Mohamed
Hussein
19
نوفمبر 2015·
الهانم و سنيه
الشغاله .
.
الهانم : بت يا
سنيه , انتي يا بت ؟ كنتي فين يا مقصوفة الرقبه ؟
سنيه : أيوه يا
ستي أنا اهو , جايه اهو .
.
الهانم : بصي يا
مقصوفة الرقبه انتي , احنا عندنا حفله اليومين دول اسمها ( مشروع الضبعه النووي )
, عارفه هتعملي ايه كويس ولا لا ؟.
سنيه : أيوه يا
ستي عارفه , هعمل زي كل مره , اومال ايه ؟ انتي فاكراني خايبه ؟ دانا طالعه من ساته
ابتدائي .
.
الهانم : طب سمعي
لي هتعمل ايه عشان اتأكد بنفسي .
سنيه : أنا في
أول الحفله هقول ان المشروع ده عملاق و مستحيل يتنفذ , لا فيه فلوس لكده ولا الوقت
هيكفي و لا عندنا كوادر تنفع , و السيسي بيبيع لكو الوهم و شوية حبر على ورق.
.
الهانم : شاطره
يا سنيه , كمّلي .
سنيه : و بعدين
يا ستي لما المشروع يبدأ الشغل فيه هقول الشركات هربت و السيسي ضحك عليكو و باع لكو
الوهم .
.
الهانم : برافو
يا سنيه , و أخر حاجه ايه بقى ؟
سنيه ( بتهرش في
دماغها ) : أخر حاجه يا ستي أخر حاجه يا ستي أخر حاجه , أه افتكرت , أخر حاجه لما المشروع
يتم و يفتتحوه هقول إنه مشروع فاشل و مالوش أي تلاتين لازمه و السيسي باع لكو الوهم
و بدل ما يعمل محطة طاقه نوويه كان المفروض يعمل ( تنميه للإنسان ) .
.
الهانم : شاطره
يا سنيه , انا مبسوطه منك اوي , هزود لك ماهيتك 20 جنيه ( و 10 كمان عشان حكاية :تنميه
الإنسان دي ) , و هجيب لك جلابيه هديه , بس قولي لي انتي حافظه أوي كده ازاي ؟.
.
سنيه : ماهو يا
ستي ده اللي انا قلته بالظبط يوم حفلة قناة السويس الجديده .
.......................................................................................................................................
Mohamed
Hussein
19
نوفمبر 2015·
رسميا و بحضور
الرئيس , مشروع الضبعه النووي يرى النور , توقيع الإتفاق بين مصر و شركة روس أتوم المملوكه
للحكومه الروسيه .
.
كده بدأنا الحلم
, مشروع عملاق لتوفير الطاقه لجيلنا و الأجيال اللي بعدنا , صاحبك الحمار اياه اللي
بعد افتتاح قناة السويس الجديده بيومين كان بيقول فين بقى دخل القناه الجديده و الدولارات
؟ هو نفسه اللي بكره الصبح هيقول : الكهربا قطعت عندنا , طب عملنا مشروع الضبعه النووي
ليه ؟!
.
و بما إن صاحبك
ده خبير سياسي و اقتصادي بدرجة حمار فهي دي كل معلوماته و فهمه للمشروعات الكبيره
, هي بالنسباله بالظبط كأنك تفتح كشك سجاير قدام جامع السلام , و بعد ساعتين تبدأ تبيع
سجاير و لبان و و بيبسي و زبادي و تكسب بقى و البليه تلعب معاك , عشان كده ممكن تقول
إنه :خبير اقتصادي و بتاع زبادي !! .
.
أه بالمناسبه
, هيقولك كمان إن قرار روسيا بوقف رحلاتها لشرم الشيخ معناها ان روسيا باعتنا و ان
العلاقات بينا بقت زي الزفت , مش بقولك يتاع زبادي .
.................................................................................................................................
Mohamed
Hussein
19
نوفمبر 2015·
ناصر امين
........... عضو المجلس القومي لحقوق الإنسان !!
.
(( لا بديل عن
مؤتمر وطني عاجل لخروج مصر من أزمتها , مؤتمر يشمل كل الأطراف للحوار الوطني , و فتح
مجال للقاده السياسيين للمشاركه في الحياه السياسيه )) .
..........................
.........................
أدي نموذج فج للهبل
لما يتخلط عالشيطنه , و تحسو إن الناس في مصر بتشرب ماية جوزه عالريق و بتعمل بيها
دماغ , او مابتشربش وبتستعبط و تعمل نفسها شربت .
.
1- إسمك ناصر أمين
, بيقولو كل واحد له حظه من اسمه الا معاليك , لا انت ناصر ولا أمين لا مؤاخذه .
.
2- زمن المؤتمر
الوطني ولّى يا مولانا , مصر مش هترجع تاني بنظام القبايل زي الكام سنه اللي فاتو
( و نأخد من كل رجل قبيله ) , دلوأتي فيه حاجه كده بعيد عن السامعين يعني اسمها رئيس
و حكومه و برلمان , صعبه دي على فهمك ؟.
.
3- مش عارف ليه
حوار وطني دي بتفكرني بحوار مجتمعي , هو انت تقرب لجميله اسماعيل أوي كده ؟ يعني مثلا
خوات في شم الكوله ؟ قصدي خوات في الرضاعه ؟.
.
4- مصر مش في أزمه
يا مثقف يا تنين , المجتمع الدولي كله في ازمه و مصر جزء منه , الحل مش حوار وطني و
قاعده و بارتيته و نعمل مجال , الحل ان قيادتنا السياسيه تعرف ازاي في الوقت ده تمشي
على الحبل .
.
5- لو كنت بتقصد
كل الأطراف يعني الإخوان و الإخوان و الإخوان فانا هعمل اني مش واخد بالي و أكيد حضرتك
ماتقصدش الإخوان صح ؟
.
6- مطلوب من جنابك
تقعد على جنب , و حتة بلاستر كده عريض من أي صيدليه ب 2 جنيه و تقفل بيها بؤك , الحركه
دي على فكره هتبقى جزء مهم جدا لخروج مصر من الأزمه الدوليه ( اسمها : فقه الصمت )
.
.
7- ماعندناش قاده
سياسيين , و عهد الله ما عندنا , هو يعني هيكون عندنا و انا هخبيهم ؟ مش كل واحد طلع
في التلفزيون او نزل الميدان او عمل حزب يبقى قائد سياسي , السنين اللي فاتت قالت لنا
كده برضه , كلهم كروت محروقه , حافظين كلمتين بيرددوهم زي البغباغانات و بس , و عمر
البغبغان ما كان قائد سياسي , حتى أيام الجاهليه الأولى و انسان الغاب طويل الناب
.
.
8- لو موضوع الحوار
الوطني ده هيريّح أعصابك و يعملك ريلاكسيشن كده ممكن معاليك تجيب خالد على و انصاره
و حمدين و انصاره ومحمد عطيه و انصاره , و تعزمهم عندكو في المندره و تتكلمو تهرو و
تفتو براحتكو خالص و لما تتعبو تروحو البيت , تستغطو و تنامو .
.................................................................................................................................
Mohamed
Hussein
19
نوفمبر 2015·
مشهد و صوره
.
المشهد لاجتماعات
السيسي في أخر يومين تلاته مع مجلس الأمن القومي و المجلس العسكري و أخيرا وزير الإنتاج
الحربي , واضح ان التعليمات هي إننا نكون مستعدين تماما , الدنيا حوالينا قلق و الصوره
ضبابيه , مش مستعدين عشان نشارك في حرب عسكريه صريحه مع جبهه ضد جبهه ( مصر مش هتنجر
لكده ) , لأ , مستعدين عشان نحمي أرضنا و سمانا , و تحت أي سبب أو أي ظرف مانسمحشي
لكلب أجنبي يهوب ناحية سينا مثلا مهما كان المبرر أو الداعي .
.
و الصوره لشاب
بيلبّس خطيبته الدبله , فجاب حتة قماشه رفيعه كده و علّق فيها الدبله عشان يدخلها في
صباع خطيبته من غير ما يلمسه عشان هي مش حلاله و كده ( لا سحر ولا شعوذه ) , و الله
مرارتي ماهي مستحمله يا كابتن مدحت .
.
المشهد و الصوره
بيقولو باختصار إننا في المستقبل هنكون قدام معركتين , معركه سهله ضد العدوان اللي
بره , و معركه صعبه جدا ضد ( البيض ) اللي جوه !! .
.....................................................................................................................................
Mohamed
Hussein
18
نوفمبر 2015·
تحسو إننا بقينا
كده شبه مصاصين الدماء , اه و الله , الفيس بوك كئيب جدا و نايم في سابع نومه عشان
مفيش قنابل انفجرت النهارده في أي مكان في العالم ولا فيه احتجاز رهاين , ولا ست كلت
دراع جوزها , فماذا نحنُ فاعلون ؟! .
.
الواحد لو فكر
يكتب كلمتين عن الحب والورد و الأمل و بكره و نور ربنا مش هيلاقي جوز لايكات على بعض
, يا عم حب ايه و بولوبيف ايه بس ؟ عايزين دم , عايزين أشلاء , كلمنا عن انفجار حصل
أو عمليه ارهابيه و عشرات القتلى أو حلاق قطع ودن عيل صغير وهو بيحلق له , بلاش دور
عبحليم و محرم فؤاد ده و النبي , خلينا زي ماحنا في دور الأستاذ مليجي .
...................................................................................................................................
Mohamed
Hussein
18
نوفمبر 2015·
أنا و لوجي
.
لوجي : بابا كان
عندي امتحان الميدتيرم بتاع الإنجليش النهارده , امتحنا في كل حاجه , أو إل , و إيه
إل , ديكتيشن , و كومبريهنشن , و ستوري و باراجراف و انجليش ورلد .
.
أنا : انتي في
تالته ثانوي يا لوجي صح ؟
.
لوجي : لا يا بابا
أنا في تالته ابتدائي
.
أنا : طيب , أصلي
كنت باخد الحاجات دي في تالته ثانوي , و لحد تالته اعدادي كده كنت كل اللي أعرفه في
الإنجليزي هو الجمله دي : وات كان يو سي إن زا سكاي ؟ أي كان سي زا سَن أند زا مون
, أه و عهد الله .
.......................................................................................................................................
Mohamed
Hussein
17
نوفمبر 2015·
الحل النهائي
.
عايز تنام النهارده
و لما تصحى بكره تلاقي الإرهاب اللي عندنا ده فص ملح و داب ؟ عايز تفتح الأخبار كل
يوم ماتلاقيش أي خبر عن أي تفجير في مصر ؟ عايز السياحه ترجع و حركة الطيران و الحاله
الإقتصاديه تستقر ؟ عايز التحالف الأمريكي البريطاني يكون راضي عنك جدا و يكتب فيك
قصايد شعر ؟!
.
الحل باختصار لا
هو تظهير جهاز الشرطه و زياده كفائته ( مطلوب جدا بس القصه دي محتاجه شهور ) , ولا
في محاربة الفساد و تنضيف البلد من الفاسدين ( مطلوب جدا بس القصه دي هتحتاج سنين
) , الحل هو كلمتين , الإخوان يحكمو مصر , بس خلاص , سهله أوي أهي .
.
عارف ليه هتتحل
لما الإخوان يرجعو ؟ عشان الإرهاب وقتها مش هيبقى بيضرب فيك , لا أبدا , الإرهاب هيبقى
بيحكمك بس , بيحكم مصر .
.
هبسطهالك , فيه
واحد بلطجي كده كل يوم ييجي يعمل دوشه حوالين بيتك , وقال راسه وألف جزمه لازم ينام
مع مراتك , البلطجي ده وراه بلطجيه كبار , يعني مسنود , و بيتجرأ بقى و يوم يكسر لك
حته في الباب , يوم يحاول يدخل من الشباك , يوم يولّع لك في حته من البيت , و عاملك
صداع و ازعاج و حاجه تقرف يعني , و طبعا بيتك مش مصفح أوي ( ماننكرش انه البيت محتاج
ترميم و شغل كتير ) , هيبقى قدامك حل من اتنين , إما انك تواجه البلطجي و تستحمل شويه
و تسترجل و تنشف و يكون نفسك طويل , او تسلمه مراتك يا جدع و تريح دماغك و تنام نوم
عميق من غير إزعاج , و تصحى الصبح تلاقي تحت المخده جواب متبرفن مرسوم عليه ورد و قلوب
و كلام من اللي يدوّخ مبعوت من صديقك العزيز باراك أوباما .
.
انا اختياري معروف
, هنموت ولا ناكل عيش حاف بس مايحكمناش الأجلاف
.
اختار انت بقى
.
..............................................................................................................................
Mohamed
Hussein
·
17 نوفمبر 2015
حق ( الهري ) ممنوع
..... اعتبرنا فرنسا يا أخي .
.
عمل إرهابي وراء
سقوط الطائره الروسيه في سينا , عبوه ناسفه يدوية الصنع توزاي في تأثيرها 1 كيلو جرام
من مادة تي إن تي .
.
فيه تحقيقات من
يوم الحادث مع مسئولين في مطار شرم الشيخ , و احتمال كبير يكون تورط حد منهم , عسكري
أو مدني , مفيش حد خارج دايرة الشبهات .
.
على أد زعلنا و
خوفنا من اللي حصل و اعترافنا بوجود تقصير أمني و إهمال و مطالبة السيسي بالوصول للجناه
و معاقبة المهملين لازم نكون فاهمين الجمله دي : يعني ايه بتحارب الإرهاب ؟! .
.
1- الحرب ضد الإرهاب
بتختلف تماما عن إنك تكون بتحارب ( حرامية غسيل ) , خصوصا لما يكون الإرهاب ده فيه
دول بترعاه و تغذيه و تخطط له و فيه ناس في الداخل مستعدين يبيعو نفسهم بالمشاركه و
التنفيذ أو بالرشوه و تسهيل المأموريه .
.
2- مهما كانت قدراتك
الأمنيه و مهما كنت صاحي و مفتح عينيك كويس ف ده مش معناه إنك مش هيحصل عندك عمل إرهابي
( الكلام ده في كل دول العالم حتى المتقدمه جدا ) .
.
3- الحكايه أصلها
بتكون نسبيه , يعني لو في سنه اتعرضت ل 100 عمليه إرهابيه و أحبطت 98 منهم و عمليتين
اتنفذو فمعناها ان عندك ثغره أمنيه لكن مش هنعلّق لك حبل المشنقه و نقول الدنيا باظت
و بقت سايبه .
.
4- زي حكاية تهريب
السلاح , كام قطعة سلاح دخلت بلدك و كام عملية تهريب سلاح تم احباطها ؟ كام ارهابي
اتقتلو أو تم اعتقالهم و كام ارهابي فلتو و لسه شغالين ؟ , كل يوم بنقرا أخبار بس مش
بنركز و لا بتهمنا , بنهتم أكتر بجوازة سعيد طرابيك .
.
5- الحكايه كمان
بتقول شوف الصوره كامله في اخر 4 سنين ,و شوف حدودك شكلها ايه ؟ دول الجوار عامله ازاي
؟ ليبيا !! السودان !! و قطاع غزه !! ... انت تقريبا عايش في الخلا و حواليك دول اتحولت
لقبائل همجيه من كل ناحيه , يعني مش حواليك سويسرا و النرويج و السويد .
.
6 - مطلوب من السيسي
الوصول للجناه و محاسبة ولاد الكلب اللي بيلبسونا في الحيطه , عايزين نشوف إعدامات
مش دلع و طبطبه , و مطلوب مننا احنا ك ( مصريين ) دعم الدوله في حربها ضد الإرهاب
.
.
7 - لو كنت كولجي
و متعاطف مع فرنسا و حطيت علمها فانا واثق انك مش هتفهم الكلام اللي فوق ده و هتلاقي
تبرير لدعم فرنسا في نفس الوقت اللي هتشن فيه حرب من الهري و الألش والسخافه على مصر
, مع إن يا أخي اسمك في البطاقه ( احمد السيد إبراهيم البنهاوي ) !!.
......................................................................................................................................
Mohamed
Hussein
16
نوفمبر 2015·
مسرح قمة ال
20
.
المشهد : ليل داخلي
, باراك أوباما يطلع على خشبة المسرح , يكشّر و يعمل نفسه زعلان و مهموم و مستاء أخر
حاجه , يمسك الميكروفون و يقول : المعركه مع داعش طويلة الأمد و سوف نحاربهم و نهزمهم
و ندمرهم .
.
المخرج من ورا
الكواليس : ستوووووووب , كَت , هايل يا أستاذ هايل , اللي بعده .
....................................................................................................................................
Mohamed
Hussein
16
نوفمبر 2015·
حكاية المارد ال
7 راكب
.
ممكن نفهم الأحداث
اللي حصلت و اللي بتحصل و اللي هتحصل كمان
.
1- لازم نقتنع
الأول إن الحكايه مش منظمه أوي , مش معموله بالمسطره و الأله الحاسبه , اللي حط قواعد
اللعبه دي مش مهندس محترف و لا ( مغسّل و ضامن جنه ) .
.
2- من عشرين تلاتين
سنه أمريكا و بريطانيا صنعو مارد اسمه الإرهاب , جابو النواه بتاعته من تنظيم كيوت
كده و حبّوب اسمه جماعة الإخوان المسلمين , من كتبهم و خزعبلاتهم ( معين لا ينضب أهو
) , و من الفكر الوهابي بتاع صوت المرأه و مناخير المرأه و ضرس العقل بتاع المرأه
.
.
3- أمريكا و بريطانيا
قالو حلوه أوي الفكره , و ندمر العرب بإيديهم مش بإيدينا , و احنا قاعدين في التكييف
كده جنب مركز كارتر و منظمة حقوق اللامؤاخذه الإنسان , و نشجب بقى و نستنكر و نقول
كلام من اللي بينتزع أهات الكولجيه .
.
4- بدأ تحالف الشيطان
الأمريكي البريطاني في السيطره على المارد و توجيهه ( أسلحه موجهه عن بعد ) , اضرب
هنا , اقتل هنا , جيش مصر ده كافر , الشيعه كفره , حكوماتكو كافره و انت راجل مؤمن
هتسيبهم كده ؟ ده حتى مايرضيش ربنا يا جدع .
.
5- المارد كبر
أوي و لياقته البدنيه زادت بس كمان بقى خارج السيطره , و الدول و الحكومات طبعا عارفه
قصة المارد و اللي صنعه و اللي بيوجهه .
.
6- مفيش دوله تقدر
على مواجهه عسكريه مباشرة مع بريطانيا و أمريكا , المواجهات المباشره هيطلع الكل فيها
خسران و هتبقى كارثه عالجميع , بدأت دول تانيه تفكر إزاي ترد القلم لتحالف الشيطان
, مالقوش فكره أحلى ولا أجمل من استخدام بضاعتهم و ردها عليهم .
.
7- العنصر الإرهابي
في الأصل بيكون جاهل و متخلف عقليا , حتى لو لقيت صعوبه في السيطره عليه مش هتلاقي
صعوبه في توجيهه , كل الحكايه حتتين سلاح و قرشين حلوين و ممكن حتتين أفيون و الأهم
شيخ بدقن عشان يقنع الإرهابي بتغيير خط السير .
.
8- في الحاله دي
يبقى المارد ده عباره عن عربيه بيجو 7 راكب , ممكن تغير خط سيرها عادي , كانت شغاله
على خط العريش الشيخ زويد , بقت شغاله على خط دمشق بيروت , شويه و مسكت خط باريس ,
و مش بعيد بكره تلاقيها شغاله على خط واشنطن لندن أنقره , قولو يارب .
.
9- السيسي لما
قال أكتر من مره إن مفيش دوله في العالم تستعصي على الإرهاب و لما قال إننا و جنودنا
بنحمي العالم لما بنحارب الإرهاب كان عارف كويس أوي هو بيقول إيه .
...................................................................................................................................
Mohamed
Hussein
15
نوفمبر 2015·
سعيد طرابيك
.
طب يجرى إيه لما
البشر ياكلو لحم البشر ؟! , كلمتين اسمحو لي بيهم عن حقوق الإنسان و التحضر و التمدن
بتاعنا و أخلاقنا الحميده و كمان عن حرية الصحافه و صاحبة العصمه و الصحفي اللي مايتحبسش
بموجب حصانه معينه و تعاطف من أقصى إلى أقصى , معلش , اعتبروني بخطرف
.
1- من كام شهر
لو كنت مشيت في شوارع مصر أو شوارع الفيس بوك و سألت الناس عن سعيد طرابيك ؟ كنت هتلاقي
اجابات نموذجيه , اه ده لاعب في الزمالك , لأ ماعرفوش , ده ناشط سياسي صح ؟ مش ده اللي
بيقدم برنامج على سي بي سي سفره ؟ يعني الخلاصه , أغلب الناس ماكنتش تعرف اسم سعيد
طرابيك , مكانش نجم سيما ولا تلفزيون , مكانش بطل ولا فارس .
.
2- الحكايه بدأت
لما الراجل قرر إنه يتجوز , حلال ربنا يعني , بس حظه انه اتجوز بنت صغيره ( مزه ) و
هنا تحديدا بقى سعيد طرابيك أشهر من عمر الشريف , شهره مالهاش علاقه بفنه ولا اعماله
, إنما لها علاقه بصحته !! , يا ترى هتعمل إيه مع المزه ؟ هي المزه دي بتحبه ولا طمعانه
في فلوسه ؟ هو محتاج كام قرص فياجرا؟ , سعيد طرابيك دخل المستشفى , أه هي المزه جابت
أجله , مش قلناله يسيهالنا بس هو ماسمعش الكلام , باختصار باختصار , سعيد طرابيع طلّع
المعدن القذر اللي جوانا , و أتاري قذارتنا لسه خام و pure
, حاجه كده زي ما كتاب الوساخه بيقول , ما تيجو نتكلم بقى و نهري عن الحريه و حقوق
الإنسان و التمدن والثورات و كده !! .
.
3- و في الصحافه
, إوعى وشك , اثبت مكانك , انت بتكلم صحفى , الحريه للصحفي , أصحاب الأقلام النزيهه
, شعلة النور , نبراسنا في الحياه , مممممممم طب بالله عليك ادخل مثلا عاليوم السابع
أخر شهرين و شوف كام خبر نشرتهم عن سعيد طرابيك ؟ اقرا عنوان الخبر و صيغته و حاول
تمسك أعصابك , و اسأل الصحفى و خالد صلاح سؤال : انتو مخزون القذاره عندكو مش بيخلص
ليه ؟! صحافه دي ولا حمامات رمسيس العمومي ؟!
.........................................
.........................................
بتخيل مشهد عبقري
, لصحفي اتحبس في قضية ( شيك بدون رصيد مثلا ) و الصحفى ده مكانش بيعرف يكتب كلمتين
على بعض ( كتير منهم كده ) , و أخره في الصحافه إنه يكتب خبر عن سعيد طرابيك ( يعني
ياكل لحم البشر ) , و لما الصحفي ده اتحبس اتجمع ناس كتير عالفيس و عملو صفحه اسمها
الحريه لفلان ( على أساس انه اتحبس في قضية رأي ) , الناس دول بالصدفه البحته كانو
هما هما اللي قالو في يوم من الأيام : طب ما سعيد طرابيك يسيب لنا المزه و ياخد عرقه
!! .
.
أهو المشهد ده
بيلخص حالة ناس كتير مننا و حالة جزء كبير من الصحافه .
.
.
.
الله يرحمه سعيد
طرابيك , اقرو الفاتحه للراجل اللي عرّانا قدام نفسنا .
.......................................................................................................................................
Mohamed
Hussein
15
نوفمبر 2015·
إبعت رساله لصديقك
الفرنسي ( فرانسوا ) , و قوله إننا متعاطفين جدا مع الشعب الفرنسي ضد الإرهاب , إنما
يا فرانسوا ياخويا لو كنت معاليك غيرت صورة بروفايلك لعلم مصر مع أي حادث إرهابي حصل
عندنا كنت أنا عملت زيك و زياده شويه , يعني كنت غيرت صورة بروفايلي لعلم فرنسا و اشتريت
2 كيلو جبنه ريكفورد.
.
و ابعت رساله لصديقك
المصري اللي غير صورة بروفايله لعلم فرنسا و قوله اختشي على دمك عيب , و ماترفعشي أي
علم غير علم بلدك , مهما كان حجم المأساه و حجم التعاطف , و إلا يبقى اللي بتعمله ده
اسمه ( كُهْن ) , واسمه الثلاثي في البطاقه : كُهْن السيد محن .
..................................................................................................................................
Mohamed
Hussein
14
نوفمبر 2015·
الحمد لله الحمد
لله , الإرهابيين اللي نفذو تفجيرات باريس و جثثهم اتفحمت لقيو جوازات سفرهم جنب منهم
سليمه و زي الفل , وقالك واحد سوري و واحد مصري , و تقريبا لقيو كمان بطاقة تموين و
كارت ميناتيل في جيب الإرهابي المصري .
.
الحكومه الفرنسيه
مزنوقه في حتة حشيش , و واضح إن فرنسا بتكمل مسيرة بريطانيا بتاعة طيارة الديلي ميل
.
.
بص يا عم هولاند
, انا مش بستبعد طبعا وجود إرهابي مصري , مالارهابيين عندنا أكتر من الهم عالقلب ,
إنما هقولك على حاجه ماتعرفهاش عن مصر , في مصر يا مولانا لما عيل صايع بيشتغل حرامي
غسيل و يبقى ماشي كده تحت بلكونة ست أم شوشو , و روحه تهفهف على حبل الغسيل بتاعها
و يقرر إنه يسرقه بيبدأ يجهز العده , و قبل ما يجهز الفسبا و المطوه و الشراب اللي
هيلبسه في راسه بيتأكد كويس جدا إن جيبه مفهوش بطاقة ولا أي حاجه تثبت شخصيه , ده حرامي
الغسيل الهاوي , و بيبقى راجل ارزقي على باب الله , يعني لا تدريب ولا تخطيط ولا وراه
منظمات و لا حكومات بتدعمه , أظن الرساله كده وصلت ؟.
...............................................................................................................................
Mohamed
Hussein
14
نوفمبر 2015·
تلخيص البهاريز
في تفجيرات باريز ........... كسّرو التوابيت
.
1- 172 قتيل و
مئات الجرحى في قلب عاصمة النور و الحريه , لو حد قالك دول بيعملو كده عشان تبقى ذريعه
يدخلو بيها سينا رد عليه بالمنطق اللي يستاهله ( بس اتأكد ان عندك جزمه تانيه الأول
) .
.
2- عملية اقتحام
المسرح أسفرت عن مقتل جميع الرهائن و عددهم 112 تقريبا , بس حاول تركز , كده النتيجه
loss بنسبة 100% , بطّل بقى تتفرج على أفلام غربيه عن
تحرير الرهائن و التفاوض و ال negotiator
و تصدق إن الغرب دول جامدين أوي و بيمشو عالحيط .
.
3- رد الفعل العالمي
كان سريع جدا و كله في اتجاه واحد , دعم فرنسا في مواجهة الإرهاب , حتى بان كي مون
, إنما عندنا في مصر لما بيحصل إرهاب بيطالبونا باحتواء الإرهابيين و نبوسهم من بؤهم
, بان كي مون مأعربش عن قلقه لما عساكرنا ماتو في الإرهاب إنما أعرب عن قلقه من حبس
صحفي مش فاكر اسمه ( و لا بان كي مون فاكر اسمه ) .
.
4- الرأي العام
الفرنسي و العالمي مش هيقول تقصير أمني ولا هيقول ظابط التأمين كان بيلعب كاندي كراش
, الكلام ده بيتقال عننا احنا بس .
.
5- عملية احتجاز
رهائن في المسرح و قتلهم تمت بجوز ارهابيين , بالكتير جوزين , وفي قلب باريس اللي فيها
عساكر تسد عين الشمس ( داحنا لنا الجنه و الله ) , طبعا الإرهابيين دول وراهم بالتأكيد
محرض و مخطط رئيسي غالبا جهاز مخابرات دوله تانيه , إنما واد جدا كمان يكون فيه تواطئ
من أفراد شرطه , محدش هيجيب سيرة الكلام ده , برضه عندنا احنا بس يتقال إن ظابط الشرطه
ممكن يرتشي أو يخون بلده إنما ظابط الشرطه الفرنسي بيبيع سبح وسجاجيد صلاه .
.
6- التفجيرات المتزامنه
في أكتر من مكان في قلب العاصمه ممكن يكون ترجمتها إن باريس خارج السيطره الأمنيه
, و مع ذلك مفيش دوله هتحذر رعاياها من السفر لباريس , و لا هتوقف طيرانها و لا هتسحب
السياح ...يارب تكون فاهم .
.
7- مفيش كولجيه
في فرنسا و بالتالي هتلاقي الكل مشغول بدعم الدوله في مواجهة الإرهاب , و صدقني بقى
, و عهد الله لو ظهر عندهم راجل أقرع و بنضاره و قالهم : طب نحتوي الإرهابيين و نتفاوض
معاهم , أصلهم فصيل وطني , طب نفكر في حل سياسي , و عهد الله هيتقتل على إيد أجهزة
الأمن و يتصور فيديو و هو بيتقتل و برضه مفيش حد هيتعاطف معاه , لا من الشعب ولا الإعلام
, حكاية المصالحه مع إرهابيين دي اسمها ( علم البلاله ) , و ده علم جديد لانج و احنا
اللي اخترعناه .
............................................................................................................................
Mohamed
Hussein
14
نوفمبر 2015·
انفجارات في قلب
باريس العاصمه , 40 قتيل و أكثر من 50 جريح , خلى بالك بس , باريس دي تبع دوله من دول
العالم الأول , اللي هي القمه , مفهاش امين شرطه بيتكرمش له 20 يورو و يعدّيك و لافيه
جهاز شرطه فاسد و مترهل , و فيها كاميرات مراقبه في كل مكان في الشوارع حتى الحمامات
.
.
يا ترى الكولجيه
الفرنسيين هيهرو في ايه النهارده ؟ أكيد هيطالبو باسقاط حكم العسكر !! .
..........................................................................................................................
Mohamed
Hussein
13
نوفمبر 2015·
حكاوي القهاوي
.
.
انا اسمي صفوان
و ضد الإنقلاب و كان ليه جاره مؤيده للانقلاب و بتكرهني جدا , لحد ما في يوم هي اللي
وقفتني في الشارع وقالت لي البلد رايحه على فين يا أستاذ صفوان ؟!! .
.
وانا مروه ,
21 سنه , بابا كان مش بيكلمني عشان انا حاطه صورة البرادعي و مش بحب السيسي و ضد حكم
العسكر , لقيته النهارده الصبح بيقولي يا مروه يا بنتي حقك عليا , انتي صحيح صغيره
بس طلعتي أعقل و اذكى مني , انا هنزل معاكو في 25 يناير .
.
وانا جعيضي من
أسيوط ليا واحد صاحبي اسمه عوضين , عوضين ده كان كل يوم يقابلني عند الساقيه و يقعد
يوجع دماغي بحكاوية عن السيسي , لقيته النهارده جاي لي و بيقولي يا جعيضي انا محقوق
لك , احنا لازم ننزل الشارع , مفيش امل في السيسي , لازم نجيب خالد على أو يسري فوده
يحكمو مصر , مش هقدر استنى ليوم 25 يناير , ننزل من بكره .
.
وانا نانسي ,
18 سنه و عيوني زرقا , طولي 165 و وزني 65 كيلو , مش بحب السيسي و كل يوم بقوله بكرهك
بكرهك بكرهك , و من شويه رن عليا فوفو و توتو و قالو لي احنا كمان بنكره السيسي و لازم
يحكمنا راجل كده زي محمد عطيه .
.
هههههههههههههههههههه
الحقيقه , الفيلم اللي فوق ده اتهرس مليون مره قبل كده ,و له تفسير عندي , هو حالة
إفلاس عند الكولجيه , عايزين يشجعو بعض و يحسسو بعض انهم هيبقو كتير لما ينضم ليهم
عوضين ( اللي عايش في الأردن ) و فوفو و توتو ( اللي عايشين في اوضة النوم ) , و أبو
مروه ( اللي مات من 9 سنين ) و جارة الأستاذ صفوان اللي عمرها ماكلمته و أخر معرفته
بيها إنه بيبص عليها كل يوم تلات من ورا الشباك و هي بتنشر الغسيل .
......................................................................................................................................
Mohamed
Hussein
13 نوفمبر
2015•
.
هي اللي فيها جحور
جوّه و من بره
مصر اللي شالت
حِمْلها
بيكفّي كام قاره
.
و فيها شاب عويل
( يويو ) و مش
عاجبه
قالع في توب الخشا
رافع خطوط حاجبه
.
حالف تكوني رماد
حبّة تراب أطلال
ماشافشي لمبة خطر
و لا شافشي من
غربال .
.
يا مصر قومي اضربي
مايجوشي غير بالضرب
يا مصر قومي انطري
شلّة ولاد الكلب
.
.
محمد حسين
ليست هناك تعليقات:
إرسال تعليق