Mohamed
Hussein
12
نوفمبر 2015·
مؤسسة الأهرام
العريقه عملت معرض اسمه ( تحيا مصر ) للإحتفال بانتصارات مصر وانجازاتها !! , و عملو
بوستر للإحتفال , راجل بيرقص و ست بترقص و اسمه ايه الإماراتي ده بيسأف وراهم !! .
و بعدين الناس
اتقلبت عالبوستر ده , و كمية سخريه غير عاديه ( معاهم حق جدا ) , و بعدها احمد النجار
رئيس مجلس إدارة الأهرام اعتذر عن البوستر .
.
بص يا ريس عبد
الفتاح , عشان المراره والنبي , احنا ماعندناس انجازت ولا انتصارات نحتفل بيها في التوقيت
ده حاليا , انجازنا الوحيد و العظيم في أخر سنتين هو اننا لسه واقفين على رجلينا و
محافظين على حيطان البيت , و ده يرجع الفضل فيه لجيش مصر وبس , البوستر كده يبقى مالوش
علاقه بحاجه , و محاولة تصوير أي احتفال أو معرض في صورة رقص هي كأنك بتسلمنا تسليم
أهالي للكولجيه و الخرفان , يعني حركه زي دي تلبسنا احنا في الحيطه و نبقى مش عارفين
هنلاقيها منين ولا منين .
.
أحمد النجار لازم
يغور في ستين داهيه , اعتذاره مرفوض , اللي مايفهمشي ألف باء في الوضع اللي احنا فيه
يبقى مالوش مكان , مصر ( و دلوأتي تحديدا ) ماينفعشي تكون حقل تجارب للبهايم .
.......................................................................................................................................
Mohamed
Hussein
12
نوفمبر 2015·
طيب هيتأمرو علينا
ليه ؟ ........ سؤال ساذج من إنسان عايش في غيبوبه .
.
بس حيث إننا وصلنا
لليوم اللي بتسأل صاحبك المصري فيه : إنت مع جيش مصر ولا ضده ؟ يعني انتمائك لجيش بلدك
بقى محور سؤال و اختيار تجاوب عليه بنعم أو لا , يعني وصلنا لقمة البلاله و أعلى نقطه
في جبل الهطل الثوري , يبقى لابد نجاوب حتى عالأسئله الساذجه اللي المفروض محدش عاقل
يسألها .
.
1- كتاب التاريخ
بيقول إن مصر دخلت عدد من الحروب أكتر من عدد سكان قطر , حروب حقيقيه مش فوتو شوب
, طب ليه حصل كده يا عم ( غيبوبه ) ؟ عشان مصر كانت دايما مطمع للغزاه , طب ليه مطمع
للغزاه ؟ عشان حاجات كتير , موقعها في منتصف الكره الأرضيه , تحكمها في جزء كبير من
حركة التجاره العالميه , ثرواتها الطبيعيه , قوتها العسكريه و محاولة كسرها في وقت
من الأوقات .
.
2- بس اللي فات
ده كانت حروب قديمه و استعمار بمعناه التقليدي , مابقاش موجود دلوأتي , نهب ثروات الشعوب
مابقاش محتاج جيوش و احتلال , لأ خالص , بقى محتاج صفقه تجاريه على مكتب في أوضه مكيفه
و حكومه عميله أو جبانه و دومتم .
.
3- أخر 100 سنه
في كتاب التاريخ شهدو ظهور أوسخ كيان في تاريخ البشريه , الكيان الصهيوني , بوعد بريطاني
و بعد كده حمايه أمريكيه كامله , و عشان خاطر الكيان ده تحديدا مصر خاضت 4 حروب في
أقل من 25 سنه , يعني بمعدل حرب كل 6 سنين , مركز يا غيبوبه ولا نمت مني ؟!.
.
4- لما انتهت الحرب
بمعناها و شكلها التقليدي و مابقتش الشعوب الإستعماريه عندها استعداد تنهك ميزانيتها
بحروب خارجيه و تفقد فيها جنود أد كده , ظهرت الحرب الحديثه , و لسه مصر برضه على راس
قايمه مطلوب تدميرها , الغرض في الوقت ده كان أمن الكيان الصهيوني اللي وصل لمرحلة
معينه من الرفاهيه يتخاف عليها , طب يحمي رفاهيته دي ازاي ؟ جيشه لوحده مش كفايه ؟
و مابقاش الكيان يقدر يكبر اكتر من كده لا في المساحه ولا في عدد السكان , فكان الحل
الجهنمي اللي اعلنو حتى عنه هو فكره ( احنا مش قادرين نكبر بس نقدر نصغّر أعدائنا
) , و اعدائهم اللي هما احنا , يعني تفتيت للدول اللي بتمثل قلق للكيان الصهيوني ,
تقسيمها لدويلات أو حرقها و شغلها بحروب داخليه .
.
5- الحكايه بدأت
بالعراق و السودان , بعد كده فكرو في حكاية الربيع العربي دي , حكومات فاسده هنرعاها
و نرعى فسادها لحد ما توصل لنقطه حرجه critical point
و الشعوب ماتبقاش طايقه حكوماتها , ندخل احنا في الوقت ده و نستغل
غضب الشعوب , و نخلي الشعب يحارب بالنيابه عننا و يدمّر بلده بإديه , الشعب عنده هدف
نبيل اسمه الحريه و العدل , و احنا راكبيه و عندنا هدف ابن جزمه اسمه أمن اسرائيل
.
.
6- أدوات الحرب
الحديثه إسمها إعلام و مواقع تواصل اجتماعي , واشنطن بوست و جزيره و فيس بوك , تضليل
و تقارير مزيفه في توقيت معين , فوتو شوب , اختراع مهنه جديده اسمها الناشط السياسي
, دعم الهاربين و الفارين و تقديمهم كنموذج للمعارضه الشريفه
.
فهمت يا غيبوبه
و لا لسه ؟ و أخر حاجه بقى هقولهالك , ماتسألنيش هنواجه المؤامره دي ازاي و انت لسه
قاعد في علبة الكوله بتاعتك , الأول تطلع منها و تغسل وشك و تشوف الدنيا و تفهم و تقتنع
بالمؤامره حواليك و بعدين تسأل هنعمل ايه
..................................................................................................................................
Mohamed Hussein
11
نوفمبر 2015·
مفهوم المؤامره
و الجنس الجماعي !! .
.
من كام سنه كده
ظهرت موضه خايبه بين الشباب اسمها ( عَبدة الشيطان ) , شوية عيال ولا مؤاخذه يلبسو
تي شيرت عليه صورة جمجه و عضمتين و يعملو اي شوية هبل و يسموه طقوس و كده , و كان من
ضمن حيثياتهم و طقوسهم ممارسة الجنس .
في الوقت ده اتقبض
عالعيال اللامؤاخذه دي و مفيد فوزي عمل حديث مع عيل فيهم و سأله : هو انتو صحيح بتعملو
جنس جماعي ؟ الواد قاله لا يا باشا داحنا بنبقى 5 أولاد مثلا مع 5 بنات و كده , فرد
مفيد فوزي رد كوميدي رائع , قاله يابني ماهو ده الجنس الجماعي , مش لازم يعني الجنس
الجماعي يبقى معناه قبائل مع بعض .
.
و في الفتره اللي
فاتت دي , و بعد اسمه ايه ده , أه الربيع العربي شوفنا دول بتتحرق و دول بتختفي من
عالخريطه و دول مش عارفين مين بيحكمها ولا رافعين علم مين , و بعدين جت حكاية الطياره
الروسيه , دول انسحبت بعنف مع انها ماخدتش أي رد فعل مع أحداث مماثله في أماكن تانيه
زي تونس و فرنسا مثلا , و ظهور مفاجئ لناس زي وائل غنيم و شوية كولجيه كنا فاكرين انهم
ماتو , و البيت الأبيض بقى قاعد لنا على سلم المحاكم عشان يشجب و يستنكر , و تحريض
على مصر من شوية خونه هربانين بره , و استجداء للقوات الأمريكيه , و بريطانيا بتقول
احنا ممكن نتدخل في سينا , و قنوات مشبوهه مالهاش سيره غير وصف السيسي بقائد الإنقلاب
.
.
بص يا حبيبي ,
الحكايه أصلها مش كيميا ولا لوغاريتمات , لما 5 ولاد ينامو مع 5 بنات يبقى ده اسمه
جنس جماعي , مش شرط قبائل تنام مع بعضها ولا حاجه , ولما الاحداث اللي فوق دي تتجمع
فوق راسك فجأه و في نفس التوقيت يبقى دي اسمها مؤامره , مش شرط تلتين الكره الأرضيه
يعلنو الحرب عليك عشان تعرف إن فيه مؤامره على بلدك .
.....................................................................................................................................
Mohamed Hussein
11
نوفمبر 2015·
السيسي من الرياض
لشرم الشيخ مباشرة , لن تنطفئ أنوار مصر , مش هنخبي نتايج التحقيقات في موضوع الطياره
الروسيه , رجال الأعمال في أمان و فيه قانون بيحكمنا , كل نجاح هنحققه هيزود الضغوط
الخارجيه , بس محدش هيقدر علينا طول ماحنا إيد واحده .
.
يارب البهايم تفهم
.
............................................................................................................................
Mohamed Hussein
11
نوفمبر 2015·
...3
تجار و قميص عثمان
.
تاجر رقم 1 : أنا
هربي دقني و امسك سبحه و اتصور و انا بصلي ( قميص عثمان )
تاجر رقم 2 : وانا
هعمل جريده و يبقى معايا كارنيه صاحبة الجلاله و الإسم صحفي ( قميص عثمان )
تاجر رقم 3 : وانا
هنزل التحرير و اتصور في الميدان كام صوره و احتفظ بيهم (قميص عثمان ).
.
و بعد كام شهر
.
تاجر رقم 1 : لو
اتقبض عليا و انا بقتل أو بفجّر عبوه أو بحرض على خراب هطلع صورتي و انا بصلي و السبحه
في ايدي و الشباب يقولو : قبضو عالراجل المؤمن التقي اللي حافظ كتاب الله يا كفره ؟!
.
.
تاجر رقم 2 : وانا
لو اتقبض عليا بتهمة تبوير أراضي أو أي تهمه ياكشي حتى أكون حرامي غسيل هطلع كارنيه
الصحفى بتاعي و الشباب هيقولو : بتحاربو الصحافه و حرية الرأي و قبضتو عالصحفي الطاهر
يا فاشيين .
.
تاجر رقم 3 : وانا
لو اتقبض عليا وانا ببعت تقارير متفبركه لدول معاديه و اسخن الناس على الحرق و الخراب
هطلع صوري في الميدان و الشباب هيقولو : قبضتو على شباب الميدان الطاهر النقي , الشباب
اللي فتح لنا طاقة النور يا أعداء الحريه .
.
في الحقيه التلاته
اللي فوق دول 3 تجار مش أكتر , و ممكن تقول إنهم أوسخ 3 تجار في تاريخ البشريه , أوسخ
بكتير من تاجر المخدرات , عشان مفيش في الدنيا أسوأ ولا أقذر من إنك تجيب حاجه نضيفه
و ساميه و نبيله و تحولها بوساختك لقميص عثمان , مفيش أقذر من إنك تتاجر بالدين و الحريه
و نور ربنا و كلمة الحق .
.....................................................................................................................................
Mohamed Hussein
10
نوفمبر 2015·
الحكايه في كلمتين
.
فيه ناس بتصلي
و تسجد على رمل سينا وهي بتحمي أرضنا , و ناس بتصلي و تسجد على سجاد البيت الأبيض و
هي بتستدعي الأمريكان يحتلو أرضنا , وفيه شوية كولجيه بيسخرو من الناس الأولانيين و
يقولو عالتانيين فصيل وطني !! .
.
مصر اللي خلّفت
تقريبا 120 جيل ورا بعض , ماعتقدشي إنها داقت طعم المرار في حلقها بسبب حد من ولادها
أد ما داقته بسبب جيلنا ده , الجيل اللي عامل نفسه مثقف و ذكي و واعي و متمدن و حر
و قراري وفاهم الكوفت و بيمشي عالحيط , الجيل اللي أثبت فعلا إن البطن قلّابه و أحيانا
بتجيب عاهات .
...................................................................................................................................
Mohamed Hussein
10
نوفمبر 2015·
خبر 1 : النيابه
العسكريه تستدعي حسام بهجت للتحقيق بتهمة كذا .
.
الثورجيه و التويترجيه
: دولة الظلم و القمع و الفاشيه تطل برأسها من جديد
بان كي مون : أعرب
عن قلقي للتحقيق مع الصحفي حسام بهجت .
.
خبر 2 : الإفراج
عن حسام بهجت بعد ما تم أخذ أقواله .
.
الثورجيه و التويترجيه
: شوفتو بقى قوة السوشيال ميديا ؟ عرفتو اننا نقدر ؟ اه نقدر و مكملني .
بان كي مون : الله
بقى ؟ , طب و القلق اللي انا اعربت عنه من شويه أعمل بيه إيه ؟
.
.
على فكره يا تويترجيه
, انتو عاملين مناحه على اسراء الطويل و علاء عبد الفتاح من شهور , و محدش عبرّكو عادي
, يعني قوتكو دي فستك , و على فكره يا عم بان كي مون , انت بتضحكني أكتر من حكاية نابليون
بونابرت اللي ساب الحمله الفرنسيه و الجيوش و الحرب وقعد يوقّع على اطباق ميلامين عشان
تبقى ( سينييه ) , طب و الله يا شيخ أنا خايف أضغط غلى مراتي شويه و أقولها تعمل محشي
كل شهر مش كل 6 شهور , ألاقيك باعت رساله و بتعرب عن قلقك .
.......................................................................................................................................
Mohamed Hussein
10
نوفمبر 2015·
مكالمة تليفون
............... اصطباحة ريكو
.
ريكو ( صاحي من
النوم و بيتكلم في التليفون الأرضي اللي جنب السرير ) : ألو , أيوه يا شيكو .
.
شيكو : قول صباح
الخير يا عم , انت لسه صاحي ؟ .
.
ريكو : أه كنت
سهران امبارح للفجر بلعن جدود أبو العسكر .
.
شيكو : قشطه يا
ريكو .
.
ريكو : قولي عشان
انت بتصحى بدري , ايه الأخبار ؟ قبضو على حد تاني , عايز افتح الفيس و تويتر و اعمل
الهاشتاجات و اولع الدنيا .
.
شيكو : أه قبضو
على أأ
.
ريكو : أه يا ولاد
الكلب , أزاي يقبضو عليه ؟
.
شيكو : يا عم هو
انا لسه قلت اسمه ؟
.
ريكو : مش مهم
اسمه , و قبضو عليه ليه ولاد الكلب دول ؟ .
.
شيكو : قبضو عليه
يا سيدي بتهمه أأأ .
.
ريكو : كدااااااااااااابين
, والله كدابين و التهمه ملفقه .
.
شيكو : يا عم هو
انا لسه قلت لك تهمته ؟
.
ريكو : برضه مش
مهم , اسمع يا شيكو , لحد مافوق كده واخد الإصطباحه بتاعتي , ابدأ انت , هبعتلك الصيغه
بتاعة الهاشتاج واسيب لك اسم اللي قبضو عليه و تهمته فاضيين .
.
شيكو : فاهمك طبعا
, دانا دراعك اليمين يا كبير .
.
ريكو : و ماتنساش
في أخر البوستات تشتم الجيش و العسكر .
.
شيكو : أساسي يا
كبير .
.
ريكو : قشطه يا
شيكو , اوكيه سلام دلوأتي .
.
شيكو , قشطه يا
ريكو , سلام .
.
صوت غريب يدخل
عالخط : استنو يا شباب ماتقفلوش , استنى يا ريكو انت و شيكو .
.
ريكو و شيكو (
مرعوبين ) : ايه ده ؟ انت مين ؟ هو احنا متراقبين ولا ايه ؟ .
.
الصوت الغريب
: أعرفكم بنفسي , أنا المقدم محمود المحمدي من الأمن الوطني , تليفوناتكو متراقبه و
المكالمه متسجله , إيه رأيكو ؟ تحبو نذيع ؟ .
.
ريكو : لأ لأ لأ
, ده الواد شيكو هو اللي بيسخنّي و يحرضني يا باشا .
.
شيكو : أنا ؟ أه
يا سافل يا واطي , انا اللي بسخنك ولا انت ؟ .
.
الصوت الغريب
: خلاص في الأمن الوطني تعترفو بكل حاجه و تقولولنا مين أصحابكو و احنا هنعتبركو شاهد
مالك .
.
ريكو : حاضر يا
باشا , انا هعترف على شيكو و فيكو و ميكو و كل الشله ..
.
شيكو : اخص عليك
قليل الربايه , انا كمان يا باشا هعترف عليهم .
.
الصوت الغريب
: قوم يا ريكو يابن الكلب الحق الضهر قبل العصر ما يأدن و انزل دوّر لك على أي شغلانه
يا صايع .
.
ريكو : ايه ده
؟ انت مين بقى ؟ و بتشتم ليه ؟ .
.
الصوت الغريب
: انا ابوك يا ياصايع يابن الصايع و بكلمك من العده اللي في الصاله , هو الأمن الوطني
فاضي لك انت و شلة المقاطيع بتوعك .
.................................................................................................................................
Mohamed Hussein
9
نوفمبر 2015·
الحقيقه
.
- الحقيقه إن حسام
بهجت متهم بنشر تقرير بيتكلم عن محاكمة ظباط في جيش مصر كان بيخططو لانقلاب ما في توقيت
ما , و طبعا القصه دي مفهاش حرية رأي ولا حرية بطيخ و لا ينفع فيها الكلام و لا النشر
و لا الهري , دي عقيدة الجيش المصري و أي جيش في العالم , الحكايه مش فتحة صدر و تقرير
عن حاجه تمس الجيش من الداخل بيختلف تماما عن تقرير تكتبه عن رسم الحواجب و التاتو
.
.
- الحقيقه إن رجل
الأعمال صلاح دياب مقبوض عليه بكذا تهمه , و حكاية انه فوق ال 70 و عنده القلب ابقى
اقراها في أخر سطرين , و صلاح دياب ده بيشتغل حضرتك ملياردير , يعني في الثانيه اللي
اتقبض عليه فيها تأكد تماما ان فيه طابور من اساتذة كلية الحقوق و الفقهاء الدستوريين
واقفين على باب القسم ( للدفاع عن موكلي ) , ف بلاش تقلق عالراجل أوي و تتخض , في النهايه
و مع طابور المحامين ده هيطلع براءه أكيد و احتمال ألبس أنا قضية المبيدات و تبوير
الأراضي مكانه .
.
- الحقيقه إن الأخت
المسهوكه إسراء الطويل بتواجه أكتر من تهمه و أكيد لها طابور محامين و لها لسان و ابقى
برضه فكرني بحكاية انها بنت دي و صغيره نونو و دموعها رقيقه و كفها صغير , فكرني في
أخر سطرين .
.
- الحقيقه إن أستاذنا
العظيم يوسف زيدان أديب و مفكر و كاتب ومثقف جدا بس مش شرط يكون رأيه و فهمه و إدراكه
لليله دي صح , مش شرط و الله .
.
- و الحقيقه الأخيره
إننا محتاجين قانون جديد نضيفه للدستور المصري و نسميه ( قانون البلاله ) و نقول فيه
: لا يحق لأجهزة الامن القبض على أي متهم إذا كان فوق ال 60 سنه أو تحت ال 25 سنه
, و لا يحق توجيه أي تهمه لبنت لو كانت سهنه و مسهوكه و بتعيط , و لا يحق إتهام أي
شخص مريض بالقلب بأي تهمه , و يجوز لاي صحفي إنه يكتب تقارير أو يفبرك تقارير و يهري
و ينكت عن أسرار الجيش عادي و بهذا يعتبر الجيش المصري زيه زي سوبرماركت ابو محمد اللي
جنب البيت أو حمامات رمسيس العمومي .
................................................................................................................................
Mohamed Hussein
9
نوفمبر 2015·
مراجيح
.
و عندنا في بلدنا
يا بيه كل رجال الأعمال اللي بنشوفهم في الشارع و المليارديرات بنعتبرهم حراميه و ولاد
تيت ( أه وش كده و حكم نهائي بنصدره ) , و نطالب الحكومه تقبض على رجل الأعمال و تحط
السيخ المحمي في صرصور ودنه , و أول مالحكومه تقبض عليه لمجرد التحقيق نقوم محوّلينه
على طول لمناضل و بطل قومي و نزيه و شفاف و برئ و قلبه قلب خسايه و عمود من أعمدة اقتصاد
مصر .
يعني فجأه طلعت
مصطفى يتحول لطعت حرب , و صلاح دياب يبقى صلاح الدين الأيوبي .
.
في الحقيقه احنا
كرأي عام كده مش بنحارب فساد ولا بندوّر عالعدل و لا يحزنون , احنا في أغلب الاوقات
بنحارب الحكومه بطريقة ( خالف تعرف ) , كأن الحكومه دي تبقى مرات ابونا , اقبضو عالفاسد
يا حكومه بدل ما غضب ربنا ينزل علينا , الله يخرب بيوتكو قبضتو عليه ليه ؟ انتو مش
خايفين غضب ربنا ينزل علينا ؟! .
.
و أحيانا بنعلق
عالخبر بطريقه ( كنت معدّيه و قلت أخد الجمعيه ) , يعني بنتسلى و نضيع وقت و ندلو بدلونا
لحد ماييجي معاد الماتش أو المسلسل .
.
عشان كده الحل
في حالتنا دي هو باختصار إننا نجيب حكومه تكون مرارتها ستانلستيل و حبذا لو كانت المراره
دي ماركة ( كاتربيلر ) .
.
حكومة ( كاتربيلر
) هي الحل .
.......................................................................................................................................
Mohamed Hussein
9
نوفمبر 2015·
خساره الجوز جنيهات
.
مشهد 1 : صورة
رائعه لوفد من قيادات الجماعه الإرهابيه في قلب البيت الأبيض , مره و هما رافعين إشارة
رابعه و مره و هما بيصلو , بيقولك يا سيدي إن الصلاه في البيت الأبيض تعادل ألف صلاه
فيما سواها او مليون دولار أيهما أقرب , اللهم ارزق الإخوان شعائر الحج في واشنطن و
السعي في شوارع شيكاغو ( بس سيبك انت , السيسي عميل الأمريكان !! ) .
.
مشهد 2 : بريطانيا
بدأت مرحلة جديده من الجليطه السياسيه والوش القبيح المكشوف أوي , الحكايه دي حصلت
من أول زيارة السيسي لها و عبر عنها وزير الخارجيه المصري بأدب وقال ( لا تتفق مع البروتوكولات
) لكن الترجمه اسمها سفاله و جليطه , بريطانيا حبت توجه رساله لمصر إنها مش راضيه عن
خروجنا من حلف أمريكا , و رساله أهم للإخوان بتقول لهم : احنا اللي صنعناكو زمان ,
و احنا اللي هنسندكو دلوأتي , ماتخافوش يا إرهابيين مفيش أم بتفرّط في عيالها ضناها
, و بناء عليه بدأت بريطانيا كمان تصور الوضع في سينا على إنه خارج السيطره و تقول
إنها مستعده لإنزال قواتها هناك عشان تساعد يعني !! , و لو تطلب الأمر و حست بريطانيا
إن الإخوان في الرمق الأخير , ممكن تشن هجوم عسكري على مصر عشان بس تدي لابنها ضناها
( قُبلة الحياه ) .
.
بعد المشهدين اللي
فوق دول , مطلوب من كل اتنين اخوانجيه عاشو سنين عمرهم في وهم تحرير القدس و محاربة
الغرب الكافر ( بريطانيا و أمريكا ) , مطلوب منهم من سكات يقفو , وشهم في وش بعض ,
و كل واحد يطلع المسدس بتاعه ( هتلاقوه في السيّاله جنب السواك ) , و كل واحد يضرب
التاني بالنار , يعني تموتو على حسابكو , عشان بصراحه يعني و من غير زعل , خساره فيكو
الجوز جنيهات تمن الرصاصه اللي المفروض تموتو بيها .
.......................................................................................................................................
Mohamed Hussein
9
نوفمبر 2015·
قناة العربيه
( السعوديه ) , بتروج لحكاية اسقاط الطائره الروسيه بعمل ارهابي , و بتنقل اخبارها
من الصحف البريطانيه , عن اسم شخص متهم بتفجير الطائره , و هو زعيم تنظيم داعش في سينا
( و عامله تقرير عنه كمان ) , يعني ترويج و تلميع و حاجه زي الفل , و ان بريطانيا مستعده
تعمل عملية انزال عسكري في سينا للقبض عليه !! .
.
أل سعود بقو مايختلفوش
كتير عن موزه وابنها , و العربيه بقت زي الجزيره , مانا قلت من يومين , عملية لوي دراع
لمصر بتشارك فيها دول ( لامؤاخذه شقيقه ) , واهي اللامؤاخذه ماشيه في سكة اللامؤاخذه
, والله يا سلمان , و الله مره تانيه , ما هتحميك أمريكا يوم ما يقرر الديب اللي انت
مربيه انه ياكلك , او بمعنى أصح يوم ما تقرر امريكا إن الديب اللي هي مربياه في بيتك
ياكلك , و ساعتها هتكح تراب و رمل , ولا هتنفعك براميل البترول ولا فلوسها , ابقى روح
اشتري جيش أمريكي من غير دقن عشان يحميك من جيش امريكا اللي بدقن .
.
أنا مش خايف على
مصر يا مولانا , لا من ارهاب ولا من انجليز و لا من عفريت أزرق , عودنا ناشف زي الحطب
, بناكل قش و نعيش , انا بس خايف عالرحرحه اللي انتو عايشين فيها , انتو ممكن تموتو
لو اتمنعت عنكو الفراخ البرازيلي المجمده .
.................................................................................................................................
Mohamed Hussein
8
نوفمبر 2015·
و على فكره بقى
, حكاية ان السيسي يسيب حكم مصر دي لحد تاني مش نافعه , انا هقولك ليه و بالراحه خالص
.
.
نفترض يا سيدي
إننا هنبعت نجيب البرادعي من فيينا و إن كنت بعتقد إن البرادعي مات من زمان و ان تويتاته
اللي بتنزل دي بتنزل بطريقة ( الدفع الذاتي ) و على قديمه , يعني زي العربيه العطلانه
فوق جبل , ماهي عطلانه يعني ميته بس بتنزل برضه عادي .
.
و قول إننا هنبعت
نجيب وائل قنديل و بلال فضل من لندن , و نجيب عاصم عبد الماجد من قطر , و نجيب كام
زعيم من تركيا و نجيب جمال حشمت و محمد سلطان من أمريكا , و نلم يعني كل اللي بيناضلو
من وراء البحار دول و نعمل منتخب مصري وطني كل واحد فيهم معاه جنسيه مختلفه ( زي منتخب
قطر بتاع كرة اليد ) .
.
و بعدين نجمعهم
في مكان واحد , و نجيب الدكتور مصطفى النجار ( أبو سداغ ) مش عارف نجيبه منين بس هنجيبه
برضه , مصطفى النجار هيعمل مكالمة تليفون و هو قاعد زي اللي عملها زمان , و يقول فلان
يمسك الحكومه و فلان الداخليه و فلان يمسك لجنة كذا و فلان يمسك ماعرفشي ايه ( أه هو
اللي في دماغك ده و العياذ بالله ) .
.
و في أخر المكالمه
, الدكتور مصطفى النجار هيقترح زي المره الي فاتت برضه إنه يجيب البت مروه عشان تنسق
المسائل دي , عشان مروه دي اصلا شاطره جدا و لهلوبه , فهتنسق بقى كل حاجه و تعرّف كل
واحد هيمسك ايه بالظبط .
.
إفرض بقى إننا
بعد ما عملنا ده كله و كلّفنا نفسنا , روحنا ندور على مروه عشان تنسق المسائل و لقيناها
اتجوزت و جوزها حالف عليها بالطلاق ماتشتغل ولا تنسق ؟ هتعملو ايه ساعتها و تحكمو مصر
إزاي من غير مروه اللهلوبه ؟!!
.............................................................................................................................
Mohamed Hussein
8
نوفمبر 2015·
حكاية الشمّامين
.
زمان قريت خبر
عن شاب باع بيته ( بيع و شرا ) مقابل جرام هيروين !! , ساعتها قلت لا مستحيل , محدش
عاقل يعمل كده , طب يمكن راهنه لكن مش باعه , الخبر ده أكيد متفبرك .
.
لحد ما جه اليوم
علينا و بقيت أشوف الشمامين قدام عيني ممكن يبيعو بيتهم و بلدهم عشان بس يثبتو جهة
نظرهم , في الحاله دي وجهة نظرهم بتبقى هي الإدمان نفسه , هي جرام الهيروين اللي ممكن
يبيع بيته عشانه .
.
الكولجي يصحى من
النوم زيه زي أي شمام , يدعك مناخيره و يدور في الأخبار على أي خبر متفبرك يقرا عنوانه
و مايقراش التفاصيل , أو صورة قديمه ينضحك عليه بيها , أو كلمتين مقعرين من نوعية
( لا مندوحه ) , أهو أي حاجه يشم فيها و ينشرها , ولو مالقاش يشم في بوستات قصدي صوابع
رجل زميله .
.
الأعراض اللي فوق
دي وحكاية البحث عن أخبار متفبركه أو كارثه أو كلمتين يرد بيهم و يفند أي حاجه بتفكرني
بمشهد عادل إمام في فيلم النمر والأنثى لما أثار الحكيم خبّت المخدرات منه , أه أهو
ده بالظبط , و طبعا حضرتك ممكن تتخيل بسهوله و تعرف مين اللي بيلعب دور عايده عبد العزيز
( أخت القمّاش ) .
.
الخلاصه , إوعى
تتناقش مع كولجي أو شمام , أو تقوله انت بتعمل كده ليه و تحاول تقنعه إنه مدمن و إنه
ممكن يبيع بيته بسهوله في حالته دي , و عهد الله يا أخي اللي بيضرب باركينول هيقولك
انا شايف صراصير بتمشي عالأرض و الحيطه , و مهما شرحت له هتبقى عنده قناعه إنها صراصير
فعلا و إننا احنا اللي اتعمينا في نظرنا و مش شايفين .
.
طريقه واحده بس
ممكن تهرب بيها من الكولجي و مدمن الباركينول , إنك تقوله امسك الشبشب ده و حاول تموت
الصراصير اللي انت شايفها , و بس , تطلع من الأوضه و تقفل الباب وراك و تسيبه جوه يعيش
حياته .
................................................................................................................................
Mohamed Hussein
7
نوفمبر 2015·
مؤتمر صحفي (و
حضور مندوب مصر بس ) بيقول إن الحكايه مش حكاية طياره خالص , ولا مشكلة إنها وقعت إزاي
, الحكايه داخله فيها أمريكا و بريطانيا و لها علاقه بموقفنا من سوريا وعلاقتنا بروسيا
, يبدو إنه المطلوب تفتيت سوريا و تسلميها للدواعش بمباركة دول عربيه ( صديقه ولا مؤاخذه
), الحكايه لوي دراع لمصر بكل قوه , بمنتهى القوه , و بيأكد على كده رد الفعل الدولي
السريع و وقف رحلات الطيران بغباوه , رد فعل مايتناسبشي اطلاقا مع حجم الحدث .
.
مصر في منتصف الطريق
وبناء عليه , إما إنها تنسحب من دعم الدوله السوريه و وحدتها عشان تفك الضغط عن نفسها
, أو تكمّل على خط النار .
.
احنا في مرحلة
( حبس الأنفاس ) , الكولجيه يقعدو على جنب و يخرسو خالص أو يسترجلو شويه , أي كلام
و هري دلوأتي عن تعليم و بحث علمي و مرافق و حاله اقتصاديه هو خيانه , في الحرب لا
تشتكي من ألم الأسنان .
.
أثق في رأي السيسي
و قراراته .
......................................................................................................................................
Mohamed Hussein
7
نوفمبر 2015·
حدوتة قبل النوم
.
أعلنت صحيفة الديلي
ميل إن طياره مدنية بريطانيه ماركة ( مصطفى فتحي ) كانت محمله أنفار من شهرين , و طايره
فوق سينا و فجأه كده قائد الطياره بيبص في المرايه لمح جسم غريب , القائد سأل المساعد
بتاعه : ايه اللي انا شايفه ده ياض يا حتّه ؟ المساعد قاله والله ياخويا ماعرف , إما
إنه يكون صاروخ أو فرع شجرة طاير في الهوا , بس عموما يا كابتن حاول تهرب منه , الكابتن
قاله على عيني طبعا , دي طياره ماركة مصطفى فتحي يعني أستاذه في الترقيص , عارف ياض
يا حته الطياره دي عندنا في بريطانيا بيسموها ( السافل ) , بص بقى عالحركه دي , و قام
الكابتن مرقّص الجسم الغريب على خط الأوت و عمله كوبري كمان و فات من بين رجليه , الركاب
بقى قعدو يصفرو و يقولو يا دين النبي , ايه الحلاوه دي يا كابتن , و فيه كام راكب من
فرحتهم باللعبه قامو مولعين شماريخ , مدحت شلبي كمان عجبته اللعبه اوي و قعد يقول
, يا سلام عاللمسه و النطه و الحطه و الأطه و الوزه و البطه
.
و بس بقى , المساعد
حتّه سأل الكابتن وقاله يا كابتن احنا طبعا مش هنقول لديفيد كاميرون حاجه , انت عارف
اننا بنحب مصر و خبر زي ده ممكن يعملها مشاكل , الكابتن قاله طبعا طبعا , سكتم بكتم
و لا كأننا شوفنا حاجه , إنما اللي حصل ان فيه واحد من الركاب اللي ولعو شماريخ صحي
من يومين كده و لقى نفسه فاضي فقال يروح للديلي ميل و يحكي لها عن اللعبه بتاعة مصطفى
فتحي , وبس كده , و طبعا الكلام وصل لديفيد كاميرون .
.
و توته توته فرغت
الحدوته , حلوه ولا ملتوته ؟!
.
بريطانيا بقالها
عشرين تلاتين سنه بتشتغل صبي عالمه لأمريكا , بتنفذ التعليمات من غير أدنى تفكير ,
و يبدو إن كاميرون زهق من الحكايه دي و قرر إنه يفكر لأول مره , فكان تفكيره بالشكل
ده , يعني الراجل قرر انه يلعب سياسه دوليه بس حيث انه محبوس في فانوس أمريكا من سنين
طويله فكان لازم يبدأ السياسه الدوليه من أول زرع و حصد , و يبدأ بحاجات اتلغت من المناهج
من 50 سنه , هي و كلمة لوكميه و شغلانة مبيض النحاس .
.
كاميرون بيلعب
دور هاني رمزي في غبي منه فيه لما قرر إنه يفكر بدماغه , و بالتأكيد هتجيله رساله من
حسن حسني الشهير بأوباما بتقوله : انت ماتفكرش تاني بعد كده , و هيرد هاني رمزي : أحسن
دانا حتى التفكير بيتعبني .
...............................................................................................................................
Mohamed Hussein
6
نوفمبر 2015·
الحمار والنطع
والخاين و ابن الكلب .
.
الحمار اللي بينشر
صوره لشارع غرقان مايه و يكتب تحتها ( هو العالم هيتأمر علينا واحنا بالشكل ده ؟ )
, أه يا حمار , و العالم لما تأمر عالعراق و سوريا و ليبيا مافكرشي شوارعهم شكلها إيه
, و العالم اللي شاف مصر مطمع على مدار التاريخ مكانشي فاهم إنها سويسرا ياهبل يابن
الأهبل .
.
النطع باسم يوسف
اللي بيشمت في بلده و اللي فاهم إن موقف روسيا كمان معناه انها باعتنا أو إن العلاقات
بينا ساءت !! مش غريبه إنك كنت بتسرق مقاله , الأخلاق دي أخلاق حرامي و العقل ده عقل
واحد مايعرفشي يكتب مقاله .
.
و الخاين الإخوانجي
محمد سلطان اللي فتحوله الكونجرس الأمريكي عشان يطالب بوقف المعونات العسكريه و يشوه
سمعة مصر في أرض أمريكا ( الكافره ) , الكولجيه عندنا بيعتبروه بطل قومي .
.
وابن الكلب الإخوانجي
جمال حشمت بيروج لتدخل عسكري أوروبي و أمريكي في سينا و منطقة القناه ( مش عايز مصالحه
يا برادعي ؟ ) .
.
ماعنديش أي فرق
بين الحمار و النطع و الخاين و ابن الكلب , مفيش أي فرق بين الخرفان و الكولجيه , مفيش
فيهم واحد أكتر وساخه من التاني , الإتنين إلى مزبلة التاريخ , و بالتأكيد بالتأكيد
, مصر هتنتصر .
...................................................................................................................................
Mohamed Hussein
6
نوفمبر 2015·
روسيا أعلنت تعليق
رحلاتها الجويه لمصر !! .
.
الخبر ده ممكن
يكون إجراء احترازي , و لحد الإنتهاء من التحقيقات زي ما قال الخبر , لكن واضح ان الإحتمالات
بتميل اكتر ناحية عبوه ناسفه , و أغلب الظن انها كانت في شنطه من شنط الركاب , طبعا
مش راكب اللي عمل كده عشان ينتحر مثلا , و بالتالي الحكايه لازم يكون فيها خاين أو
مجموعة من الخونه داخل مطار شرم الشيخ , عملية التأمين و التفتيش في المطارات بصفه
عامه بيقوم بيها الشرطه ( مش الجيش ) , و هنا تبقى الحكايه سهله أوي , امين الشرطه
اللي بيتكرمش له 20 جنيه عشان يعدّي عربيه في كمين لو اتكرمش له 20 ألف هيعدي شنطه
في مطار !! .
.
الوضع كده يبقى
كارثي .
.
بص يا ريس عبد
الفتاح , موسم السياحه كده هينضرب , والسبب تقصير أمني , و الأزمه الإقتصاديه هتتفاقم
, و سعر الدولار هيزيد , انا عارف والله انك مش عارف تلاقيها منين ولا منين , و الجبهات
مفتوحه عليك مالهاش أخر , إنما الطبطبه اللي حصلت مع امناء الشرطه مثلا في اعتصامهم
من كام شهر ماشوفتش لها أي مبرر و ده مجرد مثل .
.
مطلوب من سيادتك
باختصار , فتح تحقيق خاص منفصل و تجيب لنا الخاين ابن الكلب اللي لبس البلد في الحيطه
, إقالة وزير الداخليه و التحقيق معاه , هات لنا وزير داخليه دكر ياكشي يكون حبيب العادلي
.
.
و حيث اني زي ما
قلت متفهم جدا للضغوط و المؤامره من حواليك هقولك كلمتين , إما اننا نكون أد التعامل
مع المؤامره دي بكل أطرافها الدوليه و جاهزين و مستعدين , أو إننا نسلّم ونوطي و نرفع
الرايه البيضا و نروح نحب على رجل أوباما و أردوغان و حتى ابن موزه , و بالمره نرجع
مرسي البهلول يحكم مصر , الغلابه في النهايه هما اللي هيدفعو التمن , يعني باختصار
: إما إننا نقدر على كسر الإيد اللي تتمد علينا أونجيب من الأخر و نبوسها !!
.
النصر من عندك
يارب .
.............................................................................................................................
Mohamed Hussein
6
نوفمبر 2015·
النهارده طلّعت
جاكيت شتوي مالبستوش من السنه اللي فاتت , و انا بدوّر في جيوبه كده كانت المفاجأه
الغير متوقعه , إني مالقيتشي في جيوبه 300 جنيه منسييين من السنه اللي فاتت , اه و
الله مالقيتش ال 300 جنيه اللي كل الناس بيلاقوهم في جيوب الجواكت كل سنه , لقيت منديلين
ورق و ولّاعه بايظه .
..................................................................................................................................
Mohamed Hussein
6
نوفمبر 2015·
خيوط المؤامره
( على بلدنا ) .
.
لو حضرتك كولجي
اد الدنيا يبقى و النبي اقعد على جنب , انا عارف البؤ بتاعك و حافظه ,(( مفيش مؤامره
و المخابرات هي اللي بتوهمنا بكده )), ده اخرك و الله , استريح بقى حضرتك في حتة ناشفه
.
.
وعلى طريقة اللي
مايشوفشي من الغربال يبقى أعمى :
.
1- بعد ثورة
30 يونيو بدأ العك في سينا , العك اللي كان معلن عنه بوضوح جدا من أعضاء الجماعات الإرهابيه
( مش مشكلتي انك بتقفل عنيك و ودانك ) .
.
2- الحرب على الإرهاب
في سينا ابتدت , و الجيش بدأ يقفل ماسورة الإرهاب اللي اسمها الأنفاق و يحارب بكل قوته
و جهده , و فقدنا شهداء كتير .
.
3- لو متخيل ان
الإرهابيين في سينا هما شوية العيال اللي بدقن اللي دماغهم تعبانه و بس , يعني لا وراهم
منظمات ولا دول يبقى هقولك بكل أدب : برضه اقعد على جنب .
.
4- من كام شهر
و الجزيره بتقول ( ولاية سينا ) زي ما الإرهابيين بيقولو بالظبط , و كانت كاميرات الجزيره
موجوده في اللحظه اياها اللي الإرهابيين حاولو يرفعو علمهم على متر أرض في سينا , لو
فاهم إن دي صدفه إقعد على جنب .
.
5- الصحف الأمريكيه
بتتكلم بقالها فتره عن تهديد محتمل لقوات حفظ السلام في سينا , برضه لو فاهم إن فيه
حاجه في أمريكه اسمها صحافه حره و نزيهه اقعد على جنب .
.
6- أمريكا و بريطانيا
فتحو بيوتهم للإرهابيين الهاربين و فتحولهم الكونجرس و الإعلام و سمحو لهم بامتلاك
جرايد و قنوات , لو لسه فاهم ان أمريكا و بريطانيا بيحاربو الإرهاب و بيرعو الحريه
و السلام في العالم اقعد على جنب .
.
7- بريطانيا استغلت
زيارة السيسي لأراضيها و أعلنت وقف رحلاتها لشرم الشيخ , بالمناسبه الحكايه دي هي تأريخ
لمرحلة جديده في السياسه الدوليه على إيد كاميرون اسمها مرحلة ( الجليطه السياسيه
) , و برضه كان كلام كاميرون عن الطياره الروسيه اكتر ماتكلم عن اي مشاريع مشتركه
.
.
8- قررت بريطانيا
تسيير 27 رحلة النهارده في الإتجاه العكسي من شرم الشيخ ل لندن , و حاول تركز في النقطه
دي , ماحصلشي اي عمل ارهابي يخص السياح في سينا و البحر الأحمر رغم الإرهاب اللي بنحاربه
من سنتين , و ده معناه ان السياح على أرض مصر في أمان , و حادثة الطياره الروسيه اللي
بتزعم بريطانيا انها انفجرت بقنبله ممكن تعني إن فيه مشكله في عملية التأمين في المطارات
, انما اللي عملته بريطانيا هو العكس
.
و الحكايه باختصار
و في كل النقاط اللي فاتت هي محاولة مستميته من أطراف المؤامره لوضع مصر دائما و باستمرار
في حالة عدم استقرار سياسي و أمني , و تركيز جميع الأطراف الوسخه على قطعة أرض مصريه
أصيله اسمها سينا , بعد كده بتيجي مرحلة المساومات و لوي الدراع .
.
9- أخيرا لو حضرتك
إخوانجي أو كولجي مفيش داعي تقرا اللي فات ده كله , و انا كنت واضح جدا في عنوان البوست
وقلت مؤامره ( على بلدنا ) و حطيتها بين قوسين , أظن الكلام واضح .
...............................................................................................................................
.
ليست هناك تعليقات:
إرسال تعليق