Mohamed
Hussein
11
يونيو 2015 ·
الإضراب و الثقب
الأسود
.
الثقب الأسود ده
عباره عن منطقه في الفضاء تحتوي على كتله كبيره في حجم صغير !! , و الذي عند الوصول
اليه تبدأ الماده بالإنضغاط تحت تأثير جاذبيها الخاصه ( شوفتو الكلام الكبير ؟ ) .
.
و في النظريه النسبيه
بتاعة مولانا أينشتاين بيعرف الثقب الأسود على إنه منطقه من الزمكان !! أه والله الزمكان
( زي مابقول لكو كده ) , منطقه من الزمكان تمنع فيها جاذبيتها كل شئ من الإفلات بما
في ذلك الضوء .
.
يووووووووه هبسطهالك
, الثقب الأسود ده باختصار هو حاجه مهمه اوي و مالهاش وجود تقريبا ولا ليها أي تلاتين
لازمه , بالظبط كده عامله زي الإضراب بتاع 6 ابريل .
.
.. يعني تقدر تقول
بقلب جامد إن حركة 6 ابريل كانت عامله اضراب في الزمكان لا يراه إلا المتزمكنون
!!.
.......................................................................................................................................
Mohamed
Hussein
11
يونيو 2015·
تفائلو
.
مبارك اللي حكم
مصر 30 سنه و كان خلاص اتحوّل لملك الملوك ( مش رئيس دوله ) مرمي في السجن من 4 سنين
مع الدفاس وابو دهشوم و هيتعاد محاكمته تاني , و قادة الإرهابيه اللي صدعونا بشعبيتهم
الجارفه و دولتهم الوهميه فيهم ناس خدت اعدام و ناس خدت براءه ( القاضي اللي يقول مش
أنا ) , و ياسمين النرش بنت الاكابر أوي اللي ابوها ملياردير و جوز امها وزير سابق
مرميه في السجن مع سنيه موس و ريري سيلان , و الظابط اللي قتل شيماء الصباغ خد 15 سنه
سجن .
.
الحكومه بدأت من
فتره تقضي على ظاهرة الباعه الجائلين اللي قافلين الشوارع , و المباني المخالفه اللي
اتبنت ايام اللامؤاخذه الربيع العربي اغلبها اتهد على دماغ صاحبه , و رئيس مصر اللي
شعبيته جارفه انا لحد دلوأتي ماعرفشي عياله اسمائهم ايه ؟
.
دي اسمها دولة
القانون , باقي عالحلو دقّه , بس احنا في الطريق و مكملين .
.....................................................................................................................................
Mohamed
Hussein
10
يونيو 2015·
حركة 6 ابريل رفعت
شعار ( و أخرتها ؟ ) و زينات قعدت على سلم محكمة الأسره .
.
تعالو نحكي الحكايه
من الاول ( حكاية 6 ابريل و زينات ).
.
- زينات دي ست
شلأ , لا تطاق , سيئة الطباع و لسانها متبري منها .
.
من سنه : زينات
قالت لجوزها :أنا هجيب أهلي يكسرو البيت على دماغك و دماغ اللي يتشدد لك , جوزها قال
لها اضربي دماغك في أوسخ حيطه .
من سنه برضه :
حركة 6 ابريل أيدت إرهاب الإخوان و قالت أيامك معدوده يا سيسي , السيسي قال لهم اضربو
دماغكو في أوسخ حيطه .
.
- بعد كام شهر
: زينات الشرشوحه قالت لجوزها : طب انا مش هجيب أهلي يكسرو البيت أنا بس هصوت و الم
عليك الناس و اعملك فضيحه , جوزها قال لها : فاكره اوسخ حيطه اللي كانت من كام شهر
؟
بعد كام شهربرضه
, حركة 6 ابريل قالت خلاص خلاص مش هنأيد القتل و الحرق بس نمشيها بقى مظاهرات و اعتصامات
و اضرابات و حوارات عالجزيره و نعمل للسيسي فضيحه , السيسي قال لهم فاكرين أوسخ حيطه
؟.
.
- و من كام يوم
بس جوز زينات رمالها ورقتها وطردها من البيت , زينات قعدت على سلم محكمة الأسره تعيط
و تقول ( أريد حلا )...... و( أخرتها) بقى ؟.
- و من كام يوم
حركة 6 ابريل قعدت عالفيس و قالت ( أريد حلا ) ... ( و أخرتها ) بقى ؟ .
.....................................................
.....................................................
قلبي عندك يا زينات
ياختي انتي و 6 ابريل .
...................................................................................................................................
Mohamed
Hussein
10
يونيو 2015·
طارق الزمر اللي
شارك في قتل السادات و حضر احتفالات نصر اكتوبر ( بتاع السادات) أيام حكم الإرهابيين
لمصر بيقول ان منافذ التعبير لما بتتقفل بيكون النتيجه صراع مسلح !! .
.
الحقيقه حضرتك
لو جبت البرادعي و قعدته جنب طارق الزمر و حاولت تطلّع أي وجه للشبه بينهم مش هتلاقي
مع اني شايفهم متشابهين تماما و جايز مايفرقشي بينهم غير الدقن و النضاره .
.
لما استاذ القانون
الحاصل على جايزة نوبل للسلام يهرتل في تويتاته و كلها تصب في نفس المعنى القمئ بتاع
خلق مبررات و أسباب و دوافع للإرهاب و مقارنه ساذجه من بين حسم الدوله و بين إرهاب
الإرهابيين , و ده نفس رأي طارق الزمر الإرهابي السفاح يبقى ايه الفرق بينهم ؟!.
.
الوقت مش في صالحنا
يا برادعي ( زي مانت قلت ) و الوصف و الحاله و التوقيت بيقولو إن أي تبرير بأي شكل
من الأشكال أو تفنيد للعنف و الإرهاب في الوقت الحالي و في ظل مخططات و بلاد بتتحرق
حوالينا يبقى اسمه خيانه , أه خيانه , مانا و الله حاولت أدور على كلمه أرق عشان عارف
انك كيوت مالقيتش .
ممكن بسهوله تبدّل
مع طارق الزمر من غير مانا أخد بالي ..يعني تدي له النضاره و حسابك بتاع تويتر و جايزة
نوبل ( والبيسين و الكرسي الهزاز ) و تاخد منه الدقن و السلاح ( و الحشيش الأفغاني
) , صدقني مش هيجرى حاجه , و النبي ما هيجرى حاجه .
.......................................................................................................................................
Mohamed
Hussein
10
يونيو 2015·
و إنْ رحلَ مرسي
فكلهم مرسي !!.
.
لما تحب تضحك من
قلبك ادخل شبكة رصد , غمض عينيك و اختار عشوائي , اقرا أي خبر و أي تعليق عليه , يعني
مثلا على خبر الهجوم الإرهابي على معبد الكرنك , لسه لحد النهارده بتلاقي الإخوانجي
المثقف الفشيخ اللي كتب إن ده شغل مخابرات عشان يغطو على فشل زيارة السيسي لألمانيا
وعلى تعليقه 700 لايك هيييييييييح !!.
.
اقرا الخبر و التعليق
و اضحك وبس , و لو سألتني عن رأيي هقولك : الواد ده بيشتغل لا مؤاخذه و أمه عارفه و
مبسوطه , و لو سألتها عن ابنها هتقولك : هو فيه في عقل و جمال و ألوظة الواد لامؤاخذه
ابني ؟!.
.............................................................................................................................
Mohamed
Hussein
9
يونيو 2015·
في المطعم
.............
الزبون : لو سمحت
, لو سمحت .
الجارسون : نعم
يافندم
الزبون : أنا عايز
صاحب المطعم يجيلي حالا .
الجارسون : ليه
يا فندم ؟ خير ؟ فيه حاجه ضايقت حضرتك ؟
الزبون : ده مش
شغلك , بقولك صاحب المطعم ييجي هنا حالا .
الجارسون : تحت
أمر حضرتك
صاحب المطعم (
معلّم شبه على الشريف ) : أيوه يا سيدنا الأفندي , قلت انك عايزني
الزبون : أيوه
يا معلم , لو سمحت انا طلبت لحمه , و جيت بدوقها لقيتها مسكّره , انتو ليه حاطين عاللحمه
سكر ؟ أكيد فيها عيب و عايزين تداروه .
صاحب المطعم :
سكر ؟ عليا الطلاق من نسواني التلاته ما حصل , بس انت معذور ماهو الجهل وحش برضه ,
دي لحمة حمير يا سيدنا الأفندي , و هي بتبقى مسكره لوحدها كده ( حاجه رباني يعني )
, إنما نحط سكر عاللحمه ؟ حد الله بينا وبين الحرام .
الزبون : ميرسي
يا معلم , حضرتك كده طمنتني , لو سمحت ابعتلي طبق كمان , ياااااااه , دانا كنت هظلمك
يا معلم .
......................................................................................................................................
Mohamed
Hussein
9
يونيو 2015·
زي أي مصري فرحت
أوي لما السوريين وصلو مصر بعد ما ضاقت بيهم الدنيا في بلدهم , بيوتنا و شوارعنا و
حوارينا تحتويهم و تشيلهم , هما أهلنا و على راسنا من فوق ...دول السوريين , يعني الشعب
و أهل الشام الطيبين .
.
و زي أي مصري برضه
, أرفض اجتماع المعارضه السوريه في القاهره , صح احنا علينا ضغوط دوليه و خليجيه مالهاش
أول من أخر و صح ان بشار بجانب فساده فهو غبي و لسه بيراهن على حصان حزب الله و ايران
, لكن سوريا تحت حكم بشار كانت دوله واحده , قطعه واحده , لوحه فنيه كامله حتى لو شكلها
مش عاجبك أو عليها شخبطه ( ممكن الشخبطه تتمسح و اللوحه تنضف ) .
.
المعارضه السوريه
بكل رموزها ماعندهمش أي مانع إن اللوحه دي تتقطع ألف قطعه , و زيهم زي نشطاء الغبره
في مصر هتلاقيهم مجرد مطيه راكبها تنظيم داعش الإرهابي و كله تحت اسم الثورات و الربيع
الزفت العربي .
.
- يا ريس عبد الفتاح
اللي بيتكسف من بنت عمه ماجيبش منها عيال , صح عليك ضغوط , بس مصر كانت واخده موقف
محايد في الفتره اللي فاتت ( و ده اضعف الإيمان ) , دانا يا راجل كنت طمعان في دعم
مصري كامل لمفهوم الدوله في سوريا , و لا احنا هنحارب الدواعش في ليبيا و العراق و
مصر و ندعمهم في سوريا ؟!.
.
دول الخليج لهم
في رقبتنا جميل و واجب هيترد لهم في يوم من الأيام , لكن رد الجميل مايكونشي بإننا
نوصل للمرحلة دي : هو حضرتك منين ؟ أنا من سوريا سابقا و حاليا من دولة اللاذقيه
!! .
.
يا ريس قول كلمتك
و اطرد النجاسه دي من أرضنا .
.............................................................................................................................
Mohamed
Hussein
9
يونيو 2015·
خبر : أنقره تقيم
أول قاعده عسكريه لها خارج أراضيها في قطر !! .
.
هههههههه الحقيقه
الخبر مش مفاجئه خالص , ماهو ده الطبيعي , امريكا تقيم قاعده عسكريه في تركيا و تركيا
تعمل لها واحده في قطر و قطر تحط فلوسها في أمريكا , و دي بقى بيسموها في السياسه الدوليه
( حفلات الجنس الجماعي ) , يعني 3 بيحبو بعض ( هما يحبو بعض ) , و مابتفرقش مين فيهم
نايم في حضن مين .
.
عارف مين بقى اللي
بيعجبني ؟ الواد الفتك أوي ده اللي شايف بعنيه قواعد امريكيه في تركيا و تدريبات مشتركه
مع الصهاينه و قواعد تركيه في قطر و صهاينه بيحكو الدوحه اساسا و مع ذلك يفضل مستني
دولة الخلافه الإسلاميه على ايد أردوغان و الماده الإعلاميه النزيهه على إيد الجزيره
.
.
أمريكا و تركيا
و قطر قرّبو يخلفو عيال في الحرام و صاحبك لسه مصدق ان كل ده انتفاخ و حمل كاذب
.......................................................................................................................................
Mohamed
Hussein
9
يونيو 2015·
مجموعات و التعلب
فات فات
.
و نحيط سيادتكم
علما أنني أنا الموقع أدناه و بكامل قوايا العقليه أوشكت أن أفقد هذه الأخيره من كتر
الجروبات و المجموعات
- سيدي الدوق
, رغم إيماني بأهمية ( الحسبنه ) لم أجد أي داعي لعمل جروب بعنوان ( حسبي الله و نعم
الوكيل ) , يعني انتو في الجروب ده بتتحسبنو في وش الناس ولا بتتحسبنو في وش بعض ؟
ما كل واحد يتحسبن في الحته اللي تريحه بقى .
.
- و حيث أني لست
من قاطني ألمانيا الشرقيه ولا ألمانيا الغربيه ولا حتى ألمانيا الدقهليه لم أعرف حتى
الأن يعني ( أنتيل ناو ) أي سبب أو داعي لوجودي في مجموعه تحمل اسم ( سوق الجمله في
ألمانيا ) !! , لكن و من باب الإحتياط عايز أقول لكو جميعا ( شلبيديش ) أه و عهد الله
, و ممكن تشوفولي عندكو في المجموعه كوتشي أديداس يكون استعمال طبيب و دستتين شرابات
.
.
- و حيث إني أفهم
جيدا في ترتيب أبجديات الأخلاق , عجزت عن استيعاب فكرة التطفّل على شخص لضمه عنوه
( حلوه عنوه دي يا حاج محمد ؟ ) , لضمه عنوه بمنتهى التطفل إلى مجموعه بإسم ( إنما
الأمم الأخلاق ما بقيت !! ) , طب فين هي الأخلاق أق أق بقى ( على رأي ستنا داهيه )
, و فين ( ما بقيت ؟ ) .
.
- و حيث إني أتوجس
خيفه و ترتعد فرائصي من الصفحات الدينيه و ما يرد فيها من أحاديث مجهولة المصدر و الحسب
و النسب و حيث إني أعلم علم اليقين أن تجار الدين أكتر من تجار الدره المشوي في مصر
فلم أجد أي داعي للإنضمام لمجموعة رياض الصالحين ( و لا حتى مجموعة رياض المنفلوطي
) .
.
- وحيث إني لم
أعرف أمجادا للعرب غير إن ابن النفيس اكتشف الدوره الدمويه الصغرى و شعبان عبد الرحيم
غنّى ( بكره اسرائيل ) و مجدي عبد الغني جاب جون في كاس العالم أذهلني وجودي في مجموعه
بعنوان ( أمجاد العرب ) !! .
.
- أما مجموعة
( أصول علم الفراسه و الحاسه السادسه ) فقد غادرتها مسرعاً لأني باختصار عارف اللي
فيها , هقولك أهو علم الفراسه في كلمتين , لو واحد بيهرش في راسه يبقى عنده فكره و
لو بيهرش في مناخيره يبقى عنده زكام ولو بيهرش في إحم إحم يبقى عنده محمد مرسي , فراسه
دي ولا مش فراسه يا متعلمين يا بتوع المجموعات ؟! .
.
- إنما استوقفتني
مجموعه في منتهى الخصوصيه , توقفت أمامها طويلا و كادت دموعي أن تغرق سيراميك الصيدليه
و انا أتأمل في هذا المشهد الشاعري شديد الخصوصيه , فكرّت و تسائلت و هيهات و حيثما
و لم أكن انتوي و لا خطر ببالي أن أكون يوما عضوا و لا مؤاخذه في مجموعة ( إئتلاف مركز
شباب منشأة القناطر ) !! .
.
يا جدعان انتو
عايزين مني إيه بالزبط ؟ أيوه هي بالزبط على رأي مدبولي في ريا و سكينه .
.......................................................................................................................................
Mohamed
Hussein
9
يونيو 2015·
هم يضحك و هامبورجر
.
تداول ورقة اسئلة
امتحان الحديث للثانويه الأزهريه !! .
.
يا حسن يا حسن
, مليني الحديث بتاع سيدنا النبي بسرعه بقى و النبي , أيوه الحديث اللي أوله ( مَن
غشنا ) , من غشنا فليس إيه ؟ فليس منا ؟ انت متأكد يا حسن ؟ طب هكتبها كده و الحق أمليها
لمحمود قبل ما المراقب يشوفنا , يعني ايه من غشنا فليس منا يا حسن ؟ إيه ؟ مش مهم المعنى
دلوأتي ؟ طب في حفظ الله يا حسن , ابقى سلّم على خالتي و الحق انت بقى جهّز خطبة الجمعه
من دلوأتي , ربنا يبارك فيك يا شيخ حسن يا ابن خالتي .
.
و هنا دخل الشيطان
لجنة امتحان الثانويه الأزهريه و لمّ عياله الشياطين الصغيرين من جوه و قال لهم : بقول
لكو ايه يا شباب ؟ , احنا ماعدش لنا أكل عيش في البلد دي و لازم ندوّر على عقد عمل
, االواد ابنه قاله معاك حق يابه ابليس الكبير , أعوذ بالله من غضب الله , العيال بيغشو
في أحاديث سيدنا النبي و القرأن الكريم ؟؟ كده تبقى قفلت زي الضومنه يابه ابليس , دانا
حتى بقيت خايف على نفسي من الفتنه .
....................................................................................................................................
Mohamed
Hussein
8
يونيو 2015·
اتنين صحابين و
باسو بعض بوسه مشبك .......... مفهاش حاجه يعني
.
سهير رمزي اتحجبت
, و صابرين هي كمان اتحجبت , عندك اعتراض ولا ايه ؟ أه بحسب يعني تكون معترض ولا حاجه
.
.
المهم سهير و صابرين
صحاب أوي ( يعني صحابين على رأي لمار بنتي ) و حبايب و اتقابلو في حفله فبما إنهم جايز
ماتقابلوش من فتره طويله و الشوق مقطّع بعضه فباسو بعض بوسه مشبك ( على رأي لوجي بنتي
) .
.
البوسه بتاعة سهير
و صابرين دي بوسه بريئه على فكره , أه و الله , هي صحيح مقرفه لما بنت تبوس بنت من
بؤها ( مشبك يعني ) بس بريئه , يعني تقدر تقول دي بوسه مقرفه بريئه .
.
هبسطهالك , بين
الرجاله و بعض بيبقى فيه الحضن , لو واحد صاحبك قابلك بعد غياب اسبوعين هيحضنك حضن
عادي , لو صاحبك أكتر و غايب عنه سنتين هيحضنك حضن جامد , أما بقى لو صاحبك ده هو الأنتيم
و بقاله 9 سنين في الأردن و أول مره تشوفه يبقى قابل يا معلم و لمّ ضلوعك .
.
ده في الحضن ,
في البوسه بقى فيه ناس اتعودت انها تخلي البوسه بنفس مفهوم الحضن ( يعني درجات حسب
الشوق و المحبه ) , يعني يبوسك في خدك و هو شرح برح كده طول مانت علاقتك بيه سطحيه
, لو العلاقه قويه شويه تلاقي البوسه قرّبت من السنتوفه اللي جنب شفايفك دي , و أحيانا
أحيانا بتفلت و تبقى مشبك بس بريئه ( و مقرفه ) .
.
في حياتي شوفت
ناس رجاله لما بيبوسو بعض بيقربو من السنتوفه و يوصلو للشفايف ( عمري ما سلمت عليهم
ولا كلت معاهم في طبق واحد ) , ماعرفشي الحكايه أصلها ايه ولا هي خلل في الجينات و
لا حنّيه زايده و مطرطشه في كل حته مش عارف , و في الشخصيات العامه هتلاقو ناس كده
بتقرّب أوي من السنتوفه , منهم مثلا , أحمد الزند , قصدي الأستاذ الدكتور المستشار
الوزير أحمد بيه الزند .
.
من الأخر يعني
, الحاجات دي بتبقى عادي و بريئه في الأوساط الراقيه و الهاي فاي يا جاهل ياللي معندكشي
سوشيال بوليتيكال انتيليجنس ( زي حالاتي ) .
.......................................................................................................................................
Mohamed
Hussein
8
يونيو 2015·
سنه في حب مصر
.
- قالو له العربيه
محتاجه صيانه و الحموله تقيله أوي و ممكن تعطل منك في الطريق , قال لهم هسوق .
.
- قالو له الطريق
مش أمان و فيه ضرب نار من الجانبين و التنشين هيكون عالسواق عشان فيه ناس من مصلحتها
العربيه دي تولع باللي فيها قال لهم هسوق و اوصل .
.
- قالو له طب خلّي
بالك فيه كماين في الطريق هيعملولك مشكله كبيره و هيتلككو لك , حاول تزوّغ من أي طرق
جانبيه , قال لهم لأ , هروح للكماين و احل المشاكل طالما قدرنا إننا نفوت عليهم بعد
كده , يعني هواجه مش ههرب .
.
- قالو له طب عربية
ابن عمك فيها مشكله و عطلانه شويه في الطريق و هو اتصل بينا , بس احنا فينا اللي مكفينا
سيبك منه بقى , قال لهم هفوت عليه و اساعده , مشكلة ابن عمي هي مشكلتي .
.
- قالو له هتبقى
سايق و أصوات في العربيه من ورا هتزعجك , شويه من الركاب هيحاولو ينرفزوك و يخرجوك
عن شعورك , قال لهم اتعودت على كده , مانا ماكنتش شغال مهندس ديكور و لا فنان تشكيلي
.
.
- قالو له انت
بايع عمرك يا جدع ؟ و عليك بإيه من ده كله ؟ , ما كنت خدت لك قرشين حلوين و عشت بيهم
سلطان زمانك بقية عمرك بعيد عن المشاكل و الوش ؟ قال لهم و هعمل ايه ساعتها لما اشوف
العربيه عطلانه أو بتتحرق قدام عيني و ابص حواليا مالقاش ناس بتضحك ؟ هعيش مع مين و
لمين ؟ دي جنه من غير ناس ما تنداس .
.......................................................................................................................................
Mohamed
Hussein
7
يونيو 2015·
الف مبروك للجهلاويه
و البوابين الصعود لدور ال 8 في الكونفدراليه .....بواب و افتخر .
.......................................................................................................................................
Mohamed
Hussein
7
يونيو 2015·
الزوج : يا سلوى
فين الفطار فين الفطار ؟ بقالي ساعه بقولك عايز افطر
الزوجه : يا حسن
الفطار قدامك اهو من ساعه و انت اللي مش بتاكل لحد ما الأكل برد.
الزوج : أه صح
فعلا , طب فين القهوه بقى , انتي عارفه اني مش بعرف افطر من غير ما تكون القهوه قدامي
.
الزوجه : ما القهوه
قدامك اهي يا حسن .
الزوج : ده ينسون
يا سلوى , هو انا بشرب ينسون مع الفطار ؟
الزوجه : اه تصدق
ده ينسون صح .
....................
....................
لا ولا حاجه ,
أصل سلوى و حسن عندهم بنت في الثانويه العامه , بتمتحن عربي النهارده .
.......................................................................................................................................
Mohamed
Hussein
6
يونيو 2015·
تعدّدت الأنواعُ
و الجهلُ واحدُ ..
.
تقرير بيقول إن
تنظيم داعش في العراق و الشام لما بيدخل قريه فيها يزيديات بيعمل ايه بقى ؟ بيجمع البنات
و الستات و يعمل لهم عملية فرز أول , العجوزه أوي و الصغيره اوي مفيش منهم رجا , ياخد
اللي في النص و يفرزهم فرز تاني , المزز يطلعو على مقرهم الرئيسي و يتوزعو طبعا عالأمير
أو الخليفه مش عارف مسميينه ايه و الحاشيه بتاعته , و اللي أقل شويه يتباعو في سوق
نخاسه , عاريات أحيانا ( ماهو الزبون لازم يعاين البضاعه ) , حتى إن بنت فيهم اتباعت
بعلبة سجاير !! .
.
أفهم من كده ان
السجاير حلال أهو و بيستخدمها مولانا خليفة المسلمين في المقايضه , و مَنْ منكم يشتري
هذه الفتاه بباكو معسل سلّوم ؟! .
.
المهم عرفتو ليه
جيش مصر طلع حتى بره الحدود و حارب تنظيم داعش ؟ و في سينا بيحارب , دم و شهدا كل يوم
, عشان بنات مصر و ستاتها مش للبيع .
.
طب عارف الإخوان
و السلفيين لو كانو استمرو في السلطه شويه و اتمكنو و زعلو من الشعب كانو هيعملو ايه
؟, اكتب هنا بين القوسين دول ايه الفرق بين الإخوان و السلفيين و داعش في نظرتهم للمرأه
خصوصا لو كانت على غير ديانتهم أو مذهبهم أو حتى انتمائهم السياسي (
............................. ) او اسأل يوتيوب و جوجل و هما يقولو لك .
.............................................................................................................................
Mohamed
Hussein
6
يونيو 2015·
المسافه من بلدنا
للقاهره 130 كيلو , خدتهم النهارده في 6 ساعات , أه و الله في 6 ساعات , يعني بسرعة
21 ك في الساعه و لسه يادوب واصل و رابط الناقه قدام الصيدليه قصدي راكن العربيه .
.
مش عارف المشكله
فين بالظبط ؟ في سواق الميكروباص اللي قرر يغسل العربيه بتاعته النهارده فركن في نص
الطريق الزراعي و جاب الخرطوم و الليفه و قال يحمّيها حُمّاية العيد , و لا في الراجل
الفلاح بلدياتي ( سواق الكارو ) اللي راسه و الف سيف لا يعدي الطريق الزراغي بالعرض
, الحموله تقيله و العريش خفيف و الراجل ملبوخ يضغط عالعريش عشان يتقلّه و لّا يقول
للحمار حا يا حمار ؟ و لّا المشكله في سواق الجرار الزراعي بالمقطوره اللي محمّل طوب
أحمر و قرر انه ياخد الوصله من ميت غمر لأجا عكس السير ؟
.
في الطريق ده تحديدا
اتعمل 3 كباري في السنه اللي فاتت , حاجه وهم بصراحه , منهم كوبري في ميت غمر طوله
ييجي كيلو , و وصلات كتير اتعاد رصفها و اتمهدت , يعني الدوله صرفت مئات الملايين في
الكباري و الرصف , بس يبدو إن عقول الناس هي اللي محتاجه تترصف .
.......................................................................................................................................
Mohamed
Hussein
5
يونيو 2015·
السعاده هي
............ أحسن أحسن ( بصوت محمد هنيدي )
.
- تبقى ماشي في
طريق اسكندريه الزراعي و الطريق بتاعك سالك و زي الفل تبص الناحيه التانيه تلاقي كمين
موقف الطريق تماما , تقوم انت مهدّي السرعه و تبص على سواق في الناحيه التانيه من اللي
وقفو و خلّلو من الوقفه و تقول له : أحسن أحسن .
انت مافرحتش بإن
طريقك ماشي و سالك أد ما فرحت إن الطريق التاني واقف تماما.
.
- تبقى بتجيب شهادة
مخالفات من المرور و بعدين الموظف ينادي على 3 اسماء في الميكروفون و تروحو انتو التلاته
عالشباك , الموظف يبص لك و يقولك عليك مخالفات ب 3 ألاف جنيه ( أعصابك تقع و دمك يهرب
) و فجأه تلاقيه بيقولك : مش انت نرمين السيد ابراهيم ؟ لأ حضرتك أنا مش نرمين أنا
مش نرمين , أنا فلان , أه انت هتدفع 5 جنيه بس .
في اللحظه دي انت
مافرحتش بال 5 جنيه أد ما فرحت ان نرمين هتدفع 3ألاف , تقوم انت تبص لنرمين اللي واقفه
جنبك و رجليها مش شايلاها و تقول لها : أحسن أحسن .
.
- تروح انت و صاحبك
تقابلو المزتين اللي أول مره تشوفوهم في الواقع , تقوم في الأول تظهر بنت وحشه أوي
تقوم انت تتخض و بعدين تظهر بنت حلوه و تكتشف ان مزتك هي البت الحلوه .
مش هتفرح بالمزه
الحلوه أد ما هتفرح ان الوحشه وقعت في قرعة صاحبك , تبص لصاحبك و تقول له : أحسن أحسن
.
.......................................................................................................................................
ليست هناك تعليقات:
إرسال تعليق