Mohamed
Hussein
21
مايو 2015·
( الحمامه ) و
غصن الزتون
.
قررت الدكتورة
بثينة كشك، مديرة مديرية التعليم بمحافظة الجيزة، حرمان 5 طلاب من امتحانات العام الدراسى
بالشهادة الإعدادية، بمدرسة طلعت حرب الإعدادية التابعة لإدارة العمرانية، بعد تعديهم
على مراقبة باللجنة، الأحد الماضى، أثناء أدائهم الامتحان ومحاولة اغتصابها داخل لجنة
الامتحان..
.
طب ليه كده يا
دكتوره بثينه ؟ ليه يا بُثبث القسوه دي ؟ تحرمي الاولاد اللي هما مستقبل مصر الواعد
و زهرة شبابها من الإمتحان لمدة سنه ؟ هما عملو ايه يعني ؟ كل الحكايه انهم كانو بيغتصبو
المدرسّه و يقطّعو هدومها ؟ و تحرمي مصر من مجهوداتهم ؟ ...لا لا مالكيش حق يا بثبث
, إنتي المفروض تديهم شهادات تقدير و نجمة سينا و المره الجايه تجيبي لهم كيم كارديشان
تراقب عليهم في الإمتحانات .
.
وانتو يا شباب
ياللي كنتو هتغتصبو المدرسه , انتو مش عارفين انكو فخر مصر ؟ ما الخيبه لا تكونو مش
عارفين ان مصر فخوره بيكو و الحكومه لازم تكتب محطات المترو الجديده بأسمائكو ده أقل
واجب و تقدير و عرفان , بس أنا عايز أقول لكو نصيحه لوجه الله , انتو كلها سنه و تدخلو
امتحانات تاني , و نصيحتي ليكو لما تحبو تغتصبو حد المره الجايه تطلعو على مكتب الدكتوره
بثينه , عشان جحا أولى بلحم طوره .
.
و ملعون أبوها
الحمامه أم غصن زتون .
................................................................................................................................
Mohamed
Hussein
21
مايو 2015·
النفسيه محتاجه
لحوقي رز معمر و نص بطه عند أمي في البلد .
...............................................................................................................................
Mohamed
Hussein
21
مايو 2015 ·
حفلة جديده من
حفلات الربيع العربي
.
خبر عاجل : نصف
الأراضي السوريه في قبضة داعش !! , يعني فيفتي فيفتي , معركة تكسير العظام اللي هتنتهي
بالتأكيد بتقسيم سوريا لنُصين , نص لداعش المدعومه من الخليج و أمريكا و نص لبشار المدعوم
من إيران ( و أمريكا ) !!.
تورتايه جديده
و بتتقسم في حفلة الربيع العربي اللي كنا معزومين فيها بس الحمد لله هربنا في أخر لحظه
.
.
بص بقى عالخريطه
, السودان بقى اتنين و اليمن اتنين و العراق اتنين و ليبيا اتنين و فلسطين اتنين و
سوريا اتنين و كل الأحبه اتنين اتنين , و قول الحمد لله على نعمة جيش مصر و كفى بها
نعمه .
.......................................................................................................................................
Mohamed
Hussein
21
مايو 2015·
في يوم من الأيام
جالي واحد في المنام لابس أبيض فابيض و قالي فيه سمكه حمره و ديلها أخضر بتعوم في المحيط
الهندي , هي سمكه واحده و لازم تجيب السمكه دي يا محمد من ديلها الأخضر .
.
أنا صحيت من النوم
و قلت خير اللهم اجعله خير , اتصلت بالرقم المجاني بتاع الشيخ المبروك اللي بيطلع في
التلفزيون و حكيت له عن الرؤيا بتاعتي , مولانا الشيخ اللي مكشوف عنه الحجاب قالي دي
رؤيا ولازم تحققها , قلت له ازاي يا مولانا يعني ؟ قالي ماليش دعوه اتصرف و ماتخنقشي
أهلي .
.
أنا فكرت و فكرت
و في الأخر ربنا هداني لفكره حلوه , اتفقت مع 3 غواصين و قلت لهم انتو تروحو عند المحيط
الهندي و تنزلو و تقبو و تغطسو , المهم ماترجعوش ليا إلا و معاكو السمكه الحمره أم
ديل أخضر دي .
.
حكم قضائي رائع
بحجب المواقع الإباحيه بتاعة الريس برايز , أهو الحكم ده تنفيذه هيبقى زي حكاية السمكه
بتاعة المحيط الهندي , و النبي لو جبت غواصين و غطاسين البلد ما هيجيبو السمكه ولا
هيقفلو المواقع , مصر فيها مليون واحد بيحملو لقب الريس برايز , من سن 10 سنين , لا
عشره ايه بس ؟ من سن 3 سنين وحياتك , و أقل عيل بيلعب جيمز في السايبر هيعرف يفتحها
( المواقع يا جدع مش السمكه ) و هيسبق الحكومه و المسئولين بخطوتين .
.......................................................................................................................................
Mohamed
Hussein
21
مايو 2015·
السي في بتاعي
يجنن بصراحه , هقولكو عليه , بس و النبي ماتحسدونيش .
.
بص يا سيدي , أنا
روحت درست في الكليه الحربيه و اتخرجت و دلوأتي انا العقيد أركان حرب فلان الفلاني
( يعني نسر و دبورتين ) عشان كده كان ليا حق أمدح في قرار شراء المقاتلات رافال و في
حربنا على الإرهاب و المدرعه المصريه فخر مصانعنا الحربيه .
.
و روحت يا سيدي
درست كليه علوم قسم فوسفات و دلوأتي أنا مدرس أول فوسفات أد الدنيا , عشان كده لما
قلت للناس ماتقلقوش من الشحنه اللي وقعت في النيل دي كنت بتكلم من منطلق تخصصي البحت
.
.
و في وقت فراغي
كنت بذاكر في كلية اعلام جامعه القاهره لحد ماخدت الشهاده و بقيت فشر منى الشاذلي في
فكرها الإعلامي المتخصص و تأتأتها , عشان كده لما انتقدت اعلاميين السبوبه و اللي بيهيجو
الدنيا كان برضه من منطلق تخصصي الإعلامي و الشهاده أهي .
.
و من صيفين تلاته
كنت بشتغل على عربية بطاطا عشان كده لما الحكومه قررت تشيل الإشغالات بتاعة الباعه
الجائلين ( زمايلي ) قلت الحكومه معاها حق أصلي بحكم التخصص عارف ان زمايلي بيبلطجو
عالشارع .
.
و غيره و غيره
, بس يا خساره مادرستش حقوق عشان كده مش من حقي أقول رأيي في تعيين السيد المستشار
أحمد بيه الزند وزيرا للعدل .
.
و أي حد مادرسشي
حقوق مش من حقه يتكلم , أنا نبهت عليكو أهو , انتو فاهمين ولا لأ ؟ و من الأخر كده
كل واحد يدخل الفيس و يخليه في شغله , يعني المهندس يدخل الفيس يرصف لنا طريق و الدكتور
يدخل يشوف حرارتنا عامله ايه و ربة المنزل تجيب معاها المشابك و الحبل و تدخل الفيس
عشان تنشر الغسيل .
.................................................................................................................................
Mohamed
Hussein
20
مايو 2015·
سأل رجل أعرابي
حكيم الزمان و قال له ( يا حكيم , فمن برأيك هذا الرجل , الذي يهزم جيوش الروم و الفرس
بمفرده و يهدم أهرامات مصر بإصبعه الصغير و يشرب ماء نهر دجله في نفس واحد و إذا عطس
وهو في الهند طيّر الغسيل من على حبل ست أم روماريو في البرازيل ؟! ) .
فنظر الحكيم الى
الأعرابي نظره حانيه ثم ابتسم و ربت على كتفه و قال ( و دي عايزه كلام يا برنس ؟ المستشار
أحمد الزند طبعا !! ) .
.
يا بشر , كفانا
أفوره و فقعاً لما قد فُقِعَ سلفاً .
.
1- العبد لله مؤيد
للسيسي ( ماتزايدشي عليا عشان عيب و الله عيب) .
.
2- العبد لله اللي
هو انا و العبد لله اللي هو حضرتك من حقنا الدستوري و القانوني و الفيس بوكي و الإنساني
و المنفلوطي نقول رأينا و نعترض على قرار خده الرئيس اللي بنأيده و نحبه .
.
3- عباد الله اللي
هما احنا مش مهم يكونو بيفهمو في القضاء و لا في القدر عشان يقولو رأيهم في تعيين وزير
العدل ( ده منصب سياسي على فكره ) .
.
4- عباد الله اللي
هما احنا برضه مكانوش بيفهمو في العربيات المدرعه ولا في الحرب على الإرهاب ولا في
الطيارات الرافال ولا في أي حاجه و مع ذلك رأينا كان على قلبكو زي العسل .
.
5- شخص و شخصية
احمد الزند و تاريخه و جغرافيته لا تعنيني في شئ , يعني ذمته الماليه حلوه و عندها
غمازات أو ذمته أستيك مش مهم , كل اللي قصدته انه بقى بحكم السياسه و في فقه السياسه
اسمه كارت محروق و الكارت المحروق بيعني انه ممممممممم كارت محروق , أشرحهالكو ازاي
دي ؟ يعني موضه بطلت زي السوالف الطويله و البناطيل الشارلستون .
.
6- حكاية ان الزند
واجه الإخوان و هزم الديناصورات و هيحط السيخ المحمي في صرصور ودن بديع هي محض هرتله
, عشان منصب وزير العدل تحديدا هو منصب سياسي ناعم SOFT
يعني مش محتاجين أبو زيد الهلالي في حاجه .
.
7- طب السيسي يعمل
ايه في الموقف ده بقى ؟ ولا حاجه , العمل عمل ربنا , مفيش مدرب كوره بينزل لاعب و يطلّعه
بعد ما نزل ب 3 دقايق و إلا هتبقى فضيحه للمدرب و اللاعب و محدش هيأيد القرار ده (
غير مدحت شلبي و شوبير ).
.
8- كل المطلوب
من كابتن أحمد الزند انه يجتهد في الملعب جايز يجيب جون من إنفراد و المرمى مفتوح
, جايز يخيّب ظننا , و في النهايه تاريخ الفيفا بيعترف بالنتيجه كام كام مش بيقول مين
اللي حريف و بيلعب حلو و إلا كان الزمالك يبقى بطل أبطال العالم .
.
9 - داحنا لسه
بنقول يا هادي و يقوم يطلع لنا واحد بيه ( مستشار تقريبا أو وكيل نيابه ) يكتب تويته
إن اللي بيهاجمو أحمد بيه الزند أغلبهم من بيئات اجتماعيه وضيعه يعني عالم زباله من
الأخر ( ههههههههههههههههه أيوه اللي هو احنا ) , عادي عادي , ابراهيم بيه و محروس
بيه بيدافعو عن احمد بيه و انت ايه رأيك في الموضوع ده يا فؤاد بيه ؟ ).
....................................................................................................................................
Mohamed
Hussein
20
مايو 2015·
جبتها يمين , جبتها
شمال , قلبتها و خليت راسها تحت و رجليها فوق , حاولت أبلعها بأي شكل ماعرفتش , حكاية
تعيين أحمد الزند وزير للعدل !!.
.
طب ليه يابه عبد
الفتاح ؟ , ده كارت محروق , حلو بقى ولا سخام برك أهو كارت محروق , و لا هي قلّة قضاه
في مصر ؟! .
يعني شيلت وزير
عشان غلط في حق عمال النضافه ( مليت القفص عنب ) , و بعدين تجيب مكانه وزير بقى كارت
محروق ( غطيت قفص العنب ب *** كلاب ) !!.
......................................................................................................................................
Mohamed
Hussein
21
مايو 2015·
قيادي في حركة
حماس : يد حركة حماس ممدوده للأشقاء في مصر !!.
.
........ طب و
يد حركة حماس اللي اتمدت على الجنود ( الأشقاء ) في مصر و هما صايمين ؟ و يد حركة حماس
اللي مسكت دركسيون العربيات الربع نقل ( بتاعة الخضار ) و عملت عروض عسكريه هلاميه
قال عشان ترعب مصر و كداهون ؟.
و يد حركة حماس
اللي شوّحت و شوهت سمعة مصر في كل قناه و جريده أجنبيه و حتى عالمصاطب ؟ و يد حركة
حماس اللي سابت الصهاينه من كام سنه و شاورت لأتباعها و فهّمتهم إن عدوهم في مصر و
إن تحرير القدس بيبدأ بحرق القاهره ؟! .
.
و بعدين ايه حكايه
يد حماس ممدوده للأشقاء في مصر دي ؟ ده على أساس انكو دوله و كده و راس براس يعني ؟
يا مولانا انتو مجرد تنظيم يعني عصابه زيكو زي الإخوان , و يدّكو دي تحطوها في لا مؤاخذه
بؤكو ( بلاش الكلمه التانيه ) , دوركو هيييجي , و دم ولادنا اللي راح هنجيبه بإدينا
يعني ب يد مصر , اقف في الطابور بقى و حاذي و استنى دورك , مصر مابتنساش دم ولادها
و إديها أطول مما تتخيل حتى اسال إخوانك في داعش فرع ليبيا .
......................................................................................................................................
Mohamed
Hussein
20
مايو 2015·
فتحت قايمة البلوكات
عندي لقيت فيها ييجي ألف إسم , الفضول بقى دفعني أبص عالأسماء دي تاني , فيها ناس كان
بينا ذكريات و عيش و ملح فيس بوكي و زعلان عليهم بس هما زودو الحكايه اوي , إما كولجيه
من النوع القراري اللي فجأه بقى سب الجيش عندهم فريضه 5 مرات في اليوم زي الصلاه ,
أو إخوانجيه بعقل نمله اللي لو عاشو ألف سنه هيقولو انقلاب و مرسي راجع و عسكر و أردوغان
خليفة المسلمين .
.
فيه ناس بجد زعلت
عليها , و ناس تانيه بقى ممممممممممم أول ما بشوف إسمهم و افتكرهم بنفعل و أتوتر و
أقول ياربي مافيش زرار كده يخليني أعمل لهم بلوك تاني فوق البلوك بتاعهم ده ( للتأكيد
) ؟ طب يارب شوية تراب أردم عليهم أو لوح خشب عريض و مسمارين ؟!.
......................................................................................................................................
Mohamed
Hussein
19
مايو 2015·
حكاية الدكتور
سيد و أخوه الدكتور حمدي
.
لما خلصت الجامعه
و الجيش قلت أسافر بقى , أصلك مش واخد بالك , هما 3 خطوات بالترتيب ( كليه - جيش -
سفر ) , كاس و داير عالكل و انا كان لازم اشرب , أكيد مش محتاج عزومه .
.
في رحلة البحث
عن عقد عمل طبعا لفيت على مكاتب السفر كعب داير , لحد ما وصلت لمكتب الدكتور سيد في
الزمالك ( ورا فندق ماريوت ) , ماعرفشي جاب رقم موبايلي منين , لقيت مزه بتتصل بيا
و بتقولي لو سمحت ممكن تيجي تعمل مقابله و احنا عنوانا كذا في الزمالك .
.
أنا ماكدبتش خبر
, قلت الزمالك ولّا إنبي ولا يهمني , دخلت الشركه , اللهم صلي عالنبي , 3 مزز قاعدين
, شياكه و وجاهه و غمازات , أيوه اللي هما بتوع ( تحت امر حضرتك يا فندم ) , و تقعد
في رسيبشن كده فشر الأنتريه بتاع السلطان قلاووظ , و ملايات عالحيطه و حاجات كده ,
وانا قاعد بقى مكان السلطان قلاووظ ألاقي الدكتور سيد صاحب الشركه طالع من جوه بيكلم
دكتورة نسا قاعده جنبي : هو حضرتك زعلتي ليه يا ست الكل ؟ يا دكتوره انتي مش عارفه
قيمتك ولا ايه ؟ اللي جوه ده واحد خليجي مايسواش تلاته تعريفه و انا بكره اجيب لك عقد
عند اللي أحسن من أمه بس حضرتك ماتزعليش أبدا .
.
انبهرت بصراحه
بقدرة دكتور سيد على الإقناع , شويه كده و الدكتوره بتاعة النسا مشيت و طلع الراجل
الخليجي من جوه , الدكتور سيد بص له و قال له : هو حضرتك زعلت ليه يابو خالد , دي طلعت
ولا نزلت دكتورة نسا و التلاته منهم بتعريفه عندنا , بكره هتلاقي 10 دكاترة نسا واقفين
قدامك و حضرتك تختار ولا تزعل ابدا !!.
.
المهم إني لسوء
حظي ماسافرتش تبع دكتور سيد برغم إلحاح مدام نيفين المزه اللي شغاله معاه و حاولت تقنعني
بالفرصه الذهبيه اللي عندهم .
.
مفيش كام يوم و
لقيت اتصال من مكتب دكتور حمدي في المهندسين , قلت و ماله مهندسين ولا دكاترة اسنان
ولا بتفرق معايا , طلعت عالدكتور حمدي و حكيت له الحكايه واني كنت عند الدكتور سيد
بتاع الزمالك .
.
دكتور حمدي رجع
بضهره لورا و ضحك ضحكه كلها ثقه و قالي : على فكره أنا أخو السيد و هو مش دكتور ولا
حاجه ده معاه دبلوم تجاره و نيفين دي تبقى مراته وهي اللي عملته و خلته بني أدم
!!.
أنا : بجد يا دكتور
حمدي ؟ و النبي يا دكتور حمدي بتتكلم جد ؟!.
....................................................................................................................................
Mohamed
Hussein
19
مايو 2015·
إنهيار أرضي يبتلع
قريه كولومبيه بالكامل و يقتل العشرات !! .
.
.......... أدي
اللي بناخده من جيش المكرونه , مايعملشي حاجه و تطلع عدله أبدا .
.......................................................................................................................................
Mohamed
Hussein
18
مايو 2015·
مروه كان شعرها
خشن و مجعد و قصير , و استخدمت منتجنا الجديد الحصري , خلاصه زيت البرغوت الفلبيني
الدكر , لمدة 6 اسابيع بس , شوفتو بقى شعر نرمين حلو و ناعم و طويل ازاي بعد ما مروه
استخدمت منتجنا الحصري ؟ .
....................................................................................................................................
Mohamed
Hussein
18
مايو 2015·
حكاية وطن و حيطان
البيت
.
كان فيه واحده
ست كبيره قاعده ورا باب بيتها , مزروعه زي الشجره , ولادها كتير أوي , في يوم من الأيام
ولادها قالو لها : الحقي يامه , علاء ابنك عايز اللي يمسك مصروف البيت و يوزع بينا
الشغل ييجي بالإختيار مننا , و كل فتره كده نختار واحد و نعمله الكبير بتاعنا , الست
سكتت و مانطقتش .
.
شويه كمان و ولادها
قالو لها : الحقي يامه , حمزه ابنك عايزك تتنقبي و ماتتكلميش عشان صوتك عوره و هيجيب
صحابه الدقون يعيشو معانا هنا و يطرد بنتك ميريام و ابنك جرجس يا اما يشغلهم بالسُخره
, الست سكتت و مانطقتش .
.
الولاد فكرو امهم
عجزت و مابقتشي تسمع و جايز تكون ماتت , لحد ما جه يوم و قالو لها : الحقي يامه فيه
ناس اغراب جايبين أجنه و شاكوش و بيهدو في حيطان البيت من بره و علاء و حمزه بيساعدوهم
, الست نطت من مكانها مره واحده و وقفت على رجليها و رمت لعيالها كل واحد عصايه و سكينه
, و قالت لهم ماتبقوش ولادي لو ماجبتوش ليا روس ولاد الكلب اللي بره , و خواتكو علاء
و حمزه تحبسوهم في أوضه و تقفلو عليهم و لو فضلو يساعدو ولاد الكلب يبقى تجيبولي راس
الإتنين قبل روس الأغراب
.............................................................................................................................
Mohamed
Hussein
18
مايو 2015 ·
خمسه مواه
.
خلية عرب شركس
ارتكبو أكتر من 40 عمليه ارهابيه , قتلو لواء و عساكر و هجمو على عربيات شرطه و كماين
.
.
القاضي غلطان
, مالهوش حق , إعدام ليه بس ؟ هما يعني كانو عملو ايه ؟ دي كل الحكايه 40 عمليه ارهابيه
, المفروض القاضي كان أطلق سراحهم عشان يكملو مسيرة النضال و يكسرو الرقم القياسي بتاع
ريا و سكينه.
.
و قيادات الإخوان
بيحرقو بلد بحالها من شهور و سنين , مئات الشهداء و ألف عملية تفجير و خساير بالمليارات
, ده غير الخيانه و الهروب من السجون , يبقى ياخدو أحكام بالإعدام ليه ؟ المفروض نديهم
جايزة نوبل للسلام و نجمة سينا .
.
حمدين صباحي في
كل الأحوال مستاء من أحكام الإعدام , و أكيد البرادعي واخد على خاطره , و العريفي قلبه
مقبوض و أمريكا تعرب عن قلقها.
.
في كوكب الإرهابيين
و الكولجيه كل شئ مباح , 1- تضربني بالقلم هحبك , 2- تضربني بشومه على دماغي هحبك أكتر
, 3- تحرق بيتي هعشقك , 4- تشيل سلاح في الشوارع هموت في هواك , 5- تقتل ولادي هقولك
يالله بينا عالمأذون ( خمسه مواه ).
.....................................................................................................................................
Mohamed
Hussein
17
مايو 2015·
عالمستوى الشخصي
أتمنى تنفيذ حكم الإعدام في خيرت الشاطر و بديع ( روس الأفعى ) , و عمري ما تعاطفت
ولا هتعاطف معاهم .
.
أما مرسي فلأ
, مش عشان كان رئيس مصر , أصلا دي كانت سنه هباب , إنما مرسي تحديدا و بحد و من غير
هزار و الله بحس انه عبيط و هلهلي كده , يعني لا يُسألُ عما يفعل , هما قالو له هتبقى
رئيس مصر قالهم ماشي , قالو له اطلع قول كذا قال لهم ماشي , اصدر قرار بكذا يقول ماشي
, طلّع اعلان دستوري في نصاص الليالي يقول ماشي , ماتسمعشي كلام الناس انت حلو و زي
الفل و شعبيتك في ازدياد يقول لهم صح ماشي .
.
لما كنت بسمع خطب
مرسي أيام السنه الهباب كنت بحس ان تصنيفه في الذكاء idiot
اللي هي أقل حاجه و بالعربي أحمق , و الوصف بتاع حالته can not save himself from physical
dangers يعني مابيحميش
نفسه من أخطار الطبيعيه , واحد في ظرف كام شهر كان معادي الشعب المصري و الأقباط و
التاريخ و والشوارع و التراب و الحواري و بيحاول يلعب في جينات دوله عمرها 7 الاف سنه
يعني كان بيعادي الطبيعه , و فهموه ان العيال بتوع حماس بالعربيتين النص نقل اللي عندهم
هيحموه من شعب مصر و جيشها , يبقى idiot
ده ولا مش idiot
?!.
.
أعتقد المحامي
بتاع مرسي لو قدم شهاده بتثبت انه عبيط هياخد براءه , و من غير شهاده حتى , مرسي مش
محتاج شهادات , ديتّها القاضي بس يقوله اتكلم يا مرسي أنا عايز أسمع منك انت , و ساعتها
القاضي بنفسه هو اللي هيدي لمرسي الشهاده مع حكم البراءه و التحويل لمستشفى العباسيه
.
.
و ياحمد ابقى قول
لمامتك تفتح التلفزيون و تشوفني وانا رايح العباسيه .
....................................................................................................................................
Mohamed
Hussein
17
مايو 2015·
خروف ده ولا أينشتاين
؟
.
لما موقع ميدياوي
الإخوانجي ينشر خبر و يكتب عليه ( إشرب بقى ) و طبعا يقصد إن النظام الحاكم في مصر
اللي يشرب .
.
الخبر بيقول :
شاهد أول ردود الفعل السعوديه على قرار التحفظ على أموال ابو تريكه !! تفتح اللينك
تلاقي كاتب سعودي درجه تاسعه برياله ( أه كل دوله فيها ناس برياله عادي ) كاتب تغريده
بيقول إن الإنقلاب العسكري في مصر بينهار اقتصاديا تماما و الدليل التحفظ على أموال
أبو تريكه !! .
طب المشكله مش
في الموقع الخرائي و لا في الكاتب الحساوي اللي تخيل أموال ابو تريكه هتنقذ اقتصاد
مصر , المشكله ان الخبر ده معمول له 20 ألف لايك و كام ألف شير .
.
طب بتزعل ليه بقى
لما نقول عليك خروف و بهيمه ؟ يعني لما يكون عقلك واصل للجنط و الجمجمه دي من جوه مليانه
سباخ أقول عليك خروف ولا أقول عليك أينشتاين ؟!.
.....................................................................................................................................
Mohamed
Hussein
17
مايو 2015·
أنا و ساره ( مكالمة
تليفون )
.
أنا : ألو
المتصل ( صوت نسائي
غالبا أنسه ) : ألوو
.
أنا : أيوه تحت
أمر حضرتك
المتصل : معاك
ساره من شركة اكسكلوسيف
.
أنا : أهلا و سهلا
ساره : حضرتك سمعت
عن اكسكلوسيف قبل كده ؟
.
أنا : الحقيقه
لا
ساره : طب ممكن
أقول لحضرتك الأوفر بتاعنا لو عجبك اشترك معانا , ماعجبكش قول شكرا يا ساره و لا كأنك
سمعت حاجه .
.
أنا : أوكيه
ساره : حضرتك اكسكلوسيف
بيمنحك خصم من 10 % ل 35 % في محلات كتير جدا في القاهره و اسكندريه , ممكن أقول لحضرتك
اسماء المحلات ؟.
.
أنا : ممممممممم
أوكيه
ساره ( لمدة 9دقايق
و بسرعه جدا ) : حضرتك احنا معانا محلات $%% للأحذيه و مطاعم #$%% و كريستال عصفور
و مطعم ابو شقره و كافيه #$%$ و محل @$%%^ و فيتشي و محلات #$%^ للعطور الفرنسيه و
محلات أديداس و مطعم بريجو و محل $%% للساعات السويسري و ولاد رجب و انضم لنا مطعم
##$# و كافيه @#$%^ و شركة #$#$ و مطعم تشيليز و محل #$%& و السلاب و ستاربكس
.
.
أنا : شكرا يا
ساره و لا كأني سمعت حاجه .
ساره : طب حضرتك
تعرف اسماء المحلات اللي قولتها ؟ .
.
أنا : أه طبعا
, اعرف ولاد رجب و التوحيد و النور
ساره : بس انا
ماقولتش التوحيد و النور .
.
أنا : أه ماقولتيش
بس أنا أعرف التوحيد و النور يا ساره .
..................................................................................................................................
Mohamed
Hussein
17
مايو 2015·
يا نصابين دلّوني
.... العُشْب فين أراضيه
.
في بلاد الصين
و الفلبين و مدينة التنين الأزرق هناك قريه للمعمرين الطاعنين في العمر , منهم السيده
يوكوهاما كاريوكي البالغه من العمر 375 سنه و 7 شهور و التي حضرت 4 قرون و عاصرت
87 ملك و رئيس و 65 ثوره مصريه .
.
و عن سر صحتها
و عمرها الطويل قالت السيد كاريوكي إنها كانت كل يوم قبل ما تنام بتغسل رجليها و تنقعهم
في مايه بخليط الأعشاب و منها عشب البراسيلس أوكتاميوس و الهالوليبس هرياميوس و عشب
الخراسيلاس فيسافسي .
.
و لما سُئلت السيده
كاريوكي عن زوجها قالت أنه توفى من بتاع 290 سنه عن عمر يناهز 165 سنه بس ( يعني كان
عيل ) , و عن سبب وفاته قالت : جوزي مكانشي بيسمع الكلام و لا بيغسل رجليه قبل ما ينام
!!.
.
فقد أثبتت الدراسات
البيزنطيه الحديثه أن القدم به مراكز للصحه و طولة العمر و الراحه , أه و الله صح جدا
, هي مراكز للراحه فعلا , و انا عن نفسي أكتر مركز بيريحني هو مركز السنبلاوين .
...............................................................................................................................
Mohamed
Hussein
16
مايو 2015·
حمدي قنديل : لو
كان السيسي حارب اليهود بنصف ما فعله تجاه الارهاب لتمكنت من الصلاة فى الصف الاول
داخل المسجد الاقصي الحبيب لكنه للأسف ابن جيش كامب ديفيد وخادم أمريكا المطيع.
.
ممممممممممم انت
عبيط يا حمدي ؟ و الله عبيط , كبرت و خرفت شكلك , و اللي يسمعك يقول مقطّع حُصر الجامع
و بتتشحتف عالمسجد الأقصى .
انما يرجع مرجعونا
لحكاية انك حمار و عبيط دي , منين بتقول بيحارب الإرهاب و منين يكون خادم أمريكا المطيع
؟!! ياهبل يابن الاهبل .
.
عايز تنحرف و تبيع
فلازم تفهم ان البيع و الإنحراف ده له اصوله , يعني تويته زي بتاعتك ماينفعشي تكتب
فيها بيحارب الإرهاب , المفروض ياهبل تقول بيحارب المسلمين المسالمين الأتقياء اللي
مقطعين حصر الجامع زي سعادتك كده .
.......................................................................................................................................
Mohamed
Hussein
15
مايو 2015·
موجز الصحافه
: قطر أنفقت 720 مليون دولار في 8 شهور لتشويه سمعة مصر و دعم الفوضى فيها ( يعني
5 مليار جنيه ) !!.
.
الرقم ده بيشمل
فتح قنوات فضائيه للخرفان في أكتر من دوله و دفع مرتباتهم و أكلهم و شربهم و برسيمهم
و تبنهم , و شراء و فتح جرايد في دول اوروبيه زي اللي بيكتب فيها بلال فضل و وائل لا
مؤاخذه قنديل , و تكلفة الليالي الفندقيه و المزّه و قمصان النوم و اللانجريهات لمحمد
محسوب و شلة الكولجيه اللي بيطلعو في الجزيره .
.
ورد في الأثر إن
قطر هتحرر القدس و الأندلس و بتدعم الثورات و الحريات ............. (( من يوميات ناشط
سياسي بقميص نوم بامبي و راسم على صدره تاتو فراشه )).
....................................................................................................................................
ليست هناك تعليقات:
إرسال تعليق