Mohamed
Hussein
6
أغسطس 2015·
العيال اللي أول
ما بدأت أوبرا عايده دخلو على صفحاتهم و كتبو عن جمال و عظمة الأوبرا و الفن الأوبرالي
على أساس انهم فاهمين كل حاجه و كده و إنهم مولودين في ميدان الأوبرا و جايين الدنيا
دي بصرخه أوبراليه عميقه من الشمخ الجواني , العيال دي مش هتورد على جنه , بيفكروني
بالبت بالمزه اللي كانت مع أحمد حلمي في الفيلم و بتقول له ( بونّييييييي , و المحشي
انا حشيتهولك صوبع صوبع ) , يابني خليك طبيعي كده و سيب ايدك و ابتسم و بص للكاميرا
و قول مش فاهم مش فاااااااااااااااااهم و انت بتضحك , ما كلنا مش فاهمين أي حاجه في
أوبرا عايده دي وبنضحك أهو , عايده ذات نفسها مش فاهمه أي حاجه في الأوبرا .
.
طب أقولك على سر
؟ مشهد كده شوفته بس انت أكيد ماخدتش بالك , عبد الفتاح السيسي بعد ما أوبرا عايده
بدأت ب 3 دقايق كان زهق و اتخنق , قام مطلّع التابليت من جيبه و قعد يلعب كاندي كراش
, و على بال ما عايده خلصت الفقره بتاعتها كان هو عدّى 3 ليفل , قام مخبّي التابلت
بسرعه و مسأّف لهم .... أه صدقني .
...............................................................................................................................
Mohamed
Hussein
6
أغسطس 2015
·
أه بنحتفل بافتتاح
الترعه , و في حيثيات احتفالنا بالترعه دي قدر السيسي انه يقنع قادة العالم و رؤساء
الدول و الحكومات من الشمال و الجنوب و الشرق و الغرب انهم ييجو يحضرو افتتاح الترعه
( الناس دي كلها اساسا تخصص احتفالات ترع و مصارف ) , و قدر يقنع حاكم دبي ( بيفهم
ايه في الإقتصاد ده ؟ ) و دبي دي تطلع فين عالخريطه ؟ و قدر يقنع ميدفديف بتاع روسيا
بالترعه بتاعتنا , و قدر يقنع فاروق الباز و احمد زويل ( و الناس المتخلفين دول )
, و قدر يقنع سبعين تمانين مليون انهم يعتبرو النهارده عيد خاص مع اننا بنحتفل بترعه
و قدر يقنع بتوع الإعلام و الرياضه و الطب و الكيميا و القضاء و الدره المشوي و كل
طوائف المجتمع .
.
ده حتى السيسي
خلّص على كل الأحياء و قدر يقنع الأموات انهم يحضرو ( بذمتك مش انت شوفت صورة الببلاوي
في الحفله ؟ مش الراجل ده مات من 4 شهور ؟ أهو ربنا يديله الصحه بقى , صحته جت على
افتتاح الترعه و سبحانك يارب ) .و قدر السيسي يقنع الألاف من الشباب اللي بيبيعو أعلام
مصر انهم يقفو في الشوارع و انهم هيبيعو كتير أوي و هيكسبو أد كده بمناسبة احتفالنا
بافتتاح الترعه , و قدر يقنع عمر خيرت إنه يتألق في الحفله بتاعة الترعه , و قدر يقنع
بلكوناتنا انها تعلّق العلم فيها , و لعلمك , سهل جدا عالسيسي انه يقنع ميسي ييجي يلعب
في الزمالك الموسم الجاي ببلاش عشان نضمن الدوري عندنا .
......................................................................................................................................
Mohamed
Hussein
6
أغسطس 2015·
و لما نحب نفرح
بنفرح .
.
- حفل افتتاح يليق
بحدث عظيم , بس مش الإحتفال بالحدث العظيم كان هو لوحده الهدف .
.
- السيسي لبس زي
عسكري في الأول , راكب يخت المحروسه و بيحيي الناس و الحضور و العاملين في المشروع
و الجنود من فوق اليخت , الحكايه دي استمرت ييجي ساعه , كان فيها السيسي هدف مكشوف
تماما في مكان مفتوح من كل جهه ( دي رساله ) !! .
.
- استعراض للقوه
العسكريه , الطائرات الحربيه المصريه عامله مظله فوق السيسي و القطع البحريه بتأمنه
في المايه , عارف يعني إيه تأمن رئيس و وفود من 100 دوله اجنبيه لمسافة عشره خمستاشر
كيلو في البحر و البر و الجو و لمدة كذا ساعه ؟ ( دي رساله ) !! .
.
- انتصار السيسي
ظهرت النهارده كواحده من ألاف الحضور , عشان الحدث كبير و يستحق و أغلب ظني إنها مش
هتظهر تاني قبل حدث كبير مشابه , يعني مصر بالنسبه للسيسي مش عذبه وارثها , و السيده
الفاضله انتصار السيسي لا في يوم من الأيام هتمارس نشاط سياسي ولا ابنها هيمسك لجنة
السياسات .
.
- الراجل من سنه
قال هجيلكو بعد سنه عشان افتتح المشروع ده , تعملو ايه بقى تتصرفو ازاي تعملو شألباظات
مش مشكلتي , انا جاي بعد سنه و اهو جه و افتتح المشروع ( مطلوب مشروعين كمان ياريس
واحد زراعي و واحد صناعي بنفس الحجم و بسقف زمني محدد ) .
.
- في القاهره و
المحافظات أعلام مصر بتتباع كل 20 متر , و متعلقه على كل عمود و بلكونه , و كل واحد
بيحتفل بطريقته , مثلا في كارفور اللي عند المطار واد حلواني حريف عمل تورتايه كبيره
على شكل سفينه بكل تفاصيل السفينه اللي بتبان للناس و كتب عليها قناة السويس الجديده
, كل اللي دخل كارفور صوّر التورتايه اللي عملها الفنان .
.
- تحس ان الناس
كانت جعانه للفرحه و الضحكه بعد سنين من المعجنه و الفرهده و الغم و اعتقادي ان ده
الهدف الأول من احتفال النهارده .
.
ماهو لو انت بقى
مصدق ان اللي بنحتفل بيه هو ترعه يبقى لازم كمان تصدق إن السيسي مسيطر على كوكب الأرض
, على الدول و الأشخاص و العقول , سيطره تامه , ماهي ماتجيش غير كده .
...........................................................................................................................
Mohamed
Hussein
5
أغسطس 2015·
يا حزومه يا حبيبي
, سويسرا دي دوله بتعتمد في جزء كبير من اقتصادها على استثمار أموال المودعين الأجانب
, اللي اغلبهم من منطقة الشرق الأوسط , و دي مليارات متلتله , عشان كده سويسرا عندها
قرأنها وإنجيلها و دستورها و دينها كله عباره عن كلمتين اسمهم ( السريه التامه ) ,
و إلا سمعتهم تنضرب و بكره الصبح يلاقو نفسهم فستك و بيشحتو عندنا على باب السيده
.
.
فلو يعني حضرتك
مصدق ان وزيرة الماليه السويسريه طلعت قالت مصر اتهرب منها 60 مليار دولار في 3 شهور
ببصمة الصوت فانت حاجه من اتنين اما انك ابن تيت و عارف انت بتعمل ايه كويس و دي تبقى
مصيبه أو انك حمار ومش فاهم أبجديات أي حاجه في أي حاجه و دي تبقى كارثه و تبقى انت
ابن تيت برضه .
.
طب تعالى هحكي
لك عن خبر هو قنبلة الموسم , من يومين طلعت وزيرة الخارجيه السويديه ( مارجو والستروم
) و قالت انها كانت في زيارة عمل لألمانيا و هناك قابلت المستشاره الألمانيه أنجيلا
ميركل , و عملو جلسة مباحثات مغلقه , و بعد ما خلصو كلام في السياسه كانت الساعه
11 و 7 د بتوقيت جرينتش قامت المستشاره الألمانيه بدأت تتحرش بالوزيره السويديه و قالت
لها : ما كفايه كلام في السياسه بقى , انتي بصراحه جسمك عاجبني أوي , و بتقول وزيرة
الخارجيه السويديه انها حاولت تتعامل مع الموقف بهدوء و افترضت ان المستشاره الألمانيه
سكرانه مثلا و ستر ربنا إن دخلت عليهم الطبيبه الخاصه بميركل و قالت لها إن معاد جرعة
الدوا بتاع الدهون الثلاثيه بتاعها دلوأتي !! .
.
هههههههههههه طبعا
الخبر اللي فوق ده فطشه وانا لسه مألفه حالا , بس انت ممكن تصدقه عادي , أما انا فممكن
في خبر زي بتاعة السويد احط احتمال ولو 1 في المليون , إنما في خبر سويسرا احط احتمال
صفر .
.
ارجع بقى للخبر
بتاع المزه السويديه هتلاقيني كتبت اسمها ( ماكنتش عارفه و جبته من جوجل ) و اخترت
اسم المستشاره الألمانيه باعتبارها ممكن ييجي منها ( تحسها مستدكره شويه ) و كتبت توقيت
( عشان الدقه ) , و دخلت عنصر الطبيبه الخاصه ( شوية ساسبينس ) , وكتبت عن دوا لمرض
معين غالبا بتعاني منه ميركل , و كده يبقى الخبر كله افتكاسه معموله صح .
.
عرفت الشغلانه
بتمشي ازاي يا قيادي يا ثورجي ؟ قولي بقى : كنتو عايزين تحكمو البلد إزاي يا مجتمع
يا مدني ؟!! .
.................................................................................................................................
Mohamed
Hussein
5
أغسطس 2015·
أيمن نور و حازم
عبد العظيم , بيقولو مصر اتهرّب منها 60 مليار دولار ( و في روايه اخرى 65 , عليا انا
ب 70 ) في أخر 3 شهور , والفلوس اتهربت ب بصمة الصوت !! , أي هري في الحماده , و حلوه
جملة بصمة الصوت دي عشان بتعجب الجماهير و تنتزع الأهات زي حكاية التعبان الأقرع بتاعة
المشايخ .
.
أهم الإتنين دول
نموذج ابن تيت لأم الرموز السياسيه عشان مولانا بتاع المجتمع المدني و حكم المجتمع
المدني و غمازات المجتمع المدني يتهد بقى و يركن على جنب .
.
انا كنت هصدقهم
لو قالو الفلوس دي اتهرّبت في شكاير أو زكايب على عربيه نقل تريله ماركة سكانيا و قد
شوهدت العربيه السكانيا رقم 56734 تتحرك بزكايب الفلوس من أجا في طريقها إلى بنها و
تجاوزت كمين كفر شكر دون تفتيش وهو ما يعني تواطئ من الحكومه المصريه و الكونستابل
مع المهربين , كده يعني تبقى الحكايه محبوكه و فيها عنصر ال ساسبينس .
.
قال 60 مليار دولار
اتهربو من مصر , يابني داحنا بنكح تراب , و مصر لو اتهرب منها 10 مليار دولار بس مش
60 هنصحى من النوم نلاقي الدولار ب 120 جنيه , والتوكتوك اللي بنستورده من الهند ده
يبقى ب نص مليون و يبقى مشروع مناسب جدا حصريا و فقط لرواد مارينا و ماراقيا ( هما
دول اللي يقدرو على تمن التوكتوك وقتها ) .
.
انما الكلبين دول
عارفين هما بيعملو ايه كويس , أي خبر فكسان يفيد إن المستثمرين بيهربو من مصر و إن
الوضع الأمني ضايع و الإقتصاد هيروح في شربة ماية , بؤين حلوين قبل افتتاح القناه
.
.
و طبعا جميل ان
حازم افندي ينسب الكلام لوزيرة الماليه السويسريه ( اللي منشور ك خبر على المواقع الإخوانجيه
المشبوهه ) , على اساس ان الست دي بتلعب في مناخيرها و بتطلع تقول جالنا كذا مليار
من الجهه الفلانيه , دي كده مش تبقى وزيرة مالية سويسرا كده تبقى نبطشي أفراح , وصل
وصل وصل , أفندينا وصل , و عندك 60 مليار شمعه من المعلم الكبير في مصر .
.............................................................................................................................
Mohamed
Hussein
5
أغسطس 2015·
لو كنت انا الريس
بتاع مصر و المساعدين بتوعي جابولي مشاكل البلد مكتوبه في ورق ومجلدات اكوام اكوام
و قالولي اقراها ياريس و قريت .
و بعدين جابولي
شوية فيديوهات للنخبه السياسيه و الاعلاميه و قالولي اتفرج عليها يا ريس و اتفرجت
.
.
كنت طلبت من الساعي
يجيب لي فنجان قهوه عالريحه و فتحت اللابتوب بتاعي و جبت كوبليه واحد من اغنيه من اغاني
ام كلثوم اللي بحبها و اول ما تيجي القهوه اشغل الاغنيه و اولع سجاره و قبل ما ينتهي
الكوبليه و قبل اخر شفطه في الفنجان و اخر نفس في السجاره اكون كتبت استقالتي .
استقاله مسببه
مكتوب فيها ... اسف جدا انا عايز اعيش
.
يا جدع عز ايه
و جاه ايه انا اصلا اقصى احلامي و غاية المراد بالنسبالي اني انام تحت جميزه في بلدنا
..اعمل شبشبي مخده و هوا العصاري يلفحني .
..................................................................................................................................
Mohamed
Hussein
4
أغسطس 2015·
ساعتين و ساعتين
.
ساعتين اتنين تقعدهم
قدام قنوات التلفزيون و انت تعرف مبارك ساب لنا ايه بعد حكم 30 سنه , اعلانات عن خبير
الأبراج و عالمة الفلك المغربيه المزه , اعلان عن طقم حلل فيه صواني مش بس كده ده فيه
كاسات و معالق كمان و معالق جمع معلقه !! , اعلانات عن الفرق بين الصورتين و عيل خواجه
بيقدم البرنامج و اتصل حالا و هات فلوسك ياهبل يابن الأهبل بس انت ممكن تكسب و انا
مش خواجه بس بحترمهم , فيلم هايف و سيناريو حقير و فرح يعني لازم الخمره و الراجل اللي
بيشرب حشيش و رقاصه نص لبه و عيل سكران و المؤلف نسي يحط العريس و العروسه في السيناريو
, إعلان عن علاج البواسير باستخدام زبل العصافير و قال رسول الله صلى الله عليه و سلم
ماعرفشي ايه كده .
و لو بتشوف حلم
أو رؤيا اتصل بالشيخ فلان و مش هتندم ده واخد دكتوراه من جامعة سيدنا يوسف , اشتري
بقى علبة سمنه بطعم الزبده الفلاحي مع انها سمن صناعي بس و حياة الست الوالده بطعم
الزبده الفلاحي .
و الأن لعلاج الضعف
الجنسي حبوب مخالب الأسد الأفريقي اليتيم , مستوحاه من خير الطبيعه و من خير زمان وولاد
رجب .
.
.
و ساعتين تقعدهم
قدام الفيس و انت تعرف البرادعي و عمرو حمزاوي و الأسواني و بلال فضل و ابو الفتوح
و وائل قنديل عملو ايه في شباب الكولجيه المثقف فحت و ردم , الشعب ده أصلا معر* , و
ابويا و أمي معرص** و أغبيا , بيخلوني اضرب راسي في الحيط و مش بيفهمو حاجه , و ده
جيل عره , الشعب العبيط فرحان بالتفريعه اللي اتعملت بفلوسه , الجهل يسيطر على كوكب
الأرض و السيسي قدر ينقل التعري* لرؤساء الدول الأوروبيه , القادم أسود و السواد حالك
, و حالك يعني ضلمه كحل و الكحل بيتحط في العين و المعرص** هما اللي قالو العين ماتعلاش
عن الحاجب و الحاجب ده بتاع المحكمه و المحكمه فاسده و القاضي فاسد و اللانشون فاسد
و بيجيب سرطان , هو السيسي مش كان يشوف حل للسرطان بدل ماهو فرحان بالترعه اللي عملها
؟.
........................................................................................................................
Mohamed
Hussein
4
أغسطس 2015·
ربنا يكمّلها بالستر
و يتمها علينا على خير , اللهم أمين , من كُتر الحاجات اللي بشوفها و بقراها عن نوعية
و حجم و شكل التأمين في افتتاح القناه الجديده بتخيل إن لو واحد راح هناك و هرش في
مناخيره هرشه كده مش طبيعيه هيلاقي الرافال فوق راسه و الفرقاطه ( فريم ) باعته قذيفتين
يقفو على باب مناخيره , و رساله من قائدها بتقول : نهرش لك احنا يا باشا و بلاش تتعب
نفسك .
ف بقول يعني لو
كنت من النوع اللي بتجيلك الهرشه دي من غير معاد و لا سابق معرفه خليك قاعد في بيتكو
احسن .
.
طب هي مصر و جيشها
يقدرو يأمنو حفل زي كده ؟ حفل فيه وفود من اكتر من 100 دوله , و عندنا ارهاب و ديابه
جوه البلد ؟ أه يقدرو , و الحكايه أصلها بسيطه , في 4 سنين فاتو فيه جيوش عربيه وقعت
زي ورق الشجر في فصل الخريف , أو زي سجاده تقيله و اتنشرت على حبل غسيل دايب , مع انك
لو بصيت للدول دي هتلاقي حجم الديابه اللي جواها يادوب بالكتير يساوي حجم الديابه في
الجماعه الإرهابيه في مصر فرع إمبابه .
.
اللي قدر يحفر
القناه في وقت قياسي يقدر يأمنّها كويس أوي , ربنا معاهم و معانا , و إيده دايما سابقانا
.
...............................................................................................................................
Mohamed
Hussein
3
أغسطس 2015·
أيمن نور : الحل
هو إن الريس مرسي ( البهلول يعني ) يرجع يحكم مصر , و يكمل مدته أو يعمل انتخابات مبكره
أو يتنازل عن الحكم لرئيس مدني ( أه و يكون أول حرف من اسمه عبد المنعم أبو الفتوح
) !! .
.
بص يا أيمن ياخويا
, هو انا عايش على احتمال إني في يوم من الأيام أبقى أجمل من أحمد عز و كل يوم أصبّر
نفسي و أقول هانت , و اهو ربك قادر على كل شئ , إنما حكاية إن مرسي يرجع دي فمن تاسع
المستحيلات , إنما الحاجه اللي ممكن تتحقق فعلا و بتمناها هو انك ترجع لمدام جميله
اسماعيل ( كانت ساعة شيطان يا جدع و راحت لحالها ) , أه ترجعو لبعض , و اهو بالمره
هي تفتح معاك حوار مجتمعي و انت تقول لها مرسي راجع و تعيشو مع بعض بقى و ده يبقى أفضل
عقاب ليكو إنتو الإتنين .
...............................................................................................................................
Mohamed
Hussein
3
أغسطس 2015·
ممكن نتفق أو نختلف
على طريقته في الإداره , على نجاحه فيها أو فشله , نقول له مبروك يا عمنا انت فعلا
جبت لنا أم الدوري من أم ديله بعد ما كان نَفَس أمنا اتقطع .
.
لكن مفيش اتنين
في الكون كله يختلفو على إن مرتضى منصور هو شخصيه سيكوباتيه بامتياز , ده هو أساسا
الماده الخام للسيكوباتيه raw
material
, و ممكن يتعمل عليه رسايل ماجستير و دكتوراه و يتألف كتب عن وصف سيكوباتيه مرتضى منصور,
الدكتور أحمد عكاشه محتاج عصريه بحالها عشان يوصف الشخصيه دي , حاجه كده من نسل معمر
القذافي و اسمه ايه المرزوقي رئيس تونس السابق اللي عنده هسهس على طول .
.
مرتضى منصور هو
نموذج حي لل ( أنا ) لما تكون ماشيه على رجلين , و عشقه للأضواء و الشهره أكتر من عشقي
لصوت أم كلثوم وعيون صوفيا لورين ( مشيها عيون صوفيا ) .
.
يتهيألي الراجل
ده قبل مايموت هيكون كاتب لمراته قايمه باسماء الناس اللي لازم تحضر جنازته , المستشار
فلان و القاضي الفلاني و الوزير فلان و طبعا رئيس النادي الأهلي , و بعد ما يموت بليلتين
هييجي لمراته في المنام و يقول لها قولي لي يا وليه مين ماحضرش الجنازه بتاعتي ؟ و
ازاي المستشار فلان مايجيش ؟ هو نسي أفضالي و جمايلي عليه ؟ و بعدين ده منظر مقرئ تجيبوه
يا ولاد التيت ؟ بقى مرتضى منصور أصغر قاضي في تاريخ البشريه مايجيلوش محمد رفعت و
لّا عبد الباسط عبد الصمد ؟.
.................................................................................................................................
Mohamed
Hussein
3
أغسطس 2015·
هههههههههههههههه
مش هو نادر بكار يادوب بقاله يومين في هارفارد ؟ أهو ممكن بعد البؤ بتاع الرافال ده
يروح بكره الجامعه و يلاقي مسئول طالبه في مكتبه :
.
المسئول الامريكي
الهارفاردي : مستر نادر , كونجراتيوليشن ماي سَن , مبروك إنت خدت المجاستير خلاص و
أدي الشهاده اهي يعني ال سيرتفيكيت مختومه و متوثقه .
.
نادر بكار : بس
انا يا خواجه لسه يادوب داخل الجامعه لا فتحت كتاب ولا كراسه و لا عارف الألف من كوز
الدره ؟
.
المسئول الأمريكي
: أند سو وات ؟ إنت أساسا عبقري يعني genius
, و الجامعه بتقدر العباقره و الجينياسيون أمثالك , ده كفايه يا راجل الكلمتن اللي
قلتهم عن الرافال .
.
نادر بكار: و الله
يا خواجه مش عارف أقول لحضرتك ايه ؟ ألف ألف شكر , ثانك يو فيري ماتش , جزاك الله خيرا
و جعلكم دائما ذخرا للإسلام و المسلمين يعني support لينا .
.
المسئول الأمريكي
: بليز ويت مستر نادر , لسه المفاجأه ماخلصتش , احنا عندنا في الجامعه عرض خاص لحضرتك
SPECIAL OFFER , انت بس لو تطلع تقول بؤين حمضانين عن ال NEW SUEZ CANAL ممكن نديك الدكتوراه كمان و اهو تاخدها مع الماجستير
في ايدك و انت مروح يعني IN YOUR HAND
لا و الله أقصد يور هاند مش يور حاجه تانيه .
.
نادر بكار : بجد
يا خواجه ممكن أخد الدكتوراه دلوأتي ؟
.
المسئول الأمريكي
: أوف كورس , طبعا طبعا , أما بقى يا معلم لو عايز ربنا يفتح عليك أبواب الجنه في الدنيا
يعني أبواب البارادايز تبقى تطلع و تقول ان اللي حصل في مصر كان انقلاب و السيسي سفاح
, ساعتها مش أقل من جايزة نوبل للسلام NOBEL PRIZE
, و تعيش بقى و تدلع نفسك , مش انت عندك نضاره قعر كوبايه و حساب على تويتر ؟ .
.
نادر بكار : أقول
يا باشا أقول , دانا تبع الحزب السلفي يعني تبع مرعي بتاع الكليمه و بركب مع الراكب
, إنت أساسا لو عايزني أقول ان الأطفال الفلسطينين هما اللي بيرمو جتتهم قدام مدافع
أشقائي الصهاينه والله ما اتأخر .
.
المشهد الأخير
: نادر بكار يطلب من المسئول الأمريكي طبق رز بلبن و ياكله و ينهمر بدموع الفرحه و
( يسجد سجده للمولى سبحانه و تعالى ) .
..................................................................................................................................
Mohamed
Hussein
2
أغسطس 2015·
يابني هي خطوات
والله و بالترتيب كده , صلي عالنبي عليه الصلاة و السلام
.
رقم 1 : نادر بكار
يقعد يلف عالموالد و الأفراح و حفلات الطهور و ياكل رز بلبن و فته , و يروح يدور على
شغل في التوحيد و النور يقوم يقابله صديق قديم من بتوع قعدات الرز بلبن و يقول له
: ما تيجي تشتغل معانا متحدث رسمي باسم الحزب بس والنبي يا شيخ حاول تستحمى .
.
رقم 2 : تحصل ثوره
و معجنه و طوب الأرض يتحول لزعيم سياسي , و ابو دقن يركب على ابو حظاظه و ابو حظاظه
يسيب ابو دقن راكب و ابو دقن يطلّع من جيبه حكاية التعبان الأقرع و السحليه أم غمازات
و الناس تخاف و تقول حاضر حاضر , هو احنا يعني هنغضب ربنا ولا يعني هنغضب ربنا .
.
رقم 3 : جامعة
هارفارد تعمل منحه مجانيه لنادر بكار عشان يحضر الماجستير في الإداره و العمل السياسي
و الإجتماعي و القياده و ازاي يبقى قيادي و مدير و سياسي و نجار مسلح و مدرس فرنساوي
لحد ما نجيب مدرس فرنساوي .
.
رقم 4 : نادر بكار
يطلع يقول صفقة رافال دي مضروبه و الطيارات الرافال فتيسها بيقفش و بما اني مدير و
قيادي و مدرس فرنساوي و خبير عسكري و بتاع رز بلبن سابقا ( و معايا شهاده من جامعة
هارفارد بتقول كده ) فانا شايف انها صفقه مضروبه .
................................
................................
الحكايه بتقول
ان نادر بكار هيبقى ابن هارفارد و هارفارد في النهايه بنت أمريكا و أمريكا بنت الصهيونيه
العالميه و الصهيونيه العالميه بنت وس*** ..... أهي دي بقى اللي بيسموها ( شجرة العيله
الواطيه ) .
............................................................................................................................
Mohamed
Hussein
2
أغسطس 2015·
قناة إخوانجيه
إرهابيه في تركيا وقفت البث بتاعها بعد ما بقى أيمن نور ( زعيم حزب غد اللامؤاخذه الثوره
) رئيس للقناه .
.
أهو أيمن نور ده
لما اترشح قدام مبارك كنا فاكرينه حاجه كده ليها لازمه في الحياه , أهو طلع أخره يمسح
جزمة المرشد و يعمّر بوابير الجاز .
.
و كلهم ب ( يمارسو
) الجهاد من ( وراء ) البحار , يعني زيه زي وائل قنديل و علاء صادق وزي البت الخياطه
اللي سافرت بلاد بره عشان تشتغل و بتاخد 20 ألف دولار في الشهر عشان بتخيط ب مكنتها
.
....................................................................................................................................
Mohamed
Hussein
2
أغسطس 2015·
حرق رضيع فلسطيني
على يد متشددين صهاينه هو عمل اجرامي بشع لا يقبله عقل و لا دين , أتوقع من حركة فتح
أن تشجب و تستنكر و تطلب التدخل من مجلس الأمن و الأمم المتحده و الإتحاد الأوروبي
و الفيفا , و أتوقع من حركة حماس أن تخرج عن شعورها و تهدد بتصعيد عسكري جديد ضد الجيش
المصري !! .
.
و ابقى سّلم لي
على قضيتك الفلسطينيه يا اسماعيل بيه .
.............................................................................................................................
Mohamed
Hussein
1
أغسطس 2015·
السيد الأستاذ
رئيس حي المرج ............. تحيه طيبه و بعد
.
بصراحه كده انا
زعلان منك و مقموص و واخد على خاطري , بقى يا راجل انزل من عالدايري نازلة المرج مالقاش
أكوام الزباله في مكانها ؟ طب تصدق بالله ؟ انا حسيت اني توهت , ماهو لما مبقاش فيه
أكوام زباله معالم الشارع اختلفت تماما و حتى شكل البيوت و انا قلت المكان ده انا مانزلتش
فيه قبل كده , اكيد يعني أنا نزلت نزله غلط من عالدايري , اللي أكد شكوكي أكتر ان الستات
البياعين اللي بيبقو فارشين بخضار وفاكه و سمك و مزروطين الدنيا في نص الشارع و قافلينه
دول برضه مش موجودين , قلت بس بقى أنا كده توهت بالثلث , وقفت العربيه و سألت الناس
هي نازلة المرج فاتتني و لا لسه جايه ؟ قالو لي انت في المرج يا حضرة !! .
.
مش بقولك انت مش
عاجبني , و مش بعيد بعد شهرين تلاته نلاقي أزمة الصرف الصحي و المواسير الي بتنفجر
في المرج زي بمب العيد دي اختفت , اللي زيك يا أستاذ لازم يتعاقب , الراجل ده لازم
يتعاقب يا عم ابراهيم , و أفضل عقاب له إنه يبقى محافظ القاهره , أه هو فاكر الدنيا
سايبه ولا فاكرها سايبه .
...............................................................................................................................
Mohamed
Hussein
31
يوليو 2015·
كنت في فرح بنت
عمي , أخر حباية في عنقود الجمال , يعني الحلوه دي م المنصوره .
.
ولاد عمي كلهم
حاضرين الفرح , ليا ابن عم سيساوي للنحاع و ابن عم اخوانجي للركب , ابن عمي السيساوي
راح غمز الواد بتاع ال دي جي ب عشرين جنيه و قال له شغل لنا ( تسلم الأيادي ) , و ال
دي جي شغّلها والعروسه سيساويه و ما كدّبتش خبر , قامت و رقصت عالأغنيه , ابن عمي الإخوانجي
اختفى في ظروف غامضه , الضربه كانت ضربتين , يعني رقص و تسلم الأيادي كمان ؟ الإتنين
؟!.
.........................................................................................................................
ليست هناك تعليقات:
إرسال تعليق