم , لكن دورنا اننا نبقى جبهه داخليه تليق باسم مصر و
بطبيعة المرحله , مرحلة الطوفان .
..............................................................................................................
Mohamed
Hussein
2
مايو 2017·
لما تبص لصور الاتنين
ظباط اللي استشهدو من شويه ( ربنا يرحمهم و يصبر أهلهم ) , عيال في التلاتينات أو حتى
العشرينات , شباب زي الورد , أكيد لسه متجوزين قريب , يعني أطفالهم بيرضعو و زوجاتهم
لسه عيال ( ده لو كانو لحقو يتجوزو أصلا ) , و الأم فين بقى و الأب و الأخ و الأخت
لما فجأه يلاقو صورة ابنهم ( اللي نزل شغله من ساعتين تلاته ) منشوره في التلفزيون
؟ ايه الشعور ده ؟ يبقى ازاي يعني ؟ .
.
في لحظه كده فكرت
, لما كنت لسه متخرج اشتغلت في القاهره سنه , سلطان زماني , ايه الخطر اللي كان بيواجهني
؟ ولا حاجه , و لما سافرت 12 سنه و اشتغلت سلطان زماني برضه , ايه الخطر اللي كان بيواجهني
و انا رايح شغلي او في شغلي ؟ ولا حاجه برضه و لما رجعت و اشتغلت في مصر , ايه اقصى
مشكله ممكن تواجهني ؟ برضه ولا حاجه , ايه شكل الخطوره و نوعها في حياة الصيدلي و الطبيب
و المهندس و المحامي و المدرس و الصحفي و العامل و الموظف ؟ الاجابه ولا حاجه , مين
ابن الكلب اللي قال ان شغلانة ظابط الشرطه و ظابط الجيش انهم يستشهدو ؟ انهم بياخدو
مرتبات عشان يموتو باعتبار انهم مخلوقات بلاستيك و مقطوعين من شجره أو مالهمشي أهل
؟ عشان في النهايه عيل صايع يقعد عالنت يتعاطف مع الارهابيين و يتفزلك و يتمرقع و ينظّر
على شغل رجالة الشرطه , أو يردّد كلام الصايع الأكبر اللي قال لهم ان الارهاب ده اسمه
عنف متبادل .
..................................................................................................................
Mohamed
Hussein
2
مايو 2017·
خالد مشعل : احنا
مستحيل نقبل بإقامة دولة فلسطينيه في سينا .
- لا والنبي يا
شيخ اقبل , و النبي لا تقبل , هنرفّص برجلنا في الأرض عشان تقبل .
.
و احنا على فكره
انفصلنا عن جماعة الاخوان .
- ممممممممم يعني
نعتبر ده طلاق بيّن ولا طلقه واحده و مجرد ماتلاقو سرير و نور ينطفي ترجعو لبعض ؟ طب
لما تنفصلو هتروحو السجل المدني و تغيرو اسم الحركه و يبقى اسمها ( حركة عبد المنعم
أبو الفتوح ) ؟ .
.
و متمسكين بخيار
المقاومه ضد الاحتلال الصهيوني
- أه طبعا هتقاومو
الاحتلال الصهيوني بإنكو تحفرو أنفاق مع مصر و تهربو فيها عناصركو الارهابيه و تحاربو
الجيش المصري , هتقاومو الإحتلال الصهيوني من قصوركو في قطر بنت الوسخه و ممكن كمان
تستعينو بالقواعد الأمريكيه اللي جنبكو في تحرير القدس .
.
ايه ده يا محمد
انت بتتريأ عليا ؟
- غور ياض يابن
التيت من هنا , يخرب بيت أبوكو دانتو بترضعو كدب و وساخه من يوم ما تتولدو , الشيطان
ذات نفسه بقى يستعيذ بالله من شرّكو .
................................................................................................................
Mohamed
Hussein
1
مايو 2017·
الجنسيه المصريه
معالي رئيس الوزراء
المصري ....... بعد التحيه
.
- شايف يافندم
الواد الكولجي الصايع ابن الكلب اللي هناك ده ؟ اللي بيتريق على اسم مصر و تاريخها
و جيشها , اللي بيقول يارب هجره و مش عايز الجنسيه المصريه ؟ أهو ده انا موافق تماما
ان معاليك تسحب الجنسيه منه , بشكل نهائي , و من كل خروف ارهابي شارك في إرهاب أو تشويه
أو تزييف أو انحطاط ضد مصلحة مصر , انا يا معالي رئيس الوزرا موافق جدا تماما إني أصحى
من النوم بكره الصبح ألاقي عدد سكان مصر بقى 97 مليون مش 100 مليون .
.
طب تمام , تعالى
الناحيه التانيه بقى
- هنمنح الجنسيه
المصريه للأجانب مقابل وديعة بنكيه و بعد إقامة مدتها 5 سنين ؟!!
1- ماهو أصل فيه
دول كتير بتعمل الحكايه دي زي امريكا وروسيا و كندا و البرازيل و بريطانيا و فرنسا
و غيرها ؟ كلام جميل .
.
2- واحنا مزنوقين
في العمله الصعبه , سياحه مضروبه عمدا و لوي دراع من بره و جوه و مؤامره و مفيش تصدير
بالشكل اللي ينفع و مستهلكين بشكل بشع ؟ كلام جميل برضه
.
3- طب مايجراش
حاجه بقى لما نعمل زي الدول دي و نجيب مستثمرين بالألاف و نلاقي عندنا مليارات الدولارات
في البنوك بكره الصبح و ياسيدي هنعمل احتياطات أمنيه ماتخرش المايه .
.
4- و بعدين يا
محمد يا أخي الموضوع اسمه منح الجنسيه المصريه للمستثمرين مقابل ودائع بنكيه و بعد
اقامه كذا سنه , مش اسمه بيع الجنسيه المصريه .
.
كده تمام يا معالي
رئيس الوزرا , حضرتك خلصت كلامك , و من حقي كمواطن أقول رأيي بقى ............ و رأيي
التالي , بس الله الرحمن الرحيم
.
- كل الكلام اللي
فوق ده بلح يعني فستك , و هنا الشيطان بيكمن في العنوان , عنوان و مانشيت شكله حلو
بس التفاصيل كلها بلح .
.
- اللي اعرفه عن
حكاية منح الجنسيه المصريه للأجانب زمان اننا بنطلع عينهم الأول و نلففهم السبع لفات
, أفتكر مثلا واحد بقيمة و عظمة بيرم التونسي قعد عمره كله مستني ياخد الجنسيه المصريه
.
.
- كل الدول اللي
بتمنح جنسيتها للأجانب بالشكل ده , بتكون إما من الدول الإستعماريه ( بكل أشكال الاستعمار
القديم و الحديث ) زي أمريكا و بريطانيا وفرنسا , او من الدول اللي في الأنيخ , اللي
محدش بيتأمر عليها زي النمسا و كندا و استراليا و هونج كونج .
.
- مصر بقى من النوع
التالت للدول , الدوله اللي بيتأمر عليها الكل , الحكايه مش كيميا , ده كتاب التاريخ
اللي بيقول كده و كتاب الجغرافيا و كتاب الحساب , أه و كتاب الله زي مابقول لمعاليك
كده .
.
- صحيح مصر عمرها
ماهتكون زي فلسطين و هنبقى عاملينا حسابنا و مفنجلين عنينا بس الكلام ده برضه بلح
, انا ماضمنش بعد عشر سنين و عشرين سنه هيحصل ايه , مين المستثمرين اللي هييجو و جنسياتهم
ايه ؟ هتسيطر ازاي و انت عندك تنظيم ارهابي دولي مقره الرئيسي عندنا و مستعد يبيع مصر
لكلاب السكك ؟ و كلاب السكك يا مولانا مش بيبقو معلقين باتش على صدرهم مكتوب عليه
( كلاب سكك ) و لا بتبقى مكتوبه في بطايقهم و جوازات سفرهم ( المهنه : كلاب سكك )
!! .
.
القرار و الفكره
مرفوضين يافندم جملة و تفصيلا حتى لو هناكل قش , فيه ألف طريقه تجيبو بيها فلوس للبلد
و ألف طريقه تشجعو بيها الإستثمار .
.
هذا بلاغٌ للناس
و للساده المسئولين , مصر غير أي دوله في الكون , ماتلعبوش بعلبة قطيفه شكلها حلو و
تفرحو أوي عشان ممكن جدا يكون جواها قنبله و فجأه نلاقي نفسنا بووووووم يعني بالسلامه
.
....................................................................................................................
Mohamed
Hussein
1
مايو 2017·
و هتعمل ايه يا
حبيبي والانتخابات الرئاسيه بعد سنه ؟
- مش هنعمل حاجه
.
.
يعني ايه ؟
- هنقول المرشح
اللي هينزل قدام السيسي هيفرموه و يحطو السيخ المحمي في صرصور ودنه .
.
بجد و النبي ؟
و ايه كمان ؟
- و لو ماتفرمش
و خد السيخ المحمي و كمل لحد الانتخابات هنقول كومبارس و مسرحيه هزليه .
.
بجد والنبي ؟ وايه
كمان ؟
- و بعد اعلان
النتيجه هنقول انتخابات مزوره و عندنا شهود تثبت كده و أدله وفيديوهات موجوده عند الجزيره
من دلوأتي لو تحب تشوفها .
.
اه فهمتك فهمتك
, يعني تقصد الانتخابات اللي بعد سنه دي اتزورت و عندك أدله بتثبت ان المرشح المنافس
للسيسي ( اللي هو الكومبارس اللي جايبه السيسي ) اتظلم فيها بعد يا عيني ما فلت باعجوبه
من حكاية السيخ المحمي .
- أيوه هو كده
بالظبط و عماد صاحبي مأكّد لي .
.
و عملتو ايه يا
حبيبي في انتخابات البرلمان اللي فاتت و اللي جايه ؟
- ماعملناش حاجه
, أصلا الحزب بتاعنا مستهدف و العين عليه و مش سايبينا في حالنا و بيبعتو لنا امنجيه
و مخابرات و أمن قومي عشان يدمرونا .
.
انتو عندكو حزب
؟
- اه عندنا .
.
فيه كام نفر الحزب
ده .
- لا داحنا كتير
أوي .
.
أيوه كام يعني
؟
- مش أقل من سبعتاشر
نفر على فكره .
.
أها , تقصد حمولة
ميكروباص و أربعه في الكنبه اللي ورا ؟.
- بلاش تريأه لو
سمحت , احنا سابقين كوكب الأرض بمليون سنة ضوئيه و الواحد مننا بمقام ألف .
.
أيوه و مقام سيدي
الرفاعي مصدقك , و الخلاصه بقى ان انتخابات الرئاسه مزوره و كومبارس و مسرحيه هزليه
و سيخ محمي , و انتخابات البرلمان تضييق و محاربه و أمنجيه و مخابرات و عصابة الولاويله
الحمره .
- أيوه هو كده
, لأننا جبارين و النظام بيترعب مننا و ركبه بتخبط عالجيران .
.
تمام تمام , برضه
ماقولتليش , هتعملو ايه دلوأتي ؟
- بصراحه مش عارف
هنعمل ايه .
.
بس انا عارف هتعملو
ايه
- يا سلام ؟ عارف
؟ طب قول كده
.
هتعملو اللي بتعملوه
من 5 سنين
- اللي هو ايه
يعني
.
هتعملو هاشتاجات
, و تعملو حواجبكو , و تعملو نوم العازب , و تقفو جنب أي حجر عالي تستنو أوسخ خروف
ماشي في الشارع , عشان ييجي يركبكو و تقولو له اتأخرت علينا ليه يا حبيبي ؟ اركب بقى
بسرعه , دانت وحشتني أوي , و بعد مالخروف يركب و يستقر و يتمزج تشغّلو انتو الاسطوانه
بقى , عسكر و فاشيه و قمع , و عُمر الظلم ما قوّم بتاع , واحنا الصوت لما يضيع منا
البسكوت .
.....................................................................................................................
Mohamed
Hussein
30
أبريل 2017·
البرادعي : انا
بعتت جواز السفر يتجدد و مجاش لحد دلوأتي , اتمنى بس ماتكونشي عملية تجديد جواز السفر
لها علاقه بموقف سياسي على اعتبار إني مناضل و خطير و جبّار و فاتح زراير القميص و
بزنزن الزنازين و بمشي عالحيط .
.
الخارجيه المصريه
: جواز السفر بتاعك اتجدد و اتبعت لك في الطريق و ماتقرفناش عشان انت مالكش أي تلاتين
لازمه حاليا و لا حد فاكرك و خالتك نفسها بقت تتلخبط في اسمك .
.
البرادعي : ممممممممممممم
الله يسامحكو بوظّتو التويته , طب هكتب عن ايه انا دلوأتي ؟ أه صح , هكتب عن تمكين
الشباب و أحلام الشباب و حب الشباب , و الفاشيه اللي بتطل بإيه ؟ يووووه كانت على بالي
, أه افتكرت , الفاشيه اللي بتطل برأسها .
.......................................................................................................................
Mohamed
Hussein
30
أبريل 2017·
في أوروبا و الدول
المتقدمه , و حتى في أدغال أفريقيا و الدول المتخلفه , مش هتلاقو أبدا مواطن قاعد عالفيس
بوك ( أو على قهوه ) بيتناقش مع مواطن تاني في قرار خده رئيس الدوله بتعيين فلان بدل
من فلان , و عهد الله ما هتلاقو , يعني مش هتلاقي مثلا في فرنسا اتنين مواطنين قاعدين
يقولو هولاند عيّن فرانسو بدل فريدريك ليه ؟ ده حتى فريدريك حلو و كان المفروض ياخد
فرصته , و فرانسوا مش عاجبني , اه فرانسوا مش عاجبني ولا عاجب أمه ولا عاجب حد أبدا
.
.
ولا هتلاقي في
قبائل الأشانتي اتنين مواطنين قاعدين جنب صخره يتناقشو في قرار تعيين الزعبلاوي بدل
بكاكا داسا .
.
ربنا هيكرمنا أخر
كرم لما نسيب ما لقيصر لقيصر و ما للحكومه للحكومه , و نقول لفرانسوا و بكاكا داسا
متشكرين انتو شرفتونا و نتمنى التوفيق كل التوفيق لفريدريك و الزعبلاوي , و نبطل نفتي
في التعيينات بطريقة اللي قاعد يتفرج على ماتش كوره , هو بيطلّع ميدو و ينزل عمرو ليه
؟ , طب كان ينزل أبو تريكه و يخلي ميدو زي ماهو و يرميه ناحية الشمال , هو الخطيب مش
في الاحتياطي ؟ طب الكابتن الضظوي موجود ؟ لا و الله مش موجود , بس دي شقته وانا مراته
الجديده , لما ييجي نقوله مين ؟
..............................................................................................................
Mohamed
Hussein
30
أبريل 2017·
أفة حارتنا السذاجه
و العبط
.
جلسة استماع في
مجلس الشيوخ الأمريكي قررو بعدها تقليص المساعدات لمصر بنسبة معينه , طب تمام أوي
, يا ألف نهار أبيض , داحنا هنعمل فرح و الله .
.
أومال المشكله
فين و ايه هي المشكله أصلا ؟ بص يا سيدي
- جلسة الاستماع
في مجلس الشيوخ قالو فيها ان مصر دوله استبداديه ( أه و بناكل دراع العيال الصغيره
) , وان فيها معتقلين سياسيين ( قشطه نفس كلام الكولجيه ) و إن الجيش مسيطر على اقتصادها
( ده نفس كلام باسم يوسف , هو الجيش واجعكو أوي كده ؟ ) , و إن مصر بتضيّق على المنظمات
الأمريكيه الغير حكوميه ( طب مش تقولو بقى ؟ مش تبقو تيجو ؟ انتو مابتجوش ليه ؟ )
.
.
الحدوته باختصار
للي عايز يفهم
1- رؤساء أمريكا
مفيش أي فروق كبيره تذكر بينهم يعني زيد زي عبيد واحمد زي الحاج أحمد , كله بينفذ التعليمات
و الخطه المرسومه بشكل ما , ممكن يختلفو في الشكل مش اكتر ( و في تسريحة الشعر ) .
.
2- أمريكا لها
ثوابت مستحيل تتنازل عنها , و اللي يخصنا احنا في مصر من ثوابت السياسات الأمريكيه
هما حاجتين اتنين ( دونهما الرقاب في أمريكا ) , الكيان الصهيوني و جماعة الإخوان الإرهابيه
.
.
3- امتى بقى أمريكا
تتخلي عن جماعة الاخوان و تعلنها جماعه ارهابيه بشكل رسمي و تطردها من أراضيها و تجفف
مصادر تمويلها ؟ ده يا سيدي نفس اليوم اللي هتتخلى فيه أمريكا عن دعمها للكيان الصهيوني
, يعني الكلام ده يحصل امتى ؟ مانا قلت لك قبل كده بس انت نسيت , لما الله يرحمه عبد
الفتاح القصري يفوز بجايزة أحسن باك شمال في العالم .
.
4- بالمناسبه
, الكونجرس و مجلس الشيوخ و الخارجيه الأمريكيه و البيت الأبيض و البيت الأزرق كلهم
فاتحين أبوابهم لاستقبال قادة الجماعه الارهابيه في أي وقت , و بالمناسبه برضه كل الجمعيات
الاسلاميه في أمريكا اللي بتدير المساجد و المنابر بيديرها و يشرف عليها جماعة الإخوان
الإرهابيه و بنتها الصغيره ( حماس ) , و اللي بيصلي الجمعه في أمريكا في أي جامع هيلاقي
الخطيب بيصلي على سيدنا محمد دقيقتين و يشتم السيسي 18 دقيقه , بعلم و مباركة الراعي
الرسمي للكيان الإرهابي , اللي هي ماما أمريكا .
.
5- اللي هيركز
في جلسة الإستماع بتاعة مجلس الشيوخ , هيلاقي ترجمه بسيطه خالص , ترجمه بتقول , احنا
بندفع لهم مساعدات 1.5 مليار دولار سنويا ( من أموال دافعي الضرايب ) بس هما بيحاربو
جماعة الإخوان ( اللي هي الكارت بتاعنا ) و بيحاربو منظمات المجتمع المدني ( اللي هي
الكارت التاني بتاعنا ) , يبقى ندفع لهم ليه بقى ؟ .
.
6- طب الحل عند
مين ؟ و ازاي نتخلص من جماعه ارهابيه صهيونيه و من منظمات أمريكيه مشبوهه ( اللي هما
كروت أمريكا في المنطقه ) ؟ نروح نولع فيهم مثلا ؟ لا طبعا مستحيل , ده الطعم اللي
أمريكا مستنياه , يعني برضه الحل عند مين ؟ عند السيسي و الحكومه ؟ لا , الحل عند الإعلام
المصري و الصحافه المصريه و الفيس بوك و ما يسمى ب ( شريحة اللامؤاخذه المثقفين )
, الحل ان الكولجيه يرفعو ايديهم و دعمهم عن الجماعه الإرهابيه و المنظمات المشبوهه
, الحل اننا ك ( مجتمع مدني ) نتخلى عن أفة السذاجه و العبط و نقول لأمريكا بكل الطرق
إن الكروت بتاعتك مكشوفه و الألاعيب خايبه و المؤخره حمراء !! .
.
بالنسبه لصديقتي
العزيزه الغاليه اللي أبدت استياء شديد من إني بكرر نفس المواضيع و بكتب بوستاتي (
اللذوذه ) بنفس الحماس , يارب تكوني فهمتي احنا ليه بنكرر نفس الكلام و نفس البوستات
( اللذوذه ) .
..............................................................................................................................
Mohamed
Hussein
29 أبريل 2017·
يعني انت عايز
بابا الفاتيكان يزور مصر في زيارة تاريخيه , و مئات الملايين في العالم يتابعو الزياره
و عشرات القنوات و الجرايد العالميه تكتب و مراسلين و صحفيين من اخر الدنيا و قدّاس
يتعمل في ستاد مفتوح بحضور 25 الف مصري , و يقابل السيسي في قصر الإتحاديه و يعمل مؤتمر
مع شيخ الازهر و قداس في الكنيسه و تلاقي عريس و عروسه شباب زي الورد بيتجوزو , و تنظيم
و تأمين على أعلى مستوى , عايز الصوره دي على بعضها ماتحرقشي الخرفان و الكولجيه ؟
طب ازاي ؟ انت عبيط يابني ؟ مستني ايه من الخروف و الكولجي اللي بقالهم 6 سنين مش وراهم
شغلانه غير الحرق و التخريب و التشويه و التزييف و الفبركه و نشر السواد و الإحباط
؟ مستنيه يقول ايه عن الزياره غير اللي قاله ؟ طب قولي امتى شخصية مرموقه زارت مصر
و ماطلعوش فيها القطط الفطسانه و عملو الشويتين بتوعهم ؟ فكّر كده ؟ مش هتلاقي .
.
اه يا خرفان يا
حبايبي , بابا الفاتيكان جاي مصر عشان يعمل حملة تنصير , حتى شيخ الأزهر نفسه اتأثر
و بقى اسمه جرجس ( جرجس محمد أحمد الطيب ) , و جاي كمان عشان يحتل مصر , نابليون بونابرت
هو اللي باعته , و انا بنفسي شايف في سيالة البابا فرانسيس أسلحه و دبابات و طيارات
إف 16 كان مخبيها , أيوه شايفها بعيني أنا و الفقيه الدستوري الأستاذ الدكتور المهندس
محمد سليم العوا .
.
اه يا كولجيه يا
حبايبي , بابا الفاتيكان جاي عشان يقولنا اننا فاشيين و بناكل دراع العيال الصغيره
, عشان كده قابل السيسي مخصوص و قعد يعّرفه على كل القساوسه و المساعدين اللي في الوفد
بتاعه , و قال كده كمان لاحمد الطيب و هو بيحضنه وانا لما قابلت البابا فرانسيس قلت
له على فكره بقى يا قداسه البابا احنا اللي قتلنا ريجيني و حطينا السيخ المحمي في صرصور
ودنه , و عندنا دشليون شاب مختفين قسريا , نصهم مختفي قسريا في سوريا مع الدواعش و
نصهم التاني مختفي قسريا في الغردقه ( بيشقطو مزز) , قالي أنا عارف يا محمد , قلت له
انا مش محمد , قالي أومال انت مين ؟ قلت له أنا أم مينا و المقدّس أبو مينا بيسلم عليك
.
.......................................................................................................................
Mohamed
Hussein
29
أبريل 2017·
من أربع خمس سنين
مصر دخلها أكتر من مليون شاب سوري , محدش فيهم قعد في بيته يوم واحد بعد ما وصل مصر
, مليون شاب يا مؤمن , مليون مش ألف , و النهارده أغلبهم لما تقابله في الشارع و يحب
يعرفك بنفسه و يدّيك رقم موبايله مش بيملّيك الرقم , لا بيقولك الكارت بتاعي أهو فيه
أرقام موبايلاتي , عندنا محل في المكان الفلاني و بنعمل كذا ونسوّي كذا , ياريت تشرفنا
.
.
بالنسبه للشباب
المصري بقى , لا ماتشغلوش بالكو انتو بالحدوته دي , اقعد عالقهوه , افتح موبايلك و
اكتب عسكر و فاشيه و بطاله و احنا الصوت لما يضيع مننا البسكوت , و يارب هجره , و اطلب
حجر معسل و شد فيه جامد , شد جامد أكتر , أحسن وحوش .
........................................................................................................
Mohamed
Hussein
28 أبريل 2017·
زياره تاريخيه
لبابا الفاتيكان للقاهره , هيقابل شيخ الأزهر أحمد الطيب و البابا تواضروس , ال 3 أسماء
اللي فاتو دول هما اكبر و أعظم 3 شخصيات دينيه في العالم , 2 بيمثلو أكبر كنيستين في
العالم و واحد بيمثل اكبر مرجعيه اسلاميه في العالم , هي دي مصر بعظمتها و تاريخها
و تركيبتها , فيها جبلين يا طولهم و يا عرضهم , اسمهم الأزهر الشريف و الكنيسه المصريه
, شاء من شاء و أبى من أبى .
............................................................................................................................
Mohamed
Hussein
28
أبريل 2017·
ترامب : نتكبد
الكثير من المال للدفاع عن السعوديه و المملكه لا تتحمل نصيبها !! .
.
الترجمه بقى :
ترامب بيقول للسعوديه ان ال 200 مليار دولار اللي دفعتوهم من كام اسبوع دخلو الخزينه
و ماحسيناش بيهم , هاتو فلوس تاني , عاتو فلوس ( بصوت اللمبي ) , عشان نفضل نحميكو
من المد الشيعي و من السلعوه و من أبو رجل مسلوخه و من هجمات السلطعون المتكرره
.....................................................................................................
ليست هناك تعليقات:
إرسال تعليق